შსს

მომსახურების სააგენტო მძღოლობის კანდიდატებს მნიშვნელოვან რჩევებს უზიარებს

შინაგან საქმეთა სამინისტროს მომსახურების სააგენტო მძღოლობის კანდიდატებს მნიშვნელოვან რჩევებს უზიარებს. სააგენტოს განმარტებით, გზებზე მკვეთრი დამუხრუჭება შესაძლოა ავტომობილის მოცურებასა და მართვის დაკარგვას გამოიწვიოს, ამიტომ მძღოლებმა სიჩქარე უნდა შეამცირონ და განსაკუთრებული სიფრთხილე გამოიჩინონ.მნიშვნელოვანი რეკომენდაცია უსაფრთხო დისტანციის დაცვას ეხება. სააგენტოს ინფორმაციით, წინ მოძრავ ავტომობილთან სათანადო დისტანციის შენარჩუნება მძღოლს მოულოდნელი დამუხრუჭების შემთხვევაში საფრთხის თავიდან აცილებაში ეხმარება.შსს მოუწოდებს ყველა მძღოლს, დაიცვან საგზაო მოძრაობის წესები, შეარჩიონ გზისა და ამინდის პირობების შესაბამისი სიჩქარე და მაქსიმალური ყურადღებით მართონ ავტომობილი.

პოლიტიკა • 1782825038

საქართველოსა და სომხეთის შინაგან საქმეთა მინისტრებმა ორმხრივი შეხვედრა გამართეს

საქართველოს შინაგან საქმეთა მინისტრმა სულხან თამაზაშვილმა, სომხეთის რესპუბლიკაში ოფიციალური ვიზიტის ფარგლებში ორმხრივი შეხვედრა გამართა სომხეთის შინაგან საქმეთა მინისტრთან არპინე სარგსიანთან. ინფორმაციას შსს ავრცელებს.შეხვედრაზე მხარეებმა მზადყოფნა გამოთქვეს ორი ქვეყნის სამართალდამცავ უწყებებს შორის არსებული მჭიდრო პარტნიორობის შემდგომი გაღრმავების თაობაზე. მათ ასევე განიხილეს საერთო ინტერესის სფეროებში თანამშრომლობის გაძლიერებისა და ორმხრივი კავშირების განვითარების სამომავლო პერსპექტივები.ორი ქვეყნის შინაგან საქმეთა მინისტრებმა, ასევე, ისაუბრეს საპოლიციო თანამშრომლობის ფარგლებში ინფორმაციისა და გამოცდილების გაზიარების მნიშვნელობაზე და მიმოიხილეს როგორც მიმდინარე, ასევე, დაგეგმილი პროექტები და რეფორმები.შეხვედრის ფარგლებში, საქართველოს შინაგან საქმეთა მინისტრმა ხაზგასმით აღნიშნა, რომ ქართული მხარე ყოველთვის მზად არის სომხურ მხარესთან სხვადასხვა მიმართულებით თანამშრომლობის გაღრმავებისთვის.მხარეებმა ასევე ხაზი გაუსვეს სამხრეთ კავკასიის რეგიონის სტაბილური განვითარებისთვის მშვიდობისა და უსაფრთხოების უზრუნველყოფის მნიშვნელობას და საპოლიციო დანაყოფებს შორის ეფექტიანი, ოპერატიული თანამშრომლობის შემდგომი განვითარების გეგმები განიხილეს.შეხვედრის დასასრულს, სულხან თამაზაშვილმა სომეხ კოლეგას მადლობა გადაუხადა სომხეთის რესპუბლიკაში მიწვევისთვის და საპასუხო ოფიციალური ვიზიტით საქართველოში მოიწვია.

სამართალი • 1782743689

გოგი წულაიას შეურაცხყოფისთვის, სასამართლომ გიორგი სარაჯიშვილი 1 500 ლარით დააჯარიმა

სიძულვილის ენის წინააღმდეგ სასამართლო პროცესები გრძელდება. თბილისის საქალაქო სასამართლომ განიხილა გიორგი სარაჯიშვილის საქმე, რომელმაც შეურაცხყოფა მიაყენა გოგი წულაიას. სარაჯიშვილი 1 500 ლარით დაჯარიმდა.შსს წარმომადგენელი აცხადებს, რომ დამნაშავეს სახდელის სახით შეეფარდა 1500 ლარი.„გიორგი სარაჯიშვილის მიმართ სამართალდარღვევის საქმე შედგენილ იქნა ადმინისტრაციულ სამართალდარღვევათა კოდექსის 166-ე მუხლის პირველი ნაწილის საფუძველზე, რადგან მან საჯარო სივრცეში, კონკრეტულად ფეისბუქზე, შეურაცხყოფა მიაყენა ბატონ გიორგი წულაიას, აღნიშნული ფაქტი დაიდენტიფიცირდა შსს-ს შესაბამისი სამსახურის მიერ.თბილისის საქალაქო სასამართლოს დადგენილებით, აღნიშნული პიროვნება ცნობილ იქნა სამართალდამრღვევად და, სახდელის სახით, შეეფარდა 1 500 ლარი,“ - აცხადებს შსს-ს წარმომადგენელი.დღესვე, სასამართლომ, კიდევ ერთ საქმეზე, 3 000 ლარით დააჯარიმა თამარ გიორგაძე. გიორგაძემ სოციალურ ქსელში შეურაცხყოფა მიაყენა "ქართული ოცნების" დამფუძნებელსა და საპატიო თავმჯდომარეს, ბიძინა ივანიშვილს.სიძულვილის ენის წინააღმდეგ ბრძოლის სამმართველოს მიმართვის საფუძველზე, სასამართლოებში, ამ ეტაპზე, 100-მდე საქმე განიხილება.

სამართალი • 1782733168

თამარ გიორგაძის ქმედება შეიცავდა როგორც წყევლას, ასევე სიტყვიერ შეურაცხყოფას, რომელიც მიემართებოდა ბატონ ბიძინა ივანიშვილს - შსს-ს იურისტი

შსს-ს იურისტი, სალომე ქირია სიძულვილის ენის წინააღმდეგ სასამართლოს მიერ მიღებულ გადაწყვეტილებაზე საუბრობს. საუბარია საქმეზე, რომლის მიხედვითაც სასამართლომ 3 000 ლარით დააჯარიმა თამარ გიორგაძე. გიორგაძემ სოციალურ ქსელში შეურაცხყოფა მიაყენა "ქართული ოცნების" საპატიო თავმჯდომარეს ბიძინა ივანიშვილს."ქალბატონი თამარის მიმართ ოქმი შედგა ადმინისტრაციულ სამართალდარღვევათა კოდექსის 166-ე მუხლის პირველი ნაწილის საფუძველზე. მისი ქმედება შეიცავდა როგორც წყევლას, ასევე, სიტყვიერ შეურაცხყოფას, რომელიც მიემართებოდა ბატონ ბიძინა ივანიშვილს. პროცესის ფარგლებში არაერთხელ განვიხილეთ ეს საკითხი. ეროვნული სასამართლოების მიერ დადგენილებების საფუძველზე, სხვა დროს წყევლა ნამდვილად შეფასებულა სიტყვიერ შეურაცხყოფად და ამაზე არაერთი გადაწყვეტილება არსებობს. შესაბამისად, ვფიქრობ, რომ სასამართლომ სწორად შეაფასა წარმოდგენილი მტკიცებულებები.რაც შეეხება სახდელის სახეს, სასამართლომ განსაზღვრა ჯარიმა 3 000 ლარის ოდენობით. ჯარიმის რაოდენობას თავად სასამართლო განსაზღვრავს. რადგან დადასტურდა ნათლად ქმედების არსებობა, რა თქმა უნდა, ვეთანხმები აღნიშნულს და სასამართლოს მიერ სწორად შეფასდა წარმოდგენილი მტკიცებულება", - განაცხადა შსს-ს იურისტმა, სალომე ქირიამ.

სამართალი • 1782720480

შსს-მ უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება გაანადგურა

შინაგან საქმეთა მინისტრის ბრძანების საფუძველზე შექმნილმა მუდმივმოქმედმა კომისიამ, საქართველოს მასშტაბით სხვადასხვა დროს ჩატარებული საგამოძიებო ღონისძიებების შედეგად, უკანონო ბრუნვიდან ამოღებული 700 კილოგრამამდე ნარკოტიკული საშუალებები გაანადგურა, რომელთა საერთო ღირებულება ე.წ. შავ ბაზარზე 37 მილიონ ლარს აღემატება. ინფორმაციას შსს ავრცელებს."საექსპერტო-კრიმინალისტიკური დეპარტამენტის თანამშრომლებმა, სპეციალურ თანამედროვე სტანდარტების მაღალტემპერატურულ ღუმელში (ინსინერატორი) განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის: 1289 გრამი და 12 ტაბლეტი „მეთადონი“, 631 კილოგრამი „კანაფი“, 60 გრამი „ჰეროინი“, 2294 გრამი „კოკაინი“, 238 გრამი „ალფა-პვპ“, 30 გრამი „კლეფედრონი“, 985 გრამი და 10 ტაბლეტი “მდმა“, 39 გრამი და 401 ტაბლეტი „ბუპრენორფინი“, 317 ტაბლეტი „ტრამადოლი“, 992 ტაბლეტი „დიაზეპამი“, 121 ტაბლეტი „კოდეინი“ გაანადგურეს. ასევე, განადგურდა ფსიქოტროპული და ახალი ფსიქოაქტიური ნივთიერებები.არსებული კანონმდებლობის შესაბამისად, ნარკოტიკების განადგურების პროცესში, რომელიც გარემოსდაცვითი თანამედროვე სტანდარტების შესაბამისად ჩატარდა, მუდმივმოქმედი კომისიის წევრ შინაგან საქმეთა სამინისტროს თანამშრომლებთან ერთად, გენერალური პროკურატურისა და შრომის, ჯანმრთელობისა და სოციალური დაცვის სამინისტროს წარმომადგენლები მონაწილეობდნენ," - აღნიშნულია უწყების მიერ გავრცელებულ ინფორმაციაში.

სამართალი • 1782714918

სამართალდამცველებმა ნარკოდანაშაულის ბრალდებით ოთხი პირი დააკავეს

საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალებისა და ფსიქოტროპული ნივთიერებების უკანონო შეძენა-შენახვის, ასევე, რეალიზაციის ხელშეწყობის ბრალდებით ოთხი პირი დააკავეს.შსს-ს ცნობით, სამართალდამცველებმა ბრალდებულების პირადი, ავტომობილებისა და საცხოვრებელი სახლების ჩხრეკის შედეგად, ნივთმტკიცებად ამოიღეს სარეალიზაციოდ გამზადებული განსაკუთრებით დიდი ოდენობით ნარკოტიკული საშუალებები და ფსიქოტროპული ნივთიერებები, მათ შორის: ერთ კილოგრამამდე „მდმა“, ნახევარ კილოგრამამდე „ალფა პვპ“ და „მეფედრონი“, „კოკაინი“, „მეტადონი“, „ლსდ“ და „კეტამინი“.საგამოძიებო მოქმედებების შედეგად, სამართალდამცველების მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები.გამოძიება სისხლის სამართლის კოდექსის 260-ე, 260-ე კვარტა და 261-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

სამართალი • 1782640059

სამართალდამცველებმა ძებნაში მყოფი სამი არასრულწლოვანი დააკავეს

შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჯგუფურად, არაერთგზის ჩადენილი ქურდობის ბრალდებით სამი არასრულწლოვანი დააკავეს. შსს-ს ინფორმაციით, დაკავებულები თბილისის საქალაქო სასამართლოს განჩინების საფუძველზე იძებნებოდნენ და მათ წინასწარი პატიმრობა დაუსწრებლად ჰქონდათ შეფარდებული.უწყების ცნობით, არასრულწლოვნების მიერ ჩადენილი დანაშაულებრივი ქმედების შედეგად, თბილისში მდებარე ერთ-ერთ სავაჭრო ობიექტს 60 000 ლარამდე ფინანსური ზარალი მიადგა. სამართალდამცველებმა ძებნილი არასრულწლოვანი პირები სხვადასხვა დროს ჩატარებული საგამოძიებო მოქმედებების შედეგად დააკავეს.

სამართალი • 1782639814

საპატრულო პოლიციამ ცეცხლსასროლი იარაღები და ნარკოტიკი ამოიღო - დაკავებულია ერთი პირი

შინაგან საქმეთა სამინისტროს საპატრულო პოლიციის დეპარტამენტის იმერეთის მთავარი სამმართველოსა და ამავე დეპარტამენტის იმერეთის საგამოძიებო სამსახურის თანამშრომლებმა, ცეცხლსასროლი იარაღის, საბრძოლო მასალისა და ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს. ინფორმაციას შსს ავრცელებს.უწყების ცნობით, სამართალდამცველებმა ბრალდებულის საცხოვრებელი სახლის და დამხმარე სათავსოების ჩხრეკის შედეგად, ნივთმტკიცებად ამოიღეს იარაღები, ხელყუმბარები,მჭიდები და სხვადასხვა მოდელის ცეცხლსასროლი იარაღისთვის განკუთვნილი 1200 ვაზნა. საგამოძიებო მოქმედებების შედეგად, ასევე ამოღებულია ნარკოტიკული საშუალება „ბუპრენორფინი“.გამოძიება სისხლის სამართლის კოდექსის 236-ე და 260-ე მუხლებით მიმდინარეობს, რაც 6 წლამდე ვადით თავისუფლების აღკვეთას ითვალისწინებს.

პოლიტიკა • 1782473657

პრემიერი: ჩვენს სამართალდამცავ სტრუქტურებს, განსაკუთრებით შსს-ს, სუს-ს სდსს-ს მინდა, მადლობა გადავუხადო იუველირული მუშაობისთვის გასული წლის 4 ოქტომბერს, საბოლოო ჯამში დამხობის მცდელობა დასრულდა წარუმატებლად და მადლობა მათ უმაღლეს დონეზე - ევროპულზე და ამერიკულზე მაღალი სტანდარტით მოქმედებისთვის

ჩვენს სამართალდამცავ სტრუქტურებს, განსაკუთრებით შსს-ს, სუს-ს სდსს-ს მინდა, მადლობა გადავუხადო იუველირული მუშაობისთვის გასული წლის 4 ოქტომბერს, - განაცხადა საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას.მისივე თქმით, დამხობის მცდელობა დასრულდა წარუმატებლად და სამართალდამცავმა სტრუქტურებმა იმუშავეს ამერიკულზე და ევროპულზე მაღალი სტანდარტებით.„მე მინდა, შევეხო ასევე პოლიტიკურ მოვლენებს, რომლებიც განვითარდა საანგარიშო პერიოდის განმავლობაში. შარშან ჩატარდა მუნიციპალური არჩევნები ძალიან დიდი წარმატებით, არავითარი კრიტიკა ამ შემთხვევაში არ ჰქონია ოპოზიციას არჩევნების ჩატარებასთან დაკავშირებით, თუმცა 4 ოქტომბერს უცხოურმა აგენტურამ დაამთხვია ხელისუფლების დამხობის მცდელობა. და მე მინდა ვისარგებლო შემთხვევით და ჩვენს სამართალდამცავ სტრუქტურებს, განსაკუთრებით შინაგან საქმეთა სამინისტროს, სახელმწიფო უსაფრთხოების სამსახურს, სახელმწიფო დაცვის სპეციალურ სამსახურს, მინდა მადლობა გადავუხადო იუველირული მუშაობისთვის გასული წლის 4 ოქტომბერს. ძალიან მძიმე პროცესები იყო და ძალიან სერიოზულად იმუშავეს პრევენციულადაც საფრთხეების აღსაკვეთად და უშუალოდ 4 ოქტომბრის დღეს, როდესაც იყო პირდაპირი შტურმი პრეზიდენტის სასახლეზე, ღონისძიებები ჩატარდა ისე, რომ ერთი თმის ღერი არავის ჩამოვარდნია. საბოლოო ჯამში, დამხობის მცდელობა დასრულდა წარუმატებლად. კიდევ ერთხელ მადლობა სამართალდამცავ სტრუქტურებს უმაღლეს დონეზე, ევროპულზე და ამერიკულზე მაღალი სტანდარტით მოქმედებისთვის,“- განაცხადა პრემიერმა.

სამართალი • 1782459657

მდინარე ალაზანზე ბრაკონიერობის ფაქტი გამოვლინდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის კახეთის რეგიონული სამმართველოსა და შსს-ს სასაზღვრო პოლიციის თანამშრომლებმა ერთობლივად ჩატარებული ღონისძიების შედეგად, დედოფლისწყაროს მუნიციპალიტეტში ბრაკონიერობის ფაქტი გამოავლინეს.სოფელ საბათლოს მიმდებარედ, მდინარე ალაზანზე, დაცულ ტერიტორიაზე, მოქალაქე თევზჭერას აკრძალული საშუალების – დიდი ზომის თევზმახის გამოყენებით ახდენდა. სამართალდამრღვევს უკანონოდ ჰქონდა მოპოვებული ლოქოს სახეობის 6 კგ-მდე თევზი.სამართალდამრღვევის მიმართ შედგა შესაბამისი ოქმები.ბრაკონიერობის წინააღმდეგ ბრძოლა გარემოსდაცვითი ზედამხედველობის დეპარტამენტისთვის პრიორიტეტია. დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ, რათა დროულად მოხდეს უკანონო თევზჭერისა და სხვა გარემოსდაცვითი სამართალდარღვევის ფაქტების პრევენცია, აღკვეთა და გამოვლენა. ამასთან, მყისიერი რეაგირება ტარდება გარემოს დაცვისა და სოფლის მეურნეობის სამინისტროს ცხელ ხაზზე (153) შემოსულ თითოეულ შეტყობინებაზე.ინფორმაციას გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი ავრცელებს.

სამართალი • 1782455774

„ყალბი რეკლამით და ხელშეკრულებით, მოქალაქეს ბინის რემონტს სთავაზობდნენ და 242 000 ლარი წინასწარ გამოართვეს...“ - თაღლითობის ბრალდებით ერთი პირი დააკავეს, ხოლო მეორეს მიმართ ძებნა გამოცხადდა

საქართველოს შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თაღლითობის წინააღმდეგ ბრძოლის სამმართველოს თანამშრომლებმა, დიდი ოდენობით თანხის თაღლითურად დაუფლების ბრალდებით ერთი პირი დააკავეს, ხოლო მეორეს მიმართ ძებნა გამოცხადდა.შსს-ს ცნობით, გამოძიებით დადგინდა, რომ ბრალდებულები ყალბი რეკლამისა და ფიქტიური ხელშეკრულებების გამოყენებით მოქალაქეებს ბინების მშენებლობა-რემონტს სთავაზობდნენ.„სამუშაოების სწრაფად შესრულების საბაბით, ბრალდებულებმა დაზარალებულებს თანხა წინასწარ გამოართვეს – ჯამში 242 000 ლარი, რაც ისე მიისაკუთრეს, რომ ვალდებულება არ შეასრულეს.სამართალდამცველებმა ჩატარებული ოპერატიული ღონისძიებების შედეგად, დანაშაულის ერთ-ერთი ჩამდენი, მოსამართლის განჩინების საფუძველზე, ბრალდებულის სახით დააკავეს, ხოლო მეორე ბრალდებულის მიმართ სისხლისსამართლებრივი დევნა დაუსწრებლად დაიწყო.გამოძიება სისხლის სამართლის კოდექსის 180-ე მუხლის მე-2 ნაწილის „ა“ ქვეპუნქტით, ასევე, მე-3 ნაწილის „ბ“ და „გ“ ქვეპუნქტებით მიმდინარეობს, რაც ცხრა წლამდე თავისუფლების აღკვეთას ითვალისწინებს“, – აღნიშნულია შსს-ს ინფორმაციაში.

სამართალი • 1782455592

შიდა ქართლის პოლიციამ ექვს კილოგრამამდე ნარკოტიკი ამოიღო, დაკავებულია უცხო ქვეყნის მოქალაქე

საქართველოს შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების შეძენა-შენახვისა და ნარკორეალიზაციის ხელშეწყობის ბრალდებით, უცხო ქვეყნის მოქალაქე დააკავეს.შსს-ს ცნობით, სამართალდამცველებმა ბრალდებულის დროებით საცხოვრებელ ბინაში ჩატარებული ჩხრეკის შედეგად, განსაკუთრებით დიდი ოდენობით სარეალიზაციოდ გამზადებული, 14 შეკვრად დაფასოებული ნარკოტიკული საშუალება – ექვს კილოგრამამდე გამომშრალი „მარიხუანა“ ამოიღეს.„საგამოძიებო მოქმედებების შედეგად, ასევე, ამოღებულია ნარკოტიკული საშუალებების დაფასოებისთვის საჭირო მასალები და სავარაუდოდ, რეალიზაციის შედეგად მიღებული ფული.გამოძიება სისხლის სამართლის კოდექსის 260-ე და 260-ე კვარტა მუხლით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“, – ნათქვამია შსს-ს ინფორმაციაში.