ქურდები

იტალიის პარლამენტის ზედა პალატამ დაამტკიცა კანონპროექტი, რომელიც სისხლის სამართლის დანაშაულად აცხადებს გზების ბლოკირებასა და საზოგადოებრივი ქონების დაზიანებას

იტალიის პარლამენტის ზედა პალატამ საბოლოოდ დაამტკიცა უსაფრთხოების ფართომასშტაბური ზომები, რომლის სამიზნეა საჯარო საპროტესტო აქციები, ჯიბის ქურდები და ის პირები, ვინც იკავებს კერძო ქონებასს, ასევე ე.წ. „ლეგალური“ კანაფი. ინფორმაციას ამის შესახებ სააგენტო Reuters-ი ავრცელებს.აღნიშნული ზომები ოპოზიციურმა ჯგუფებმა და სამოქალაქო უფლებების დამცველებმა გააკრიტიკეს, როგორც ზედმეტად რეპრესიული.კანონპროექტი სისხლის სამართლის დანაშაულად აცხადებს გზების ბლოკირებასა და საზოგადოებრივი ქონების დაზიანებას.ახალი კანონი მიმართულია კლიმატის აქტივისტების წინააღმდეგ, რომლებიც ხშირად აფერხებენ ტრანსპორტის მოძრაობას და საღებავებს ესვრიან მონუმენტებს.

კრიმინალი • 1747739527

დააკავეს თათარსტანის ერთადერთი „კანონიერი ქურდი“, მეტსახელად, რომა სიჩი

დააკავეს თათრეთის ერთადერთი „კანონიერი ქურდი“, რომან სიჩევი, მეტსახელად რომა სიჩი. მედია წერს, რომ სიჩევი თათრეთის საგამოძიებო კომიტეტში 15 წლის წინ მომხდარი მკვლელობის საქმეზე დაკითხვაზე. თუმცა, გამომძიებლის კაბინეტში მას თაღლითობისა და გამოძალვის საქმეზე წაუყენეს. სიჩევის ე.წ კორონაცია 37 წლისას მოხდა. მის „კორონაციაში“ მონაწილეობას იღებდნენ ისეთი გავლენიანი „კანონიერი ქურდები“, როგორებიც არიან - „სერეგა სამარსკი“, „მუხა“, „პანი“, „შიშკანი“

ისტორიები • 1747689319

„გასვენებაში ერთი ქალი მოვიდა, რომელიც გულამოსკვნილი ტიროდა. რომ მიხვდა, ვერავინ ვიცანით, მერე გვითხრა...“ - ნახალოვკელი მძღოლის დაუჯერებელი ისტორია

გასული საუკუნის „ნახალოვკა“ და „ნახალოვკელები“ თბილისის ისტორიაში ცალკე თემა და ფენომენია. ერთი შეხედვით „ძველი ბიჭებით“ ცნობილ უბანს ბევრი კოლორიტი გაუზრდია. ერთი მათგანი, „ბოი ვასო“ გახლავთ, გვარად ციმაკურიძე.მის მეუღლესთან ინტერვიუ სოციალურ ქსელში ერთმა სტატუსმა გადამაწყვეტინა, სადაც ავტორი ასეთ რამეს წერდა:„მრავალი წლის, მრავალი ქარტეხილის შემდეგ, რაც ჩვენ, როგორც ხალხს თავს გადაგვხდა, შეგვიძლია შევაფასოთ და სახელები დავარქვათ განვლილ მოვლენებს.საბჭოურ სახელმწიფო სისტემას, რომელიც ადამიანებს თავს მოგვახვიეს, ვერაფრით ვუწოდებთ წყობას, რომელიც შეიქმნა ადამიანების სულიერი და ნივთიერი ცხოვრების მოსაწყობად, რადგან მისი არსით ის იყო სისტემა და ნებისმიერი სისტემა ადამიანს სულიერად რყვნის და ამახინჯებს.გარკვეულია ისიც, რომ ამ სისტემის შემადგენელი ნაწილები იყო: ოფიციოზი, მილიცია, უშიშროების კომიტეტი და ბოლის ქურდები. თუ პიროვნებას სახის შენარჩუნება და ადამიანად დარჩენა სურდა, უნებლიედ მოუწევდა ეომა, ეომა როგორც მილიციასთან და უშიშროებასთან, ისე ქურდებთან.სწორედ ასეთი პიროვნება იყო „ბოი ვასო“ (ციმაკურიძე), სრულიად მარტოდმარტოდ გიენა ქურდებთან და მილიციასთან ერთდროულად მეომარი.ერთხელაც, გამოკიდებიან ქურდები, სახლში კი შეასწრო, მაგრამ გარედან ესმის:– ვასო! შე დედალო, დაიმალე არა საქათმეში?!– ახლა განახებთ ვინ დედალია და ვინ მამალი, თქვენი დედები …!და, აგრიალდა ვასოს მთელი არსენალი, გეგონება ბატალიონი ომობსო.„ზილის” მძღოლი იყო, მშრომელი, სიმართლისთვის მებრძოლი“.მის სახელს დღევანდელი ახალგაზრდობა უფრო ინგლისურად – „ბიჭი ვასოდ“ აღიქვამს ალბათ, მაგრამ სინამდვილეში მისი მეტსახელი რუსული бой-დან (ჩხუბი) მოდის, რადგან მკლავი და ძალა ერჩოდა და ხშირად ჩხუბიც უწევდა. მას ნიკალაევიჩსაც ეძახდნენ. მამას ჰგავდა თურმე, ახოვანი და ვაჟკაცური. მის მამას კი დაჰკა კოლას ეძახდნენ, რადგან ისიც კარგი მოჩხუბარი ყოფილა.ბოი ვასო ნებისმიერმა „ნახალოვკელმა“ იცის. ის ერთი უბრალო, „ზილის“ მძღოლი იყო, რომლითაც მშენებლობებს ემსახურებოდა, მაგრამ დიდი ავტორიტეტით სარგებლობდა. მის სიტყვას წონა ჰქონდა. მეგობრობდა „ნახალოვკელ“ ყოჩებთან, თანამდებობის პირებთანაც და შავი სამყაროს წარმომადგენლებთანაც.მასზე ასეთი მოგონებაც არსებობს:„ერთი პერიოდი ავლაბრელი ბიჭები მაგრად „გრიმიტობდნენ“ და „ნახალოვკელებთან“ საჩხუბრად მოსულან. ამ სიტუაციას ბოი ვასოც შესწრებია და კარგა ხანს უდევნებია თვალყური კამათისთვის. მერე უცებ დაუყვირია – „ნახალოვკის კარები დაკეტეთო“ და მარჯვენა პირველს მოუქნევია. მას შემდეგ ავლაბრელები „ნახალოვკაში“ აღარ გამოჩენილან. თუმცა, ახლაც ვერ ვხვდები, „ნახალოვკის“ რომელი კარების დაკეტვას გულისხმობდა ბოი ვასო“ – წერს თავის წიგნში ძალოვანი სტრუქტურის წარმომადგენელი, გიორგი ჭიჭინაძე.ბოი ვასოს მეუღლე, ლიანა ციმაკურიძე დღესაც იმ სახლში ცხოვრობს, რომელიც ბევრი საინტერესო სტუმრისა თუ ამბის მომსწრეა.ის „პრაიმტაიმთან“ ექსკლუზიურად საინტერესო ამბებს მოჰყვა და მთელი ინტერვიუს განმავლობაში თვალზე ცრემლი არ შეშრობია:„მე ყაზბეგიდან ვარ, ფიცხელაურის ქალი. სკოლა რომ დავამთავრე, თბილისში ჩამოვედი, სტუდენტი გავხდი, შემდეგ ბიბლიოთეკაში დავიწყე მუშაობა და ქირით ვცხოვრობდი. მოვლილი მაქვს საბჭოთა კავშირის ყველა ქვეყანა, ძალიან ბევრს ვმოგზაურობდი, ბევრი რამ მაქვს ნანახი. როგორც ამბობენ, ლამაზ გოგოდ ვითვლებოდი, გათხოვებას კი არ ვჩქარობდი.უკვე ყველა მეჩიჩინებოდა, დროა გათხოვდეო, თან რომ მივიხედ-მოვიხედე, აღმოჩნდა, რომ ყველა ჩემი მეგობარი გათხოვილი იყო, შვილებიც ჰყავდათ და მართლაც დრო იყო, ოჯახის შექმნაზე მეზრუნა. სწორედ ამ პერიოდში ნათესავმა გადაწყვიტა, გაერიგებინა ჩემთვის „ერთი კარგი ბიჭი“. ორივე დაგვპატიჟეს საერთო ნაცნობის ოჯახში, სუფრაზე და იქ გავიცანი ჩემი მომავალი მეუღლე, ვასო ციმაკურიძე. შემდეგ შეხვედრა დამინიშნა და გავისეირნეთ. შემდეგ კიდევ და დაქორწინებაც გადავწყვიტეთ.ჯერ ყაზბეგში, ჩემს ოჯახში გვქონდა ქორწილი. 13 მანქანით ჩამოვიდნენ ჩემს წასაყვანად. მაშინ ჯვარს თითქმის არავინ იწერდა, 1974 წელი იყო. ჩვენ კი ჯვარი სვეტიცხოველში დავიწერეთ. შევედით ეკლესიაში, ყველა ჩუმადაა, ეკლესიაში ბუზის გაფრენის ხმას გაიგონებდი. გამოვიდა მღვდელი, რომელსაც ჩვენთვის ჯვარი უნდა დაეწერა. ვასომ გვარით მიმართა და ჰკითხა – შენ ის არა ხარ, ციხეში ერთად რომ ვისხედითო? თურმე ეს მღვდელი ყაჩაღობისთვის იხდიდა სასჯელს და ძალიან შეშფოთდა, რომ სხვებს არ გაეგონათ. ახლოს მოვიდა ჩვენთან და – ჩაიმღერა – გაჩუუუმდიიი, გაჩუუუმდიიი, ამიიინ.ჯვრისწერის შემდეგ ჯვრის მონასტერზეც ავედით და შემდეგ მივედით სეფაში. მოგეხსენებათ, ადრე ქორწილებს სეფაში იხდიდნენ ხოლმე. ჩვენი სახლის წინ, ზედ გზაზე იყო უზარმაზარი სეფა გადაჭიმული და მაგიდების გრძელი რიგები იყო ჩამწკრივებული. უამრავ ადამიანს იცნობდა და ძალიან დიდი ქორწილი გვქონდა. სახლში რომ შემოვედით, თოფი ისროლეს და ყველას აუწყეს, რომ პატარძალი მოიყვანეს. მერე სეფაში რომ შევედით, მარჯვენა მხარეს, გრძელ რიგში სულ მამაკაცები ისხდნენ. ისეთი გრძელი რიგები იყო მაგიდების, რომ შესასვლელიდან ძლივს მოჩანდა ის შემაღლებული ადგილი, სადაც ჩვენ უნდა დავმსხდარიყავით. ამ მამაკაცების წინ რომ ჩავიარეთ, ყველანი ფეხზე წამოდგნენ და ტაში დაგვიკრეს. ეს მომეწონა ძალიან და დამამახსოვრდა. გულში ვფიქრობდი, ბრეჟნევს გავყევი ცოლად თუ ბოი ვასოს-მეთქი?ქორწილში მომღერლებისა და მოცეკვავეების ანსამბლები იყვნენ და ჩვეულებრივი კონცერტი იყო. ზოგჯერ მავიწყდებოდა კიდეც, რომ ჩემი ქორწილი იყო, კონცერტზე მეგონა თავი.ერთი წუთითაც არ მინანია არასოდეს, რომ ცოლად გავყევი ვასოს. საოცარი ადამიანი იყო, საოცარი თვისებებით, უზადო ვაჟკაცი. ერთხელაც კი არაფერი შეშლია ჩემთან ურთიერთობაში და არც სხვებთან ურთიერთობაში. ერთგული და უღალატო ქმარი იყო. უყვარდა საჩუქრების მოტანა ჩემთვის და ბავშვებისთვის.მდიდრები არასოდეს ვყოფილვართ, ერთი ჩვეულებრივი მძღოლი იყო და „ზილზე“ მუშაობდა, მაგრამ ძალიან დიდი ავტორიტეტი ჰქონდა. იცნობდა თანამდებობის პირებსაც, კანონიერ ქურდებსაც, ძველ ბიჭებსაც. მის სიტყვას ფასი და წონა ჰქონდა. ჰყავდა თავისზე გაცილებით უმცროსი და უფროსი მეგობრებიც. ბავშვთან ბავშვი იყო და დიდთან – დიდი. სამართლიანი ადამიანი იყო. ბიჭები რომ იჩხუბებდნენ, ხშირად ამას ეძახდნენ ხოლმე, საქმის გასარჩევად, რადგან იცოდნენ, რომ სამართლიანად გადაწყვეტდა საქმეს და შეარიგებდა ბიჭებს.მეზობლის გასვენება იყო და დიდი სეფა იყო გაშლილი. მეორე მეზობლის ეზოში 4 მამაკაცი ცალკე იჯდა. „კანონიერი ქურდები“ ყოფილან. შემდეგ გავიგე მეზობლისგან, ვასო შესულა მათთან და უთქვამს – „ქურდები კი ხართ, მაგრამ ჩემს უბანში წესიერად მოიქეცითო“. ხალხს მათი შიში ჰქონდა, ვასო კი ჭკუას არიგებდა. მათთვისავ ავტორიტეტი იყო.მახსოვს, დასასვენებლად წავედით სოხუმში და ორი კვირა რესტორნიდან არ გამოვსულვართ. იქ რომ გაიგეს, ვასო იყო ჩასული, არ ასვენებდნენ, ყველას მისი პატივისცემა უნდოდა და ხან ერთი გვეპატიჟებოდა, ხან – მეორე. ვამაყობდი, რომ ასეთი ქმარი მყავდა, სახელიანი და სამართლიანი.რაც მისი ცოლი გავხდი, ციხეში არ მოხვედრილა და მანამდე კი ყოფილა დაპატიმრებული, ჩხუბზე. მე თავის საქმეში არ მრევდა და არც ვერეოდი. ის – ჩემს საქმეში. სიამტკბილობით ვცხოვრობდით და არც გვიჩხუბია არასოდეს.1989 წლის 18 ნოემბერს, დილის 8 საათზე, სახლთან ახლოს, მანქანა დაეჯახა. მძღოლი 21 წლის ბიჭი იყო, ზვიად გამსახურდიას დაცვის წევრი ყოფილა, თურმე ცვლაში აგვიანდებოდა და აწყვეტილი მოქროდა. ჩემს მეუღლეს დაეჯახა, ჰაერში ააგდო და ხეს შეახეთქა.მაშინვე საავადმყოფოში გადაუყვანიათ და მე მერე შემატყობინეს. მივედი საავადმყოფოში და მოვიტყუე, – კარის მეზობელი ვარ, კარგი კაცია და მაინტერესებს, რა მდგომარეობა აქვს, გადარჩება-მეთქი? რომ მეთქვა, ცოლი ვარ-მეთქი, სიმართლეს არ მეტყოდნენ. ექიმმა რომ გაიგო, კარის მეზობელი ვიყავი, მითხრა – ქალბატონო, რა გადარჩენაზეა ლაპარაკი, ძალიანაა დამტვრეულიო და დაწვრილებით მითხრა, რომელ დღეს რა მდგომარეობა ექნებოდა და ისიც მითხრა, მეათე დღეს გარდაიცვლება და თუ სასწაული მოხდა და მეათე დღეს გადარჩა, მერე შესაძლოა, იმედიც გაჩნდესო.დავიზაფრე, ეს რომ გავიგე, მაგრამ იმედს მაინც არ ვკარგავდი, რომ გადარჩებოდა, რადგან ძალიან ძლიერი ორგანიზმი ჰქონდა. იმის გაფიქრებაც კი არ შემეძლო, რომ ვასოს რამე მოუვიდოდა.მართლაც, ყველაფერი ისე მოხდა, როგორც ექიმმა თქვა და მეათე დღეს გარდაიცვალა. საღი აზროვნება ჰქონდა, ისე დალია სული. გრძნობდა, რომ კვდებოდა, მაგრამ მე მაინც მამხნევებდა. როცა გამომძიებელი მოვიდა მის გამოსაკითხად, უთხრა – იმ ახალგაზრდა კაცს არ ვუჩივი, თქვენც არაფრი უთხრათ, ცხოვრება წინ აქვს და ნუ დაუნგრევთ, ყველა მძღოლს შეიძლება, საჭე გაუმრუდდეს და ვის რა გველის ცხოვრებაში, არავინ ვიცითო. მომაკვდავი მაინც თავის მკვლელზე ფიქრობდა და უფრთხილდებოდა. ამიტომ უყვარდა ყველას, ასეთი რომ იყო. იმდენი ადამიანი მოდიოდა სანახავად, რომ ექიმები შეწუხებულები იყვნენ. კიბეზე უწყვეტ რიგად ამოდიოდნენ ხოლმე.გასვენებაში იმდენი ხალხი მოვიდა, ვერ დათვლიდი. ძალიან დამაკლდა სიკვდილის შემდეგ. გასვენებაში ერთი ქალი მოვიდა, რომელიც გულამოსკვნილი ტიროდა. კარგა ხანს იტირა და რომ მიხვდა, ვერავინ ვიცანით, მერე გვითხრა, ვასო ჩემი მეუღლის ძმაკაცი იყო. ჩემი ქმარი წლების წინ გარდაიცვალა, სახლს ვაშენებდით და დასრულება ვერ მოასწრო. ვასოს წყალობით ავაშენეთ ის სახლი, სამშენებლო მასალები მაგას მოჰქონდა უფასოდ და გვჩუქნიდაო.ვასოს მსგავსი ადამიანები თითზე ჩამოსათვლელია. უნაკლო, საუკეთესო და ვაჟკაცი ქმარი მყავდა. ორი შვილი გვყავს, ნატო და ლელა. ორივეს შვილები ჰყავს და ბავშვებმა პატარაობიდანვე იციან, როგორი სახელოვანი ბაბუა ჰყავდათ“.

სამართალი • 1747487599

პოლონეთში ქართული მაფიის შვიდი წევრი დააკავეს, მათ შორის ერთი ქალი და ერთი ე.წ. ,,კანონიერი ქურდია“

ვარშავის პოლიციამ იარაღისა და საბრძოლო მასალის უკანონო შენახვაში ეჭვმიტანილი შვიდი საქართველოს მოქალაქე დაადანაშაულა. ვარშავიდან აღმოსავლეთით 21 კილომეტრში მდებარე სოფელ ნოვი კონიკში ჩატარებული რეიდის დროს მათ ცეცხლსასროლი იარაღი, ვაზნები, მოპარული საქონელი და ყალბი დოკუმენტები ამოიღეს.„დაკავებულები არ არიან ბანდიტები. ისინი არ არიან ჩვეულებრივი ქურდები ან ყაჩაღები. ესენი არიან ადამიანები, რომლებიც მაფიის იერარქიაში ძალიან მაღალი თანამდებობის პირები არიან“, - განაცხადა შინაგან საქმეთა სამინისტროს წარმომადგენელმა.დაკავებულებს შორის იყო ერთ-ერთი ძებნილი ქართველი დამნაშავე, რომელსაც აქვს ე.წ. „კანონიერი ქურდის“ წოდება, რაც პოსტსაბჭოთა მაფიის იერარქიაში მაღალი სტატუსის მქონე ლიდერებისთვისაა განკუთვნილი.„კანონიერი ქურდი“ პოსტსაბჭოთა ქვეყნების ნომენკლატურაში დამნაშავეთა შორის პრინცია, რომელიც მხოლოდ შესაბამისი რიტუალების დასრულების შემდეგ შეიძლება აღიარებულ იქნას, როგორც პიროვნება, რომელიც მკაცრად იცავს დაუწერელი კოდექსის წესებს და წარმოადგენს სხვა დამნაშავეებისთვის ავტორიტეტს“, - განაცხადა ვარშავის რაიონული პროკურატურის წარმომადგენელმა.

სამართალი • 1747431120

სხვისი ავტომობილი გაყიდეს, შემდეგ კი მფლობელს დამატებით თანხის გადახდას აიძულებდნენ - გამოძალვისა და "ქურდული გარჩევებისთვის" ე.წ. კანონიერი ქურდები და მათთან დაახლოებული 8 პირი დააკავეს

ოთხი ე.წ. კანონიერი ქურდი და შავ სამყაროსთან დაახლოებული 8 პირი, აქედან 10 უშუალოდ მონაწილეობდა საქმის გარჩევაში, ორი კრიმინალური ავტორიტეტის სახელი კი მეტი დამაჯერებლობისთვის გამოიყენეს.საუბარია ათიათასობით დოლარზე, რომელსაც ქურდების დავალებით შავი სამყაროს წარმომადგენლები დაზარალებულებს ან პირდაპირ სძალავდნენ ან მოქალაქეებს შორის არსებული ფინანსური დავების მოგვარებისთვის ითხოვდნენ.სხვისი ავტომობილი გაყიდეს, ფული აიღეს, თუმცა მფლობელს დამატებით თანხის გადახდას მაინც აიძულებდნენ - დანაშაულებრივ სქემაში "კანონიერი" ქურდები, ე.წ. ქურდული სამყაროს წევრები და მხარდამჭერები მონაწილეობდნენ.ფარული ჩანაწერები ქურდული სამყაროს წინააღმდეგ მიმდინარე საქმის ერთ-ერთი მთავარი მტკიცებულებაა. მასალა დღეს შინაგან საქმეთა სამინისტრომ გაავრცელა.სატელეფონო საუბრების მიხედვით, საზღვარგარეთ მყოფი ე.წ. კანონიერი ქურდები, მანუჩარ გასვიანი და ბაჩანა ნადარეიშვილი, მეტსახელად ბაჩო ტბილისკი, საქართველოში მყოფ თანამოაზრეებს, კრიმინალური მეთოდებით, ფინანსური დავების გადაწყვეტაში ეხმარებოდნენ. სანაცვლოდ თავადაც წილს ითხოვდნენ.ფარული მასალა ფიზიკური ანგარიშსწორების ფაქტებსაც ადასტურებს."კურიერის" ინფორმაციით, ჯგუფის წევრებმა 5 ე.წ. ქურდული შეკრების ორგანიზება მოაწყვეს. სამართალდამცველებმა დანაშაულებრივი სქემა მალევე გაშიფრეს და 8 პირი დააკავეს. ბრალი დაუსწრებლად წარედგინა სამს, მათ შორის, "კანონიერ" ქურდებს - ბაჩანა ნადარეიშვილს და მანუჩარ გასვიანს.წარდგენილი ბრალი 15 წლამდე პატიმრობას ითვალისწინებს. ადვოკატების ინფორმაციით, არცერთი მათგანი დანაშაულს არ აღიარებს.სამართალდამცველებმა სპეცოპერაციები თბილისსა და რეგიონებში ერთდროულად ჩაატარეს. ბრალდებულების ოჯახის წევრებს და ახლობლებს დანაშაულის დეტალებზე საუბარი არ სურთ.პროკურატურის ინფორმაციით, საქმეში უკვე დევს ბრალეულობის დამადასტურებელი მტკიცებულებები, თუმცა არ არის გამორიცხული, როგორც დამნაშავე, ასევე დაზარალებულ პირთა რიცხვი გაიზარდოს.საქმეში მტკიცებულებების სახით დევს კომპიუტერული ტექნიკა და მობილური ტელეფონები - ის ნივთმტკიცებები, რომლებიც სამართალდამცველებმა ჩხრეკისას ამოიღეს.

კრიმინალი • 1747426187

ის ბანდიტური იერარქიის პრინცია! - ვარშავაში ქართველების დასაკავებლად ჩატარებული სპეცოპერაციის დეტალები

ვარშავის პოლიციამ იარაღის უკანონო შენახვის ფაქტზე საქართველოს შვიდი მოქალაქე დააკავეს. ადგილობრივი მედიის ინფორმაციით, დაკავებულთა შორის არის ე.წ კრიმინალური ავტორიტეტიც.მედია არ ავრცელებს „კანონიერი ქურდის“ ვინაობას, თუმცა წერს, რომ დაკავებულია საშიში მაფიოზი, რომელიც ბანდიტური იერარქიის პრინცია.პოლიციამ სპეცოპერაციის დროს ყალბი დოკუმენტები და მოპარული ნივთები ამოიღო. ფოტოზე ქართველი „კანონიერი ქურდები“ : სერგო ჩიხლაძე, ავთო ტუღუში, თენგო კორსაგია, ამირან სოფრომაძე, ლევან ფერაძენახეთ სპეცოპერაციის ფოტოები ⇓

პოლიტიკა • 1746276834

ირაკლი კირცხალია "ნავთლუღის სპეცოპერაციაზე": იმ ბიჭების სისხლი, რომლებიც დახვრიტეს, სადგურის ტერიტორიაზე საჩვენებლად იყო მეორე დღეს, რათა ყველას ენახა, რა რეჟიმთან ჰქონდათ საქმე და დღეს პრეტენზია აქვთ, რაიმე პოლიტიკური აქტივობა ჰქონდეთ

"ორი ოჯახის წარმომადგენელი საუბრობდა [საგამოძიებო კომისიის სხდომაზე]. წარმოიდგინეთ, რა ტრაგედია აღიდგინა დღეს ჩვენმა ქვეყანამ, ე.წ. ნავთლუღის სპეცოპერაციით რომელიც არის ცნობილი", - ამის შესახებ ფრაქცია "ქართული ოცნების" თავმჯდომარის პირველმა მოადგილემ, ირაკლი კირცხალიამ, საზოგადოებრივი მაუწყებლის პირველი არხის გადაცემაში "აქტუალური თემა მაკა ცინცაძესთან ერთად" განაცხადა.მისი თქმით, "ნაციონალური მოძრაობა" ტერორში აცხოვრებდა საზოგადოებას და დღეს კიდევ პრეტენზია აქვთ რაიმე პოლიტიკური აქტივობა განახორციელონ."ჩემი მეგობარი მოესწრო ამ მოვლენებს და აქტიური მონაწილე იყო ყველა იმ საპროტესტო აქციის, რომელიც "ნაციონალური მოძრაობის" წინააღმდეგ მიმდინარეობდა იმ მძიმე წლებში. მიყვებოდა, მეორე დღესვე, შემთხვევის ადგილზე როდესაც მივედით, იმ დახვრეტილი ბიჭების სისხლიც კი არ ჰქონდათ მორეცხილიო - სადგურის ტერიტორიაზე საჩვენებლად იყო, რათა ყველას ენახა, რა რეჟიმთან და სისასტიკესთან ჰქონდათ საქმე. ასეთ ტერორში აცხოვრებდნენ თავიანთ მოქალაქეებს და დღეს კიდევ პრეტენზია აქვთ, რომ რაიმე პოლიტიკური აქტივობა ჰქონდეთ და პოლიტიკაში რაიმე სიტყვა თქვან. უბრალოდ ამაზრზენია მათი მხრიდან ამ ყველაფრის მოსმენა", – აღნიშნა ირაკლი კირცხალიამ.კირცხალიამ ასევე კომენტარი გააკეთა საქართველოს ყოფილი პრეზიდენტის, მიხეილ სააკაშვილის განცხადებაზე, რომლის თანახმად, საგამოძიებო კომისიამ ქურდების და ყაჩაღების რეაბილიტაცია მოახდინა და კომისიის მუშაობას კრიმინალების კონტრრევოლუცია უწოდა.მისი თქმით, სწორედ სააკაშვილი იყო ხელისუფლებაში ყოფნის დროს მთავარი კრიმინალი და ის თანამდებობიდან წასვლის შემდეგაც ცდილობდა ანტისახელმწიფოებრივი საქმის კეთებას."სააკაშვილი როდესაც ასეთ შეფასებას აკეთებს, რომელიც იყო მთავარი კრიმინალი მისი ხელისუფლებაში ყოფნის პერიოდში და შემდეგ ყველანაირად ცდილობდა, სანამ აღმოჩნდებოდა იქ, სადაც დღეს არის, ანტისახელმწიფოებრივი საქმე ეფინანსებინა და ეკეთებინა ჩვენს ქვეყანაში თავისივე აგენტებზე დაყრდნობით. გვახსოვს მისი შემოსვლაც და გეგმებიც, რა მიზნით შემოიპარა არაჟნებთან ერთად ყოფილ პრეზიდენტად წოდებული. მის განცხადებებს რაც შეეხება, სერიოზული კომენტარის გაკეთებაც კი არათავსებადია მასთან. რაც შეეხება საგამოძიებო კომისიიდან რას ველოდებით - ველოდებით იმ მყარ დასკვნას, რომელსაც ძალიან სკრუპულოზურად შეადგენს საგამოძიებო კომისია. დასკვნა იქნება ერთ-ერთი ყველაზე მთავარი დასაყრდენი "ქართული ოცნებისთვის", რათა წარვადგინოთ საკონსტიტუციო სასამართლოში მყარი სარჩელი ამ მოღალატეებისა და მოძალადეების წინააღმდეგ, რომ ერთხელ და სამუდამოდ ჩამოსცილდნენ ქართულ პოლიტიკას ეს მავნებლები და აგენტურული ქსელი - ეს არის მიზანი და ეს არის საზოგადოების დაკვეთა", - განაცხადა ირაკლი კირცხალიამ.

პოლიტიკა • 1746177669

მიწაზეც მათრიეს, მომწამლეს კიდეც, ათასგვარ ბრალდებას მიყენებენ, მაგრამ მაინც ვრჩები საქართველოს წარმატების, საქართველოსა და უკრაინის თავისუფლებისთვის ბრძოლის სიმბოლოდ - სააკაშვილი

თბილისის საქალაქო სასამართლოში საქართველოს ყოფილი პრეზიდენტი მიხეილ სააკაშვილის სასამართლო პროცესი მიმდინარეობს.სასამართლო სხდომაზე მიხეილ სააკაშვილი დისტანციურად ჩართვისას პარლამენტის დროებით საგამოძიებო კომისიის მუშაობას გამოეხმაურა.როგორც სააკაშვილმა აღნიშნა, კომისიაზე „ქურდების, ყაჩაღების სრული რეაბილიტაცია მოახდინეს“.„რა არის ეგრეთ წოდებული კომისია? დაიწყეს საქმე ჰააგის სასამართლოში, იქნებ როგორმე გავემტყუნებინეთ მე და საქართველო, არ გამოუვიდათ არაფერი, რადგან ეს ჰააგაა და არა სასამართლო კლანი. ახლა იმავეს იმიტაციას ცდილობენ საქართველოს შიგნით. მოახდინეს სრული რეაბილიტაცია ქურდების, ყაჩაღების და ასე შემდეგ. აფრასიძეებზე ჩაატარეს მოსმენები, მსხვერპლებად გამოიყვანეს. აფრასიძეები, რომლებმაც უამრავი ადამიანი მოკლეს, გააუპატიურეს, მთელი ქონება წაართვეს, გადაუარეს სვანებს და დანარჩენ საქართველოშიც უამრავი დანაშაული აქვთ ჩადენილი. ამ აფრასიძეებზე ახლა ამბობენ, თურმე ისინი რეჟიმის უბედური მსხვერპლები იყვნენ. აფრასიძეები რომ არ ჩამოშორებოდნენ სვანეთს, არ იქნებოდა არც განვითარება, არც ტურიზმი, არც შემოსავლები. ეს არ არის კომისია, ეს არის კონტრრევოლუცია კრიმინალების, პრორუსი თაღლითების, პრორუსი კორუფციონერების“, – განაცხადა სააკაშვილმა.როგორც სააკაშვილმა აღნიშნა, ის მთელი მსოფლიოსთვის საქართველოს წარმატებისა და საქართველოსა და უკრაინის თავისუფლებისთვის ბრძოლის სიმბოლოდ რჩება.„ხედავთ, ხალხო, როგორ დაგცინიან, მაინც არაფერი გამოუვათ. გასაგებია, მე რასაც მიკეთებენ. მიწაზეც მათრიეს, მომწამლეს კიდეც, ათასგვარ აბსურდულ ბრალდებას მიყენებთ, მაგრამ მთელი მსოფლიოსთვის მე მაინც ვრჩები საქართველოს წარმატების, საქართველოსა და უკრაინის თავისუფლებისთვის ბრძოლის სიმბოლოდ“, – განაცხადა მიხეილ სააკაშვილმა.

სამართალი • 1745268243

VIDEO: "ოქროს მონეტების" საქმე „პოლიციის ფაილებიდან“ - გახმაურებული და მასშტაბური გამოძიება, რომელიც ქართველმა სამართალდამცველებმა გახსნეს

„ოქროს მონეტების საქმე“ - ასე ჰქვია გახმაურებულ და მასშტაბურ გამოძიებას, რომელიც ქართველმა სამართალდამცველებმა გახსნეს.კრიმინალური დავის, ურთიერთბრალდებების, საქმის გარჩევებისა და დაპირისპირებების მიზეზი ყალბი ოქროს მონეტები გახდა. გამოძიების მტკიცებით, საქმის ავტორიტეტებთან გარჩევაში ე.წ. კანონიერი ქურდები მინდია გორაძე - იგივე ლავას ოღლი, ჯეირან კინწურაშვილი - იგივე ხონსკი და ზვიად პაპიაშვილიც იყვნენ ჩართულები.საქმის გარჩევა საბოლოოდ სპეცოპერაციების სერიით დასრულდა. 7 პირი სამართალდამცველებმა აჭარაში, თბილისსა და რუსთავში აიყვანეს, საზღვარგარეთ მყოფ კიდევ 2 პირს კი ბრალი დაუსწრებლად წარედგინა...„პოლიციის ფაილებში“ ნახავთ, როგორ გავიდა გამოძიება დამნაშავეთა კვალზე და რა პირობებში მოხდა ბრალდებულების სქემის გაშიფვრა.

ისტორიები • 1744663883

ცნობილი ექიმების მკვლელობის ხმაურიანი საქმე 70-იანი წლებიდან და 4 ადამიანის მკვლელობაში ბრალდებული ქალიშვილი, რომელიც უდანაშაულოდ ცნეს

ჟურნალი „თბილისელები“, კრიმინალური ისტორიების საარქივო მასალებიდან აქვეყნებს 70-იანი წლების გახმაურებული ამბის დეტალებს, რომელიც ცნობილი ექიმების მკვლელობასა და მათი ქალიშვილის მიერ შურისძიებას უკავშირდება.90-იან მთავარი გმირების ვინაობა შეცვლილია და მათი ვინმესთან მსგავსება შემთხვევითია... თითქმის პანაცეაგივი და ნათელა მელაძეები ექიმები იყვნენ. ცოლ-ქმარს ერთადერთი, ნანატრი ქალიშვილი ოცდახუთწლიანი თანაცხოვრების შემდეგ შეეძინათ. გოგონას მარიამი დაარქვეს და დედოფალივით ზრდიდნენ. მელაძეებს არაფერი აკლდათ. ისინი საუცხოო ექიმები იყვნენ და როგორც კლინიკაში, ასევე სახლშიც მათთან პაციენტების ცოცხალი რიგი იდგა, რაც მათი კოლეგების უზომო შურს იწვევდა. ასიდან ასივე პაციენტი მათთან მოხვედრას ცდილობდა და სხვებს არ ეკარებოდნენ. მართალია, საბჭოთა კავშირში კერძო კლინიკები და ფასიანი მკურნალობა აკრძალული იყო, მაგრამ განკურნებული, მადლიერი პაციენტები მათთვის ფულს არ იშურებდნენ, მიუხედავად იმისა, რომ მელაძეებს არასოდეს არავისგან არაფერი მოუთხოვიათ. ცოლ-ქმარს ფარმაციაც საუცხოოდ ჰქონდათ შესწავლილი და ბალახეულებისგან ისეთ მალამოს ამზადებდნენ, რომელიც მრავალ სხვადასხვა დაავადებას შველოდა. ამიტომ მას პანაცეა უწოდეს და ის მართლაც თითქმის პანაცეა იყო. ცოლ-ქმარი მალამოს მიზერულ ფასში – 6 მანეთად ყიდდა. თუმცა, თუკი პაციენტს თანხა არ გააჩნდა, მას მალამოს ჩუქნიდნენ. ყველაფერთან ერთად, მელაძეები ქველმოქმედებიც იყვნენ. მაქსიმალურად ეხმარებოდნენ გაჭირვებულებს და ხალხში ძალიან დაფასებულები და პოპულარულები გახდნენ. თუმცა, თავიანთი კოლეგები მათ ვერ იტანდნენ. გივიმ და ნათელამ ეს კარგად იცოდნენ, მაგრამ ყურადღებას არ აქცევდნენ და ექიმები ერთი წლის მარიამით ცოცხლობდნენ და ხარობდნენ.საშინელი ტრაგედიამეოცე საუკუნის 60-70-იანი წლების მიჯნა იყო. მელაძეების პოპულარობა და ქონება ზღაპრულად იზრდებოდა. მიუხედავად იმისა, რომ იმ პერიოდში „შავი სამყარო“ მდიდრებს არ სწყალობდა და სასტიკად „წეწავდა“, მელაძეებს არავინ გაჰკარებია.ცოლ-ქმარმა არაერთი კრიმინალური ავტორიტეტი გადაარჩინა სიკვდილს. მათი მალამოს წყალობით, ჭლექით დაავადებული ქურდები განიკურნენ და აქედან გამომდინარე, ისინი ქურდებმაც ხელშეუხებელ, მათ მფარველობის ქვეშ მყოფ ადამიანებად გამოაცხადეს და მათ შემწუხებლებს პირად მტრად აღიქვამდნენ.ასეთივე პატივში იყო ცოლ-ქმარი მილიციისგანაც, რადგან მაღალჩინოსანი მილიციელებიც და რამდენიმე სხვა მაღალჩინოსანი სნეულიც მათი პაციენტები იყვნენ. თუმცა, 1971 წლის მაისში გივი მელაძე კლინიკაში, მისსავე კაბინეტში ჩამომხრჩვალი იპოვეს. ეს რომ მის მეუღლეს აცნობეს, ნათელა მელაძე ჭკუიდან შეიშალა და ფსიქიატრიულ კლინიკაში მოხვდა. თუმცა ორი დღის შემდეგ ისიც ჩამომხრჩვალი აღმოაჩინეს.შევარდნაძის ბრძანებით, მილიციამ გამოძიება დაიწყო და 36 წლის ექიმი კარლო ისაკაძე დააკავეს, რომელიც გივი მელაძის მკვლელობაში იყო ეჭვმიტანილი. მან დაკითხვაზე თქვა, რომ მკვლელობა ომარ კაციამ, ანეტა სოკოლოვამ, ივანე გერაძემ და პეტრე კორღალიძემ დაუკვეთეს. ოთხივე საკმაოდ ცნობილი ექიმი იყო.კორღალიძის და კი საკავშირო შინაგან საქმეთა მინისტრის, შჩოლოკოვის უახლოეს ნათესავზე იყო გათხოვილი. ამიტომ ძიება დაიხურა. კარლო ისაკაძე კი გაურკვეველ ვითარებაში გარდაიცვალა. წლინახევრის მარიამი აღსაზრდელად მამიდამ, ანა მელაძემ წაიყვანა მოსკოვში. იქ ის პროფესორ ანტონ ლიტვინოვზე იყო გათხოვილი, რომელიც ცნობილი ქირურგი იყო.შურისძიება2002 წლის აპრილის დასაწყისში მოსკოვის ერთ-ერთ კერძო კლინიკაში, რომელიც 70 წლის ომარ კაციას ეკუთვნოდა, საშინელება დატრიალდა. დღის 3 საათზე ჯერ ანეტა სოკოლოვა გადახტა მე–11 სართულიდან და ბეტონის ფილებზე დაასრულა სიცოცხლე, შემდეგ ივანე გერაძემ გამოჭრა ყელი კოლეგას – პეტრე კორღალიძეს. მერე კი გაშიშვლდა და იქვე ჩამოიხრჩო თავი. სულ რაღაც ერთი საათის შემდეგ ომარ კაციას რომ ეს აცნობეს, ჭკუიდან შეიშალა და საგიჟეში აღმოჩნდა, სადაც იმავე ღამეს ჩამოიხრჩო თავი.ამ საშინელების შესახებ მთელი მოსკოვი ალაპარაკდა და საგამოძიებო ორგანოებმა 33 წლის მარიამ ქორიძე დააპატიმრა და ოთხი ადამიანის მკვლელობამდე მიყვანასა და მკვლელობაში დასდეს ბრალი.ქორიძე იმავე კლინიკაში მუშაობდა. გოგონა სინამდვილეში გივი და ნათელა მელაძეების ქალიშვილი იყო. მას გვარი ჰქონდა შეცვლილი, პროფესიით თერაპევტი იყო, მაგრამ ფარმაციასაც საუცხოოდ ფლობდა. მიუხედავად უარყოფისა, რუსმა გამომძიებლებმა გოგონას კოლეგების მიზანმიმართულ, ნელ მოწამვლაში დასდეს ბრალი, რამაც ორი ადამიანის კიბო გამოიწვია, თანდართული შიზოფრენიით, ორს კი მხოლოდ შიზოფრენია დაემართა. ამის საფუძველზე მარიამს 20 წლით თავისუფლების აღკვეთა მიუსაჯეს, მაგრამ მას დანაშაული არ უღიარებია.მოსკოვში კი სასტიკ შურისძიებაზე საუბრობდნენ. 2007 წელს ცნობილმა ადვოკატმა ანტონ როტენბერგმა საქმის გადასინჯვა მოახერხა. გოგონა უდანაშაულოდ ცნეს და გაათავისუფლეს.

ისტორიები • 1744539613

კაზინოსა და ტოტალიზატორის ყველა მეწილე მოკლეს - როგორ გაძარცვეს თბილისის ერთ-ერთი დიდი ტოტალიზატორი წლების წინ და რა სქემა გაიშიფრა გამოძიებისთვის მიცემული დირექტორის ჩვენებით

მეოცე საუკუნის მიწურულს საქართველოში ტოტალიზატორების ბუმი დაიწყო და ეს უწყებები დიდ ფულს შოულობდნენ. მიუხედავად იმისა, რომ უსაფრთხოების ტექნოლოგიები მაშინ ჯერ კიდევ არ იყო მაღალ დონეზე, ამ უწყებებს არავინ ესხმოდა თავს.საქმე კი ის იყო, რომ ტოტალიზატორებს კანონიერი ქურდები აკონტროლებდნენ – „კრიშავდნენ“ და პროფესიონალმა მძარცველებმა ეს კარგად იცოდნენ. ამიტომ ამ უწყებებს გვერდს უვლიდნენ. თუმცა, 2001 წელს თბილისის ერთ-ერთ უმაღლეს საბუკმეკერო კანტორაში შეიარაღებული ძარცვა განხორციელდა. ავტომატებით შეიარაღებული ორი ნიღბიანი პიროვნება მოულოდნელად შეიჭრა ტოტალიზატორის დარბაზში. უმალვე განაიარაღეს ოთხი მცველი და სალაროდან არც მეტი, არც ნაკლები, 200 ათასი დოლარი გაიტაცეს. ხოლო ტოტალიზატორის დირექტორი, 28 წლის ლევან აბალაკი მძიმედ დაჭრეს. მას 6 ტყვია ჰქონდა მოხვედრილი და ექიმებმა სიკვდილს სასწაულებრივად გამოსტაცეს. ფეხზე დადგა მთელი მაშინდელი პოლიცია და შავი სამყარო. თუმცა „დიდი კუშით“ მიმალული ბოროტმოქმედების აღმოჩენა ვერ მოხერხდა.საქმე არც იმან დაძრა ადგილიდან, რომ მძარცველების პიროვნებებს ვინც გაშიფრავდა, მას 100 ათას ამერიკულ დოლარს გადაუხდიდნენ.საქმის მიმცემი200 ათასი დოლარის დაკარგვა დიდი ზარალი იყო. მაგრამ უფრო მეტი ზარალი იყო ავტორიტეტის შელახვა. ამიტომ, კაზინოს რეალურმა მეპატრონეებმა ჯილდო გააორმაგეს და ის 20 ათასი ამერიკული დოლარი გახდა, თუმცა მძარცველთა კვალზე დადგომა არც ამჯერად მოხერხდა. ამასობაში, სიკვდილთან მებრძოლი ლევან აბალაკი საბოლოოდ დაუძვრა სიკვდილს. სამთვიანი კომის შემდეგ გონება დაუბრუნდა და მისი დაკითხვა შესაძლებელი გახდა. აბალაკის დაკითხვა ფორმალურ ხასიათს ატარებდა და ეს პროცედურულად იყო საჭირო, თუმცა ამან მოულოდნელი შედეგი მოიტანა. 28 წლის დირექტორმა ყოველგვარი ძალდატანებისა და იძულების გარეშე გამომძიებელ კოტე ძნელაძეს განუცხადა, რომ ტოტალიზატორის ძარცვის საქმის მიმცემი თავად იყო. შემსრულებელი კი – ომარ ნიკოლაიშვილი. აბალაკი და ნიკოლაიშვილი ძველი კალათბურთელები იყვნენ და ერთ გუნდში თამაშობდნენ. როგორც აბალაკმა განაცხადა, ნიკოლაიშვილს ძარცვისთვის უფრო შესაფერისი დღე (როდესაც სალაროში დიდი თანხა იქნებოდა) დაუსახელა და შენობაში შეღწევის ზუსტი სქემაც მიაწოდა. წინასწარი მოლაპარაკებით, ძარცვას უსისხლოდ უნდა ჩაეარა. შემდგომ კი მათ ნაძარცვი ფული უნდა გაეყოთ. თუმცა, როგორც ნათელი იყო, ნიკოლაიშვილმა მეწილეს მოშორება განიზრახა და ამიტომ ჩაცხრილა, მაგრამ ვერ მოკლა. გაირკვა ნიკოლაიშვილის „პაძელნიკიც“, რომელიც ვინმე ოთარ ჯაში აღმოჩნდა, თუმცა, ჯაში ძარცვის მეორე დღეს მტკვარში დამხრჩვალი აღმოაჩინეს და ვარაუდობდნენ, რომ ისიც ნიკოლაიშვილმა მოიშორა თავიდან. პოლიციამ გაუჩინარებული ნიკოლაიშვილის ძებნა დაიწყო, შეურაცხყოფილმა ავტორიტეტებმა კი ჯილდო 30 ათას დოლარამდე გაზარდეს.ორი გზავნილიომარ ნიკოლაიშვილის კვალს ვერავინ მიაგნო და ვარაუდობდნენ, რომ ის ყალბი საბუთებით საზღვარგარეთ გაიქცა. გამწარებულმა ავტორიტეტებმა შურისძიება აბალაკზე გადაწყვიტეს. თავდაპირველად მისი მოკვლა განიზრახეს. თუმცა, გადაიფიქრეს და ციხეში მჯდომი საქმის მიმცემი „საქათმეში“ ჰომოსექსუალთა საკანში გამოამწყვდიეს. ამის შემდეგ სულ რაღაც სამი თვე იყო გასული, რომ ლევან აბალაკი, რომელიც რვაწლიან სასჯელს იხდიდა და „რესბალნიცაზე“ (საავადმყოფო) იყო გადაყვანილი, მოულოდნელად გაიქცა.როგორც შემდგომ გაირკვა, პატიმარი საავადმყოფოდან ერთ-ერთმა ზედამხედველმა გაიყვანა, რაშიც 5 ათასი დოლარი მიიღო. აბალაკის ძებნა გაჩაღდა, მაგრამ ის ვერ იპოვეს. ამ გაქცევიდან 3 თვის შემდეგ ერთ-ერთმა ავტორიტეტმა, რომელსაც ტოტალიზატორში წილი ჰქონდა, გზავნილი მიიღო.ფოსტის თანამშრომლის უნიფორმაში გამოწყობილმა მამაკაცმა მას საკუთარ კერძო სახლში ბანდეროლი მიუტანა და უკან გაბრუნდა.ხუთიოდე წამის შემდეგ კი ბანდეროლი აფეთქდა და მისი მიმღები ადგილზევე გარდაიცვალა. ამ შემთხვევიდან მეორე დღეს შინაგან საქმეთა სამინისტროში დაზღვეული წერილი მიიტანეს. მასში ეწერა, რომ ავტორიტეტის აფეთქება და აბალაკის გაქცევა ომარ ნიკოლაიშვილმა მოაწყო.მისივე თქმით, აბალაკი ტოტალიზატორში ოთარ ჯაშმა ჩაცხრილა, რისთვისაც ისიც ნიკოლაიშვილმა მოკლა. იქვე აბალაკი სიძულვილს გამოთქვამდა შავი სამყაროს მიმართ და ახალი შურისძიებით იმუქრებოდა.ნიშანდობლივია, რომ წლების შემდეგ იმ კაზინოსა და ტოტალიზატორის ყველა მეწილე მოკლეს და ვერც მკვლელებს მიაგნეს და ვერც აბალაკსა და ნიკოლაიშვილს.

ისტორიები • 1744061138

ნახალოვკაში მისი სახელი ყველამ იცის - „ზილის“ მძღოლის დაუჯერებელი ისტორია