საქართველოში

როგორი ამინდი იქნება ხვალ საქართველოში - განახლებული პროგნოზი

გარემოს ეროვნული სააგენტო, მოსახლეობას 21-23 მარტს საქართველოში მოსალოდნელი ამინდის შესახებ აფრთხილებს:სააგენტოს ცნობით, უახლოეს დღეებში საქართველოში შენარჩუნებული იქნება დროგამოშვებით ნალექიანი ამინდი. „ქ. თბილისში დროგამოშვებით წვიმიანი ამინდია მოსალოდნელი. ჰაერის ტემპერატურა დღისით +15, +17 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): ზოგან იწვიმებს. ჰაერის ტემპერატურა დღისით +15, +17 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ზოგან იწვიმებს. ჰაერის ტემპერატურა დღისით +19, +21 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან იწვიმებს. ჰაერის ტემპერატურა დღისით +16, +18 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): ზოგან ნალექიანი ამინდია მოსალოდნელი. ჰაერის ტემპერატურა დღისით +13, +15 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან იწვიმებს. ჰაერის ტემპერატურა დღისით +17, +19 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან იწვიმებს. ჰაერის ტემპერატურა დღისით +17, +19 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან იწვიმებს. ჰაერის ტემპერატურა დღისით +15, +17 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ნალექიანი ამინდია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

საზოგადოება • 1774042676

გარემოს ეროვნული სააგენტო უახლოესი დღეების ამინდის პროგნოზს აქვეყნებს

21-23 მარტს საქართველოში მოსალოდნელი ამინდის შესახებ ინფორმაციას გარემოს ეროვნული სააგენტო ავრცელებს. უახლოეს დღეებში საქართველოში შენარჩუნებული იქნება დროგამოშვებით ნალექიანი ამინდი.ქ. თბილისში დროგამოშვებით წვიმიანი ამინდია მოსალოდნელი. ჰაერის ტემპერატურა დღისით +15, +17 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): ზოგან იწვიმებს. ჰაერის ტემპერატურა დღისით +15, +17 გრადუსი დაფიქსირდება. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ზოგან იწვიმებს. ჰაერის ტემპერატურა დღისით +19, +21 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან იწვიმებს. ჰაერის ტემპერატურა დღისით +16, +18 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): ზოგან ნალექიანი ამინდია მოსალოდნელი. ჰაერის ტემპერატურა დღისით +13, +15 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან იწვიმებს. ჰაერის ტემპერატურა დღისით +17, +19 გრადუსი დაფიქსირდება. კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან იწვიმებს. ჰაერის ტემპერატურა დღისით +17, +19 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან იწვიმებს. ჰაერის ტემპერატურა დღისით +15, +17 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ნალექიანი ამინდია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება. ამინდის შესახებ დეტალური ინფორმაცია იხილეთ ბმულზე: meteo.gov.ge

საზოგადოება • 1774041888

„მე გაძლევთ დავალებას...“ - ვრცელდება პატრიარქის ქადაგებიდან ამონარიდი

სრულიად საქართველოს კათოლიკოს პატრიარქი, უწმინდესი და უნეტარესი ილია II, ლოცავს საქართველოს სხვადასხვა კუთხიდან ჩამოსულ ბავშვებს და მათ ქადაგებით მიმართავს.სოციალურ ქსელში ერთ-ერთი ასეთი ქადაგება გაიხსენეს, სადაც მისი უწმინდესობა ბავშვებს კონკრეტულ რჩევა-დარიგებას აძლევს:„თქვენ იცით, რომ საქართველოში ქრისტიანობა პირველი საუკუნიდან შემოვიდა, ხოლო IV საუკუნეში უკვე სახელმწიფო რელიგიად გამოცხადდა.ღვთის განგებით, ჩვენს ქვეყანაში პირველ საუკუნეშივე ჩამოიტანეს კვართი უფლისა ჩვენისა იესო ქრისტესი და საქართველო ყოვლადწმიდა ღვთისმშობლის წილხვედრი გახდა. ასეთი დიდი მადლი და წყალობა მიანიჭა უფალმა საქართველოს.ამიტომაც უნდა ვიყოთ მართლმადიდებელი ქრისტიანები და მარად გვახსოვდეს, რამ გადაარჩინა ჩვენი სამშობლო. იგი იხსნა ღმერთმა, მართლმადიდებელმა სარწმუნოებამ. ამგვარი გზით უნდა ვიაროთ ჩვენც…ღმერთმა დაგლოცოთ, გაგახაროთ და გაგაძლიეროთ! ხშირად ჩამოდით თბილისში. თქვენ იცით, რომ ეს ტაძარი არის წმინდა სამების სახელობის.ერთად შეკრული ხელის პირველი სამი თითი წარმოადგენს წმინდა სამების სიმბოლოს. ახლა ყველამ ერთად გადავიწეროთ პირჯვარი და ჩემთან ერთად გაიმეორეთ სიტყვები:„სახელითა მამისათა, და ძისათა, და წმიდისა სულისათა. ამინ.სახელითა მამისათა, და ძისათა, და წმიდისა სულისათა. ამინ.სახელითა მამისათა, და ძისათა, და წმიდისა სულისათა. ამინ“.ამჯერად რასაც ვიტყვი, ისიც გაიმეორეთ:„უფალო, დიდება შენდა! გადაარჩინე საქართველო!უფალო, დიდება შენდა! გადაარჩინე საქართველო!უფალო, დიდება შენდა! გადაარჩინე საქართველო! ამინ“.ღმერთმა დაგლოცოთ, გაგახაროთ. თქვენთან ერთად ღმერთმა დალოცოს მთელი საქართველო!ბავშვებო, მე გაძლევთ დავალებას: დილას, როცა ადგებით და პირს დაიბანთ, აუცილებლად ილოცეთ. პირველი ლოცვა კი ასე თქვით: „უფალო, დიდება შენდა! გადაარჩინე საქართველო!“ ჯერ საქართველოსთვის ილოცეთ, მერე თქვენი თავისთვის, მშობლებისა და ახლობლებისთვის.

პოლიტიკა • 1774036746

ვატო შაქარიშვილი: ვმადლობ უფალს, რომ ამ 8-მილიარდიან დედამიწაზე გავჩნდი საქართველოში და ჩემი ცხოვრების 34 წელიწადი ვიცხოვრე მისი უწმინდესობის პატრიარქობის პირობებში, რომელსაც მან „მზიანი ღამე“ უწოდა

ვმადლობ უფალს, რომ ამ 8-მილიარდიან დედამიწაზე გავჩნდი საქართველოში და ჩემი ცხოვრების 34 წელიწადი ვიცხოვრე მისი უწმინდესობის პატრიარქობის პირობებში, - განაცხადა გადაცემაში „იმედი LIVE“ „ერთიანი ნეიტრალური საქართველოს“ აღმასრულებელმა მდივანმა ვატო შაქარიშვილმა.მან სრულიად საქართველოს, სასულიერო და საერო პირებს, პატრიარქის გარდაცვალება მიუსამძიმრა.„როგორი საოცარი მოცემულობა გვაქვს - ჩვენ ვეუბნებით სხვას სამძიმარს და ამავდროულად ვიღებთ სამძიმარს, რადგან ჩვენ ყველანი ჭირისუფლები ვართ დღეს, მაგრამ ამ სევდასთან ერთად არის ძალიან დიდი ამაღლებული განწყობა. შეუძლებელია, რომ ამ სევდასთან ერთად არ იყო ამაყი და ბედნიერი, რომ ამის ნაწილი ხარ. ამის ნაწილი გაგვხადა უფალმა და მე ვმადლობ უფალს, რომ ამ 8-მილიარდიან დედამიწაზე გავჩნდი საქართველოში და ჩემი ცხოვრების 34 წელიწადი ვიცხოვრე მისი უწმინდესობის პატრიარქობის პირობებში, რომელსაც მან „მზიანი ღამე“ უწოდა ჯერ კიდევ წლების წინ და ჩემთვის ახლა განსაკუთრებით ეს მზე და ეს სინათლის სხივი, სიკეთის იმედის სხივი იყო სწორედ პატრიარქი ამ წლების განმავლობაში“, - აღნიშნა შაქარიშვილმა.ილია მეორეს სიონის ტაძარში 22 მარტს დაკრძალავენ.

საზოგადოება • 1774036679

გოგა ხაინდრავა: დარწმუნებული ვარ, ორშაბათიდან სხვა საქართველოში გავიღვიძებთ - ამის მერე ვინც დააპირებს დაპირისპირებას, ის თვითონ ვეღარ იპოვის თავის ადგილს, რადგან ამ საზოგადოებაში უწმინდესმა სიყვარული დატოვა

ჩვენ თვალს ვადევნებთ სასწაულს, - ასე აფასებს კინორეჟისორი, გოგა ხაინდრავა სამების ტაძარში საქართველოს კათოლიკოს-პატრიარქი, ილია მეორის სამოქალაქო პანაშვიდზე მოქალაქეების უწყვეტ ნაკადს.როგორც ხაინდრავამ გადაცემაში „იმედი LIVE“ აღნიშნა, პატრიარქი იყო ღვთის კაცი.„არ ვიცი ამის პრეცედენტი თუ არის მსოფლიოში, საქართველოში მცხოვრებმა მუსლიმებმა ბაირამი გადადეს, ჩვენი პატრიარქი გარდაიცვალაო, არ ზეიმობენ ყველაზე დიდ დღესასწაულს, ეს იგივეა, რომ ქრისტიანებმა აღდგომის ზეიმზე უარი თქვან. წარმოიდგინეთ რა სიყვარული დატოვა. რასაც ახლა ჩვენ ვუყურებთ სამების საკათედრო ტაძარში, მთელი ცხოვრება ამას ემსახურებოდა.დარწმუნებული ვარ, ორშაბათიდან სხვა საქართველოში გავიღვიძებთ. ამის მერე ვინც დააპირებს დაპირისპირებას, ის თვითონ ვეღარ იპოვის თავის ადგილს ამ საზოგადოებაში, რადგან ამ საზოგადოებაში უწმინდესმა დატოვა სიყვარული.ვინც ახლა იქ დგას [სამების ტაძარში], რომ უთხრა შედი და პატრიარქს შეურაცხყოფა მიაყენე ან თავს მოგაჭრით, დარწმუნებული ვარ ყველა წავა და თავს დადებს“, - აღნიშნა გოგა ხაინდრავამ.ილია მეორეს სიონის ტაძარში 22 მარტს დაკრძალავენ.

საზოგადოება • 1774034523

სამების ტაძარში კათოლიკოს-პატრიარქის ხსოვნის პატივსაცემად საპატრულო პოლიციის თანამშრომლები მივიდნენ

სამების ტაძარში კათოლიკოს-პატრიარქის ხსოვნის პატივსაცემად ცოტა ხნის წინ საპატრულო პოლიციის თანამშრომლები მივიდნენ.იქ იმყოფება ასევე შს მინისტრი გეკა გელაძე, რომელმაც ასევე ადგილზე არსებული უსაფრთხოების ზომები პირადად გადაამოწმა.შეგახსენებთ, სრულიად საქართველოს კათოლიკოს-პატრიარქის დაკრძალვის ცერემონიაზე საქართველოში რამდენიმე ქვეყნის დელეგაცია ჩამოდის. ამასთან, მესამე დღეა, სამების საკათედრო ტაძარში, 24 საათიან რეჟიმში, მოქალაქეების უწყვეტი ნაკადი მიედინება, რომლებსაც პატრიარქთან საბოლოოდ გამომშვიდობება სურთ.

საზოგადოება • 1774029301

"კირიე ელეისონ", "დავიღალე, მოდი ჩეთან უფალო", "ალილუია", "ავე მარია", "წმინდაო ღმერთო" - პატრიარქის შემოქმედება, როგორც მისი სულიერი მსახურების გაგრძელება

"კირიე ელეისონ", "დავიღალე, მოდი ჩეთან უფალო", "ალილუია", "ავე მარია", "წმინდაო ღმერთო" - პატრიარქის შემოქმედება მისი სულიერი მსახურების გაგრძელება იყო, სხვა ენით, მაგრამ იმავე არსით.60-იან წლებში, პრაღაში, საერთაშორისო რელიგიურ კონფერენციაზე, ახალგაზრდა სასულიერო პირმა ორღანთან ექსპრომტად შეთხზა საგალობელი. მაშინ არავინ იცოდა, რომ ეს ნაწარმოები ერთ-ერთი ყველაზე ცნობილი "წმინდაო ღმერთო" იქნებოდა, ახალგაზრდა ეპისკოპოსი კი საქართველოს მომავალი პატრიარქი გახდებოდა.პატრიარქი თავად ქმნიდა მელოდიებს - გალობდა, მღეროდა, ეს მელოდიები ნოტებზე მის თანამოაზრეებს გადაჰქონდათ. შემდეგ კი მუსიკალური დამუშავება და არანჟირება ხდებოდა. თუმცა, მთავარი სათავე ყოველთვის თავად უწმინდესი იყო.ილია მეორე არა მხოლოდ შემოქმედი, არამედ პროცესის აქტიური მონაწილეც გახლდათ - ჩაწერისა და დამუშავების თითოეულ ეტაპს ყურადღებით აკვირდებოდა, ასწორებდა და სრულყოფდა. მასთან მუშობის სურვილს კი თან უდიდესი პასუხისმგებლობა ახლდა.მისი შემოქმედების ერთ-ერთი მწვერვალი და მსოფლიო საეკლესიო მუსიკის გამორჩეულ ქმნილებაა "ავე მარია", რომელიც სხვადასხვა დროს ქვეყნის თითქმის ყველა თაობის წარმომადგენელმა შეასრულა.საქართველოს ისტორიის ყველაზე რთულ დროს, სამოქალაქო ომის პერიოდში დაიწერა - "დავიღალე, მოდი ჩემთან უფალო". მაშინ ვედრებად ქცეული სიტყვები პატრიარქის შინაგან განცდებს გადმოსცემდა.სრულიად საქართველოს კათოლიკოს-პატრიარქმა არა მხოლოდ ახალი შექმნა, ძველიც აღადგინა.აღსაყდრების პირველივე წლებში მან უდიდესი როლი შეასრულა იმ უმნიშვნელოვანესი ტრადიციის დაბრუნებაში, რომელიც მეფის რუსეთისა და საბჭოთა დიქტატურის პერიოდში შეზღუდული იყო - ქართული წირვა-ლოცვა და საგალობლები აღადგინა. მისი კურთხევით, თავდაპირველად სიონისა და ანჩისხატის ტაძრებში, ხოლო შემდეგ უკვე მთელ საქართველოში, კვლავ გაისმა ტრადიციული მრავალხმიანი გალობა, რაც ერის სულიერი მეხსიერების აღდგენა იყო.საგალობლები მისთვის სულიერი აღმაფრენის და ღმერთთან შემოქმედებითი ურთიერთობის მომენტი იყო, რასაც სულიერი მამა საკუთარ ხალხს უზიარებდა იმ მთავარი მიზეზით, რომ მრევლი ღმერთთან უფრო ახლოს მისულიყო.ადამიანმა, რომელსაც ღვთით ბოძებული ნიჭი ჰქონდა, თუმცა არ ჰქონდა პროფესიული მუსიკალური განათლება, თანამედროვე საზოგადოებისთვის გასაგებ ენაზე დაწერა სიყვარულის, იმედის, რწმენის და ერთიანობის ჰიმნი."ქართული გალობა არის სიყვარული უფლისადმი" - ამბობდა პატრიარქი და სწორედ ამ სიყვარულით შექმნილი მისი მუსიკალური მემკვიდრეობა სამების საკათედრო ტაძარში ამ მძიმე წუთებშიც ჟღერს.

საზოგადოება • 1774024734

„მისი უწმინდესობა ქართველ ხალხს უწევდა სულიერ წინამძღოლობას, რწმენის და ერთიანობის დედაბოძის როლს ასრულებდა ისტორიის ტურბულენტურ პერიოდებში“ - ნიდერლანდების საგარეო საქმეთა მინისტრი

საქართველოს კათალიკოს-პატრიარქ ილია II-ის გარდაცვალების გამო ნიდერლანდების საგარეო საქმეთა მინისტრ ტომ ბერენდსენის სამძიმრის წერილს, საქართველოში ნიდერლანდების საელჩო აქვეყნებს.„ნიდერლანდების სამეფოს სახელით მინდა გულწრფელად მივუსამძიმრო საქართველოს მართლმადიდებელ ეკლესიასა და მგლოვიარე ქართველ ხალხს მისი უწმინდესობისა და უნეტარესობის, კათალიკოს-პატრიარქ ილია II გარდაცვალების გამო.მისი უწმინდესობა ქართველ ხალხს თითქმის ხუთი ათწლეულის მანძილზე უწევდა სულიერ წინამძღოლობას და რწმენისა და ერთიანობის დედაბოძის როლს ასრულებდა ქვეყნის ისტორიის ტურბულენტურ პერიოდებში. ქართველ ხალხს იგი უყვარდა და პატივს სცემდნენ მისი სიბრძნისა და საქართველოს სიყვარულის გამო.ქართულ მართლმადიდებელ ეკლესიას სიძლიერეს ვუსურვებ ამ რთულ პერიოდში“, - აღნიშნულია სამძიმრის წერილში.

საზოგადოება • 1774022126

აკადემიკოსი ვალერი ასათიანი: პატრიარქი დაიღალა საქართველოს სიყვარულში და მან ეს „დავიღალე“ არაჩვეულებრივ საგალობელში გამოხატა, რომელიც შეუძლებელია, ადამიანმა ცრემლის გარეშე მოისმინო

მან გააძლიერა დღევანდელი საქართველო. თითქოს, სულ სხვა ცხოვრება იწყება საქართველოში, - განაცხადა გადაცემაში „დღის ქრონიკა“ აკადემიკოსმა, ვალერი ასათიანმა კათოლიკოს-პატრიარქ ილია მეორეზე საუბრისას.მისივე თქმით, იგი საყოველთაო სიმშვიდეს ამკვიდრებდა და ეს სიმშვიდე გადასცა თაობებს.„არ შეიძლება მღელვარების გარეშე უყურებდე იმას, რაც ხდება დღევანდელ საქართველოში - ახალგაზრდობა, მის მიერ მონათლული ათასობით ახალგაზრდა, ბავშვები, როგორ მსჯელობენ, როგორ საუბრობენ! მან გააძლიერა დღევანდელი საქართველო. თითქოს, სულ სხვა ცხოვრება იწყება საქართველოში. ყვავილების ეს მდინარე, აურაცხელი ხალხი, საოცარი სიფაქიზით, სიყვარულითა და მადლიერებით განმსჭვალული სიტყვები! არ ვიცი, ყოველ შემთხვევაში ჩემი თაობა არ მოსწრებია ადამიანის მიმართ მადლიერების, სიყვარულისა და თაყვანისცემის ასეთ გამოხატვას! ძალიან ბევრი შეიძლება, რომ ვისაუბროთ“, - აღნიშნა აკადემიკოსმა.ვალერი ასათიანის თქმით, პატრიარქის სამძიმარზე მისული ადამიანების უწყვეტი ნაკადი ბევრის მთქმელია, რომ ერს აქვს თავისი ხმა.„ერს აქვს თავისი ხმა, რომ ერს შეუძლია იყოს ერთიანი, გამოიჩინოს სიმტკიცე, გამოხატოს სიყვარული, რომელსაც ქადაგებდა პატრიარქი და იაროს სწორი გზით. პატრიარქი სულ ცდილობდა, რომ სწორი გზა ეჩვენებინა. მოგეხსენებათ, ის თავის მოღვაწეობას აფასებდა, როგორც მზიან ღამეს. ახლა არ შემიძლია, ლადო ასათიანი არ გავიხსენო - „დავიღლები საქართველოს სიყვარულში, სასთუმალზე ერთხელაც არ დავიძინებ“. აი, პატრიარქი დაიღალა საქართველოს სიყვარულში და მან ეს „დავიღალე“ არაჩვეულებრივ საგალობელში გამოხატა, რომელიც შეუძლებელია, ადამიანმა ცრემლის გარეშე მოისმინო“, - აღნიშნა აკადემიკოსმა, ვალერი ასათიანმა.

საზოგადოება • 1774015860

დეკანოზი თეოდორე გიგნაძე: გლოვის დღეები რომ დასრულდება, გავაგრძელებთ პატრიარქის სიტყვისამებრ ცხოვრებას რომ ერთმანეთი გვიყვარდეს, არ ვმტრობდეთ?! თუ ამ შესაძლებლობას არ გამოვიყენებთ, შეიძლება დიდი განსაცდელი მოვიდეს

გლოვის დღეები რომ დასრულდება, ყველა სახლებში რომ წავალთ, გავაგრძელებთ მერე კვლავ პატრიარქის სიტყვისამებრ ცხოვრებას, რომ ერთმანეთი გვიყვარდეს, არ ვმტრობდეთ, ქრისტეს გული გავუხსნათ?!, - განაცხადა „დღის ქრონიკასთან“ დეკანოზმა თეოდორე გიგნაძემ.მისი თქმით, თუ ამ შესაძლებლობას არ გამოიყენებს ქართველი ერი, მაშინ შეიძლება დიდი განსაცდელი მოვიდეს.„საოცარი რაღაც ხდება. პატრიარქისადმი სიყვარული ერთიანობის სულში ვლინდება. მთელი ერი რომ გაერთიანებულია ხომ ფაქტია?! დაპირისპირება, რომელიც ბოლო წლები სამწუხაროდ პოლიტიკამ მოგვიტანა, გვანგრევს. ღმერთი არასდროს ძალადობს ჩვენზე. პატივს გვცემს. ადამიანი არ არის ცხოველი, ის არ იწვრთნება. ის უნდა მოატყუო, ან მასზე იძალადო, უნდა დაიმონო, მაგრამ მას რომ თავისუფლება და ღირსება შეუნარჩუნო, მასზე არც უნდა იძალადო და არც უნდა მოატყუო. ღმერთიც ზუსტად ასე გვექცევა. ღმერთი გვაძლევს შესაძლებლობას, გაერთიანების. ის, რაც ხდება, არის შესაძლებლობა ჩვენი ერის გაერთიანების და თუ ამას გამოვიყენებთ, დარწმუნებული ვარ, რომ საქართველოში მოხდება ბუმი, აღორძინება - სულიერების, ზნეობრიობის, სახელმწიფოებრიობის, ტერიტორიული აღდგენის, გამთლიანების.გლოვის დღეები რომ დასრულდება, ყველა სახლებში რომ წავალთ, გავაგრძელებთ მერე კვლავ პატრიარქის სიტყვისამებრ ცხოვრებას, რომ ერთმანეთი გვიყვარდეს, არ ვმტრობდეთ, ქრისტეს გული გავუხსნათ?! პატრიარქი სულ მოგვიწოდებდა ზიარებისკენ, მოუკლებელი ლოცვისკენ, სამშობლოს ქრისტესდარი სიყვარულისკენ. ამას თუ გავაკეთებთ, ინტუიციური ერთიანობა გადაიზრდება ჩვენს ნებელობით აქტში და ამას ვერაფერი ვეღარ მოერევა. მოვესწრებით, რომ ვიცხოვროთ აღორძინებულ საქართველოში. თუ ამ შესაძლებლობას არ გამოვიყენებთ, მაშინ შეიძლება დიდი განსაცდელი მოვიდეს. უფალმა ასე იცის. ჯერ სიკეთეს გაჩვენებს, თუ ვერ გაიგე, როგორც მამა - გაგვიწყრება. ეს გაწყრომა ადვილი არ არის. ასე გავაგრძელოთ, ერთმანეთის სიმშვიდით და სიყვარულით ცხოვრება და ნახეთ რა მოხდება“, - აღნიშნა დეკანოზმა თეოდორე გიგნაძემ.ილია მეორეს სიონის ტაძარში 22 მარტს დაკრძალავენ.საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.

საზოგადოება • 1774012470

სამების ტაძარი, სადაც სრულიად საქართველოს კათოლიკოს-პატრიარქის სამოქალაქო პანაშვიდი იმართება, ხალხით არის სავსე

სამების საკათედრო ტაძარში საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია მეორის სამოქალაქო პანაშვიდი იმართება. საპატრიარქოს გადაწყვეტილებით, სამების საპატრიარქო ტაძარი 24 საათის განმავლობაში ღიაა.ამის მიუხედავად, ტაძარი, ტაძრის ეზო და მიმდებარე ტერიტორია უკვე მესამე დღეა ხალხით არის სავსე. პატრიარქისთვის პატივის მიგების მსურველთა რიგი დიდია.21 და 22 მარტს, მთელი ქვეყნის მასშტაბით, ზუსტად 12:00 საათზე ყველა ეკლესია-მონასტერში სამგლოვიარო ზარი დაირეკება. 22 მარტს, საკმაოდ ხალხმრავალ დელეგაციასთან ერთად, საქართველოში ჩამოვა მსოფლიო პატრიარქი. თბილისში ჩამოვა ასევე დელეგაცია ვატიკანიდან.ილია მეორეს სიონის ტაძარში 22 მარტს დაკრძალავენ.

საზოგადოება • 1774008578

„ჩვენს სამშობლოში არასდროს დაბნელდება, დღეს სამუდამოდ დავრწმუნდი ამაში...“ - მარიამ გაბედავა

საქართველოს კათოლიკოს-პატრიარქის ილია II-ის გარდაცვალებას სოციალურ ქსელში უამრავი ადამიანი ეხმაურება და მასთან დაკავშირებით ემოციურ ისტორიებს იხსენებენ. სოციალურ ქსელში სტატუსს აქვეყნებს ჟურნალისტი მარიამ გაბედავა და პატრიარქს ემოციური პოსტით ემშვიდობება.„როგორც არ უნდა ბნელოდეს ირგვლივ - ჩვენს სამშობლოში არასდროს დაბნელდება, დღეს სამუდამოდ დავრწმუნდი ამაში. ამდენი ადამიანის, ამხელა რიგი და უწყვეტი ნაკადი ჩემს ცხოვრებაში არ მინახავს - უამრავი ახალგაზრდის ნათელი სახით და უამრავი ბავშვის უმანკო, უანგარო სიყვარულით სავსე რიგები… გამოსამშვიდობებელი რიგები… და ეს გამომშვიდობება სინამდვილეში სამუდამო ერთობა იყო თქვენთან და იმ ღმერთთან, რომლის რწმენაც თქვენ დააბრუნეთ ჩვენს სამშობლოში. მადლობა უწმინდესო, რომ თქვენი გარდაცვალებითაც მკაფიოდ დაგვანახეთ ვინ ვართ და საით უნდა ვიაროთ მადლობა, რომ კიდევ ერთხელ გვაგრძნობინეთ, სად არის სიყვარული და სიკეთე და, რომ ქრისტეშია ყველაზე დიდი ერთსულოვნებაც და გადარჩენაც.ჩვენ პატარა ქვეყანა ვართ, ძალიან პატარა, მაგრამ ყველაზე დიდი იმედით და სიყვარულით სავსე ვართ, რადგან ქრისტეს სიყვარულია ჩვენთვის მთავარი იმიტომ, რომ თქვენ ასე გვასწავლეთ და ეს შეგვაგრძნობინეთ გვიყვარხართ უწმინდესო - ნათელი სახეებით, უმანკო გულითა და თეთრი ვარდებით ხელში“, - წერს მარიამ გაბედავა.ცნობისთვის, საქართველოს კათოლიკოს-პატრიარქი ილია მეორე 2026 წლის 17 მარტს, 93 წლის ასაკში გარდაიცვალა. საქართველოს კათოლიკოს-პატრიარქს ილია მეორეს სიონის ტაძარში 22 მარტს დაკრძალავენ. 18 მარტი საქართველოში გლოვის დღედ გამოცხადდა სრულიად საქართველოს კათოლიკოს-პატრიარქის, ილია მეორის გარდაცვალების გამო და გაგრძელდება 22 მარტამდე, მის დაკრძალვამდე