ომი უკრაინაში • 1786862711

ღამით რუსეთმა უკრაინის რამდენიმე რეგიონზე ბალისტიკური რაკეტებითა და დრონებით იერიში მიიტანა

ღამით რუსეთმა უკრაინის რამდენიმე რეგიონზე ბალისტიკური რაკეტებითა და დრონებით იერიში მიიტანა, კიევში რამდენიმე ლოკაციაზე ხანძარს ებრძვიან, დაშავებულია სამი ადამიანი. ინფორმაციას უკრაინული მედია ავრცელებს.მედიის ცნობით, კიევზე რუსეთის იერიშის შედეგად აფეთქებები და ხანძრები ობოლონისა და ჰოლოსიივის რაიონებში დაფიქსირდა. მასშტაბური ხანძარი გაჩნდა „პეტროვკის“ წიგნების ბაზრობის ტერიტორიაზე.კიევის სამხედრო ადმინისტრაციის ინფორმაციით, რუსეთის თავდასხმის შედეგად სამი ადამიანი დაშავდა.რუსეთმა იერიში მიიტანა დნეპროპეტროვსკის ოლქის ქალაქ კრივოი როგზე. დნეპროპეტროვსკის ოლქის სამხედრო ადმინისტრაციის ხელმძღვანელის განცხადებით, რუსეთმა სამრეწველო ობიექტებს დაარტყა, რის შედეგადაც ხანძარი გაჩნდა. იერიშის შედეგად ერთი ადამიანი დაიღუპა, ხოლო 13 დაშავდა.ამასთან, ზაპოროჟიეზე თავდასხმის შედეგად, ორი ადამიანი დაიღუპა. ზაპოროჟიეს საოლქო სამხედრო ადმინისტრაციის ხელმძღვანელის, ივან ფიოდოროვის განცხადებით, რუსებმა რაიონის დასახლებულ პუნქტებსაც დაარტყეს. ერთ-ერთი რუსული მართვადი ავიაბომბი სოფელ ვიქტოროვკაში მდებარე საცხოვრებელ სახლს მოხვდა და ის მთლიანად გაანადგურა. თავდასხმის შედეგად 66 წლის მამაკაცი და 64 წლის ქალი დაიღუპნენ.

მსოფლიო • 1786689600

რუსეთის სოფლის მეურნეობის სამინისტროს ცნობით, თუ სომხეთი კონკრეტულ მოთხოვნებს დააკმაყოფილებს, ოფიციალური მოსკოვი სომხური პროდუქციის იმპორტს აღადგენს

რუსეთის სოფლის მეურნეობის სამინისტროს ინფორმაციით, თუ სომხეთი კონკრეტულ მოთხოვნებს დააკმაყოფილებს, ოფიციალური მოსკოვი სომხური პროდუქციის იმპორტს აღადგენს.მედიის ცნობით, ამ საკითხის შესახებ ალმათიში რუსეთის სოფლის მეურნეობის მინისტრმა, ოქსანა ლუტმა და სომხეთის ეკონომიკის მინისტრმა, გევორგ პაპოიანმა შეხვედრის დროს ისაუბრეს.„სასოფლო-სამეურნეო პროდუქციის უსაფრთხოების უზრუნველყოფა, მათ შორის სომეხი მწარმოებლების მიერ საკუთარი ნედლეულის გამოყენება, პესტიციდების კონტროლი და სხვა სავალდებულო მოთხოვნების დაცვა ამჟამად შეზღუდვების ქვეშ მყოფი პროდუქციის იმპორტის განახლების მთავარი პირობაა“, – წერია რუსეთის სოფლის მეურნეობის სამინისტროს ოფიციალურ განცხადებაში.ცნობისთვის, 2026 წელს რუსეთმა სომხეთიდან არაერთი პროდუქტის, მათ შორის ხილ-ბოსტნეულის, ყვავილების, თევზის, ზოგიერთი ალკოჰოლური სასმელისა და მინერალური წყლების ექსპორტი აკრძალა. ოფიციალურ მიზეზად ფიტოსანიტარული და ხარისხის დარღვევები დასახელდა, თუმცა ექსპერტები შეზღუდვების დაწესებას სომხეთის დასავლეთთან დაახლოებისა და ევროკავშირთან ურთიერთობების გაღრმავებას უკავშირებენ.

ომი უკრაინაში • 1786622606

რუსეთმა უკრაინას 261 დაღუპული სამხედროს ცხედარი დაუბრუნა

რუსეთის ფედერაციამ უკრაინულ მხარეს 261 დაღუპული უკრაინელი სამხედრო მოსამსახურის ცხედარი გადასცა. ინფორმაციას უკრაინული მედია ავრცელებს.ცხედრების გადაცემის პროცესში წითელი ჯვრის საერთაშორისო საზოგადოების წარმომადგენლები მონაწილეობდნენ.ცხედრები ამ დროისთვის იდენტიფიკაციის მიზნით პროზექტურაშია გადასვენებული. იდენტიფიკაციის შემდეგ მათ დაღუპულთა ოჯახის წევრებს გადასცემენ.რუსული მედია, თავის მხრივ, იუწყება, რომ უკრაინულმა მხარემ რუსეთს 24 რუსი სამხედროს ცხედარი გადასცა.

პოლიტიკა • 1786611475

2003-2012 წლებში, ხელისუფლებაში, შემდეგ კი ვითომ ოპოზიციის სახით, პოლიტიკურ სივრცეში მოქმედებდა ძალა, რომლის პოლიტიკაც საერთოდ არ ასახავდა ქართველი ხალხის ინტერესებს და საოცარი სიზუსტით ერგებოდა გარედან წამოსულ დავალებებს - ნინო წილოსანი

პარლამენტის ვიცე სპიკერი, ნინო წილოსანი 2008-2012 წლების გლობალურ კონტექსტთან დაკავშირებით სოციალურ ქსელში ვრცელ პოსტს აქვეყნებს და დეტალურად აღწერს საქართველოს მაშინდელი ხელისუფლების ქმედებებს, რომლებიც ახლა ოპოზიციას წარმოადგენენ.როგორც ნინო წილოსანი აცხადებს, 2003-2012 წლებში, ხელისუფლებაში, შემდეგ კი უკვე ვითომ ოპოზიციის სახით, საქართველოს პოლიტიკურ სივრცეში მოქმედებდა ძალა, რომლის პოლიტიკაც საერთოდ არ ასახავდა ქართველი ხალხის ინტერესებს და საოცარი სიზუსტით ერგებოდა გარედან შეცვლილ პოლიტიკურ კონიუნქტურასა და გარედან წამოსულ დავალებებს."მოდით, ცოტა გავაფართოოთ სურათი, გავცდეთ ამ უსამშობლო აგენტურას და ვნახოთ, რა იყო 2008-2012 წლების გლობალური კონტექსტი, რამაც, ფაქტობრივად, უსიტყვო დავალების ფუნქცია შეასრულა ადგილობრივი რადიკალებისთვის.2008 წლის აგვისტოს ომიდან სულ რაღაც ორ თვეში, 2008 წლის 2 ოქტომბერს, ევროპის საბჭოს საპარლამენტო ასამბლეამ მიიღო რეზოლუცია 1633 - „საქართველოსა და რუსეთს შორის ომის შედეგები“.რეზოლუციის მე-5 პუნქტში ჩაიწერა, რომ "2008 წლის 7 აგვისტოს საქართველოს სამხედრო ძალების მიერ ცხინვალის გაუფრთხილებლად დაბომბვამ კონფლიქტის ესკალაცია ახალ დონეზე, ღია და სრულმასშტაბიანი ომის საფეხურზე გადაიყვანა". სააკაშვილის პოლიტიკურმა გუნდმა არა მხოლოდ ამ შეფასებას დაუჭირა მხარი, მეტიც, იმავე რეზოლუციით ქართულ ჯარს სამხედრო დანაშაულების ჩადენა დააბრალა.რეზოლუციის ამ ჩანაწერით საქართველოსთვის შეიქმნა უმძიმესი პოლიტიკური მემკვიდრეობა, თუმცა, თუ მაშინდელ მედია და პოლიტიკურ რეალობას გავიხსენებთ, რეზოლუციის ამ ჩანაწერზე და ევროპის საბჭოს საპარლამენტო ასამბლეაში მომხდარზე ფართო საზოგადოებრივი დისკუსია პრაქტიკულად არ ყოფილა.ცალკე ისტორიაა ტალიავინის დასკვნა, სადაც ასევე გვხვდება საქართველოსთვის საზიანო და დღემდე პოლიტიკური ინტერპრეტაციების საგნად ქცეული ჩანაწერები. ტალიავინის მისია ევროკავშირმა მოგვიანებით, 2008 წლის 2 დეკემბერს შექმნა, ხოლო საბოლოო ანგარიში 2009 წლის 30 სექტემბერს გამოქვეყნდა. თუმცა, სანამ ტალიავინის მისია მუშაობას დაასრულებდა და საბოლოო დასკვნას გამოაქვეყნებდა, საერთაშორისო პოლიტიკაში უკვე დაწყებული იყო ბევრად უფრო მასშტაბური პროცესიც - დასავლეთის, პირველ რიგში კი აშშ-ის, რუსეთთან ურთიერთობების გადატვირთვა.აგვისტოს ომიდან მხოლოდ შვიდი თვის შემდეგ, 2009 წლის 6 მარტს, ჟენევაში აშშ-ის სახელმწიფო მდივანი ჰილარი კლინტონი და რუსეთის საგარეო საქმეთა მინისტრი სერგეი ლავროვი რუსულ-ამერიკული ურთიერთობების ცნობილი „გადატვირთვის“ სიმბოლურ წითელ ღილაკს აჭერენ ხელს.ეს ღილაკი ადგილობრივი აგენტურისთვისაც განგაშის სიგნალივით უნდა ყოფილიყო - პოლიტიკური კონიუნქტურა შეიცვალა.მიუხედავად იმისა, რომ 2008 წლის ომიდან ერთი წელიც კი არ იყო გასული, იწყება პერიოდი, როდესაც სააკაშვილის ხელისუფლების მხრიდანაც სულ უფრო ხშირად გვესმის რუსეთთან ეკონომიკური ურთიერთობების, რუსი ტურისტების მოზიდვისა და რუსული ინვესტიციების შესახებ საუბარი.ეს პოლიტიკა საბოლოოდ იქამდე მიდის, რომ 2012 წლის 29 თებერვალს სააკაშვილის ხელისუფლება რუსეთის მოქალაქეებისთვის სავიზო რეჟიმს ცალმხრივად აუქმებს.მაგრამ მანამდე კიდევ უფრო მნიშვნელოვანი ამბავი ხდება. 2010 წლის 24 ივნისს ამერიკის შეერთებული შტატების პრეზიდენტი ბარაკ ობამა და რუსეთის პრეზიდენტი დიმიტრი მედვედევი ვირჯინიაში, „Ray's Hell Burger “-ში, ერთად მიირთმევენ ბურგერს. ერთი შეხედვით, უბრალო პროტოკოლური კადრია, მაგრამ იმავე დღეს თეთრი სახლი თავად აქვეყნებს მასალას სათაურით: „Reset with Russia Continues“. ანუ გზავნილი საერთოდ არ იყო დასამალი, რუსეთთან „გადატვირთვის“ პოლიტიკა გრძელდებოდა.ადგილობრივი აგენტურისთვის, ალბათ, ამაზე ნათელი სიგნალი არც იყო საჭირო.გლობალური პროცესების ამ მსხვილი ფაქტების ჩამონათვალში თავისუფლად შეგვიძლია შევიტანოთ კიდევ ერთი უმნიშვნელოვანესი ეპიზოდი. 2011 წელს რუსეთის მსოფლიო სავაჭრო ორგანიზაციაში გაწევრიანება.ცნობისათვის, რუსეთი WTO-ში გაწევრიანებას ჯერ კიდევ 1993 წლიდან ცდილობდა, მაგრამ პროცესის დასრულებისთვის საქართველოს თანხმობაც მნიშვნელოვანი დაბრკოლება იყო.საბოლოოდ, შვეიცარიის შუამავლობით, 2011 წლის 9 ნოემბერს საქართველომ და რუსეთმა ხელი მოაწერეს საბაჟო ადმინისტრირებისა და სავაჭრო ტვირთების მონიტორინგის შესახებ შეთანხმებას, რითაც რუსეთის WTO-ში გაწევრიანებას ბოლო მნიშვნელოვანი პოლიტიკური დაბრკოლება მოეხსნა და იმავე წლის 16 დეკემბერს WTO-ს მინისტრთა კონფერენციამ რუსეთის გაწევრიანება ოფიციალურად დაამტკიცა.შეგახსენებთ, სააკაშვილის ხელისუფლების მხრიდან რუსეთის WTO-ში გაწევრიანებისთვის გზის გახსნა 2008 წლის ომიდან სულ რაღაც სამი წლის შემდეგ ხდება. სამი წლის წინ რუსეთმა საქართველოს წინააღმდეგ ომი აწარმოა, ჩვენი ტერიტორიები დაიკავა, ჩვენი სამხედროები და მშვიდობიანი მოქალაქეები დაიღუპნენ, ათასობით ადამიანი დევნილად იქცა და სამი წლის შემდეგ საქართველოს ხელისუფლება ხელს აწერს შეთანხმებას, რომელიც რუსეთისთვის WTO-ში შესვლის გზას ხსნის.ადგილობრივი აგენტურისთვის, ალბათ, სასიხარულოდ მისაღები იყო ეს გადაწყვეტილებაც, განსაკუთრებით მაშინ, როცა ცოტა ხნით ადრე უყურებდნენ, როგორ მიირთმევდა ამერიკის შეერთებული შტატების პრეზიდენტი ბურგერს რუსეთის პრეზიდენტთან ერთად და როგორ აცხადებდა თეთრი სახლი ოფიციალურად, რომ „Reset with Russia Continues “. სიგნალი იმდენად ნათელი იყო, რომ, ალბათ, დავალების სიტყვიერად გაცემაც აღარ იყო საჭირო.მოკლედ, არაფერი ეროვნული და არაფერი სახელმწიფოებრივი - თუ უსამშობლო აგენტურას გლობალური პატრონების წითელ ხალიჩაზე სიარული სურდა, მაშინ გლობალურ კონიუნქტურასაც ფეხდაფეხ უნდა მიჰყოლოდა. გუშინდელი მტერი მისაღები პარტნიორი უნდა გამხდარიყო მაშინ, როცა ამას ახალი პოლიტიკური რეალობა მოითხოვდა, ხოლო ეროვნული ინტერესი იმდენად უნდა გადაეწიათ გვერდზე, რამდენადაც ამას გარედან შეცვლილი დღის წესრიგი უკარნახებდათ.საუბედუროდ, 2003-2012 წლებში ხელისუფლებაში, შემდეგ კი უკვე ვითომ ოპოზიციის სახით, ჩვენს პოლიტიკურ სივრცეში მოქმედებდა ძალა, რომლის პოლიტიკაც საერთოდ არ ასახავდა ქართველი ხალხის ინტერესებს და საოცარი სიზუსტით ერგებოდა გარედან შეცვლილ პოლიტიკურ კონიუნქტურასა და გარედან წამოსულ დავალებებს.ეს სავალალო დამოკიდებულება არა მხოლოდ საქართველოს, არამედ სხვა ქვეყნების მაგალითზეც ძალიან კარგად გვაჩვენებს, როგორ ეწირება გარედან მართული უსამშობლო აგენტურის ხელში ქვეყნის ეროვნული ინტერესები და როგორი დამანგრეველი შედეგები შეიძლება მოჰყვეს სახელმწიფოსთვის სხვათა ფეხის ბაკუნზე აყოლას.არაფერი საწინააღმდეგო იმაში არ არის, რომ მაშინ დასავლეთმა რუსეთთან „გადატვირთვა“ დააანონსა, თუმცა შენი ქვეყნისთვის უმძიმესი ომიდან მალევე, შენი გაცხოველებული ანტირუსული რიტორიკიდან მყისიერად რუსი ტურისტი რომ სასურველი გახდება, რუსი ბიზნესმენი და ინვესტორი მისაღები, სავიზო რეჟიმი კი გასაუქმებელი და რუსეთის WTO-ში გაწევრიანებისთვის ხელის მოწერაც შესაძლებელი, კარგად ააშკარავებს შენს ამორალურობასა და უსამშობლობას. მით უფრო მაშინ, როდესაც ამ ყველაფრის სანაცვლოდ შენს ქვეყანას არც ოკუპაციის დასრულებისკენ გადადგმული ნაბიჯი მიუღია, არც ტერიტორიები დაუბრუნებია და არც რაიმე ისეთი ხელშესახები პოლიტიკური სარგებელი მიუღია, რომელიც ეროვნული ინტერესის დათმობას გაამართლებდა.ყველაზე მძიმე ამ რეალობაში კი სწორედ ამ პოლიტიკური თამაშების ფასია, რაც საქართველომ საკუთარი ტერიტორიებით, საკუთარი ეროვნული ინტერესებით და, რაც მთავარია, ჩვენი გმირი ბიჭების სიცოცხლით გადაიხადა." - წერს ნინო წილოსანი სოციალურ ქსელში.

პოლიტიკა • 1786609764

ლევან მაჭავარიანი: პირველ რიგში, ვაფიქსირებ ჩემს პატივისცემას ანსამბლ „სუხიშვილების“ სასცენო მოღვაწეობის მიმართ. თუმცა, როდესაც ჩვენი ქვეყნის ტერიტორიების ოკუპაციის შემდეგ რუსეთში ჩასვლა არ არის პრობლემა და ეს მიუღებელი მხოლოდ უკრაინაში განვითარებული მოვლენების შემდეგ ხდება, ჩნდება ლეგიტიმური კითხვა - ეს დაკვეთაა თუ ტრენდზე აყოლა?!

„პირველ რიგში, ვაფიქსირებ ჩემს პატივისცემას ანსამბლ „სუხიშვილების“ სასცენო მოღვაწეობის მიმართ. თუმცა, როდესაც ჩვენი ქვეყნის ტერიტორიების ოკუპაციის შემდეგ რუსეთში ჩასვლა არ არის პრობლემა და ეს მიუღებელი მხოლოდ უკრაინაში განვითარებული მოვლენების შემდეგ ხდება, ჩნდება ლეგიტიმური კითხვა - ეს დაკვეთაა თუ ტრენდზე აყოლა?!“, - წერს სოციალურ ქსელში საპარლამენტო ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი.როგორც მაჭავარიანი აღნიშნავს, სამწუხაროა, როდესაც ჩვენს ქვეყანაზე რუსეთის თავდასხმის შემდეგ აგენტურული ოპოზიცია, მათთან აფილირებული NGO სექტორი და კულტურის სფეროს რიგი წარმომადგენლები ინარჩუნებდნენ რუსეთის მიმართ ნორმალურ დამოკიდებულებას და ეს დამოკიდებულება მკვეთრად მხოლოდ მაშინ იცვლება, როდესაც რუსეთმა ანალოგიური უკრაინის მიმართ განახორციელა.„აგენტურული ოპოზიციის და მათთან აფილირებული NGO-ების შემთხვევაში აქ ცალსახად დაკვეთას აქვს ადგილი, ხოლო კულტურის წარმომადგენლების შემთხვევაში ეს ზოგ შემთხვევაში დაკვეთაა, ზოგ შემთხვევაში კი ტრენდზე აყოლა, თუმცა, მსუბუქად რომ ვთქვათ, არც ერთი არ არის ჯანსაღი.პირველ რიგში, რა თქმა უნდა, ვაფიქსირებ ჩემს პატივისცემას ანსამბლ „სუხიშვილების“ სასცენო მოღვაწეობის მიმართ. თავიანთი უზარმაზარი ღვაწლით ჩვენი კულტურის წინაშე ეს ანსამბლი თავისი შემოქმედებით ჩვენი იდენტობის განუყოფელ ნაწილად იქცა. თუმცა, როდესაც ჩვენი ქვეყნის ტერიტორიების ოკუპაციის შემდეგ რუსეთში ჩასვლა არ არის პრობლემა და ეს მიუღებელი მხოლოდ უკრაინაში განვითარებული მოვლენების შემდეგ ხდება, ჩნდება ლეგიტიმური კითხვა - ეს დაკვეთაა თუ ტრენდზე აყოლა?!“, - წერს იგი.

პოლიტიკა • 1786529847

პრემიერი: 2008 წლის აგვისტოს ომის შემდეგ საქართველოში რუსოფობიური განწყობები არ ჩამოყალიბებულა, რაც „დიპ სტეიტის“ დავალებით მოხდა, ისევე, როგორც ის, რომ ქართულმა აგენტურამ რადიკალური ანტირუსული განწყობა მხოლოდ 2022 წელს, რუსეთის მიერ უკრაინაში მეორედ შეჭრის შემდეგ გამოავლინა

„ნაციონალური მოძრაობის“ რეჟიმის მიერ საკუთარი სახელმწიფოსა და ხალხის წინაშე ჩადენილი დანაშაულის შედეგად, რუსეთმა საქართველოს ტერიტორიის 20 პროცენტის ოკუპაცია განახორციელა და საქართველოს ისტორიული კუთხეები დამოუკიდებელ სახელმწიფოებად აღიარა,- ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მთავრობის მეთაურის თქმით, სააკაშვილის ეს ავანტიურა იყო „დიპ სტეიტის“ პირდაპირი დავალება, რომლის მთავარი ხელწერაც საერთაშორისო დონეზე ქვეყნების დაპირისპირება და ერთმანეთთან ომში ჩაბმა, ქვეყნების შიგნით კი საზოგადოების რადიკალიზაცია და ერთმანეთს წაკიდებაა.„საქართველოს უახლესი ისტორიის ყველაზე დიდი ტრაგედიიდან, 2008 წლის აგვისტოს რუსეთ-საქართველოს ომიდან, უკვე 18 წელი გავიდა, თუმცა, იმ დღეების ტკივილი და მძიმე კვალი დღემდე მოუშუშებელია. აგვისტოს ომმა ასობით ადამიანის სიცოცხლე იმსხვერპლა, ათიათასობით მოქალაქე საკუთარ სახლ-კარს მოწყვიტა და საქართველო ტერიტორიების ოკუპაციის კიდევ უფრო მძიმე რეალობის წინაშე დააყენა. მიუხედავად გასული წლებისა, ომის შედეგები კვლავ იგრძნობა, ხოლო დაღუპულთა ხსოვნა და იძულებით გადაადგილებული ადამიანების ტკივილი ჩვენი საზოგადოების საერთო მეხსიერებისა და პასუხისმგებლობის განუყოფელ ნაწილად რჩება.„ნაციონალური მოძრაობის“ რეჟიმის მიერ საკუთარი სახელმწიფოსა და ხალხის წინაშე ჩადენილი დანაშაულის შედეგად, რუსეთმა საქართველოს ტერიტორიის 20 პროცენტის ოკუპაცია განახორციელა და საქართველოს ისტორიული კუთხეები დამოუკიდებელ სახელმწიფოებად აღიარა.რა თქმა უნდა, არავის აქვს ილუზია, რომ სააკაშვილი და „ნაციონალური მოძრაობა“, რომლებიც საქართველოში „დიპ სტეიტის“ აგენტურას წარმოადგენენ, რაიმე ნაბიჯს დგამდნენ ან დგამენ დამოუკიდებლად. რეალურად, სააკაშვილის ეს ავანტიურა იყო „დიპ სტეიტის“ პირდაპირი დავალება, რომლის მთავარი ხელწერაც საერთაშორისო დონეზე ქვეყნების დაპირისპირება და ერთმანეთთან ომში ჩაბმა, ქვეყნების შიგნით კი საზოგადოების რადიკალიზაცია და ერთმანეთს წაკიდებაა.შედეგად, მივიღეთ „დიპ სტეიტისთვის“ სასურველი, ჩვენი ხალხისა და ქვეყნისთვის კი ტრაგიკული მოცემულობა - ჩვენი გმირი სამხედროების, პოლიციელების და მშვიდობიანი მოქალაქეების დაღუპვა, 30 ათასამდე იძულებით გადაადგილებული ჩვენი მოქალაქე, საოკუპაციო ხაზს მიღმა დარჩენილი ასზე მეტი ქართული დასახლება, რუსეთის მიერ აფხაზეთისა და ე.წ. სამხრეთ ოსეთის დამოუკიდებლობის აღიარება და ერებს შორის გაღვივებული შუღლი.მიუხედავად ამისა, 2008 წლის აგვისტოს ომის შემდეგ საქართველოში რუსოფობიური განწყობები არ ჩამოყალიბებულა, რაც, რა თქმა უნდა, „დიპ სტეიტის“ დავალებით მოხდა, ისევე, როგორც ის, რომ ქართულმა აგენტურამ რადიკალური ანტირუსული განწყობა მხოლოდ 2022 წელს, რუსეთის მიერ უკრაინაში მეორედ შეჭრის შემდეგ გამოავლინა. როგორც რამდენიმე დღის წინ გამოქვეყნებულ წერილში აღვნიშნე, გლობალურ ომის პარტიას სწორედ დღეს მიმდინარე კონფლიქტის მასშტაბი სჭირდებოდა იმისათვის, რომ ომში ევროპა ჩაერთო და რუსოფობია აგენტურაში მსოფლიო მასშტაბით, მათ შორის საქართველოშიც, უმაღლეს დონეზე გაეღვივებინა“, -  განაცხადა პრემიერ-მინისტრმა.

პოლიტიკა • 1786520042

შალვა პაპუაშვილი: 12 აგვისტო, ერთი მხრივ, არის დიდგორის გამარჯვების დღე, გონივრული პოლიტიკის სიმბოლო, მეორე მხრივ კი, 2008 წლის კაპიტულანტური შეთანხმების დღე, პოლიტიკური უგუნურების სიმბოლო

1121 წლის 12 აგვისტოს დავით აღმაშენებელმა დიდგორის ველზე საქართველოს ისტორიაში ერთ-ერთი უდიდესი სამხედრო გამარჯვება მოიპოვა, 887 წლის შემდეგ, 2008 წლის 12 აგვისტოს, მიხეილ სააკაშვილმა, რომელიც საკუთარ მმართველობას ადარებდა დავით აღმაშენებლის ეპოქას, დიდგორობის დღეს ომი წააგო და საქართველოსთვის კაპიტულანტურ ექვსპუნქტიან შეთანხმებაზე მოუწია დათანხმება, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი აღნიშნავს, დავით აღმაშენებელმა 12 აგვისტოს მტერი დაამარცხა და საქართველოს გზა გაერთიანებისკენ გაუხსნა, სააკაშვილმა კი იმავე დღეს საქართველოს სამხედრო მარცხი, ახალი ტერიტორიების დაკარგვა და რუსული ოკუპაციის გაფართოება დაუტოვა.„საქართველოს ისტორიაში 12 აგვისტო დიდგორის გამარჯვების დღეა. 1121 წლის 12 აგვისტოს დავით აღმაშენებელმა დიდგორის ველზე საქართველოს ისტორიაში ერთ-ერთი უდიდესი სამხედრო გამარჯვება მოიპოვა, რასაც ქვეყნის გაერთიანება, თბილისის გათავისუფლება და ქართული სახელმწიფოს ძლიერების ხანა მოჰყვა. 887 წლის შემდეგ, 2008 წლის 12 აგვისტოს, მიხეილ სააკაშვილმა, რომელიც საკუთარ თავს და საკუთარ მმართველობას ასე ხშირად ადარებდა დავით აღმაშენებლის ეპოქას, დიდგორობის დღეს ომი წააგო და საქართველოსთვის კაპიტულანტურ ექვსპუნქტიან შეთანხმებაზე მოუწია დათანხმება. ისტორიამ შემოგვინახა ამ დოკუმენტის სახელიც – 12 აგვისტოს შეთანხმება. ეს სიმბოლური დამთხვევა განსაკუთრებით მძიმეა: დავით აღმაშენებელმა 12 აგვისტოს მტერი დაამარცხა და საქართველოს გზა გაერთიანებისკენ გაუხსნა. სააკაშვილმა კი იმავე დღეს საქართველოს სამხედრო მარცხი, ახალი ტერიტორიების დაკარგვა და რუსული ოკუპაციის გაფართოება დაუტოვა.12 აგვისტოს შეთანხმება თანაბარ პირობებში მყოფ ორ სახელმწიფოს შორის დადებული სამშვიდობო ხელშეკრულება არ ყოფილა. ეს იყო ომში დამარცხებული ხელისუფლების მიერ რუსეთის პირობებზე მიღებული დოკუმენტი, რომელშიც საქართველოს ტერიტორიული მთლიანობა კიდევ ერთხელ შეილახა. დოკუმენტში არ ეწერა, რომ რუსეთი იყო აგრესორი. არ იყო საქართველოს სუვერენიტეტისა და ტერიტორიული მთლიანობის მკაფიო გარანტია. არ განისაზღვრა რუსეთის ჯარის გაყვანის კონკრეტული ვადა. არ არსებობდა შეთანხმების შესრულების იძულების ქმედითი მექანიზმი. რუსეთისთვის დაკისრებული ვალდებულებები ბუნდოვანი იყო, საქართველოს ვალდებულება კი – კონკრეტული და ცალსახა. შედეგიც შესაბამისი დადგა. რუსეთმა შეთანხმება არ შეასრულა, საქართველოს ტერიტორიაზე სამხედრო ყოფნა შეინარჩუნა, ახალგორის რაიონი და კოდორის ხეობა დაიკავა, მოგვიანებით კი აფხაზეთისა და ე.წ. სამხრეთ ოსეთის ე.წ. დამოუკიდებლობა აღიარა. საქართველომ დაკარგა კონტროლი დამატებით ტერიტორიებზე, ათიათასობით ადამიანი საკუთარ ქვეყანაში დევნილად იქცა, ხოლო რუსული სამხედრო ბაზები საქართველოს ოკუპირებულ რეგიონებში დამკვიდრდა. ეს ყველაფერი იმ ომის შედეგი იყო, რომელსაც სააკაშვილის ხელისუფლება წლების განმავლობაში გარდაუვალ ისტორიულ გმირობად და საქართველოს გამარჯვებად წარმოაჩენდა.თუმცა, სახელმწიფოს გამარჯვება განისაზღვრება არა სატელევიზიო დეკორაციებით, დროშების ფრიალით და ხელისუფლების მიერ საკუთარი თავისთვის მოწყობილი ზეიმებით. გამარჯვება იზომება მიღებული შედეგით: რამდენად დაცულია ქვეყნის ტერიტორია, მოქალაქეები, მშვიდობა და სახელმწიფოებრივი ინტერესები. 2008 წლის აგვისტოში საქართველომ ვერც ერთი ეს მიზანი ვერ დაიცვა. სააკაშვილის რეჟიმმა ჯერ ქვეყანა უმძიმეს სამხედრო ავანტიურაში შეიყვანა, შემდეგ ბრძოლის ველზე მარცხი განიცადა, ბოლოს კი ხელი მოაწერა პირობებს, რომლებმაც რუსეთის მიერ შექმნილი ახალი საოკუპაციო რეალობა ვერ შეაჩერა. ყველაზე მძიმე კი ის იყო, რომ ხელისუფლებამ საკუთარ შეცდომებს ქართველი სამხედროების გმირობა გადააფარა. ქართველი ჯარისკაცები თავდადებით იბრძოდნენ. მარცხი მათი არ ყოფილა. ეს იყო პოლიტიკური ხელმძღვანელობის მარცხი – ხელისუფლების, რომელმაც ქვეყანა ომში შეიყვანა, ვერ მართა ომი და ვერც მისი დასრულებისას დაიცვა ქვეყნის ინტერესები.ამ ისტორიის კიდევ ერთი მძიმე მხარე საერთაშორისო რეაქცია იყო. 12 აგვისტოს შეთანხმებას შუამავლად და გარანტორად ევროკავშირი ედგა. ექვს პუნქტში საქართველოსთვის არსებითად მნიშვნელოვანი იყო მეხუთე პუნქტი: რუსეთის სამხედრო ძალები საწყის პოზიციებზე უნდა დაბრუნებულიყვნენ. მაგრამ რა მოხდა შემდეგ? რუსეთზე რეალური ზეწოლა განხორციელდა? სანქციები დაწესდა? ვაჭრობა შეჩერდა? პოლიტიკური და ეკონომიკური ურთიერთობები შეიზღუდა? არა. პირიქით, დასავლეთსა და რუსეთს შორის მალე დაიწყო ურთიერთობების „გადატვირთვა“. გაგრძელდა მასშტაბური ეკონომიკური თანამშრომლობა. აშენდა „ნორდ სტრიმის“ მილსადენები. 2010 წლის 9 მაისს კი წითელ მოედანზე რუს და ევროპელ სამხედროებს ერთ აღლუმზე ვხედავდით.საქართველომ კი სხვა რეალობა მიიღო: შეიარაღების შეძენაზე დაწესებული ემბარგო, ომის პასუხისმგებლობაზე მძიმე საერთაშორისო შეფასებები, რუსეთის მსოფლიო სავაჭრო ორგანიზაციაში გაწევრიანებაზე საქართველოს თანხმობის იძულება და გასასტიკებული რეჟიმის ყველაზე შავბნელი წლები. რა იყო ეს, თუ არა საქართველოს დასჯა და რუსეთთან ურთიერთობების ძველ კალაპოტში სწრაფი დაბრუნება? მაგრამ, მიუხედავად ყველაფრისა, მიუხედავად სამ დღეში კაპიტულაციისაა, მიტოვებული ჯარისკაცებისა, ჰალსტუხისა და გორის სამარცხვინო კადრებისა, რუსთაველზე ზეიმისა მაშინ, როდესაც ჩვენი პატრიარქი საკუთარი ფეხით მიდიოდა ომის ზონაში დაღუპული ჯარისკაცების გამოსაყვანად და მშვიდობიანი მოსახლეობის დასახმარებლად, ყველაფრის მიუხედავად, ქართველმა ჯარისკაცმა საქართველოს ღირსება არ დათმო.არ არსებობს ბრძოლა საქართველოსთვის გმირების გარეშე, თავდადების გარეშე, თავგანწირვის გარეშე.  ჩვენ ამ ომმა მოგვცა შინდისის გმირები, გელა ჭედია, ძმები რომელაშვილები, გიორგი ანწუხელიძე… ათობით და ასობით გმირი. მათ შეინახეს საქართველოს ღირსება, საკუთარი სისხლით დაიცვეს დიდგორის სახელი და დაგვიტოვეს რწმენა, რომ არასოდეს შევეგუებით მარცხს, ღალატს და უსამართლობას. ამიტომ 12 აგვისტოს ორი სრულიად განსხვავებული ისტორიული მნიშვნელობა აქვს. ერთი მხრივ, ეს არის დიდგორის გამარჯვების დღე – გონივრული სახელმწიფოებრივი პოლიტიკის, სწორი სამხედრო სტრატეგიის, გმირული თავდადებისა და ეროვნული ერთიანობის სიმბოლო. მეორე მხრივ კი, ეს არის 2008 წლის კაპიტულანტური შეთანხმების დღე – პოლიტიკური უგუნურების, სამხედრო მარცხისა და პასუხისმგებლობისგან გაქცევის სიმბოლო.დავით აღმაშენებელმა დიდგორის გამარჯვებით საქართველო გააერთიანა. სააკაშვილმა დიდგორობის დღეს ომი წააგო და ქვეყანას გაფართოებული ოკუპაცია დაუტოვა. ეს არის ისტორიული რეალობა, რომელსაც ვერც პროპაგანდა შეცვლის და ვერც წაგებული ომის გამარჯვებად გამოცხადება.ისტორია ულმობელია. რჩება დოკუმენტები, რჩება შედეგები და რჩება ხალხის მეხსიერება. დიდება საქართველოსთვის დაცემულ გმირებს დიდება ყველას, ვისთვისაც ძვირფასია დიდგორის წმინდა სახელი“, – წერს პაპუაშვილი.

პოლიტიკა • 1786454731

გურამ მაჭარაშვილი: ქვეყნის მოღალატეობრივი პოლიტიკაა და ორმაგი სტანდარტია, როცა რუსეთის ფედერაცია შენს სამშობლოში შემოიჭრა და ამას „არა უშავს“, შემდეგ მომღერლებიც ამღერო რუსეთში და დღეს კი, სააკაშვილის კარის მომღერლები ვითომ რუსოფობები გახდნენ

„ხალხის ძალის“ აღმასრულებელმა მდივანმა გურამ მაჭარაშვილმა ჟურნალისტებთან საუბრისას შეაფასა ის, თუ რატომ დუმს ამჟამად მიხეილ სააკაშვილი რუსეთის მიმართ 2008 წლის ომის შემდგომ წარმოებულ პოლიტიკაზე. მაჭარაშვილი აცხადებს, რომ პოლიტიკა, რომელსაც სააკაშვილის ხელისუფლება თავის დროზე აწარმოებდა და ახლა ნაცაგენტურის სახით აგრძელებს, სხვა არაფერია, თუ არა ორმაგი სტანდარტი.როგორც გურამ მაჭარაშვილმა აღნიშნა, სააკაშვილი მის მიერ გადადგმულ ნაბიჯებზე კომენტარს დღეს არ აკეთებს, ვინაიდან სათქმელი არაფერი აქვს, რადგან ის ხელისუფლებაში ყოფნისას უცხო ქვეყნის დაკვეთას ასრულებდა და ახლაც, თავისი მომხრეების მეშვეობით, იმავეს აკეთებს.„ორმაგი სტანდარტი და ქვეყნის მოღალატეობრივი პოლიტიკაა, როცა რუსეთის ფედერაცია შენს საკუთარ სამშობლოში შემოიჭრა და ამას „არა უშავს“, შემდეგ მომღერლებიც ამღერო რუსეთში, მათ შორის რუსეთის პრეზიდენტთან, მაგალითად, ვითომ ევროპელი პაატა ბურჭულაძე (რუსეთის პრეზიდენტს „ღვინო კახუროს“ რომ უმღეროდა). ორმაგი სტანდარტია ასევე სააკაშვილის კარის მომღერლები დღეს რომ ვითომ რუსოფობები გახდნენ.რუსეთმა საქართველოს ნაწილის ოკუპაცია რომ მოახდინა, ამას თურმე „არა უშავს“ - საქართველოს მაშინდელი ხელისუფლების წარმომადგენლები ჩვენს ქვეყანაში ინვესტიციების ჩადებისკენაც მოუწოდებდნენ რუსებს. თავად სააკაშვილი ღვინით ხელში ხვდებოდა რუს ტურისტებს და ა.შ.ჩვენ ეს ყველაფერი გვახსოვს. ამიტომაცაა, რომ სააკაშვილი დღეს ამ თემაზე ვერაფერს იტყვის, ან თუ იტყვის, ისევ თავის საწინააღმდეგოს... სააკაშვილი თავის ნაცაგენტურასთან ერთად წარმოადგენდა და წარმოადგენს უცხოურ ძალას. როცა უთხრეს, რომ რუსეთთან ლოიალური პოლიტიკა ეწარმოებინა, მიუხედავად იმისა, რომ ქვეყნის ნაწილის ოკუპაცია მოახდინა რუსეთმა, მათ ეს გააკეთეს და როდესაც უკრაინაში შეიჭრა რუსეთი და დაავალეს ანტირუსული პოლიტიკის გატარება, ესეც შეასრულეს. მათ სხვა გზა არც ჰქონდათ, რადგან ასეთია აგენტის ხვედრი,“ - განაცხადა გურამ მაჭარაშვილმა.

პოლიტიკა • 1786444109

ქვეყნის მოღალატეობრივი პოლიტიკაა და ორმაგი სტანდარტია, როცა რუსეთის ფედერაცია შენს სამშობლოში შემოიჭრა და ამას „არა უშავს“, შემდეგ მომღერლებიც ამღერო რუსეთში და დღეს კი, სააკაშვილის კარის მომღერლები ვითომ რუსოფობები გახდნენ - გურამ მაჭარაშვილი

„ხალხის ძალის“ აღმასრულებელმა მდივანმა გურამ მაჭარაშვილმა ჟურნალისტებთან საუბრისას  შეაფასა ის, თუ რატომ დუმს ამჟამად მიხეილ სააკაშვილი რუსეთის მიმართ 2008 წლის ომის შემდგომ წარმოებულ პოლიტიკაზე. მაჭარაშვილი აცხადებს, რომ პოლიტიკა, რომელსაც სააკაშვილის ხელისფლება თავის დროზე აწარმოებდა და ახლა ნაცაგენტურის სახით აგრძელებს, სხვა არაფერია, თუ არა  ორმაგი სტანდარტი.როგორც გურამ მაჭარაშვილმა აღნიშნა, სააკაშვილი მის მიერ გადადგმულ ნაბიჯებზე კომენტარს დღეს არ აკეთებს, ვინაიდან სათქმელი არაფერი აქვს, რადგან ის ხელისუფლებაში ყოფნისას  უცხო ქვეყნის დაკვეთას ასრულებდა და ახლაც, თავისი მომხრეების მეშვეობით, იგივეს აკეთებს.„ორმაგი სტანდარტი და ქვეყნის მოღალატეობრივი პოლიტიკაა, როცა რუსეთის ფედერაცია შენს საკუთარ სამშობლოში შემოიჭრა და ამას „არა უშავს“, შემდეგ მომღერლებიც ამღერო რუსეთში, მათ შორის რუსეთის პრეზიდენტთან, მაგალითად, ვითომ ევროპელი პაატა ბურჭულაძე (რუსეთის პრეზიდენტს „ღვინო კახუროს“ რომ უმღეროდა). ორმაგი სტანდარტია ასევე სააკაშვილის კარის მომღერლები დღეს რომ ვითომ რუსოფობები გახდნენ.რუსეთმა საქართველოს ნაწილის ოკუპაცია რომ მოახდინა, ამას თურმე „არა უშავს“ - საქართველოს მაშინდელი ხელისუფლების წარმომადგენლები ჩვენს ქვეყანაში ინვესტიციების ჩადებისკენაც მოუწოდებდნენ რუსებს. თავად სააკაშვილი ღვინით ხელში ხვდებოდა რუს ტურისტებს და ა.შ.ჩვენ ეს ყველაფერი გვახსოვს. ამიტომაცაა, რომ სააკაშვილი დღეს ამ თემაზე ვერაფერს იტყვის, ან თუ იტყვის, ისევ თავის საწინააღმდეგოს... სააკაშვილი თავის ნაცაგენტურასთან ერთად წარმოადგენდა და წარმოადგენს უცხოურ ძალას. როცა უთხრეს, რომ რუსეთთან ლოიალოური პოლიტიკა ეწარმოებინა, მიუხედავად იმისა, რომ ქვეყნის ნაწილის ოკუპაცია მოახდინა რუსეთმა, მათ ეს გააკეთეს და როდესაც უკრაინაში შეიჭრა რუსეთი და დაავალეს ანტირუსული პოლიტიკის გატარება, ესეც შეასრულეს. მათ სხვა გზა არც ჰქონდათ, რადგან ასეთია აგენტის ხვედრი,“ -  განაცხადა გურამ მაჭარაშვილმა.

პოლიტიკა • 1786441653

მიხეილ ყაველაშვილი: „ქართული ოცნების“ ხელმძღვანელობით ჩვენ ვამხილეთ, რომ რუსეთმა მოახდინა საქართველოს ორი ტერიტორიის ოკუპაცია და ჩაიდინა სამხედრო დანაშაული

საქართველო მორალურად და სამართლებრივად მართალია რუსეთთან, ვამხილეთ, რომ რუსეთი არის ჩვენი ტერიტორიების ოკუპაციის განმახორცილებელი, მან ჩაიდინა დანაშაული ჩვენ წინაშე, – ამის შესახებ საქართველოს პრეზიდენტმა, მიხეილ ყაველაშვილმა განაცხადა.მისივე თქმით, მაშინდელმა ხელისუფლებამ, რომელსაც ხალხის წინაშე პასუხისმგებლობა ჰქონდა, უგუნური ქმედება ჩაიდინა.„ვინ დაიწყო ომი, რატომ სვამენ ამ კითხვას. სამი დღის წინ ახსნა-განმარტება გავაკეთეთ მეც, პარლამენტის თავმჯდომარემ, პრემიერ-მინისტრმა, დეტალებით, ფაქტებით აღვნიშნეთ, რომ ყველა ინსტანციაში, საერთაშორისო ინსტიტუტებში, ჰააგაში, სტრასბურგში ჩვენ გვქონდა დავა რუსეთთან და ყველგან გაიმარჯვა ქართულმა სახელმწიფომ „ქართული ოცნების“ ხელმძღვანელობით. ჩვენ ვამხილეთ, რომ რუსეთი არის ჩვენი ტერიტორიების ოკუპაციის განმახორცილებელი, მან ჩაიდინა დანაშაული ჩვენ წინაშე, ეს არის აღიარებული ფაქტი, მოცემულობა, რეალობა, საერთაშორისო სამართლის ნორმებით ყველასთვის ცნობილია, რომ რუსეთის ფედერაციის მიერ არის ოკუპირებული ჩვენი ორი ტერიტორია და მათ ჩაიდინეს დანაშაული, საქართველო მორალურად და სამართლებრივად მართალია რუსეთთან.იცით, როგორ უნდათ დააყენონ საკითხი? ჩვენ თითქოს რუსეთის ინტერესებს ვიცავთ და რუსი ხალხის ინტერესებზე ვსაუბრობთ. მაშინ ჩვენ გვყავდა ხელისუფლება, რომელსაც ჰქონდა პასუხისმგებლობა საკუთარი ხალხის წინაშე და მათ ჩაიდინეს უგუნური ქმედება. ეს საკითხები რომ არ დაისვას და ხალხმა რომ არ გაიგოს სიმართლე, ამიტომ შემოაქვთ ეს თემა, აი, რუსეთმა დაიწყო თუ საქართველომ დაიწყო. ეს არის უბედურება, არ უნდათ, ქართველმა ხალხმა იცოდეს სრული სიმართლე, თუ რა ჩაიდინა მაშინდელმა ხელისუფლებამ. დღევანდელ ხელისუფლებას უფრო მეტი მორალური უფლება გვაქვს, რომ გამოვაცხადოთ მობილიზაცია, შევკრათ ჩვენი ბევრად ძლიერი ჯარი და დავიწყოთ ჩვენი ტერიტორიების დაბრუნება. ჩვენ მართლები ვართ, მორალური უფლება გვაქვს, მაგრამ რა არის რეალობა, ამას რა შეიძლება, მოჰყვეს, ამის გააზრება როცა არ შეგიძლია, ან იცი და დავალებას ასრულებ.ჩვენს ტერიტორიაზე ომს ჩვენვე როგორ დავიწყებდით? – თვითონვე სცემენ პასუხს, სააკაშვილმა უარესი გააკეთა. ვციტირებ: დიახ მე მივიღე გადაწყვეტილება, რომ აღმედგინა კონსტიტუციური წესრიგი და შევსულიყავი ცხინვალში“. რეზოლუციაში რა წერია, რომ ფართომასშტაბიანი სამხედრო, საომარი მოქმედებები დაიწყო ქართულმა მხარემ, სააკაშვილის ხელისუფლებამ და ამაზე თავად მოაწერეს ხელი. ეს განახორციელა „ნაციონალურმა მოძრაობამ“ და ხელი მოაწერა ამას, რომ მათ დაიწყეს ფართომასშტაბიანი სამხედრო მოქმედებები ცხინვალის რეგიონში, სადაც შემდეგ საპასუხო რეაქცია მოყვა რუსეთის ფედერაციის მხრიდან. ამას მოაწერა ხელი „ნაციონალურმა მოძრაობამ“, ეს არის ფაქტი, ამას ვერ გაექცევით“, – განაცხადა ყაველაშვილმა.

პოლიტიკა • 1786439493

მიხეილ ყაველაშვილი: ჩვენ ყველგან გვქონდა დავა რუსეთის სახელმწიფოსთან და ყველგან გაიმარჯვა ქართულმა სახელმწიფომ „ქართული ოცნების“ ხელმძღვანელობით. ყველა დავაში ჩვენ ვამხილეთ რუსეთი, რომ ის არის განმხორციელებელი ოკუპაციის, მან ჩაიდინა დანაშაული ჩვენ წინაშე და ეს არის აღიარებული ფაქტი

ჩვენ, ყველგან გვქონდა დავა რუსეთის სახელმწიფოსთან და ყველგან გაიმარჯვა ქართულმა სახელმწიფომ „ქართული ოცნების“ ხელმძღვანელობით. ყველა დავაშვი ჩვენ ვამხილეთ რუსეთი, რომ ის არის განმხორცილებელი ოკუპაციის, ჩვენი ტერიტორიების, მან ჩაიდინა დანაშაული ჩვენ წინაშე და ეს არის აღიარებული ფაქტი, - განაცხადა საქართველოს პრეზიდენტმა, მიხეილ ყაველაშვილმა.როგორც პრეზიდენტმა აღნიშნა, საერთაშორისო სამართლის ნორმებით ყველასთვის ცნობილია, რომ რუსეთი ფედერაციის მიერ არის ოკუპირებული ჩვენი ორი ტერიტორია, მათ ჩაიდინეს სამხედრო დანაშაული.„ამათ [ოპოზიციას] საკითხის ასე დაყენება უნდათ, რომ თითქოს ჩვენ რუსეთის ინტერესებს ვიცავთ და რუსი ხალხის ინტერესებზე ვსაუბრობთ. ჩვენ გვაქვს ჩვენი პასუხისმგებლობა.აგვისტოს დღეებში, ამ ბიჭებმა, რომლებმაც გმირობა ჩაიდინეს, მაშინ გვყავდა ხელისუფლება, რომელსაც პასუხისმგებლობა გააჩნდა საკუთარი სახელმწიფოს, საკუთარი ხალხის წინაშე. ამ საკუთარი პასუხისმგებლობიდან გამომდინარე, მათ ჩაიდინეს უგუნური ქმედება, ჩაიდინეს დანაშაული საკუთარი ხალხის წინაშე. ეს საკითხები რომ არ დაისვას და ხალხმა რომ სიმართლე არ გაიგოს, ამიტომ შემოაქვთ ეს თემა - რუსეთმა დაიწყო ომი თუ საქართველომ. ეს არის უბედურება, რომ არ უნდათ ქართველმა ხალხმა სრული სიმართლე იცოდეს, თუ რა ჩაიდინა მაშინდელმა ხელისუფლებამ“, - აღნიშნა ყაველაშვილმა.

პოლიტიკა • 1786360500

მშვენივრად დადიოდნენ რუსეთში, ატარებდნენ კონცერტებს, საკუთარ საქმიანობას ახორციელებდნენ და დღეს, როდესაც უკრაინასთან მიმართებით რუსეთმა განახორციელა აგრესია, ე.წ. პრინციპულობა გამოიჩინეს, რაც პირდაპირ რუსოფობიაში გადაიზარდა - დავით მათიკაშვილი

პარლამენტის საპროცედურო საკითხთა კომიტეტის თავმჯდომარის, დავით მათიკაშვილის განცხადებით, კულტურისა და მეცნიერების სფეროს ის წარმომადგენლები, რომლებიც 2008 წლის აგვისტოს ომის შემდეგ რუსეთთან ჩვეულებრივად თანამშრომლობდნენ, დღეს ე.წ. პრინციპულობას იჩენენ, რაც მიზანმიმართულ რუსოფობიაშია გადაზრდილი.მისი შეფასებით, რთული დასაჯერებელია, რომ ეს ორმაგი სტანდარტი შემთხვევითობაა და ის უფრო ერთიანი ფრონტით განხორციელებულ, ანტიქართული ხასიათის ქმედებას ჰგავს."ფაქტია და საზოგადოებას ძალიან კარგად ახსოვს, რა მასშტაბის ქმედებებს ჰქონდა ადგილი 2008 წლის შემდგომ. კულტურის მოღვაწეები თუ მეცნიერების სფეროდან ცალკეული პირები, პირდაპირ შეგვიძლია ვთქვათ, მშვენივრად თანამშრომლობდნენ რუსეთთან, არანაირი პრინციპული დამოკიდებულება არ ჰქონდათ, მიუხედავად 2008 წლის ომისა, მიუხედავად 400-ზე მეტი დაღუპულისა და დაკარგული, დროებითი ტერიტორიებისა და ასე შემდეგ.მშვენივრად დადიოდნენ რუსეთში, ატარებდნენ კონცერტებს, საკუთარ საქმიანობას ახორციელებდნენ და და დღეს, როდესაც უკრაინასთან მიმართებით რუსეთმა განახორციელა აგრესია, ე.წ. პრინციპულობა გამოაჩინეს, რაც პირდაპირ რუსოფობიაში არის გადაზრდილი. რას ნიშნავს ეს ყველაფერი? სწორედ ეს კითხვის ნიშნები იყო დასმული და საზოგადოებამ თვითონ გასცეს პასუხი - ეს შემთხვევითი დამთხვევაა, რომლის დაჯერებაც ნამდვილად რთულია, თუ რაღაც მიზანმიმართული, ერთიანი ფრონტით განხორციელებული ქმედებები, რომელიც, სამწუხაროდ, ანტიქართულ ხასიათს ატარებს," - აცხადებს დავით მათიკაშვილი.