რამაზ გიგა

რატომ არ სრულდება „ახალი წლის დაპირებები“ - ასტროლოგიური განმარტება

რატომ არ სრულდება „ახალი წლის დაპირებები“ - ამის ასტროლოგიურ განმარტებას რამაზ გიგაური გვთავაზობს.„ახლა მზე მშვილდოსანშია. ეს არის ოპტიმიზმის, დიდი მიზნების და „იღბლის პლანეტის“ — იუპიტერის ენერგია. ჩვენ ყველას გვიხარია, ვივსებით იმედით და ვგეგმავთ დიდ ცვლილებებს. მაგრამ რატომ ხდება, რომ იანვარში ეს ენერგია ქრება? იმიტომ, რომ წარმატებას ორი ფრთა აქვს და ჩვენ ხშირად მხოლოდ ერთს ვიყენებთ:იუპიტერი (იღბალი, იდეა): ეს არის „რა მინდა?“. ის გვაძლევს ოცნებას და მასშტაბს.სატურნი (დისციპლინა, დრო): ეს არის „როგორ გავაკეთო?“. ის გვაძლევს სტრუქტურას და მოთმინებას.პრობლემა: ჩვენ გვიყვარს იუპიტერი (ტკბილია), მაგრამ გაურბივართ სატურნს (მკაცრია). იუპიტერი სატურნის გარეშე — ეს არის „ჰაერში აგებული კოშკები“. სატურნი იუპიტერის გარეშე — ეს არის „მძიმე, უმიზნო შრომა“.ფორმულა მარტივია: ისარგებლეთ მშვილდოსნის ენერგიით, რომ დაისახოთ დიდი მიზანი. მაგრამ მოემზადეთ სატურნისთვის, რომ ეს მიზანი ყოველდღიურ რეალობად აქციოთ.იღბალი არ არის შემთხვევითობა. იღბალი არის ადგილი, სადაც მომზადება (სატურნი) ხვდება შესაძლებლობას (იუპიტერი). თქვენ რომელს უფრო ეყრდნობით ხოლმე — იღბალს თუ დისციპლინას?“ - წერს ასტროლოგი.

ასტროლოგია • 1764525166

„თვის ბოლოს დგება ილუზიების პიკი...“ - დეკემბრის მთავარი გამოწვევები და რჩევები რამაზ გიგაურისგან

1 დეკემბერს, თბილისის დროით 00:14 საათზე, ვენერა ტოვებს მორიელის ემოციურ, კრიზისულ სივრცეს და მშვილდოსნის ცეცხლოვან ნიშანში გადადის“, - ამის შესახებ სოციალურ ქსელში ასტროლოგი, ფსიქოლოგი და რამდენიმე წიგნის ავტორი, რამაზ გიგაური წერს და საზოგადოებას რჩევებს უზიარებს.„1 დეკემბერს, თბილისის დროით 00:14 საათზე, ვენერა ტოვებს მორიელის ემოციურ, კრიზისულ სივრცეს და მშვილდოსნის ცეცხლოვან ნიშანში გადადის.სიმბოლურია, რომ ეს ხდება შემოდგომის ბოლოსა და ზამთრის დასაწყისში — თითქოს სამყარო გვეუბნება: „რაც დასასრულებელი იყო — დასრულდა. დროა, ჰორიზონტს გახედო!“მორიელის სიღრმეებში ჩაძირვამ და „ემოციურმა წმენდამ“ თავისი საქმე გააკეთა. ახლა კი დადგა ის მომენტი, როცა სიყვარულისა და სილამაზის პლანეტამ „გონიერი ცეცხლის“ ენერგია უნდა მიიღოს.რას მოგვიტანს ეს პერიოდი?ურთიერთობები, როგორც ზრდის შესაძლებლობა: ვენერა მშვილდოსანში ურთიერთობას აღიქვამს არა როგორც დრამას ან მესაკუთრეობას (როგორც მორიელში იყო), არამედ როგორც განვითარების, ექსპანსიისა და ექსპერიმენტების ასპარეზს.• გამოვლენის მაღალი დონე: სულიერი ნათესაობა. პარტნიორი ხდება მენტორი, მეგზური და თანამოაზრე.• გამოვლენის დაბალი დონე: პრესტიჟის დემონსტრირება, სნობიზმი და „ელიტარულობის“ თამაში.პარტნიორი ამ დროს გულით და რაც მთავარია, მასშტაბით აირჩევა (და არა ვნებით, როგორც მორიელში). ამ პერიოდში გულუხვობა, იუმორი და გულწრფელობა ყველაზე ძლიერი მაგნიტი ხდება.საერთოდ, მშვილდოსნისთვის დამახასიათებელია ეგზოტიკისა და სიახლის ძიება, სწორედ ამის გამო, სასიყვარულო ინტერესი ხშირად საზღვრებს გარეთაც არის ხოლმე მიმართული. (ვისაც ნატალურ რუკაში ვენერა მშვილდოსანში გყავთ, ალბათ დაგვეთანხმებით, რომ უცხოელების ან განსხვავებული კულტურის ადამიანების მიმართ განსაკუთრებული ინტერესი გაქვთ ).ფინანსები და ღირებულებები:ამ პერიოდში ფულის ენერგია პირდაპირ კავშირშია თქვენს თვითშეფასებასთან. ვენერა მშვილდოსანში არ არის ხელმომჭირნე — ის ფულს სიამოვნებით ხარჯავს, განსაკუთრებით იმაში, რაც მას ზრდის (მოგზაურობა, განათლება) ან მის სტატუსს უსვამს ხაზს (ბრენდები, ფუფუნება).დეკემბრის მთავარი გამოწვევები:ვენერა მშვილდოსანში ყოფნისას სამ მნიშვნელოვან ასპექტს ქმნის, რაც თვის ერთგვარ ემოციურ ფონს განსაზღვრავს:2 დეკემბერი: ამბიცია და ძალა (ვენერას სექსტილი პლუტონთან) ნიშანში შესვლისთანავე ვენერა იღებს პლუტონის მძლავრ ენერგიას.• რას ნიშნავს: ჩვენი ფინანსური და პირადი სურვილები იღებს შანსს, მოიპოვოს გავლენიანი ძალების მხარდაჭერა.• რჩევა: გახსოვდეთ, სექსტილი მხოლოდ შანსია და არა გარანტია. იმისათვის, რომ ეს ენერგია აამუშაოთ, საჭიროა გამოიჩინოთ ნებისყოფა, რისკი და პარტნიორობის უნარი. არ დაელოდოთ, იმოქმედეთ!21 დეკემბერი: თვითშეფასების გამოცდა (ვენერას კვადრატი სატურნთან) მესამე დეკადის დასაწყისში ვეჯახებით შინაგან „კედელს“ და შეზღუდვებს.• ფსიქოლოგიური ფონი: შესაძლოა ამოტივტივდეს ძველი კომპლექსები: „მე სიყვარულის ღირსი არ ვარ“, „ჯერ უნდა დავიმსახურო“. ეს არის ბავშვობის პროგრამის ექო, როცა გვასწავლიდნენ, რომ „კანფეტის მისაღებად კარგად მოქცევაა საჭირო“.• გამოწვევა: უნდა ისწავლოთ საკუთარი თავის დაფასება არა მიღწევების, არამედ არსებობის გამო. ნუ ეცდებით სიყვარულის „ყიდვას“ ან „დამსახურებას“.24 დეკემბერი: ილუზიების ტყვეობაში (ვენერას კვადრატი ნეპტუნთან) თვის ბოლოს დგება ილუზიების პიკი. რეალობა იბურება.• პირადში: დიდია რისკი, შეგვიყვარდეს არა რეალური ადამიანი, არამედ ჩვენივე შექმნილი იდეალური ხატი (გალაკტიონს რომ დავესესხოთ, ეს არის: „მე შენში მიყვარს ოცნება ჩემი“).• ფინანსური გაფრთხილება: ეს ასპექტი ააქტიურებს ე.წ. „მაგიურ აზროვნებას“. ჩვენ გვინდა გვჯეროდეს ზღაპრების, რასაც ხშირად იყენებენ თაღლითები და მანიპულატორები. იყავით სკეპტიკური ნებისმიერი „სწრაფად გამდიდრების“ სქემის მიმართ (ვენერა ფინანსებსაც მართავს)!“,- წერს რამაზ გიგაური.

ასტროლოგია • 1764437400

„კარგი პერიოდია მოლაპარაკებებისა და პარტნიორული ურთიერთობების დასალაგებლად...“ - დეკემბრის პროგნოზი რამაზ გიგაურისგან

ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.ამჯერად ასტროლოგი ახალ სტატუსს აქვეყნებს, სადაც დეკემბრის ასტროლოგიურ პროგნოზზე წერს:„წლის ბოლო თვე ენერგეტიკულად ორ დიდ ნაწილად იყოფა: თუ თვის პირველი ნახევარი იდეების, ოპტიმიზმისა და ინფორმაციის გაცვლის პერიოდია (მშვილდოსნის გავლენა), თვის მეორე ნახევარი, განსაკუთრებით 15 დეკემბრის შემდეგ, მკაცრ დისციპლინას, სტრუქტურასა და კონკრეტულ შედეგებზე ორიენტირებას მოითხოვს (თხის რქის გავლენა). დეკემბერი გვაძლევს შანსს, რომ წლის განმავლობაში დაგროვილი ქაოსი სისტემაში მოვიყვანოთ.მნიშვნელოვანი თარიღები და ინგრესიები: 1 დეკემბერი – > ვენერა მშვილდოსნის ზოდიაქოში 5 დეკემბერი – სავსემთვარეობა ტყუპებში (03:14 საათზე) 10 დეკემბერი – ♆ D ნეპტუნი დირექტიული ხდება (თევზების 29-ე გრადუსზე) 12 დეკემბერი – ☿ > მერკური მშვილდოსნის ზოდიაქოში 15 დეკემბერი – > მარსი თხის რქის ზოდიაქოში 20 დეკემბერი – ახალმთვარეობა მშვილდოსანში (05:43 საათზე) 20 დეკემბერი – ⚸ > შავი მთვარე (ლილიტი) მშვილდოსნის ზოდიაქოში 21 დეკემბერი – ☉ > მზე თხის რქის ზოდიაქოში: ზამთრის მზებუდობა (19:03 საათზე) 24 დეკემბერი – > ვენერა თხის რქის ზოდიაქოში⟶ 1 დეკემბერს ვენერა მორიელის ემოციურ და კრიზისულ ნიშანს ტოვებს და მშვილდოსანში გადადის. ეს ცვლილება სასიყვარულო და ფინანსურ სფეროში სიმსუბუქეს და ოპტიმიზმს შემოიტანს. თუ ნოემბერში ურთიერთობები ხასიათდებოდა ეჭვიანობითა და დრამატიზმით, დეკემბრის დასაწყისიდან წინა პლანზე გადმოდის თავგადასავლების სურვილი, იდეალიზმი და პარტნიორთან სულიერი კავშირის ძიება. ეს შესანიშნავი პერიოდია მოგზაურობისთვის, უცხოელებთან კონტაქტებისა და ახალი, მასშტაბური ფინანსური გეგმების დასახვისთვის. თუმცა, სიფრთხილეა საჭირო ფუჭ დაპირებებთან და გადამეტებულ ხარჯებთან მიმართებაში. 5 დეკემბერს სავსემთვარეობა იქნება ტყუპების ზოდიაქოში. მთვარე (ტყუპები) და მზე (მშვილდოსანი) ქმნიან ინფორმაციულ ღერძს. ეს დღეები დატვირთული იქნება ინფორმაციის ჭარბი ნაკადით, კომუნიკაციითა და გადაადგილებით. ამ სავსემთვარეობის მთავარი გზავნილია: „გაარჩიე სიმართლე ტყუილისგან“. მოიმატებს ჭორების, დეზინფორმაციისა და ზედაპირული დასკვნების ალბათობა. რეკომენდებულია საბუთების, ტექსტებისა და შეთანხმებების ორმაგი გადამოწმება. ემოციურ დონეზე მნიშვნელოვანია არ ავყვეთ ქაოსს და შევინარჩუნოთ გონებრივი სიცხადე.D 10 დეკემბრიდან ნეპტუნი, რომელიც ივნისიდან რეტროგრადული იყო, დირექტიულ (სწორ) მოძრაობას უბრუნდება თევზების 29-ე, კრიტიკულ გრადუსზე. ეს მნიშვნელოვანი მომენტია ფსიქოლოგიური და სულიერი თვალსაზრისით. ის ბურუსი, ილუზიები და გაურკვევლობა, რომელიც ბოლო თვეებში ბევრს აწუხებდა, ნელ-ნელა გაიფანტება. ეს არის „გამოღვიძების“ დრო. ინტუიცია გახდება უფრო მკაფიო, ხოლო შემოქმედებითი ენერგია — უფრო პროდუქტიული. მუნდანურ დონეზე შესაძლოა გამოაშკარავდეს ფარული ინტრიგები ან საიდუმლოებები.12 დეკემბერს მერკური მშვილდოსანში გადადის. აზროვნება ხდება გლობალური და მასშტაბური, თუმცა მერკური ამ ნიშანში „გამოძევებულია“, რაც იმას ნიშნავს, რომ დეტალები ხშირად ყურადღების მიღმა რჩება. ადამიანებს გაუჩნდებათ დიდი იდეები, მაგრამ გაუჭირდებათ მათი პრაქტიკული რეალიზაციის გზების დანახვა. მოიმატებს პირდაპირობა საუბარში, რაც ზოგჯერ ტაქტის ნაკლებობაში გადაიზრდება. კარგი დროა სწავლისთვის, ფილოსოფიური მსჯელობისთვის, მაგრამ არა — სკრუპულოზური საქმეებისთვის. (თვის მთავარი მოვლენა) 15 დეკემბერს მარსი თხის რქაში გადადის — ნიშანში, სადაც ის „ეგზალტირებულია“ (ყველაზე ძლიერია). ენერგია, რომელიც მშვილდოსანში გაფანტული და ქაოსური იყო, ახლა ხდება მიზანმიმართული, სტრატეგიული და დისციპლინირებული. ეს არის თვის ყველაზე პროდუქტიული პერიოდი კარიერული წინსვლისთვის, რთული ამოცანების გადაჭრისა და გრძელვადიანი პროექტების დაწყებისთვის. მარსი თხის რქაში არ ჩქარობს, ის მოქმედებს გეგმაზომიერად და აღწევს შედეგს. ემოციები უკანა პლანზე გადადის, წინ კი მოდის ამბიცია და პროფესიონალიზმი. 20 დეკემბერს ახალმთვარეობა იქნება მშვილდოსანში. ეს არის წლის ბოლო ახალმთვარეობა, რომელიც ახალი ჰორიზონტების გახსნას უკავშირდება. ენერგია მიმართულია მომავლისკენ, განვითარებისკენ და რწმენისკენ. იდეალური დროა 2026 წლის სტრატეგიული მიზნების ჩამოყალიბებისთვის, სწავლის დაწყებისთვის ან მოგზაურობის დაგეგმვისთვის. თუმცა, ყურადღებას ითხოვს ის ფაქტი, რომ იმავე დღეს შავი მთვარე (ლილიტი) მშვილდოსანში გადადის. ეს ზრდის იდეოლოგიური ფანატიზმის, ცრუ მოძღვრებების და დოგმატიზმის საფრთხეს. მნიშვნელოვანია, არ მოვექცეთ ცრუ ავტორიტეტების გავლენის ქვეშ. 21 დეკემბერს მზე თხის რქაში გადადის — დგება ზამთრის მზებუდობა. ასტრონომიული ზამთარი იწყება. ეს არის წლის ყველაზე გრძელი ღამე, რასაც სინათლის მატება მოსდევს. სიმბოლურად ეს ნიშნავს შინაგანი სტრუქტურის გამყარებას. დროა, შევაჯამოთ განვლილი წელი, დავაფასოთ მიღწეული შედეგები და რეალისტურად შევხედოთ მომავალს. 24 დეკემბერს ვენერაც თხის რქაში გადადის. თვის ბოლოს ურთიერთობები და ფინანსები უფრო სერიოზულ, პრაგმატულ ხასიათს მიიღებს. რომანტიკულ კავშირებში მთავარი ფასეულობა გახდება ერთგულება, პასუხისმგებლობა და სტატუსი. ფინანსური კუთხით ეს კარგი პერიოდია დანაზოგის გაკეთებისთვის და ბიუჯეტის რაციონალური დაგეგმვისთვის.შეჯამება: დეკემბერი იწყება ოპტიმისტური, მაგრამ ოდნავ ქაოსური ნოტებით და სრულდება მკაცრი, საქმიანი და შედეგზე ორიენტირებული ენერგიით. გამოიყენეთ თვის პირველი ნახევარი იდეების გენერირებისთვის, ხოლო მეორე ნახევარი — მათი მატერიალიზაციისთვის. მარსი თხის რქაში გვაძლევს ძალას, რომ წელი გამარჯვებით დავასრულოთ! თვის ზოგადი ენერგეტიკული კალენდარისასიკეთო და პროდუქტიული დღეები: 2, 3 დეკემბერი – საუკეთესო დღეებია ფინანსური საკითხების მოგვარებისა და საყიდლებისთვის. 13, 14 დეკემბერი – კარგი პერიოდია მოლაპარაკებებისა და პარტნიორული ურთიერთობების დასალაგებლად. 24, 25 დეკემბერი – ეს დღეები კარგია ინტუიციური გადაწყვეტილებების მიღებისა და ოჯახური ჰარმონიისთვის. 29, 30 დეკემბერი – იდეალური დროა საახალწლო მზადებისთვის და პრაქტიკული საქმეების მოსაგვარებლად.დაძაბული და საყურადღებო დღეები: 5 დეკემბერი – მაღალია ემოციური არასტაბილურობა, დეზინფორმაციის საფრთხე და ქაოსი კომუნიკაციაში. 16, 17 დეკემბერი – მთვარე მორიელში (დაცემა). კრიზისული დღეებია. მოიმატებს ეჭვიანობა, აგრესია და ფსიქოლოგიური წნეხი. 20 დეკემბერი – თვის ყველაზე რთული დღე. ენერგია მინიმუმზეა, ხოლო ცდუნებებისა და შეცდომების ალბათობა — მაქსიმუმზე. მოერიდეთ საბედისწერო გადაწყვეტილებებს“,- წერს რამაზ გიგაური.

ასტროლოგია • 1763836302

„რატომ ცხოვრობს ადამიანების 99% სხვისი ცხოვრებით?...“ - რამაზ გიგაური

ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.ამჯერად ასტროლოგი ახალ სტატუსს აქვეყნებს, სადაც ადამიანებზე საუბრობს:„რატომ ცხოვრობს ადამიანების 99% სხვისი ცხოვრებით? ჩვენ სულ ვეძებთ „წარმატების ფორმულას“, ვეძებთ მაგიურ გზებს, მაგრამ რეალობა ბევრად უფრო მარტივი და ამავდროულად, მტკივნეულია.ეს არ არის მედიტაცია. ეს არ არის „პოზიტიური აზროვნება“. ეს არის ფსიქოლოგიური ინსტრუმენტი (დადასტურებული ჰარვარდისა და სტენფორდის კვლევებით), რომელიც გაიძულებს, შეწყვიტო თავის მოტყუება და დაიწყო რეალური ცხოვრება“, - წერს რამაზ გიგაური.

ასტროლოგია • 1763498122

„ხვალ და ზეგ, წლის ყველაზე მისტიკური და ფსიქოლოგიურად რთული დღეებია“ - რას გვირჩევს ასტროლოგი

ასტროლოგი რამაზ გიგაური, სოციალურ ქსელში, მომდევნო დღეების მნიშვნელოვანი ასტროლოგიური მოვლენის შესახებ წერს და საზოგადოებას აფრთხილებს.„ხვალ და ზეგ: წლის ყველაზე მისტიკური და ფსიქოლოგიურად რთული დღეებია. 19-20 ნოემბერს მთვარის კალენდრის ყველაზე მძიმე, 29-ე დღეს გავდივართ. ამას ემატება მორიელის ენერგია, რაც ნიშნავს, რომ ყველაფერი, რაც ჩვენში დაგროვდა — წყენა, შიშები, დაღლილობა — ახლა პიკს აღწევს.რატომ არის ეს დრო კრიტიკული?ეს არის „სიბნელე განთიადის წინ“. ენერგია მინიმუმზეა, ამიტომ არავითარ შემთხვევაში არ დაიწყოთ ახალი საქმეები, არ დაგეგმოთ შეხვედრები და არ მიიღოთ საბედისწერო გადაწყვეტილებები ემოციურ ფონზე.რა უნდა გავაკეთოთ ახალმთვარეობამდე (20 ნოემბრის დილამდე, თბილისის დროით 10:47 საათამდე)?• დაალაგეთ, დაასუფთავეთ სახლი: თუ გადასაყრელი გაქვთ ძველი, დაზიანებული ნივთები, მოიცილეთ;• გაასუფთავეთ გონება: აპატიეთ, გაუშვით წარსული და დაასრულეთ ის კავშირები, რომლებიც ენერგიას გართმევთ;• დეტოქსი: სხეულს ახლა მოსვენება და მსუბუქი საკვები სჭირდება;• სიჩუმე: ეცადეთ, მეტი დრო გაატაროთ მარტო, საკუთარ თავთან.მოემზადეთ განახლებისთვის, მაგრამ ჯერ ძველი კარი უნდა დაიხუროს!“, - წერს რამაზ გიგაური.

ასტროლოგია • 1763497091

„უნდა გავაკეთოთ ახალმთვარეობამდე, 20 ნოემბრის 10:47 საათამდე...“ - ასტროლოგი გვირჩევს

ასტროლოგია • 1763458679

„საიდუმლო დოკუმენტების გასაჯაროება, მაღალჩინოსნების გადადგომები...“ - რამაზ გიგაური კვირის ასტროლოგიურ პროგნოზს აქვეყნებს

ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში 17-23 ნოემბრის ასტროლოგიური პროგნოზის შესახებ წერს:„ასტროლოგიური პროგნოზი:17-23 ნოემბერი ნოემბრის ყველაზე მძლავრი და ინტენსიური კვირა გველოდება. ეს არის მორიელის ღრმა, ტრანსფორმაციული და „ფატალური“ ენერგიების ნამდვილი კოქტეილი. მთელი კვირა რეტრომერკურის „ჩარჩოშია", რაც მოვლენებს ფარულს და ინტროსპექციულს ხდის. თუმცა იგივე რეტრო-მერკური გვაძლევს უნიკალურ შანსს, დავუბრუნდეთ ძველ, დაუსრულებელ საქმეებს და ბოლომდე მივიყვანოთ! კვირა დაიწყება სტაბილურად, მაგრამ პიკს ოთხშაბათ-ხუთშაბათს მიაღწევს.კვირის მეორე ნახევარში მოსალოდნელია მორიელისთვის დამახასიათებელი „ტექტონიკური ძვრები"! კვირის მთავარი ასპექტები 17 ნოემბერი (ორშაბათი): მზის, იუპიტერისა და სატურნის დიდი ტრიგონი ეს კვირის ყველაზე სტაბილური დღეა. ეს კონფიგურაცია ანიჭებს ბევრ სიტუაციას სიმყარეს, ჰარმონიას ანიჭებს და პესიმიზმს აბალანსებს.• პირადი დონე: იშვიათი ჰარმონიული შანსი! იდეალურია ღრმა ემოციური მუშაობისთვის, წარსულის წყენებისგან განკურნებისა და ფსიქოლოგიური მდგრადობის გასაძლიერებლად. კარგი დროა ფინანსური (სესხი, ინვესტიცია) ან სამემკვიდრეო საკითხების მოსაგვარებლად.• მუნდანური დონე: ხელსაყრელი პერიოდი რესურსებთან (ნავთობი, გაზი) დაკავშირებული საერთაშორისო კონფლიქტების მოსაგვარებლად. პროგრესი მედიცინასა და ფსიქოლოგიაში.18 ნოემბერი (სამშაბათი): მზის შეერთება ლილიტთან მორიელშიყურადღება! ეს არის ტოტალური კონტროლისა და დესტრუქციული ვნებების ურთულესი დღე.პიროვნების „ჩრდილი“ სინათლეზე გამოდის და აღიარებას მოითხოვს.• პირადი დონე: მოერიდეთ სახიფათო კავშირებში ჩართვას, ეჭვიანობის ნიადაგზე მანიპულაციებს და შანტაჟს. დროა, საკუთარ "დემონებს" თვალი გავუსწოროთ.• მუნდანური დონე: კორუფციული და ჯაშუშური სკანდალების, ფინანსური პირამიდების კრიზისების დრო. 19 ნოემბერი (ოთხშაბათი): რეტრო-მერკური ურანთან ოპოზიციაშისიფრთხილე!საგულდაგულოდ დამალული ინფორმაციის უეცარი გასაჯაროების დღე. გელით შოკისმომგვრელი ამბები, რომელმა შეიძლება მსოფლიო საკნადალიც კი გამოიწვიოს.ფიქრებსა და სიტყვებს უდიდესი დამანგრეველი პოტენციალი აქვთ. ამიტომ მართეთ აზრები.• პირადი დონე: მოსალოდნელია ფეთქებადობა, ჩხუბი (განსაკუთრებით ფულზე/საიდუმლოებებზე), კიბერშეტევები, პირადი მონაცემების გაჟონვა და პრობლემები ელექტრონულ გადახდებთან დაკავშირებით.• მუნდანური დონე: ჰაკერული შეტევები, საიდუმლო დოკუმენტების გასაჯაროება, მაღალჩინოსნების მოულოდნელი გადადგომები. 20 ნოემბერი (ხუთშაბათი): "ფეთქებადი" ახალმთვარეობა მორიელში კვირის კულმინაცია!უკიდურესად დაძაბული ახალმთვარეობა (ლილიტთან შეერთებით და ურანთან ოპოზიციით). ეს არის გარდატეხა, მოულოდნელი შემოტრიალებები, რყევა, რევოლუცია.• პირადი დონე: ძველი, კონტროლსა და შიშზე დაფუძნებული სტრუქტურები უნდა „აფეთქდეს“ განთავისუფლებისთვის. იდეალური დროა ტოქსიკური კავშირების გასაწყვეტად და დესტრუქციული ვალდებულებებისგან გასათავისუფლებლად. ეს არის კრიზისი, რომელსაც ცხოვრების სრულ გადაფასებამდე მივყავართ.• მუნდანური დონე: სიტუაცია ზედმეტად „გაიყინა" რეტრო-პლანეტების გამო და ეს ახალმთვარეობა მის „შესანჯღრევად" მოდის. როცა კრიზისია, ადამიანები იწყებენ გამოსავლის ძებნას – და ის ნაპოვნი იქნება. 23 ნოემბერი (კვირა): მერკურის ტრინი იუპიტერთანკრიზისის შემდეგ მოდის სიღრმისეული გაგებისა და გაუმჯობესების შესაძლებლობა.ინტუიცია გამძაფრებულია და გვეხმარება მომხდარი შოკისგან სწორი გაკვეთილის გამოტანაში.• პირადი დონე: კარგი დღეა წარმატებული მოლაპარაკებებისთვის, ოჯახური კონფლიქტის ბრძნულად გადასაწყვეტად და ახლობლებისგან მხარდაჭერის მისაღებად.• მუნდანური დონე: კონფლიქტის ზონებში დროებითი ზავის დამყარებისა და გლობალური ეკონომიკური საკითხების გადაჭრის დრო. კვირის მთავარი რეკომენდაციები:გამოიჩინეთ მაქსიმალური გაცნობიერება (18-20 ნოემბერი): არ წამოეგოთ პროვოკაციებს, მოერიდეთ რისკს და მანიპულაციებს. ეს დღეები არ გამოდგება ახალი პროექტების დასაწყებად!1. დაბრუნდით ძველ პროექტებთან (მთელი კვირა): რეტრო პლანეტების ფონზე, იდეალური დროა გადადებული საქმეების დასრულებისთვის და იმ პროექტების ბოლომდე მიყვანისთვის, რისთვისაც ადრე რესურსი არ გეყოთ.2. ენდეთ ინტუიციას (კვირის ბოლოს): გააანალიზეთ მომხდარი კრიზისები — მათში მომავალი ზრდის მარცვალი დევს“,- წერს რამაზ გიგაური.

ასტროლოგია • 1762544100

ვენერა მორიელის ნიშანში გადადის - „სიყვარულის და ფულის რადიკალური ტრანსფორმაცია იწყება!“

7 ნოემბერს ვენერა მორიელის ნიშანში გადადის. ასტროლოგ რამაზ გიგაურის თქმით, სიყვარულისა და ფულის რადიკალური ტრანსფორმაცია იწყება.„ინგრესია: 7 ნოემბრიდან - 1-ელ დეკემბრამდეხვალ, 7 ნოემბერს სიყვარულის, სილამაზის, ჰარმონიისა და ფინანსების პლანეტა - ვენერა მორიელის ნიშანში გადავა და იქ 1 დეკემბრამდე იმოძრავებს.ვენერას ეს ინგრესია (ახალ ნიშანში გადასვლა) ყოველთვის უკავშირდება ღრმა და ინტენსიურ ემოციურ ტალღას. მორიელი - წყლის ნიშანია, რომელიც მართავს საიდუმლოებებს, სიღრმეს, ვნებას, ძალაუფლებას და ფსიქოლოგიურ ტრანსფორმაციას.ამ ტრანზიტის დროს ვენერას სიმსუბუქე იცვლება მორიელის სიღრმით, ფსიქოლოგიურობით, დეტექტიური განცდით და ყველაფრის ძირფესვიანად შეცვლის სურვილით. ეს არ არის ვენერას მარტივი და ჰარმონიული, მაგრამ არის ძალიან ძლიერი პოზიცია. აქედან გამომდინარე, ეს პერიოდი მნიშვნელოვანი იქნება პირადი ცხოვრების და ფინანსური მდგომარეობის გასაჯანსაღებლად.💘სიყვარული და ემოციური კავშირებიამ პერიოდში მოიმატებს ადამიანებში მოიმატებს ჭეშმარიტიდა სიღრმისეული გრძნობების მიღების სურვილი. ზედაპირული რომანები და მსუბუქი ფლირტი დაკარგავს ხიბლს. ამ დროს ადამიანები ხშირად ქვეცნობიერად ეძებს „საბედისწერო“ კავშირს, სადაც იქნება სიყვარულისთვის თავის სრული მიძღვნა და ემოციური გახსნილობა.ადამიანებში მოიმატებს მიმზიდველობა და ქარიზმა. სასიყვარულო ურთიერთობებში შემოვა უზარმაზარი ვნება და ენერგია. ეს პერიოდი შესანიშნავი დროა ქალებისთვის, რომლებსაც მიეცემათ შანსი, რომ განაახლონ ძველი ან დაიწყონ სრულიად ახალი ურთიერთობები.⚠️ ფსიქოლოგიური გამოწვევები:ეჭვიანობა და კონტროლი: ვენერა მორიელში აძლიერებს ეჭვიანობას, მესაკუთრეობას და კონტროლის სურვილს. ეს გრძნობები შეიძლება დესტრუქციული გახდეს. აუცილებელია ნდობის გაძლიერება და ფსიქოლოგიურ თამაშებზე უარის თქმა, რათა ურთიერთობა არ დააზიანდეს.საიდუმლოებები და ტაბუ: მორიელის გავლენით, ბუნებრივია გაჩნება მიდრეკილება საიდუმლო ურთიერთობების ან იმ ურთიერთობებისკენ, რომლებიც ტაბუირებულად ითვლება. მნიშვნელოვანია, რომ ადამიანებმა გაიაზრონ ამგვარი არჩევანის გრძელვადიანი შედეგები.💰ფინანსები და რესურსებიმორიელი „ფინანსური“ ნიშანია, ამიტომ მოიმატებს ფინანსური საკითხების ღრმად წვდომის უნარიც. ბევრი ადამიანი უკეთ დაინახავს ფულის შოვნის ფარულ შესაძლებლობებს (განსაკუთრებით ეს შეეხება კრიპტოვალუტას). ეს კარგი დროა ბაზრის ან მომავალი ინვესტიციების შესასწავლად.ვალები და სესხები: გააქტიურდება ვალების, სესხების, მემკვიდრეობის ან ალიმენტის საკითხებიც. ვენერას ეს პოზიცია ხელს უწყობს ამ საკითხების მოგვარებას, ზოგჯერ მოულოდნელი, მაგრამ ეფექტიანი გზით. შესაძლებელი გახდება საგადასახადო პრობლემებში გარკვევა ან ფინანსური დავის მოგვარება.რისკების მართვა: შესაძლოა მოიმატოს რისკზე წასვლის სურვილმაც, როგორც ფინანსურ, ისე ემოციურ საკითხებში. მსგავსი სიტუაციები სიფრთხილეს ითხოვს, განსაკუთრებით მსხვილ ბიზნესთან და დიდ ფინანსურ ვალდებულებებთან დაკავშირებით.თვითგამოხატვა და ტრანსფორმაცია: მორიელი - ეს არის არის ტრანსფორმაციის ნიშანი. აქედან გამომდინარე, ეს პერიოდი იდეალურია შინაგანი და გარეგნული გარდაქმნისთვის. ბევრ ადამიანს მოუნდება ძველი ჩვევების, ტოქსიკური ურთიერთობების ან თუნდაც ცხოვრების წესის რადიკალურად შეცვლა.ფსიქოლოგიური მუშაობა: იზრდება ინტერესი ფსიქოლოგიის, ეზოთერიკის ან მისტიკის მიმართ. ეს შესანიშნავი დროა ფსიქოთერაპიის დასაწყებად. ამ პერიოდში ადამიანები იოლად გაუმკლავდებიან მათში „დამარხულ“ შიშებს და ემოციურ ტრავმებს“, - წერს ასტროლოგი.

ასტროლოგია • 1762156259

რამაზ გიგაური ნოემბრის ასტროლოგიურ პროგნოზს აქვეყნებს

ასტროლოგი რამაზ გიგაური ნოემბრის ასტროლოგიურ პროგნოზს აქვეყნებს.„ინგრესია:* 4 ნოემბერი > მარსი მშვილდოსნის ზოდიაქოში* 7 ნოემბერი > ვენერა მორიელის ზოდიაქოში* 8 ნოემბერი < ურანი კუროს ზოდიაქოში (რეტროგრადულად)* 19 ნოემბერი < მერკური მორიელის ზოდიაქოში (რეტროგრადულად)* 22 ნოემბერი > მზე მშვილდოსნის ზოდიაქოში (5:36 საათზე)რეტროგრადული პლანეტები:* 9 ნოემბერი < რეტროგრადული მერკური (მშვილდოსნის მე-7 გრადუსიდან)* 11 ნოემბერი < რეტროგრადული იუპიტერი (კირჩხიბის 26-ე გრადუსიდან)* 28 ნოემბერი > დირექტიული სატურნი (თევზების 26-ე გრადუსიდან)* 29 ნოემბერი > დირექტიული მერკური (მორიელის 21-ე გრადუსიდან)* სავსემთვარეობა - 5 ნოემბერი (17:19 საათზე)* ახალმთვარეობა - 20 ნოემბერი (10:47 საათზე) ⟶ 4 ნოემბერს მარსი მორიელის ნიშანს დატოვებს და მშვილდოსანში გადაინაცვლებს. თუმცა სწორედ ამ დღეს იქნება მარსი-ურანის ოპოზიციის პიკი, რაც შეიძლება „კუდის მოქნევას“ შევადაროთ. 3-5 ნოემბერი დაძაბული დღეები იქნება და მოიმატებს ფეთქებადსაშიში სიტუაციები. თუმცა მარსის მშვილდოსანში გადასვლის შემდეგ ადამიანებში არსებული ენერგია, რომელიც ოქტომბერში ძირითადად დესტრუქციულად ვლინდებოდა, ნოემბრის პირველივე კვირიდან კონსტრუქციულ კალაპოტში მოექცევა. თუმცა ეს არ ნიშნავს, რომ აქტიურობის ხარისხი დაიკლებს. უფრო პირიქით, ბევრი ადამიანები კიდევ უფრო გააქტიურდება. უბრალოდ, მოიმატებს ოპტიმიზმი და გამოყენებული შანსების რაოდენობა. 5 ნოემბერს სავსემთვარეობა იქნება (კუროში). ეს გულისხმობს ქაოსის შემდეგ სიმშვიდის მოპოვებას, ძალების აღდგენას, ემოციურ დამშვიდებას, საკუთარ თავში თუ გარემოში საყრდენის მოძებნასა და კომფორტის შექმნას. ამ სავსემთვარეობის გზავნილია: შეჩერდი. ჩაისუნთქე-ამოისუნთქე. იგრძენი მიწა ფეხქვეშ“. ⟶ 7 ნოემბრიდან ვენერა მორიელის ნიშანში გადავა და იქ 1 დეკემბრამდე დარჩება. ასე რომ, ნოემბერში პირადი ცხოვრება ერთ-ერთ პირველ ადგილზე იქნება. ვენერა მორიელში გამოძევებულ მდგომარეობაში, რაც სიყვარულში ინტენსივობის გაძლიერებაზე მიანიშნებს. დადებითი კუთხით მოიმატებს მიმზიდველობა, შარმი და სექსუალურობა. უარყოფით ასპექტში კი გამოვლინდება როგორც ეჭვიანობა, უნდობლობა და კონტროლის მძაფრი სურვილი. იმ ადამიანებმა, ვისაც გრძნობების სიღრმე და სიმძაფრე აშინებთ, ამ პერიოდში ახალი ურთიერთობის დაწყებისგან თავი უნდა შეიკავონ.♅℞⟵ 8 ნოემბრიდან რეტროგრადულად მოძრავი ურანი კუროს ნიშანში დაბრუნდება და იქ 2026 წლის 26 აპრილამდე დარჩება. ფაქტობრივად, ეს იქნება 2018-19 წლებიდან დაწყებული პოლიტიკური, ეკონომიკური თუ სხვა ნებისმიერი ფორმების საბოლოო გაცნობიერება, რაც გამოიხატება ან მის დაშლაში ან განვითარების ახალ ეტაპზე გადასვლაში. უახლოესი ექვსთვიანი პერიოდი მსოფლიო პოლიტიკისთვის და ეკონომიკისთვის იქნება ერთგვარი წყალგამყოფი, რომელიც 2026 წლის გაზაფხულზე დაანახვებს მსოფლიოს თუ რა ტენდენციები განვითარდება 2026-2033 წლებში.☿℞9 ნოემბრიდან მერკურის რეტროგრადული ფაზა დაიწყება და 29 ნოემბრამდე გასტანს. საქმიანი ინფორმაციის მიღება-გადაცემასთან და მოლაპარაკებებთან მოსალოდნელია წინაღობების შექმნა. ეს არ არის კარგი პერიოდი შეთანხმებების მიღწევისთვის და საბუთების გაფორმებისთვის, რადგან მოსალოდნელია მომავალში გარკვეული პრობლემების შექმნა. თუმცა სასიკეთო იქნება ძველ იდეებთან, ჩანაწერებთან მიბრუნება. წარსულის ანალიზი, გადაფასება და დამუშავება. ამ პერიოდში ჩვენს ცხოვრებაში თითქოს გარკვეული სცენარების ხელახლა გაშვება ხდება და შეგვიძლია გავაკეთოთ ის, რაც ადრე ვერ გავაკეთეთ და გადავდეთ. თუ აუცილებელია ხელშეკრულების გაფორმება, მაშინ მას საფუძვლიანად უნდა გავეცნოთ და ზუსტად ვიცოდეთ, რაზე ვაწერთ ხელს.♃℞11 ნოემბრიდან იუპიტერი რეტროგრადულ ფაზაში გადავა და ეს ოთხი თვე გაგრძელდება. ფაქტობრივად, ეს როგორც პიროვნულ, ისე სოციალურ დონეზე ბევრ გადაფასებას მოიტანს. გაჩნდება საფუძვლიანი ეჭვები რელიგიური რწმენის თუ პოლიტიკური იდეოლოგიების მიმართ. არის რწმენისა და ცოდნის „დაჯახება“. პიროვნულ დონეზე ეს იქნება მიღწეული წარმატებების გადასინჯვა და მათი კრიტიკული თვალით დანახვა. გლობალურ დონეზე იქნება იდეოლოგიასთან, პროპაგანდასთან ბრძოლა და ადამიანთა დაზომბირების წინააღმდეგ მიმართული პროექტების განხორციელება, რაც გულისხმობს მათ გამოფხიზლებას. ეს კარგი დროა დაგროვილი ცოდნის გადალაგებისთვის, გადადებული კურსის თუ ტრენინგის გავლისთვის, საბუთების მოწესრიგებისთვის, გამოცდების ჩაბარებისთვის.☿℞ ⟵ 19 ნოემბერს რეტროგრადულად მოძრავი მერკური მორიელში დაბრუნდება და იქ 12 დეკემბრამდე დარჩება. ეს იმას ნიშნავს, რომ ნოემბრის მესამე დეკადაში და დეკემბრის პირველ დეკადაში აზროვნება უფრო გამახვილდება. თუმცა თითოეული სიტყვა მნიშვნელოვანი და რაც მთავარია, „ბასრი“ გახდება. მოიმატებს ირონიის, სარკაზმის და ცინიზმის ალბათობა, რამაც მოსალოდნელია ურთიერთობებზე არც თუ კარგი გავლენა მოახდინოს. 20 ნოემბერს ახალმთვარეობა იქნება. ეს წლის ერთ-ერთ ყველაზე ინტენსიურ დღედ ითვლება. თუ წინა, სასწორის ახალმთვარეობამ „გვასწავლა“ ბალანსის შენარჩუნება, მორიელის ახალმთვარეობა „შეეცდება“ გარდაქმნა და ტრანსფორმაცია „გვასწავლოს“. შეიძლება ითქვას, რომ ეს მაგიური დღეა და მისი გზავნილია: „უნდა მოკვდეს, რაც აღარ მუშაობს“. ეს არის განახლების, აღდგომის, ახლიდან დაბადების და გაწმენდის დღე. ის საშუალებას გვაძლევს, რომ გავიაზროთ, რა გვღლის, რათა ის მშვიდად მოვიშოროთ.☉⟶22 ნოემბერს მზე მორიელიდან მშვილდოსანში გადაინაცვლებს. ეს არის შემდეგი განცდა „ცეცხლში გავიარე, განსაცდელს გადავურჩი და ახლა დროა, ჰორიზონტი დავინახო“. ეს ნამდვილი ცეცხლია, ოღონდ არა ის, რაც წვავს, არამედ ის, რომელიც ანათებს. ეს არის ჩირაღდანი ან შუქურა, რომელიც გზას ანათებს. მარსთან ერთად, მზის მშვილდოსანში ყოფნა გააძლიერებს მამრულ ენერგიას. ეს ადამიანებში გაზრდის თავდაჯერებულობას, მიზანსწრაფვას, ახალი სივრცეების უშიშრად შეცნობისა და ათვისების სურვილს. მოიმატებს მოგზაურობის, ახალი ცოდნის მიღების, უცხოელებთან ურთიერთობების განვითარების ალბათობა. ის შორეული პერსპექტივები, რაც ამ პერიოდამდე ბუნდოვანი იყო, უფრო მკაფიოდ გამოჩნდება.♄/☿Dთვის ბოლო შედარებით სასიკეთო იქნება, რადგან ჯერ სატურნი და შემდეგ უკვე მერკური დირექტიულად მოძრაობას დაიწყებენ. ეს არის გონების და რეალობის სინქრონიზაცია. ადამიანებში გაძლიერდება პრაქტიკულობა და პრაგმატულობა. აზროვნების პროცესი მკაფიო და ნათელი გახდება, ეს სიტუაციებისა თუ პრობლემების უკეთ დანახვის საშუალებას გააჩენს. დამუხრუჭებული კავშირები განვითარდება, საჭირო ინფორმაცია უფრო ადვილად მოვა, გაიოლდება ურთიერთობების დამყარება და შეთანხმების მიღწევა. გეგმები, რომლებიც ბოლო სამი კვირა დამუხრუჭებული და გაჩერებული იყო, ნელ-ნელა დაიძვრება და უკვე დეკემბერში რეალიზდება.“

ასტროლოგია • 1758993915

„გაციებულ გრძნობებს ტაქტით და დიპლომატიით ეხმარება...“ - მომდევნო კვირის ასტროპროგნოზი რამაზ გიგაურისგან

ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებსაც.ამჯერად ასტროლოგი ახალ პოსტს აქვეყნებს, სადაც 19-დან 6 სექტემბრის ჩათვლით ასტროპროგნოზზე წერს:„ამ პერიოდში მერკური მოძრაობს სასწორში (ვენერას ნიშანში), ხოლო ვენერა - ქალწულში (მერკურის ნიშანში). პლანეტების ასეთ განთავსებას (ერთმანეთის ნიშნებში ყოფნას) რეცეფცია ეწოდება.რატომ არის ეს მნიშვნელოვანი?როცა პლანეტა საკუთარ ნიშანშია, ბუნებრივია, ის ძლიერად ვლინდება. თუმცა როდესაც ორი პლანეტა ერთმანეთს „ადგილებს უცვლიან“, ხდება ენერგიის გაცვლა-გამოცვლაც, რაც პლანეტალური სიმბოლიზმის ერთგვარი სინთეზი ხდება.საერთოდ, მერკური შედარებით მშვიდად „გრძნობს“ თავს სასწორში, მაშინ როდესაც, ვენერა ქალწულში სუსტ პოზიციაშია. აქედან გამომდინარე, მერკური ვენერასთვის ერთგვარი დამხმარე ხდება და „გაციებულ“ გრძნობებს ტაქტით და დიპლომატიით „ეხმარება“.ზოგადად რა მოაქვს ამ რეცეფციას?• მამაკაცისთვის (და არა მხოლოდ) ქალი ხდება ერთგვარი მრჩეველი, გზამკვლევი და ინფორმაციის ჭეშმარიტი წყარო;• ხმის ტემბრი და გარეგნობა განსაზღვრავს შეხვედრებისა და საუბრის შედეგებს;• სიტყვები, დიალოგის ხელოვნება პირდაპირი მნიშვნელობით, ფასეული ხდება, ასე ვთქვათ ფულად ღირებულებას იძენს, ანუ რას და როგორ ვამბობთ, ეს მომავალში მატერიაში აისახება;• შემოქმედებითი ადამიანისთვის იდეა იოლად გადადის ფორმაში, ანუ ეს კარგი პერიოდია პოეტებისთვის, მწერლებისთვის, მხატვრებისთვის, მუსიკოსებისთვის;• იოლად ხდება კვების რეჟიმის შეცვლა, კვების ახალი ჩვევების ფორმირება დადებითად აისახება ჯანმრთელობასა და გარეგნობაზე;• გარიგებები წარმატებით სრულდება;• ახალი ურთიერთობის, საინტერესო კავშირების დაწყების ადგილები შეიძლება გახდეს სილამაზის სალონი, ტანსაცმლის ან პარფიუმერული მაღაზია და ა. შ.• ფინანსები და ურთიერთობები მკვეთრად იმიჯნება და ამ კუთხით ჩნდება მეტი კონკრეტულობა;• საქმიანი კავშირი მოსალოდნელია გადაიზარდოს ფლირტში ან სულაც პირადი ურთიერთობაში.მთავარი იდეაადამიანი იწყებს მერკურის თემებს (სწავლას, წერას, კომუნიკაციას) და იღებს ვენერას ხელოვნებას, სილამაზეს, პირად ურთიერთობებს (ან პირიქით: ვენერას საქმეებით იწყებს (სიყვარული, ფული) და მერკურის შედეგებს (ინფორმაციას, ცოდნასა და საქმიანი კავშირებს)სწორედ ეს არის რეცეფციის ეფექტი: ერთი ნაბიჯი – ორმაგი შედეგი“,- წერს რამაზ გიგაური.

ასტროლოგია • 1756570681

„არ არის რეკომენდებული ახალი საქმის დაწყება, ფულის დაბანდება ან სესხება-გასესხება...“ - რამაზ გიგაურის ასტროლოგიური პროგნოზი

ასტროლოგი, ფსიქოლოგი და რამდენიმე წიგნის ავტორი, რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებსაც.ამჯერად ასტროლოგი, ახალ პოსტს აქვეყნებს, სადაც მთვარის „უკურსო მოძრაობაზე“ წერს:„ასტროლოგიაში ე. წ. მთვარის „უკურსო მოძრაობის“ პერიოდი არაეფექტიანად ითვლება. მიჩნეულია, რომ ამ პერიოდში წამოწყებული საქმეები რთულად ან საერთოდ ვერ ვითარდება (ელექციურ ასტროლოგიაში მთვარე - საქმის რეალიზაციაზე მიანიშნებს).ქვემოთ მითითებული დროის ყველა მონაკვეთი გამოთვლილია თბილისის სასაათო სარტყელის მიხედვით (GMT +4). ბუნებრივია, სხვა სასაათო ზოლში მცხოვრებმა ადამიანებმა დროის შესაბამისი განსხვავება უნდა გაითვალისწინონ.დროის ამ პერიოდებში არ არის რეკომენდებული:* მნიშვნელოვანი გადაწყვეტილებების მიღება;* კომპანიის, ორგანიზაციის რეგისტრაცია;* მოლაპარაკების წარმოება და შეთანხმების დადება;* საბუთების გაფორმება და მათზე ხელის მოწერა;* ახალი საქმის დაწყება;* ფულის დაბანდება ან სესხება-გასესხება;* სერიოზული გადაწყვეტილების მიღება;* რემონტის დაწყება;* მსხვილი შენაძენების გაკეთება“,- წერს რამაზ გიგაური.

ასტროლოგია • 1755347297

„რა უნდა გავაკეთოთ 16 აგვისტოს 20:01 საათამდე“ - რამაზ გიგაური ინფორმაციას ავრცელებს

ასტროლოგი რამაზ გიგაური მნიშვნელოვანი ასტროლოგიური მოვლენის შესახებ ინფორმაციას ავრცელებს:„მიუხედავად იმისა, რომ მთვარე აგრძელებს კუროს ნიშანში მოძრაობას, ის „კურსის გარეშეა“, რაც მის ასტროლოგიურ „ეფექტიანობას“ ბევრად ამცირებს. ამიტომ ეს დღე შესაძლებელია გამოყენებული იყოს ადრე (თუნდაც წინა დღეს) დაწყებული საქმეების დასრულებისთვის. შეიძლება ეს იყოს მიმდინარე საყოფაცხოვრებო პროექტები, ბაღის ან ეზოს მოწესრიგება, ფინანსების გადახედვა და ბიუჯეტის დაგეგმვა.ამ დღეს არ ღირს ახალი ფინანსური პროექტების დაწყება, საკუთარი თავისთვის ახალი ფინანსური ვალდებულებების დაკისრება, სერიოზული (დიდი) შესყიდვები, მნიშვნელოვანი მოლაპარაკებების წარმოება და გადაწყვეტილებების მიღება.მოკლედ, 16 აგვისტოს 20:01 საათამდე (თბილისის დროით, ცხადია) სასურველია კომფორტში ვიყოთ. დროის სწორედ ამ პერიოდიდან მთვარე გადაინაცვლებს ტყუპის ნიშანში ახალი, საინტერესო ენერგია გააქტიურდება. ეს კარგია დროა ონლაინ ყიდვა-გაყიდვისთვის, რაიმეს სწავლის დაწყებისთვის. კარგია დროა მანქანის აუქციონზე შეძენისთვის.20:01 საათიდან მოსალოდნელია ახალი ინფორმაციის მიღება, საქმიანი სატელეფონო ზარების გააქტიურება, რაიმეს მნიშვნელოვანის გაგება. ამ დროს შეიძლება ბევრ ადამიანს გაუჩნდეს განცდა, რომ სამყარო „ელაპარაკება“ ან „რაიმეს მიანიშნებს“. აქედან გამომდინარე, სასიკეთო იქნება თქვენი მხრიდან სასურველი სატელეფონო ზარების განხორციელებაც. ასე რომ, „საქმიანი ზარები“ სწორედ ამ პერიოდიდან დაგეგმეთ (კიდევ ერთხელ ვიმეორებ, დროის გათვლა ხდება თბილისზე და სხვა სასაათო ზოლში, შესაბამისი დროის სხვაობა გათვალისწინებული უნდა იქნას). გისურვებთ წარმატებებს!“ - წერს ასტროლოგი.