პრეზიდენტი

შინაგან საქმეთა მინისტრი გეკა გელაძე ცოტა ხნის წინ სამების ტაძარში მივიდა

შინაგან საქმეთა მინისტრი, გეკა გელაძე ცოტა ხნის წინ სამების საკათედრო ტაძარში მივიდა. მინისტრმა სრულიად საქართველოს კათოლიკოს-პატრიარქის ხსოვნას პატივი კიდევ ერთხელ მიაგო და ადგილზე უსაფრთხოების ზომებს პირადად გაეცნო.კათოლიკოს-პატრიარქის დაკრძალვაზე დასასწრებად საქართველო რამდენიმე უცხო ქვეყნის დელეგაციას ელოდება, მათ შორის, მსოფლიო პატრიარქს.ასევე, ცოტა ხნის წინ, სამების ტაძარში პატრიარქის ხსოვნისთვის პატივის მისაგებად მივიდა სახელმწიფო უსაფრთხოების სამსახურის ხელძღვანელი მამუკა მდინარაძე ოჯახთან და უწყების თანამშრომლებთან ერთად.იქამდე, პატრიარქისთვის პატივის მისაგებად საკათედრო ტაძარში პრემიერ-მინისტრი, ირაკლი კობახიძე, პარლამენტის თავმჯდომარე, შალვა პაპუაშვილი, თბილისის მერი, კახა კალაძე, საქართველოს პრეზიდენტი, მიხეილ ყაველაშვილი, ასევე, პარლამენტის და მინისტრთა კაბინეტის წევრები მივიდნენ.ტაძრის ეზო და მიმდებარე ტერიტორია უკვე მესამე დღეა ხალხით არის სავსე. პატრიარქისთვის პატივის მიგების მსურველთა რიგი დიდია, ადგილზე 24 საათის განმავლობაში იკრიბება მრევლი, მოქალაქეები, სასულიერო პირები.21 და 22 მარტს საქართველოს მასშტაბით ყველა მოქმედ ეკლესია-მონასტერში, ზუსტად 12:00 საათზე სამგლოვიარო ზარებს დარეკავენ.სრულიად საქართველოს კათოლიკოს-პატრიარქს, 22 მარტს, თბილისის ყოვლადწმინდა ღვთისმშობლის მიძინების სახელობის სიონის საპატრიარქო ტაძარში დაკრძალავენ.

საზოგადოება • 1774031478

საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებასთან დაკავშირებით, კვიპროსში საქართველოს საელჩოს წარმომადგენლობითი პალატის პრეზიდენტი ანიტა დემეტრიუ ეწვია და სამძიმრის წიგნში ჩანაწერი გააკეთა.სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებასთან დაკავშირებით, კვიპროსში საქართველოს საელჩოს წარმომადგენლობითი პალატის პრეზიდენტი ანიტა დემეტრიუ ეწვია და სამძიმრის წიგნში ჩანაწერი გააკეთა„კვიპროსის წარმომადგენელთა პალატის ყველა წევრის სახელით, მსურს გამოვხატო ჩვენი უღრმესი და გულწრფელი სამძიმარი მისი უწმინდესობისა და უნეტარესის, სრულიად საქართველოს კათოლიკოს-პატრიარქის ილია II-ის გარდაცვალების გამო.მისი უწმინდესობა იყო არა მხოლოდ საქართველოს მართლმადიდებელი ეკლესიის სულიერი წინამძღოლი, არამედ რწმენის, სიბრძნისა და ეროვნული ერთიანობის გამორჩეული საყრდენი. იგი დაუღალავად ემსახურებოდა მშვიდობას, შერიგებას და საქართველოს მდიდარი კულტურული და ზნეობრივი მემკვიდრეობის დაცვას.მსოფლიომ ჭეშმარიტად ისტორიული პიროვნება დაკარგა, რომლის მამობრივი სიყვარული და ზნეობრივი სიცხადე სცილდებოდა საქართველოს საზღვრებს. მისი გარდაცვალებათ გამოწვეული დანაკარგი განსაკუთრებით მძაფრად იგრძნობა გლობალური არასტაბილურობის პერიოდში, როდესაც მისი მშვიდი და მტკიცე ხმა მნიშვნელოვანი საყრდენი იყო მშვიდობისა და საერთაშორისო წესრიგისათვის. მისი ღვაწლი შთაგონების წყარო იქნება მომავალი თაობებისთვისაც.ჩვენი ფიქრებით და ლოცვებით ქართველი ხალხის გვერდით ვართ. მარადიული იყოს მისი ხსოვნა“- აღნიშნა სამძიმრის წერილში კვიპროსის რესპუბლიკის პარლანეტის თავმჯდომარემ.ანიტა დემეტრიუმ საქართველოს საგანგებო და სრულუფლებიან დესპანს გადასცა საქართველოს პარლამენტის თავმჯდომარის მიმართ გამოხატული გულწრფელი პირადი სამძიმარი. საელჩოში სტუმრობისას პარლამენტის პრეზიდენტმა გაიხსენა მისი უწმინდესობის ისტორიული ვიზიტი კვიპროსის რესპუბლიკაში 2014 წელს და ხაზი გაუსვა ორი ეკლესიის მჭიდრო, ისტორიულ კავშირებს.კვიპროსში საქართველოს საელჩოში გახსნილ სამძიმრის წიგნში ჩანაწერი გააკეთეს და ქართველ ერს მიუსამძიმრეს რესპუბლიკის საგარეო საქმეთა სამინისტროს, კვიპროსის რესპუბლიკაში აკრედიტირებულმა დიპლომატიური კორპუსის წარმომადგენლებმა.საელჩო მადლობას უხდის კვიპროსის ეკლესიას, მთავრობას, წარმომადგენლობით პალატას და აკრედიტებულ დიპლომატიურ კორპუსს გამოხატული თანაგრძნობისთვის.ინფორმაციას საქართველოს საელჩო კვიპროსის რესპუბლიკაში ავრცელებს.ილია მეორეს სიონის ტაძარში 22 მარტს დაკრძალავენ.

საზოგადოება • 1774031254

პატრიარქისთვის პატივის მისაგებად, პანაშვიდზე საქართველოს პრეზიდენტი, მიხეილ ყაველაშვილი კიდევ ერთხელ ოჯახით მივიდა

სამების საკათედრო ტაძარში, სადაც მოქალაქეების ნაკადი არ წყდება, პატრიარქისთვის კიდევ ერთხელ პატივის მისაგებად პანაშვიდზე საქართველოს პრეზიდენტი მიხეილ ყაველაშვილი ოჯახით მივიდა. „ოჯახის წევრებთან ერთად, სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორის ხსოვნას პატივი მივაგე“. - წერს პრეზიდენტი ფეისბუკის ოფიციალურ გვერდზე. მანამდე ტაძარში პანაშვიდზე იმყოფებოდნენ პრემიერ-მინისტრი ირაკლი კობახიძე, პარლამენტის თავმჯდომარე შალვა პაპუაშვილი, სახელმწიფო უსაფრთხოების სამსახურის უფროსი მამუკა მდინარაძე, თბილისის მერი კახა კალაძე, შინაგან საქმეთა მინისტრი გეკა გელაძე, აჭარის უმაღლესი საბჭოს თავმჯდომარე სულხან თამაზაშვილი, გენერალური პროკურორი, საპარლამენტო უმრავლესობის წევრები და სხვები.

მსოფლიო • 1774023296

აშშ-ის პრეზიდენტის ადმინისტრაციამ ირანის კუნძულ ხარგის ოკუპაციის ან მისი საზღვაო ბლოკადის გეგმა შეიმუშავა - „აქსიოსი“

აშშ-ის პრეზიდენტის ადმინისტრაციამ ირანის კუნძულ ხარგის ოკუპაციის ან მისი საზღვაო ბლოკადის გეგმა შეიმუშავა, – ამის შესახებ ამერიკული გამოცემა ანონიმურ წყაროებზე დაყრდნობით წერს.„აქსიოსი“ იუწყება, რომ კუნძულ ხარგის პოტენციური დაკავება განიხილება, როგორც მეთოდი, რომლითაც ირანს უნდა აიძულონ, ჰორმუზის სრუტე გახსნას.გეგმასთან დაკავშირებით საბოლოო გადაწყვეტილება ჯერ მიღებული არ არის.როგორც „აქსიოსი“ წერს, ამ ოპერაციის დაწყებამდე, აშშ-ის შეიარაღებულმა ძალებმა უნდა დაასუსტონ ირანის სამხედრო პოტენციალი ჰორმუზის სრუტეს რაიონში.„ჩვენ დაგვჭირდება დაახლოებით ერთი თვე, რომ კიდევ უფრო დავასუსტოთ ირანელები დარტყმებით, დავიკავოთ კუნძული, შემდეგ კი ეს მოლაპარაკებებში ბერკეტად გამოვიყენოთ“, – განაცხადა „აქსიოსთან“ საუბარში ერთ-ერთმა წყარომ.როგორც „აქსიოსი“ წერს, ეს ოპერაცია მოითხოვს რეგიონში ამერიკელი სამხედროების რიცხვის გაზრდას. მედიის ცნობით, პენტაგონმა უკვე დააჩქარა ახლო აღმოსავლეთში რამდენიმე ათასი საზღვაო ქვეითისა და მეზღვაურის გადაყვანა, რაც ირანთან ომის ახალი ეტაპისთვის მომზადების ფარგლებში ხდება.

მსოფლიო • 1774022120

ზელენსკი აცხადებს, რომ უკრაინისა და აშშ-ის დელეგაციების შეხვედრა 21 მარტს შეერთებულ შტატებში გაიმართება

უკრაინის პრეზიდენტი ვოლოდიმირ ზელენსკი აცხადებს, რომ უკრაინისა და აშშ-ის დელეგაციებს შორის შეხვედრა 21 მარტს შეერთებულ შტატებში გაიმართება.ზელენსკის თქმით, მხარეები განიხილავენ ყველა საკითხს, მათ შორის სამმხრივი შეხვედრისთვის მზადებას.„ჩვენ გვინდა მკაფიო თარიღები, სულ მცირე, დაახლოებითი. ყველას გვესმის, რომ ახლო აღმოსავლეთში არსებული ვითარება გავლენას ახდენს ამ თარიღის ცვლილებაზე. ეს არ არის პირველი შემთხვევა, როდესაც სამმხრივი შეხვედრა გადაიდო. ჩვენ გვსურს მეტი დეტალი ამ საკითხთან დაკავშირებით“, – აღნიშნა ზელენსკიმ.უკრაინის პრეზიდენტის თქმით, აშშ-ის მიერ რუსეთის წინააღმდეგ დაწესებული სანქციების დროებით მოხსნის გამო ამერიკულ მხარესთან მჭიდრო დიალოგის გაგრძელება აუცილებელია.„ეს ყველაფერი ჩვენთვის რისკებს წარმოადგენს, ეს რუსეთისთვის მეტ ფულს ნიშნავს და შემდეგ ფრონტზე მათი შესაძლებლობების ზრდას. ეს სახიფათოა“, – განაცხადა ვოლოდიმირ ზელენსკიმ.

საზოგადოება • 1774018560

პოლონეთის პრეზიდენტის კანცელარიის სახელმწიფო მდივანმა პოლონეთის პრეზიდენტის სახელით საქართველოს საელჩოში გახსნილ სამძიმრის წიგნში ჩანაწერი გააკეთა

პოლონეთის პრეზიდენტის კანცელარიის სახელმწიფო მდივანმა, ვოიჩეხ კოლარსკიმ პოლონეთის პრეზიდენტის სახელით საქართველოს საელჩოში გახსნილ სამძიმრის წიგნში ჩანაწერი გააკეთა.კოლარსკიმ თანაგრძნობა გამოხატა ქართველი ხალხის მიმართ იმ დიდი დანაკლისის გამო, რაც ქვეყნის სულიერი ლიდერის გარდაცვალებამ გამოიწვია.პოლონურმა მხარემ ხაზი გაუსვა ილია II-ის, როგორც უდიდესი სულიერი ავტორიტეტის როლს.აღინიშნა მისი თითქმის 50-წლიანი მოღვაწეობა საქართველოს მართლმადიდებელი ეკლესიის სათავეში.

საზოგადოება • 1774011401

მიხეილ ყაველაშვილს საქართველოს კათოლიკოს-პატრიარქის, უწმინდესისა და უნეტარესი ილია II-ის გარდაცვალებასთან დაკავშირებით უნგრეთის პრეზიდენტმა, ტამაშ შუიოკმა მიუსამძიმრა

საქართველოს პრეზიდენტს, მიხეილ ყაველაშვილს საქართველოს კათოლიკოს-პატრიარქის, უწმინდესისა და უნეტარესი ილია II-ის გარდაცვალებასთან დაკავშირებით უნგრეთის პრეზიდენტმა, ტამაშ შუიოკმა მიუსამძიმრა.უნგრეთის პრეზიდენტი წერილში აღნიშნავს, რომ ილია II ერთგულად ემსახურა როგორც ეკლესიას, ისე საქართველოს სახელმწიფოსა და ხალხს. ასევე აღნიშნულია, რომ ის განსაკუთრებით რთულ პერიოდებში, გამორჩეულად იდგა რწმენისა და ეკლესიის დაცვის სადარაჯოზე.„ღრმა მწუხარებით შევიტყვე საქართველოს მართლმადიდებელი ეკლესიის კათოლიკოს-პატრიარქის, მისი უწმინდესობისა და უნეტარესობის, ილია II-ს გარდაცვალების შესახებ.უნგრეთიდან ჩვენ დიდი პატივისცემით ვადევნებდით თვალს მის თითქმის ნახევარსაუკუნოვან მსახურებას საქართველოს მართლმადიდებელი ეკლესიის წინამძღვრად. ამ ხნის განმავლობაში ის ერთგულად ემსახურა როგორც ეკლესიას, ისე საქართველოს სახელმწიფოსა და ხალხს. განსაკუთრებით რთულ პერიოდებში, გამორჩეულად იდგა რწმენისა და ეკლესიის დაცვის სადარაჯოზე. მისი მოღვაწეობა მუდმივად ეფუძნებოდა ქრისტიანულ ფასეულობებს, ოჯახის მნიშვნელობის გაძლიერებასა და მრავალშვილიანი ოჯახების მხარდაჭერას.დარწმუნებული ვარ, რომ ამ შეუცვლელი დანაკარგის მიუხედავად, მისი მიმდევრები ძალას და ნუგეშს იპოვიან იმ მდიდარ სულიერ და ინტელექტუალურ მემკვიდრეობაში, რომელიც მან საქართველოსა და მართლმადიდებელ სამყაროს დაუტოვა.გთხოვთ, მიიღოთ ჩემი გულწრფელი სამძიმარი. ვიზიარებ საქართველოს მართლმადიდებელი ეკლესიისა და ქართველი ხალხის მწუხარებას“, - აღნიშნულია უნგრეთის პრეზიდენტის წერილში.

საზოგადოება • 1774010312

საქართველოს პრეზიდენტს, მიხეილ ყაველაშვილს საქართველოს კათოლიკოს-პატრიარქის გარდაცვალებასთან დაკავშირებით არაბთა გაერთიანებული საამიროების პრეზიდენტმა, მოჰამედ ბინ ზაიედ ალ ნაჰაიანმა მიუსამძიმრა

საქართველოს პრეზიდენტს, მიხეილ ყაველაშვილს საქართველოს კათოლიკოს-პატრიარქის, უწმინდესისა და უნეტარესი ილია II-ის გარდაცვალებასთან დაკავშირებით არაბთა გაერთიანებული საამიროების პრეზიდენტმა, მოჰამედ ბინ ზაიედ ალ ნაჰაიანმა მიუსამძიმრა. ინფორმაციას საქართველოს პრეზიდენტის ადმინისტრაცია ავრცელებს.არაბთა გაერთიანებული საამიროების პრეზიდენტი წერილში ქართველ ხალხს უდიდესი დანაკარგის გამო გულწრფელ სამძიმარს და თანაგრძნობას უცხადებს.„ღრმა მწუხარებითა და ტკივილით შევიტყვეთ საქართველოს მართლმადიდებელი ეკლესიის პატრიარქის, მისი უწმინდესობის, ილია II-ის გარდაცვალების შესახებ. თქვენს აღმატებულებას, მეგობარ ქართველ ხალხს და გარდაცვლილის ოჯახს ვუცხადებთ გულწრფელ სამძიმარს და თანაგრძნობას ამ უდიდესი დანაკარგის გამო“, - აღნიშნულია არაბთა გაერთიანებული საამიროების პრეზიდენტის წერილში.

მსოფლიო • 1774004344

გამოღვიძების დროა! იაფი რუსული ენერგიის გარეშე ევროპა ნავთობის კრიზისს ვერ დაძლევს - ვიქტორ ორბანი

უნგრეთის პრემიერ-მინისტრმა, ვიქტორ ორბანმა ევროკავშირს მოუწოდა აღიაროს, რომ იაფი რუსული ენერგიის გარეშე არსებული სანავთობო კრიზისის დაძლევა შეუძლებელია.ორბანის თქმით, ევროკავშირის ლიდერების სამიტზე ბრიუსელში მათ ევროპის ცენტრალური ბანკის პრეზიდენტის, კრისტინ ლაგარდის ანგარიში მოისმინე, რომლის ანალიზის საფუძველზე დაადგინეს, რომ ვითარება გაცილებით რთულია.„ჩვენ ევროპის ცენტრალური ბანკის პრეზიდენტის და ევროჯგუფის პრეზიდენტის ანგარიში მოვისმინეთ. სიტუაცია უფრო სერიოზულია, ვიდრე წარმოგვედგინა. სულ რაღაც ორ დღეში გლობალურად ენერგეტიკული სიტუაცია წარმოუდგენელ დონემდე გაუარესდა. დღევანდელი სიტუაცია შემდეგნაირია: ევროკავშირი არ აწარმოებს მოლაპარაკებებს არც ამერიკელებთან, არც რუსებთან და არც ჩინელებთან. შესაბამისად, თუ ჩვენ ამ იზოლაციას ვერ გავარღვევთ, რომელშიც ევროკავშირის მცდარი პოლიტიკის გამო აღმოვჩნდით, სერიოზული პრობლემა შეგვექმნება. ამ ტიპის ენერგეტიკული კრიზისის დაძლევა სხვებთან თანამშრომლობის გარეშე შეუძლებელია“, - თქვა ორბანმა.

მსოფლიო • 1774002134

დონალდ ტრამპმა უნდა იცოდეს, რომ მისთვის და სიონისტური რეჟიმისთვის სიურპრიზები გვაქვს მომზადებული - ირანელი გენერალ-მაიორი

დონალდ ტრამპმა უნდა იცოდეს, რომ მისთვის და სიონისტური რეჟიმისთვის სიურპრიზები გვაქვს მომზადებული, – ამის შესახებ „ხათამ ალ-ანბიას“ ცენტრალური შტაბის მეთაურმა, გენერალ-მაიორმა, ალი აბდოლაჰიმ განაცხადა.ეს არის ირანის უმაღლესი ოპერატიული სარდლობის დანაყოფი, რომელიც კოორდინაციას უწევს არმიასა და ისლამური რევოლუციის გუშაგთა კორპუსს (IRGC) შორის ოპერაციებს.„ჩვენ ადრე განვაცხადეთ, რომ აშშ-ის პრეზიდენტი ტრამპი, არაერთხელ რიტორიკული ხასიათის გაფრთხილებებს აკეთებს, თუმცა მან უნდა იცოდეს, რომ ირანის ისლამური რესპუბლიკის შეიარაღებულ ძალებს მისთვის და სიონისტური რეჟიმისთვის, როგორც მისი მარიონეტული და დაქვემდებარებული ძალისთვის, სიურპრიზები გვაქვს. ამის ერთ-ერთი მაგალითი იყო მეხუთე თაობის მოწინავე F-35 გამანადგურებელზე დარტყმა. მათ მეტი სიურპრიზის მოლოდინი უნდა ჰქონდეთ“, – განაცხადა ირანის ოფიციალურმა პირმა.

მსოფლიო • 1774001614

ირანის ახალი უზენაესი ლიდერი მოჯტაბა ალი ხამენეი აცხადებს, რომ ქვეყნის მტრებმა თავი უსაფრთხოდ არ უნდა იგრძნონ

ირანის ახალი უზენაესი ლიდერი მოჯტაბა ალი ხამენეი აცხადებს, რომ ირანის მტრებმა თავი უსაფრთხოდ არ უნდა იგრძნონ.„უსაფრთხოება უნდა ჩამოერთვას როგორც შიდა, ასევე გარე მტრებს და მიენიჭოს ყველა ჩვენს თანამემამულეს“, – აცხადებს მოჯტაბა ალი ხამენეი. აღნიშნული განცხადება ირანის პრეზიდენტ მასუდ ფეზეშქიანისადმი წერილის სახით გამოქვეყნდა.მიმდინარე კვირას ისრაელის თავდაცვის მინისტრმა განაცხადა, რომ ირანის დაზვერვის მინისტრი ესმაილ ხატიბი ლიკვიდირებულია.პრეზიდენტისადმი წერილში მოჯტაბა ხამენეიმ ხატიბი „გამოცდილ და თავმდაბალ ვეტერანად” შეაფასა. ასევე, მოითხოვა, რომ დაზვერვამ მისი დანაკარგი გაორმაგებული ძალისხმევით აინაზღაუროს.ცნობისთვის, მოჯტაბა ალი ხამენეი მამამისის, აიათოლა ალი ხამენეის გარდაცვალების შემდეგ საჯაროდ არ გამოჩენილა. ირანის საგარეო საქმეთა მინისტრის განცხადებით, ხამენეი დაიჭრა ისრაელის დარტყმების დროს, თუმცა უკვე გამოჯანმრთელდა.

მსოფლიო • 1773987354

ახლო აღმოსავლეთში მიმდინარე კონფლიქტი სერიოზულ საფრთხეს უქმნის როგორც რეგიონს, ისე გლობალურ სტაბილურობას - ურსულა ფონ დერ ლაიენი

ახლო აღმოსავლეთში მიმდინარე კონფლიქტი სერიოზულ საფრთხეს უქმნის როგორც რეგიონს, ისე გლობალურ სტაბილურობას, -ამის შესახებ ევროკომისიის პრეზიდენტი ურსულა ფონ დერ ლაიენი აცხადებს.„რეგიონში ვითარება უკიდურესად სერიოზულია. ეს იწვევს დიდ არასტაბილურობას და რისკებს, რომლებიც რეგიონს სცდება. სწორედ ამიტომ გვჭირდება დეესკალაცია და მაქსიმალური თავშეკავება, მშვიდობიანი მოსახლეობისა და სამოქალაქო ინფრასტრუქტურის დაცვა“, – განაცხადა ფონ დერ ლაიენმა.მისი თქმით, ევროკავშირი სოლიდარობას უცხადებს სპარსეთის ყურის ქვეყნებს და უკვე გამოაცხადა რეგიონისთვის 450 მილიონ ევროზე მეტი ჰუმანიტარული დახმარება.„ჩვენ მათ გვერდით ვდგავართ სოლიდარობითა და მეგობრობით. ევროკავშირი მათ მხარს უჭერს. მიმდინარე კვირაში ევროკომისიამ გამოაცხადა რეგიონისთვის 450 მილიონ ევროზე მეტი ჰუმანიტარული დახმარების გამოყოფის შესახებ“, – განაცხადა ფონ დერ ლაიენმა.ამასთან, ევროკომისიის პრეზიდენტმა მიგრაციის საკითხზე ისაუბრა.„ამ ეტაპზე ევროპისკენ მიგრაციული ნაკადები არ ფიქსირდება, თუმცა მზად უნდა ვიყოთ. ჩვენ არ დავუშვებთ 2015 წლის სცენარის განმეორებას. ჩვენ გავაძლიერეთ გარე საზღვრები და სამართლებრივი ჩარჩო. გვაქვს მიგრაციისა და თავშესაფრის პაქტი და უფრო ძლიერი პარტნიორობა რეგიონთან. რაც მთავარია, ჩვენ ერთიანები ვართ, როგორც ევროპელები. ჩვენ ვიცით, რომ როდესაც ერთად ვმოქმედებთ, უფრო ძლიერები ვართ“, – განაცხადა ფონ დერ ლაიენმა.ამასთან, ფონ დერ ლაიენის თქმით, ევროკომისია შესთავაზებს ევროკავშირის ქვეყნებს, შეამცირონ ელექტროენერგიის გადასახადები.„ეროპაზე ომის ყველაზე დიდი გავლენა – ენერგეტიკაზეა. ამჟამად, ევროკავშირის ფიზიკური მიწოდების უსაფრთხოება დაცულია. თუმცა, ევროპა არ არის დაზღვეული გლობალური ფასების მკვეთრი ზრდისგან. და რადგან კონფლიქტი გრძელდება, ენერგიის ფასები კვლავ მერყეობს. ამიტომ, ჩვენ შევთავაზებთ ელექტროენერგიაზე გადასახადის შემცირებას და იმის უზრუნველყოფას, რომ ელექტროენერგია ნაკლებად დაიბეგროს, ვიდრე წიაღისეული საწვავი“, – განაცხადა ფონ დერ ლაიენმა.