მსოფლიო • 1786909411

The Telegraph: ტრამპი BBC-ს თავისი ოჯახის დევნაში ადანაშაულებს

დონალდ ტრამპმა BBC-ი თავისი ოჯახის შევიწროებაში დაადანაშაულა მას შემდეგ, რაც მაუწყებელმა მისი შვილების სასამართლოში გამოძახება სცადა.BBC-ის იურისტებმა ფლორიდის სასამართლოს მიმართეს ნებართვის მისაღებად, რათა დონალდ ტრამპ უმცროსს, ივანკა ტრამპსა და ჯარედ კუშნერს ოფიციალური უწყებები ჩააბარონ. ეს უწყებები მათ აიძულებს, ჩვენება მისცენ პრეზიდენტის 10 მილიარდი დოლარის ოდენობის ცილისწამების სარჩელზე, რომელიც გადაცემა Panorama-ს დოკუმენტური ფილმის გამო აღიძრა.ტრამპის იურისტთა გუნდის წარმომადგენელმა გამოხემა The Telegraph-ს განუცხადა: „BBC-მ განზრახ დასწამა ცილი პრეზიდენტ დონალდ ტრამპს, ახლა კი ჩვენების ჩამორთმევის პროცედურის ბოროტად გამოყენებით ცდილობს, იერიში მიიტანოს მასზე, მის ოჯახსა და მხარდამჭერებზე. BBC უბრალოდ ცდილობს, ყურადღება გადაიტანოს საკუთარი პასუხისმგებლობიდან“.ტრამპი სარჩელში თავდაპირველად ამტკიცებდა, რომ Panorama-ს ეპიზოდმა, რომელიც 2024 წლის საპრეზიდენტო არჩევნებამდე ცოტა ხნით ადრე გავიდა ეთერში, მას რეპუტაციული და ფინანსური ზიანი მიაყენა. მოგვიანებით მან სარჩელის ფარგლები შეზღუდა და აქცენტი მხოლოდ რეპუტაციულ ზიანზე გააკეთა.

მსოფლიო • 1786877687

ემანუელ მაკრონი შვებულებაში ჰიდროციკლით სეირნობის გამო გააკრიტიკეს

ემანუელ მაკრონი კრიტიკის ობიექტი კიდევ ერთხელ გახდა. ეს მას შემდეგ მოხდა, რაც ფოტოგრაფებმა ის საფრანგეთის რივეირაზე ჰიდროციკლით სეირნობისას დააფიქსირეს. რივიერაზე გატარებული შვებულების გამო ოპოზიციამ მაკრონი მწვავედ გააკრიტიკა.ოპონენტების თქმით,მაშინ, როდესაც ქვეყანა ანომალიურ სიცხესა და ტყის ხანძრებს ებრძვის, პრეზიდენტი თავს ასეთი დასვენების უფლებას არ უნდა აძლევდეს.

მსოფლიო • 1786775535

საფრანგეთის სასამართლომ გააუქმა 15 წლამდე ასაკის მოზარდებისთვის სოციალური მედიის აკრძალვის შესახებ კანონი - ნახეთ მიზეზი

საფრანგეთის უმაღლესმა სასამართლომ გააუქმა 15 წლამდე ასაკის მოზარდებისთვის სოციალური მედიის აკრძალვის შესახებ კანონი იმ საბაბით, რომ ის გამოხატვის თავისუფლებას ზღუდავს.საკანონმდებლო ინიციატივას ფრანგმა კანონმდებლებმა მხარი ივლისში დაუჭირეს, რის შედეგადაც საფრანგეთი პირველი ევროპული ქვეყანა გახდა, რომელმაც ახალგაზრდებს პლატფორმებზე წვდომა შეუზღუდა - მას შემდეგ, რაც ბავშვების ფსიქიკურ ჯანმრთელობაზე სოციალური მედიის მავნე ზემოქმედების გამო შეშფოთება გაიზარდა.საკონსტიტუციო საბჭოს პარასკევის გადაწყვეტილებამ გააუქმა აკრძალვა, რომლის ეტაპობრივად ამოქმედებასაც სექტემბრიდან ემანუელ მაკრონი გეგმავდა.ამ გადაწყვეტილებას საფრანგეთის პრეზიდენტიც გამოეხმაურა და პრემიერ-მინისტრ სებასტიან ლეკორნუს დაუყოვნებლივ დაავალა ახალი კანონპროექტის მომზადება, რომელიც საბჭოს მიერ გამოთქმულ ყველა შენიშვნას გაითვალისწინებს.საკონსტიტუციო საბჭოს განცხადებით, დადგინდა, რომ საკანონმდებლო აქტის 1-ლი მუხლი „წარმოადგენს ჩარევას 15 წლამდე ასაკის პირთა გამოხატვისა და კომუნიკაციის თავისუფლებაში, რაც არც გამართლებული, არც აუცილებელი და არც თანაზომიერი არ არის“.გადაწყვეტილებაში ასევე გამოითქვა შეშფოთება კანონის იმ მოთხოვნასთან დაკავშირებით, რომელიც ონლაინ სერვისებზე წვდომისთვის ასაკის დადასტურებას ითვალისწინებდა და აღინიშნა, რომ მან ვერ უზრუნველყო „აუცილებელი სამართლებრივი გარანტიების“ დადგენა.თავდაპირველი კანონმდებლობით გათვალისწინებული იყო, რომ სექტემბრიდან 15 წლამდე ასაკის ვერცერთი მოზარდი ვერ შეძლებდა ახალი ანგარიშის გახსნას, ხოლო ყველა ახალ ანგარიშზე ასაკის დამოწმება გახდებოდა სავალდებულო. იანვრიდან კი ეს წესი უკვე არსებულ ყველა ანგარიშზეც გავრცელდებოდა.ოპონენტები არაერთხელ აყენებდნენ ეჭვქვეშ კანონის განხორციელებადობას და გამოთქვამდნენ შეშფოთებას კონფიდენციალურობის, ასაკის გადამოწმების ინსტრუმენტების ეფექტიანობის, ახალგაზრდების მიერ ამ შეზღუდვების გვერდის ავლით გამოწვეული რისკებისა და იმისა გამო, თუ რამდენად სწრაფად შემუშავდა და ამოქმედდა ეს აკრძალვა.

მსოფლიო • 1786774582

მე ჰორმუზის სრუტეს აშშ-ის ტერიტორიად გამოვაცხადებ - ტრამპი

აშშ-ის პრეზიდენტი დონალდ ტრამპი აცხადებს, რომ მალე ჰორმუზის სრუტეს აშშ-ის ტერიტორიად გამოაცხადებს. ამ განცხადებით, მან კიდევ უფრო გაამწვავა რიტორიკა იმ სტრატეგიულ საზღვაო გზაზე, რომელზეც გლობალური ნავთობის მომარაგების მნიშვნელოვანი წილი გადის."მას შემდეგ, რაც ირანს დავამარცხებთ... მე ჰორმუზის სრუტეს აშშ-ის ტერიტორიად გამოვაცხადებ," - აცხადებს ტრამპი.ტრამპს ამ ნაბიჯის დეტალებზე არ უსაუბრია და გაურკვეველია, ექნება თუ არა ამ განცხადებას რაიმე რეალური შედეგი, იმის ფონზე, რომ ირანს კვლავ შესწევს უნარი, ხელი შეუშალოს სრუტეში გემების გადაადგილებას.

საზოგადოება • 1786726800

მიხეილ ყაველაშვილი: ღრმა მწუხარებას გამოვთქვამ ცნობილი ქართველი ფოტოგრაფის, ბადრი ვადაჭკორიას გარდაცვალების გამო

საქართველოს პრეზიდენტი, მიხეილ ყაველაშვილი ცნობილი ქართველი ჟურნალისტისა და ფოტოხელოვანის, ბადრი ვადაჭკორიას გარდაცვალების გამო მწუხარებას გამოთქვამს.„ღრმა მწუხარებას გამოვთქვამ ცნობილი ქართველი ფოტოგრაფის, ბადრი ვადაჭკორიას გარდაცვალების გამო. მისმა გამორჩეულმა ხედვამ ქართული საზოგადოებრივი და კულტურული ცხოვრების არაერთი მნიშვნელოვანი ეპიზოდი შემოგვინახა და ჩვენი დროის ვიზუალური მეხსიერების ნაწილად აქცია.ვუსამძიმრებ მის ოჯახს, ახლობლებსა და კოლეგებს. ნათელი მის ხსოვნას“, - აღნიშნულია სამძიმრის წერილში.

საზოგადოება • 1786724628

„ადამიანი, რომელმაც თავისი ობიექტივით დროის ისტორიას უამრავი დაუვიწყარი კადრი შემოუნახა…“ - დათო ოქიტაშვილი

ცნობილი ფოტოგრაფი, ბადრი ვადაჭკორია 79 წლის ასაკში გარდაიცვალა. სამწუხარო ინფორმაცია ცოტა ხნის წინ გავრცელდა. „ადამიანი, რომელმაც თავისი ობიექტივით დროის ისტორიას უამრავი დაუვიწყარი კადრი შემოუნახა…უამრავი არქივი საქართველოს კულტურის პალატის თითქმის ყველა პროექტის და ყველა ვარსკვლავის გახსნის. მშვიდობით, კარგო ადამიანო“, - წერს საქართველოს კულტურის პალატის პრეზიდენტი დათო ოქიტაშვილი სოციალურ ქსელში.

მსოფლიო • 1786713471

ზელენსკი აცხადებს, რომ ომის დასრულების შემდეგ ოჯახთან ერთად ზღვის სანაპიროზე წასვლა და დასვენება სურს

უკრაინის პრეზიდენტის, ვოლოდიმირ ზელენსკის თქმით, ომის დასრულების შემდეგ ოჯახთან ერთად ზღვის სანაპიროზე წასვლა და დასვენება სურს.„სიენენთან“ ინტერვიუში უკრაინის პრეზიდენტმა აღნიშნა, რომ ოჯახთან ურთიერთობის დანაკლისს განიცდის და მათთან დროის გატარება და ჩახუტება დიდ ენერგიას და სტიმულს აძლევს.კითხვაზე, ომის შემდეგ ხომ არ აღმოჩნდება პოლიტიკური სამყაროს „ხაფანგში“, ზელენსკი აღნიშნავს, რომ  ზღვაზე წასვლის შესაძლებლობას არ დათმობს.„რა თქმა უნდა, მენატრება ოჯახი და ყოველთვის ვეუბნები, რომ მიყვარს ისინი. ფიზიკურად მესაჭიროება, რომ მათ ჩავეხუტო. ეს დიდი მხარდაჭერაა, ენერგეტიკული მხარდაჭერაა“, – ამბობს ზელენსკი და ხუმრობით აღნიშნავს: „ვერავინ წამართმევს ზღვას…ვიბრძოლებ მისთვის“.

მსოფლიო • 1786703402

Reuters: ტრამპი დრონების იმპორტზე 100-პროცენტიანი ტარიფების დაწესებას გეგმავს

აშშ-ის პრეზიდენტის დონალდ ტრამპის განაცხადებით, ამერიკა დრონებისა და მათი კომპონენტების იმპორტზე, მათ შორის აშშ-ის რამდენიმე მნიშვნელოვანი მოკავშირისგან შემოტანილ პროდუქციაზე ტარიფების დაწესებას გეგმავს. ინფორმაციას Reuters-ი ავრცელებს.ტრამპის ადმინისტრაციის განცხადებით, ქვეყანა უცხოური წარმოების დრონებსა და მათ კომპონენტებზე „ზედმეტად არის დამოკიდებული“.ტრამპის მიერ ხელმოწერილი საპრეზიდენტო განკარგულების თანახმად, ეროვნული უსაფრთხოების თვალსაზრისით განსაკუთრებით მგრძნობიარე, გარკვეული ზომისა და შესაძლებლობების მქონე დრონებზე 100%-იანი ტარიფი დაწესდება. თეთრი სახლის განცხადებით, უფრო მცირე ზომის დრონებზე ტარიფი 25% იქნება.ევროკავშირიდან, იაპონიიდან, ლიხტენშტაინიდან, სამხრეთ კორეიდან, შვეიცარიიდან და ტაივანიდან იმპორტირებულ დრონებსა და მათ კომპონენტებზე 15%-იანი ტარიფი დაწესდება, ხოლო გაერთიანებული სამეფოდან შემოტანილ დრონებზე - 10%-იანი ტარიფი, განაცხადეს თეთრ სახლში.როგორც Reuters-ი იუწყება, ტრამპმა ტარიფები თავისი საგარეო და სავაჭრო პოლიტიკის ერთ-ერთ მთავარ ინსტრუმენტად აქცია, სამართლებრივი დაბრკოლებებისა და ზოგიერთი ანალიტიკოსის კრიტიკის მიუხედავად.თეთრი სახლის მიერ გამოქვეყნებულ განკარგულებაში ტრამპმა განაცხადა, რომ ვაჭრობის მდივანმა ჰოვარდ ლუტნიკმა უპილოტო საფრენი აპარატების სისტემების, ანუ დრონების იმპორტის გავლენა შეისწავლა.„მდივანმა დაადგინა, რომ უცხოელი მწარმოებლების მიერ წარმოებული უპილოტო საფრენი აპარატების იმპორტის წილი არსებითია და რომ აშშ ზედმეტად არის დამოკიდებული უცხოურ წყაროებზე, როგორც უპილოტო საფრენი აპარატების, ისე მათი კომპონენტების თვალსაზრისით“, - განაცხადა ტრამპმა.ტრამპის თქმით, ლუტნიკის შეფასებით, გარკვეული უცხოური კომპანიებისა და სუბიექტების მიერ წარმოებული დრონები და მათი კომპონენტები „უსაფრთხოებისა და დაცულობის რისკებს ქმნის“, ხოლო აშშ-ის ადგილობრივი ინდუსტრია ქვეყნის უსაფრთხოების საჭიროებების დასაკმაყოფილებლად საკმარის პროდუქციას ვერ აწარმოებს.ტარიფები ძალაში 21 დღეში შევა, განაცხადა თეთრმა სახლმა. განსაკუთრებით მგრძნობიარე კატეგორიაში არ შემავალი დრონების კომპონენტებზე ტარიფები ხელმოწერიდან 180 დღის შემდეგ ამოქმედდება.

მსოფლიო • 1786694160

კონსერვატორი აქტივისტის, ჩარლი კირკის მკვლელობისთვის ბრალდებულს, შესაძლოა, სიკვდილით დასჯა მიუსაჯონ

კონსერვატორი აქტივისტის, ჩარლი კირკის მკვლელობისთვის ბრალდებულს, შესაძლოა, სიკვდილით დასჯა მიუსაჯონ. აღნიშნულს მხარს უჭერენ საქმის პროკურორები, უმკაცრეს სასჯელს კი 23 წლის ტაილერ რობინსონის ადვოკატები არ ეთანხმებიან.ტაილერ რობინსონის უფლებადამცველის თქმით, იუტის შტატის მკვიდრს სიკვდილით დასჯა არ უნდა მიესაჯოს, რადგან მას მხოლოდ კირკის მკვლელობა ჰქონდა დაგეგმილი, „მიზანს“ გაარტყა და სხვა შეკრებილებისთვის საფრთხე არ შეუქმნია.საქმის პროკურორები რობინსონისთვის სიკვდილით დასჯას ითხოვენ. მათი თქმით, როდესაც იუტის უნივერსიტეტში ახალგაზრდამ ჩარლი კირკს ათასობით ადამიანის თვალწინ ესროლა, სხვების სიკვდილის რისკი გამიზნულად შექმნა.შეგახსენებთ, 31 წლის კონსერვატორი კომენტატორი ჩარლი კირკი 2025 წლის 10 სექტემბერს, იუტის შტატის ერთ-ერთი უნივერსიტეტის კამპუსში სტუდენტებთან შეხვედრისას ცეცხლსასროლი იარაღიდან გასროლით დაჭრეს. რამდენიმე საათში ის საავადმყოფოში გარდაიცვალა. მკვლელობაში ეჭვმიტანილი ტაილერ რობინსონი კი თავდასხმიდან 33 საათის შემდეგ დააკავეს.ცნობისთვის, ჩარლი კირკი აშშ-ის პრეზიდენტის, დონალდ ტრამპის ღია მხარდამჭერი იყო.

მსოფლიო • 1786689900

სკოტ ბესენტი: ირანის წინააღმდეგ ისეთ ზომებს გავატარებთ, როგორიც აქამდე არცერთი ქვეყნის ეკონომიკური იზოლაციის ისტორიაში არ ყოფილა

აშშ-ის ხაზინის მდივანმა სკოტ ბესენტმა ტელეარხ Newsmax-ს განუცხადა, რომ დონალდ ტრამპის ადმინისტრაცია მომავალ კვირას ირანის წინააღმდეგ ახალ ზომებს გამოაცხადებს, რომლებიც, მისი თქმით, ქვეყნის ეკონომიკურ იზოლაციას უპრეცედენტო დონეზე აიყვანს.„თვალი ადევნეთ მოვლენებს, რადგან მომავალ კვირას კიდევ არაერთ განცხადებას გავაკეთებთ. ჩვენ ისეთ ზომებს გავატარებთ, როგორიც აქამდე არცერთი ქვეყნის ეკონომიკური იზოლაციის ისტორიაში არ ყოფილა“, - განაცხადა ბესენტმა.ბესენტის თქმით, ადმინისტრაცია აძლიერებს ფინანსურ კამპანიას, რომელიც მას შემდეგ დაიწყო, რაც პრეზიდენტმა დონალდ ტრამპმა გასულ წელს თეირანის წინააღმდეგ „მაქსიმალური ზეწოლის“ პოლიტიკის აღდგენის ბრძანება გასცა და რომელიც თებერვალში ირანის წინააღმდეგ აშშ-ის სამხედრო ოპერაციების დაწყების შემდეგ კიდევ უფრო გააქტიურდა.„ერთი წლის წინ პრეზიდენტმა დამავალა ირანის რეჟიმის წინააღმდეგ მაქსიმალური ზეწოლის განხორციელება და ფინანსთა სამინისტრომ ეს გააკეთა“, - განაცხადა ბესენტმა.მედიის ინფორმაციით, ტრამპმა „მაქსიმალური ზეწოლის“ პოლიტიკა ოფიციალურად 2025 წლის თებერვალში აღადგინა და ხაზინის დეპარტამენტს დაავალა სანქციების ან სხვა სამართლებრივი აღსრულების ზომების დაწესება იმ პირებისა და ორგანიზაციების წინააღმდეგ, რომლებიც ირანთან დაკავშირებულ სანქციებს არღვევენ. ასევე დაიწყო უწყვეტი კამპანია, რომლის მიზანია რეჟიმისა და მისი ტერორისტული მოკავშირეებისთვის შემოსავლების მიღებაზე წვდომის შეზღუდვა.ბესენტის განცხადებით, მისმა უწყებამ მიზანში ამოიღო „მათი საბანკო ანგარიშები, კრიპტოსაფულეები, მსოფლიოს სხვადასხვა ქვეყანაში არსებული აქტივები“ და შეწყვიტა გადახდები როგორც რეჟიმის ხელმძღვანელობისთვის, ისე თავად მთავრობისთვის.ოპერაცია „ეპიკური რისხვის“ დაწყების შემდეგ, ბესენტის თქმით, აშშ-ის ადმინისტრაციამ ყურადღება იმ მიმართულებაზე გადაიტანა, რომელსაც ხაზინის დეპარტამენტი „ეკონომიკურ რისხვას“ უწოდებს, აღნიშნავს მედია.„ჩვენ „ეპიკური რისხვიდან“ „ეკონომიკურ რისხვაზე“ გადავედით. პრეზიდენტის დავალებით კი ზეწოლის დონე კიდევ უფრო გავზარდეთ“, - განაცხადა ბესენტმა.ბესენტის განცხადებით, ფინანსურ ზეწოლას ემატება ირანის პორტების წინააღმდეგ აშშ-ის მიმდინარე ბლოკადა.„ეს იქნება ეკონომიკური იზოლაციის ისეთი კომბინაცია, რომელიც მსოფლიოს აქამდე არ უნახავს და ჰორმუზის სრუტეში გაგრძელებული ბლოკადა, რომელიც ირანის პორტებში ნებისმიერი ტვირთის შესვლასა და იქიდან გასვლას აღკვეთს“, - განაცხადა ბესენტმა.აშშ-ის ფინანსთა სამინისტრომ ივლისში ირანის საზღვაო და ფინანსური ქსელების წინააღმდეგ სანქციები გააძლიერა მას შემდეგ, რაც ჰორმუზის სრუტეში საერთაშორისო საზღვაო მიმოსვლის წინააღმდეგ ირანის თავდასხმები განახლდა.

მსოფლიო • 1786643340

სახელმწიფო დეპარტამენტი: ტრამპის ადმინისტრაციის პირობებში, ამერიკელი დიპლომატების მთავარი ამოცანა საერთაშორისო ასპარეზზე ეროვნული ინტერესების დაცვაა და არა „ვოუქ“ პოლიტიკური დოგმების ერთგულების დემონსტრირება

სახელმწიფო დეპარტამენტი უარს ამბობს ბაიდენის ადმინისტრაციის პერიოდის ინსტრუქციებზე, რომლებიც დიპლომატიურ პერსონალს უცხოელ ოფიციალურ პირებსა და მთავრობებთან ურთიერთობისას მრავალფეროვნების, თანასწორობის, ინკლუზიურობისა და ხელმისაწვდომობის (DEIA) პროგრესული დღის წესრიგის გატარებას ავალდებულებდა, - წერს ტელეკომპანია Fox News.„ტრამპის ადმინისტრაციის პირობებში, ამერიკელი დიპლომატების მთავარი ამოცანა საერთაშორისო ასპარეზზე ეროვნული ინტერესების დაცვაა და არა „ვოუქ“ პოლიტიკური დოგმების ერთგულების დემონსტრირება“, - განუცხადა სახელმწიფო დეპარტამენტის სპიკერმა, ტომი პიგოტმა Fox News Digital-ს.Fox News Digital-ის მიერ მოპოვებული ბაიდენის პერიოდის ოფიციალური დოკუმენტები მოწმობს, რომ წინა ადმინისტრაცია თანამშრომლებს უცხოელ კოლეგებთან მაღალი დონის დისკუსიებსა და ორმხრივ დიალოგებში ამ იდეოლოგიის გატარებისკენ მოუწოდებდა.გარდა ამისა, წინა პრეზიდენტის დროს, სახელმწიფო დეპარტამენტი კადრების დაწინაურებისა და სამსახურებრივი შეფასებისას ითვალისწინებდა, თუ რამდენად ეფექტიანად ახორციელებდა პერსონალი DEI პოლიტიკას.Fox News Digital-მა დაადასტურა, რომ ტრამპის სახელმწიფო დეპარტამენტში თანამშრომელთა საქმიანობის შეფასებისას აღნიშნული კრიტერიუმები უქმდება.

მსოფლიო • 1786616661

კოლუმბიაში მიწისძვრის შედეგად დაღუპულთა რაოდენობა 265-მდე გაიზარდა, 500-მდე ადამიანი დაკარგულად ითვლება

კოლუმბიაში მიწისძვრის შედეგად დაღუპულთა რაოდენობა 265-მდე გაიზარდა,  დაშავებულთა რიცხვი კი 3500-ს აღწევს. ინფორმაციას ამის შესახებ „როიტერი“ ავრცელებს.კოლუმბიის პრეზიდენტის, აბელარდო დე ლა ესპრიელას ცნობით, მიწისძვრის შემდეგ უგზო-უკვლოდ დაკარგულად 500-მდე ადამიანი ითვლება.აბელარდო დე ლა ესპრიელას თქმით, მიწისძვრამ 11300-ზე მეტი სახლი დაანგრია, ხოლო 53500-ზე მეტი კი დააზიანა.ცნობისთვის, 10 აგვისტოს კოლუმბიაში 7.4 მაგნიტუდის სიმძლავრის მიწისძვრა მოხდა, რის შემდეგაც ქვეყნის მასშტაბით საგანგებო მდგომარეობა გამოაცხადა.