მსოფლიო • 1766163790

პუტინი ევროპასთან სრულმასშტაბიან ომს არ გამორიცხავს, თუ ნატოს ქვეყნები კალინინგრადის ბლოკადას ეცდებიან

პუტინის თქმით, ევროპასა და რუსეთს შორის თანამშრომლობა ყველას სარგებელს მოუტანს, მაგრამ მოსკოვი მხოლოდ თანასწორი თანამშრომლობისთვის არის მზად.რუსეთის პრეზიდენტმა ვლადიმერ პუტინმა თქვა, რომ კალინინგრადის რეგიონის, პოლონეთსა და ლიეტუვას შორის რუსული ანკლავის მიმართ მუქარა სრულმასშტაბიან კონფლიქტს გამოიწვევს.წლის შეჯამების მიზნით მოსკოვში გამართულ სპეციალურ პრესკონფერენციაზე პუტინმა იმედი გამოთქვა, რომ არავინ დაესხმება თავს ევროპაში არსებულ რუსულ ანკლავს.„ვიმედოვნებ, რომ ეს არ მოხდება. თუ ჩვენს წინააღმდეგ ასეთი საფრთხეები შეიქმნება, ჩვენ მათ აღმოვფხვრით და ყველამ უნდა გაიგოს ეს და გააცნობიეროს, რომ ასეთი ქმედებები უბრალოდ კონფლიქტის უპრეცედენტო ესკალაციას გამოიწვევს“, - თქვა მან.მან თქვა, რომ კალინინგრადის რეგიონზე ნებისმიერი თავდასხმა კონფლიქტს „სრულიად სხვა დონეზე გადაიყვანს და სრულმასშტაბიან შეიარაღებულ კონფლიქტამდე გააფართოებს“. „ეს ყველამ უნდა იცოდეს“, - დასძინა მან.რუსეთთან ომის შესახებ ევროპელი პოლიტიკოსების განცხადებებზე კომენტირებისას, პუტინმა თქვა, რომ ისინი განზრახ „ქმნიან რუსეთისგან მტრის ხატს, რათა დამალონ საკუთარი შეცდომები და ყურადღება გადაიტანონ თავიანთი არასწორი გათვლებიდან“.„ჩვენ მზად ვართ, ვითანამშრომლოთ დიდ ბრიტანეთთან, მთლიანად ევროპასთან და აშშ-სთან, მაგრამ თანასწორი პირობებითა და ურთიერთპატივისცემით“, - თქვა მან და დასძინა, რომ ევროპასა და რუსეთს შორის თანამშრომლობით ყველა ისარგებლებს.„ცხადია, ეს ყველაფერი მხოლოდ თეორიაა, მაგრამ აბსოლუტურად ნათელია, რომ ჩვენი შესაძლებლობების გაერთიანებითა და შევსებით, ჩვენ წარმატებას მივაღწევთ და არა ერთმანეთთან ვიბრძოლებთ, როგორც თქვენ ებრძვით რუსეთს“, - განუცხადა მან ბრიტანელ ჟურნალისტს.პუტინმა „ზოგიერთი ევროპელი ლიდერის“ ქცევა შეაფასა, როგორც „აგრესიული და არც ისე პროფესიონალური“, მაგალითად მოიყვანა ნატოს გენერალური მდივნის, მარკ რუტეს განცხადებები.მან შეაქო რუტე, როგორც ინტელექტუალური და ეფექტიანი თანამდებობის პირი, რომელსაც პირადად იცნობს და დასძინა: „მაგრამ როდესაც ის რუსეთთან ომზე საუბრობს, მინდა ვკითხო: რა სისულელეს ამბობ?“აშშ-ის პრეზიდენტის, დონალდ ტრამპის მიერ BBC-ის წინააღმდეგ შეტანილ სარჩელთან დაკავშირებით, პუტინმა განაცხადა, რომ მისი აზრით, ტრამპი მართალი იყო და რომ „ინფორმაციის დამახინჯება მართლაც მოხდა“.მან განაცხადა, რომ ევროპული პოლიტიკური ელიტები „პირდაპირ ერეოდნენ აშშ-ის პოლიტიკურ ცხოვრებაში“ 2024 წლის საპრეზიდენტო არჩევნებში კამალა ჰარისის ღია მხარდაჭერით და ახლა გეგმავენ აშშ-ის მომავალი საპარლამენტო არჩევნების გამოყენებას ტრამპზე ზეწოლის მიზნით.„ისინი იმედოვნებენ, რომ მომავალი წლის შუალედური არჩევნების შემდეგ პოლიტიკური ლანდშაფტი გარკვეულწილად შეიცვლება და მათ ტრადიციული მოკავშირეები დაუბრუნდებათ და შეძლებენ პრეზიდენტ ტრამპზე მეტი ზეწოლის განხორციელებას“, - თქვა მან. - წერს უცხოური მედია

პოლიტიკა • 1766157384

მიხეილ ყაველაშვილი: სერბი და ქართველი ხალხი ძალიან აფასებენ ერთმანეთს. ეროვნული ინტერესების გათვალისწინებით, ის ბრძოლის მეთოდები, რითაც ისინი საუკუნეებია იბრძვიან, თითქმის იდენტურია იმისა, რასაც ქართველი ხალხი აკეთებს

მინდა უღრმესი მადლობა გადავუხადო სერბეთის პრეზიდენტს, ბატონ ალექსანდარ ვუჩიჩს გულთბილი, საქმიანი და პარტნიორული შეხვედრებისათვის, - განაცხადა საქართველოს პრეზიდენტმა, მიხეილ ყაველაშვილმა სერბეთის რესპუბლიკაში ვიზიტის შეჯამებისას.პრეზიდენტის თქმით, მიუხედავად იმისა, რომ საქართველო და სერბეთი დიდი ხანია ერთმანეთს გულშემატკივრობენ, ეს პირველი ვიზიტი იყო საპრეზიდენტო დონეზე.„ყველაზე მთავარი არის ის, რომ პირველი ვიზიტია საქართველოს პრეზიდენტის, მიუხედავად იმისა, რომ ჩვენი ქვეყნები, ჩვენი ხალხი ერთმანეთს დიდი ხანია გულშემატკივრობს. სერბი და ქართველი ხალხი ძალიან აფასებენ ერთმანეთს, როგორც საქართველოში ვაფასებთ სერბებს, ისე აფასებენ აქაც ქართველებს და საქართველოს. რა თქმა უნდა, საამაყოა ნებისმიერი ქართველისთვის, რომ ასეთი დამოკიდებულებით არიან შენს მიმართ სხვა ერის წარმომადგენლები. ბევრი საერთო გვაქვს, ერთი სარწმუნოება და ღირებულებები. ეროვნული ინტერესების გათვალისწინებით, ის ბრძოლის მეთოდები, რითაც ეს ხალხი საუკუნეებია იბრძვის, თითქმის იდენტურია იმისა, რასაც ქართველი ხალხი აკეთებს", - განაცხადა მიხეილ ყაველაშვილმა.როგორც მიხეილ ყაველაშვილმა აღნიშნა, მაღალი რანგის შეხვედრებზე სხვადასხვა მიმართულებით ურთიერთობის გაღრმავება განიხილეს.„რაც შეეხება საქმიან ურთიერთობებს, როგორც საერთო პრესკონფერენციაზე განვაცხადეთ, სულ რამდენიმე ხანში იგეგმება კომისიის შეხვედრა, სავაჭრო-ეკონომიკურ საკითხებზე. შევეხეთ სოფლის მეურნეობის საკითხებს, სადაც დიდი ინტერესია, ასევე სამხედრო წარმოებას. ასევე აღსანიშნავია ბელგრადიდან დანიშნული რეისები კვირაში 3-ჯერ. თითქმის სავსეა თვითმფრინავები ორივე მხრიდან. დარწმუნებული ვარ, რომ ეს ურთიერთობები გაღრმავდება სხვადასხვა მიმართულებით, პირველ რიგში ეს ეხება სავაჭრო და ეკონომიკურ ურთიერთობებს, რა თქმა უნდა, სხვა მიმართულებებიც. ასევე შევეხეთ კულტურის, სპორტის, საგანმანათლებლო პროცესებს. იგეგმება ასევე ახალგაზრდობის საკითხებთან დაკავშირებით უფრო მჭიდრო ურთიერთობა. ჩვენს ახალგაზრდულ მიმართულებას აქვს უკვე კავშირები და იგეგმება საერთო ბანაკების ერთად წარმოება, რათა სერბი ახალგაზრდები ჩამოვიდნენ საქართველოში და პირიქით", - განაცხადა საქართველოს პრეზიდენტმა.მანვე აღნიშნა, რომ შეხვედრებზე განიხილებოდა ევროკავშირთან მიმართებით არსებული გამოწვევები.„რაც შეეხება თვითონ პოლიტიკურ გამოწვევებს ამაზეც გვქონდა საუბარი. ჩვენ გვაქვს სურვილი, რომ ერთიანი მიდგომით ვიყოთ ევროკავშირთან მიმართებაში. ჩვენ ორივე ქვეყანა ვთვლით, რომ ვართ სწორედ ევროპის ნაწილი და ის ორმაგი სტანდარტი, რომელიც სამწუხაროდ, ხშირ შემთხვევაში ბრიუსელიდან ხორციელდება ხოლმე ჩვენს მიმართ და ასევე სერბეთის რესპუბლიკის მიმართ, არასამართლიანი დამოკიდებულებაა. ამაშიც არის რიგი თანხვედრები და ჩვენ ამასთან დაკავშირებით ერთმანეთს ვგულშემატკივრობთ და ერთი აზრი გვაქვს. ვთვლით, რომ ჩვენი ქვეყნები იმსახურებენ მეტ პატივისცემას", - განაცხადა პრეზიდენტმა.მისივე თქმით, საქართველო მუდმივად ფიგურირებს საერთაშორისო რეიტინგებში და ეს პროცესი კვლავ გაგრძელდება.„გუშინ პრეზიდენტმა, ვუჩიჩმაც აღნიშნა, რომ ჩვენ ერთ-ერთი გამორჩეული ქვეყანა ვართ ეკონომიკური წინსვლის პარამეტრებით. კვირა არ გავა და თვე არ გავა, რომ საქართველო არ ფიგურირებდეს საერთაშორისო რეიტინგებში , სხვადასხვა მიმართულებით, ეს ეხება გამჭვირვალობის თემას, მთავრობის მუშაობას, სასამართლო სისტემას, ეკონომიკურ ზრდას და ა.შ და ეს პროცესი გაგრძელდება, ეს ვიცით რომ სიკეთის მომტანია და სწორედ ასეთი ქვეყნები, რომლებიც ამ პროცესში ჩვენნაირად მოქმედებენ, ძალიან აფასებენ ამ ყველაფერს", - განაცხადა მიხეილ ყაველაშვილმა.

მსოფლიო • 1766157133

ზელენსკის ვიზიტი ვარშავისა და კიევისთვის კარგი ამბავია, მაგრამ ცუდი ამბავია რუსეთისთვის – კაროლ ნავროცკი

პოლონეთის პრეზიდენტის, კაროლ ნავროცკის განცხადებით, მისი უკრაინელი კოლეგის, ვოლოდიმირ ზელენსკის ვიზიტი ვარშავისა და კიევისთვის კარგი, ხოლო მოსკოვისთვის ცუდი ამბავია, – ამის შესახებ ნავროცკიმ უკრაინის პრეზიდენტთან ერთად გამართულ პრესკონფერენციაზე განაცხადა.„ვოლოდიმირ ზელენსკის ვარშავაში ვიზიტი კარგი ამბავია პოლონეთისთვის, ვარშავისა და კიევისთვის, მთელი ჩვენი რეგიონისთვის, მაგრამ ცუდი ამბავი რუსეთის ფედერაციისთვის, რადგან ეს არის დასტური, რომ პოლონეთი, უკრაინა და რეგიონის ქვეყნები სტრატეგიულ და უსაფრთხოების საკითხებში ერთად დგანან“, – განაცხადა კაროლ ნავროცკიმ.ამასთან, პოლონეთის პრეზიდენტმა აღნიშნა, რომ მას და ზელენსკის საერთო ხედვა აქვთ იმასთან დაკავშირებით, რომ რუსეთი, როგორც ნეოიმპერიული პოსტსაბჭოთა სახელმწიფო, ევროპას საფრთხეს უქმნის.უკრაინის პრეზიდენტი კი იმედოვნებს, რომ მისი ვარშავაში ვიზიტი პოლონეთთან ურთიერთობებში „ახალ და კიდევ უფრო მნიშვნელოვან გვერდს გახსნის“.„იმედი მაქვს, ეს ვიზიტი გახსნის ახალ და კიდევ უფრო მნიშვნელოვან გვერდს უკრაინისა და პოლონეთის ურთიერთობებში, არა მხოლოდ მეზობლების, არამედ იმ ევროპული ელემენტების ურთიერთობებშიც, რომელთა გარეშეც ევროპის მთელ ნაწილში თავისუფლება უბრალოდ არ იქნება. უკრაინა ახლა არა მხოლოდ იღებს მხარდაჭერას ჩვენი მეგობრებისგან, ჩვენი მეზობლებისგან, არამედ გვთავაზობს თავის გამოცდილებას ამ ომში თავდაცვის სფეროში.დღეს უკრაინას აქვს ყველაზე მოწინავე ტექნოლოგიები ადამიანების სიცოცხლის დასაცავად და ყველაზე ძლიერი შესაძლებლობები იარაღის წარმოებისთვის. იარაღი, რომელიც თანამედროვეა, რომელიც ეფექტურია და მე პოლონეთს ვთავაზობ ამ გამოცდილებას. დღეს ამაზე ვისაუბრეთ და ამ კონტაქტებს გავაგრძელებთ. ჩვენ გვსურს, გამოვიყენოთ ეს გამოცდილება სოლიდარობის მიზნით, რათა გავაძლიეროთ ჩვენი სახელმწიფოები, ჩვენი რეგიონი, ჩვენი ევროპა. უკრაინა პოლონეთს დრონებისგან დაცვის საკითხზე კონსულტაციებს სთავაზობს. ჩვენ ვიცით, როგორ გავუმკლავდეთ დრონების თითოეულ ტიპს“, – განაცხადა ვოლოდიმირ ზელენსკიმ.

მსოფლიო • 1766154073

დონალდ ტრამპი ვენესუელასთან ომს არ გამორიცხავს – „ენბისი ნიუსი“

აშშ-ის პრეზიდენტი დონალდ ტრამპი ვენესუელასთან ომს არ გამორიცხავს, – ამის შესახებ დონალდ ტრამპმა „ენბისი ნიუსთან“ სატელეფონო ინტერვიუში განაცხადა.კითხვაზე, გამორიცხავდა თუ არა შესაძლებლობას, რომ ბოლოდროინდელმა ქმედებებმა შესაძლოა, ომი გამოიწვიოს, აშშ-ის პრეზიდენტმა განაცხადა, რომ ეს შესაძლებელია.„მე ამას არ გამოვრიცხავ. ეს მოცემულობაზეა დამოკიდებული. ისინი იმდენად სულელები თუ არიან, რომ ნაოსნობა განაგრძონ, ჩვენს ერთ-ერთ ნავსადგურში დაბრუნდებიან“, – განაცხადა დონალდ ტრამპმა.აშშ-ის პრეზიდენტმა არ დააკონკრეტა, არის თუ არა მისი საბოლოო მიზანი ვენესუელის პრეზიდენტის, ნიკოლას მადუროს გადაყენება.„მან ზუსტად იცის, რა მინდა. მან ეს ყველაზე უკეთ იცის“, – აღნიშნა დონალდ ტრამპმა.ცნობისთვის, 17 დეკემბერს აშშ-ის პრეზიდენტმა, დონალდ ტრამპმა ვენესუელაში შემავალი და გამავალი ყველა სანქცირებული ნავთობტანკერის სრული ბლოკირების ბრძანება გასცა, რამაც ქვეყნის პრეზიდენტ ნიკოლას მადუროზე ზეწოლა გაზარდა. ამასთან, აშშ-მა ცოტა ხნის წინ ვენესუელას სანაპიროსთან ნავთობტანკერი დააკავა.

პოლიტიკა • 1766153280

პრეზიდენტი: ევრობიუროკრატია ცდილობს განცხადებებით, თითქოს დემოკრატიის უკუსვლაა და ირღვევა ვიღაცის უფლებები ამით კვებოს მილევადი რადიკალური ფრთა მაგრამ არც გოლის გატანა შეუძლიათ, არც სირბილი შეუძლიათ, საცოდავ დღეში არიან

     პოლიტიკა19 დეკემბერი 2025, 17:59/ სანდო წყაროპრეზიდენტი: ევრობიუროკრატია ცდილობს განცხადებებით, თითქოს დემოკრატიის უკუსვლაა და ირღვევა ვიღაცის უფლებები ამით კვებოს მილევადი რადიკალური ფრთა მაგრამ არც გოლის გატანა შეუძლიათ, არც სირბილი შეუძლიათ, საცოდავ დღეში არიან მიხეილ ყაველაშვილიფოტო: პრეზიდენტის ადმინისტრაციაევრობიუროკრატია ცდილობს განცხადებებით, თითქოს დემოკრატიის უკუსვლაა და ირღვევა ვიღაცის უფლებები ამით კვებოს მილევადი რადიკალური ფრთა მაგრამ არც გოლის გატანა შეუძლიათ, არც სირბილი შეუძლიათ, საცოდავ დღეში არიან, - განაცხადა საქართველოს პრეზიდენტმა.მიხეილ ყაველაშვილის თქმით, მიუხედავად ევრობიუროკრატების მცდელობისა რადიკალებს რესურსი აღარ დარჩათ.„ამ გზავნილებს, რომელსაც ევრობიუროკრატია აცხადებს საქართველოს წინააღმდეგ თითქოს დემოკრატიული უკუსვლაა და ირღვევა ვიღაცის უფლებები და პოლიტიკურ პარტიებს ებრძვიან და ამით კვებავენ მილევად რადიკალურ ფრთას, რომელიც არ ვიცი, რით შეიძლება კვება, ერთი საშუალება იყო, რომ გადააწოდეს ასე ვთქვათ ფეხბურთელი, რომ ვარ გადაცემა, რომ იქნებ როგორმე ქნან. მაგრამ არც გოლის გატანა შეუძლიათ, არც სირბილი შეუძლიათ და აღარაფერი აღარ შეუძლიათ. საცოდავ დღეში არიან. ერთადერთი აღვნიშნავ, რომ ახალგაზრდებზე, რომლებიც შეცდომაში შეიყვანეს. ჩვენ არ გვყავს ისინი ციხეში გამოკეტილი, ამ ადამიანებს ჰყავთ გამოკეტილი, რომ ერთმა არ გაბედოს და არ გაიაზროს, რა შეცდომაში იყო შესული იმდენად ჰყავთ იზოლირებული“, - განაცხადა პრეზიდენტმა.

პოლიტიკა • 1766152778

მიხეილ ყაველაშვილი: მაკრონის განცხადება იმას ნიშნავს, რომ სხვა გამოსავალი არ აქვთ, გზებს ეძებენ, როგორ უნდა დამთავრდეს უკრაინის ომი

საქართველოს პრეზიდენტი, მიხეილ ყაველაშვილი მედიასთან საფრანგეთის პრეზიდენტის, ემანუელ მაკრონის განცხადებას ეხმაურება. როგორც ყაველაშვილმა აღნიშნა, განცხადებიდან ჩანს, რომ მათ გამოსავალი აღარ აქვთ და გზებს ეძებენ, როგორ დამთავრდეს უკრაინის ომი.„მაკრონის ეს განცხადება იმას ნიშნავს, რომ მათ სხვა გამოსავალი არ აქვთ, გზებს ეძებენ როგორ უნდა დამთავრდეს უკრაინის ომი. სამშვიდობო პოლიტიკა, რომელიც ჩვენ ავირჩიეთ არ იყო მარტო სურვილი, ეს არის გრძელვადიანი ხედვა და გამოწვევების აღქმა. ის პრიოცესი რაც დღეს გრძელდება და პოზიცია, რომელიც საქართველოს აქვს დღეს ბევრ ქვეყანას უნდა, რომ იგივე პოზიციაში იყო. ამიტომ არის, რომ ჩვენ გვაქებენ“, - აღნიშნა მიხეილ ყაველაშვილმა.ემანუელ მაკრონმა განაცხადა, რომ „ვლადიმერ პუტინთან საუბარი სასარგებლო იქნება“.

პოლიტიკა • 1766151951

პრეზიდენტი სერბეთში ვიზიტზე: გვაქვს სურვილი, რომ ერთიანი მიდგომით ვიყოთ ევროკავშირთან მიმართებაში. ორივე ქვეყანა ვთვლით, რომ ვართ ევროპის ნაწილი და ჩვენი ქვეყნები იმსახურებენ მეტ პატივისცემას

საქართველოს პრეზიდენტმა მედიასთან სერბეთში ოფიციალური ვიზიტი შეაჯამა.როგორც მიხეილ ყაველაშვილმა აღნიშნა, ვიზიტის ფარგლებში მნიშვნელოვანი და ნაყოფიერი შეხვედრები გამართა.„ძალიან ნაყოფიერი შეხვედრები იყო. მინდა მადლობა გადავუხადო სერბეთის პრეზიდენტს - გულთბილი, საქმიანი, პარტნიორული შეხვედრისთვის. ჩვენ არაერთ თემას შევეხეთ. არის რიგი საკითხები, რომელსაც ორივე ქვეყანა ერთდროულად ვუმკლავდებით ამ გამოწვევებს. თითქმის საერთო გამოწვევებია ევროკავშირთან მიმართებაში. ყველაზე მთავარი იყო, რომ პირველი ვიზიტია საქართველოს პრეზიდენტის. მიუხედავად იმისა, რომ ჩვენი ქვეყნები, ჩვენი ხალხი დიდი ხანია ერთმანეთს გულშემატკივრობს“, - განაცხადა პრეზიდენტმა.მისი თქმით, შეხვედრებისას განიხილებოდა საკითხები სხვადასხვა მიმართულებით მათ შორის სპორტის, განათლების, სოფლის მეურნეობის და ეკონომიკური თანამშრომლობის შესახებ.„რამდენიმე ხანში იგეგმება კომისიის შეხვედრა სავაჭრო-ეკონომიკურ საკითხებზე. განიხილება ბევრი თემა. შევეხეთ სოფლის მეურნეობის საკითხებს, სადაც დიდი ინტერესია, სამხედრო წარმოებას“, - განაცხადა მიხეილ ყაველაშვილმა.პრეზიდენტის თქმით, საუბარი შეეხო პოლიტიკურ გამოწვევებსაც.„გვაქვს სურვილი, რომ ერთიანი მიდგომით ვიყოთ ევროკავშირთან მიმართებაში. ორივე ქვეყანა ვთვლით, რომ ვართ ევროპის ნაწილი და ის ორმაგი სტანდარტი, რომელიც სამწუხაროდ, ხშირ შემთხვევაში ბრიუსელიდან ხდება ჩვენს მიმართ და ასევე, სერბეთის რესპუბლიკის მიმართ ამაშიც არის რიგი თანხვედრა. ვთვლით, რომ ჩვენი ქვეყნები იმსახურებენ მეტ პატივისცემას“, - განაცხადა პრეზიდენტმა.

პოლიტიკა • 1766151835

პრეზიდენტი: „იგლ ჰილსის“ პროექტი ერთ-ერთ მიმზიდველ ადგილად ითვლება ბელგრადში და ამ დროისთვის ქვეყნის ბიუჯეტს მოგება 9 მილიარდამდე მოუტანა. 10 ათასამდე ადამიანია დასაქმებული

პრეზიდენტმა მიხეილ ყაველაშვილმა, რომელიც ვიზიტით სერბეთში იმყოფება, „იგლ ჰილსის“ პროექტთან დაკავშირებით ისაუბრა, რომლის ანალოგი სერბეთში ხორციელდება.როგორც პრეზიდენტმა ჟურნალისტებს განუცხადა, ბელგრადში „იგლ ჰილსის“ პროექტი ერთ-ერთი წარმატებულია, რომელმაც ქვეყნის ბიუჯეტს უკვე 9-მილიარდი მოტანა.„რადგან მქონდა ინფორმაცია, რომ ბელგრადში „იგლ ჰილსმა“ განახორციელა პროექტი და კიდევ ხდება განვითარება ამ უდიდესი კომპანიის, მქონდა საშუალება დამესვა კითხვა, თუ რა შედეგია მიღწეული. განცვიფრებული ვიყავი, როცა ჩემმა კოლეგამ ალექსანდარ ვუჩიჩმა აღნიშნა, რომ ალბათ ერთ-ერთი ყველაზე დიდი პროექტია, რაც ბოლო წლებში სერბეთში განხორციელებულაო. შემომთავაზა მენახა ეს ყველაფერი და დღეს მქონდა საშუალება მენახა, თუ რა განხორციელდა, რა მასშტაბის პროექტია და როგორი მასშტაბურია როგორც ბელგრადისთვის, ისე უცხოელი დამსვენებლებისთვის.ერთ-ერთ მიმზიდველ ადგილად ითვლება ბელგრადში. ვთხოვ ჩვენს საზოგადოებას, თუ პირდაპირ არ შეუძლია ჩამობრძანდეს ბელგრადში, სადაც პირდაპირი რეისები გვაქვს და თავად იხილოს, მედიის საშუალებით შეეძლებათ ნახონ რას წარმოადგენს. „იგლ ჰილსს“ ჩვენი ანალოგიური ხელშეკრულება აქვს დადებული სერბეთთან. დღეს 9 მილიარდზე მეტი შემოსავალი აქვს ამ პროექტიდან სერბეთს. 4.5 მლრდ-მდე ინვესტიციაა განხორციელებული. დაახლოებული 10 ათასამდე პირია. იმედია მორჩება ხელოვნურად შექმნილი სპეკულაცია, არაბიზაციასთან დაკავშირებით“, - აღნიშნა ყაველაშვილმა.

პოლიტიკა • 1766147187

საქართველოს პრეზიდენტს მიხეილ ყაველაშვილს, მეუღლესთან ერთად სერბეთის რესპუბლიკის კულტურის მინისტრმა ეროვნულ მუზეუმში უმასპინძლა

სერბეთის რესპუბლიკაში ოფიციალური ვიზიტის ფარგლებში, საქართველოს პრეზიდენტი, მიხეილ ყაველაშვილი მეუღლესთან, თამარ ბაგრატიონთან და დელეგაციის წევრებთან ერთად სერბეთის რესპუბლიკის ეროვნულ მუზეუმს ეწვია.საქართველოს დელეგაციას სერბეთის რესპუბლიკის კულტურის მინისტრმა ნიკოლა სელაკოვიჩმა და სერბეთის ეროვნული მუზეუმის დირექტორმა, ბოიანა ბორიჩ ბრეშკოვიჩმა უმასპინძლეს.სერბეთის ეროვნული მუზეუმის შენობა, თავისი არქიტექტურული, ურბანული და კულტურულ-ისტორიული ღირებულებების გამო, ქვეყნისთვის განსაკუთრებული მნიშვნელობის კულტურულ მემკვიდრეობას წარმოადგენს. მუზეუმში ამჟამად 400 ათასზე მეტი კულტურული ექსპონატია დაცული. 

პოლიტიკა • 1766145540

მიხეილ ყაველაშვილმა სერბეთის ვიცე-პრემიერთან, სინიშ მალისთან ერთად ურბანული პროექტი Belgrade Waterfront დაათვალიერა

ოფიციალური ვიზიტის ფარგლებში, საქართველოს პრეზიდენტს, მიხეილ ყაველაშვილს, სერბეთის ვიცე-პრემიერმა, ფინანსთა მინისტრმა სინიშა მალიმ Belgrade Waterfront-ში უმასპინძლა.პროექტი მიხეილ ყაველაშვილმა მეუღლესთან, თამარ ბაგრატიონთან და თანმხლებ დელეგაციასთან ერთად დაათვალიერა.Belgrade Waterfront-ი 3 მილიარდი აშშ დოლარის ღირებულების მონუმენტური ურბანული აღორძინების პროექტია, რომელიც ქმნის ახალი ქალაქის ცენტრს და ახალ საერთაშორისო დანიშნულების ადგილს. პროექტი სერბეთის მთავრობასა და კომპანია Eagle Hills Properties-ის ერთობლივი პროექტია, რომელიც ორიენტირებულია ახალი საქალაქო ჰაბების შექმნაზე.საქართველოს დელეგაციის წევრები არიან საგარეო საქმეთა მინისტრი მაკა ბოჭორიშვილი, საქართველოს პარლამენტის დეპუტატები - ირაკლი მეზურნიშვილი, ირმა ზავრადაშვილი, გურამ მაჭარაშვილი, საქართველოს ელჩი სერბეთის რესპუბლიკაში ლევან ბერიძე და საქართველოს პრეზიდენტის ადმინისტრაციის წარმომადგენლები.

პოლიტიკა • 1766142578

საქართველოს პრეზიდენტს, მიხეილ ყაველაშვილს სერბეთის ვიცე-პრემიერმა სინიშა მალიმ Belgrade Waterfront-ში უმასპინძლა

ოფიციალური ვიზიტის ფარგლებში, საქართველოს პრეზიდენტს, მიხეილ ყაველაშვილს, სერბეთის ვიცე-პრემიერმა, ფინანსთა მინისტრმა სინიშა მალიმ Belgrade Waterfront-ში უმასპინძლა.პროექტი მიხეილ ყაველაშვილმა მეუღლესთან, თამარ ბაგრატიონთან და თანმხლებ დელეგაციასთან ერთად დაათვალიერა.Belgrade Waterfront-ი 3 მილიარდი აშშ დოლარის ღირებულების მონუმენტური ურბანული აღორძინების პროექტია, რომელიც ქმნის ახალი ქალაქის ცენტრს და ახალ საერთაშორისო დანიშნულების ადგილს. პროექტი სერბეთის მთავრობასა და კომპანია Eagle Hills Properties-ის ერთობლივი პროექტია, რომელიც ორიენტირებულია ახალი საქალაქო ჰაბების შექმნაზე.საქართველოს დელეგაციის წევრები არიან საგარეო საქმეთა მინისტრი მაკა ბოჭორიშვილი, საქართველოს პარლამენტის დეპუტატები - ირაკლი მეზურნიშვილი, ირმა ზავრადაშვილი, გურამ მაჭარაშვილი, საქართველოს ელჩი სერბეთის რესპუბლიკაში ლევან ბერიძე და საქართველოს პრეზიდენტის ადმინისტრაციის წარმომადგენლები.ინფორმაციას პრეზიდენტის ადმინისტრაცია ავრცელებს.

პოლიტიკა • 1766138808

მხარეები შეთანხმდნენ, რომ ახლო მომავალში, საელჩოები გაიხსნება საქართველოში და სერბეთში - საქართველოს ელჩი სერბეთსა და საბერძნეთში, ლევან ბერიძე

საქართველოს პრეზიდენტის ვიზიტი სერბეთში გრძელდება. მიხეილ ყაველაშვილს დღეს სერბი კოლეგა ალექსანდრ ვუჩიჩი პრეზიდენტის რეზიდენციაში უმასპინძლებს. მათ შორის შეხვედრა ორმხრივ და გაფართოებულ ფორმატში უკვე შედგა, რომლის შემდეგაც გაიმართა ერთობლივი პრესკონფერენციაც. მიხეილ ყაველაშვილი ასევე შეხვდა პრემიერს და ეროვნული კრების თავმჯდომარეს. დღის ბოლოს გვირგვინით შეამკო უცნობი გმირის მემორიალი. საქართველოს პრეზიდენტს სერბეთის პატრიარქმაც უმასპინძლა.საქართველოს საგანგებო და სრულუფლებიანი ელჩი საბერძნეთსა და სერბეთში, ლევან ბერიძე აცხადებს, რომ ეს ვიზიტი მნიშვნელოვან წვლილს შეიტანს ორ ქვეყანას შორის დიპლომატიურ ურთიერთობებში."პრეზიდენტის ვიზიტი არის პირველი სერბეთში. მე დარწმუნებული ვარ, რომ მნიშვნელოვან წვლილს შეიტანს ჩვენს ქვეყნებს შორის დიპლომატიურ ურთიერთობებში. მხარეები შეთანხმდნენ რომ ახლო მომავალში, საელჩოები გაიხსნება საქართველოში და სერბეთში. ასევე, მინდა აღვნიშნო, რომ ქვეყნებს შორის მიმდინარეობს ეკონომიკური ურთიერთობების გაღრმავება. ამ ფორმატში უკვე დაწყებულია კონსულტაციები და მოლაპარაკებები," - აცხადებს ლევან ბერიძე.