მსოფლიო • 1772002878

ტრამპი: ვამაყობ, რომ თანამდებობაზე ჩემი ყოფნის დროს რელიგიაში, ქრისტიანობასა და ღმერთის რწმენაში უზარმაზარი ცვლილება მოხდა, განსაკუთრებით ახალგაზრდებში

აშშ-ს პრეზიდენტს, დონალდ ტრამპს კონგრესის ისტორიაში ყველაზე ხანგრძლივი გამოსვლა ჰქონდა. ტრამპის სიტყვით გამოსვლა საათი და 47 წუთი გაგრძელდა.მისი მიმართვა შეეხო ისეთ საკითხებს როგორიცაა ეკონომიკა, სავაჭრო ტარიფები, მიგრაცია და საგარეო პოლიტიკა.ეკონომიკაზე საუბრისას ტრამპმა აღნიშნა, რომ წინა ადმინისტრაციისგან მემკვიდრეობით საშინელი ეკონომიკა მიიღო, თუმცა ახლა ქვეყანაში ეკონომიკა ისეთი ძლიერია როგორც არასდროს. პრეზიდენტის თქმით, 12 თვეში ქვეყანაში 18 ტრილიონ დოლარზე მეტი ინვესტიცია შეიტანა.დონალდ ტრამპი ერთხელ შეეხო უზენასი სასამართლოს გადაწყვეტილებას ტარიფების უკანონოდ ცნობის შესახებ, რასაც ძალიან სამწუხარო დადგენილება უწოდა, თუმცა აღნიშნა, რომ „თითქმის ყველა“ ქვეყანას სურს არსებული სავაჭრო შეთანხმების გაგრძელება.„ტარიფები დარჩება ძალაში სრულად დამოწმებული და გამოცდილი ალტერნატიული სამართლებრივი სტატუსების საფუძველზე“, – განაცხადა ტრამპმა.მისი თქმით, ადმინისტრაციამ მნიშვნელოვან პროგრესს მიაღწია უკანონო მიგრაციის შეჩერებასა და საზღვრის დაცვაში. სიტყვით გამოსვლისას ტრამპს არ უხსენებია მინესოტაში საიმიგრაციო და საბაჟო სამსახურის ოპერაციები.საგარეო პოლიტიკაზე საუბრისას ქვეყნის პრეზიდენტმა აღნიშნა, რომ მისი პოლიტიკა ემყარება ძალისმიერ მშვიდობას.ბოლო ერთი წლის განმავლობაში აშშ-ში ქრისტიანობის აღზევების შესახებ თავისი გამოსვლის ნაწილში ტრამპმა პატივი მიაგო გარდაცვლილ ჩარლი კირკს, რომელიც, რომელიც ტრამპის აზრით, მისივე რწმენას ემსხვერპლა. მან ასევე აღნიშნა, რომ ჩარლი კირკის პატივსაცემად კატეგორიულად უნდა უარყონ ნებისმიერი სახის პოლიტიკური ძალადობა.„ძალიან ვამაყობ, რომ თანამდებობაზე ჩემი ყოფნის დროს, როგორც პირველი ოთხი წლის განმავლობაში, ასევე განსაკუთრებით ბოლო წელს, რელიგიაში, ქრისტიანობასა და ღმერთის რწმენაში უზარმაზარი ცვლილება მოხდა, განსაკუთრებით ახალგაზრდებში და ეს დიდწილად ჩემს საუკეთესო მეგობარს, ჩარლი კირკს უკავშირდებოდა, შესანიშნავ ადამიანს“, – განაცხადა ტრამპმა.პრეზიდენტის სიტყვით გამოსვლისას მხურვალე ოვაციები დაიმსახურა სახელმწიფო მდივანმა, მარკო რუბიომ, რომელსაც ტრამპმა მადლობა გადაუხადა და აღნიშნა, რომ ხალხს ის მოსწონს.„მარკო, შენ შესანიშნავი სამუშაო გასწიე. შესანიშნავი სახელმწიფო მდივანი ხარ. ვფიქრობ, ის ისტორიაში საუკეთესოდ დარჩება“, – აღნიშნა აშშ-ს პრეზიდენტმა.უყურადღებოდ ტრამპს არც აშშ-ის წარმომადგენელთა პალატის ყოფილი სპიკერი ნენსი პელოსი დაუტოვებია, რომელთანაც მისი პრეზიდენტობის პირველი ვადის დროს დაძაბული ურთიერთობა ჰქონდა.ინსაიდერული ვაჭრობის აკრძალვაზე საუბრისას ტრამპს დემოკრატი კანონმდებლების ნაწილი ფეხზე წამოუდგა, რა დროსაც ტრამპმა იკითხა, წამოუდგა თუ არა ფეხზე მას დარბაზში მყოფი პელოსი.„ნენსი პელოსი წამოდგა? თუ ის აქ არის“, – იკითხა ტრამპმა.პრეზიდენტის სიტყვით გამოსვლისას დემოკრატ წარმომადგენელს, ალ გრინს ხელში ეჭირა პლაკატი წარწერით „შავკანიანები მაიმუნები არ არიან!“, – რითაც პროტესტი გამოხატა ტრამპს მის მიერ სოციალურ ქსელში გამოქვეყნებული ვიდეოს გამო, სადაც ყოფილი პრეზიდენტი ბარაკ ობამა და მისი მეუღლე მიშელ ობამა მაიმუნებად არიან წარმოჩენილი. ამის შემდეგ გრინი მალევე გაიყვანეს დარბაზიდან.

ტაბლოიდი • 1770844980

დასუფთავების კომპანიის მფლობელმა აღიარა, რომ მდიდარი ადამიანების სახლებიდან ათასობით დოლარის ღირებულების დიზაინერული ჩანთები და სამკაულები მოიპარა

ქალმა აღიარა, რომ ძვირად ღირებული სახლებიდან ათასობით ფუნტის ღირებულების დიზაინერული ჩანთები და სამკაულები მოიპარა.62 წლის როზან პელოსიმ გლაზგოსთან ახლოს მდებარე ქალაქების სახლებიდან ნივთები, მათ შორის Gucci-სა და Hermes-ის ჩანთები, ბრილიანტის ნიშნობის ბეჭდები და ყელსაბამები მოიპარა.მან ლანარკშირის შტატის ქალაქ ბოთველში, ქალაქიდან სამხრეთ-აღმოსავლეთით დაახლოებით რვა მილის დაშორებით მდებარე სახლიდან კრემისფერი Gucci-ს ჩანთა და ვერცხლისფერი Gucci-ს ყელსაბამი მოიპარა.მან ასევე მოიპარა შავი Hermes-ის ჩანთა, Gucci-ს სვიტერი, კიდევ ერთი შავი Gucci-ს ჩანთა და სუნამოს ბოთლი იმავე სახლიდან.პელოსიმ ასევე გაძარცვა სახლი კოუტბრიჯში, ლანარკშირში, ბოთველიდან ექვსი მილის ჩრდილოეთით, საიდანაც სამი ბრილიანტის ნიშნობის ბეჭედი მოიპარა.კოუტბრიჯის სხვა სახლიდან ასევე მოიპარა ბრილიანტის ნიშნობის ცხრა ბეჭედი.პელოსი, რომელიც გლაზგოს გარეუბან შეტლსტონში ცხოვრობს, ინტერნეტში საკუთარ თავს დასუფთავების ბიზნესის მფლობელად აღწერს.მისი ქურდობები 2023 წლის მარტიდან 2024 წლის ოქტომბრამდე პერიოდში მოხდა. მოგვიანებით ის დამნაშავედ იქნა ცნობილი და დააკავეს.ჰამილტონის შერიფის სასამართლოში გამოცხადებისას მან თავი დამნაშავედ ცნო ქურდობის რვა ბრალდებაში.მის მიერ მოპარული ნივთების ღირებულება, სავარაუდოდ, ათასობით ფუნტია: Gucci-ს ჩანთების საცალო ფასი 2390 ფუნტ სტერლინგამდეა, ხოლო Hermes-ის ჩანთების ფასი ხუთნიშნაა.

მსოფლიო • 1770804421

ნენსი პელოსი: პრეზიდენტმა ბაიდენმა მორალური ლიდერობა გამოიჩინა 2021 წელს სომეხთა გენოციდის ოფიციალურად აღიარებით, პოზიცია, სამარცხვინოდ შეცვალა ტრამპის ადმინისტრაციამ

აშშ-ის კონგრესის ქვედა პალატის ყოფილი ლიდერი ნენსი პელოსი აშშ-ის ვიცე-პრეზიდენტს, ჯეი დი ვენსს სომხეთში ვიზიტის დროს ამსახველი პოსტის წაშლის გამო აკრიტიკებს.„როდესაც 2022 წელს, როგორც სპიკერი, მე ვესტუმრე სომხეთს, ჩვენი კონგრესის დელეგაცია ციცერნაკაბერდზე იდგა და ნათლად და უყოყმანოდ საუბრობდა სომეხთა გენოციდზე – რადგან სიმართლეს მნიშვნელობა აქვს. ეს სიმართლე დადასტურდა, როდესაც წარმომადგენელთა პალატამ 2019 წელს დიდი უპირატესობით მიიღო ორპარტიული რეზოლუცია, რომლითაც აღიარებდა სომეხთა გენოციდს და როდესაც პრეზიდენტმა ბაიდენმა მორალური ლიდერობა გამოიჩინა 2021 წელს მისი ოფიციალურად აღიარებით – პოზიცია, რომელიც სამარცხვინოდ შეცვალა ტრამპის ადმინისტრაციამ. ძალიან იმედგამაცრუებულია, თუმცა გასაკვირი არ არის, რომ ვიცე-პრეზიდენტმა წაშალა პოსტი, რომელიც აღიარებდა ამ სიმართლეს. ისტორიის წაშლა შეურაცხყოფს მსხვერპლებს და ასუსტებს ჩვენს ერთგულებას ადამიანის უფლებების მიმართ ყველგან“, – განაცხადა ნენსი პელოსიმ.ცნობისთვის, 10 თებერვალს აშშ-ის ვიცე-პრეზიდენტ ჯეი დი ვენსის სოციალური მედიის გვერდიდან წაიშალა პოსტი სომხების გენოციდის მემორიალის მონახულების შესახებ. პოსტში ორჯერ იყო ნახსენები ტერმინი „სომხების გენოციდი“.

მსოფლიო • 1764132276

ტრამპმა განაცხადა, რომ მადლიერების დღისთვის შესაწყალებელი ინდაურებისთვის სახელად საკუთარი ოპონენტების, დემოკრატი კონგრესმენების სახელები შეურჩია, თუმცა მერე გადაიფიქრა

 დონალდ ტრამპმა განაცხადა, რომ მადლიერების დღისთვის შესაწყალებელი ინდაურებისთვის სახელად ჩაკის და ნენსის დარქმევა სურდა.როგორც თეთრი სახლის ლიდერმა განმარტა, მან ინდაურებს საკუთარი ოპონენტების, დემოკრატი კონგრესმენების, ჩაკ შუმერისა და ნენსი პელოსის სახელები შეურჩია, თუმცა შემდეგ მიხვდა, რომ მათ არასდროს შეიწყალებდა და ინდაურებს გობლი და უოდლი დაარქვა.ტრამპმა ასევე იხუმრა, რომ ფრინველების შეწყალება ხელახლა მოუხდა, რადგანაც 2024 წელს ბაიდენის მიერ ე.წ. ავტოპენით ხელმოწერილი შეწყალება ნამდვილი არ აღმოჩნდა. 

მსოფლიო • 1762584212

ტრამპმა ნენსი პელოსი უკანონო გამდიდრებაში დაადანაშაულა

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ამერიკის წარმომადგენელთა პალატის ყოფილი სპიკერი ნენსი პელოსი საფონდო ბირჟაზე უკანონოდ გამდიდრდა.„ნენსი პელოსი, ბებერი პოლიტიკური ჯაგლაგი, რომელმაც ჩემი იმპიჩმენტი ორჯერ სცადა და დამარცხდა, საბოლოოდ „მიდის“. ის უკანონოდ გამდიდრდა საფონდო ბირჟის მეშვეობით, გაძარცვა ამერიკული საზოგადოება და ამერიკისთვის კატასტროფად იქცა. მიხარია, რომ ნენსი პელოსის მყრალი სუნი ქრება!!!“, - დაწერა ტრამპმა.ცნობისთვის, 85 წლის პელოსიმ რამდენიმე დღის წინ განაცხადა, რომ პოლიტიკიდან მიდის.

მსოფლიო • 1746453284

Politico: კალიფორნიის ხელისუფლებამ ტრამპს ალკატრასის ციხის გახსნაზე უარი განუცხადა

გამოცემა Politico-ს ინფორმაციით, აშშ-ის კალიფორნიის შტატის სენატორმა, სკოტ უინერმა პრეზიდენტ დონალდ ტრამპის იდეას სან-ფრანცისკოში ალკატრასის ციხის თავიდან გახსნის შესახებ აბსურდული უწოდა.როგორც კანონმდებელმა აღნიშნა, ტრამპის იდეა „ერთი შეხედვით, აბსურდულია“. როგორც პოლიტიკოსი ამბობს, დღეს ალკატრასი ერთ-ერთი მთავარი ღირსშესანიშნაობაა და წელიწადში 1,4 მილიონ ტურისტს მასპინძლობს. თეთრი სახლის ლიდერის მოქმედებებს მან „კანონის უზენაესობაზე ტრამპის ჯვაროსნული ლაშქრობა“ და დემოკრატიის დემონტაჟისკენ გადადგმულ კიდევ ერთი ნაბიჯი უწოდა.კალიფორნიის შტატის გუბერნატორის პრესმდივნის, იზი გარდონის განცხადებით, ტრამპის იდეა ყურადღების გადატანას ემსახურება. „როგორც ჩანს, ვაშინგტონში ყურადღების გადატანის კიდევ ერთი დღეა“, - ციტირებს Politico პრესმდივანს.კონგრესის წარმომადგენელთა პალატის ყოფილი სპიკერი, ამჟამად კონგრესმენი კალიფორნიის შტატიდან, ნენსი პელოსი ფიქრობს, რომ ტრამპის წინადადება „არ არის სერიოზული“. უინერის მსგავსად მანაც აღნიშნა, რომ ალკატრასი 60 წელზე მეტია, რაც აღარ არის პენიტენციური დაწესებულება და დღეს პოპულარული ეროვნული პარკის ფუნქციას ასრულებს.ცნობისთვის, ტრამპმა დღეს ციხეების ფედერალური ბიუროს ალკატრასის რეაბილიტაცია და თავიდან გახსნა დაავალა.

პოლიტიკა • 1741159251

ლიბერალური პროპაგანდისაგან ტვინგამორეცხილი ადამიანები საქართველოშიც და მთელ მსოფლიოშიც აშშ-ს პრეზიდენტს რუსეთუმეს და პუტინის მოკავშირეს ეძახიან - ნანა კაკაბაძე

„ერთიანი ნეიტრალური საქართველოს“ წევრი, ნანა კაკაბაძე, სოციალურ ქსელში მსოფლიოს ახალი პოლიტიკური რეალობაზე პოსტს აქვეყნებს.„მსოფლიოს ახალი პოლიტიკური რეალობა და საქართველოლიბერალური პროპაგანდისაგან ტვინგამორეცხილი ადამიანები საქართველოშიც და მთელ მსოფლიოშიც აშშ-ს პრეზიდენტს რუსეთუმეს და პუტინის მოკავშირეს ეძახიან.ადამიანების მეორე, შედარებით გულწრფელი კატეგორია კი, რომელიც მთლად ლიბერალური პროპაგანდის მსხვერპლს არ წარმოადგენს, უბრალოდ, პოლიტიკურად ბეცია. მათ არ ესმით, რომ ამერიკის სიძლიერისთვის, ისევე როგორც ნებისმიერი სხვა ქვეყნისთვის, მთავარია პოლიტიკური ინტერესები და არა პოლიტიკური თუ ადამიანური გემოვნებები და გრძნობები.ნებისმიერი გონიერი მმართველი ცდილობს კონკრეტულ სიტუაციაში სწორად განსაზღვროს, რომელი ქვეყნის (და არა როგორი ქვეყნის) მეკავშირეობაა მისი ქვეყნისთვის საჭირო.ტრამპი და მისი გუნდი კარგად ხედავენ, რომ ზელენსკის მხარდაჭერა ომში არ არის თანხვედრაში ამერიკის ინტერესებთან. ბიზნესმენმა პრეზიდენტმა კარგად დათვალა ხარჯი და შედეგი მისი ქვეყნისთვის, დაინახა, რომ ამ ომში ჩაყრილმა ფულმა ვერც უკრაინას არგო (ქვეყანა განადგურების პირასაა) ვერც ამერიკას და ვერც ევროპას. მიუხედავად ამისა, ევროპის ქვეყნების უმრავლესობა (ბალტიისპირელების, ბრიტანელების და პოლონელების თამადობით) განსაკუთრებული დაჟინებით, აგრესიულობით და სისტემატური ყიჟინით მოუწოდებენ უკრაინელებს, მიდით ბიჭებო, ჩვენ თქვენს გვერდით ვართ, ბოლო უკრაინელამდე იბრძოლეთ და ჩვენ გულშემატკივრობას არ მოგაკლებთო.ერთი შეხედვით, ისინიც ლიბერალური პროპაგანდის მსხვერპლებს ჰგვანან, რომლებიც საკუთარ თავს და ერთმანეთს იმით აშინებ-აგულიანებენ, რომ უკრაინის შემდეგ რუსეთი ჩვენ მოგვადგებაო, მაგრამ რეალურად ამ შემთხვევაშიც მხოლოდ მერკანტილურ სარგებელზე ფიქრობენ.ფაქტია, რომ ასეთი წამქეზებელი ქვეყნები უკრაინაში საკუთარი ჯარისკაცების საზარბაზნე ხორცად გაგზავნას გულშიც არ გაივლებენ, ხოლო მათი ქვეყნებიდან მოხალისეები იმდენად მცირე რაოდენობით მიდიან უკრაინაში საბრძოლველად, რომ ალბათ ცალკე აღებული თითქმის ყველა ამ ქვეყნიდან უკრაინაში საომრად წასული მოხალისე საქართველოდან იქ მებრძოლ მოხალისეებზე ნაკლებია.ძირითადად უკრაინელების სიცოცხლესა და ამერიკელების ფულებს ამოფარებული წამქეზებელი ევროპული ქვეყნები მხოლოდ გამამხნევებელი შეძახილებით გამოხატული გულშემატკივრობით და სოლიდარობით გამოირჩევიან.სულ ახლახან თეთრი სახლის ოვალურ დარბაზში მომხდარი გახმაურებული ინციდენტიდან 2 დღეში, ლონდონში მოეწყო, „მსოფლიო ლიდერობაზე პრეტენზიის და აშშ-ს ჩანაცვლების“ სამიტი, მაგრამ იქაც მხოლოდ ლოზუნგები გაისმოდა, უკრაინისთვის რეალური არავის არაფერი არ შეუთავაზებიათ. ისევ მხოლოდ დაპირებები, „რომ ბოლომდე უკრაინის გვერდით“ იქნებიან და ა. შ. მაგრამ მათ უნიათო განცხადებებში 2 რამ იპყრობდა ყურადღებას: ჯერ ერთი, აღიარეს, რომ აშშ-ს გარეშე ვერ უზრუნველყოფდნენ უკრაინის უსაფრთხოებას და მეორეც, მათი ლექსიკონიდან საერთოდ გაქრა სიტყვები „უკრაინის ტერიტორიული მთლიანობის აღდგენის“ აუცილებლობის შესახებ. არადა, კარგად გვახსოვს, ადრე ჯერ უკრაინის 1991 წლის საზღვრებში აღდგენას მოითხოვდნენ, მერე 2014 წლამდე საზღვრების, ბოლოს 2022 წლის 24 თებერვლამდე პერიოდის საზღვრების, ახლა კი უკვე ეს მოთხოვნაც გამქრალიყო ლონდონის სამიტის მონაწილეების გამოსვლებში. ისინი კარგად ხედავენ, რომ უკრაინას თავისი ტერიტორიების დაახლოებით 20%-ის დათმობაზე დათანხმება მოუწევს.პრეზიდენტ ტრამპს არ ესმის, რატომ უნდა გადაყაროს დამატებითი რესურსი იქ, სადაც ადგილობრივი რესურსები (მეომრები) თითქმის ამოწურულია და ამერიკული იარაღი და ფული ისევ კორუფციონერთა ჯიბეში წავა, ან ბრძოლის ველზე უშედეგოდ განადგურდება. შედეგი კი ის არის, რომ რუსები ყოველდღიურად სულ უფრო მეტ უკრაინულ ტერიტორიებს იპყრობენ. ამ ფონზე რა გასაკვირია, რომ ამერიკის ხელისუფლებამ განაცხადოს - „არა, ძვირფასო უკრაინელებო და ევროპელებო, ეს არ შედის აშშ-ს ინტერესებში და თუ თქვენ ეს მოგწონთ, მაშინ საკუთარი ჯიბიდან დააფინანსეთ ეს ყველაფერი“-ო.აქედან გამომდინარე დადგა ამერიკა იქით მხარეს, სადაც წაგებულის იმიჯს აიცილებს, ანუ სადაც ომის დასრულების და მშვიდობის დამყარების მსურველები არიან, ასეთი არჩევანით, ომის დასრულების შემთხვევაში ამერიკასაც ეძლევა საშუალება აინაზღაუროს ფუჭად გადაყრილი მილიარდები, ასევე უკრაინამაც შეინარჩუნოს დარჩენილი გენოფონდი და დარჩენილი ტერიტორია. ტრამპის ასეთი პოლიტიკით, უკრაინელებსაც უსაფრთხოების უფრო მეტი გარანტია ექნებათ, ვიდრე ნატო-ნატოს ძახილით და ამის გამო უაზრო სისხლის ღვრით.დღეს უკვე ღიად მიდის საუბრები იმის შესახებ, რომ ნატოში რეალური გაწევრიანება დღის წესრიგში არც არასოდეს მდგარა საქართველოსა და უკრაინისთვის. ვინ რისთვის ან რატომ აგულიანებდა ამ ქვეყნებს და უსახავდა ტყუილ იმედებს, ეგ კიდევ გასარკვევია.მხოლოდ ტვინ გამორიცხულებისთვის არის გაუგებარი, რატომ ჯობია, წაგებულ ომში წაგებულის მხარეს დგომას, უაზროდ გადაყრილ ფულს, საკუთარი ხაზინის დაცარიელებას, შუამავლის და მომლაპარაკებლის როლის მორგება.70 წელი ფაშიზმზე გამარჯვებაზე იდგა სსრკ-ს უძლეველობის იმიჯი, რომელიც დღესაც მოჰყვება რუსეთს, ასევე ყველას ახსოვს რუსების სხვა ომებში გამარჯვებები, ლიბერალი ტვინ გამორიცხულები კი იმასაც ვერ ხვდებიან, რომ სწორედ პუტინის უძლეველობის მითის გაძლიერებას უწყობენ ხელს, რადგან ქმნიან სურათს, რომ მას მთელი დასავლეთი ებრძვის და მაინც ვერ აჩერებს. ის ვინც დღეს რუსეთის უძლეველობის იმიჯს წინ აღუდგა, სწორედ პრეზიდენტი ტრამპია, რომელიც ცდილობს გადაარჩინოს საკუთარი ქვეყნის იმიჯიც, და ვინაიდან ევროპა არ იშლის თავისას, ის ემიჯნება ევროპასაც და დგება იქ, სადაც გადაარჩენს უკრაინის დარჩენილ ნაწილს და არ დაუთმობს რუსეთს მთელ უკრაინას.ვისაც ეს არ ესმის და მაინც პოლიტიკურ პროგნოზებსა და ილუზიებშია, მათ საქართველოც მკაფიოდ უნდა გაემიჯნოს და შეიძინოს პოლიტიკურად მოაზროვნე ქვეყნის იმიჯი. სწორედ ამის გაკეთებას ცდილობს ბიძინა ივანიშვილი და მისი გუნდი.ბიძინა ივანიშვილსაც ხომ ზუსტად იდენტური, სწორი პოლიტიკისთვის ასანქცირებენ გარეთ მყოფი კორუფციასა თუ სიბნელის წყვდიადში ჩაძირული პოლიტიკოსები. ზუსტად სწორი პოლიტიკური არჩევანის გამო შეარქვეს ბიძინას „რუსი ოლიგარქი“ ხელმოცარულმა, არჩევნებში მუდმივად წაგებულმა უნიათო ოპოზიციონერებმა, მათმა ტელევიზიებმა და ჯიბის NGO-ებმა.ქართველი ხალხის უმრავლესობა მართლაც ბრძენი ყოფილა, რაც 26 ოქტომბრის არჩევნებმაც დაადასტურა, მაგრამ საფიქრალი და თავში სახლელი რჩება საზოგადოების ტვინგამორეცხილი ან პოლიტიკურად ბეცი ნაწილი, რომელთაგან ზოგი ყიჟინით, სტვენით, დოლების ბრახუნით, ცეცხლით თუ უცეცხლო პროტესტებით, ან კლავიატურაზე კაკუნით ცდილობს საქართველოს მომავალი წარმატებული გზის გამრუდებას.იმედის მომცემია ის არის, რომ ისინი ქართველი ხალხის უმცირეს ნაწილს წარმოადგენენ.და ბოლოს: ეს პოსტი უკვე დაწერილი იყო, როდესაც პრეზიდენტი ტრამპი წარდგა კონგრესის წინაშე ორსაათიანი მოხსენებით. მოხსენების დროს რამდენჯერმე მსხვილი პლანით აჩვენეს, თუ ნერვიულობისაგან როგორ იკვნეტდა ტუჩებს კონგრესის ყოფილი სპიკერი, 85 წლის ნენსი პელოსი, რადგან ტრამპის მოხსენება იყო მისი ცხოვრების მთელი ლიბერასტული ფილოსოფიის თავდაყირა დაყენება და ნგრევა. წარმომიდგენია რა ძალით იკვნეტდნენ ტუჩებს ამ მოხსენების მოსმენისას ქართველი ლიბერასტები, როდესაც ხედავდნენ, თუ რამდენ რამეში ემთხვეოდა ერთმანეთს ქართული ოცნებისა და დონალდ ტრამპის პოზიციები“, - წერს ნანა კაკაბაძე.

მსოფლიო • 1740842395

„ზელენსკიმ ამერიკელი ხალხის თვალში საკუთარი თავი გაინადგურა“ - ილონ მასკი

აშშ-ის პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის გამართულ დაძაბულ შეხვედრას აშშ-სა და კანადაში გამოეხმაურნენ."ვოლოდიმირ ზელენსკიმ ამერიკელი ხალხის თვალში საკუთარი თავი გაინადგურა", - ასე ფიქრობს აშშ-ის მთავრობის ეფექტურობის დეპარტამენტის ხელმძღვანელი, მილიარდერი ილონ მასკი."ამინ, ბატონო პრეზიდენტო," - წერს აშშ-ის თავდაცვის მდივანი პიტ ჰეგსეტი.განცხადება გაავრცელა ჯასტინ ტრუდომაც. კანადის პრემიერი წერს, რომ კანადა განაგრძობს უკრაინისა და უკრაინელების გვერდით დგომას.თეთრ სახლში გამართულ შეხვედრას გამოეხმაურა ნენსი პელოსიც. დემოკრატი კონგრესმენი ფიქრობს რომ პუტინი აღფრთოვანებული იქნება.

პოლიტიკა • 1734154973

ნენსი პელოსი ლუქსემბურგში კიბიდან ჩამოვარდნის შედეგად საავადმყოფოში გადაიყვანეს

წარმომადგენელთა პალატის ყოფილი სპიკერი ნენსი პელოსი ლუქსემბურგში კიბიდან დაგორდა, რის შემდეგაც საავადმყოფოში გადაიყვანეს. მედიის ცნობით, პელოსი ლუქსემბურგში, დიდი ჰერცოგის სასახლეში ოფიციალური ვიზიტით იმყოფებოდა, რა დროსაც, დეპუტატებისა და წარჩინებული პირების თვალწინ მარმარილოს კიბეზე დაგორდა.პელოსის ოფისმა ამ თემაზე კომენტარის გაკეთებაზე უარი თქვა, თუმცა, სხვადასხვა წყაროების თანახმად, კონგრესმენს მენჯის მოტეხილობა აქვს. CNN-ის ინფორმაციით, პელოსი მოგვიანებით ლუქსემბურგიდან გერმანიის ლანდშტულის რეგიონულ სამედიცინო ცენტრში გადაიყვანეს.

პოლიტიკა • 1730891944

CNN: „რესპუბლიკური“ პარტია აშშ-ის წარმომადგენელთა პალატის არჩევნებში ლიდერობს

„რესპუბლიკური“ პარტია აშშ-ის კონგრესის წარმომადგენელთა პალატაში გამართული არჩევნების შედეგად 201 მანდატს იღებს, თუმცა სრული გამარჯვებისთვის მას დამატებით 17 მანდატის მოპოვება სჭირდება. წინასწარ შედეგებს CNN-ი ავრცელებს.ამერიკული ტელეარხის ცნობით, „დემოკრატიულ“ პარტიას ამ დროისთვის წარმომადგენელთა პალატაში 177 წევრი გაჰყავს. აღსანიშნავია, რომ „დემოკრატების“ კვოტით წარმომადგენელთა პალატაში 84 წლის ნენსი პელოსი ხვდება, რომელიც 2019-2023 წლებში პალატის სპიკერი იყო.რაც შეეხება კონგრესის სენატში ჩატარებულ არჩევნებს, იქ „რესპუბლიკელებმა“ უკვე მოიპოვეს უმრავლესობა. მათ ამისთვის 50 მანდატის მოპოვება სჭირდებოდათ, თუმცა წინასწარი მონაცემებით, „რესპუბლიკელებს“ სენატში 51 კანონმდებელი ეყოლებათ, დემოკრატებს კი - 42.

პოლიტიკა • 1730877307

წარმომადგენელთა პალატის ყოფილი სპიკერი ნენსი პელოსი კონგრესში მე-20 ვადით ბრუნდება

წარმომადგენელთა პალატის ყოფილი სპიკერი ნენსი პელოსი კონგრესში ბრუნდება. როგორც გამოცემა „ჰილი“ წერს, ეს პელოსისთვის კონგრესში მე-20 ვადა იქნება.სან-ფრანცისკოელმა ლიბერალმა კალიფორნიის მე-11 ოლქში მარტივად გაიმარჯვა, სადაც დაამარცხა ნომინალური მეტოქე, რესპუბლიკელი ბრუს ლუ.პელოსი 84 წლისაა. ის არის ტრამპის ერთ-ერთი ყველაზე მკაცრი კრიტიკოსი, განსაკუთრებით კაპიტოლიუმზე 2021 წლის 6 იანვრის თავდასხმის შემდეგ.

მსოფლიო • 1730873189

აშშ-ის წარმომადგენელთა პალატის ყოფილი სპიკერი ნენსი პელოსი კონგრესის წევრად კვლავ აირჩიეს - AP

აშშ-ის კონგრესის წარმომადგენელთა პალატის ყოფილი სპიკერი, „დემოკრატი“ ნენსი პელოსი საკანონმდებლო ორგანოში კვლავ აირჩიეს. ინფორმაციას Associated Press-ი ავრცელებს.სააგენტოს ცნობით, ის წარმომადგენელთა პალატაში კალიფორნიის შტატიდან მოხვდა. მისი მეტოქე „რესპუბლიკური“ პარტიიდან კალიფორნიაში ბრიუს ლოუ იყო. პელოსიმ ხმათა 81,5%, ხოლო ლოუმ - 18,5% მიიღო.პელოსი 84 წლისაა. ის აშშ-ის წარმომადგენელთა პალატის სპიკერი 2019-2023 წლებში იყო.