დიეტა

ვერძივარსკვლავების ხელსაყრელი განლაგება ყველასთვის ხელსაყრელი გადაწყვეტილების მიღებაში დაგეხმარებათ. ვარსკვლავები გირჩევენ, მუშაობის დროს ზედმეტი გულმოდგინება არ გამოიჩინოთ, რადგან მნიშვნელოვანი პრობლემების გადასაჭრელად ძალა არ გეყოფათ.კუროამ ნიშნის ბევრ წარმომადგენელს პირად ურთიერთობებში კრიზისი აქვს და დროა, სიტუაციის შეცვლაზე იზრუნოთ. ეცადეთ თქვენს ყოველდღიურ ცხოვრებას ცოტაოდენი რომანტიკა დაამატოთ და საყვარელი ადამიანი უფრო ხშირად გააბედნიეროთ.ტყუპები დროა, წუწუნიდან მოქმედებაზე გადახვიდეთ და თქვენთვის შესაფერისი დიეტა და ვარჯიში შეარჩიოთ ან საღამოობით დივანზე წოლის ნაცვლად, სასეირნოდ ან საცურაოდ წავიდეთ? სასურველია მასაჟზე ან კოსმეტოლოგთან წასვლა დაგეგმოთ. სასიამოვნო პროცედურები ენერგიის აღდგენასა და ფიზიკური ფორმის გაუმჯობესებაში დაგეხმარებათ.კირჩხიბივარსკვლავები შანსს გაძლევთ, რომ ურთიერთობა აღადგინოთ ადამიანებთან, ვინც ოდესღაც საკუთარი ცხოვრებიდან გაუშვით. უთანხმოების მიზეზი უკვე დავიწყებულია, ამიტომ შეეცადეთ, ყველაფერი „სუფთა ფურცლიდან“ დაიწყოთ. გირჩევთ, სამსახურში აუჩქარებლად იმუშაოთ, საქმეს თანმიმდევრულად მიჰყვეთ და შესრულებული სამუშაო შეამოწმოთ, რათა შეცდომა არ გაგეპაროთ.ლომითქვენ ირგვლივ უამრავი ადამიანია, ვისაც დახმარება სჭირდება. მეგობრებთან შეხვედრა და გულწრფელი საუბარი სტრესის მოხსნაში დაგეხმარებათ და ენერგიით აგავსებთ. ეცადეთ, კონფლიქტები როგორც სახლში, ისე სამსახურში თავიდან აიცილოთ.ქალწულიეცადეთ, გარშემო მყოფთა კრიტიკულ შენიშვნებს „ორი ყურის პრინციპით“ უპასუხოთ და საკუთარი საქმე ჩუმად გააგრძელოთ. ხელსაყრელი დროა სამომავლოდ გადადებული საქმეების დასრულებისთვის, მით უმეტეს, რომ ენერგიით სავსე ხართ და აქტიური მოქმედების სურვილით იწვით.სასწორიმოსალოდნელია ნაცნობობა, რომელიც შესაძლებელია მეგობრობაში ან სიყვარულში გადაიზარდოს. ყურადღება მიაქციეთ ადამიანს, რომელიც თქვენთან ახლოს ცხოვრობს ან მუშაობს. ირგვლივ ბევრი საინტერესო ადამიანია, რომელსაც შეუძლია თქვენს ცხოვრებაში მნიშვნელოვანი როლი შეასრულოს.მორიელიბევრს ოცნებობთ და ძალიან ცოტას აკეთებთ იმისთვის, რომ მიზანს მიაღწიოთ, თუმცა იცით, რომ შედეგის მოტანა მხოლოდ თქვენს ძალისხმევას შეუძლია. ოთხ კედელში ნუ გაჩერდებით, ახალ ადგილებს ეწვიეთ და საინტერესო ადამიანებს დაუკავშირდით - ზოგიერთი მათგანი მომავალში დაგეხმარებათ.მშვილდოსანისაყვარელი ადამიანები იმსახურებენ, რომ მათთან ურთიერთობაში პირდაპირი და გულწრფელი იყოთ. უმჯობესია ყურადღება სამუშაოზე გადაიტანოთ და მენეჯმენტის მითითებები შეასრულოთ. უსარგებლო საქმეებზე დროს ნუ დაკარგავთ. ამით დროსაც დაზოგავთ და უსიამოვნებებსაც თავიდან აიცილებთ.თხის რქაემოციები მუშაობაში და დასვენებაში ხელს გიშლით, მაგრამ ვნებებთან გამკლავება გიჭირთ. იქნებ დროა, ფსიქოლოგს მიმართოთ? შუა დღეს შეიძლება ენერგიის დონემ მკვეთრად დაიკლოს და დაწყებული საქმეების დასრულება გაგიჭირდეთ. არ ინერვიულოთ, საღამოს სიტუაცია გამოსწორდება.მერწყულიამ დღეს ბევრი საქმის დასრულებას შეძლებთ და მენეჯმენტი თქვენი აქტიურობით კმაყოფილი დარჩება. არსებობს შანსი, რომ ახალ პროექტს განდობენ ან საპასუხისმგებლო მივლინებაში გაგზავნიან. კარგი იქნება თუ დაძაბულობას პოზიტიური განწყობით, იუმორით და კომპლიმენტებით განმუხტავთ. ეს ურთიერთობის გაღრმავებაში და შედეგის მიღწევაში დაგეხმარებათ.თევზებითქვენს ცხოვრებაში იმდენი სტრესული სიტუაციაა, ძალების აღდგენა გჭირდებათ. შეწყვიტეთ სახლში მუშაობა, გათიშეთ ტელეფონი და კოლეგების ზარებს ნუ უპასუხებთ. დაე სამყარომ მოიცადოს, სანამ ისვენებთ. ვარსკვლავები გპირდებიან, რომ ყველა დაწყებული საქმე სასურველი შედეგით დასრულდება, თუმცა პირად ურთიერთობებში მოსალოდნელია სირთულეები.

მსოფლიო • 1748169660

კუნთების გასაზრდელად ხორცის ჭამა არაა საჭირო - კვლევა

მეცნიერებმა ახალი კვლევის ფარგლებში შეისწავლეს, როგორ რეაგირებს კუნთის ცილის სინთეზი სპეციალურ 9-დღიან დიეტაზე, რომელიც წონებით ვარჯიშთანაა კომბინირებული. მათ სამი მთავარი კითხვა ჰქონდათ: რამდენად მოქმედებს კუნთის ზრდაზე ცილის წყაროს სხვაობა — ცხოველური ან მცენარეული? აქვს თუ არა მნიშვნელობა, როგორაა განაწილებული მთელ დღეზე ცილის მიღება? აქვს თუ არა შედეგზე გავლენა ცილის ყოველდღიურად მიღებას ზომიერი, მაგრამ საკმარისი (1.1-1.2 გრამი ყოველ კილოგრამზე) რაოდენობით?ამ კითხვებზე მკვლევართა პასუხი "არა" არის."დიდი ხანია, არსებობს მოსაზრება, რომელსაც დოგმაც შეიძლება ვუწოდოთ, რომ ცხოველური წარმოშობის ცილები კუნთის ზრდის მხრივ უპირატესია. ეს სათავეს იღებს ადრეულ კვლევაში, რომელმაც აჩვენა, რომ ცხოველური ცილის შემცველი საკვების ერთხელ მიღება კუნთის ცილის სინთეზს უფრო მეტად ასტიმულირებდა, ვიდრე ვეგანური საჭმელი.ამაზე დაფუძნებული ჩვენი ზოგადი ჰიპოთეზა სწორედ ის იყო, რომ ცხოველური საკვების მიღება კუნთის ზრდის მისაღწევად უფრო ეფექტიანი იქნებოდა. ამის მიუხედავად, მხოლოდ ერთი კერძის შემდეგ ჩატარებული დაკვირვებები, შესაძლოა, ხანგრძლივი ვეგანური დიეტის ეფექტს არა ასახავდეს", — აცხადებს ნიკოლას ბარდი, ჯანმრთელობისა და კინეზიოლოგიის პროფესორი ილინოისის უნივერსიტეტიდან.ერთ-ერთი ასეთი კვლევისას მეცნიერებმა კუნთის ზრდა ხორცისმჭამელ და ვეგან ადამიანებში შეისწავლეს, რომლებიც 10 კვირის განმავლობაში წონებით ვარჯიშობდნენ. სხვაობა არ დაფიქსირდა, თუმცა აღსანიშნავია, რომ მონაწილეები ყოველდღიურად სხეულის თითო კილოგრამზე 1.6-დან 1.8 გრამამდე ცილას იღებდნენ. ეს აღემატება იმ რაოდენობას, რომელიც კუნთის ცილის სინთეზისთვისა და ვარჯიშით მისი გაზრდის მაქსიმალური შედეგისთვისაა საჭირო. ასევე, ვეგან მონაწილეებს ცილის დანამატები ეძლეოდათ, რაც მათ რეალურ კვების რაციონს არ შეესაბამება.ახალი კვლევის ავტორებმა ხორცისმჭამლებისა და ვეგანების ჩვეულებრივი დიეტის გავლენა გააანალიზეს. ისინი 20-40 წლის ფიზიკურად აქტიურ 40 ჯანმრთელ მოხალისეს შესაბამის საკვებს თავად აწვდიდნენ. პირველი ჯგუფის ცილის წყაროს 70% ცხოველური იყო (ძროხის, ღორისა და ქათმის ხორცი, რძის ნაწარმი და კვერცხი). ვეგანებში ამინომჟავების ბალანსი კონტროლდებოდა, რათა დარწმუნებულიყვნენ, რომ ისინი სრულ ცილებს იღებდნენ.ორივე ჯგუფი შიგნითაც დაჰყვეს: განაცალკევეს ისინი, ვინც 3 კვების განმავლობაში ცილას თითქმის ერთნაირი ოდენობით იღებდა და ისინი, ვინც 5 კვების განმავლობაში ცილის მეტ ოდენობას უფრო დღის ბოლოსკენ იღებდა. თითოეული მათგანი ლაბორატორიაში სამ დღეში ერთხელ სპეციალურ ვარჯიშებს აკეთებდა. მათ ფიზიკურ აქტიურობას სათანადო მოწყობილობით სახლის პირობებშიც აკვირდებოდნენ.მონაწილეები ყოველდღიურად ბევრ წყალს სვამდნენ, რომელშიც წყალბადის იზოტოპი დეიტერიუმი იყო. ის ამინომჟავებში წყალბადის ატომებს ანაცვლებდა და კუნთის ქსოვილში შეღწევადობის გაანალიზებას ხდიდა შესაძლებელს, ანუ ინდიკატორის როლს ასრულებდა. ასევე, ცდის დასაწყისსა და დასასრულს მონაწილეების ფეხის კუნთის ნიმუშები აიღეს.დადგინდა, რომ ხორცისმჭამლებსა და ვეგანებს შორის კუნთის ცილის სინთეზის სხვაობა არ ფიქსირდებოდა. ასევე, კუნთის ზრდაზე დღის განმავლობაში ცილის განაწილებასაც არ ჰქონდა გავლენა. შედეგად დაასკვნეს, რომ ცილის წყარო, მისი მიღების დრო და ზომიერი რაოდენობა წონებით ვარჯიშისას სხვაობას არ იძლევა.

ტექნოლოგიები • 1747983973

"ადამიანები, რომლებსაც ძვალი არასდროს მოუტეხავთ..." - ექიმების დასკვნა

არსებობს მრავალი სამეცნიერო მიზეზი, რამაც შეიძლება ახსნას, თუ რატომ არ მოგიტეხიათ ძვალი არასდროს.გთავაზობთ სამედიცინო მიზეზების ჩამონათვალს, თუ რატომ გაგიმართლათ:გენეტიკა და ძვლებთან დაკავშირებული დაავადებებიროგორც უმეტეს შემთხვევაში, გენეტიკა შესაძლოა მნიშვნელოვან როლს თამაშობდეს იმაში, თუ რატომ არ მოგიტეხიათ კოჭი ან მაჯა.თქვენი გენეტიკა გავლენას ახდენს თქვენი ძვლების სიმტკიცეზე, ზოგიერთ ადამიანს უვითარდება გენეტიკური მუტაციები, რაც მათ საშუალებას აძლევს ჰქონდეთ მკვრივი ძვლები. ამასობაში, მათ, ვისაც ოჯახში ჰქონიათ ძვლების ჯანმრთელობის პრობლემები, როგორიცაა ოსტეოპოროზი, უფრო მაღალი რისკის ქვეშ არიან.კვლევები აჩვენებს, რომ ჰორმონებთან დაკავშირებული გარკვეული დარღვევები, როგორიცაა ფარისებრი ჯირკვლის ჰიპერაქტიური ფუნქცია ან ესტროგენისა და ტესტოსტერონის დონის შემცირება, იყოს სუსტი ძვლების მიზეზი.დიეტა და ცხოვრების წესიდიეტა და ცხოვრების წესი ასევე მნიშვნელოვან გავლენას ახდენს თქვენი ძვლების ჯანმრთელობაზე. დიდი ბრიტანეთის ჯანდაცვის ეროვნული სამსახურის რეკომენდაციის თანახმად, კალციუმისა და D ვიტამინის (რომელიც ორგანიზმს კალციუმის შეწოვაში ეხმარება) შემცველი საკვების მიღება უმნიშვნელოვანესია ძვლების მოვლისთვის.მოზრდილებს ურჩევენ დღეში დაახლოებით 700 მგ კალციუმის მიღებას, რომელიც შემდეგ პროდუქტებში გვხვდება:რძის პროდუქტები (რძე, ყველი, იოგურტი)ბოსტნეული, როგორიცაა ბროკოლი, კომბოსტოტოფუ, სოიოს მარცვლები და მცენარეული რძე დამატებული კალციუმითთხილირეგულარული ვარჯიში ასევე დაგეხმარებათ ძვლების სიმტკიცის გაზრდაში, თუმცა ეს არ გამორიცხავს იმ ფაქტს, რომ ვარჯიში ან რაიმე სპორტით დაკავება არ ზრდის ტრავმის მიღების რისკს, მათ შორის ძვლების მოტეხილობის.ასაკიძვლის სიმკვრივე კლებას ოცდაათი წლის ბოლოდან იწყებს, რაც იმას ნიშნავს, რომ ბავშვობიდან ძვლის მოტეხილობის გარეშე თავის დაღწევა არ ნიშნავს, რომ საფრთხე აღარ არსებობს.ცხოვრების წესის არჩევანი ასევე განსაზღვრავს ძვლის მოტეხილობის ალბათობას, რადგან სპორტსმენები და ექსტრემალური სპორტის მოყვარულები უფრო ხშირად აღმოჩნდებიან ამ მდგომაროებაში.მენოპაუზის გავლა ასევე ზრდის ძვლის მოტეხილობის რისკს, რადგან ესტროგენის დონე მცირდება.ზოგიერთი ადამიანი უბრალოდ ნამდვილად იღბლიანიაყურადღება უნდა მივაქციოთ ჩვენს ფისქიკურ ჯანმრთელობასაც. უამრავი კვლევა არსებობს, რომლებიც იკვლევს, თუ როგორ მოქმედებს ჩვენი ფსიქოლოგიური მდგომარეობა ჩვენს ფიზიკურ სხეულზე. თუმცა, ზოგჯერ ისეც ხდება, რომ ადამიანებს უმართლებთ და ისე ცხოვრობენ, რომ არაფერი არ აქვთ მოტეხილი.

რჩევები • 1747935507

საკვები, რომელიც ზაფხულის სიცხეში თქვენს ორგანიზმს წყალზე მეტად დაატენიანებს

ზაფხულში აუცილებელია განსაკუთრებული ყურადღება მიაქციოთ სასმელ წყალს დეჰიდრატაციის თავიდან ასაცილებლად, თუმცა, უბრალო წყალი შეიძლება არ იყოს საკმარისი, თქვენ უნდა დაამატოთ ელექტროლიტები თქვენს დიეტაში, განსაკუთრებით თუ დიდი ხნის განმავლობაში ხართ სიცხეში. ცნობილია, რომ ელექტროლიტები გვხვდება სპორტულ სასმელებში, დანამატებში და ზოგიერთ საკვებში, რაც ხელს უწყობს ჰიდრატაციის შენარჩუნებას და ოფლის გამო დაკარგული მინერალების შევსებას.რომელი საკვებია ყველაზე დამატენიანებელი?აღნიშნულია, რომ საკვების უმეტესობა შეიცავს გარკვეულ რაოდენობას წყალს, მაგრამ გასაკვირი არ არის, რომ ამ სიაში ხილი და ბოსტნეული ლიდერობს. ასე რომ, ხილისა და ბოსტნეულის დამატენიანებელი ეფექტის მისაღებად, ღირს დარწმუნდეთ, რომ დაიცავთ სტანდარტულ დიეტურ რეკომენდაციებს.„დიეტური გაიდლაინები გვირჩევს 2-3 პორცია ხილის და სამი-ოთხი პორცია ბოსტნეულის უმეტესობას ზრდასრულთათვის“.საკვები, რომელიც ნამდვილად დაგეხმარებათ ჰიდრატაციის დონის გაუმჯობესებაშისაზამთროსაზამთრო არ არის მხოლოდ ზაფხულთან ასოცირებული ხილი, ის ასევე კარგად ატენიანებს ორგანიზმს, რადგან 92% წყალია და შეიცავს ანტიოქსიდანტებსა და ვიტამინებს.კიტრიცნობილია, რომ კიტრი 95% წყალია და შეიცავს K ვიტამინებს, მაგნიუმს და კალიუმს."ეს გამაგრილებელი ბოსტნეული შეიძლება ადვილად დაამატოთ სალათებს, სენდვიჩებს, წყალს ან მიირთვათ დამოუკიდებლად. მისი მაღალი წყლის შემცველობა ასევე ხდის მას დაბალკალორიულ ბოსტნეულს და იდეალურ საკვებს თქვენს დიეტაში შესატანად“.მარწყვიმარწყვი პოპულარული საზაფხულო კენკრაა, რომელიც მდიდარია ანტიოქსიდანტებით, ვიტამინებითა და მინერალებით. ის ადვილად შეიძლება დაამატოთ სმუზის, იოგურტს, სალათებს ან მიირთვათ ცალკე. ასევე ცნობილია, რომ მარწყვი 91% წყალს შეიცავს, რაც კენკრას წყურვილის მოსაკლავად იდეალურს ხდის.სალათის ფოთოლი და სხვა ფოთლოვანი მწვანილისალათის ფურცელი 96% წყალია და შეიცავს ფოლატს, ბოჭკოვან და K და A ვიტამინებს. ისპანახი მდიდარია რკინით, ფოლიუმის მჟავით, კალციუმით და C და A ვიტამინებით.ციტრუსითუ მოგწონთ ფორთოხალი, გრეიფრუტი, ცაცხვი და სხვა სახის ციტრუსები, მაშინ მიირთვით მეტი, რადგან ეს ხილი დაახლოებით 80% წყალს შეიცავს, რაც მათ დატენიანებისთვის შესანიშნავ საშუალებად აქცევს.ჯანსაღი სასმელებიადრე ექსპერტებმა განმარტეს, თუ რატომ არის კარგი ჯანმრთელობისთვის პომიდვრის წვენი. ის ეხმარება გაციების და გრიპის მკურნალობას და ასევე აძლიერებს იმუნურ სისტემას. ანტიოქსიდანტებით, ვიტამინებითა და მინერალებით შეფუთული პომიდვრის წვენი მდიდარია ლიკოპენით და E ვიტამინით

ახალი მოწყობილობა შექმნეს, რომელიც პირისახალი მოწყობილობა შექმნეს, რომელიც პირის გაღებას აფერხებს აფერხებს

ტექნოლოგიები • 1747664520

ახალი მოწყობილობა შექმნეს, რომელიც პირის გაღებას აფერხებს - ნახეთ რისთვის გამოიყენება

წონაში კლების ახალი მოწყობილობა მაგნიტების საშუალებით ადამიანს ხელს უშლის, რომ პირი ორ მილიმეტრზე მეტად ვერ გააღოს: მეცნიერებმა ამ გზით მყარი საკვების მიღების შეზღუდვა განიზრახეს, რათა ჭარბწონიანობას ებრძოლონ.მოწყობილობა, რომელიც სამედიცინო სფეროს წარმომადგენლებმა შექმნეს ახალი ზელანდიის ოტაგოს უნივერსიტეტში ბრიტანელი კოლეგების ჩართულობით, შეიძლება, რომ სტომატოლოგებმა დაამაგრონ პირში.როგორც კი ეს სიახლე გავრცელდა, ინტერნეტში ბევრმა მას უკვე უწოდა შუასაუკუნეების მსგავსი წამების იარაღი.ოტაგოს უნივერსიტეტის განცხადებით, ეს არის წონაში კლების "მსოფლიოში პირველი" მოწყობილობა, რომელიც "ჭარბწონიანობის გლობალურ ეპიდემიასთან ბრძოლაში დაგვეხმარება: მოწყობილობა ადამიანს მხოლოდ თხევადი საკვების მიღების შესაძლებლობას აძლევს".წონაში კლების ამ საშუალებას DentalSlim Diet Control ეწოდება და ის პირს ზღუდავს, რომ ორ სანტიმეტრზე მეტად ვერ გაიღოს. თავდაპირველად ის ახალ ზელანდიაში შვიდ ჭარბწონიან ქალზე გამოსცადეს და მათ ორი კვირის განმავლობაში დაბალკალორიული დიეტა დაუნიშნეს.გამოცემა British Dental Journal-ში გამოქვეყნებულ სტატიაში აღნიშნული იყო, რომ ამ ქალების ჯგუფმა საშუალოდ 6,36 კილოგრამი დაიკლო.თუმცა კვლევის მონაწილეები აღნიშნავდნენ, რომ მოწყობილობის გამოყენება მოუხერხებელი და რთულია: მათ საუბარშიც ეშლებოდათ ხელი. ერთ-ერთმა ქალმა წესების დარღვევის გზაც იპოვა — შოკოლადი დაადნო და ისე შეჭამა.ეს მოწყობილობა ბევრმა გააკრიტიკა და წამების იარაღებს შეადარა, თუმცა იდეის ავტორები აცხადებენ, რომ ის "ქირურგიული ჩარევების უფრო ეკონომიური და მიმზიდველი ალტერნატივაა".წყარო: The Guardian

საზოგადოება • 1747429096

VIDEO: რა მოხდა სტადიონზე „ლეგენდების მატჩის“ შემდეგ

დღეს, დინამო არენაზე საფეხბურთო ზეიმი შედგა, რომელიც მრავალრიცხოვან გულშემატკივარს, საქართველოს ნაკრებისა და ბარსელონის ლეგენდებმა მოუწყვეს. სტადიონზე შეკრებილმა ქომაგმა არაერთი ვარსკვლავი იხილა, მათ შორის, მსოფლიოში ერთ-ერთი გამორჩეული ფეხბურთელი როლანდინიო. ბრაზილიელთან ერთად მინდორზე ვიხილეთ, იარი ლიტმანენი, ჯავიერ სავიოლა, ფილიპ კოკუ, გაისკა მენდიეტა და კატალონიელთა გრანდის ის ლეგენდარული ფეხბურთელები, რომლებიც წლების მანძილზე, მსოფლიოს მასშტაბით, საფეხბურთო ამინდს ქმნიდნენ.შეხვედრაც სანახაობრივი, საინტერესო და უხვგოლიანი გამოდგა. მატჩის პირველი ნახევარი ნავალოვსკისა და ხავიერ სავიოლას გატანილი გოლების შემდეგ ფრედ 1-1 დასრულდა.შეხვედრის მეორე ნახევარში უპირატესობა სტუმრებმა მოიპოვეს და ორბურთიანი სხვაობითაც დაწინაურდნენ. მასპინძელთა კარში ჯერ სორიანომ გაიტანა მერე კი დუბლი სავიოლამ შეასრულა და შეხვედრაც ბარსელონის გამარჯვებით 3-1 დასრულდა.ცალკე სასაუბრო თემაა "ბარსელონისა" და ბრაზილიის ნაკრების ლეგენდა, "ოქროს ბურთის" გამარჯვებული რონალდინიო, რომელმაც "დინამო არენაზე" შეკრებილ მაყურებლებს, არაერთი დასამახსოვრებელი მომენტი აჩუქა.ნახეთ კადრები რა მოხდა სტადიონზე „ლეგენდების მატჩის“ შემდეგ ⇓ @kapanadzemari1 🥹❤️ #viscabarca ♬ Viva La Vida - ᴄᴀᴀʟ

ასტროლოგია • 1747423149

17 მაისის ასტროლოგიური პროგნოზი

ვერძიმთელ დღეს ყურადღების ცენტრში ყოფნას ცდილობთ, მაგრამ არაფერი გამოგდით. ვარსკვლავები გირჩევენ, მითითებებს მიჰყვეთ და უადგილო კითხვები არ დასვათ. მომავალ კვირას სამაგიეროს გადახდას შეძლებთ, მანამდე კი ჩრდილში დარჩენა მოგიწევთ. ენდეთ საკუთარ ინტუიციას და სხვების კარნახით ნუ იმოქმედებთ.კუროგირჩევთ, ეს დღე საყვარელ ადამიანთან ურთიერთობას დაუთმოთ. თუ გრძნობთ, რომ ერთმანეთი ძველებურად აღარ გიზიდავთ, ჩამქრალი გრძნობის გაღვივება უნდა სცადოთ. სამსახურში პირიქით, ვნებებს და კონფლიქტებს უნდა ერიდოთ, რადგან შედეგებს თქვენ დაგაბრალებენ.ტყუპებიწარმატებული დღეა, უბრალოდ, ფინანსებთან მეტი სიფრთხილე უნდა გამოიჩინოთ. ვარსკვლავები გირჩევენ საყიდლებზე წასვლამდე ვალები და გადასახადები გადაიხადოთ, რათა ხელფასამდე ცარიელი ჯიბით არ დარჩეთ. პარტნიორულ ურთიერთობებში მოერიდეთ წვრილმანებში ჩაძიებას, ზედმეტ პირდაპირობას და ურთიერთობების გარჩევას.კირჩხიბიდროა, საკუთარ ჯანმრთელობაზე იზრუნოთ და აქ ფიზიკურზე მეტად ფსიქოლოგიური ჯანმრთელობა იგულისხმება. ახლა თქვენ ყველაზე მეტად სრულფასოვანი დასვენება გჭირდებათ. რა თქმა უნდა, ყველაფერს შვებულებაში გასვლა ჯობს, მაგრამ თუ ეს შეუძლებელია, ეცადეთ დასვენებისთვის ერთი დღე მაინც გამონახოთ.ლომილომისთვის პოზიტიური დღეა, თუნდაც მის გარშემო ქაოსი და კონფლიქტი იყოს. ამ დღეს განწყობას ვერავინ და ვერაფერი გაგიფუჭებთ. სამსახურში უამრავი საქმის გაკეთებას შეძლებთ, საღამოს კი საყვარელი ადამიანების გარემოცვაში შესანიშნავ დროს გაატარებთ. გამორიცხული არ არის, რომ მნიშვნელოვანი ინფორმაცია მიიღოთ, რომელიც ჩანაფიქრის განხორციელებაში დაგეხმარებათ.ქალწულივარსკვლავები გირჩევენ, რომ ყველაა საქმეში და ცხოვრების ყველა სფეროში პრინციპულად იმოქმედოთ. დროა, პირად ურთიერთობებში ინიციატივა საკუთარ ხელში აიღოთ, სამსახურში კი ხმამაღლა განაცხადოთ, რომ ხელფასის გაზრდას და სამუშაო პირობების გაუმჯობესებას იმსახურებთ. თამამად დაიცავით საკუთარი უფლებები. ბედი თქვენს მხარესაა!სასწორიუკვე ზაფხულის გეგმებს აწყობთ. შესაძლოა, ეს გეგმები თქვენს საახლობლო წრეში ყველას არ მოსწონს, მაგრამ ამას ყურადღება არ უნდა მიაქციოთ. მოიქეცით ისე, როგორც ამას გული და გონება გიკარნახებთ. აუცილებელი არ არის სხვისი აზრი გაითვალისწინოთ, თუნდაც ის ახლო ნათესავი იყოს. მოერიდეთ ცხელ გულზე გადაწყვეტილების მიღებას, იყავით მეტად დიპლომატიური და ღიმილიანი.მორიელიამ დღეს ყველაზე მეტად ნაჩქარევად და დაუფიქრებლად მიღებულ გადაწყვეტილებებს უნდა მოერიდოთ. ეცადეთ ემოციები აკონტროლოთ. განსაკუთრებით სახიფათოა უფროსის წინაშე ხასიათის დემონსტრირება, რადგან შესაძლოა არა მხოლოდ ბონუსის, არამედ სამსახურის გარეშეც დარჩეთ.მშვილდოსანირატომღაც ფიქრობთ, რომ თქვენს ცხოვრებაში უიღბლობის პერიოდი დადგა. ეცადეთ, ასეთი აზრები კოსმოსში არ გააგზავნოთ და საქმე არ გაირთულოთ. თქვენს ცხოვრებაში ყველაფერი ისეთი ტრაგიკულად არ არის, როგორც ფიქრობთ. ეძებეთ სიხარული წვრილმანებში, ურთიერთობაში, ბუნებაში. თუ მუდმივად იწუწუნებთ, უიღბლობის პერიოდი ნამდვილად დადგება.თხის რქაამ კვირამ ძალიან დაგღალათ, ამიტომ გირჩევთ, პარასკევი დასვენებას დაუთმოთ. აკეთე ის, რაც ნამდვილ სიხარულს განიჭებთ. ახალი კვირისთვის სათანადო დასვენება და ძალების მოკრება გჭირდებათ. გსურთ ყველას ასიამოვნოთ და საჩუქრებით აავსოთ, რის გამოც გაუთვალისწინებელი ხარჯი მოიმატებს.მერწყულინუ გადადებთ იმას, რასაც დიდი ხანია გეგმავთ. ეს პარასკევი ძალიან იღბლიანი იქნება, ამიტომ ეცადეთ, მისგან ყველაფერი მაქსიმალურად მიიღოთ. იდეალური დღეა ურთიერთობების გაუმჯობესებისთვის, რომლებიც ახლა მხოლოდ ნაღველს იწვევს. იზრუნეთ ჯანმრთელობაზე, დროა, გამაჯანსაღებელი დიეტა და ფიზიკური აქტივობა დაიწყოთ.თევზებიამ ნიშნის წარმომადგენლებს რომანტიკული პარასკევი ელით. ოჯახსა და სამსახურში გულწრფელი ურთიერთობები გაგახარებთ. შესაძლოა, შეხვდეთ ადამიანს, რომელიც თქვენი შთაგონების წყარო გახდება.

საზოგადოება • 1746814856

„ეს დაავადება თანდათან და ჩუმად ანადგურებს სიცოცხლეს…“ - რის შესახებ საუბრობენ ექსპერტები

შაქრიანი დიაბეტი არის დაავადება, რომელიც თანდათან და ჩუმად ანადგურებს მილიონობით ადამიანის სიცოცხლეს და ტოვებს ჯანმრთელობის სერიოზულ შედეგებს.ეს გაფრთხილება ჯანდაცვის სამინისტრომ დიაბეტის მსოფლიო დღეს გაავრცელა.ჯანდაცვის სამინისტრომ აღნიშნა, რომ ეს დაავადება აზიანებს გულს, სისხლძარღვებს, თვალებს, თირკმელებსა და ნერვებს.„შაქრიანი დიაბეტით დაავადებულებს აქვთ 2-3-ჯერ მეტი რისკი გულის შეტევისა და ინსულტის განვითარებისთვის", - აღნიშნავენ ექსპერტები.გარდა ამისა, სისხლის ნაკადის შემცირებისა და ნერვული დაბოლოებების დაზიანების გამო, იზრდება ფეხის წყლულების განვითარების რისკი, რამაც შეიძლება გამოიწვიოს ამპუტაცია. ხოლო დიაბეტური რეტინოპათია – ბადურის დაზიანება – იწვევს სიბრმავეთა 1%-ს. შაქრიანი დიაბეტი ასევე არის თირკმლის უკმარისობის წამყვანი მიზეზი.მიუხედავად იმისა, რომ არ არსებობს ტიპი 1 დიაბეტის თავიდან აცილების გზა, ტიპი 2 დიაბეტის განვითარების რისკი შეიძლება შემცირდეს ჯანსაღი ჩვევების მიღებით.ჯანდაცვის განამრტა გაიხსენა ეფექტური წესები, რომელთა დაცვა ჯანმრთელობის შენარჩუნებას შეუწყობს ხელს.მათ შორის: რეგულარული ვარჯიში, რომელიც ხელს უწყობს წონის კონტროლს, სისხლში შაქრის შემცირებას და ინსულინის მგრძნობელობის გაუმჯობესებას;დაბალანსებული დიეტა - აირჩიეთ მეტი ბოჭკოვანი, მთელი მარცვლეული, ბოსტნეული, ხილი და თხილი;წონის კონტროლი - ჭარბი წონა და სიმსუქნე მნიშვნელოვნად ზრდის დიაბეტის რისკს;მოწევაზე თავის დანებება და ალკოჰოლის შეზღუდვა - ეს ნაბიჯები ხელს შეუწყობს ჯანმრთელობის შენარჩუნებას გრძელვადიან პერსპექტივაში;დროული კომუნიკაცია ექიმთან.

საზოგადოება • 1746636164

მეცნიერებმა მხედველობის დასაცავად უნიკალური საკვები აღმოაჩინეს

მკვლევრებმა აღმოაჩინეს ჯანსაღი საჭმელი, რომელსაც შეუძლია თქვენი მხედველობის დაცვა. Best Life-ის ცნობით, ახალი კვლევის თანახმად, ყოველდღიურად დაახლოებით 50-60 ფისტის მიღება მნიშვნელოვნად ზრდის თვალში ლურჯი სინათლისგან გამოწვეული დაზიანებისგან დამცავი პიგმენტების დონეს, განსაკუთრებით ასაკის მატებასთან ერთად.ჟურნალ „Nutrition“-ში გამოქვეყნებულმა კვლევამ გამოიკვლია, თუ როგორ მოქმედებდა მხედველობაზე ლუტეინი, ფისტაში ნაპოვნი ანტიოქსიდანტური თვისებების მქონე ნაერთი.კვლევაში მონაწილეობდა 40-დან 70 წლამდე ასაკის 36 ადამიანი, რომელთა რაციონში ლუტეინის დაბალი დონე იყო. ისინი ორ ჯგუფად დაიყვნენ: ერთი დღეში მინიმუმ 50 გრამ უმარილო ფისტაშკას მიირთმევდა, მეორე კი ჩვეულებისამებრ კვებას აგრძელებდა. 12 კვირის განმავლობაში მკვლევრებმა მონაწილეთა თვალის ჯანმრთელობა შეაფასეს, რათა გაეზომათ მაკულური პიგმენტის ოპტიკური სიმკვრივე (MPOD) ბადურაში.ეს პიგმენტები დამცავ ფუნქციას ასრულებენ და ბუნებრივი სათვალეებივით მოქმედებენ, რომლებიც მავნე ლურჯ სინათლეს ბლოკავენ. დროთა განმავლობაში, ამ პიგმენტების დაკარგვამ შეიძლება გამოიწვიოს ასაკობრივი მაკულური დეგენერაცია, რაც ხანდაზმულებში სიბრმავის ერთ-ერთი წამყვანი მიზეზია. მხედველობის გარდა, მეცნიერები მონაწილეთა სისხლში ლუტეინის დონესაც აკვირდებოდნენ.რა აჩვენა შედეგებმაკვლევის შუა პერიოდისთვის, ფისტას მიმღებთა ჯგუფში MPOD დონის მნიშვნელოვანი ზრდა და სისხლში ლუტეინის დონის მატება აღინიშნა. ეს მაჩვენებლები შენარჩუნდა მე-12 კვირამდე, რაც სტაბილურ დადებით ეფექტზე მიუთითებს.საკონტროლო ჯგუფის მონაწილეებს, რომლებმაც დიეტა არ შეცვალეს და ფისტა არ მიიღეს, გაუმჯობესება არ აღენიშნებოდათ. „ჩვენი დასკვნები მიუთითებს, რომ ფისტაშკებს შესაძლოა მნიშვნელოვანი სარგებელი მოჰყვეს თვალის ჯანმრთელობისთვის“, - განაცხადა ნეიროფსიქოლოგისა და კვლევის წამყვანმა ავტორმა, ტემი სკოტმა.რატომ არის ფისტაშკები ლუტეინის კარგი წყაროპარადოქსულია, მაგრამ ფისტაშკები ლუტეინის შემცველობით საკვებ პროდუქტებს შორის ლიდერები არ არიან. თუმცა, მათ აქვთ უპირატესობა, რომ შეიცავენ ბუნებრივ ცხიმებს, რომლებიც ხელს უწყობენ ამ ანტიოქსიდანტის შეწოვას.„ლუტეინი ასევე გვხვდება ავოკადოსა და მუქ ფოთლოვან ბოსტნეულში. თუმცა, ეფექტურად შესაწოვად, საჭიროა ცხიმები, როგორიცაა თხილი, ზეთები ან ცხიმიანი თევზი, როგორიცაა ორაგული“, - განმარტავს ნუტრიციოლოგი და კარდიოლოგი.ფისტაშკები შეიცავს აუცილებელი ცხიმებისა და ლუტეინის კომბინაციას, რაც მათ მარტივ და ჯანსაღ საჭმელად აქცევს.ყოველდღიურ რაციონში მხოლოდ ერთი მუჭა ფისტას მიღება დაგეხმარებათ ლუტეინის მიღების გაზრდაში, რაც აუცილებელია თვალების დასაცავად.ლუტეინის დამატებითი ჯანმრთელობის სარგებელიმხედველობისთვის სასარგებლო თვისებების გარდა, ლუტეინს შეიძლება დადებითი გავლენა ჰქონდეს ტვინზე. კვლევაში ჩართული დოქტორ ელიზაბეტ ჯონსონის თქმით, „ლუტეინი აღწევს ჰემატოენცეფალურ ბარიერში, რაც ხელს უწყობს ჟანგვითი სტრესისა და ანთების შემცირებას“.გარდა ამისა, ლუტეინი ხელს უწყობს კანის, გულის და სხეულის საერთო ჯანმრთელობის შენარჩუნებას. ეს არის ცხიმში ხსნადი ანტიოქსიდანტი ძლიერი ანთების საწინააღმდეგო თვისებებით.

საზოგადოება • 1746279993

ექიმებმა „ჩუმი“ კიბოს მოულოდნელი სიმპტომი დაასახელეს

მუცლის მუდმივი შებერილობა, შესაძლოა, საკვერცხის კიბოს გამაფრთხილებელი სიმპტომი იყოს. ამის შესახებ ბრიტანული გაზეთი Daily Express კვლევით ცენტრზე Moffitt Cancer დაყრდობით წერს."მუცლის შებერილობის დროს, პაციენტის მუცელი შებერილი, მრგვალი და, შესაძლოა, მაგარიც კი იყოს. ხშირად ამას არასწორი დიეტას, საჭმლის მონელების პრობლემებს, ან სტრესს უკავშირებენ. თუმცა შესაძლოა, ეს სერიოზულ დაავადების მანიშნებელი იყოს", - განმარტეს ექსპერტებმა.ამასთან, მედიკოსების თქმით, დროდადრო მუცლის შებერილობა ბევრს აწუხებს და ექიმთან მისვლა მხოლოდ იმ შემთხვევაშია აუცილებელი, როდესაც სიმპტომი 3 კვირის განმავლობაში არ გადის.ექიმებმა აღნიშნეს, რომ საკვერცხის კიბოს ხშირად "ჩუმ დაავადებას" უწოდებენ, რადგან პაციენტებმა ხშირად არც კი იციან გამაფრთხილებელი ნიშნების საშიშროების შესახებ, რომელსაც ისინი გვიან ეტაპამდე ვერც კი ამჩნევენ. ამ ტიპის კიბოს სხვა სიმპტომებს შორის არის წონის აუხსნელი დაკლება, უკიდურესი დაღლილობა და შარდვის პრობლემები.

ასტროლოგია • 1746041220

პირველი მაისის ასტროლოგიური პროგნოზი

ვერძიეს დღე ხელსაყრელია მივლინებებისა და მოლაპარაკებებისთვის. თუმცა, შინაური ცხოველების ვეტერინართან მიყვანა გადადეთ. ახალი საქმე, რომლის დაწყებასაც გეგმავთ, შესაძლოა ადვილი იყოს, მაგრამ ძალიან მოგებიანი.კუროდღეს პლანეტების არახელსაყრელი განლაგება ხელს გიშლით ნებისმიერ საქმეში. პირდაპირობა და გულწრფელობა ურთიერთობებში გაუგებრობას გააქრობს. მოერიდეთ აჩქარებას და გამოიჩინეთ მეტი თავშეკავება. ტყუპებითქვენი აქტიურობა სასურველ შედეგს ვერ მოგიტანთ, ამიტომ უმჯობესია მოდუნდეთ და დაისვენოთ. რომანტიკული განწყობა მოსაწყენი საქმის კეთებაში ხელს გიშლით. კირჩხიბიმეგობრებისა და თანამოაზრეების წრეში ცვლილებები გელით. მზად იყავით პარტნიორთან უთანხმოებისთვის, რომლის მიზეზიც შეიძლება ფინანსები გახდეს. დღის მეორე ნახევარში საინტერესო ადამიანებთან შეხვედრა გელით. ლომიდღეს შესაძლოა, მოულოდნელად მიიღოთ ახალი ინფორმაცია, რაც თქვენს გეგმებზე გავლენას მოახდენს. იყავით მზად ცვლილებებისთვის და იმოქმედეთ გონივრულად.ქალწულიგააუმჯობესეთ დამოკიდებულება უცხოელ პარტნიორებთან. შეიძლება საქმიანობის გაგრძელება საზღვარგარეთ მოინდომოთ. მშვიდად და გააზრებულად იმოქმედეთ. სასწორიგაერკვევით თქვენთვის მნიშვნელოვან საქმეებში. მოერიდეთ ფულის ფლანგვას და ფინანსები სარფიან ბიზნესში დააბანდეთ. დაგაინტერესებთ ეზოთერიკული ლიტერატურა ან დეტექტივები. მორიელიგააუმჯობესეთ დამოკიდებულება საქმიან და სასიყვარულო პარტნიორებთან. აკონტროლეთ ემოციები და მოაწესრიგეთ საბუთები. იყავით დაკვირვებული ფინანსებთან.მშვილდოსანიურთიერთობაში მეტად გამოავლინეთ დიპლომატიურობა. გაუფრთხილდით ჯანმრთელობას და დაიწყეთ ვარჯიში ან დიეტა. უქმეებზე გათავისუფლდით უსარგებლო ნივთებისგან. თხის რქაკარგად შესრულებული საქმისთვის მიიღებთ შექებას. იყავით მომართული რომანტიკული სფეროს გაუმჯობესებაზე; საყვარელ ადამიანთან ერთად დაესწარით კულტურულ ღონისძიებებს. უქმეები შვილებთან ერთად გაატარეთ. მერწყულიდაუთმეთ დრო საცხოვრებელი პირობების გაუმჯობესებას. მოიცილეთ ყველა უსარგებლო ნივთი და მეტი დრო გაატარეთ მშობლებთან ერთად. შეადგინეთ საოჯახო ბიუჯეტი. თევზებისაინტერესო მოვლენების კვირა დაგიდგათ. დაასრულეთ დაწყებული პროექტები, რათა მომავალი კვირიდან ახლები და პერსპექტიულები დაიწყოთ. გაფრთხილდით, რომ არ გახდეთ ილუზიების, ტყუილების მსხვერპლი. გაითვალისწინეთ, რომ ასტროლოგიური პროგნოზები ზოგადია და შესაძლოა არ ასახავდეს თქვენს პირად სიტუაციას.წარმატებულ და მშვიდ დღეს გისურვებთ!

ტექნოლოგიები • 1745503140

რატომ ამოგვდის სიბრძნის კბილები - მეცნიერები დასკვნამდე მივიდნენ

სიბრძნის კბილებს "მესამე ძირითად კბილებს" უწოდებენ. ისინი პირის ღრუს უკანა მხარეს, საკმაოდ არაკომფორტულ ადგილას მდებარეობს და ადრეულ ზრდასრულობაში ამოდის. დღევანდელ სამყაროში რეალურად მათ ფუნქცია დაკარგეს. ადრე ისინი უფრო მყარი საჭმლის დასაღეჭად იყო განკუთვნილი."ჩვენი კბილები კვების იმ რაციონს იყო მიჩვეული, რომლითაც დღევანდელ საზოგადოებაში აღარ ვიკვებებით, შესაბამისად, სიბრძნის კბილებიც საჭირო აღარაა", - განმარტავდა ოჰაიოს სახელმწიფო უნივერსიტეტის ანთროპოლოგიის პროფესორი დები სტეინბერგი 2017 წელს.პრეისტორიული სადილი უმი ხორცის, ბოსტნეულისა და უხეში თხილეულისგან შედგებოდა. ადამიანები ხშირად ძვალსაც კი ღეჭავდნენ, რათა მის შიგნით არსებული შიგთავსი მიეღოთ. გარდა ამისა, არაა გამორიცხული, რომ მაშინდელ ადამიანებს ხის "მირთმევაზეც" არ ეთქვათ უარი. ასეთ პირობებში ზრდასრულ ასაკში ახალი საღეჭი კბილების ამოსვლა საკმაოდ გამოსადეგი იქნებოდა. დღეს ეს კბილები პრობლემად იქცა."რბილი დიეტა ყბის განვითარებას ხელს არ უწყობს", - ამბობდა სტეინბერგი - "და ამ დროს კბილები, განსაკუთრებით სიბრძნის კბილები, ხშირად ნაწილობრივ ამოსული ან სრულიად ჩაჭედილია ღრძილში".უნდა ამოვიღოთ თუ არა სიბრძნის კბილები?უძველეს ნამარხებს რომ დავაკვირდეთ, კბილების შექუჩებულობა იშვიათად გვხვდება, იმ შემთხვევაშიც, თუ ადამიანს სიბრძნის კბილებიც ჰქონდა. ეს იმას ნიშნავს, რომ იმ დროს ეს ოთხი დამატებითი კბილი სახის ძვლების გამაგრებასა და დაცვას ეხმარებოდა.დღეს ჩვენი ყბა ბევრად პატარაა, ვიდრე ჩვენი წინაპრების, ამიტომ ყველა 32 კბილი მასში ფიზიკურად ვერ ეტევა. ზოგიერთს სიბრძნის კბილები გართულებების გარეშე ამოსდის, მაგრამ დაახლოებით 80%-ს ერთი კბილი მაინც ისე ეზრდება, რომ ნახევარი ღრძილში რჩება. ეს ძირითადად ყბაში ადგილის სიმცირის გამო ხდება."გარდა დისკომფორტისა, ეს პროცესი შესაძლოა, ჯანმრთელობისთვის საშიშიც იყოს. სიბრძნის კბილის ნაწილობრივი ამოსვლა ბაქტერიებს საშუალებას აძლევს, კბილს შორის მოხვდეს და ინფექცია გამოიწვიოს. ამ ყველაფერს შემდეგ ტკივილი, შეშუპება, ყბის დაჭიმულობა და საერთო სისუსტე ახასიათებს. გარდა ამისა, ასეთი კბილები კარიესისა და ღრძილების დაავადებებისკენ უფრო მეტად არის მიდრეკილი, რადგან მათი წმენდა რთულია", - აღნიშნავს WebMD-ის ჟურნალისტი.2016 წლის ანალიზის მიხედვით, დიდ ბრიტანეთში სიბრძნის კბილებს ადამიანების დაახლოებით 80 პროცენტი იღებს, ხოლო აშშ-ში ეს რიცხვი კიდევ უფრო მაღალია. ეს პროცედურა ხშირად ტკივილისა და სხვა გართულებების პრევენციულ ზომად მიიჩნევა. მიუხედავად ამისა, ზოგიერთი ექსპერტი ფიქრობს, რომ მოცილების საჭიროებას ხშირად გადაჭარბებულად ვაფასებთ."რეტენირებული სიბრძნის კბილებიდან მხოლოდ 12 პროცენტს აქვს თანდაყოლილი პათოლოგია", - ნათქვამია 2007 წლის ერთ-ერთ კვლევაში - "ეს დაახლოებით იგივე მაჩვენებელია, რაც აპენდიციტისა (10%) და ნაღვლის ბუშტის ანთების (12%) შემთხვევაში. ამ დროს მათი პრევენციული მოცილება არ ითვლება სტანდარტულ სამედიცინო პრაქტიკად. მაშინ სიბრძნის კბილების პრევენციული მოცილება რატომ უნდა იყოს სტანდარტი?"გარდა ამისა, სიბრძნის კბილების ამოღება რისკებს უკავშირდება. შეიძლება, ინფექცია ან ე.წ. ბუდის პოსტექსტრაქციული ალვეოლითი განვითარდეს. ეს გართულებაა, როდესაც კბილის ამოღების შემდეგ სისხლი საკმარისად არ დედდება. ამ დროს ძვალი და ნერვები შიშვლდება. ეს ძლიერ ტკივილს იწვევს, შეხორცებას აყოვნებს და პირში უსიამოვნო სუნს ქმნის. იშვიათ შემთხვევებში შეიძლება, ნერვული დაზიანებაც განვითარდეს."სიბრძნის კბილები, რომლებიც ყბის ძვალშია ჩარჩენილი, ხშირად ნერვებთან ახლოს მდებარეობს", - განმარტავენ WebMD-ზე - "ამოღებისას შესაძლოა, ეს ნერვები დაზიანდეს. არსებობს რისკი, რომ ენის, ტუჩის ან ნიკაპის დამბლა განვითარდეს. ის შეიძლება, რამდენიმე დღე, კვირა, თვე ან მთელი ცხოვრება გაგრძელდეს”. სიბრძნის კბილების ახალი დანიშნულებაშეიძლება, სიბრძნის კბილებმა თავდაპირველი ფუნქცია დაკარგა, მაგრამ ეს არ ნიშნავს, რომ ისინი სრულიად უსარგებლოა. ისინი სიცოცხლისთვის მნიშვნელოვანი ღეროვანი უჯრედების წყაროა."აღმოჩნდა, რომ კბილის პულპა ხრტილოვან, ძვლის, ცხიმოვან და ღეროვან უჯრედებს შეიცავს", - აღნიშნავენ მკვლევრები 2013 წლის ერთ-ერთ ნაშრომში - "თითოეულ ამ უჯრედს ისეთი დაავადებების, როგორიცაა ალცჰაიმერი, პარკინსონი და ამიოტროფული ლატერალური სკლეროზი, მკურნალობაში წვლილის შეტანის პოტენციალი აქვს".ეს პატარა უსიამოვნო კბილები შეიძლება, მართლაც ფასეული აღმოჩნდეს. მიუხედავად ამისა, ბევრ ჩვენგანს ისინი არც კი გვჭირდება. ჩვეულებრივ მათი მოცილების პროცედურა ადრეულ ასაკში ტარდება, რაც იდეალური დროა ღეროვანი უჯრედების შესანახად."თუ პროცედურა სტერილურ გარემოში მიმდინარეობს, შესაძლებელია, ამ კბილებიდან აღებული უჯრედები გაყინონ, შეინახონ და საჭიროების შემთხვევაში გამოიყენონ", - ამბობენ მკვლევრები ნაშრომში - "დღეს უკვე ამოღებული კბილების შენახვა გავრცელებული პრაქტიკაა. მიუხედავად იმისა, რომ ეს სიბრძნის კბილების თავდაპირველი დანიშნულება არაა, საკმაოდ კარგი მიზეზია იმისა, რომ ისინი ღირებულად ჩაითვალოს".წყარო