ნაძალადევის რაიონში შიდაკვარტალური გზების რეაბილიტაცია მიმდინარეობს

გურამიშვილის პირველი ჩიხის N70-თან, დაახლოებით, 3 500 კვ.მ ფართობზე გზის კაპიტალური რეაბილიტაცია ხორციელდება, - განაცხადა თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე.

მისი თქმით, ყველა რაიონული გამგეობა მსგავსი ტიპის სამუშაოებს ეტაპობრივად ახორციელებს.

„ამ ეტაპზე, გურამიშვილის პირველი ჩიხის N70-თან ასფალტის საფარის დასაგებად საფუძვლის მოსამზადებელი სამუშაოები მიმდინარეობს. პროექტის ფარგლებში მოწესრიგდება მიმდებარე ტერიტორია და მოეწყობა ბორდიური“, - განაცხადა კახა კალაძემ.