რა გარღვევა მოხდა უძილობის მკურნალობაში და რამდენად ეფექტური იქნება მომავლის თერაპია

 მერილენდის უნივერსიტეტის სამედიცინო სკოლის მეცნიერებმა აჩვენეს, რომ რეალურ დროში სმარტფონზე დაფუძნებული სიმპტომების შეფასება უფრო ზუსტად აფასებს საძილე აბების ეფექტს, ვიდრე ტრადიციული კითხვარები. კვლევა გამოქვეყნდა გამოცემა JAMA Network Open-ში.

ზოგადად, ცნობილია, რომ დაახლოებით ცხრა ზრდასრული ადამიანიდან ერთს ქრონიკული უძილობა და მისი დღის განმავლობაში გამოწვეული შედეგები - ძილიანობა, დაღლილობა, კონცენტრაციის დაქვეითება და გაღიზიანებადობა აწუხებს. მკურნალობის გარეშე, ეს აშლილობა ზრდის შაქრიანი დიაბეტის და გულ-სისხლძარღვთა დაავადებების განვითარების რისკს. თერაპიის ერთ-ერთი მთავარი გამოწვევაა იმის გაგება, თუ რამდენად ეხმარება კონკრეტული მკურნალობა პაციენტებს ყოველდღიურ ცხოვრებაში.

რანდომიზებულ კლინიკურ კვლევაში მონაწილეობდა 60-დან 85 წლამდე ასაკის 40 ადამიანი, რომლებსაც ქრონიკული უძილობააწუხებდათ. 16 ღამის განმავლობაში ისინი იღებდნენ ან საძილე აბ სუვორექსანტს, ან პლაცებოს. ყველა მონაწილე სმარტფონის აპლიკაციის გამოყენებით დღეში ოთხჯერ აღნიშნავდა თავის მდგომარეობას: კეთილდღეობას, მათ შორის დაღლილობას, გონებრივ სიცხადეს და განწყობას. 

გარდა ამისა, მათ შეავსეს სტანდარტული კითხვარები ძილის ხანგრძლივობის, ხარისხისა და დღის სიმპტომების შესახებ მკურნალობამდე და მის შემდეგ. განაგრძეთ კითხვა...