კორონავირუსის ვაქცინაციის წახალისების პროგრამა აპრილის თვეშიც გრძელდება

კორონავირუსის ვაქცინაციის წახალისების პროგრამა აპრილის თვეშიც გრძელდება. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, მთავრობის ადმინისტრაციაში გამართულ ბრიფინგზე განაცხადა.

მისი თქმით, 200-ლარიან ერთჯერად დანამატს ავტომატურად 50 წლის და მეტი ასაკის ყველა ის მოქალაქე მიიღებს, ვინც კორონავირუსის საწინააღმდეგო ვაქცინას გაიკეთებს.

ასევე, ასაკობრივი ჯგუფის პირები 100 ლარიან დანამატს „ბუსტერ დოზის“ გაკეთების შემთხვევაში მიიღებენ.