„დღეს ზუსტად ასე უკუღმა გვესმის ქრისტიანობა! უკუღმა მაინც არ დაეჭირათ ხატი...“ - მამა პეტრე

„ალტ-ინფოს“ აქციაზე გადაღებული ფოტო, სადაც ქალს ხატი არასწორი ფორმით უჭირავს, სოციალურ ქსელში ვირუსულად გავრცელდა. ფოტოს სასულიერო პირი, მამა პეტრე კოლხიც გამოეხმაურა.

„დღეს ზუსტად ასე უკუღმა გვესმის ქრისტიანობა!.. უფალო, გვიშველე, უვიცობა და სიბნელე გვაპატიე, შენი გზით გვატარე და არა გამოგონილი, ყალბი და მოჩვენებითი ქრისტიანობით… უკუღმა მაინც არ დაეჭირათ ხატი… აღარც ვიცი რა ვთქვა!.. „ღირსებით, ევროპისკენ“!.. - წერს მოძღვარი.

ცნობისთვის, „ალტ-ინფოს“ წარმომადგენლებმა პარლამენტთან აღმართული ევროკავშირის დროშა ჩამოხსნეს და დაწვეს.