„ჩემი ანი, ჩემი მეგობრის შვილია...“ - კესარია აბრამიძე დიდ დიღომში დაღუპულ 12 წლის გოგოზე

ფოტომოდელი კესარია აბრამიძე სოციალურ ქსელში 12 წლის გოგონას შესახებ პოსტს ავრცელებს და წერს, რომ დაღუპული ბავშვი მისი მეგობრის შვილია. 

„ჩემი ანი, ჩემი მეგობრის შვილია...“, - წერს აბრამიძე. 

გოგონას ოჯახი, პოლიცია და ადგილობრივები მოზარდს საღამოს 23:00 საათიდან ეძებდნენ.

რამდენიმესაათიანი ძებნის შემდეგ, მოზარდი მეთორმეტე კორპუსის მიმდებარე ტერიტორიაზე, ავტოფარეხის უკან, უგონო მდგომარეობაში იპოვეს.

შინაგან საქმეთა სამინისტრომ 12 წლის გოგოს გარდაცვალების ფაქტზე გამოძიება სს კოდექსის 109-ე მუხლით დაიწყო, რაც განზრახ მკვლელობას გულისხმობს დამამძიმებელ გარემოებაში.