სააკაშვილის თანხმობით, მას ტოქსიკოლოგიური კვლევისთვის კონკრეტული ნიმუშები აუღეს

კლინიკა „ვივამედში“ ტოქსიკოლოგიური კვლევისთვის კონკრეტული ნიმუშების ასაღებად, მიხეილ სააკაშვილთან სპეციალური საგამოძიებო სამსახურის წარმომადგენლები შევიდნენ.

მიხეილ სააკაშვილი კვლევის ჩატარებას დათანხმდა. უცნობია, როდის იქნება დასკვნა.

სპეციალური საგამოძიებო სამსახურის გამომძიებლის, ვასილ კაკაშვილის განმარტებით, აღებულ მასალაზე შემდგომ საგამოძიებო და საპროცესო მოქმედებებს განახორციელებენ.

„რაც გვჭირდებოდა ნიმუშები, ავიღეთ. თანხმობა გამოთქვა ბატონმა მიხეილ სააკაშვილმა და შემდგომ საგამოძიებო და საპროცესო მოქმედებებს ამ საკითხზე ჩავატარებთ. რაც ჩვენ გვჭირდებოდა ნიმუშის ასაღებად, საწოლში, შესაბამის მდგომარეობაში უნდა ყოფილიყო“, - განაცხადა კაკაშვილმა.