უწყვეტი მშვიდობის შენარჩუნება, სწორი ფისკალური და მონეტარული პოლიტიკა, დივერსიფიცირებული ეკონომიკური ბაზრები - ამ ტურბულენტურ, რთულ გარემოში სწორედ ეს იწვევს საქართველოს ეკონომიკურ წარმატებას - დავით მათიკაშვილი

საერთაშორისო სავალუტო ფონდის მონაცემები, სახელისუფლებო გუნდის განცხადებით, კიდევ ერთხელ ადასტურებს, რომ რთულ გეოპოლიტიკურ მოცემულობაში, საქართველო სწორ პოლიტიკას ატარებს, როგორც მშვიდობის შენარჩუნების, ასევე ფისკალური და მონეტარული პოლიტიკის კუთხით, რაც, თავის მხრივ, ეკონომიკურ მაჩვენებლებზეც აისახება და ამას საერთაშორისო ინსტიტუტების მონაცემებიც მოწმობს.

"გეოპოლიტიკური გაურკვევლობის ფონზე, მშვიდობის პოლიტიკის, უწყვეტი მშვიდობის შენარჩუნება, სწორი ფისკალური და მონეტარული პოლიტიკა, დივერსიფიცირებული ეკონომიკური ბაზრები, საზოგადოების და სახელმწიფოს ინტერესისთვის გათვალისწინებული კონკრეტული ეკონომიკურ - პოლიტიკური ნაბიჯების გადადგმა, ეს არის ის მცირე ჩამონათვალი ქმედებებისა, რომელიც იწვევს სწორედ ამ ტურბულენტურ, რთულ გარემოში საქართველოს ეკონომიკურ წარმატებას, რომელსაც, რა თქმა უნდა, აღიარებენ საერთაშორისო საფინანსო ინსტიტუცია და კონკრეტულად სავალუტო ფონდის ბოლო შეფასებაც სწორედ ამას მიანიშნებს", - განაცხადა პარლამენტის საპროცედურო საკითხთა კომიტეტის თავმჯდომარე დავით მათიკაშვილმა.