მამუკა მდინარაძე დევი ჭანკოტაძეს: თქვენ რაც ბრძანეთ - ახლა იქ ვინმე რომ მოკვდესო, ეს ძალიან ცუდი მინიშნება იყო, რას ნიშნავს მოკვდეს? „ნაცები“ კი არ ვართ „რობოკოპი“ ვინმეს მოსაკლავად გვყავდეს

თქვენ რაც ბრძანეთ, რომ ახლა იქ ვინმე რომ მოკვდესო, ეს ძალიან ცუდი მინიშნება იყო, - ასე უპასუხა „ქართული ოცნების“ აღმასრულებელმა მდივანმა, მამუკა მდინარაძემ პლენარულ სხდომაზე დეპუტატ დევი ჭანკოტაძის კომენტარს.

„რას ნიშნავს მოკვდეს? როგორ შეიძლება ვინმე მოკვდეს? ნაცები კი არ ვართ რობოკოპი ვინმეს მოსაკლავად გვყავდეს. ნაცის გარდა ამ კითხვას ვინ მოიფიქრებს - აბა რატომ ჰყავთ რობოკოპებიო“, - განაცხადა მდინარაძემ.

პლენარულ სხდომაზე „ნაცმოძრაობის“ წევრმა დევი ჭანკოტაძემ განაცხადა: „ჩემი, როგორც გენერლის რჩევაა, გაიტანეთ ეს კანონი. ეს გამოიწვევს ძალიან ცუდ მოვლენებს. ერთი ადამიანიც, რომ დაიღუპოს, ეს ყველაფერი ძალიან ცუდად დამთავრდება“.