ირაკლი ღარიბაშვილი ევროპული პოლიტიკური თანამეგობრობის სამიტის პირველი სესიის - „მშვიდობა და უსაფრთხოება“ თანათავმჯდომარედ აირჩიეს

ევროპული პოლიტიკური თანამეგობრობის სამიტის პირველი სესიის - „მშვიდობა და უსაფრთხოება“ თანათავმჯდომარე საქართველოს პრემიერ-მინისტრი ირაკლი ღარიბაშვილი იქნება.

დღეს, ჩეხეთის დედაქალაქ პრაღაში იმართება ევროკავშირის მიერ ინიციირებული ახალი პლატფორმის პრაქტიკული რეალიზაცია, რომელსაც ეწოდება - „ევროპული პოლიტიკური გაერთიანება“. მასში 44 ქვეყნის ლიდერები მონაწილეობენ.

ევროკავშირის მიერ ინიციირებულ ევროპული პოლიტიკური თანამეგობრობის პირველ სამიტი 6-7 ოქტომბერს ჩატარდება და მასში სხვადასხვა ქვეყნის ლიდერებთან ერთად, მრგვალი მაგიდის ფორმატში მაღალი დონის თემატური დისკუსიები გაიმართება.