ზელენსკი: პატიმრები, რომლებსაც სამხედრო გამოცდილება აქვთ, გათავისუფლდებიან

ნამდვილი საბრძოლო გამოცდილების მქონე უკრაინელები პატიმრობიდან გათავისუფლდებიან და ომის ყველაზე ცხელ წერტილებში დანაშაულის გამოსყიდვას შეძლებენ. ამის შესახებ პრეზიდენტმა ზელენსკიმ მორიგი ვიდეომიმართვის დროს განაცხადა.

მან ხაზგასმით აღნიშნა, რომ ყველამ, ვისაც შეუძლია ჩაერთოს დამპყრობლების წინააღმდეგ ბრძოლაში, ეს უნდა გააკეთოს.

„ამიტომ მიიღეს გადაწყვეტილება, რომელიც არ იყო ადვილი მორალური თვალსაზრისით, მაგრამ სასარგებლო ჩვენი თავდაცვის თვალსაზრისით. საომარი მდგომარეობის პირობებში, მებრძოლები, ნამდვილი საბრძოლო გამოცდილების მქონე უკრაინელები გათავისუფლდებიან პატიმრობიდან. შეძლებენ თავიანთი დანაშაულის კომპენსაციას ომის ყველაზე ცხელ მომენტებში,“, - განაცხადა ზელენსკიმ.