სუმის ოლქის სოფელში ქიმიური იარაღის ნარჩენებია ნაპოვნი - ტროსტიანეცის მერი

"სუმის ოლქის სოფელ ბელკას რუსი ოკუპანტებისგან გათავისუფლების შემდეგ, ქიმიური იარაღის, ზარინისა და სხვა ნივთიერებების ნარჩენებია ნაპოვნი", - ამის შესახებ ტროსტიანეცის მერმა, იური ბოვამ უკრაინის რადიოს ეთერში განაცხადა. 

„სოფელ ბელკაში აღმოვაჩინეთ ქიმიური იარაღის ნარჩენები, ეს არის ზარინი და სხვა ნივთიერებები, რომელიც ნაპოვნია ამპულების სახით. ამ თემით უკრაინის უშიშროების სამსახურია დაკავებული. შესაძლოა, ოკუპანტებს ამ ქიმიური ნივთიერების გამოყენება კიევში, პოლტავაში ან სხვა ქალაქებში სურდათ“, - განაცხადა ბოვამ.