VIDEO: მემფისის ქალაქის საბჭოს წევრობის კანდიდატი ინტერვიუს დროს სროლის შუაგულში აღმოჩნდა

Fox News-ის პირდაპირ ეთერში სროლის ხმა გაისმა, როცა მემფისის ქალაქის საბჭოს წევრობის კანდიდატი იოლანდა კუპერი სატელევიზიო ინტერვიუს აძლევდა.

რესპოდენტი გახშირებულ კრიმინალურ შემთხვევებზე საუბრობდა, ამ დროს მასთან ახლოს მანქანა გაჩერდა და კანდიდატი სროლის ეპიცენტრში აღმოჩნდა.

„ტელევიზიიდან დამირეკეს და მთხოვეს ინტერვიუ ქალაქში გახშირებული სროლების და მომატებული კრიმინალის თაობაზე, რაზეც დავთანხმდი. ვერც კი წარმოვიდგენდი, რომ პირდაპირი ეთერის დროს სროლის ფაქტს შევესწრებოდით. სამწუხაროა რომ მემფისში გახშირდა მსგავსი კრიმინალური შემთხვევები. მოიმატა იარაღით ძალადობისა და გატაცების ფაქტებმა“- აღნიშნა იოლანდა კუპერმა.