სალომე ზურაბიშვილმა „უცხოური გავლენის გამჭვირვალობის შესახებ“ კანონს ვეტო დაადო
1716041280
მრავალსაუკუნოვანი ტრადიციის ფარგლებში, ბუკინგემის სასახლესა და კლარენს ჰაუსში ბინადარ სამეფო ფუტკრებს დედოფალ ელისაბედ მეორეს გარდაცვალების შესახებ შეატყობინეს. ამის შესახებ The Daily Mail-ი წერს.
გამოცემის ინფორმაციით, 79 წლის სამეფო მეფუტკრემ, ჯონ ჩეპელმა ყველა სკას სამგლოვიარო შავი ლენტი შეაბა, ყველა მათგანზე დააკაკუნა და ტრადიციული ფრაზა თქვა: „თქვენი პატრონი გარდაიცვალა, მაგრამ არ გაფრინდეთ. ახალი პატრონი კარგად მოგექცევათ“.
ბრიტანეთში ითვლება, რომ თუ ფუტკრებს მფლობელის შეცვლის შესახებ არ შეატყობინებენ, ისინი თაფლის წარმოებას შეწყვეტენ, გაფრინდებიან ან დაიხოცებიან.
ელისაბედ მეორე 8 სექტემბერს, 96 წლისა გარდაიცვალა. დედოფლის გარდაცვალების გამო ბრიტანეთში 10-დღიანი გლოვა გამოაცხადეს. დიდი ბრიტანეთის მეფე (და ფუტკრების ახალი მეპატრონე) ელისაბედის ვაჟი, ჩარლზ მესამე გახდა.
დედოფალს 19 სექტემბერს, ლონდონში დაკრძალავენ.