პორტუგალიაში საგანგებო მდგომარეობის რეჟიმი ამოქმედდა

პორტუგალიაში, ტყის ხანძრების საფრთხის გამო, საგანგებო მდგომარეობის რეჟიმი ამოქმედდა. ინფორმაციას bbc ავრცელებს.

ხელისუფლების განკარგულებით, აიკრძალა ტყეში შესვლა. საგანგებო რეჟიმი სამშაბათამდე გაგრძელდება.

პორტუგალიაში ხანძრებმა წელს უკვე 92 000 ჰექტარის ტერიტორია გაანადგურეს.  

პორტუგალიის მეზობელ ესპანეთში ხანძრებს უკვე მეხუთე დღეა, ვერ აქრობენ. ვალენსიაში ცეცხლს 35 თვითმფრინავი ებრძვის.