Netflix-ი „კალმარის თამაშის“ მიხედვით რეალითი შოუს იწყებს - საპრიზო ფონდი 4,56 მილიონი დოლარი იქნება

Netflix-ი მთელი მსოფლიოდან არჩევს მსურველებს სატელევიზიო რეალითი შოუსთვის, რომელიც პოპულარულ სერიალ „კალმარის თამაშზე“ იქნება დაფუძნებული. ამის შესახებ BBC წერს.

ახალი შოუს სახელწოდება იქნება „კალმარის თამაში: გამოწვევა“. მასში მონაწილეობას 456 ადამიანი მიიღებს, სასწორზე კი, რა თქმა უნდა, ადამიანის სიცოცხლე ან სიკვდილი არ იქნება, როგორც ეს სამხერთკორეულ დრამაშია.

გამარჯვებული 4,56 მილიონ დოლარს მიიღებს - ეს სატელევიზიო შოუების ისტორიაში ყველაზე მსხვილი საპრიზო ფონდია.

Netflix-ში აცხადებენ, რომ შოუ 10 ეპიზოდისგან იქნება. მონაწილეების ასაკი 21 წლიდან იწყება. ამასთან, ყველა მათგანი ინგლისურად უნდა საუბრობდეს. გადაღებები 2023 წლის დასაწყისში გაიმართება და დაახლოებით 4 კვირას გაგრძელება.