მშობლების მკვლელობისა და მათი დანაწევრების ბრალდებით პენსილვანიაში 43 წლის ქალი დააკავეს

ასაკოვანი მშობლების მკვლელობისა და მათი დანაწევრების ბრალდებით პენსილვანიელი ქალი დააკავეს. ამის შესახებ ამერიკული მედია იტყობინება.

როგორც გამოცემა წერს, 43 წლის ვერიტი ბეკმა დანაწევრებამდე ორივე მშობელს ცეცხლსასროლი იარაღიდან ესროლა. ქალს პირველი ხარისხის მკვლელობასა და იარაღის უკანონო ფლობის მუხლით ბრალდება წარუდგინეს.

ადგილობრივი სამართალდამცველების ცნობით, მოკლულია 73 წლის კაცი და 72 წლის ქალი. სასამართლომ დაადგინა, რომ ორივე მსხვერპლი თავის არეში ცეცხლსასროლი იარაღით მიყენებული ჭრილობებით გარდაიცვალა.