„ისინი სამუდამოდ რუსეთის მოქალაქეები გახდებიან“ - პუტინი უკრაინის მიტაცებული ტერიტორიის მცხოვრებლებზე

რუსეთის პრეზიდენტმა ვლადიმერ პუტინმა განაცხადა, რომ „გათავისუფლებული“ ტერიტორიების მცხოვრებლები რუსეთის მოქალაქეები გახდებიან.

დონეცკისა და ლუგანსკის სახალხო რესპუბლიკების, ზაპოროჟიესა და ხერსონის ოლქების რეგიონების ხალხი სამუდამოდ ჩვენი მოქალაქეები გახდებიან. დონეცკისა და ლუგანსკის სახალხო რესპუბლიკების, ზაპოროჟიესა და ხერსონის ოლქების რეგიონებს საერთო ბედი აქვთ რუსეთთან“, - აღნიშნა მან.

ცნობისთვის, ამ წუთებში კრემლში იმართება ხელმოწერის ცერემონია რუსეთში დონეცკის და ლუგანსკის „სახალხო რესპუბლიკების“, ასევე ხერსონისა და ზაპოროჟიეს რეგიონების შესვლის შესახებ.