რამდენ საათს ისწავლიან მოსწავლეები სკოლაში? - განათლების მინისტრის ახალი ბრძანება

განათლებისა და მეცნიერების მინისტრმა, მიხეილ ჩხენკელმა საათობრივი ბადეები დაამტკიცა როგორც ქართულენოვანი საჯარო სკოლების, ისე არაქართულენოვანი საჯარო სკოლებისთვის. მინისტრის ბრძანება საკანონმდებლო მაცნეში 2022 წლის 19 აგვისტოს გამოქვეყნდა.

საათობრივი ბადეები დამტკიცდა დაწყებითი, საშუალო და საბაზო საფეხურისთვის. ბრძანებაში ნათქვამია, რომ საშუალო საფეხურის საათობრივი ბადე X კლასისთვის ამოქმედდება 2022-2023 სასწავლო წლიდან, XI კლასისთვის – 2023-2024 სასწავლო წლიდან, XII კლასისთვის კი – 2024-2025 სასწავლო წლიდან.

დოკუმენტებში დეტალურად არის გაწერილი ქართულენოვანი და არაქართულენოვანი საჯარო სკოლებისთვის/სექტორებისთვის, კლასების მიხედვით, რომელ საგანს რამდენი საათი დაეთმობა და რამდენი იქნება შემაჯამებელი დავალებების სავალდებულო მინიმალური რაოდენობა.

განათლების მინისტრმა ასევე დაამტკიცა საგნობრივ ჯგუფში გაერთიანებული სავალდებულო საგნების შეცვლილი ჩამონათვალი და კლასების დაყოფის კრიტერიუმები.

წყარო: edu.aris.ge