1764964768

Pantone-მა 2026 წლის ფერი დაასახელა

ამერიკულმა კომპანია Pantone-მა 2026 წლის მთავარი ფერი დაასახელა. დაარსებიდან, 1999 წლიდან, ეს არის პირველი შემთხვევა, როცა Pantone-მა წლის მთავარ ფერად თეთრი ტონალობა შეარჩია.„PANTONE  Cloud Dancer“ - ეს არის ნეიტრალური თეთრი ფერი, რომელსაც მოაქვს სიმშვიდე და სისუფთავე ხმაურიან სამყაროში“, - ვკითხულობთ ოფიციალურ განცხადებაში.უკვე 20 წელზე მეტია, რაც Pantone წლის ფერს ასახელებს. ფერის შესარჩევად ტენდენციების პროგნოზიორები მთელ მსოფლიოში მოგზაურობენ, იკვლევენ მოდისა და დიზაინის სფეროს. წელიწადში ორჯერ კი, სხვადასხვა ქვეყნის წარმომადგენლების საიდუმლო შეხვედრა იმართება, სადაც, ორდღიანი დებატების შემდეგ, მომდევნო წლის ფერს ავლენენ.1963 წელს Pantone-მა ფერების საკუთარი სისტემა შექმნა, რომელიც სხვადასხვა ინდუსტრიაში გამოიყენება, მათ შორის, ბეჭდვაში, გრაფიკულ დიზაინსა და მოდაში.ასევე ნახეთ: 🔴🔴 დასახელდა 2025 წლის ფერი🔴 2024 წლის ფერი დასახელდა🔴 დასახელდა 2023 წლის ფერი           View this post on Instagram                       A post shared by PANTONE (@pantone)

1763233497

„შეგიძლიათ მომილოცოთ, ფინალში ვარ საქართველო“ – ავთო აბესლამიძე ყახაზური მუსიკალური კონკურსის ფინალში გავიდა

როგორც საზოგადოებისთვის ცნობილია, ავთანდილ აბესლამიძე საქართველოს სახელით ყაზახურ მუსიკალურ კონკურსში მონაწილეობს.პროექტში მონაწილეობას 12 ქვეყანა იღებს.კონკურსი 10 ტურისგან შედგება, კონკურსანტის ტურიდან ტურში გადასვლის გადაწყვეტილებას კი ჟიური იღებს. ბათუმელი შემსრულებელი უმაღლესი შეფასებებით უკვე ფინალშია, ის გამარჯვებისთვის ბრძოლას განაგრძობს!„შეგიძლიათ მომილოცოთ, ფინალში ვარ საქართველო“ - წერს ავთო სოციალურ ქსელში.

1761466064

„მუსიკალური ბათუმი ათენში“ - ქართული კლასიკური მუსიკის გალა საღამო „მარია კალასის“ თეატრში

საბერძნეთში, „მარია კალასის“ სახელობის ისტორიულ თეატრში გაიმართა ქართული გალა კონცერტი - ,,მუსიკალური ბათუმი ათენში“. აჭარის სახელმწიფო მუსიკალური ცენტრის სიმფონიურმა ორკესტრმა, მაესტრო დავით მუქერიას დირიჟორობით და სოლისტებმა ააჟღერეს ცნობილი ქართველი კომპოზიტორების შედევრები. ღონისძიებას 48 ქვეყნის ელჩი და ქართული დიასპორის წარმომადგენლები ესწრებოდნენ. საღამო ანშლაგით დასრულდა.გალა კონცერტი მიეძღვნა გამოჩენილი ქართველი ბერძენის, დიდი მაესტროს, ოდისეი დიმიტრიადის ხსოვნას. პროექტი განხორციელდა აჭარის კულტურის სამინისტროს ორგანიზებით, საბერძნეთში საქართველოს საელჩოსა და ათენის კულტურის, სპორტისა და ახალგაზრდობის ორგანიზაციის ,,ოპანდა” მხარდაჭერით.ღონისძიებას ესწრებოდნენ აჭარის კულტურის მინისტრი, ელისო ბოლქვაძე, საქართველოს საგანგებო და სრულუფლებიანი ელჩი საბერძნეთში, ლევან ბერიძე, აჭარის კულტურის მინისტრის მოადგილე, ირმა აბულაძე, ათენის მერიის გენერალური მდივანი, ვასილის ბოკოსი და მოწვეული სტუმრები.

1761157610

„ქართული სიმღერის დროს ისე ვნერვიულობ, როგორც არასდროს...“ - ავთანდილ აბესლამიძე საერთაშორისო მუსიკალური კონკურსის მე-5 ტურშია

როგორც საზოგადოებისთვის ცნობილია, ავთანდილ აბესლამიძე საქართველოს სახელით ყაზახურ მუსიკალურ კონკურსში მონაწილეობს.პროექტში მონაწილეობას 12 ქვეყანა იღებს.კონკურსი 10 ტურისგან შედგება, კონკურსანტის ტურიდან ტურში გადასვლის გადაწყვეტილებას კი ჟიური იღებს. ბათუმელი შემსრულებელი უმაღლესი შეფასებებით ამ ეტაპზე მე-5 ტურშია და ფინალში მოსახვედრად ბრძოლას განაგრძობს. „ყვავილების ქვეყანა“ - ეს არის სიმღერა, რომლითაც ჩემი ქვეყანა მე-5 ტურში წარვადგინე. ქართული სიმღერის დროს ისე ვნერვიულობ, როგორც არასდროს...“, - წერს ავთო აბესლამიძე სოციალურ ქსელში.

1757777400

„სიმღერის გარეშე სიცოცხლე არ შემიძლია... სიმღერა ჩემთვის ყველაფერია, არასდროს ვაპირებ გაჩერებას...“ - გაიცანით 17 წლის ნიკა კუბლაშვილი

ბოლო რამდენიმე დღეა, რაც სოციალურ ქსელში ახალგაზრდა მომღერლის სიმღერის ვიდეოებმა სრული ფურორი მოახდინა. „პრაიმ ტაიმი“ 17 წლის ნიკა კუბლაშვილის გაგაცნობთ, ბიჭს რომელსაც უნიკალური ხმა აქვს და რომლისთვისაც სიმღერა ყველაფერია.  ⏹ გაგვეცანით, ვინ არის ნიკა კუბლაშვილი?მოგესალმებით, მე ვარ ნიკა კუბლაშვილი, ვარ მე-12 კლასის მოსწავლე, აბიტურიენტი. უზმოდ შეყვარებული ვარ სიმღერაზე, სამშობლოზე, ქართულ ტრადიციებსა და ადათ-წესებზე.⏹ ნიკა, რა ასაკიდან მღერით?- როგორც მშობლები ამბობენ, ბავშვობიდან ვღიღინებდი, იქამდე სანამ ლაპარაკს დავიწყებდი, 4 წლისამ კი პირველად ვიმღერე. წლების მატებასთან ერთად, ჩემში იზრდებოდა სიმღერის მიმართ სიყვარული და ყალიბდებოდა გემოვნება. დღეს კი სასიმღერო ჟანრიდან ჩემთვის პრიორიტეტულია ფოლკლორის მიმართულება.⏹ რა როლი აქვს თქვენს ცხოვრებაში სიმღერას?- სიმღერის გარეშე სიცოცხლე ჩემთვის უბრალოდ ბუტაფორიაა, სიმღერა ჩემი სუნთქვა, ჰაერი და ჟანგბადია, სიმღერა ჩემთვის ყველაფერია.⏹ ბოლო დღეებია სოციალურ ქსელში თქვენი სიმღერის ვიდეოები ნამდვილად ნახვების რეკორდს ხსნის, რა შეიცვალა ამ პერიოდში თქვენთვის?- ვერ დაგიმალავთ, ეს ყველაფერი ძალიან მახარებს, ჩემთვის პოპულარობა უდიდესი პასუხისმგებლობაა, ვალდებული ვარ თითოეული ჩემი გულშემატკივარი იმაზე უფრო მეტად გავახარო, ვიდრე დღეს არიან ჩემით და ჩემი ნამღერით გახარებულნი.არასოდეს ვაპირებ გაჩერებას, ვიშრომებ და ვიმღერებ ყოველთვის.⏹ სამომავლო გეგმებზე, რომ გვესაუბრო - რას გეგმები გაქვს ახლო მომავალში?- სამომავლო გეგმებს რაც შეეხება, ჩემს თაყვანისმცემლებს და მსმენელს, მართლაც დიდ სიურპრიზებსა და სიახლეებს ვპირდები, თქვენი ნებართვით არ დავკონკრეტდები, მაგრამ გპირდებით, აუცილებლად გაგახარებთ, ჩემი სიმღერებითა და უამრავი სიახლეებით!ახალგაზრდა ნიჭიერ მომღერალზე, სიუჟეტი „დილა მშვიდობისა საქართველოს“ ჟურნალისტმა მარიამ იმედაშვილმა  მომაზადა. სიუჟეტმა მაყურებლების დიდი გამოხმაურება მოიპოვა.   ნიკა კუბლაშვილის ნამღერი კი „პრაიმ ტაიმმა“ პირველად გასულ კვირას გამოაქვეყნა, რომელსაც სოციალურ ქსელში დიდი გამოხმაურება მოჰყვა.👤 ავტორი: ირაკლი გოგოლაძე 

1756387740

„წარვადგენ ჩემს ქვეყანას...“ - მომღერალი ავთო აბესლამიძე ინფორმაციას ავრცელებს

ავთო აბესლამიძე სოციალურ ქსელში ინფორმაციას ავრცელებს -  როგორ ირკვევა, მომღერალი საერთაშორისო მუსიკალურ პროექტ „SilkWayStar 2025-ში“ იღებს მონაწილეობას და ჩვენს ქვეყანას წარადგენს.„პრაიმტაიმი“ მომღერალს დაუკავშირდა, რომელმაც პროექტის შესახებ ექსკლუზიური დეტალები გაგვიმხილა.„პროექტი ყაზახეთში იმართება და მასში მონაწილეობას 12 ქვეყანა იღებს, მათ შორის საქართველო. სულ 10 ტურია და როგორც უკვე იცით, წარვადგენ საქართველოს და არა ჩემს სახელს. პროექტი პირდაპირ ეთერში 20 სექტემბრიდან გავა, მანამდე კი, პირველი ტური უკვე ჩაიწერა და ვემზადებით მეორე ტურისთვის. თითო ტურიდან თითო მონაწილე ვარდება. კონკურსანტის ტურიდან ტურში გადასვლის გადაწყვეტილებას ჟიური იღებს, როგორც უკვე იცით, კონკურსში მონაწილეობას 12 ქვეყანა იღებს, ჟიურიც სწორედ ამ 12 ქვეყნიდან არის. ჟიურიში ჩვენი ქვეყნიდან დათო კენჭიაშვილია, თუმცა ის საქართველოს ვერ შეაფასებს და შეაფასებს სხვა 11 ქვეყანას“ , - ამბობს ავთო ჩვენთან საუბრისას.  

1755981562

საჩხერეში, ავტოსაგზაო შემთხვევას 18 წლის გოგო ემსხვერპლა

საჩხერეში ავტოსაგზაო შემთხვევა მსხვერპლით დასრულდა - გარდაცვლილია 18 წლის  მარი შუბითიძე. გავრცელებული ინფორმაციით მანქანას არაფხიზელ მდგომარეობაში მყოფი პირი მართავდამძღოლი დაკავებულია.მომხდარზე გამოძიება 276-ე მუხლით დაიწყო.

1755976908

24 აგვისტოს ასტროლოგიური პროგნოზი

ვერძითვალი გაუსწორეთ პრობლემებს და თქვენს წინაშე არსებულ რეალობას, ნუ მოირგებთ სირაქლემას პოზიციას. ჩამოაყალიბეთ პრიორიტეტები და ისე იმოქმედეთ.კუროგააქტიურდება სოციალური საკითხები. შეჩერდით და კიდევ ერთხელ დაფიქრდით, თუ რამდენად სარგებლიანი და სიკეთის მომტანია თქვენი იდეები. მოერიდეთ კონფლიქტურ ადამიანებს.ტყუპებიმეტი დრო დაუთმეთ საკუთარ თავს და ნუ დაიდანაშაულებთ თავს იმის გამო, რომ ყველაფერი თქვენი გეგმის მიხედვით არ მიდის. განაგრძეთ თქვენი გზა, ნუ შეგაშინებთ ის, თუ ვინ რას იტყვის, კრიზისი მალე გაივლის.კირჩხიბიშეამცირეთ აქტიურობის ტემპი, ახლა თქვენი შრომა არ იქნება ადრინდელივით პროდუქტიული, გამოიყენეთ ეს დრო ოჯახური პრობლემების დასალაგებლად. პირველ რიგში, კი გათავისუფლდით ყოველგვარი ძველისგან, რაც საჭირო არაა.ლომისჯობს, გადადოთ რთული საქმეები და დაისვენოთ. თქვენი ფსიქოემოციური არასტაბილურობა ცუდად აისახება როგორც ურთიერთობაზე, ასევე, საქმიან სფეროზე.ქალწულინუ იქნებით რადიკალური და ნუ გადავარდებით უკიდურესობაში, მოვლენების დრამატიზება არ იქნება მოგებიანი. თუ ჭკვიანურად მოიქცევით, ბევრად სასიკეთოდ წარმართავთ ყველა სიტუაციას.სასწორითქვენ მარტივად შეძლებთ, თავი აარიდოთ ინტრიგებს. სათქმელი აუცილებლად თქვით, ამ ეტაპზე, ეს მნიშვნელოვანია. კარგად დაფიქრდით, რას გასცემთ და რას იღებთ სანაცვლოდ.მორიელიშესაძლოა, საკუთარ შიშებთან გამკლავება დაგჭირდეთ, თქვენი უნდობლობა, საკუთარი თავის მიმართ, საფრთხეს შეუქმნის თქვენს პროგრესს. იყავით მეტად გაბედული და თავდაჯერებული.მშვილდოსანიწარმატების ძიებისას, სიჩქარეში, შესაძლოა, ვერ შენიშნოთ მნიშვნელოვანი დეტალები, რაც თქვენთვის მნიშვნელოვანი სიტუაციის გართულებას გამოიწვევს. პირად ურთიერთობებში, ნუ იქნებით ზედმეტად ჯიუტი, თქვენი ენერგია მიმართეთ ურთიერთობების დალაგებისკენ.თხის რქამოუსმინეთ შინაგან ხმას, მეტი დრო დაუთმეთ საქმიანი გეგმების განხილვას, აქცენტები გააკეთეთ სამომავლო მიზნების პრაქტიკულ მხარეზე.მერწყულიშესაძლოა, დილემის წინაშე აღმოჩნდეთ, მაგრამ თუ გონივრულად იმოქმედებთ, შეძლებთ კომპრომისის საფუძველზე, თქვენს ოპონენტთან საერთო ენის გამონახვას და შეთანხმების მიღწევას.თევზებისაქმიან სფეროში, მოსალოდნელია შეფერხებები, რამაც შესაძლოა, გამოიწვიოს თქვენი გაღიზიანება. შეინარჩუნეთ სიმშვიდე, ნუ აჰყვებით კონფლიქტებს და ნუ მოახდენთ სხვებზე ზეწოლას.

1755965886

ავარია თბილისის ზღვაზე - არის მსხვერპლი

ავტოსაგზაო შემთხვევა თბილისის ზღვაზე ტრაგედიით დასრულდა - ერთმანეთს სატვირთო მანქანა და მსუბუქი ავტომობილი შეეჯახა. გარდაიცვალა 1 და დაშავდა 1 ადამიანი.როგორც "პრაიმ ტაიმს"-ს შინაგან საქმეთა სამინისტროში განუცხადეს, გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

1753558110

27 ივლისის ასტროლოგიური პროგნოზი

ვერძიდღე წარმატებულად ჩაივლის როგორც პირად ურთიერთობებში, ისე პროფესიულ სფეროში. უფროსებისგან მხარდაჭერა მოსალოდნელია. ყურადღება მიაქციეთ დეტალებს.კუროსაქმიან ასპარეზზე აქტიურობა და შრომისმოყვარეობა დღეს შედეგს გამოიღებს. ეცადეთ, არ იჩქაროთ მნიშვნელოვან გადაწყვეტილებებში. ურთიერთობები სტაბილურად განვითარდება.ტყუპებიდღე ხელსაყრელია ახალი იდეებისა და შემოქმედებითი პროექტებისთვის. კომუნიკაცია წარმატებას მოგიტანთ, თუმცა ყურადღება უნდა მიაქციოთ ფინანსურ საკითხებს.კირჩხიბიემოციური გაძლიერება იგრძნობა. თქვენი ინტუიცია სანდო მეგზურია — განსაკუთრებით პირად ურთიერთობებში. დღის მეორე ნახევარში შესაძლოა მნიშვნელოვანი სიახლე შეიტყოთ.ლომისასიკეთო დროა თვითგამოხატვისა და შემოქმედებითი საქმიანობისთვის. ყურადღება მიაქციეთ სხეულის სიგნალებს — დასვენებაც მნიშვნელოვანია. შესაძლოა მცირე ფინანსური სარგებელიც მიიღოთ.ქალწულისოციალური აქტივობა დღის მთავარი თემაა. ახალი ნაცნობობა მომავალში წარმატებას მოგიტანთ. თავი შეიკავეთ ზედმეტი კრიტიკისგან ახლობლების მიმართ.სასწორიდღე ჰარმონიულად განვითარდება. წარმატებულია როგორც პირადი, ისე საქმიანი შეხვედრები. მოსალოდნელია დადებითი ცვლილებები ურთიერთობებში. საყვარელ ადამიანთან საუბარი სულიერ ბალანსს შეგინარჩუნებთ.მორიელიმნიშვნელოვანი გადაწყვეტილებების მიღებისთვის ხელსაყრელი დღეა. ყურადღება დაუთმეთ თანამშრომლებთან ურთიერთობას — კარგი კომუნიკაცია წარმატების საწინდარია.მშვილდოსანიენერგიით სავსე დღეა. კარგი დროა სწავლისთვის, თვითგანვითარებისა და ახალი გზების დაგეგმვისთვის. სასიყვარულო ურთიერთობებში სითბო და გულახდილობა სიმტკიცეს შეგმატებთ.თხის რქადღე მშვიდი და სტაბილურია. მნიშვნელოვანია ფოკუსირება გამოცდილებაზე და მიმდინარე პროცესების გაანალიზება. ოჯახურ გარემოში სიღრმისეული საუბრები სასარგებლო იქნება.მერწყულიპიროვნული ცვლილებების დროა. შინაგანი სიმშვიდის პოვნა მოგცემთ შესაძლებლობას, ახალი ნაბიჯები გადადგათ. კარგი პერიოდია სულიერი განვითარებისათვის.თევზებიდადებითი ემოციებით სავსე დღეა. ურთიერთობებში სიმშვიდე და ნდობა დაგეხმარებათ სტაბილურობის შენარჩუნებაში. საღამო მშვიდ გარემოში გაატარეთ.

1751125847

„ციცინათელას“ პარკი განახლების შემდეგ გაიხსნა

შეკვეთილში მდებარე ატრაქციონების პარკი „ციცინათელა“ 2025 წლის სეზონისთვის განსაკუთრებულად მოემზადა. „Starring Georgia-ს“ მიერ ჩატარებული სამუშაოების ფარგლებში, განახლდა არა მხოლოდ ტექნიკური ნაწილი, არამედ შეიცვალა „ციცინათელას“ კონცეფციაც. ამიერიდან საქართველოს ყველაზე ჯადოსნურ გასართობ პარკში მისული ბავშვები ნამდვილ ზღაპარში იმოგზაურებენ და თავგადასავლებით სავსე დაუვიწყარ გამოცდილებას მიიღებენ.რაც შეეხება ტექნიკურ ნაწილს, პარკში სრულად განახლდა და შეიღება გარე და შიდა ფასადები; განახლდა შემოსასვლელები და სალაროები; შეიცვალა ატრაქციონების დეტალები, სრული რესტავრაცია ჩაუტარდა რამდენიმე ატრაქციონს, შეიღება ატრაქციონების ჯებირები; განახლდა და ტენტით დაიხურა მოსაცდელი ზონები; განახლდა ატრაქციონების ოპერატორების ჯიხურები; სრულად აღდგა დინოზავრების პარკი; ახალი კონცეფციით, სრულად განახლდა კვების ობიექტები; კარტინგების ზონას დაემატა ახალი ტრიბუნა და ახალი მანქანები; პარკში დაირგო ახალი მცენარეები, რომლებმაც უფრო დიდი და მასშტაბური გამწვანება შექმნეს; გამწვანების ნაწილის გარშემო, ჯამში, 2 ათასი მეტრის სიგრძეზე მოეწყო სპეციალური დეკორატიული მოაჯირები; რესტავრაცია ჩაუტარდა სკამებს; განახლდა ლამპიონები; აშენდა ახალი, კეთილმოწყობილი მოსაწევი ზონები; განახლდა ნაგვის ურნები; დასუფთავდა და განახლდა სველი წერტილები; გამკაცრდა პარკის უსაფრთხოების ზომები.„Starring Georgia-ს“ მენეჯერის, ციცი იაშვილის თქმით, პროექტზე მაქსიმალურად დასაქმდა ადგილობრივი მოსახლეობა.„განსაკუთრებით მიხარია, რომ გამოჩნდნენ ახალი, ნიჭიერი ადამიანები, რომლებმაც, საკუთარი ხელით, საოცრად მოხატეს ჩვენი პარკი. გარემო, რომელიც მათ შექმნეს, უნიკალურია და სხვაგან ვერსად შეგხვდებათ. სწორედ ადგილობრივი კადრებით დავაკომპლექტეთ ციცინათელას გუნდიც, რომელმაც სპეციალური გადამზადება გაიარა.მუშაობის პროცესში ვცდილობდით, რომ გადაგვერჩინა და გადაგდების ნაცვლად, მეორადი გამოყენება მოგვეძებნა არსებული ნივთებისა თუ მასალებისთვის,“ — ამბობს „Starring Georgia-ს“ მენეჯერი ციცი იაშვილი.აღსანიშნავია, რომ მნიშვნელოვნადაა შეცვლილი პარკით სარგებლობის წესები, მაგალითად: მოწევა ნებადართულია მხოლოდ სპეციალურად გამოყოფილ ზონებში; ოთხფეხა მეგობარს, რომელიც 7 კილოგრამს აღემატება, აუცილებლად უნდა ეკეთოს ალიკაპი; პარკში არ დაიშვებიან არაფხიზელ მდგომარეობაში მყოფი ადამიანები; ორსულებისა და გულ-სისხლძარღვთა დაავადებების მქონე პირებისთვის არ არის რეკომენდებული გარკვეული ატრაქციონები — თითოეულ ატრაქციონთან სტუმრებს დახვდებათ აბრა, რომელზეც დატანილი იქნება კონკრეტული აკრძალვები და შეზღუდვები. ამ ინფორმაციის გაცნობა და მისი გათვალისწინება აუცილებელია.შეგახსენებთ, რომ 14.5 ჰექტარზე გადაჭიმული „ციცინათელა“ 2006 წლიდან ფუნქციონირებს. მსგავსი მასშტაბის სამუშაოები პარკში აქამდე არასდროს ჩატარებულა.

1750518840

საქართველოს პრეზიდენტმა 37 პირი შეიწყალა

საქართველოს პრეზიდენტმა მიხეილ ყაველაშვილმა 37 პირი შეიწყალა. შეწყალება შეეხო 29 არასაპატიმრო და 5 საპატიმრო სასჯელის მქონე პირს, ხოლო 3 პირს მოეხსნა ნასამართლობა.საქართველოს პრეზიდენტის მიერ მისთვის კონსტიტუციით მინიჭებული ექსკლუზიური უფლებამოსილების გამოყენება ეფუძნება ჰუმანიზმის პრინციპს და სახელმწიფო ინტერესს.