სანდრო ბაზაძე მადრიდის მსოფლიო თასის მეოთხედფინალში იასპარეზებს

მადრიდში, ხმლით მოფარიკავე სენიორებს შორის მიმდინარე მსოფლიო თასზე, ქართველი მოფარიკავე სანდრო ბაზაძე მეოთხედფინალში გავიდა.

ბაზაძემ ტურნირზე ჯერ იტალიელი მოფარიკავე 15:11 დაამარცხა, შემდეგ კი რუმინელ სპორტსმენს 15:7 სძლია. მეოთხედფინალში გასასვლელად კი ჩინელი ჩენპენგ ჩენი მარტივად – 15:6 დაამარცხა. ქართველი ფარიკაობის ლიდერი ნახევარფინალის საგზურისთვის უნგრელ ან ფრანგ მოფარიკავეს დაუპირისპირდება.