ორმაგი ტრაგედია ზუგდიდში - მეზობელმა მეზობელს ბენზინი შეასხა

ზუგდიდში, გოთუას ქუჩაზე მეზობელმა მეზობელს ბენზინი შეასხა. 60 წლის კაცი მძიმე მდგომარეობაშია და ქუთაისის საავადმყოფოში წევს.

არსებული ინფორმაციით,75 წლის კაცმა ბენზინი თავადაც გადაისხა, ის დაზიანებებით საავადმყოფოში გუშინ გარდაიცვალა.

დამწვრობის გამო კლინიკაში იმყოფება გარდაცვლილის ძმაც, რომელიც მეზობლების გაშველება ცდილობდა.

ცნობისთვის, დავა მეზობლებს შორის ყოფით ნიადაგზე გაჩნდა, თუმცა ოჯახი მომხდარის მიზეზებზე მედიასთან არ საუბრობს.

გავრცელებული ინფორმაციით, მამაკაცს ფსიქიკური პრობლემები ჰქონდა.

გამოძიება სსკ-ის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.