„მთელი დმანისი გლოვობს, დაუჯერებელია შენი წასვლა ამ ქვეყნიდან“ - გოჩა კილაძეს მეგობრები ემშვიდობებიან

დმანისის სამეცნიერო და არქეოლოგიური კვლევითი ცენტრის ტერიტორიაზე, ცენტრის ხელმძღვანელი, გოჩა კილაძე გარდაცვლილი იპოვეს.

არსებული ინფორმაციით, გოჩა კილაძის ცხედარი კვლევითი ცენტრის ტერიტორიაზე 3 ოქტომბრის, დღის საათებში ადგილობრივებმა ნახეს.

როგორც შსს-ში აცხადებენ, გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

„დაუჯერებელია შენი წასვლა ამ ქვეყნიდან, უფალმა დაგიმკვიდროს ცათა სასუფეველი იქ, სადაც მართალნი განისვენებენ. მოზიარე ვარ სოფო კილაძე. უზომოდ ვწუხვარ ყველაფერში საუკეთესო, საამაყო ძმა გყავდა", - წერს გოჩა კილაძის ახლობელი სოციალურ ქსელში.