გიორგი

საზოგადოება • 1794829587

„ძალიან ვიკავებდით თავს ამ ამბის გასაჯაროებისგან“ - რას წერს გიორგი ცქიტიშვილის დედა ხვიჩა კვარაცხელიაზე

4 წლის გიორგი ცქიტიშვილის დედა, ნუცა ბარაბაძე, სოციალურ ქსელში პოსტს აქვეყნებს და ხვიჩა კვარაცხელიას ოჯახისთვის გაწეული დახმარებისთვის საჯაროდ მადლობას უხდის.როგორც ნუცა წერს, ფეხბურთელმა გამოთქვა სურვილი, დახმარებოდა პატარა გიორგის და მნიშვნელოვანი წვლილი შეიტანა მისი მკურნალობისთვის საჭირო თანხის შეგროვებაში.„ძალიან ვიკავებდით თავს ამ ამბის გასაჯაროებისგან, მაგრამ ვფიქრობთ, რომ ასეთი დიდი სიკეთე ასე ჩუმად ჩავლას არ იმსახურებს!უდიდესი მადლობა ხვიჩა კვარაცხელიას, რომელმაც საკუთარი ინიციატივით გამოთქვა სურვილი, გვერდში დასდგომოდა გიორგის და უდიდესი წვლილი შეიტანა მისი მკურნალობისთვის საჭირო თანხის შეგროვებაში.ხვიჩა, ჩვენთვის ფასდაუდებელია არა მხოლოდ თქვენი დახმარება, არამედ ის ადამიანობა, თანადგომა და გულწრფელი ყურადღება, რომელიც გიორგის მიმართ გამოიჩინეთ.თქვენ კიდევ ერთხელ დაგვანახეთ, რომ დიდი ფეხბურთელის მიღმა კიდევ უფრო დიდი ადამიანი დგას!კიდევ ერთხელ უდიდესი მადლობა თითოეულ ადამიანს, რომელმაც თავისი წვლილი შეიტანა გიორგის საქველმოქმედო მარათონში! ჩვენთვის ეს ყველაფერი ფასდაუდებელია!“ - წერს ნუცა ბარაბაძე.როგორც ირკვევა, პატარა გიორგისთვის მკურნალობისთვის საჭირო თანხა ზუსტად 48 საათში შეგროვდა. ბავშვი რამდენიმე დღეში სამკურნალოდ თურქეთში გაემგზავრება.შეგახსენებთ, რომ 2025 წლის 22 ივლისს ოთხი წლის გიორგი ცქიტიშვილი სავაჭრო ცენტრ „ჰუალინგ პლაზას“ ბოლო სართულიდან მინუს პირველ სართულზე გადავარდა.ბავშვი ესკალატორსა და მოაჯირს შორის არსებულ ღია სივრცეში ჩავარდა. მოგვიანებით ცნობილი გახდა, რომ აღნიშნულ ადგილზე უსაფრთხოების ნორმები დარღვეული იყო.მომხდართან დაკავშირებით გიორგის ოჯახს სავაჭრო ცენტრ „ჰუალინგის“ წინააღმდეგ სამოქალაქო დავა აქვს.

კვარა

სპორტი • 1794823913

ხვიჩა კვარაცხელია ცნობილი ფრანგული ჟურნალის, GQ France-ის 2026 წლის რჩეული მამაკაცის ტიტულის მფლობელი გახდა

საქართველოს ეროვნული ნაკრების კაპიტანი და Paris Saint-Germain-ის შემტევი, ხვიჩა კვარაცხელია ცნობილი ფრანგული ჟურნალის, GQ France-ის 2026 წლის რჩეული მამაკაცის ტიტულის მფლობელი გახდა.გამოცემის შეფასებით, ქართველმა ფეხბურთელმა, რომელიც 2025-2026 წლების სეზონის ჩემპიონთა ლიგის საუკეთესო მოთამაშედ დასახელდა, გადამწყვეტი როლი ითამაშა პარიზული კლუბის მიერ ევროპის მთავარი საკლუბო ტურნირის მოგებაში. GQ-ს რედაქცია აღნიშნავს, რომ ის თანამედროვე ევროპული ფეხბურთის ერთ-ერთი უმნიშვნელოვანესი ფიგურაა.„2025-2026 წლების ჩემპიონთა ლიგის საუკეთესო ფეხბურთელი, ხვიჩა კვარაცხელია PSG-ის ევროპული ტრიუმფის ერთ-ერთი მთავარი შემოქმედი იყო. ქართველი დღეს ეროვნული სიამაყე და ევროპული ფეხბურთის ერთ-ერთი გამორჩეული სახეა“, - წერს გამოცემა GQ France.

კვარა

სპორტი • 1794761632

„მომდევნო ექვსი თვე ფეხბურთის თამაშს ვერ შევძლებ...“ - რის გაკეთებას აპირებს ამ პერიოდში ხვიჩა კვარაცხელია

ხვიჩა კვარაცხელია ოპერაციის შემდეგ თავს კარგად გრძნობს და რეაბილიტაციის კურსს გადის. ამის შესახებ ქართველმა ფეხბურთელმა Twitch-ზე გამართული პირდაპირი ეთერის დროს ისაუბრა.კვარაცხელიამ აღნიშნა, რომ გამოჯანმრთელების პროცესი კარგად მიმდინარეობს და ვარჯიშს ეტაპობრივად უბრუნდება. მისივე თქმით, ფეხბურთის თამაშს დაახლოებით ექვსი თვის განმავლობაში ვერ შეძლებს, ამ პერიოდში კი გულშემატკივრებთან ურთიერთობას სოციალური ქსელით გააგრძელებს. ფეხბურთელმა ისაუბრა იმაზეც, თუ როგორ აპირებს ამ პერიოდის გატარებას, სანამ მოედანს დაუბრუნდება.„მომდევნო ექვსი თვე ფეხბურთის თამაშს ვერ შევძლებ და ამ დროს ფრანგულის სწავლას დავუთმობ“, - თქვა კვარამ.

ნაკრები

სპორტი • 1794645361

საქართველოს ნაკრები დღეს უნგრეთს დაუპირისპირდება

მიხეილ მესხის სახელობის სტადიონზე დღეს ერთა ლიგის B2 ჯგუფის მეხუთე ტურის მატჩში საქართველოს ნაკრები უნგრეთის ნაკრებს უმასპინძლებს, შეხვედრა 21:00 საათზე დაიწყება.საქართველოს ნაკრები წლის ბოლო საშინაო მატჩს დიდი დანაკლისით ხვდება. ტრავმების გამო გუნდს ხვიჩა კვარაცხელია, ოთარ კიტეიშვილი და გიზი მამაგეიშვილი გამოაკლდნენ, ხოლო "სევილიის" ნახევარმცველი გიორგი ქოჩორაშვილი თამაშს დისკვალიფიკაციის გამო გამოტოვებს.შემადგენლობაში სამი დებიუტანტია - "დინამო ბათუმის" მეკარე ნოდარ ყალიჩავა, უკრაინული "პოლისიას" მცველი გიორგი მაისურაძე და სლოვენური "ტრნავის სპარტაკის" ნახევარმცველი გიორგი მოისწრაფიშვილი. დღევანდელ მატჩში გუნდს ოთარ კაკაბაძე უკაპიტნებს.ნაკრების მთავარი მწვრთნელის, რამაზ სვანაძის თქმით, მიუხედავად იმისა, რომ გუნდს უდიდესი საკადრო დანაკლისი აქვს, შემადგენლობაში არიან ფეხბურთელები, რომლებსაც კონკრეტული ამოცანების შესრულება აქვთ."გვყავს ძალიან კარგ შეტევები, მიუხედავად უდიდესი დანაკლისისა, დღეს არიან გუნდის ფეხბურთელები, რომელსაც შეუძლიათ ეს ყველაფერი. სიმართლე გითხრათ, გვქონდა აქცენტები ამ ყველაფერზე გაკეთებული და იმავეს გავიმეორებ, იმედი მაქვს, რომ უკვე ხვალ თამაშზე ყველაფერი სხვანაირად იქნება," - განაცხადა საქართველოს საფეხბურთო ეროვნული ნაკრების მთავარმა მწვრთნელმა, რამაზ სვანაძემ.ნაკრების მეკარის, გიორგი მამარდაშვილის განცხადებით კი, გუნდის თითოეული წევრი მოტივირებულია, რომ თამაში და საბოლოო შედეგები გამოასწოროს."თითოეული ფეხბურთელი განწყობილია იმისთვის, რომ გავაუმჯობესოთ ის ჩვენი შედეგი, თამაში და ყველაფერი რაც შეეხება ფეხბურთს, ესე ვთქვათ. მარტივ გზას არ გავდივართ, დავეთანხმები ჩვენს მთავარ მწვრთნელს, ყველას აქვს ჩავარდნა, მაგრამ ამ ჩავარდნას ყოველთვის მოსდევს მაღლა ასვლა. მეც დიდი იმედი მაქვს, რომ ეს მაღლა ასვლა დაიწყება მალე," - აღნიშნა ეროვნული ნაკრების მეკარემ, გიორგი მამარდაშვილმა.

ხვიჩა კვარაცხელია

სპორტი • 1794482376

ხვიჩა კვარაცხელია მერაბ დვალიშვილს და საბა ლაზიშვილს მიმართავს

მერაბ, საბა! მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი,- ამის შესახებ ხვიჩა კვარაცხელია სოციალურ ქსელში წერს და აბუ-დაბიში მომხდარ ინციდენტს ეხმიანება.მერაბ, საბა! მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი. განსხვავებით იმათგან, ვინც ლაჩრულად, უკნიდან მოპარვით და უთანასწოროდ შეეცადნენ თქვენს დაჩაგვრას, კაცები ასე არ იქცევიან და რა თქმა უნდა, ეს არ გამოუვიდათ და ქართველებთან არც არასდროს გამოუვათ,“ - წერს ფეხბურთელი.UFC-ის ქართველ მებრძოლს, მერაბ დვალიშვილს, აბუ-დაბიში UFC-ის მებრძოლი უსმან ნურმაგომედოვი და მისი თანმხლები პირები ზურგიდან თავს დაესხნენ.ინციდენტთან დაკავშირებით, ამ დრომდე არ წყდება გამოხმაურებები ქართველი და უცხოელი სპორტსმენების, ინფლუენსერებისა და საზოგადოების მხრიდან.

კვარა

სპორტი • 1794378360

„WhatsApp-ის ჯგუფში მოგვწერა“ - რას ამბობს თანაგუნდელი კვარაზე

„პარი სენ-ჟერმენის“ ფეხბურთელი, ვიტინია DAZN-ს ხვიჩა კვარაცხელიაზე ესაუბრა.„ბარსელონასთან“ მიღებული მძიმე ტრავმის შემდეგ „კვარას“ ოპერაცია ჩაუტარდა და, ვიტინიას თქმით, მან პარიზელ თანაგუნდელებს მხარდაჭერისთვის მადლობა გადაუხადა.„ხვიჩა WhatsApp-ის ჯგუფში გველაპარაკა და გვითხრა: „მადლობა მხარდაჭერისთვის“. თითოეულმა ჩვენგანმა ცალ-ცალკეც მიწერა. იმედი გვაქვს, კარგად დაბრუნდება და სარეაბილიტაციო პერიოდს სწორად გაივლის. მას ძალიან დიდი დრო აქვს და ყველაზე მნიშვნელოვანია, რომ 100 პროცენტით მზად იყოს, დასაბრუნებლად. ყველანი მის გვერდით ვდგავართ და მხარს ვუჭერთ“, - განაცხადა ფეხბურთელმა.ცნობისთვის, კვარამ მარჯვენა მუხლის წინა ჯვარედინი იოგი „ბარსელონასთან“ მატჩში გაიწყვიტა. ხვიჩას ოპერაცია ჩაუტარდა და პრაქტიკულად გადაწყვეტილია, რომ მიმდინარე სეზონში მას მოედანზე ვეღარ ვიხილავთ.

ხვიჩა კვარაცხელია

საზოგადოება • 1794251235

„წახვედი და წაიღე ბავშვობის მოგონებებიც...“ - ხვიჩა კვარაცხელია გარდაცვლილ მეგობარს ემშვიდობება

ავტოსაგზაო შემთხვევას ახალგაზრდა კაცი, სანდრო ენუქიძე ემსხვერპლა.როგორც ირკვევა, ის ეროვნული ნაკრების კაპიტნის, ხვიჩა კვარაცხელიას ბავშვობის მეგობარი იყო.„სანდრიკ, წახვედი და წაიღე ბავშვობის მოგონებებიც...“ - წერს ფეხბურთელი.ახალგაზრდა ბიჭს მეგობრები ემშვიდობებიან:„ეჰ სანდრო, შენთან სიკვდილს რა უნდოდა! წავიდა იმ ქვეყანაში ჩვენი მეგობარი და უამრავ ადამიანს დაგვწყვიტა გული... სამარადისო ხსოვნა, ჩემო ძმაო “.„წლები გავიდა ჩვენი ბოლო შეხვედრიდან, მაგრამ არ მეგონა, რომ ეს შეხვედრა ასე სამუდამოდ დარჩებოდა მოგონებად, მშვიდად განისვენე სიკეთით სავსე ბიჭუნავ“

ხვიჩა კვარაცხელია

სპორტი • 1794048674

ხვიჩა კვარაცხელია გინესის მსოფლიო რეკორდების წიგნში შეიყვანეს

ხვიჩა კვარაცხელია, ჩემპიონთა ლიგაზე შედეგიანი გამოსვლის გამო, გინესის მსოფლიო რეკორდების წიგნში შეიყვანეს, - ინფორმაციას ფრანგული კლუბი ავრცელებს.საქართველოს ეროვნული საფეხბურთო ნაკრებისა და ფრანგული PSG-ს წევრმა, უეფას ჩემპიონთა ლიგის პლეი-ოფის ეტაპზე, გოლით ან საგოლე გადაცემით, ზედიზედ ყველაზე მეტ მატჩში მონაწილეობის რეკორდი დაამყარა.2025-2026 წლების სეზონში, PSG-ს შემადგენლობაში, კვარაცხელიამ გოლი ან საგოლე გადაცემა ზედიზედ შვიდ შეხვედრაში მიითვალა. მან რეკორდული მაჩვენებელი 2026 წლის 25 თებერვლიდან 6 მაისამდე პერიოდში დაამყარა.კვარაცხელიამ ჩემპიონთა ლიგის პლეი-ოფის ზედიზედ შვიდ მატჩში მინიმუმ ერთი გოლით ან საგოლე გადაცემით გამოიჩინა თავი. ეს მიღწევა გინესის მსოფლიო რეკორდების ორგანიზაციამ ოფიციალურად აღიარა.შედეგად, კვარაცხელია უკვე "გინესის მსოფლიო რეკორდების" 2027 წლის საფეხბურთო გამოცემაშია.

კვარა

საზოგადოება • 1793816831

„თუ შეიძლება, მსოფლიოში სამი ექიმი დაასახელო, ერთ-ერთია...“ - ვინ არის ქირურგი, რომელმაც ხვიჩა კვარაცხელიას ურთულესი ოპერაცია გაუკეთა

ხვიჩა კვარაცხელიას  წინა ჯვარედინი იოგის ოპერაცია მსოფლიოში ერთ-ერთმა საუკეთესო ქირურგმა, პიტერ ვენდონკმა ჩაუტარა, - ამის შესახებ საქართველოს ნაკრების ექიმმა, დავით ხარაბაძემ „მეფესავით პოდკასტში“ განაცხადა.„ამ სფეროში, თუ შეიძლება, მსოფლიოში სამი ექიმი დაასახელო, ერთ-ერთი არის პიტერ ვერდონკი, რომელმაც ოპერაცია გაუკეთა. ვიცი დეტალები, რა ტიპის ოპერაციაა, რა მეთოდით გაკეთდა და ა.შ.“ - თქვა ხარაბაძემ.კვარაცხელიას ექიმი დოჰაში, კატარში, Aspetar-ის ორთოპედიულ და სპორტული მედიცინის საავადმყოფოში მოწვეული ქირურგის სტატუსით მუშაობს.მას 100-ზე მეტი სამეცნიერო პუბლიკაცია აქვს გამოქვეყნებული და საერთაშორისო სამედიცინო კვლევებშიც მონაწილეობს.1999 წელს გენტის უნივერსიტეტი უმაღლესი შეფასებით დაამთავრა;2006 წელს მედიცინის მეცნიერებათა დოქტორის ხარისხი მიიღო. მისი სადოქტორო კვლევა მენისკის ტრანსპლანტაციასა და ქსოვილოვან ინჟინერიას ეხებოდა.100-ზე მეტი სამეცნიერო ნაშრომის ავტორია და აქტიურად მონაწილეობს საერთაშორისო სამედიცინო კონფერენციებში;2019–2022 წლებში ბელგიის მუხლის ქირურგიის საზოგადოების პრეზიდენტი იყო, ხოლო 2024–2025 წლებში ბელგიის ორთოპედიული ქირურგიისა და ტრავმატოლოგიის საზოგადოებას ხელმძღვანელობდა;2026 წლის 17 ივნისს სწორედ ვერდონკმა გაუკეთა მუხლზე ოპერაცია საუდის არაბეთის ნაკრებისა და ალ-ნასრის ფეხბურთელს, სულთან ალ-ღანამს;მუშაობს ანტვერპენის ორთოპედიულ ცენტრში და მოწვეული ქირურგის სტატუსით თანამშრომლობს კატარის ცნობილ სპორტულ სამედიცინო კლინიკა ასპეტართან;27 ოქტომბერს სწორედ ასპეტარში ჩაუტარდა წარმატებული ოპერაცია ხვიჩა კვარაცხელიას, რომელმაც მარჯვენა მუხლის წინა ჯვარედინი იოგი გაიწყვიტა.

მიქაუტაძე-კვარა

სპორტი • 1793728815

გიორგი მიქაუტაძემ ხვიჩა კვარაცხელიას ფრანგული ტელევიზიიდან მიმართა

ჩემპიონთა ლიგის ლიგის ფაზის მე-4 ტურში, გიორგი მიქაუტაძის „ვილიარეალი“ საკუთარ მოედანზე ხვიჩა კვარაცხელიას „პარი სენ-ჟერმენს“ დაუპირისპირდება. შეხვედრამდე რამდენიმე საათით ადრე, ცნობილმა ფრანგულმა ტელევიზია Canal+-მა გიორგი მიქაუტაძის მიმართვა გაავრცელა, რომელშიც ქართველი შემტევი ხვიჩა კვარაცხელიას სამოტივაციო სიტყვით მიმართავს.„კვარა, ძმაო, იმედი მაქვს, რომ ოპერაციამ კარგად ჩაიარა. შეინარჩუნე რწმენა შენს თავში, იყავი ძლიერი. ჩვენ ყველა შენს გვერდით ვართ, მთელი საქართველო შენს გვერდითაა. ვიცი, რომ ყველაფერი კარგად იქნება, იმიტომ რომ შენ ძლიერი და კარგი ადამიანი ხარ. გამაგრდი და მალე შევხვდებით, ძმაო. მიყვარხარ“, - თქვა გიორგი მიქაუტაძემ.

კვარა პსჟ

სპორტი • 1793639452

ხვიჩა კვარაცხელია FIFPRO-ს წლის სიმბოლური ნაკრების 26 კანდიდატს შორის მოხვდა

საქართველოს ნაკრებისა და „პარი სენ-ჟერმენის“ ვარსკვლავი ხვიჩა კვარაცხელია FIFPRO-ს 2026 წლის მსოფლიოს სიმბოლური ნაკრების (World 11) კანდიდატთა საბოლოო სიაში მოხვდა.პროფესიონალ ფეხბურთელთა ასოციაციების საერთაშორისო ფედერაციამ (FIFPRO) იმ 26 ფეხბურთელის ვინაობა გამოაცხადა, რომლებმაც მსოფლიოს სხვადასხვა ქვეყანაში ჩატარებული გამოკითხვის შედეგად ყველაზე მეტი ხმა მიიღეს.2026 წლის საუკეთესო თერთმეტეულის გამოსავლენად გამართულ კენჭისყრაში 73 ქვეყნის 19 806 პროფესიონალი ფეხბურთელი მონაწილეობდა. საბოლოო სიმბოლური ნაკრების შემადგენლობა 9 ნოემბერს გახდება ცნობილი.FIFPRO-ს წლის სიმბოლური ნაკრების 26 კანდიდატი:მეკარეები: ტიბო კურტუა, ემილიანო მარტინესი, დავიდ რაია.მცველები: პაუ კუბარსი, მარკ კუკურელია, ვირჯილ ვან დაიკი, გაბრიელ მაგალაეში, აშრაფ ჰაკიმი, ნუნო მენდეში, უილიამ სალიბა, დაიო უპამეკანო.ნახევარმცველები: ჯუდ ბელინგემი, ბრუნო ფერნანდეში, ენცო ფერნანდესი, პედრი, დეკლან რაისი, როდრი, ვიტინია.თავდამსხმელები: ერლინგ ჰალანდი, ჰარი კეინი, ხვიჩა კვარაცხელია, კილიან მბაპე, ლიონელ მესი, მაიკლ ოლისე, კრიშტიანუ რონალდუ, ლამინ იამალი.1TVSPORT

კვარა

საზოგადოება • 1793255476

ოპერაციის შემდეგ ხვიჩა კვარაცხელიას პირველი ფოტო გავრცელდა

„პარი სენ-ჟერმენის პრეზიდენტმა, ნასერ ალ-ხელაიფმა ხვიჩა კვარაცხელია ოპერაციის ჩატარების შემდეგ მოინახულა.ალ-ხელაიფი კატარის დედაქალაქ დოჰაში იმ კლინიკას ესტუმრა, რომელშიც ქართველმა შემტევმა მუხლის ჯვარედინი იოგების ოპერაცია ჩაიტარა და ბიზნესმენი ხვიჩას მდგომარეობას პირადად გაეცნო. შეხვედრის ამსახველი ფოტო კვარამ „ინსტრაგრამ-ზე“ გაავრცელა.შეგახსენებთ, რომ ტრავმის გამო ხვიჩა კვარაცხელიას 7-9 თვე გაუცდება და დიდი ალბათობით, მომდევნო სეზონის დასაწყისში დაბრუნდება.

✕