წმინდა ნიკოლოზი

„საშინელი ქარიშხალი ამოვარდა და ნაფოტივით ათამაშებდა ხომალდს...“ - როგორ გადაარჩინა წმინდა ნიკოლოზმა მომლოცველები

წმინდა ნიკოლოზ სასწაულთმოქმედი საქართველოს მართლმადიდებელი ეკლესიის მფარველად მას შემდეგ ითვლება, რაც საქართველოს კათოლიკოს-პატრიარქმა წმინდანს ქართული ეკლესია შეავედრა. საქართველოში მის სახელზე მრავალი ტაძარია აგებული.გთავაზობთ რამდენიმე სასწაულს საკვირველმოქმედი წმინდანის ცხოვრებიდან.გულსაკიდი ხატიდიდი რწმენა ჰქონდა წმინდა ნიკოლოზისა მამა გაბრიელს (ურგებაძე).ერთხელ კაცთა ცილისწამებით შეწუხებულმა ბერმა ჩამოიკიდა გულზე წმინდა ნიკოლოზის ხატი და ბათუმში ზღვაში შევიდა - უფალო, თუ სათნოა შენთვის ჩემი ცხოვრება, გადამარჩინეო. იმ დროს ზღვის ახლოს სამხედრო ნაწილი იდგა, ჯარისკაცებთან მოხუცი, თეთრწვერა, მელოტი კაცი მივიდა და უთხრა, - ზღვაში კაცი იხრჩობა და გამოიყვანეთო. როცა ჯარისკაცებმა გაბრიელი ზღვიდან გამოიყვანეს და გულზე ჩამოკიდებული ხატი უნახეს, ერთმა მათგანმა წმინდა ნიკოლოზის ხატში სწორედ წეღანდელი ბერიკაცი შეიცნო - რუსეთში შინ მაქვს მისი ხატი, ნამდვილად წმინდა ნიკოლოზი იყოო.გემის გადარჩენის ამბავიერთხელ მლოცველთა ჯგუფი წმინდა ნიკოლოზის წმინდა ნაწილთა თაყვანისსაცემად მიემგზავრებოდა, მირონისკენ მიმავალ გემთან მივიდა ქალი და სთხოვა მგზავრებს, მისი ზეთი წაეღოთ წმინდა ნიკოლოზის კანდელში ჩასასხმელად. მგზავრებმა სიამოვნებით გამოართვეს ქალს ბოთლი და გზას გაუდგნენ. ქალის სახე კი ეშმაკს მიეღო, რადგან მლოცველთა დაღუპვა სურდა. მეორე დღეს ამოვარდა საშინელი ქარიშხალი და ნაფოტივით ათამაშებდა ხომალდს. ასე გაგრძელდა კარგა ხანს. მგზავრებმა უკან დაბრუნება გადაწყვიტეს, მაგრამ უეცრად ზღვაში დაინახეს წმინდა ნიკოლოზი, რომელიც პატარა ნავით მშვიდად მიცურავდა მათკენ. გემს მიუახლოვდა, დაიძახა: - გადააგდეთ ზღვაში ზეთიანი ბოთლი. იმ ქალის ხელით ეშმაკმა ჯადო შემოგატყუათო.მაშინვე შეასრულეს წმინდანის ნება. ბოთლიდან ამოვარდა საშინელი ალი და აუტანელმა სუნმა აავსო ჰაერი, ზღვიდან კი ამოხეთქა მდუღარე წყალმა. ზღვაოსნები შეშინდნენ, მაგრამ წმინდანმა გაამხნევა ისინი. მალე ზღვა ჩაწყნარდა და ხომალდი ზურგის ქარმა დაუბრკოლებლად მიაყენა ლუკიის ნაპირებს. სასწაულებრივად გადარჩენილმა მოგზაურებმა მადლობა და დიდება შესწირეს წმინდანს.

საზოგადოება • 22 მაი 13:08

მეუფე შიო: მხოლოდ სიმდაბლის მეშვეობით შეიძლება ადამიანმა მიაღწიოს სიწმინდეს და სულიერებას. სწორედ ამ თვისებებით გამოირჩევა წმინდა ნიკოლოზი, ამაში უნდა მივბაძოთ მას, რადგან ეს ყველაზე მეტად გვჭირდება

მხოლოდ სიმდაბლის მეშვეობით შეიძლება ადამიანმა მიაღწიოს სიწმინდეს და სულიერებას. სწორედ ამ თვისებებით გამოირჩევა წმინდა ნიკოლოზი, ამაში უნდა მივბაძოთ მას, რადგან ეს ყველაზე მეტად გვჭირდება, - იქადაგა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) ნიკოლოზობის დღესასწაულზე თბილისის (ჩუღურეთის) წმინდა ნიკოლოზის სახელობის ტაძარში.როგორც მეუფემ აღნიშნა, წმინდა ნიკოლოზი არის ჩვენი მფარველი, მსწრაფლშემწე, ის ყოველთვის ჩვენთან არის, მაგრამ იგი მხოლოდ იქ არის, სადაც არის ნამდვილი ბრძოლა ვნებებთან, ნამდვილი ბრძოლა ცოდვებთან...„სახელითა მამისათა და ძისათა და სულისა წმინდისათა.მაღალყოვლადუსამღვდელოესო მეუფეო, ძვირფასო მამებო, ძმებო და დებო, გილოცავთ დღევანდელ დღესასწაულს - ნიკოლოზობას, ღირსი შიო მღვიმელისა და წმინდა წინასწარმეტყველ ისაიას ხსენებას, გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას.როდესაც ვეცნობით ასეთი დიდი წმინდანების ცხოვრებას, მათ ღვაწლს, ჩვენ ვუკვირდებით მათი სიწმინდის თავისებურებებს და შთაგონებას ვიღებთ ჩვენი სულიერი ცხოვრებისთვის, იმიტომ რომ ყოველი მათგანი თავისებურია, განუმეორებელია, რადგან, საერთოდ, ყოველი ადამიანი განუმეორებელია; ზოგადად, სიწმინდეს არ გააჩნია რაიმე შაბლონი ან ტრაფარეტი. ამიტომ ჩვენ ვეძებთ მათში ამ თავისებურებას, რომ მივბაძოთ, განვახორციელოთ და გავხსნათ ჩვენს პირად სულიერ ცხოვრებაში, იმიტომ რომ ჩვენი ცხოვრებაც განუმეორებელია და არ ჰგავს სხვისას. ქრისტიანული ცხოვრება და ღვაწლი არ შეიძლება იყოს სხვანაირი, რადგან სულიერი ცხოვრების მიზანია სულიწმინდის მოპოვება და ჩვენში ღვთის ხატების გახსნა. ეს არის მიზანი. ამიტომ უნდა ვბაძავდეთ წმინდანებს, ვინც ამას მიაღწია, მადლიც მოიხვეჭეს და მათში ბრწყინავს ხატება ქრისტესი, მაგრამ ბრწყინავს ყოველ მათგანში განსხვავებულად.რა იყო წმინდა ნიკოლოზის სიწმინდის თავისებურება? მის ტროპარში რა სიტყვებს ვგალობთ ჩვენ?„კანონად სარწმუნოებისა და ხატად სიმშვიდისა, და მოძღვრად მარხვისა გყო შენ ქრისტემან, სამწყსოსა შენისათვის ჭეშმარიტებით, ამისთვისცა მოიგე სიმდაბლითა სიმაღლე და სიგლახაკითა სიმდიდრე". ე.ი. ამ სიმდაბლეზეა საუბარი, იმ საოცარ სიმდაბლეზე, რომლითაც იგი ამაღლდა ასეთ დიდ სულიერ საფეხურზე. ეს ის სიმდაბლე და სიმშვიდეა, რომელთაც ჩვენ ყოველდღიურად ვითხოვთ დილის ლოცვებში, საღამოს ლოცვებსა თუ სხვადასხვა ლოცვებში.ძვირფასო ძმებო და დებო, რატომ არის ტროპარში ასე ხაზგასმული, რომ სიმდაბლით მოიპოვე სიმაღლე? იმიტომ, რომ სულიერ ცხოვრებაში არსებობს ღვთისგან დადგენილი ნორმები და კანონები; მხოლოდ ამ კანონებისა და სულიერი ნორმების შესრულებით შეიძლება მიაღწიო სიწმინდესა და სულიერებას.ამ კანონთა შორის უპირველესი არის სულიერი კანონი სიმდაბლის შესახებ, რაც მდგომარეობს იმაში, რომ სულიწმინდის მადლი მიდის მხოლოდ სიმდაბლესთან და, რა თქმა უნდა, ამას მოსდევს სიმშვიდეც. ეს ნიშნავს, რომ მხოლოდ სიმდაბლის მეშვეობით შეიძლება ადამიანმა მიაღწიოს სიწმინდეს და სულიერებას. სწორედ ამ თვისებებით გამოირჩევა წმინდა ნიკოლოზი, ამაში უნდა მივბაძოთ მას, რადგან ეს ყველაზე მეტად გვჭირდება.მაშ, რა გვაკლია? სიმდაბლეც გვაკლია და სიმშვიდეც, მაგრამ სიმდაბლის მოპოვება რთულია, სიმშვიდის მოპოვებაც რთულია. ეს არის ჯვრის ზიდვა, მაგრამ გავიხსენოთ დღეს წაკითხული უფალ იესო ქრისტეს სიტყვები: „ვინც არ აღიღებს თავის ჯვარს და არ შემომიდგება, ის არ არის ჩემი ღირსი“ (მთ. 10, 38). ამდენად, ჯვრის ზიდვა არის აუცილებელი, მაგრამ ეს დაკავშირებულია ვნებებთან და ცოდვებთან ბრძოლასთან, ცოდვები კი შედეგია იმისა, რომ ჩვენ არ ვებრძვით ჩვენს ვნებებს; განსაკუთრებით, არ ვებრძვით ყოველივე იმას, რაც გვართმევს სიმდაბლეს, რაც ხელს გვიშლის სიმდაბლის და სიმშვიდის მოპოვებაში. ამ დროს კი გზა ქრისტესკენ მხოლოდ ამ თვისებებზე გადის.წმინდა ნიკოლოზი არის ჩვენი მფარველი, მსწრაფლშემწე, ის ყოველთვის ჩვენთან არის, მაგრამ იგი მხოლოდ იქ არის, სადაც არის ეს ნამდვილი ბრძოლა ვნებებთან, ნამდვილი ბრძოლა ცოდვებთან.ღმერთმა დაგლოცოთ და გაგახაროთ. ვევედროთ წმინდა ნიკოლოზს, რომ გაგვაძლიეროს ამ გზაზე, ვნებებთან ბრძოლის გზაზე, ჩვენს ამპარტავნებასთან, ქედმაღლობასთან, არაწმინდებასთან, სხვადასხვა ვნებასთან და მეოხ გვეყოს, შეგვეწიოს, ევედროს უფალს, რომ ღმერთმა მოგვივლინოს სულიწმინდის მადლი, ჩვენი განმამტკიცებელი ამ გზაზე.ასევე შეგახსენებთ უფალ იესო ქრისტეს სიტყვებს: იყავით წმინდა, როგორც მამა თქვენი წმინდა არს (ღმერთზეა საუბარი). რა თქმა უნდა, ჩვენ ისეთი სიწმინდე ვერ გვექნება, როგორიც ამ დიდებულ წმინდანებს ჰქონდათ, მაგრამ ვალდებული ვართ, მივბაძოთ მათ და ამ სიწმინდის გზაზე ვიაროთ, თუ ვართ ქრისტიანები.კიდევ ერთხელ გილოცავთ დღევანდელ დღესასწაულს, წმინდა ნიკოლოზმა გაგახაროთ, დაგლოცოთ. წმინდა ნიკოლოზის მადლით უფალმა დალოცოს ეს შესანიშნავი ტაძარი, სამღვდელოება ამ ტაძრისა; მამა მაქსიმე, მამებო, მადლობა დღევანდელი მსახურებისთვის. წმინდა ნიკოლოზის ლოცვით უფალმა დალოცოს, გააძლიეროს, გაამთლიანოს სრულიად საქართველო. ამინ. ქრისტე აღდგა!“, - განაცხადა მეუფე შიომ.

საზოგადოება • 22 მაი 11:55

ლოცვა, რომელიც ნიკოლოზობას უნდა წაიკითხოთ

22 მაისს მართლმადიდებელი ეკლესია დღეს ნიკოლოზობას აღნიშნავს. ნიკოლოზობა წელიწადში ორჯერ აღინიშნება. 19 დეკემბერი – წმინდა ნიკოლოზ სასწაულთმოქმედის ხსენების, 22 მაისი კი – ნიკოლოზ სასწაულთმოქმედის წმინდა ნაწილების მირონიდან ბარში გადასვენების დღეა.წმინდა ნიკოლოზ სასწაულთმოქმედი საქართველოს მართლმადიდებელი ეკლესიის მფარველად მას შემდეგ ითვლება, რაც საქართველოს კათოლიკოს-პატრიარქმა წმინდანს ქართული ეკლესია შეავედრა. საქართველოში წმინდა ნიკოლოზის სახელზე მრავალი ტაძარია აგებული. ლოცვა„გაქებთ შენ, საყვარელო, წმიდაო მღვდელმთავარო ნიკოლოზ, ზესთამბრძოლო საკვირველმოქმედო და უსათნოესო ქრისტესო, მრავალსასყიდლისა წყალობის მირონისა და საკვირველებათა ზღვისა სოფლისათვის მიმმადლებელო; ხოლო შენ, ვითარცა გაქვს კადნიერება წინაშე ღმრთისა, ყოველთა ჭირთაგან განგვათავისუფლე ჩვენ, რათა დაუცხრომელად გადიდებდეთ: გიხაროდენ, წმინდა მღვდელმთავარო ნიკოლოზ, საკვირველმოქმედო ყოვლადდიდებულო. გამომზრდელო ქვრივთა და მამაო ობოლთა, შემწეო ჭირთა შინა მყოფთა, ყოვლად პატიოსანო, მგლოვარეთა ნუგეშინისმცემელო, მწყემსი და მოძღვარი გზასა ზედა ყოველთა შეცდომილთა ხარ შენ, მამაო წმიდაო ნიკოლოზ, ლოცვითა შენითა გვიხსნენ განსაცდელთაგან“

საზოგადოება • 22 მაი 11:09

„ზუსტად ასე გაგვეყინა გული...“ - სვანეთში, ტრაგიკულად დაღუპულ ნიკო ფალიანს გლოვობენ

სვანეთში, ტრაგიკულად დაღუპულ ნიკო ფალიანს გლოვობენ.„მთელ სვანეთს ზუსტად ასე გაგვეყინა გული. უდიდესი ტრაგედიაა ნიკოლოზ (ნიკო) ფალიანის ტრაგიკულად დაღუპვა. დღეს ნიკოლოზობაა და წმინდა ნიკოლოზი იყოს შენი სულის მფარვალი... გისამძიმრებ სვანეთო!..“,- წერს სვანეთი ნიუსი.

საზოგადოება • 22 მაი 10:14

„ზუსტად ნახევარ საათში შეუსრულა თხოვნა გოგონას...“ - წმინდა ნიკოლოზის სასწაული

გიორგი დარასელიას თავის გადაცემაში "მართლმადიდებლური საუბრები" სტუმრად ჰყავდა დეკანოზი გიორგი თევდორაშვილი, რომელმაც წმინდა ნიკოლოზთან დაკავშირებული სასწაულის შესახებ მოჰყვა.დეკანოზი გიორგი თევდორაშვილი: - შენს გადაცემას წმინდა ნიკოლოზის სასწაულზე ექსკლუზივს ვჩუქნი. ტაძარს უბრალო ადამიანები ალაგებენ. ნარიყალის წმინდა ნიკოლოზის სახელობის ტაძარს რამდენიმე ქალბატონი ალაგებს...ერთხელ ერთმა კიბე მიადგა, წმინდა ნიკოლოზის ხატი გადაწმინდა და ჩუმად შესთხოვა: წმინდა ნიკოლოზ, ცხოვრებაში სამსახური არასდროს მქონია (ფარმაცევტია) და რა იქნება გამომიჩნდესო. ჩამოვიდა კიბიდან, ეს უთხრა მეორე ქალს, ვინც ალაგებდა ტაძარს და შემდეგ ორივე ჩავიდა სატრაპეზოში. იქ მოვიდა მესამე ქალბატონი, ფარმაცევტული კომპანიის წარმომადგენელი. დასხდნენ და ჩაის სვამდნენ. არ გინდა თანამშრომელი, რა კარგი გოგოა ჩვენთან და წაიყვანეო, უთხრა მეორე ქალმა. როგორ არა, ასეთ გოგოებს ვეძებთო, უპასუხა და სამსახური დააწყებინა მსურველს...წმინდა ნიკოლოზმა ზუსტად ნახევარ საათში შეუსრულა თხოვნა გოგონას. განაგრძეთ კითხვა

რჩევები • 21 მაი 19:10

ხვალ ნიკოლოზ სასწაულმოქმედის დღეა - მოამზადეთ 40 სანთელი და ჩაიფიქრეთ სანუკვარი სურვილი, რომელიც 40 დღეში ახდება

მართლმადიდებელი ეკლესია დღეს წმინდა ნიკოლოზის წმინდა ნაწილების ამოყვანის დღეს აღნიშნავს. ამასთან დაკავშირებით ტაძრებში სადღესასწაულო ლიტურგია ტარდება. 22 მაისს ნიკოლოზ სასწაულმოქმედის წმინდა ნაწილების მირონიდან ბარში გადასვენების დღეა, ხოლო 19 დეკემბერი კი – წმინდანის ხსენების დღე. წმინდა ნიკოლოზ სასწაულმოქმედი მცირე აზიაში, ლუკიის მხარის ქალაქ პათარაში, 257 წელს მდიდარ და ღვთისმოშიშ ოჯახში დაიბადა. სასწაულმოქმედების უნარი წმინდა ნიკოლოზმა შობიდანვე გამოამჟღავნა. ნათლობისას ჩვილი ნიკოლოზი ემბაზში დამოუკიდებლად რამდენიმე საათის განმავლობაში იდგა. დედის რძესაც ოთხშაბათობითა და პარასკეობით მხოლოდ საღამო ხანს იღებდა. წმინდა ნიკოლოზმა სიცოცხლეში უამრავი სასწაული აღავლინა და დღესაც აღევლინება ქალაქ ბარში, წმინდა ნიკოლოზის სახელობის ეკლესიაში დასვენებული მისი წმინდა ნაწილებიდან, რომელსაც მირონი სდის. მირონლუკიიდან იტალიის ქალაქ ბარში წმინდა მღვდელმთავრის წმინდა ნაწილების გადასვენება 1087 წელს მოხდა. წმინდა ნიკოლოზ სასწაულმოქმედი საქართველოს მართლმადიდებელი ეკლესიის მფარველად მას შემდეგ ითვლება, რაც საქართველოს კათოლიკოს- პატრიარქმა მას ქართული ეკლესია შეავედრა. მართლმადიდებლები წმინდა მღვდელმთავარს შეწევნისათვის ყოველგვარი გასაჭირის ჟამს მიმართავენ.22 მაისი განსაკუთრებული სულიერი ძალით არის სავსე, რადგან უძველესი დროიდან წმინდა ნიკოლოზს მიეწერება ყველაზე რთულ ცხოვრებისეულ სიტუაციებში დახმარებისა და შინაგანი სურვილების შესრულების უნარი. დღესასწაული ფართოდ არის ცნობილი და მას თან ახლავს სპეციალური რიტუალები და ლოცვები, რომლებიც მიზნად ისახავს ოცნებების ასრულებას და პრობლემებისგან დაცვას. მორწმუნეები არა მხოლოდ წმინდანს მიმართავენ თხოვნით, არამედ ცდილობენ შეინარჩუნონ ტრადიციები, რომლებიც ჩვენი წინაპრებისგან მოგვივიდა - ბოლოს და ბოლოს, სწორედ მათშია სიბრძნე, თაობებს შორის კავშირი და სულიერი მხარდაჭერა.წმინდა ნიკოლოზ საკვირველმოქმედის ცხოვრების ისტორიაწმინდა ნიკოლოზ სასწაულმოქმედი მართლმადიდებლურ სამყაროში ერთ-ერთი ყველაზე პატივცემული წმინდანია, რომელიც ცნობილია თავისი უსაზღვრო სიკეთით, თანაგრძნობითა და სასწაულებით. ის დაიბადა III საუკუნეში პატარას ქალაქში, რომელიც მდებარეობდა მცირე აზიის (თანამედროვე თურქეთი) უძველეს ლიკიაში, ღვთისმოსავ და მდიდარ ოჯახში.ბავშვობიდანვე ღრმა რწმენა და სულიერი ცოდნისკენ სწრაფვა გამოავლინა. მან ადრევე დაიწყო წმინდა წერილის შესწავლა და თავი ღვთის მსახურებას მიუძღვნა. მისი ოჯახი და მეგობრები მას განსაკუთრებულ ადამიანად თვლიდნენ, რომელიც დიდი მისიისთვის იყო შერჩეული. მშობლების გარდაცვალების შემდეგ დიდი ქონება მემკვიდრეობით მიიღო, მაგრამ ფუფუნებაში არ ცხოვრობდა - პირიქით, ის თავის ქონებას გაჭირვებულებს ურიგებდა, ფარულად კი კეთილ საქმეებს აკეთებდა.ერთ-ერთი ყველაზე ცნობილი ისტორია, რომელმაც ნიკოლოზი ცნობილი გახადა, ღარიბ ოჯახზეა, რომლის მამაც, სიღარიბისგან სასოწარკვეთილი, თავის სამ ქალიშვილს ბორდელში ამუსავებდა. ამის შესახებ რომ შეიტყო, ნიკოლოზმა ფარულად ოქროს ტომრები ჩააგდო მათ სახლში - თითო თითოეული ქალიშვილისთვის, რითაც ისინი სირცხვილისგან იხსნა და სიყვარულითა და პატივით დაქორწინების შესაძლებლობა მისცა.დროთა განმავლობაში ნიკოლოზი ლიკიის ქალაქ მირას მთავარეპისკოპოსად აირჩიეს. ლეგენდის თანახმად, ერთ-ერთ სასულიერო პირს ხილვა ჰქონდა: ვინც დილით ეკლესიაში პირველი შევიდოდა, ახალი ეპისკოპოსი გახდებოდა. ეს კაცი ნიკოლოზი აღმოჩნდა.როგორც მთავარეპისკოპოსი, ის დაუღალავად ეხმარებოდა ღარიბებს, იცავდა უდანაშაულოდ მსჯავრდადებულებს და სასწაულებრივად კურნავდა ტანჯულებს. მისი სულიერი გავლენა დიდია მისი გარდაცვალების შემდეგაც: წმინდანის რელიკვიები იტალიის ქალაქ ბარიში გადაასვენეს, სადაც ისინი დღემდე ინახება და თავად წმინდანს პატივს სცემენ არა მხოლოდ მართლმადიდებლობაში, არამედ კათოლიკურ ეკლესიაშიც.წმინდა ნიკოლოზი თავდაუზოგავი დახმარების, რწმენისა და ჭეშმარიტი ქრისტიანული სიყვარულის სიმბოლოდ იქცა და მილიონობით მორწმუნე დღემდე ლოცვით მიმართავს მას, იმედოვნებს შუამდგომლობასა და სასწაულს. რიტუალი წმინდა ნიკოლოზის დღეს, რომელიც სურვილის ასრულებაში დაგეხმარებათუძველესი დროიდან მოყოლებული, წმინდა ნიკოლოზის დღე, რომელიც 22 მაისს აღინიშნება, განსაკუთრებულ დროდ ითვლება, როდესაც სამოთხის კარიბჭე იხსნება და ლოცვები და თხოვნები განსაკუთრებით სწრაფად აღწევს წმინდანამდე. ამ დღეს მორწმუნეები სხვადასხვა რიტუალს ასრულებდნენ: ქალები სთხოვდნენ საქმროებს და ასევე სრულდებოდა რიტუალები სიმდიდრის, იღბლისა და კარგი ჯანმრთელობის მოსაზიდად.პოპულარული რწმენის თანახმად, სანუკვარი სურვილის ასრულების რიტუალს განსაკუთრებული ძალა აქვს. ჩვეულებრივია მისი ჩატარება 22 მაისს დილით ადრე ან გვიან ღამით - ჩუმად და სრულ მარტოობაშია საჭირო, ისე, რომ არაფერი უშლიდეს ხელს მთავარ საკითხზე კონცენტრირებას.რიტუალისთვის დაგჭირდებათ ცვილის, საეკლესიო 40 სანთელი და წმინდა ნიკოლოზის ხატი. სანთლები წინასწარ მოთავსებულია კონტეინერში, რომელშიც ქვიშაა ჩაყრილი, ხოლო ცენტრში ხატია მოთავსებული. ოთახი ბნელი უნდა იყოს - მხოლოდ მოციმციმე ცეცხლი და სიჩუმე.სანთლების ანთებისას, თქვენ უნდა გაამახვილოთ ყურადღება ერთ, თქვენს ყველაზე სანუკვარ სურვილზე. ეს გონებრივად უნდა წარმოიდგინოთ, თითქოს ის უკვე შესრულებულია. ამ მომენტში წმინდა ნიკოლოზისადმი ლოცვა წაიკითხოთ, გულწრფელი თხოვნით დახმარებისა და სასწაულის შესახებ.რიტუალი სრულდება მაშინ, როდესაც ყველა 40 სანთელი მთლიანად დაიწვება. ამის შემდეგ, ხატი ფრთხილად უნდა მოთავსდეს ბალიშის ქვეშ და იქ 40 დღის განმავლობაში შეინახოს. ითვლება, რომ სწორედ ამ პერიოდში შეასრულებს წმინდა ნიკოლოზი თხოვნას, თუ ის ნაკარნახევი იყო სუფთა გულიდან და კეთილი ზრახვებით.

ისტორიები • 20 მაი 16:10

დედაქალაქი • 30 აპრ 19:14

წყალი 30 საათით შეწყდება - ნახეთ, ქუჩების ჩამონათვალი

„ჯორჯიან უოთერ ენდ ფაუერი“ წყალმომარაგების შეზღუდვაზე ინფორმაციას ავრცელებს და მოსახლეობას აფრთხილებს.„1 მაისს, ჯორჯიან უოთერ ენდ ფაუერი ჩუღურეთის რაიონში, წინამძღვრიშვილის ქუჩა N60-ის მიმდებარედ წყალმომარაგების სტაბილურობის მიზნით, მაგისტრალურ ქსელზე აუცილებელ სამუშაოებს ჩაატარებს.სამუშაოების ფარგლებში, წინამძღვრიშვილის ქუჩაზე მაგისტრალური მილსადენის მოძველებული და ამორტიზებული მონაკვეთი შეიცვლება და ახალი ჩამკეტ-მარეგულირებელი ურდული მოეწყობა.კომპანიის ტექნიკური ჯგუფები, მოსახლეობისთვის ნაკლები დისკომფორტის შექმნის მიზნით, სამუშაოებს 1 მაისს ღამის საათებში დაიწყებენ და ინტენსიურ რეჟიმში შეასრულებენ.აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, 1 მაისს, ღამის 00:30 საათიდან 2 მაისის დილის 07:00 საათამდე წყალმომარაგება შეეზღუდება:ჩუღურეთის რაიონში:წინამძღვრიშვილის ქ. N1-73 (კენტებს) N 2-90 (ლუწებს), ჯავახიშვილის ქ. N1-63 (კენტებს), N 2-80 (ლუწებს), აღმაშენებლის გამზირი N 1-83 (კენტებს), N2-86 (ლუწებს), დოდო აბაშიძის, რომის, კიევის, ზაქარია ქურდიანის, ზაქარია ქურდიანის 1,2,3 ჩიხები, ტოლსტოის, გოგიბერიძის, ტყვიავის, ტყვიავის შესახვევს, ჩიქობავას N1-15 (კენტებს), N2-12 (ლუწებს), გორკის N 1-11 (კენტებს), N 2-24 (ლუწებს), ციმაკურიძის, ნინო ჩხეიძის, თოიძის N 25-39 (კენტებს), N 30-54 (ლუწებს), თოიძის შესახვევს, კუმისი N 1,3,2,4, ელენე ახვლედიანის ხევს (ახლანდელი თამარ სხირტლაძე), სანთლის შესახვევს, სულიაშვილის (ახლანდელი გურამ საღარაძე), დოქის შესახვევს, ჭოროხის (ახლანდელი ანზორ ერქომაიშვილი), წმინდა ნიკოლოზი N 2,4,1,3,5, სუნდუკიანს (ახლანდელი თამაზ გამყრელიძე), სუნდუკიანის შესახვევს (ახლანდელი კუკური ჭოხონელიძე), კოლაუ ნადირაძის, დიმიტრი უზნაძის N 1-65 (კენტებს), N 2-14 (ლუწებს), მარჯანიშვილის N 5 (გამომცემლობა), ხეთაგუროვის, დიდხევის დაღმართს, ზაარბრიუკენის მოედანს, ჯავახიშვილის მოედანს, კოტე და სოსო წერეთლების (ყოფილი კოლხეთის), კიტა აბაშიძის N 1,3,2,4, მაზნიაშვილის N 1-33 (კენტებს), N 2-18 (ლუწებს) ქუჩებს. მთაწმინდის რაიონი, ზვიად გამსახურდიას სანაპიროს (მარჯვენა სანაპირო); ხიდის; იტალიას; გიორგი ათონელის N 1-29 (კენტებს), N 2-20 (ლუწებს); ვახტანგ ორბელიანის ქ. შესახვევით; ფურცელაძის N 26-36 (ლუწებს), N23-31 (კენტებს); ვლადიმერ ვეკუას ქუჩებს. კრწანისის რაიონი, მტკვრის; გოგჩას; ნიკო სულხანიშვილის; ბარათაშვილის ქ. N 2-14 (ლუწებს); N 1-21 (კენტებს);, ჯოვანი სკუდიერის; დაჩი უჯარმელის; იოანე შავთელის; იოანე შავთელის დაღმართი, შესახვევი; ვერცხლის ქუჩას, ჩიხებით და შესახვევებით; შოთა ნიშნიანიძის ქუჩა, შესახვევით; ზურაბ დოიჯაშვილის; ილია და ნინო ნაკაშიძეების ქუჩა, შესახვევებით; კახი კავსაძის; იეთიმ გურჯის; ალექსანდრე ჩიკვაიძის; ალექსანდრე დიუმას; პუშკინის ქ. N 19-25 (კენტებს); კალისტრატე ცინცაძის, ოქრომჭედლების ქუჩას, შესახვევით; კოტე აფხაზის N 25-55 (კენტებს), N 16-44 (ლუწებს); ჩახრუხაძის ქუჩას შესახვევებით; შოთა ყავლაშვილის; ერეკლე II მოედანს, ერეკლე II ქუჩას შესახვევის და ჩიხებს; ანტ.კათალიკოსის ქ. N 26-36 (ლუწებს), N 15-19 (კენტებს); ტყავის 1 და 2 ჩიხებს; სიონის; შარდენის; რკინის რიგის; ბამბის რიგის; ანთიმოზ ივერიელის გასასვლელს; გია გულუას; საბატონოს ქუჩას ჩიხებით; ცოლიკაურის ქუჩას შესახვევებით; დიდი ხეივნის ქუჩას შესახვევებით; ბადაგის ქუჩას ჩიხებით; ირაკლი ჟორდანიას ქუჩას შესახვევებით; დიმიტრი გულიას ქუჩას ჩიხებით; უსახელაურის, გიორგი ნიკოლაძის; გორგასლის ქ. N 81-115 (კენტებს); N 30-42 (ლუწებს); გორგასლის მე-3 ჩიხის; გიორგი გურამიშვილის ქ. N 8-12 (ლუწებს); შალვა დავითაშვილის და ვლადიმერ წითლანაძის ქუჩებს, ასი ათასი მოწამის სანაპიროს.ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის“, - ნათქვამია ინფორმაციაში.

პოლიტიკა • 29 აპრ 6:41

ირაკლი ზარქუამ, ნოდარ ტურძელაძემ და ვლადიმერ კონსტანტინიდიმ თესალონიკში ქართულ დიასპორასთან შეხვედრა გამართეს

საქართველოს პარლამენტის დიასპორისა და კავკასიის საკითხთა კომიტეტის თავმჯდომარემ ირაკლი ზარქუამ, კომიტეტის წევრმა ნოდარ ტურძელაძემ და საგარეო საქმეთა მინისტრის მოადგილემ ვლადიმერ კონსტანტინიდიმ თესალონიკის ქართული სამრევლოს წმინდა ნიკოლოზის ტაძარში ქართულ დიასპორასთან შეხვედრა გამართეს.ირაკლი ზარქუამ დიასპორის წარმომადგენლებს დიასპორისა და კავკასიის საკითხთა კომიტეტის მიერ განხორციელებული პროექტებისა და სამომავლო გეგმების შესახებ ინფორმაცია მიაწოდა. მან აგრეთვე ყურადღება გაამახვილა ქართულ სახელმწიფოსა და უცხოეთში მცხოვრებ თანამემამულეებს შორის კომუნიკაციის მნიშვნელობასა და აუცილებლობაზე.თავის მხრივ, ვლადიმერ კონსტანტინიდიმ ქართულ დიასპორას საქართველოს საგარეო საქმეთა სამინისტროს დიასპორის დეპარტამენტის მიერ გაწეული საქმიანობა გააცნო.დიასპორის წარმომადგენლებმა საკანონმდებლო და აღმასრულებელი ხელისუფლების წევრებისგან ინფორმაცია მიიღეს როგორც მათ საზღვარგარეთ ყოფნის ხელშეწყობის, აგრეთვე საქართველოში დაბრუნების შემთხვევაში, რეინტეგრაციის პროცესთან დაკავშირებით.შეხვედრას ესწრებოდნენ თესალონიკში საქართველოს გენერალური კონსული გელა ჯაფარიძე და პროტოპრესვიტერი მამა გიორგი (მათურელი).ირაკლი ზარქუა, ნოდარ ტურძელაძე და ვლადიმერ კონსტანტინიდი ასევე ეწვივნენ ათონის მთას, სადაც სასულიერო პირებთან შეხვედრა გამართეს.

საზოგადოება • 27 აპრ 18:38

ცნობილია ახალგაზრდა კაცის ვინაობა, რომელმაც 16 ეკლესია გაძარცვა - სერიული მძარცველი ეკლესიაში დააკავეს

უჯარმაში, ავალიშვილების საყდრის სახელით ცნობილი ტაძარი ახლა წმინდა ნიკოლოზის სახელობისაა. 1755 წელს აგებული სალოცავი სერიული მძარცველის პირველი სამიზნე გახდა. ახალგაზრდა მამაკაცმა, წინასააღდგომო დღეებში, ჯერ ტაძრის კარი, შემდეგ კი შესაწირი ყუთი გატეხა და მორწმუნეების მიერ გაღებული თანხა მთლიანად გაიტაცა.სოფელი უჯარმა დანაშაულის ერთადერთი ადგილი არ ყოფილა. "კურიერი P.S.-მა" გაარკვია, რომ კახეთის ოთხ მუნიციპალიტეტში 34 წლის მამაკაცმა, ერთდროულად, 16 ტაძარი გაქურდა. არა იპარო! - ეს ერთ-ერთია ათი მცნებიდან, რომელიც თითქმის ყველა ტაძარშია გამოკრული, თუმცა, როგორც ჩანს, სერიული მძარცველი დანაშაულის დროს ვერც ამ შეგონებამ დააბრკოლა.გომბორი, ახაშენი, მუკუზანი, ძირკოკი, კარდენახი, ანაგა, ვაქირი - ეს იმ სოფლების არასრული ჩამონათვალია, სადაც მძარცველმა სალოცავებში განთავსებული შესაწირი ყუთები დააცარიელა. წაღებულია ფული, ჯვრები, სხვადასხვა საეკლესიო ნივთი და ბიბლია."კურიერი P.S.-მა" გაარკვია დამნაშავის ვინაობა. ის გორში მცხოვრები კობა კობერიძეა, რომელიც უკვე დაკავებულია. ექსკლუზიურად მოვიპოვეთ ბრალდებულის ჩვენებაც, სადაც ის დანაშაულის ყველა ეპიზოდს აღიარებს.ბრალდებულის ადვოკატმა საქმეზე საუბარი არ ისურვა, პროკურორი კი ადასტურებს, რომ კობა კობერიძე, ტაძრების გაქურდვის მიზნით, კახეთში წინასწარი განზრახვით ჩავიდა და ოთხ მუნიციპალიტეტში არაერთი სალოცავი გაქურდა. ჩხრეკისას ამოღებულია როგორც თანხა, ისე საეკლესიო ნივთები.ბრალდებულის ოჯახი გამოძიების ვერსიას ეჭვქვეშ აყენებს. "კურიერი P.S.-მა" კობა კობერიძის დედას გორში, საცხოვრებელ მისამართზე ჩააკითხა. მშობელი გვიდასტურებს, რომ მისი შვილი, ქურდობის ბრალდებით, წარსულშიც ორჯერ იყო გასამართლებული.სიღნაღის მუნიციპალიტეტის სოფელ ვაქირში მდებარე იოანე ნათლისმცემლის ტაძარი სერიული მძარცველის ბოლო გაჩერებაა. აქ ეკლესიის ქურდობა კობა კობერიძისთვის წარუმატებლად დასრულდა - პოლიციამ მას დანაშაულის ადგილზე მიასწრო და ხელბორკილები პირდაპირ ტაძრის ტერიტორიაზე დაადო.ეკლესიების ქურდობის 16 ეპიზოდში მხილებული კობა კობერიძე უკვე პენიტენციურ დაწესებულებაშია. მას 7 წლამდე პატიმრობა ემუქრება, გამოძიება კი ტაძრებისთვის მიყენებულ ზარალს ითვლის.ვრცლად ↓

დედაქალაქი • 24 აპრ 18:06

ხვალ შუქი გაითიშება - „თელასი“ ქუჩების ჩამონათვალს აქვეყნებს

სხვადასხვა სამუშაოების ჩატარების გამო 25 აპრილს ელექტრომომარაგება დროებით შეიზღუდება, - ინფორმაციას და ქუჩების ჩამონათვალს „თელასი“ ავრცელებს.კომპანიის ცნობით, შეზღუდვა შეეხება შემდეგ ქუჩებს:დიდუბის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: სანაპირო კოსმონავტების, აკაკი წერეთლის გამზირის (ნაწილობრივ), სამტრედიის, წყალტუბოს, ბაღის, წმინდა ნიკოლოზის, მირცხულავას, აგლაძის და გუდაუთის ქუჩების მოსახლეობას. გადაუდებელი სამუშაოების გამო 11:00 საათიდან 16:00 საათამდე შეზღუდვა შეეხება: აკაკი წერეთლის გამზირის (ნაწილობრივ), აგლაძის და სამტრედიის ქუჩების მოსახლეობას.სამგორის რაიონიგადაუდებელი სამუშაოების გამო 13:00 საათიდან 18:00 საათამდე შეზღუდვა შეეხება: კახეთის გზატკეცილის (ნაწილობრივ), ბაღდავაძის, ნაკადულის, ლორთქიფანიძის, თავკვერის და მამისაშვილის ქუჩების მოსახლეობას.საბურთალოს რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: პეტრიწის ქუჩის მოსახლეობას.ჩუღურეთის რაიონიგადაუდებელი სამუშაოების გამო 13:00 საათიდან 18:00 საათამდე შეზღუდვა შეეხება: თამარ მეფის გამზირის (ნაწილობრივ), სადგურის და თევდორე მღვდლის ქუჩების მოსახლეობას.კრწანისის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: გორგასალის, კრწანისის და ჩხეიძის ქუჩების მოსახლეობას.ვაკის და მთაწმინდის რაიონებიქსელში გადართვების გამო 01:00 საათიდან 04:00 საათამდე შეზღუდვა შეეხება: რუსთაველის გამზირის (ნაწილობრივ), ილია ჭავჭავაძის გამზირის (ნაწილობრივ), მიტროფანე ლაღიძის, ჩიტაძის, ძმები ზუბალაშვილების, ზურაბ ჟვანიას, ბესიკის, გრიბოედოვის, ალექსანდრე ჭავჭავაძის, ჭიაურელის, თუმანიშვილის, ანანურის, შარაშიძის, ნიკოლაძის, მღვიმელის, როდენის, კოსტავას, ღამბაშიძის, ანჯაფარიძის, პეტრიაშვილის, ბაშალეიშვილის, იმედაშვილის, შენგელიას, ზემო ვაკის, რჩეულიშვილის, თერგის, ბარნოვის, გალის, კეკელიძის, ჩხეიძის, ლარსის, უმიკაშვილის, ქუჩიშვილის, ატენის, არეშიძის, ჭოველიძის, კერესელიძის, ზანდუკელის, ერისთავი-ხოშტარიას, გოგებაშვილის, ბელინსკის, გუნიას, შატბერაშვილის, ქობულეთის, მარაბდის და შროშის ქუჩების მოსახლეობას. კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

საზოგადოება • 31 მარ 18:56

საპატრიარქოს უწყებანი სამწუხარო ინფორმაციას ავრცელებს

საპატრიარქოს უწყებანი სქემმონაზონი ელისაბედის გარდაცვალების შესახებ სამწუხარო ინფორმაციას ავრცელებს.„ამა წლის 30 მარტს 104 წლის ასაკში გარდაიცვალა ქარელის წმინდა ნიკოლოზის სახელობის დედათა მონასტრის წევრი, სქემმონაზონი ელისაბედი (ქაშაკაშვილი).სქემმონაზონი ელისაბედი დაიკრძალება ხვალ, 1-ელ აპრილს ამავე მონასტრის ეზოში.მწუხარებას გამოვთქვამთ სქემმონაზონ ელისაბედის გარდაცვალების გამო და თანავუგრძნობთ ურბნისისა და რუისის ეპარქიას, მონასტრის წევრებსა და განსვენებულის ოჯახს.უფალმა სავანესა მართალთასა დაამკვიდროს მისი უკვდავი სული. გთხოვთ, ლოცვებში მოიხსენიოთ ახლად შესვენებული სქემმონაზონი ელისაბედი“, - ნათქვამია სამძიმრის წერილში.