ყირიმის

ზურაბ ქადაგიძე: დასავლური კომპანიები რუსულ ბაზარზე დასაბრუნებლად ემზადებიანო - ასე გადაინაწილეს უკრაინა და წარმოიდგინეთ, ჩვენ რას გვიზამდნენ

„ხალხის ძალის“ წევრი ზურაბ ქადაგიძე The Financial Times-ის მიერ გამოქვეყნებულ ინფორმაციას, რომლის მიხედვითაც, დასავლური კომპანიები რუსულ ბაზარზე დასაბრუნებლად ემზადებიან, სოციალურ ქსელში ეხმაურება.ზურაბ ქადაგიძის თქმით, კიდევ ერთხელ ცხადი ხდება, რომ უკრაინა სხვადასხვა ძალის ინტერესებს ემსხვერპლა.„კრება დარჩა მხიარული“:24 საათში შტატები მიიღებს სასარგებლო წიაღისეულზე აბსოლუტურ წვდომას;ამავდროულად, დასავლური კომპანიები რუსულ ბაზარს უბრუნდებიან;ევროპა, როგორც ყოველთვის, ბებერი კურტიზანივით დანებდება, რომ ახალი გეოპოლიტიკური ვითარებით მიიღოს სიამოვნება;რუსეთი ჯერ ყირიმის აღიარებას ეცდება და შემდეგ, დანარჩენი ოკუპირებული ოლქებისას - ომამდელი სამხედრო ბიუჯეტი გააორმაგა და სამხედრო მრეწველობა გაასამმაგა...ვინ დარჩა გაწეწილ-გაგლეჯილი?სამწუხაროდ, მხოლოდ უკრაინა!P.S. არაფერი პირადული, მხოლოდ ბიზნესი!ასე გადაინაწილეს უკრაინა და ახლა, წარმოიდგინეთ, ჩვენ რას გვიზამდნენ, ქართველი უსამშობლოებისთვის რომ დაგვეჯერებინა და დასავლეთის ძირგამომპალი, ლიბერალური თამაშის წესები მიგვეღო“, - წერს ზურაბ ქადაგიძე.

ომი უკრაინაში • 1745909356

რუსეთის თავდაცვის სამინისტროში აცხადებენ, რომ გასულ ღამეს 40 უკრაინული უპილოტო საფრენი აპარატი ჩამოაგდეს

რუსეთის თავდაცვის სამინისტროს განცხადებით, გასულ ღამეს 40 უკრაინული უპილოტო საფრენი აპარატი ჩამოაგდეს.უწყების მონაცემებით, ყველაზე მეტი – 11 დრონი რიაზანის ოლქის თავზე განადგურეს. ასევე რვა დრონი ნიჟეგოროდის ოლქის თავზე ჩამოაგდეს, შვიდი კი – ორლოვის.ოთხ-ოთხი დრონი გაანადგურეს ოკუპირებული ყირიმისა და შავი ზღვის აკვატორიის თავზე. რუსულმა თავდაცვის სისტემებმა დრონები ჩამოაგდეს მოსკოვის, ბელგოროდის, კალუგისა და ბრიანსკის ოლქებშიც.რუსეთის თავდაცვის უწყების ინფორმაციით, ორშაბათის საღამოს შემდეგ სულ ჩამოგდებულია 91 უკრაინული დრონი, აქედან 40 – კურსკის ოლქში.

მსოფლიო • 1745812591

დონალდ ტრამპი ვოლოდიმირ ზელენსკისთან ვატიკანში გამართულ შეხვედრაზე - ვხედავ, უფრო დამშვიდებულია, ვფიქრობ, გარიგების დადება სურს

აშშ-ის პრეზიდენტის, დონალდ ტრამპის განცხადებით, უკრაინის ლიდერი ვოლოდიმირ ზელენსკი უფრო დამშვიდებულია და უფრო მეტად დაინტერესებულია ომის დასრულების შესახებ შეთანხმების მიღწევით.„ვხედავ, უფრო დამშვიდებულია. ვფიქრობ, სურათს ხვდება და ვფიქრობ, გარიგების დადება სურს“, - აღნიშნა ტრამპმა, როდესაც კომენტარი გააკეთა უკრაინის პრეზიდენტ ვოლოდიმირ ზელენსკისთან ვატიკანში გამართულ შეხვედრის შესახებ.მისი თქმით, შეხვედრაზე მოკლედ განიხილეს ყირიმის საკითხი. კითხვაზე, ფიქრობს თუ არა, რომ პრეზიდენტი ზელენსკი მზადაა, ყირიმი დათმოს ტრამპმა უპასუხა : „ვფიქრობ, კი“.ამასთან, დონალდ ტრამპმა მოუწოდა რუსეთის პრეზიდენტ ვლადიმერ პუტინს, „შეწყვიტოს სროლა, დაჯდეს და ხელი მოაწეროს შეთანხმებას“.მისი თქმით, ვოლოდიმირ ზელენსკისთან შეხვედრა მშვენიერი შეხვედრა იყო.„მშვენიერი შეხვედრა იყო. გეტყვით, რომ ეს იყო ყველაზე მშვენიერი ოფისი, რაც კი ოდესმე მინახავს“, - აღნიშნა ტრამპმა.

ომი უკრაინაში • 1745584808

The Telegraph: უკრაინამ აშშ-ს საკუთარი ხუთპუნქტიანი სამშვიდობო გეგმა გადასცა

უკრაინამ ლონდონში 23 აპრილს გამართული მოლაპარაკებების დროს აშშ-ს საკუთარი ხუთპუნქტიანი სამშვიდობო გეგმა გადასცა. ინფორმაციას The Telegraph-ი ავრცელებს.გეგმის საკვანძო საკითხს ყირიმის ნახევარკუნძული წარმოადგენს. „ყირიმი არის მთავარი ქვაკუთხედი. მასზე რუსეთის კონტროლის აღიარება საერთაშორისო სამართლის ცენტრალურ პრინციპს დაარღვევს - არცერთ ქვეყანას სხვა ქვეყნის ტერიტორიის ანექსია არ შეუძლია - და დაარღვევს უკრაინის კონსტიტუციას, რომელიც ამბობს, რომ ტერიტორიის დაბრუნება მხოლოდ რეფერენდუმით არის შესაძლებელი“, - წერია სტატიაში.როგორც სტატიის ავტორები აღნიშნავენ, საკუთარი მოთხოვნების დაყენებით უკრაინა იმედოვნებს, რომ რუსეთის სუვერენიტეტს ყირიმსა და სხვა ოკუპირებულ ტერიტორიებზე ფაქტობრივად დაბლოკავს.უკრაინის მოთხოვნების პირველ და მეორე პუნქტებში აქცენტი იმაზე კეთდება, რომ სამშვიდობო შეთანხმება საერთაშორისო სამართალს და არა კაპიტულაციას უნდა ეყრდნობოდეს. დოკუმენტში ცალკე საუბარი ეთმობა ჩინეთის შესაძლო შეჭრა ტაივანში.უკრაინა აგრეთვე ითხოვს უსაფრთხოების მკაფიო გარანტიებს. დოკუმენტის მესამე პუნქტში საუბარია იმაზე, რომ უკრაინა სამშვიდობო პროცესის ცენტრში უნდა დაბრუნდეს. მეოთხე პუნქტი აშშ-ს და ნატოს აფრთხილებს, რომ ყირიმზე რუსეთის მიერ კონტროლის შენარჩუნება საფრთხეს უქმნის არა მხოლოდ უკრაინას, არამედ შავი ზღვის სხვა ქვეყნებს - თურქეთს, რუმინეთსა და ბულგარეთს.მეხუთე და უკანასკნელი პუნქტი მიუთითებს იმაზე, რომ რუსეთს არ უნდა მიეცეს საშუალება უკრაინას შეიარაღებული ძალების რიცხოვნობასა და სამხედრო-სამრეწველო ბაზაზე კონტროლი დაუწესოს.

მსოფლიო • 1745582969

ტრამპი: ყირიმი რუსეთს დარჩება

აშშ-ის პრეზიდენტმა, დონალდ ტრამპმა ჟურნალ Time-თან ინტერვიუში განაცხადა, რომ ყირიმის ნახევარკუნძული რუსეთის შემადგენლობაში დარჩება.„ყირიმი რუსეთს დარჩება“, - თქვა თეთრი სახლის ლიდერმა.ცნობისთვის, რამდენიმე დღის წინ მედიაში გავრცელდა ინფორმაცია, რომ ტრამპის ადმინისტრაცია უკრაინას სამშვიდობო მოლაპარაკებების ფარგლებში ყირიმის რუსეთის შემადგენლობაში აღიარება შესთავაზა, რაზეც უკრაინულმა მხარემ კატეგორიული უარი განაცხადა.

მსოფლიო • 1745559271

“თქვენ წარმოდგენაც არ გაქვთ, რა დიდ ზეწოლას ვახორციელებ რუსეთზე. ვფიქრობ, მას სურს შეთანხმების მიღწევა, მაგრამ ტანგოს ცეკვას ორი ადამიანი სჭირდება" - ტრამპი

ამერიკის შეერთებული შტატების 47-ე პრეზიდენტი აცხადებს, რომ ახალი ადმინისტრაცია რუსეთის ფედერაციაზე დიდ ზეწოლას ახორციელებს, მიზანი, უკრაინაში ომის დასრულებაა.დონალდ ტრამპმა კიდევ ერთხელ აღნიშნა, რომ ყირიმი უკრაინამ ჯერ კიდევ 2014 წელს დაკარგა, როდესაც ამერიკის პრეზიდენტი იყო ბარაკ ობამა.მისი განმარტებით, კიევმა მოსკოვს ეს ტერიტორია უბრძოლველად გადასცა, ამიტომ ახლა მისი დაბრუნება რთული იქნება.შეგახსენებთ, ამ განცხადებამდე, ამერიკული მედიის ინფორმაციით, ცნობილი გახდა ხანგრძლივი მშვიდობის სანაცვლოდ კიევისთვის შეთავაზებული წინადადება, ყირიმის ნახევარკუნძულის რუსეთის ტერიტორიად აღიარების შესახებ, რამაც ომში მყოფი ქვეყნის პრეზიდენტის კრიტიკა გამოიწვია."თქვენ წარმოდგენაც არ გაქვთ, რა დიდ ზეწოლას ვახორციელებ რუსეთზე. რუსეთმა იცის ეს. ვფიქრობ, მას სურს შეთანხმების მიღწევა. ჩვენ ვნახავთ ამას ძალიან მალე, მაგრამ ტანგოს ცეკვას ორი ადამიანი სჭირდება. რუსეთის მხრიდან ომის შეჩერება მთელი ქვეყნის აღების შეჩერება, ეს საკმაოდ დიდი დათმობაა. მჯერა, რომ მათ სურთ შეთანხმების მიღწევა.როდესაც გვეკითხებიან უნდა დათმოს თუ არა უკრაინამ რაღაც ტერიტორია მშვიდობის სანაცვლოდ, ეს იმაზეა დამოკიდებული, რა ტერიტორიაზეა საუბარი.ჩვენ ყველაფერს შეძლებისდაგვარად საუკეთესოდ გავაკეთებთ, უკრაინასთან ერთად ვიმუშავებთ, მაგრამ მათ უკვე ბევრი ტერიტორია დაკარგეს. როდესაც თქვენ ამბობთ ყირიმს, ყირიმი რუსეთს გადასცა პრეზიდენტმა სახელად ბარაკ ობამამ. ეს იყო 11 წლის წინ, ამას ჩემთან კავშირი არ აქვს, მათ მიიღეს გადაწყვეტილება, არ ყოფილა ბრძოლა, უბრალოდ გადასცეს. ახლა ამბობენ, რომ შეიძლება დაიბრუნონ? ვფიქრობ, ყირიმის დაბრუნება ძალიან რთული იქნება", - განაცხადა დონალდ ტრამპმა.

პოლიტიკა • 1745557373

FT: ნატოს გენერალური მდივანი შეერთებულ შტატებს სთხოვს, უკრაინა არ აიძულოს, რომ მიიღოს არახელსაყრელი სამშვიდობო შეთანხმება

The Financial Times-ი ანონიმურ წყაროებზე დაყრდნობით იუწყება, რომ ნატოს გენერალური მდივანი შეერთებულ შტატებს სთხოვს, უკრაინა არ აიძულოს, მიიღოს არახელსაყრელი სამშვიდობო შეთანხმება. გამოცემა წერს, რომ მარკ რუტე, რომელიც ვაშინგტონში იმყოფება, აშშ-ის თავდაცვის მდივანს, პიტ ჰეგსეტს, სახელმწიფო მდივანს, მარკო რუბიოს და ეროვნული უსაფრთხოების საკითხებში ტრამპის მრჩეველს, მაიკლ უოლცს შეხვდება. The Financial Times-ის ცნობით, უკრაინას თუ თავს მოახვევენ „სამშვიდობო რეგულირებას“, რომელიც, უპირველეს ყოვლისა მოსკოვს აწყობს, მაშინ მთელი ევროპის უსაფრთხოება აღმოჩნდება საფრთხის ქვეშ.ამასთან, ბრიტანული გამოცემა იუწყება, რომ ტრამპის წინადადება, რომელიც რუსეთის მიერ ყირიმის ანექსიის აღიარებას ეხება, შესაძლოა, ვაშინგტონსა და ევროპელ მოკავშირეებს შორის უთანხმოების მიზეზი გახდეს. The Financial Times-ის ცნობით, არ არის გამორიცხული, ამის გამო ჩაიშალოს ნატოს სამიტი, რომელიც ჰააგაში 24-25 ივნისს არის დაგეგმილი.

მსოფლიო • 1745525538

ყირიმი რუსეთს გადასცა პრეზიდენტმა ბარაკ ობამამ, ვფიქრობ, ყირიმის დაბრუნება ძალიან რთული იქნება - დონალდ ტრამპი

ყირიმი რუსეთს გადასცა პრეზიდენტმა სახელად ბარაკ ჰუსეინ ობამამ, ვფიქრობ, ყირიმის დაბრუნება ძალიან რთული იქნება, – ამის შესახებ აშშ-ის პრეზიდენტმა, დონალდ ტრამპმა ოვალურ ოფისში, ნორვეგიის პრემიერ-მინისტრთან, იონას გაჰრ სტიორესთან შეხვედრისას განაცხადა ჟურნალისტის კითხვაზე – „ჯერ კიდევ თვლით, რომ უკრაინამ რაღაც ტერიტორიაზე უნდა თქვას უარი, რომ მშვიდობა მიიღოს“.„დიახ, ეს იმაზეა დამოკიდებული, რა ტერიტორიაზეა საუბარი. ჩვენ ყველაფერს საუკეთესოდ გავაკეთებთ, რაც შეგვიძლია, უკრაინასთან ერთად ვიმუშავებთ, მაგრამ მათ უკვე ბევრი ტერიტორია დაკარგეს. როდესაც თქვენ ამბობთ ყირიმს, ყირიმი რუსეთს გადასცა პრეზიდენტმა სახელად ბარაკ ჰუსეინ ობამამ. ეს იყო 11 წლის წინ, ამას ჩემთან კავშირი არ აქვს, მათ მიიღეს გადაწყვეტილება, არ ყოფილა ბრძოლა, უბრალოდ გადასცეს. ახლა ამბობენ, შეიძლება დავიბრუნოთ? ვფიქრობ, ყირიმის დაბრუნება ძალიან რთული იქნება“,- განაცხადა ტრამპმა.

მსოფლიო • 1745513880

NATO-ს გენერალური მდივანი აშშ-ს სთხოვს, არ აიძულონ უკრაინას არახელსაყრელი სამშვიდობო შეთანხმების მიღება - „ფაინენშალ თაიმსი“

NATO-ს გენერალური მდივანი აშშ-ს სთხოვს, არ აიძულონ უკრაინას არახელსაყრელი სამშვიდობო შეთანხმების მიღება. ამის შესახებ „ფაინენშალ თაიმსი“ ანონიმურ წყაროებზე დაყრდნობით ავრცელებს ინფორმაციას.გამოცემა წერს, რომ მარკ რუტე, რომელიც ვაშინგტონში იმყოფება, აშშ-ის თავდაცვის მდივანს, პიტ ჰეგსეტს, სახელმწიფო მდივანს, მარკო რუბიოს და ეროვნული უსაფრთხოების საკითხებში ტრამპის მრჩეველს, მაიკლ უოლცს შეხვდება.„ფაინენშალ თაიმსის“ ცნობით, რუტე აპირებს, დაარწმუნოს ტრამპის ადმინისტრაციის წევრები, რომ სამშვიდობო შეთანხმების მიღება დაუშვებელია უკრაინის ინტერესების გათვალისწინების გარეშე და, ასეთ შემთხვევაში, ეს მხოლოდ გააძლიერებს რუსეთს.„ფაინენშალ თაიმსი“ წერს, რომ უკრაინას თუ თავს მოახვევენ „სამშვიდობო დარეგულირებას“, რომელიც, უპირველეს ყოვლისა, მოსკოვს აწყობს, მაშინ მთელი ევროპის უსაფრთხოება აღმოჩნდება საფრთხის ქვეშ.ამასთან, ბრიტანული გამოცემა იუწყება, რომ ტრამპის წინადადება, რომელიც რუსეთის მიერ ყირიმის ანექსიის აღიარებას ეხება, შესაძლოა, ვაშინგტონსა და მის ევროპელ მოკავშირეებს შორის უთანხმოების მიზეზი გახდეს. „ფაინენშალ თაიმსის“ ცნობით, არაა გამორიცხული, ამის გამო ჩაიშალოს NATO-ს სამიტი, რომელიც ჰააგაში 24-25 ივნისს არის დაგეგმილი.

ომი უკრაინაში • 1745509953

მაკრონი: ახლა ყირიმის სტატუსის განხილვის დრო არ არის

საფრანგეთის პრეზიდენტი, ემანუელ მაკრონი დარწმუნებულია, რომ ახლა რუსეთის მიერ ოკუპირებული ყირიმის სტატუსის განხილვის დრო არ არის.მანამდე აშშ-ის პრეზიდენტმა, დონალდ ტრამპმა განაცხადა, რომ ყირიმი მრავალი წლის წინ დაიკარგა, ხოლო ზელენსკის სიტყვები ზიანს აყენებს სამშვიდობო მოლაპარაკებებს.„დონალდ ტრამპი დე ფაქტო სიტუაციას აღწერს. ნიშნავს ეს იმას, რომ რუსეთს მოქმედების თავისუფლება უნდა მივცეთ? არა. ყირიმის სტატუსის საკითხი დროული არ არის და ჩვენ არ უნდა გადავწყვიტოთ ის“, - აღნიშნა საფრანგეთის პრეზიდენტმა.

მსოფლიო • 1745498044

კრემლი ყირიმის შესახებ ტრამპის განცხადებით კმაყოფილია

კრემლში განაცხადეს, რომ ყირიმის შესახებ აშშ-ის პრეზიდენტ დონალდ ტრამპის განცხადება სრულად შეესაბამება რუსეთის „გაგებას“.რუსეთის სახელმწიფო სააგენტო „ტასის“ ცნობით, ტრამპის განცხადების შესახებ ჟურნალისტებმა მოსკოვში დღეს, 24 აპრილს გამართულ ბრიფინგზე ჰკითხეს პრეზიდენტ პუტინის პრესმდივან დმიტრი პესკოვს.„ეს სრულად კორესპონდირებულია ჩვენს გაგებასთან და იმასთან, რასაც უკვე დიდი ხანია ვამბობთ“, - იყო პესკოვის პასუხი.აშშ-ის პრეზიდენტმა დონალდ ტრამპმა 23 აპრილს განაცხადა, რომ უკრაინამ ყირიმი რუსეთს უბრძოლველად გადასცა 11 წლის წინ, ზელენსკი არ უნდა ტრაბახობდეს, რომ უკრაინა ყირიმის ოკუპაციას იურიდიულად არ აღიარებს და მას შეუძლია ჰქონდეს მშვიდობა ან იომოს კიდევ სამი წლის განმავლობაში ქვეყნის მთლიანად დაკარგვამდე.დასავლეთის მედიასაშუალებების ინფორმაციით, უკრაინაში ომის დასასრულებლად ტრამპის ადმინისტრაციის მიერ მომზადებული სამშვიდობო გეგმის ერთ-ერთი პუნქტი ითვალისწინებს 2014 წლიდან ანექსირებული ყირიმის რუსეთის ტერიტორიად აღიარებას აშშ-ის მხრიდან.პრეზიდენტი ვოლოდიმირ ზელენსკი აცხადებს, რომ უკრაინის ტერიტორიების ოკუპაციას იურიდიულად არასდროს აღიარებენ და ეს ქვეყნის კონსტიტუციითაა განსაზღვრული.

მსოფლიო • 1745471345

CNN: ევროპაში ფიქრობენ, რომ ტრამპს უკრაინაში ცეცხლის შეწყვეტის მიღწევა მისი პრეზიდენტობის 100 დღისთვის სურს

რამდენიმე ევროპელი ჩინოვნიკის განცხადებით, აშშ-ის პრეზიდენტს, დონალდ ტრამპს უკრაინაში ცეცხლის შეწყვეტის მიღწევა მისი პრეზიდენტობის 100 დღისთვის სურს. ინფორმაციას CNN-ი ავრცელებს.როგორც ამერიკულ ტელეარხს ერთ-ერთმა ევროპელმა განუცხადა, აშშ-ის სამშვიდობო ინიციატივაში კონკრეტული ჯერ არაფერია დაფიქსირებული, თუმცა ამერიკელების სულისკვეთება მიუთითებს იმაზე, რომ მათ ტრამპის პრეზიდენტობის 100 დღისთვის ცეცხლის შეწყვეტა სურთ.ტრამპის პრეზიდენტობის 100 დღეს 1 მაისს სრულდება.რაც შეეხება ყირიმის სტატუსს, ევროპელების განცხადებით, მისი წარმოდგენა სხვაგვარად, ამჟამინდელი მდგომარეობისგან განსხვავებით, რთულია. „ეს ნამდვილად უქმნის სირთულეს ზელენსკის“, - დასძინა მან.