პოლიტიკა • 1777490240

გიორგი კალანდარიშვილი: გვესმის ბრალდებები არჩევნების შესაძლო მანიპულაციასთან დაკავშირებით, თუმცა ვერც საერთაშორისო დონეზე ვერ მოვისმინეთ ისეთი მტკიცებულება, რომელიც რაიმენაირად დაადასტურებდა რომელიმე ბრალდების არსებობას

ჩვენ დისკუსიისა და დებატების ფარგლებში, ფაქტობრივად, დავფარეთ ყველა ის მნიშვნელოვანი საკითხი, რომელთან დაკავშირებითაც არსებობდა რაიმე წუხილები, თუ კითხვის ნიშნები, - განუცხადა „ქრონიკას“ პარიზში, ცესკოს თავმჯდომარემ, გიორგი კალანდარიშვილმა, რომელიც ევროსაბჭოს საპარლამენტო ასამბლეისა და ვენეციის კომისიის წარმომადგენლებთან ერთად გამართულ დებატებში მონაწილეობდა.კალანდარიშვილმა დისკუსიაში საქართველოს ცენტრალური საარჩევნო კომისიის მიერ გაჟღერებულ საკითხებზე ისაუბრა.„ჩვენ ვისაუბრეთ იმ გამოწვევებზე, როგორიც არის, მაგალითად, მიკერძოებული და პოლიტიკურად მოტივირებული დაკვირვების შემთხვევები. როგორიც არის ე.წ. ფეიკ დაკვირვების შემთხვევები, რომელსაც ეუთო არაერთ ანგარიშში აღნიშნავს კიდეც. ვისაუბრეთ იმ განვითარების გზებზე, რომელიც ჩვენი ინსტიტუციის კომპეტენციის ფარგლებში შეიძლება არსებობდეს.რა თქმა უნდა, საუბარი გვქონდა, 2024 წლის არჩევნების ჭრილში სხვადასხვა გარემოებასთან დაკავშირებით და ჩვენ დისკუსიისა და დებატების ფარგლებში, ფაქტობრივად, დავფარეთ ყველა ის მნიშვნელოვანი საკითხი, რომელთან დაკავშირებითაც არსებობდა რაიმე წუხილები, თუ კითხვის ნიშნები.ბოლო ორი წელია, გვესმის უსაფუძვლო ბრალდებები არჩევნების შესაძლო მანიპულაციასთან დაკავშირებით, თუმცა ვერც ადგილობრივ და ვერც საერთაშორისო დონეზე ჩვენ ვერ ვნახეთ და ვერ მოვისმინეთ ისეთი მტკიცებულება, რომელიც რაიმენაირად დაადასტურებდა, რომელიმე ამ ბრალდების არსებობას“, - აღნიშნა გიორგი კალანდარიშვილმა.

პოლიტიკა • 1777102291

ვახტანგ თოფურია: როდესაც ამ ქვეყნის მტრები ყველაზე მწვავე სასოწარკვეთას მიეცემიან, სწორედ მაშინ ახსენდებათ ბიძინა ივანიშვილის ქველმოქმედების “გაშავება”, მაგრამ კანონზომიერია ისიც, რაც ამ სიბინძურეს მოჰყვა - “ტვ პირველი” მათივე გინების და ქართველი ხალხის რისხვის წაშლას ვერ ასწრებს კომენტარებიდან

როდესაც ამ ქვეყნის მტრები ყველაზე მწვავე სასოწარკვეთას მიეცემიან, სწორედ მაშინ ახსენდებათ ბიძინა ივანიშვილის ქველმოქმედების “გაშავება”, - წერს “ფაქტმონიტორის” ანალიტიკოსი ვახტანგ თოფურია, “ტვ პირველის” მიერ გავრცელებულ ინფორმაციაზე, რომლის მიხედვითაც, “ქველმოქმედებისთვის შექმნილი ფონდიდან ივანიშვილები პროცენტიან სესხებს გასცემენ”.როგორც თოფურია აღნიშნავს, კანონზომიერია ისიც, რაც ბიძინა ივანიშვილსა და მის ოჯახზე გავრცელებულ სიბინძურეს მოჰყვა, ვინაიდან, “ტვ პირველი” ქართველი ხალხის მიერ ტელევიზიის მისამართით გინების და რისხვის წაშლას ვერ ასწრებს კომენტარებიდან. “როდესაც ამ ქვეყნის მტრები ყველაზე მწვავე სასოწარკვეთას მიეცემიან, სწორედ მაშინ ახსენდებათ ბიძინა ივანიშვილის ქველმოქმედების “გაშავება”... წარმოიდგინეთ, რა მდაბიო და ბინძური გონების უნდა იყო, რომ ასეთი ფეიკი მოიგონო. მაგრამ კანონზომიერია ისიც, რაც ამ გაუგონარ სიბინძურეს მოჰყვა - ტვ პირველი სწორედ ამ ტყუილის ქვეშ მათივე გინების და ქართველი ხალხის რისხვის წაშლას ვერ ასწრებენ კომენტარებიდან. გულის ამრევიც აღარაა ამ კანალიზაციის სიცრუე, უბრალოდ როლ/მოდელად უნდა ვასწავლოთ თაობებს, როგორ არ უნდა მტრობდე საკუთარ ქვეყანას,” - წერს ვახტანგ თოფურია სოციალურ ქსელში.

მსოფლიო • 1776698391

ისრაელს არასოდეს ჩავუთრევივარ ირანთან ომში - დონალდ ტრამპი

ამერიკის შეერთებული შტატების პრეზიდენტი სოციალურ ქსელში გამოქვეყნებულ პოსტში, დეზინფორმაციულ კამპანიაზე საუბრობს.პრეზიდენტის განცხადებით, ირანთან ომის მიზეზი ისრაელი არასდროს ყოფილა."ისრაელს არასოდეს ჩავუთრევივარ ირანთან ომში.მთელი ცხოვრებისეულ მოსაზრებას, რომ ირანს არასოდეს უნდა ჰქონდეს ბირთვული იარაღი, 7 ოქტომბრის შედეგები დაემატა.სრული უნდობლობით ვუყურებ და ვკითხულობ "ფეიკ ნიუსების" ექსპერტებსა და გამოკითხვებს. მათი ნათქვამის 90% ტყუილი და გამოგონილი ამბავია, გამოკითხვები კი გაყალბებულია - ზუსტად ისე, როგორც 2020 წლის საპრეზიდენტო არჩევნები გაყალბდა."ტრამპი ირანის მომავალს ახალი მმართველობის პირობებში ხედავს:"თუ ირანის ახალი ლიდერები ჭკვიანები აღმოჩნდებიან, ირანს შეუძლია დიადი და აყვავებული მომავალი ჰქონდეს" - წერს ტრამპი.

მსოფლიო • 1776696981

ტრამპი აცხადებს, რომ ისრაელს იგი ირანთან ომის დაწყებაზე არ დაუყოლიებია

აშშ-ის პრეზიდენტი, დონალდ ტრამპი აცხადებს, რომ ისრაელს იგი ირანთან ომის დაწყებაზე არ დაუყოლიებია.„ისრაელს მე ირანთან ომში არ დავუყოლიებივარ. 7 ოქტომბრის შედეგებმა და ჩემმა მთელი ცხოვრებისეულმა რწმენამ იმის შესახებ, რომ ირანს არასდროს უნდა ჰქონდეს ბირთვული იარაღი, მიმიყვანა აქამდე“, - აღნიშნა აშშ-ის პრეზიდენტმა.„სრული უნდობლობით ვუყურებ და ვკითხულობ „ფეიკ ნიუსის“ ექსპერტებსა და გამოკითხვებს. იმის 90%, რასაც ისინი ამბობენ, სიცრუე და გამოგონილი ამბავია, გამოკითხვები კი ისევეა გაყალბებული, როგორც 2020 წლის საპრეზიდენტო არჩევნები იყო გაყალბებული. ისევე, როგორც ვენესუელის შედეგების შემთხვევაში, რაზეც მედიას საუბარი არ უყვარს, ირანის შედეგებიც გასაოცარი იქნება - და თუ ირანის ახალი ლიდერები (რეჟიმის შეცვლა!) გონიერები იქნებიან, ირანს შეუძლია ჰქონდეს დიდი და აყვავებული მომავალი!“ - დასძინა ტრამპმა. 

მსოფლიო • 1776686595

ილონ მასკი ​საფრანგეთის პროკურატურაში დაკითხვაზე დღეს უნდა გამოცხადდეს

მილიარდერი და პლატფორმა „იქსის“ მფლობელი ილონ მასკი დღეს უნდა გამოცხადდეს საფრანგეთის პროკურატურაში დაკითხვაზე.„როიტერის“ ცნობით, საქმე მასკის პლატფორმებზე ალგორითმების შესაძლო მიკერძოებას ეხება.ამ ეტაპზე უცნობია, დაესწრება თუ არა მასკი დაკითხვას.ამერიკელი მილიარდერი საფრანგეთის პროკურატურaში მას შემდეგ დაიბარეს, რაც თებერვალში პარიზის პროკურატურის კიბერდანაშაულის განყოფილებამ „იქსის“ ოფისში ჩხრეკა ჩაატარა.გამოძიება, რომელიც თავდაპირველად მონაცემებთან დაკავშირებულ თაღლითობას ეხებოდა, მოგვიანებით გაფართოვდა. მას დაემატა ბრალდებები ბავშვთა პორნოგრაფიის გავრცელებაში თანამონაწილეობასა და რეალური ადამიანების გამოსახულებით შიშველი ფეიკ-ფოტოების შექმნაში.ივლისში მასკმა უარყო ბრალდებები და გამოძიებას „პოლიტიკურად მოტივირებული“ უწოდა.

მსოფლიო • 1776441088

ტრამპი ამერიკულ მედიაზე: რატომ არ შეუძლიათ უბრალოდ თქვან საჭირო დროს - „სამუშაო შესანიშნავად შესრულებულია, ბატონო პრეზიდენტო!“ და დაიწყონ საკუთარი რეპუტაციის აღდგენა?

წარუმატებელმა New York Times-მა, „ფეიკ-ნიუს“ CNN-მა და სხვებმა უბრალოდ არ იციან, რა ქნან - ისინი სასოწარკვეთილად ეძებენ მიზეზს, რათა პრეზიდენტი დონალდ ტრამპი ირანის სიტუაციის გამო გააკრიტიკონ, მაგრამ ვერაფერს პოულობენ, - განაცხადა აშშ-ის პრეზიდენტმა, დონალდ ტრამპმა.„რატომ არ შეუძლიათ უბრალოდ თქვან საჭირო დროს - „სამუშაო შესანიშნავად შესრულებულია, ბატონო პრეზიდენტო!“ და დაიწყონ საკუთარი რეპუტაციის აღდგენა?“ - აღნიშნა ტრამპმა. 

პოლიტიკა • 1776410505

დავით ქართველიშვილი: საქართველოს ეკონომიკა სულ უფრო ღრმად ინტეგრირდება დასავლურ ფინანსურ სივრცეში არა დეკლარაციების, არამედ რეალური ფულადი ნაკადების მეშვეობით

„ფულადი გზავნილები აღარ არის მიბმული ერთ გეოგრაფიულ ცენტრზე და განაწილებულია რამდენიმე მიმართულებას შორის, რაც ამცირებს გარე შოკებისადმი მოწყვლადობას,“ - წერს სოციალურ ქსელში „ხალხის ძალის“ წევრი დავით ქართველიშვილი და ფულადი გზავნილების გეოგრაფიის ანალიზს აკეთებს. როგორც ექსპერტი აღნიშნავს, საქართველოსკენ მომართული ფინანსური ნაკადების ბოლო მონაცემები ცხადყოფს, რომ გზავნილებში არ არის დომინანტი ქვეყანა და არეალი გაფართოებულია.დავით ქართველიშვილი იმაზეც აკეთებს აქცენტს, რომ გადარიცხვების მოცულობა ცალსახად ადასტურებს იმას, რომ რადიკალების მიერ გავრცელებული ინფორმაცია, თითქოს ხელისუფლება ზღუდავს ემიგრანტების მიერ სამშობლოში ფულად გზავნილებს, ცილისწამებასა და ცრუ ბრალდებებს წარმოადგენს.„ფულადი გზავნილების ზრდა საქართველოში აღარ არის უბრალოდ სტატისტიკა - ეს არის გარე ფინანსური ნაკადების სტრუქტურის ხარისხობრივი ცვლილების მაჩვენებელი. თითქმის 10%-იანი მატება წლიურად და დაახლოებით 320 მილიონი დოლარი მარტში, განსაკუთრებულ მნიშვნელობას იძენს სწორედ იმ ფონზე, რომ წარსულში დომინანტური წყარო - რუსეთიდან გადმორიცხვები, დღეს ან მნიშვნელოვნად შეზღუდულია, ან დაკარგული აქვს თავისი წინა როლი. სხვა სიტყვებით, ეს ზრდა ჩამოყალიბებულია ტრადიციულად ყველაზე დიდი წყაროს გარეშე, რაც მას არსებითად უფრო მდგრადსა და დივერსიფიცირებულს ხდის.არანაკლებ მნიშვნელოვანია ამ თანხების გეოგრაფია. ძირითადი ნაკადი მოდის ევროკავშირის ქვეყნებიდან და აშშ-დან, სადაც ფინანსური ტრანზაქციები მკაცრად რეგულირდება, ხოლო გადაწყვეტილებები ეფუძნება გრძელვადიან ნდობას. ეს ნიშნავს, რომ საქართველოს ეკონომიკა სულ უფრო ღრმად ინტეგრირდება დასავლურ ფინანსურ სივრცეში არა დეკლარაციების, არამედ რეალური ფულადი ნაკადების მეშვეობით. ფაქტობრივად, ხდება წარსული დამოკიდებულების ჩანაცვლება უფრო ფართო და მდგრადი წყაროებით. მთავარი დასკვნა იმაში მდგომარეობს, რომ საქართველოს ეკონომიკა აჩვენებს არა მხოლოდ ზრდას, არამედ მდგრადობის მოდელის გადატვირთვას.ფულადი გზავნილები აღარ არის მიბმული ერთ გეოგრაფიულ ცენტრზე და განაწილებულია რამდენიმე მიმართულებას შორის, რაც ამცირებს გარე შოკებისადმი მოწყვლადობას. შედეგად, ეს 320 მილიონი დოლარი წარმოადგენს არა მხოლოდ ოჯახების მხარდაჭერას, არამედ მკაფიო სიგნალს, რომ ქვეყანა წარმატებით ადაპტირდება ახალ რეალობასთან, ამყარებს შიდა მოთხოვნას, მცირე ბიზნესს და მთლიან ეკონომიკურ სტაბილურობას.ახლა კი, გავიხსენოთ უსამშობლოთა კლასტერის მიერ წინასაარჩევნოდ (და არა მხოლოდ) გავრცელებული დეზინფორმაცია, რომ საკუთარი საკანონმდებლო ინოვაციებით - მოქმედი ხელისუფლება ყველაფერს აკეთებს, რათა ემიგრანტების მიერ სამშობლოში ფულად გზავნილებს შეზღუდვები დაუწესოს. ამ ცილისწამებას, ფეიკს და შიშებით ვაჭრობას ყველაზე კარგი პასუხი გასცა შარშანდელმა 10%-იანმა ზრდამ, და არა კლებამ, თუ შეზღუდვამ,“ - წერს დავით ქართველიშვილი.

მსოფლიო • 1775916470

"ახლა ჩვენ ვიწყებთ ჰორმუზის სრუტის გაწმენდის პროცესს, რითაც დიდ სამსახურს ვუწევთ მთელ მსოფლიოს" - დონალდ ტრამპი

"ტრამპის აკვიატებით" შეპყრობილნი, დაჟინებით ამტკიცებენ, თითქოს ირანი "იმარჯვებს", მაშინ როცა სინამდვილეში ყველამ იცის - ისინი აგებენ და თანაც დიდი ანგარიშით!" - ამის შესახებ ამერიკის შეერთებული შტატების პრეზიდენტი, დონალდ ტრამპი სოციალურ ქსელში წერს.როგორც ის აღნიშნავს, "ახლა ჩვენ ვიწყებთ ჰორმუზის სრუტის გაწმენდის პროცესს.""ფეიკ ნიუს მედიამ" ნდობა საბოლოოდ დაკარგა - თუმცა, სიმართლე ითქვას, მას ის არც არასდროს ჰქონია. "ტრამპის აკვიატებით" შეპყრობილნი, დაჟინებით ამტკიცებენ, თითქოს ირანი "იმარჯვებს", მაშინ როცა სინამდვილეში ყველამ იცის - ისინი აგებენ და თანაც დიდი ანგარიშით!მათი ფლოტი განადგურებულია, საჰაერო ძალები აღარ არსებობს, საჰაერო თავდაცვის სისტემა პარალიზებულია, რადარები კი - უმოქმედო. რაკეტებისა და დრონების ქარხნები, თავად შეიარაღებასთან ერთად, დიდწილად აღგვილია პირისაგან მიწისა. და რაც ყველაზე მნიშვნელოვანია, მათი მრავალწლიანი "ლიდერები" ცოცხლები აღარ არიან.ერთადერთი, რაც დარჩათ, არის მუქარა, რომ რომელიმე გემი შესაძლოა მათსავე ნაღმს "დაეჯახოს". სხვათა შორის, მათი ნაღმმზიდის ოცდარვავე კატარღაც ზღვის ფსკერზეა. ახლა ჩვენ ვიწყებთ ჰორმუზის სრუტის გაწმენდის პროცესს, რითაც დიდ სამსახურს ვუწევთ მთელ მსოფლიოს, მათ შორის: ჩინეთს, იაპონიას, სამხრეთ კორეას, საფრანგეთს, გერმანიასა და ბევრ სხვას. გასაოცარია, რომ მათ არ ჰყოფნით გამბედაობა ან ნება, ეს საქმე საკუთარი ძალებით შეასრულონ.ძალიან საინტერესოა ისიც, რომ სხვადასხვა ქვეყნის ცარიელი ტანკერები ახლა ამერიკის შეერთებული შტატებისკენ მოემართებიან, რათა ჩვენი ნავთობით დაიტვირთონ.'' - წერს დონალდ ტრამპი.

პოლიტიკა • 1775623785

"გრანტების შესახებ" კანონში მორიგი ცვლილებები შედის - საკითხის განხილვას იურიდიულ საკითხთა კომიტეტი დღეიდან იწყებს

 "გრანტების შესახებ" კანონში მორიგი ცვლილებები შედის. საკითხის დაჩქარებული წესით განხილვას - იურიდიულ საკითხთა კომიტეტი დღეიდან იწყებს.ცვლილება საელჩოებს, საკონსულოებსა და საერთაშორისო ორგანიზაციებს ეხება. პროექტის მიხედვით, გრანტად აღარ ჩაითვლება ის თანხები, რომლებიც უცხო ქვეყნის პოლიტიკურ ინტერესებს ან უშუალოდ დიპლომატიური მისიის საქმიანობას მოხმარდება.მმართველი გუნდის განმარტებით, კანონის მოქმედი რედაქცია ამ ტიპის ურთიერთობებზე ისედაც არ ვრცელდება, თუმცა დაზუსტება მაინც მნიშვნელოვნად ჩაითვალა. საკითხს სესიაზე 17 აპრილს გაიტანენ."დიპლომატიური კორპუსის წარმომადგენლებს, საერთაშორისო ორგანიზაციებს, საკუთარი საქმიანობის განსახორციელებლად არ უწევთ და არც მომავალში არ მოუწევთ საქართველოს მთავრობასთან საკუთარი სახელმწიფოებისგან მიღებული თანხების შეთანხმება. ეს ყველაფერი კეთდება იმისთვის, რომ მავანს არ გასჩენოდა შესაძლებლობა "ფეიკები" გაევრცელებინათ, თითქოს საქართველოს მთავრობა ხელს უშლის დიპლომატიურ კორპუსს თავის საქმიანობის განხორციელებაში," - აცხადებს პარლამენტის იურიდიულ საკითხთა კომიტეტის თავმჯდომარე, არჩილ გორდულაძე.

პოლიტიკა • 1775558206

არჩილ გორდულაძე: საუბრობენ, რომ ქართველი ხალხის წარმომადგენლები არიან, მაგრამ საჯაროობა არ უნდათ, ყველაფერს აკეთებენ, ქვეყანაში მათი პატრონების შავი ფული იყოს შენარჩუნებული, ეს მინიმუმამდე დაგვყავს

ზოგიერთი არასამთავრობო ორგანიზაციის წარმომადგენლისთვის, მაგალითად, ნონა ქურდოვანიძისთვის გაუგებარია, რამდენი სქესი არსებობს, შესაბამისად, ის ვერც კანონის ჩანაწერებს ვერ გაიგებდა, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.მისი თქმით, ატეხილი აჟიოტაჟი ჩვეულებრივი ფეიკნიუსების კამპანიაა.„ატეხილი აჟიოტაჟი ჩვეულებრივი ფეიკნიუსების კამპანიაა, რომელიც იმ ადამიანების მხრიდან არაერთხელ გვინახავს, რომლებიც საკუთარ თანხებს არ ასაჯაროებენ და საზოგადოებას არ ეუბნებიან, ვისგან ფინანსდებიან და რა თანხებს ხარჯავენ. ასეთი ორგანიზაციების და მათი პატრონების ქმედებების გამო არაერთხელ იყო საკანონმდებლო ცვლილებები მიღებული, რაც მიზნად ისახავს ჩვენი ქვეყნის სუვერენიტეტის დაცვას და ამავდროულად ანგარიშვალდებულებას საზოგადოების წინაშე. ხომ საუბრობენ, რომ ქართველი ხალხის წარმომადგენლები არიან, მაგრამ თანხების წარმომავლობის, განხორციელებული ქმედებების და საქმიანობების საჯაროობა არ უნდათ და არ სდებენ პატივს ქართველ ხალხს, რომ ეს ყველაფერი აუხსნან და მოახსენონ. ყველაფერს აკეთებენ, რომ ჩვენს ქვეყანაში პატრონების შავი ფულის ტრიალი როგორმე იყოს შენარჩუნებული. ჩვენ ეს მინიმუმამდე დაგვყავს“, – განაცხადა არჩილ გორდულაძემ.ცნობისთვის, საქართველოს პარლამენტი „გრანტების შესახებ“ კანონში ცვლილებას დაჩქარებული წესით განიხილავს. კანონში შედის ცვლილება, რომლის მიხედვითაც, საქართველოში აკრედიტირებული დიპლომატიური წარმომადგენლობის, საკონსულო დაწესებულებისა და საერთაშორისო ორგანიზაციების მიერ გაცემული კონკრეტული სახის სახსრები გრანტად აღარ მიიჩნევა.

საზოგადოება • 1775116802

თენგიზ შარმანაშვილი მიუსაფარ ცხოველებთან დაკავშირებით აჟიოტაჟზე: ეს იყო მორიგი ფეიკ-კამპანია, ტყუილების კასკადი. უნდოდათ ადამიანის კეთილშობილურ გრძნობებზე ეთამაშათ და ამით ანტისახელისუფლებო განწყობები გამოეწვიათ

ეს იყო მორიგი ფეიკ-კამპანია, ტყუილების კასკადი, - განაცხადა პარლამენტის თავდაცვისა და უსაფრთხოების კომიტეტის თავმჯდომარის პირველმა მოადგილე თენგიზ შარმანაშვილმა მიუსაფარ ცხოველებთან დაკავშირებით რადიკალების მიერ ატეხილ აჟიოტაჟზე, რომ თითქოს კრემატორიუმში ცხოველები დაწვეს.შარმანაშვილის თქმით, უნდოდათ ადამიანის კეთილშობილურ გრძნობებზე ეთამაშათ და ამით ანტისახელისუფლებოგანწყობები გამოეწვიათ.„ახლა ხომ მთელმა საქართველომ დაინახა, ასეთი ტყუილი გაავრცელეს, მაგრამ რა თქმა უნდა, დროზე გაეცა მათ პასუხი“, - აღნიშნა თენგიზ შარმანაშვილმა.

მსოფლიო • 1774557820

ტრამპი: ირანის მთავრობის თხოვნის შესაბამისად, გაცნობებთ, რომ ენერგოობიექტების განადგურების პერიოდს 10 დღით ვაჩერებ - 2026 წლის 6 აპრილამდე

ირანის მთავრობის თხოვნის შესაბამისად, წინამდებარე განცხადებით გაცნობებთ, რომ ენერგოობიექტების განადგურების პერიოდს 10 დღით ვაჩერებ - 2026 წლის 6 აპრილამდე, - განაცხადა აშშ-ის პრეზიდენტმა, დონალდ ტრამპმა.„ირანის მთავრობის თხოვნის შესაბამისად, წინამდებარე განცხადებით გაცნობებთ, რომ ენერგოობიექტების განადგურების პერიოდს 10 დღით ვაჩერებ - 2026 წლის 6 აპრილამდე, ორშაბათს, საღამოს 8 საათამდე (აღმოსავლეთის დროით). მოლაპარაკებები გრძელდება და, „ფეიკ ნიუს“ მედიისა და სხვების საწინააღმდეგო მცდარი განცხადებების მიუხედავად, ის ძალიან კარგად მიმდინარეობს“, - აღნიშნა ტრამპმა.