საფრანგეთში კაცმა საკუთარ სარდაფში ძველი სასაფლაო აღმოაჩინა

რჩევები • 1794946477

„შეტყობინება“ საიქიოდან: თუ გარდაცვლილმა ნათესავმა „მოგწერათ“, შესაძლოა, კიბერთაღლითობის მახეში გაებათ

გარდაცვლილი ახლობლის სახელით ფულის გადარიცხვას გთხოვენ? თაღლითებმა შესაძლოა მისი ანგარიში გატეხონ და ხმაც კი გააყალბონ.გარდაცვლილი ნათესავისგან მიღებული შეტყობინება, რომელშიც ის ფულის გადარიცხვას ითხოვს, შესაძლოა სასტიკი ხუმრობა კი არა, კიბერთაღლითობის მცდელობა იყოს. თაღლითებს შეუძლიათ გარდაცვლილი ადამიანის ანგარიშების გატეხა, ძველი მიმოწერის შესწავლა და მისი გარეგნობისა და ხმის გაყალბებაც კი.იმის შესახებ, როგორ შეიძლება ციფრული მემკვიდრეობა თაღლითობის იარაღად იქცეს და რა უნდა გააკეთონ გარდაცვლილის ახლობლებმა საკუთარი თავის დასაცავად, სოციალური და ტექნიკური ტესტირების სპეციალისტი საუბრობს. ანგარიშის გატეხის შემდეგ თავდამსხმელებს შეუძლიათ გარდაცვლილი ადამიანის სახელით ელექტრონული წერილები და შეტყობინებები გააგზავნონ და მის ნაცნობებს ფულის გადარიცხვა სთხოვონ. ნაცნობი სახელისა და ძველი მიმოწერის ისტორიის გამო, ახლობლებმა შესაძლოა თავიდანვე ვერ იეჭვონ, რომ მათ ატყუებენ.ადამიანის გარდაცვალების შემდეგ მისი სოციალური ქსელების გვერდები, პირადი შეტყობინებები და ხმოვანი ჩანაწერები ხშირად კვლავ ინახება სხვადასხვა პლატფორმაზე.სოციალური ქსელები არააქტიურ პროფილებს ყოველთვის ავტომატურად არ შლიან. დახურულ ანგარიშებშიც კი შეიძლება პირადი ინფორმაცია დარჩეს, ხოლო საჯარო გვერდები სხვა მომხმარებლებისთვის ხელმისაწვდომი იყოს.თუ კიბერდამნაშავეები ასეთი ანგარიშის გატეხას შეძლებენ, მათ გარდაცვლილის სახელით ნათესავებთან და ნაცნობებთან დაკავშირება შეეძლებათ. ამასთან, ძველი მიმოწერა და შეტყობინების გამგზავნის ნაცნობი სახელი ახლობლებს შესაძლოა ხელს უშლიდეს, დროულად ამოიცნონ თაღლითობა.განსაკუთრებულ საფრთხეს წარმოადგენს გარდაცვლილის შემორჩენილი ფოტოები, ვიდეოჩანაწერები და ხმოვანი შეტყობინებები. მათი გამოყენებით შესაძლებელია დიპფეიკების შექმნა, რომლებიც გარდაცვლილი ადამიანის გარეგნობას იმეორებს. მეტყველების სინთეზის ტექნოლოგიების საშუალებით კი დამნაშავეებს მისი ხმის გაყალბებაც შეუძლიათ. ამისთვის ზოგჯერ ორიგინალი აუდიოჩანაწერის მხოლოდ რამდენიმე წუთიც საკმარისია. დამუშავებამდე სპეციალური პროგრამებით შესაძლებელია ჩანაწერიდან ზედმეტი ხმაურის მოცილება.ამასთან, მსგავსი ოპერაციების შესასრულებლად ძვირად ღირებული პროფესიული აპარატურა აუცილებელი აღარ არის — ზოგიერთი ამოცანის გადაჭრა თანამედროვე სახლის კომპიუტერითაც შეიძლება, თუ მას შესაბამისი ვიდეოკარტა აქვს.როგორ უნდა დაიცვან ახლობლებმა გარდაცვლილის ციფრული მემკვიდრეობა?სპეციალისტის თქმით, ამ საკითხზე ზრუნვა გარდაცვალების მოწმობის მიღებიდან ერთი თვის განმავლობაში უნდა დაიწყონ.პირველ რიგში, ოჯახის წევრებმა უნდა გაარკვიონ, რომელ სოციალურ ქსელებსა და მესინჯერებს იყენებდა გარდაცვლილი. ამისთვის, შესაბამისი კანონიერი წვდომის არსებობის შემთხვევაში, შესაძლებელია მისი ტელეფონის შემოწმება ან ინფორმაციის მიღება მეგობრებისა და ნაცნობებისგან.შემდეგ საჭიროა შესაბამისი პლატფორმების მხარდაჭერის სამსახურებთან დაკავშირება და გარკვევა, შესაძლებელია თუ არა ანგარიშის მემორიალურ რეჟიმში გადაყვანა ან მისი სრულად წაშლა.თუ ოჯახი გარდაცვლილის მესინჯერების ანგარიშების შენარჩუნებას გადაწყვეტს, აუცილებელია მათი უსაფრთხოების უზრუნველყოფაც.სპეციალისტი, შესაბამისი წვდომის არსებობის შემთხვევაში, რეკომენდაციას იძლევა, რომ ანგარიშებიდან ყველა აქტიური სესია დასრულდეს, გააქტიურდეს ორფაქტორიანი ავთენტიფიკაცია და შემოწმდეს შენახული გადახდის მეთოდები.თუმცა დაცვა ყველაზე მნიშვნელოვანი საკითხით უნდა დაიწყოს — აუცილებელია იმ SIM-ბარათისა და ელექტრონული ფოსტის უსაფრთხოების უზრუნველყოფა, რომლებთანაც გარდაცვლილის ანგარიშებია დაკავშირებული.სწორედ მათი საშუალებით შეიძლება კიბერდამნაშავეებმა გარდაცვლილი ადამიანის ანგარიშებზე წვდომის აღდგენა სცადონ.

დონალდ ტრამპი

მსოფლიო • 1794378325

ტრამპი: დიდი გამარჯვება ფეიკნიუს „ბიბისის“ წინააღმდეგ, რომელიც სასტიკად ამახინჯებს სიმართლეს, გავაგრძელებთ ბრძოლას და დავამარცხებთ ყველას, ვინც ამერიკელი ხალხის შეცდომაში შეყვანას ცდილობს

აშშ-ის პრეზიდენტი დონალდ ტრამპი „ბიბისის“ წინააღმდეგ სასამართლოს გადაწყვეტილებას ეხმაურება და მას ყალბი ინფორმაციის წინააღმდეგ ბრძოლაში მნიშვნელოვან გამარჯვებას უწოდებს.ტრამპის თქმით, გადაწყვეტილება ფლორიდის სამხრეთ ოლქის ფედერალურმა მოსამართლემ, ჯეფრი ტ. კუნცმა მიიღო.„დიდი გამარჯვება ფეიკნიუს „ბიბისის“ წინააღმდეგ, რომელიც სასტიკად ამახინჯებს სიმართლეს. ფლორიდის სამხრეთ ოლქის პატივცემულმა მოსამართლემ, ჯეფრი კუნცმა მნიშვნელოვანი გადაწყვეტილება გამოიტანა. თავის მკაფიო გადაწყვეტილებაში მოსამართლე კუნცმა დაწერა: „მოცემულ შემთხვევაში, მედიასაშუალებამ თავად შექმნა სიუჟეტი. „ბიბისიმ“ ეს თავადაც აღიარა, როდესაც დაადასტურა ვიდეომასალის ისეთი სახით რედაქტირება, თითქოს პრეზიდენტმა ტრამპმა გააკეთა განცხადება, რომელიც რეალურად არასდროს უთქვამს“. ჩვენ გავაგრძელებთ ბრძოლას და დავამარცხებთ ყველას, ვინც ამერიკელი ხალხის შეცდომაში შეყვანას ცდილობს!“, – წერს ტრამპი.ცნობისთვის, ფლორიდის ფედერალურმა მოსამართლემ დონალდ ტრამპის მიერ „ბიბისის“ წინააღმდეგ შეტანილი სარჩელის განხილვის გაგრძელების გადაწყვეტილება მიიღო.„შეძლებს თუ არა პრეზიდენტი ტრამპი ამ ბრალდებების დამტკიცებას, სასამართლოს შემდგომ ეტაპზე ან საქმის არსებითი განხილვისას გაირკვევა“, – ნათქვამია ფლორიდის სამხრეთ ოლქის ფედერალური მოსამართლის, ჯეფრი კუნცის გადაწყვეტილებაში.

შაკო ჩაჩანიძე

პოლიტიკა • 1792511821

შაკო ჩაჩანიძე პატიმრის გაუპატიურების შესახებ გავრცელებულ ცრუ ინფორმაციაზე: მსგავსი ინიციალების მქონე პატიმარი ლაითურის ციხეში საერთოდ არ იმყოფება. ეს იმ ცრუ კამპანიის გაგრძელებაა, რომელიც დავითაძის ოჯახმა წამოიწყო - იმედია, სახელმწიფო მკაცრად აგებინებს პასუხს ვლადიმერ მენაბდესა და „გურიის მოამბეს“ ამ ცრუ ინფორმაციის გავრცელების გამო!

პროდიუსერი შაკო ჩაჩანიძე, ლაითურის ციხეში პატიმრის გაუპატიურებასთან დაკავშირებით „გურიის მოამბის“ მიერ გავრცელებულ დეზინფორმაციას სოციალურ ქსელში ეხმიანება და იმ ცრუ კამპანიის გაგრძელებას უწოდებს, რაც გიორგი დავითაძის ოჯახმა წამოიწყო.ჩაჩანიძის ინფორმაციით, მსგავსი ინიციალების მქონე პატიმარი ლაითურის ციხეში საერთოდ არ იმყოფება, ხოლო, ამგვარი სიცრუის გავრცელებით, ოპოზიცია ცდილობს, „ქართული ოცნების“ ხელისუფლება „ნაცმოძრაობის“ დროინდელ სისხლიან რეჟიმსა და მწამებლებს როგორმე გაუთანაბროს.ის იმედს გამოთქვამს, რომ სახელმწიფო პასუხს აგებინებს მსგავსი სიცრუის გამავრცელებლებს.,,როგორც გავარკვიე, მსგავსი ინიციალების მქონე პატიმარი ლაითურის ციხეში საერთოდ არ იმყოფება. ეს იმ ცრუ კამპანიის გაგრძელებაა, რომელიც ცოტა ხნის წინ გიორგი დავითაძის ოჯახმა წამოიწყო. გასაგებია, რომ „ნაცების“ მიზანია, „ქართული ოცნების“ ხელისუფლება „ნაცმოძრაობის“ დროინდელ სისხლიან რეჟიმსა და მწამებლებს როგორმე ასეთი ფეიკებით გაუთანაბროს, მაგრამ ამ ცრუ კამპანიის არავის სჯერა, ფაქტები ყოველთვის საპირისპიროზე მეტყველებს!ის, რომ „ქართული ოცნების“ ხელისუფლების ერთ-ერთი მთავარი მონაპოვარი ადამიანის უფლებების დაცვაა, საზოგადოებამაც კარგად იცის!იმედია, სახელმწიფო მკაცრად აგებინებს პასუხს ვლადიმერ მენაბდესა და „გურიის მოამბეს“ ამ ცრუ ინფორმაციის გავრცელების გამო!” - წერს შაკო ჩაჩანიძე. 

რომან კაკულია

პოლიტიკა • 1791901445

რომან კაკულია რუსულ საწვავთან დაკავშირებით ტრამპის გადაწყვეტილებაზე: ეს კიდევ ერთი დადასტურებაა იმ დეკლარირებული მოცემულობის, რომელსაც ჰქვია წესების აღარ არსებობა - სახელმწიფოებს გაცილებით უფრო სიღრმისეული ეკონომიკური პრობლემები აქვთ შიგნით, ვიდრე ამაზე საუბრობენ

საბოლოო ჯამში ეს კიდევ ერთი დადასტურებაა იმ დეკლარირებული მოცემულობის, რომელსაც ჰქვია წესების აღარ არსებობა. რამდენი ხანია, არის საუბარი, რომ ჩვენგვაქვს მსოფლიო, სადაც ინტერესები და ძალა არის მთავარი წარმმართველი და თუ შესაძლებელია, რომ მორალური სახე იყოს შენარჩუნებული, ხომ კარგი, თუ არ არის შესაძლებელი, ამაზე უკვე არავინ ფიქრობს. ძალიან სამწუხაროა, რომ ეს ტენდენცია სულ უფრო და უფრო მაღალ საფეხურზე ადის, ეს იმას ნიშნავს, რომ რისკები ყველა მიმართულებით იზრდება, - განაცხადა გადაცემაში „დღის ქრონიკა“ საზოგადოებრივი მოძრაობა „პოლიტიკური არჩევანის“ დამფუძნებელმა რომან კაკულიამ.მან აღნიშნა, რომ სახელმწიფოებს გაცილებით უფრო სიღრმისეული ეკონომიკური პრობლემები აქვთ შიგნით, ვიდრე ამაზე საუბრობენ.„ევროკავშირის ქვეყნებს გაცილებით მძიმე ეკონომიკური მდგომარეობა ჰქონდათ და კიდევ უფრო მძიმდება ეს მდგომარეობა ამ პროცესებში. არც ამერიკას არ აქვს ახლა საქმე ისე, რომ ამ საწვავის თემასთან დაკავშირებით წინძალიან მძიმე კრიზისები არ ელოდებოდეს. ამას ნიშნავს ეს ყველაფერი. ეს არ არის რაღაც უნიკალური მოვლენა, რომელიც ცალკე უნდა შეფასდეს. ეს არის კიდევ ერთი დადასტურება იმის, რომ სამწუხაროდ, ურთიერთშეთანხმებული წესები აღარ არსებობს. ამ წესებისთვის გვერდის ავლა ადრეც ხდებოდა, მაგრამ სურვილი მაინც არსებობდა, რომ რაღაც მორალურ ჩარჩოში შეფუთულიყო, მაგრამ ეს სულ უფროდა უფრო მეორეხარისხოვანი ხდება.ჩვენ აქედან ის გაკვეთილი უნდა გამოვიტანოთ, რომ თუ ამერიკისთვის, ევროკავშირისთვის, ყველასათვის როდესაც საკუთარი ქვეყნის ინტერესები არის მნიშვნელოვანი, ისინი თვითონ იღებენ გადაწყვეტილებებს, ჩვენ არავინ უნდა დაგვიშალოს, რომ როგორც ჩვენ ვხედავთ, ისე მივიღოთ გადაწყვეტილება. თან, თუ მოსახლეობის უმრავლესობა ასე თვლის, და მე მგონია, რომ ასე თვლი, როგორც ხელისუფლებაპოზიციონირებსგარეთ მიმდინარე მოვლენებთან მიმართებაში, ეს არის ჩვენი არჩევანი“, - განაცხადა რომან კაკულიამ.როგორც ცნობილია, ამერიკის შეერთებული შტატების პრეზიდეტნმა 12 ოქტორმბერს განაცხადა: „ევროკავშირმა რუსეთს ენერგომატარებლებში 250 მილიარდი დოლარი გადაუხადა, „ფეიკ ნიუს“ მედიას კი ამ ამბავთან მიკარებაც არ სურს. მე მივიღე სწორი გადაწყვეტილება ამერიკელი ხალხისთვის, ყოველთვის, პირველ რიგში ამერიკა დგას!“გასულ კვირაში კი დონალდ ტრამპმა გასულ კვირაში თქვა, ვლადიმერ პუტინთან სატელეფონო საუბისას შეთანხმდა, რომ „რუსეთი დაუყოვნებლივ მიაწვდის ამერიკულ და გლობალურ ბაზარს 300 000 ტონაზე მეტ დიზელის საწვავს, კიდევ 500 000 ტონას ნოემბრის განმავლობაში, ხოლო ამის შემდეგ - 1 000 000 ტონას."

ტრამპი

მსოფლიო • 1791822598

დონალდ ტრამპი: ევროკავშირმა რუსეთს ენერგომატარებლებში 250 მილიარდი დოლარი გადაუხადა, „ფეიკ ნიუს“ მედიას კი ამ ამბავთან მიკარებაც არ სურს - მე მივიღე სწორი გადაწყვეტილება ამერიკელი ხალხისთვის, ყოველთვის, პირველ ადგილზე ამერიკა დგას

აშშ-ის პრეზიდენტმა, დონალდ ტრამპმა განაცხადა, რომ ევროპის ქვეყნებმა რუსული ენერგორესურსების შესყიდვით მოსკოვს ასობით მილიარდი დოლარი გადაუხადეს, ხოლო წამყვანი მედიასაშუალებები ამ თემას გვერდს უვლიან.„ევროკავშირმა რუსეთს ენერგომატარებლებში 250 მილიარდი დოლარი გადაუხადა, „ფეიკ ნიუს“ მედიას კი ამ ამბავთან მიკარებაც არ სურს. მე მივიღე სწორი გადაწყვეტილება ამერიკელი ხალხისთვის, ყოველთვის, პირველ რიგში ამერიკა დგას!“ - დაწერა ტრამპმა.

ნანა კაკაბაძე

პოლიტიკა • 1791289208

ნანა კაკაბაძე: ტყუილს მოკლე ფეხები აქვს - ეს ანდაზა კარგად გამოხატავს ოპოზიციის მდგომარეობას, რამდენჯერ სცადეს "ფეიკ" ინფორმაციებით საპროტესტო ტალღის აგორება, მაგრამ იმითაც კმაყოფილები იყვნენ, რომ რამდენიმედღიანი კაკაფონია მათ მრევლს გულს მოფხანდა

ბოლო დღეებში განსაკუთრებით დიდი და ინტენსიური შეტევა დაიწყო პენიტენციურ სისტემაზე, რათა საზოგადოებისთვის და მსოფლიოსთვის ეჩვენებინათ, რომ ამ სისტემაში დღესაც ისეთივე (ან უარესი) სასტიკი და არაადამიანური პირობებია, რაც ნაცების დროს იყო. ოპოების მიერ ამოქოქილი რამდენიმედღიანი პიარ კამპანია დღეისათვის უკვე ზენიტშია, მათი პროპაგანდისტული ტელევიზიები დაუღალავად ცდილობენ დაამტკიცონ, რომ ამ სისტემაში დღეს პატიმრებს აწამებენ, აუპატიურებენ, შეურაცხყოფენ და ა. შ., - წერს არასამთავრობო ორგანიზაცია "მოძრაობა ნეიტრალიტეტის" დამფუძნებელი, ნანა კაკაბაძე, სოციალურ ქსელში.მისი განცხადებით, ქართული ანდაზა - "ტყუილს მოკლე ფეხები აქვს", ყველაზე კარგად შეესაბამება ოპოზიციის მდგომარეობას, რომელიც ტყუილებით ცდილობს საპროტესტო ტალღის აგორებას, თუმცა, ხშირად თავადვე ვარდება ტრაგიკომიკურ სიტუაციაში.კაკაბაძე მიიჩნევს, რომ პატიმარ გიორგი დავითაძის ირგვლივ განვითარებული მოვლენები დაწერილი სცენარია, რომლის მიხედვით, “გაუპატიურებული” პატიმრისთვის სოლიდარობა უნდა გამოეცხადებინებით შიგნით პატიმრებს და გარეთ - ოპოზიციონერებს, თუმცა, ამ მცდელობებმა მასობრივი ხასიათი ვერ მიიღო და საზოგადოება ვერ დააჯერეს, რომ ციხეებში პატიმრებს აწამებენ, აუპატიურებენ, კლავენ ან თვითმკვლელობამდე მიყავთ. ამის მიზეზად უფლებადამცველი მიიჩნევს იმ გარემოებას, რომ მიმდინარე კამპანია სიცრუეზეა დაფუძნებული."ტყუილს მოკლე ფეხები აქვს - ეს ქართული ანდაზა ყველაზე კარგად გამოხატავს ჩვენი გაჭირვებული ოპოზიციის მდგომარეობას. რამდენჯერ სცადეს ამ გაჭირვებულებულებმა, რომ ფეიკ ინფორმაციების საფუძველზე საპროტესტო ტალღა აეგორებინათ, ზოგჯერ იმდენად ძლიერი იყო ხელისუფლების დემონიზების სურვილი, რომ თვითონ ვარდებოდნენ ფეიკ ნიუსების გავრცელებიდან რამდენიმე დღეში ტრაგიკომიკურ სიტუაციაში, მაგრამ იმითაც კმაყოფილები იყვნენ, რომ ტყუილზე დამყარებული რამდენიმედღიანი კაკაფონია მათ მრევლს გულს იმდენად მოფხანდა, რომ მორიგ ფეიკამდე ყოფნიდათ ამ დაბოღმილი და გაბოროტებული გულების საფხანად. ფხანა კიდევ, დიდი ილიასი არ იყოს, ქეცმა იცის და ცხოვრობენ ასე ჩვენი გაქეციანებული ოპო პოლიტიკოსები, ოპო მედიები და ოპო აქტივისტები “უწყვეტად”, აგერ უკვე თითქმის 700 დღეა.ალბათ გახსოვთ, არქიფო სეთურის მიერ ქუთაისიდან ჩამოყვანილი გვირაბების ოსტატის ბატონის ფორიას მიერ გვირაბის თხრა იმ ჭის საწინააღმდეგო მიმართულებით, რომელშიც კაკოია თაბაგარმა ქონდრისკაცი ზებო ჩასვა და “უწყვეტად” გვირაბის მთხრელები დაარწმუნა, რომ გვირაბი აუცილებლად მივიდოდა ჭამდე, მერე ეს ზებო ჩამოკრავდა ზარს, რაც იმის ნიშანი იქნებოდა, რომ ბედნიერი ცხოვრება დაიწყებოდა.ჩვენი “უწყვეტი მებრძოლები” ამ გვირაბის მთხრელებს დაემსგავსნენ, ხოლო იმათ, ვისაც იმედი და მოთმინება გამოელია, ვისაც ქეციანობა აღარ უნდა, ან გვირაბის არასწორი მიმართულება დაინახა და შეწყვიტა გვირაბის “უწყვეტი” თხრა, მით უმეტეს, ვინც ციხიდან გათავისუფლების მიზნით დანაშაული აღიარა, თავისუფლებაში მყოფი “უწყვეტი მებრძოლები” მწარედ აბულინგებენ - როგორ გაბედეთ და ზებოს ზარის ჩამოკვრას აღარ ელოდებითო.ბოლო დღეებში განსაკუთრებით დიდი და ინტენსიური შეტევა დაიწყო პენიტენციურ სისტემაზე, რათა საზოგადოებისთვის და მსოფლიოსთვის ეჩვენებინათ, რომ ამ სისტემაში დღესაც ისეთივე (ან უარესი) სასტიკი და არაადამიანური პირობებია, რაც ნაცების დროს იყო. ოპოების მიერ ამოქოქილი რამდენიმედღიანი პიარ კამპანია დღეისათვის უკვე ზენიტშია, მათი პროპაგანდისტული ტელევიზიები დაუღალავად ცდილობენ დაამტკიცონ, რომ ამ სისტემაში დღეს პატიმრებს აწამებენ, აუპატიურებენ, შეურაცხყოფენ და ა. შ.ე.წ. გაუპატიურების მტკიცებულებად თვითონ პენიტენციური სისტემის მიერ გავრცელებული კადრები მოყავთ და დეტალურად არჩევენ, რომელმა ბადრაგმა მოახდინა წინააღმდეგობის გამწევი და მაგინებელი პატიმრის მიმართ თითით გაუპატიურება. ერთნი ამბობენ, რომ ეს იყო ის ბადრაგი, რომელსაც საკუთარი თითი ცხვირთან მიაქვს და სუნავსო, ხოლო მეორენი ამტკიცებენ, არა, ის ბადრაგი იყო, რომელსაც რეზინის ხელთათმანი ეცვაო. მართალია, ვერც იმას ხსნიან, ჩაცმულ შარვალში რანაირად მოხდა გაუპატიურება (რადგან კადრებში უწყვეტად ჩანს, რომ ამ პატიმარს შარვალი აცვია, მის გახდას არავინ ცდილობს) და ვერც იმას, ამ ფაქტიდან 9 თვის შემდეგ რატომ გაახმაურეს ეს ამბავი ან აქამდე რას ელოდებოდნენ.დაწერილი სცენარის მიხედვით, “გაუპატიურებული” პატიმრისთვის სოლიდარობა უნდა გამოეცხადებინებით შიგნით პატიმრებს და გარეთ ოპოებს.სავარაუდოდ უცხოეთიდან სოლიდარობის გამოხატულებასაც მალე ვნახავთ (როგორც ეს მოხდა 4 ოქტომბრის “დამხობის” წინ და შემდეგ).თითქმის ერთი კვერაა ოპო ტელევიზიები მაქსიმალურად არიან ჩართულები თემის “აგორებაში”, ამით იწყება და მთავრდება მათი ყველა საინფორმაციო გამოშვება, დღის თემის განხილვისას დღე და ღამე ტელევიზიაში სხედან პატიმრის ოჯახის წევრები, დამცველები, ოპო ენჯეოები, ოპო ადვოკატები და ოპო პოლიტიკოსები, მაგრამ ჰოი საოცრებავ! ვერა და ვერ მიიღო ამ მცდელობებმა მასობრივი ხასიათი. ვერა და ვერ დააჯერეს საზოგადოება, რომ ციხეებში პატიმრებს აწამებენ, აუპატიურებენ, კლავენ ან თვითმკვლელობამდე მიყავთ და ა. შ. ამის მიზეზი ძალიან მარტივია, რომლის დანახვაც არ უნდათ ჩვენს წელში გაწყვეტილ “უწყვეტ” ოპოებს. კერძოდ:თითქმის 13 ათასი პატიმარი დღეს საკუთარ მდგომარეობას ადარებს იმას, რასაც ეს ფეიკ ოპო ტელევიზიები ავრცელებენ, ისინი მათ გვერდით მყოფ ან სხვა დაწესებულებებიდან მათთან გადაყვანილ სხვა პატიმრებსაც ესაუბრებიან ყოველდღიურად, მათ შორის ისეთებიც არიან, ვისაც 2004-2012 წლებშიც მოუწიათ ციხეებში ჯდომა და ხედავენ, რომ დღეს სისტემაში არსებული მდგომარეობა ისეთია, რომ თვითოეულ მათგანს ბადრაგები ეპყრობიან ადამიანურად, არ ულახავენ ღირსებას, სისტემატური კავშირი აქვთ, ოჯახის წევრებთან როგორც პაემნებით, ასევე სატელეფონო კომუნიკაციებით, საკნებში შეუზღუდავად აქვთ ტელე, რადიო, გამათბობელი და გამაგრილებელი, აგრეთვე პირადი ჰიგიენის დაცვის საშუალებები, საერთო საკვები ნორმალურია და სურვილის შემთხვევაში, შეუძლიათ დამატებით შეიძინონ სხვა საკვები და საყოფაცხოვრებო ნივთები. აღარაფერს ვამბობთ იმაზე, რომ ეს ყველაფერი საერთოდ აკრძალული იყო ნაცების დროინდელ ციხეებში.რაც შეეხება დამრღვევი პატიმრების დასჯის მეთოდებს, რასაც კანონი თვალისწინებს. თუ პატიმარი დააღვევს ციხის შინაგანაწესს, აგინებს, ემუქრება ან სცემს სხვა პატიმარს ან ციხის თანამშრომელს, ბუნებრივია, რომ მის მიმართ გამოიყენება კანონით გათვალისწინებული იძულების ღონისძიებები, მათ შორის ფიზიკური ზემოქმედების ადეკვატური ზომები, რასაც ჰქვია პატიმრის იზოლირება, შებოჭვა, იძულებითი ჩხრეკის ჩატარება, ხელბორკილების დადება და გარკვეული პერიოდით კარცერში თუ დეესკალაციის საკანში გადაყვანა. ის ლანძღვა-გინება და თანამშრომლებზე ფიზიკური ძალადობა, რაც ჩვენ პენიტენციური დეპარტამენტის მიერ გავრცელებულ ზოგიერთ კადრებში ვიხილეთ, ვერანაირად ვერ გასაღდება პატიმრებზე ძალადობად, რადგან ბადრაგზე თავდასხმა პირდაპირ სისხლის სამართლის მძიმე დანაშაულია და მაგალითად, ამერიკის ციხეებში ასეთი პატიმრების მიმართ არა შებოჭვა და იზოლირება, არამედ შეიძლება პირდაპირ ტყვიებიც გამოიყენონ. აღარაფერს ვამბობთ იმასთან შედარებაზე, თუ რისთვის და როგორ ისჯებოდა ციხეებში პატიმარი 2004-2012 წლებში.რაც შეეხება თემის აგორების მიზნით ერთ-ერთი “სინდისის თუ პოლიტ” პატიმრის მიერ გავრცელებულ ინფორმაციას, რომ მის საკანთან პატიმარი სცემეს, რომ ესმოდა ჩხუბის და ცემის ხმა, რომ ვიღაცეებმა ვენები გადაიჭრეს, პატიმრების გარკვეულმა ნაწილმა შიმშილობა დაიწყო “გაუპატიურებულისადმი” სოლიდარობის ნიშნად და ა. შ. ეს ყველაფერი ტყუილ-მართალის ერთმანეთში არევის და სასურველის რეალობად წარმოჩენის მცდელობას ჰგავს და არც ის არის გამორიცხული, რომ მას საკანში მართლაც გაეგო ჩხუბის ხმა, როდესაც ბადრაგი აკავებდა იმ ორ პატიმარს, რომლებმაც მათზე თავდასხმა განახორციელეს და რომლის კადრებიც ყველამ ვიხილეთ.პენიტენციური დეპარტამენტი კი ამაზე აცხადებს: „კატეგორიულად უარვყოფთ მის მიერ გავრცელებულ ინფორმაციას, არანაირი ვენების გადაჭრა, შიმშილობა და ა.შ. სრული სიცრუეა მის პოსტში მოყვანილი ფაქტები და დაწესებულებაში სრული სიმშვიდეა“.რომ დავუბრუნდეთ “გაუპატიურების” კადრებს, სახალხო დამცველის მიერ შესწავლისა და ამის უარყოფის გარდა, ნებისმიერი ობიექტური ადამიანი დაეთანხმება მის ასეთ დასკვნას. ერთ-ერთ ასეთ ობიექტურ შეფასებად გვეჩვენება აქტივისტ კახა წიქარიშვილის შეფასება, რომელსაც ვერავინ დააბრალებს ხელისუფლების მხარდაჭერას. იგი ამბობს:„დავუშვათ, აქ თუ გაუპატიურება იქნებოდა, ეს ადამიანები [ბადრაგები], რასაკვირველია, შეეცდებოდნენ კამერისგან დაფარვას, რომ კამერაში ეს არ გამოჩენილიყო და მაღალი ალბათობით, კამერისკენ მაინც გაექცეოდათ თვალი. როდესაც ადამიანთა ჯგუფი რაღაცას აკეთებს არაკანონიერს და იციან, მათ კამერა უყურებს, რაღაც მომენტი ადამიანური მომენტია, რომ კამერისკენ თვალი გაექცევა, რომ კამერას ხომ კარგად ვფარავ და რამე ხომ არ მრჩება ისეთი, რაც კამერის დაფარვის გარეშეა. ეს გაუპატიურების საწინააღმდეგოდ მეტყველებს. არცერთი მათგანი პირდაპირ კამერისკენ არ იყურება. თუ ესენი აღიქვამენ, რომ ხდება პატიმრის ხელით გაუპატიურება და თან ცდილობენ, რომ კამერა დაფარონ, მაშინ ლოგიკური იქნება, რომ რომელიმე მათგანს კამერისკენ თვალი გაექცეს, რომ ხომ კარგად ვფარავ და კამერაში ხომ არაფერი ჩანს. ასეთ მომენტი უნდა ყოფილიყო“.და ბოლოს: არავინ წარმოიდგინოს, ჩვენ იმას ვამტკიცებდეთ, რომ თითქოს პენიტენციურ სისტემაში ყველაფერი იდეალურადაა და იქ პრობლემები არ არსებობს. მართალია, აღარ არის ისეთი სიტუაცია, რომ 6-8 ადგილიან საკნებში 50-60 პატიმარი იჯდეს, მაგრამ პატიმართა დიდი რაოდენობა მაინც მტკივნეული პრობლემაა დღევანდელი ციხეებისთვის, რაც თავისთავად იწვევს პრობლემებს როგორც სამედიცინო მოსახურების დროულ და ხარისხიან მომსახურებაში, ასევე სისუფთავის და ჰიგიენის პირობების დაცვაში. ამაზე აუცილებლად უნდა იზრუნოს ხელისუფლებამ მკაცრი საკანონმდებლო და პრაქტიკაში ასახული პოლიტიკის (როდესაც ბრალდებულების აბსოლუტური უმრავლესობის მიმართ არ გამოიყენება გირაო) შეცვლის და მსჯავრდებულებისათვის შეღავათების უფრო ფართოდ გამოყენების (ამნისტიის თუ ვადამდე პირობით გათავისუფლების მექანიზმის გამოყენების) გზით," - წერს ნანა კაკაბაძე სოციალურ ქსელში.

ცოტნე ანანიძე

პოლიტიკა • 1791102111

ცოტნე ანანიძე ოპოზიციაზე: მანდატები მიატოვეს, მხარდამჭერებიც მიატოვეს 4 ოქტომბრის ძალადობრივ ფეიკ-რევოლუციაზე, ამ „დამტოვებლების“ აკრძალვას მალე თავად მათი ამომრჩეველი მოითხოვს

 აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, 2025 წლის 4 ოქტომბრის რევოლუციის მცდელობას, სოციალურ ქსელში ეხმიანება და აცხადებს, რომ ოპოზიციამ მანდატებთან ერთად, მხარდამჭერებიც მიატოვა „ფეიკ“ რევოლუციაზე. მისივე თქმით, მალე თავად ოპოზიციის ამომრჩეველი მოითხოვს მათ აკრძალვას.„მანდატები მიატოვეს, მხარდამჭერებიც მიატოვეს 4 ოქტომბრის ძალადობრივ ფეიკ-რევოლუციაზე. ამ „დამტოვებლების“ აკრძალვას მალე თავად მათი ამომრჩეველი მოითხოვს,“ - წერს ანანიძე.        

რომის პაპი ლეო XIV

მსოფლიო • 1790662558

რომის პაპმა განაცხადა, რომ შეშფოთება ხელოვნური ინტელექტის კონტროლიდან გამოსვლის შესახებ „ფეიკ ნიუსი“ არ არის და მას სერიოზულად უნდა მოეპყრონ

რომის პაპმა ლეომ განაცხადა, რომ შეშფოთება ხელოვნური ინტელექტის კონტროლიდან გამოსვლის შესახებ „ფეიკ ნიუსი“ არ არის და მას სერიოზულად უნდა მოეპყრონ. მან ხაზგასმით აღნიშნა, რომ AI-ის ექსპერტთა მიერ წამოჭრილი უსაფრთხოების რისკები განხილვასა და დაუყოვნებლივ რეაგირებას საჭიროებს.„ეს ის პრობლემაა, რომელზეც, ვფიქრობ, უნდა დავსხდეთ და ვისაუბროთ“, - განუცხადა რომის პაპმა ჟურნალისტებს.„ჩვენ არ შეგვიძლია, უბრალოდ გულხელდაკრეფილნი ვიხსდეთ და თავი მოვიკატუნოთ, თითქოს არაფერი მოხდება“, - განაცხადა მან.„რომ მკითხოთ, პანიკაში ვარ თუ არა - არა, არ ვარ, ღამით მშვიდად მძინავს. თუმცა ნამდვილად მიმაჩნია, რომ ხელოვნური ინტელექტის სფეროს ექსპერტებისა და სპეციალისტების წუხილი სერიოზულად უნდა მივიღოთ. არ მგონია, ეს „ფეიკ ნიუსი“ იყოს, როგორც ამას ზოგიერთი ამბობს - ფინანსური თუ სხვა გამორჩენის მიზნით“, - დასძინა რომის პაპმა.

ირაკლი ზარქუა

პოლიტიკა • 1790268772

ირაკლი ზარქუა გიორგი ჩუბინიძეზე: გერმანიაში იმალება და იქიდან მავნებლობს ეს ქალაჩუნა რადიკალი, ჩემზე მორიგი სიყალბე და აბსურდული განცხადება გაუვრცელებია!

საპარლამენტო უმრავლესობის წევრი, ირაკლი ზარქუა, მის შესახებ გავრცელებულ ცრუ ინფორმაციას სოციალურ ქსელში ეხმიანება. როგორც ზარქუა აღნიშნავს, ოპოზიციის აქტივისტმა გიორგი ჩუბინიძემ, მისი სახელით აბსურდული განცხადება გაავრცელა, რითაც “თავის ბაბლს ატყუებს და აგიჟებს”. “ეს ე.წ. “ხაშურის მუნიციპალიტეტის” ადმინი, რომელიც გერმანიაში იმალება და იქიდან მავნებლობს ეს ქალაჩუნა რადიკალი! ჩემზე მორიგი სიყალბე და აბსურდული განცხადება გაუვრცელებია! ნუ კოლექტიურ ნაცებს სხვა რა უნდიდათ და დაიჯერეს და მლანძღავენ და მწყევლიან თურმე. არადა ამ მავნებელმა რადიკალმა ფეიკი გაავრცელა და ამით თავის ბაბლს ატყუებს და აგიჟებს!” - წერს ირაკლი ზარქუა Facebook-ზე.

ტრამპი

მსოფლიო • 1789819533

თავისუფალი პრესის აკრძალვა, არა? მე ისინი ჩემს ოფისში არ მინდა - დონალდ ტრამპი კონკრეტულ მედიასაშუალებებზე

ამერიკის შეერთებული შტატების პრეზიდენტმა დონალდ ტრამპმა განაცხადა, რომ თეთრ სახლში კონკრეტული მედიასაშუალებების წარმომადგენელთა არდაშვება სრულებით მარტივი გადაწყვეტილებაა.ჟურნალისტების კითხვის საპასუხოდ, ტრამპმა აღნიშნა, რომ მას უბრალოდ არ სურს აღნიშნული ჟურნალისტების ხილვა თავის ოფისში. მისი თქმით, ეს აკრძალვა ძალაში დარჩება მანამ, სანამ შესაძლებელი იქნება, ხოლო თუ მედიასაშუალებები საკუთარ მიდგომებს შეცვლიან, იგი გადაწყვეტილებას გადახედავს.მანამდე აშშ-ის პრეზიდენტმა სოციალურ ქსელში გამოაქვეყნა განცხადება, სადაც აღნიშნა, რომ ტელეკომპანიების — CNN-ის, MS NOW-სა და გამოცემა Politico-ს ჟურნალისტებს თეთრი სახლის ტერიტორიაზე შესვლა შეეზღუდათ, რისი მიზეზიც, ტრამპის განმარტებით, ამ გამოცემების მიერ ცრუ ინფორმაციის („ფეიკ ნიუსების“) პერმანენტული გავრცელება გახდა.

pentagoni

მსოფლიო • 1789499438

პენტაგონის გენერალური ინსპექტორის ოფისი – ირანთან ომმა აშშ-ის თავდაცვის დეპარტამენტში საბრძოლო მასალების დეფიციტი გამოიწვია

ირანთან ომმა აშშ-ის თავდაცვის დეპარტამენტში საბრძოლო მასალების დეფიციტი და მათი მარაგების შევსების პროცესში შეფერხებები გამოიწვია. ამის შესახებ პენტაგონის გენერალური ინსპექტორის ოფისის ახალ ანგარიშშია აღნიშნული.ანგარიში ეწინააღმდეგება აშშ-ის პრეზიდენტის, დონალდ ტრამპის განცხადებებს, რომლის მიხედვითაც, აშშ-ის საბრძოლო მასალების მარაგები „პრაქტიკულად შეუზღუდავია“ და დეფიციტის შესახებ გავრცელებული ცნობები „ფეიკ ნიუსია“.დამოუკიდებელი ზედამხედველი ორგანოს მონაცემებით, თებერვლიდან ივნისის ჩათვლით აშშ-მა საბრძოლო მასალებზე 22 მილიარდ დოლარზე მეტი დახარჯა, რამაც „სტრატეგიული მარაგების დეფიციტი“ გამოიწვია. ანგარიშში ასევე აღნიშნულია, რომ საბრძოლო მასალის წარმოებისა და მარაგების შევსების მიმართულებით აშშ-ის სამხედრო-სამრეწველო სექტორში გარკვეული შეფერხებები არსებობს.გენერალური ინსპექტორის ახალ ანგარიშში კონკრეტულად არ არის ნათქვამი, თუ რამდენი იარაღი და საბრძოლო მასალა დარჩა აშშ-ის არსენალში, თუმცა, დოკუმენტი ადასტურებს როგორც მარაგების დეფიციტს, ისე წარმოების მიმართულებით არსებულ შეფერხებებს.ანგარიშის თანახმად, თავდაცვის დეპარტამენტი ახლა შესყიდვების პროცედურების გამარტივებასა და წარმოებისთვის საჭირო დროის შემცირებაზე მუშაობს, რათა დეფიციტი აღმოიფხვრას და შესაძლო ახალი სამხედრო კრიზისის შემთხვევაში სწრაფად რეაგირება შეძლოს.

ძეხვი

მსოფლიო • 1788459651

ფრანგმა მეცნიერმა ძეხვის სურათი „ჯეიმს ვების“ ტელესკოპის მიერ გადაღებულ ფოტოდ „გაასაღა“

 საფრანგეთის ატომური ენერგიის კომისიის დირექტორმა და მეცნიერების შესახებ რადიოგადაცემის წამყვანმა ძეხვის სურათი ტელესკოპ „ჯეიმს ვების“ მიერ გადაღებულ ფოტოდ გაასაღა. ამის შესახებ CNN-ი იტყობინება.ტელეარხის ცნობით, ეტიენ კლაინმა სოციალურ ქსელში ფოტო გამოაქვეყნა წარწერით: „პროქსიმა ცენტავრას ფოტო, მზესთან უახლოესი ვარსკვლავის, რომელიც ჩვენგან 4,2 სინათლის წელიწადის მანძილზე მდებარეობს. სურათი ტელესკოპ„ჯეიმს ვებით“ არის გადაღებული. დეტალიზაციის დონე... ყოველდღე ახალ სამყაროებს ვპოულობთ“, - დაწერა კლაინმა.თუმცა მოგვიანებით მეცნიერს ბოდიშის მოხდა მოუწია, რადგან მისი 92 მილიონი გამომწერიდან ბევრმა დაიჯერა, რომ ფოტოზე რეალურად ვარსკვლავია.„თავს ვალდებულად ვთვლი დავაზუსტო, რომ ეს ტვიტი უბრალოდ ხუმრობა იყო. მოდით ვისწავლოთ ყველაფერში არ ვენდოთ ავტორიტეტულ შეტყობინებებსა და კაშკაშა გამოსახულებებს. მინდა ბოდიში მოვუხადო ყველას, ვისთვისაც ჩემი ორიგინალობას მოკლებული მისტიფიკაცია შოკის მომგვრელი აღმოჩნდა. უბრალოდ მოგიწოდებთ, ფრთხილად იყავით კადრებთან, რომლებიც, პირველი შეხედვით, გარკვეული ინფორმაციის მატარებლები არიან“, - დაწერა მეცნიერებმა.მან ასევე აღნიშნა, რომ თავისი პოსტით სოციალურ ქსელებში ფეიკების გავრცელების საკითხზე უნდოდა ყურადღების მიქცევა.ტელესკოპი „ჯეიმს ვებ“ NASA-მ ევროპული და კანადურ კოსმოსურ სააგენტოების დახმარებით შექმნა. პროექტის ღირებულება 10 მილიარდი დოლარია. ტელესკოპი კოსმოსში 2021 წლის 25 დეკემბერს გაუშვეს, ივლისში, კი მისი მეშვეობით გადაღებულ პირველ ფოტოები გამოქვეყნდა.

✕