სპორტი • 1745773327

საქართველოს ძიუდოისტთა შერეული ნაკრები ევროპის ჩემპიონია

მონტენეგროს დედაქალაქ პოდგორიცაში ევროპის ჩემპიონატის დასკვნით დღეს შერეული გუნდური ჩემპიონატი მოეწყო. საქართველოს ქალთა და ვაჟთა შერეული ნაკრები - გურამ თუშიშვილის, ლაშა შავდათუაშვილის, ლუკა მაისურაძის, მიხეილ ბახბახაშვილის, ეთერ ლიპარტელიანის, სოფიო სომხიშვილისა და მარიამ ჭანტურიას შემადგენლობით ფინალში იტალიას დაუპირისპირდა, შეხვედრა ანგარიშით 4:3 დასრულდა. გადამწყვეტ შეხევრად ლოტოტრონმა -70 კილოგრამში სოფიო სომხიშვილსა და ასია ტავანოს შორის აარჩია, შეხვედრა სოფიოს გამარჯვებით დასრულდა საქართველოს ნაკრებმა ევროპის ჩემპიონობა მესამედ მოიპოვა.ფინალამდე საქართველოს ნაკრებმა აზერბაიჯანი ანგარიშით 4:0, მეოთხედფინალში კი ავსტრია ანგარიშით 4:1 დაამარცხა, ნახევარფინალში კი გერმანიას ანგარიშით 4:0 სძლია.ინდივიდუალურ ასპარეზობაში ევროპის ჩემპიონობა იზეიმა ილია სულამანიძემ (-100) - ქართველმა ძიუდოისტმა ფინალში აზერბაიჯანელი ზელიმ კოცოევი დაამარცხა; ტურნირის ჩემპიონი გახდა გიორგი სარდალაშვილიც (-60 კგ), მან ფინალში აიუბ ბლიევს სძლია. ევროპის ვიცე-ჩემპიონები კი ეთერ ლიპარტელიანი (-57 კგ) და ტატო გრიგალაშვილი (-81 კგ) გახდნენ.ქართველი ძიუდოისტები ევროპის ჩემპიონატზე საქართველოს სპორტის სამინისტროს მხარდაჭერით იმყოფებიან. ინფორმაციას სპორტის სამინისტრო ავრცელებს.

სპორტი • 1745681124

ილია სულამანიძე ევროპის ჩემპიონია

პოდგორიცაში მიმდინარე კონტინენტის პირველობაზე ევროპის ჩემპიონობა იზეიმა ილია სულამანიძემ (-100). ქართველმა ძიუდოისტმა ფინალში აზერბაიჯანელი ზელიმ კოცოევი დაამარცხა და სენიორებს შორის ევროპის ჩემპიონატზე ოქრო კარიერაში პირველად მოიპოვა. ილიამ პარიზის ოლიმპიადის ოქროს მედალი სწორედ კოცოევთან დათმო.საქართველოს ნაკრებმა ინდივიდუალური ასპარეზობა ოთხი მოპოვებული მედლით დაასრულა - ევროპის ჩემპიონობა იზეიმა გიორგი სარდალაშვილმა (-60 კგ), რომელმაც ფინალში აიუბ ბლიევი დაამარცხა; ევროპის ვიცე-ჩემპიონები კი ეთერ ლიპარტელიანი (-57 კგ) და ტატო გრიგალაშვილი(-81 კგ) გახდნენ. 27 აპრილს კი საქართველოს ნაკრები შერეულ გუნდურ ასპარეზობაში მიიღებს მონაწილეობას.ქართველი ძიუდოისტები ევროპის ჩემპიონატზე საქართველოს სპორტის სამინისტროს მხარდაჭერით იმყოფებიან.

სპორტი • 1745584148

ტატო გრიგალაშვილი ევროპის ჩემპიონატის ფინალშია

პოდგორიცაში მიმდინარე ძიუდოს ევროპის ჩემპიონატზე ტატო გრიგალაშვილი (81 კგ) ფინალში იჭიდავებს – ქართველმა ნახევარფინალში აზერბაიჯანელ ზელიმ ცკაევს დამატებით დროში მოუგო და ფინალში ბელგიელ კასეს, ან ნეიტრალური დროშით მოასპარეზე არბუზოვს დაუპირისპირდება.ლუკა მაისურაძე (90 კგ) მეოთხედფინალში აზერბაიჯანელ მურად ფატიევთან დამარცხების შემდეგ, რეპაშაჟიც წარუმატებლად გამოვიდა და ტურნირი უმედლოს დაასრულა.კონტინენტის პირველობაზე დღეს გამომსვლელი მესამე ქართველი გიორგი ჯაბნიაშვილი (90 კგ) მეოთხედფინალში სერბ მაიდოვთან დამარცხდა და ბრინჯაოს მედლისთვის რეპეშაჟიდან იბრძოლებს.ფინალური ბლოკი 18:00 საათზე გაიმართება.შეგახსენებთ, რომ ევროპის ჩემპიონატზე ორი დღის შემდეგ საქართველოს ნაკრების ანგარიშზე ორი მედალია – 21 წლის გიორგი სარდალაშვილი ევროპის ჩემპიონი გახდა, ეთერ ლიპარტელიანმა კი ვერცხლის მედალი მოიპოვა.

სპორტი • 1745395416

ევროპის ჩემპიონატზე დღეს ოთხი ქართველი იჭიდავებს

მონტენეგროს დედაქალაქ პოდგორიცაში დღეს იწყება ევროპის ჩემპიონატი ძიუდოში. პირველ დღეს მედლების მოპოვებას გიორგი სარდალაშვილი (60 კგ), ვაჟა მარგველაშვილი, თემურ ნოზაძე (ორივე – 66 კგ) და ჯულიეტა როდონაია (48 კგ) შეეცდებიან.60 კგ-ში გიორგი სარდალაშვილი მეორე წრეში უნგრელ მარტონ ანდრასისა და ბულგარელ ივან სიმეონოვს შორის გამარჯვებულს დაუპირისპირდება.66 კგ-ში ვაჟა მარგველაშვილის მეტოქე გერმანელი მარტინ სეტცი იქნება, თემურ ნოზაძე კი უკრაინელ ნაზარ ვისკოვთან იჭიდავებს.ქალთა 48 კგ-მდე წონით კატეგორიაში ჯულიეტა როდონაია ძიუდოს საერთაშორისო ფედერაციის (IJF) სახელით გამომსვლელ მარინა ვორობიოვას შეხვდება.ევროპის პირველობაზე წინასწარი შეხვედრები თბილისის დროით 12:30 საათზე დაიწყება. ფინალური ბლოკი 18:00 საათზე გაიმართება, რომლის პირდაპირ ტელერეპორტაჟს საქართველოს პირველი არხი შემოგთავაზებთ.შეგახსენებთ, რომ 2024 წელს, ევროპის ჩემპიონატზე საქართველოს ნაკრებმა ორი ოქროს, ორი ვერცხლისა და სამი ბრინჯაოს მედალი მოიპოვა. ტურნირის ჩემპიონები ვაჟა მარგველაშვილი (66 კგ) და ტატო გრიგალაშვილი (81 კგ) გახდნენ, ვერცხლის მედლები ილია სულამანიძემ (100 კგ) და გურამ თუშიშვილმა (+100 კგ) მოიპოვეს, ბრინჯაოს მედლებს კი ლაშა შავდათუაშვილი (73 კგ), ლაშა ბექაური (81 კგ) და ეთერ ლიპარტელიანი (57 კგ) დაეუფლნენ.

საზოგადოება • 1745312268

ქართველი სპორტსმენები ჯუდოს ევროპის ჩემპიონატზე - საქართველოს ბანკი საქართველოს ოლიმპიური ნაკრების გენერალური სპონსორია

23-26 აპრილს, მონტენეგროს დედაქალაქ პოდგორიცაში, ჯუდოში 2025 წლის ევროპის ჩემპიონატი გაიმართება, რომელშიც საქართველოს ნაკრების 15 ჯუდოკა მიიღებს მონაწილეობას. საქართველოს ბანკი საქართველოს ოლიმპიური ნაკრების გენერალური სპონსორია.კონტინენტის პირველობის მოსაპოვებლად იასპარეზებენ:გიორგი სარდალაშვილი (60 კგ.) ვაჟა მარგველაშვილი, თემურ ნოზაძე (60 კგ.)ლაშა შავდათუაშვილი (73 კგ.)ტატო გრიგალაშვილი (81 კგ.)გიორგი ჯაბნიაშვილი (90 კგ)ლუკა მაისურაძე (90 კგ.)ილია სულამანიძე (ილია სულამანიძე (100 კგ.)გურამ თუშიშვილი (+100 კგ.)ჯულიეტა როდონაია (48 კგ.)ეთერ ლიპარტელიანი, ნინო ლოლაძე (57 კგ.)ეთერ ასკილაშვილი (63 კგ.)მარიამ ჭანტურია (70 კგ.)სოფიო სომხიშვილი (+78 კგ.)რაც შეეხება შერეულ გუნდურ პირველობას, საქართველოს ნაკრებს მიხეილ ბახბახაშვილი (73 კგ.), გიორგი ჯაბნიშვილი (90 კგ.) და ირაკლიდემეტრაშვილი (+100 კგ) დაემატებიან.აღსანიშნავია, რომ 2026 წლის ევროპის ჩემპიონატითბილისში გაიმართება. ერთად ვუგულშემატკივროთ ქართველ სპორტსმენებს. საქართველოს ბანკი საქართველოს ოლიმპიური ნაკრების გენერალური სპონსორია.

სპორტი • 1745227508

ევროპის ჩენპიონატზე, ბექაურის ნაცვლად, ჯაბნიაშვილი იჭიდავებს

მონტენეგროს დედაქალაქ პოდგორიცაში 23-27 აპრილს ძიუდოში გასამართ კონტინენტის პირველობაზე ორგზის ოლიმპიური ჩემპიონი ლაშა ბექაური ვერ იჭიდავებს.ქართველი ძიუდოისტი ტურნირს ჩაეხსნა, მის ნაცვლად კი 90 კგ-ში გიორგი ჯაბნიაშვილი იასპარეზებს.აღსანიშნავია, რომ ბექაურს პარიზის ოლიმპიადის შემდეგ არცერთ ოფიციალურ ტურნირზე არ უჭიდავია.ჩვენი გუნდი შეჯიბრებაზე ცხრა მამაკაცით და ექვსი ქალი ძიუდოისტით გამოვა.საქართველოს ნაკრების შემადგენლობა:კაცები:60 კგ – გიორგი სარდალაშვილი66 კგ – ვაჟა მარგველაშვილი, თემურ ნოზაძე73 კგ – ლაშა შავდათუაშვილი81 კგ – ტატო გრიგალაშვილი90 კგ – ლუკა მაისურაძე, გიორგი ჯაბნიაშვილი100 კგ – ილია სულამანიძე+100 კგ – გურამ თუშიშვილიქალები:48 კგ – ჯულიეტა როდონაია57 კგ – ეთერ ლიპარტელიანი, ნინო ნოზაძე63 კგ – ეთერ ასკილაშვილი70 კგ – მარიამ ჭანტურია+78 კგ – სოფიო სომხიშვილიევროპის ჩემპიონატზე შერეული გუნდური პირველობისთვის, რომელიც 27 აპრილს გაიმართება, საქართველოს ნაკრებს მიხეილ ბახბახაშვილი (73 კგ), გიორგი ჯაბნიშვილი (90 კგ) და ირაკლი დემეტრაშვილი (+100 კგ) დაემატებიან.

სპორტი • 1745181087

ბექაური ევროპასაც ჩაეხსნა - ცნობილია, ვინ ჩაანაცვლებს ორგზის ოლიმპიურ ჩემპიონს

ორგზის ოლიმპიური ჩემპიონი, ლაშა ბექაური ევროპის ჩემპიონატზე მონაწილეობას აღარ მიიღებს. ცოტა ხნის წინ, ევროპული ძიუდოს კავშირის ვებგვერდზე საქართველოს ნაკრების განახლებული განაცხადი გამოქვეყნდა, რომელშიც ვიგებთ, რომ -90 კგ. წონით კატეგორიაში ლაშა ბექაური გიორგი ჯაბნიაშვილმა ჩაანაცვლა. შესაბამისად, ამ წონაში ჩვენი ქვეყნის ღირსებას ლუკა მაისურაძესთან ერთად სწორედ ჯაბნიაშვილი დაიცავს. საგულისხმოა, რომ ბოლო ერთ თვეში ეს უკვე მეორე ტურნირია, რომელშიც ლაშა ბექაური იყო დარეგისტრირებული, თუმცა, ორივე შემთხვევაში ორგზის ოლიმპიურმა ჩემპიონმა ტურნირზე მონაწილეობა გადაიფიქრა, ოფიციალური მიზეზი კი უცნობია. ბექაურმა ბოლოს პარიზის ოლიმპიურ თამაშებზე იასპარეზა.ვაჟთა ნაკრების განაცხადი ასეთია:-60 კგ. - გიორგი სარდალაშვილი. -66 კგ. - ვაჟა მარგველაშვილი, თემურ ნოზაძე. -73 კგ. - ლაშა შავდათუაშვილი. -81 კგ. - ტატო გრიგალაშვილი. -90 კგ. - ლაშა ბექაური, ლუკა მაისურაძე. -100 კგ. - ილია სულამანიძე. 100+ კგ. - გურამ თუშიშვილი.გოგონათა ნაკრების შემადგენლობა: -48 კგ. - ჯულიეტა როდონაია. -57 კგ. - ნინო ლოლაძე, ეთერ ლიპარტელიანი. -63 კგ. - ეთერ ასკილაშვილი. -70 კგ. - მარიამ ჭანტურია. 78 კგ. - სოფიო სომხიშვილი.შეგახსენებთ, რომ 23-26 აპრილს ევროპის ჩემპიონატზე შეჯიბრება ინდივიდუალურ ჩათვლაში გაიმართება, 27 აპრილს კი ძიუდოისტები ერთმანეთს შერეულ გუნდურ ჩათვლაში დაუპირისპირდებიან.წყარო: CrystalSport

სპორტი • 1740328205

ტატო გრიგალაშვილი ვარშავის ღია პირველობის გამარჯვებულია

პოლონეთის დედაქალ ვარშავაში ძიუდოში მიმდინარე ღია პირველობაზე ტატო გრიგალაშვილი (90 კგ) ოქროს მედლის მფლობელი გახდა.აღნიშნულ ტურნირზე ქართველმა მსოფლიოს სამგზის ჩემპიონმა 90 კგ წონით კატეგორიაში იასპარეზა. ტატომ ექვსივე დაპირისპირება მარტივად მოიგო – ქართველმა ფინალში ნიდერლანდელი ტიგო რენესი დაამარცხა.იმავე წონაში ფინალურ ბლოკში იჭიდავა ნიკოლოზ დავლაძემაც, მაგრამ მან ბრინჯაოს მედლისთვის ორთაბრძოლა ესპანელ როდრიგესთან დათმო.ვარშავის ღია პირველობაზე სულ 14 ქართველმა ძიუდოისტმა იასპარეზა და გრიგალაშვილის გარდა, ყველა მათგანი ტურნირს უმედლოდ დაემშვიდობა. 

სპორტი • 1725981952

აჭარაბეთმა სპორტული ნაკრების წევრებს მადლობა გადაუხადა ბოლომდე ბრძოლისთვის

აჭარაბეთმა სპორტული ნაკრების წევრებს  apeople-ს ოფისში უმასპინძლა და მადლობა  გადაუხადა  პარიზის ოლიმპიადაზე ბოლომდე ბრძოლისთვის.აჭარაბეთის სპორტული ნაკრების 8 წევრი მონაწილეობდა პარიზის ოლიმპიადაზე:გენო პეტრიაშვილი,  ტატო გრიგალაშვილი, სანდრო ბაზაძე, ლაშა შავდათუაშვილი, გურამ თუშიშვილი, ეთერ ლიპარტელიანი, ვაჟა მარგველაშვილი და ნინო სალუქვაძე, რომელიც წელს მეათედ გამოვიდა ოლიმპიურ თამაშებზე.„ჩვენთვის მნიშვნელოვანია ქართველი სპორტსმენების მხარდაჭერა, ეს კი ორმაგად სასიხარულოა, რომ აჭარაბეთის სპორტული ნაკრების 8 წევრმა საქართველო წარადგინა საქართველო  პარიზის ოლიმპიადაზე და არაერთი გამარჯვება მოუტანა ქვეყანას. დღეს ოლიპიელები იმყოფებიან ჩვენთან ერთად, ისინი შეხვდნენ apeople-ის გუნდის წევრებს, რომლებმაც მათ საზეიმო დახვედრა მოუწყვეს.მადლობის ნიშნად კი აჭარაბეთმა 270 000 ლარის ფულადი ჯილდოები გადასცა სპორტსმენებს. კიდევ ერთხელ ვულოცავთ სპორტსმენებს და გულშემატკივარს გამარჯვებას!“.- განაცხადა ნინო გუჯაბიძემ, აჭარაბეთის საზოგადოებასთან ურთიერთობის დეპარტამენტის დირექტორმა.„ძალიან კარგი შეხვედრა და საღამო იყო, ბევრი სასიამოვნო ადამიანი შემოგვიერთდა. აჭარაბეთის სპორტული ნაკრებიდან ბევრი მეგობარი ვნახეთ, რომლებსაც ხშირად ვერ ვხდებით და გავუზიარეთ ერთმანეთს ჩვენი ემოციები.დიდი მადლობა მინდა გადავუხადო აჭარაბეთს ქართველი სპორტსმენების გვერდში დგომისთვის და დაფასებისთვის. ასევე  თითოეულს თქვენგანს, გულშემატკივარს სითბოსთვის და გამარჯვების მუხტის შექმნისთვის.“ - განაცხადა გენო პეტრიაშვილმა.

სპორტი • 1723536840

VIDEO: „ჩვენ არ ვჩერდებით... ვაგრძელებთ ქართველი ხალხის გულის გახარებას“ - ლაშა ბექაური

ოლიმპიური ჩემპიონები ლაშა ტალახაძე და გენო პეტრიაშვილი, ასევე ვეცხლის მედლის მფლობელი გივი მაჭარაშვილი პარიზის 2024 წლის ოლიმპიური თამაშებიდან დაბრუნდნენ.თბილისის საერთაშორისო აეროპორტში ოლიმპიადაში მონაწილე სპორტსმენებს ოჯახის წევრები და გულშემატკივრები დახვდნენ და მიღწეული წარმატება მიულოცეს.ადგილზე იმყოფებოდა ორგზის ოლიმპიური ჩემპიონი, ლაშა ბექაურიც.„ისტორიული შედეგი არის, ვიტყვი ქართულ ძიუდოზე, ასეთი რამ ჯერ არ მომხდარა და მადლობა ღმერთს, რომ მე შევძელი ეს ყველაფერი...  მთელმა დელეგაციამ გაგვახარა, ვფიქრობ, რომ ყველაფერი კარგად ჩავატარეთ. რა თქმა უნდა, ეს ყველაფერი ღმერთის წყალობით. ჩვენ არ ვჩერდებით... ვაგრძელებთ ქართველი ხალხის გულის გახარებას,“ - თქვა ჟურნალისტებთან ლაშა ბექაურმა.შეგახსენებთ, რომ პარიზის ოლიმპიადაზე საქართველომ 7 მედალი მოიპოვა. ლაშა ბექაურის, გენო პეტრიაშვილისა და ლაშა ტალახაძის ანგარიშზე ოქროს მედლებია. ილია სულამანიძე, ტატო გრიგალაშვილი და გივი მაჭარაშვილი ვერცხლის მედლებს დასჯერდნენ, ლაშა გურული სამშობლოში ბრინჯაოს მედლით დაბრუნდა.დამოუკიდებელი საქართველოს ისტორიაში ყველაზე მეტი ოქროს მედლები პეკინის 2008 წლისა და პარიზის 2024 წლის ოლიმპიადებზე მოვიპოვეთ. აღნიშნულ ოლიმპიადებზე ქართველმა სპორტსმენებმა 3-3 ოქროს მედლით გაგვახარეს.

სპორტი • 1723536474

ვცდილობ, ამაყად და ღირსეულად ვატარო ჩვენი ქვეყნის დროშა - გენო პეტრიაშვილი

პარიზში ზაფხულის 2024 წლის ოლიმპიური თამაშები საზეიმოდ დაიხურა. ცერემონიაში ის სპორტსმენები მონაწილეობდნენ, რომლებიც ოლიმპიადას ბოლო საშეჯიბრო დღემდე შემორჩნენ.საქართველოს დელეგაციის მედროშე ოლიმპიური ჩემპიონი, გენო პეტრიაშვილი იყო, რომელსაც ეს პატივი პირველად ერგო. მისი თქმით, ძალიან დიდი პატივია ქვეყნის მთავარი სიმბოლოს - დროშის ტარება."კარგად დავასრულეთ ოლიმპიური თამაშები და მხვდა წილად მედროშეობა. ჩემთვის ყოველთვის ძალიან დიდი პატივია ჩემი ქვეყნის უმთავრესი სიმბოლოს - დროშის ტარება. ვცდილობ, რომ ამაყად და ღირსეულად ვატარო ჩვენი ქვეყნის დროშა. მადლობა, ამ ლამაზი შესაძლებლობისთვის და მაგარი რამისთვის", - განაცხადა გენო პეტრიაშვილმა.3 ოქროს, 3 ვერცხლის, 1 ბრინჯაოს მედალი - საქართველოს ოლიმპიურმა გუნდმა პარიზის ოლიმპიურ თამაშებზე ასპარეზობა ისტორიული შედეგით დაასრულა.საფრანგეთის დედაქალაქი პარიზი 26 ივლისიდან 11 აგვისტოს ჩათვლით მასპინძლობდა ზაფხულის 33-ე ოლიმპიურ თამაშებს, სადაც საქართველოდან, სპორტის 10 სახეობაში, 28 სპორტსმენმა იასპარეზა.პარიზის ოლიმპიური თამაშების ჩემპიონები გახდნენ: ლაშა ბექაური, ლაშა ტალახაძე და გენო პეტრიაშვილი. ვერცხლის მედლებს დაეუფლნენ: ტატო გრიგალაშვილი, ილია სულამანიძე და გივი მაჭარაშვილი. ბრინჯაოს მედლის მფლობელი მოკრივე ლაშა გურული გახდა.

პოლიტიკა • 1723448457

მეამაყება, რომ ვარ ქართველი, დავიბადე ამ ქვეყანაში და საქართველო ჩემი სამშობლოა - კახა კალაძე

დედაქალაქის მერმა კახა კალაძემ პარიზის ოლიმპიადის მონაწილე ქართველ სპორტსმენებს მიღწეული წარმატება მიულოცა.თბილისის მუნიციპალიტეტის მთავრობის სხდომაზე კახა კალაძემ ოქროს მედლების მფლობელებს მადლობა გადაუხადა მთელი ქვეყნის გახარებისთვის.„ლაშა ტალახაძე, გენო პეტრიაშვილი, ლაშა ბექაური - ესენი ის ადამიანები არიან, რომლებმაც პარიზის ოლიმპიურ თამაშებზე ოქროს მედლები მოიპოვეს და საქართველოს ჰიმნი ააჟღერეს. გულწრფელად მინდა მივულოცო მათ ეს დიდი წარმატება, რადგან მთელი საქართველო გაახარეს. საქართველოს ძალოსანთა ნაკრების ლიდერმა, ლაშა ტალახაძემ პარიზის ოლიმპიურ თამაშებზე 215 კილოგრამი აიტაცა, 255 კილოგრამი აკრა და ორჭიდის ჯამში დაგროვილი 470 კილოგრამით პირველი ადგილი დაიკავა.პარიზის ოლიმპიურ თამაშებზე ისტორია დაწერა თავისუფალი სტილით მოჭიდავე გენო პეტრიაშვილმა - იგი საქართველოს ისტორიაში გახდა პირველი ქართველი მოჭიდავე, რომელმაც შეძლო ოლიმპიურ თამაშებზე სამივე სინჯის ოლიმპიური მედლის მოპოვება.ლაშა ბექაური პირველი ქართველი ძიუდოისტია, რომელიც ორგზის ოლიმპიური ჩემპიონი გახდა. 24 წლის სპორტსმენმა ფინალში იაპონელი დაამარცხა და პარიზის 2024 წლის თამაშებზე საქართველოს ოლიმპიური ნაკრებისთვის პირველი ოქროს მედალი მოიპოვა“, - აღნიშნა კახა კალაძემ.თბილისის მერმა ოლიმპიადაზე წარმატებით გამოსვლა და ვერცხლისა და ბრინჯაოს მედლების მოპოვება მიულოცა სპორტსმენებს - ტატო გრიგალაშვილს, ილია სულამანიძეს, გივი მაჭარაშვილსა და ლაშა გურულს.„წლევანდელ ოლიმპიურ თამაშებზე საქართველოს დელეგაციამ შვიდი მედალი მოიპოვა. სამი ოქროს გარდა, ვერცხლის მედლებს თავისუფალ ჭიდაობაში გივი მაჭარაშვილი, ძიუდოში - ილია სულამანიძე და ტატო გრიგალაშვილი დაეუფლნენ, ხოლო ბრინჯაოს მედალი მოკრივე ლაშა გურულის ანგარიშზეა. თითოეული ოლიმპიური ჩემპიონი მილიონ ლარს, ვერცხლის მედალოსანი - ნახევარ მილიონ ლარს, ხოლო ბრინჯაოს პრიზიორი - 250 ათას ლარს მიიღებს, რისთვისაც მადლობა მინდა გადავუხადო საქართველოს მთავრობის მეთაურს. ეს წამახალისებელია ქართველი სპორტსმენებისთვის, რაც ჩვენს შვილებს, მომავალ თაობებს კიდევ უფრო მეტ მოტივაციას მისცემს.ჩვენმა სპორტსმენებმა კიდევ ერთხელ დაამტკიცეს, რომ ქართულ ჟინს ვერაფერი დაამარცხებს და მიზნისკენ სწრაფვას ყოველთვის აქვს აზრი. ამ პატარა ქვეყანას ამდენი წარმატებული ადამიანი და სპორტსმენი ჰყავს. მანამდე ჩვენმა ფეხბურთელებმა გაგვახარეს, ისტორია დაწერეს. მეამაყება, რომ ვარ ქართველი, დავიბადე ამ ქვეყანაში და საქართველო ჩემი სამშობლოა. ვულოცავ კიდევ ერთხელ ყველა სპორტსმენს, მადლობას ვუხდი ჩვენი გახარებისთვის და მომავალში კიდევ უფრო მეტ წარმატებას ვუსურვებ“, - განაცხადა თბილისის მერმა.ამასთან, კახა კალაძემ პარიზის ოლიმპიურ თამაშებზე მიღწეული წარმატებისთვის მადლობა ოლიმპიურ კომიტეტს, სამწვრთნელო და სამედიცინო გუნდს გადაუხადა.