სახალხო

ცოტნე ანანიძე: იგივე პოლიტიკური ჯგუფები, რომლებმაც ჩაკეტეს სამაჩაბლოსთან ეკონომიკური ხიდები, აჟიოტაჟს აგორებენ აფხაზეთში კანონის ფარგლებში, კერძო სექტორის მიერ საწვავის მიწოდებაზე, "ნაცების" მოსვლამდე არსებობდა ნამდვილი სახალხო ნდობა

იგივე პოლიტიკური ჯგუფები, რომლებმაც წარსულში უალტერნატივოდ ჩაკეტეს სამაჩაბლოსთან ეკონომიკური ხიდები, ახლა აჟიოტაჟს აგორებენ აფხაზეთში კანონის ფარგლებში, კერძო სექტორის მიერ საწვავის მიწოდებაზე, - წერს აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, სოციალურ ქსელში.მისი განცხადებით, “ნაცმოძრაობის” მმართველობამდე არსებობდა სახალხო ნდობა, რომელიც ახლა ზოგიერთებისთვის მხოლოდ პოლიტიკური სპეკულაციის საგანია.“სახალხო ნდობისა და ადამიანური ურთიერთობების დამქცევები დღეს მორალს გვიკითხავენ. იგივე პოლიტიკური ჯგუფები, რომლებმაც წარსულში უალტერნატივოდ ჩაკეტეს სამაჩაბლოსთან ეკონომიკური ხიდები, ახლა აჟიოტაჟს აგორებენ აფხაზეთში კანონის ფარგლებში, კერძო სექტორის მიერ საწვავის მიწოდებაზე. არადა, ნაცების მოსვლამდე ცხინვალელები ჩამოდიოდნენ და ციტრუსი „ნისიად“ გაჰქონდათ მათ შორის ჩემი ოჯახიდანაც. არსებობდა ნამდვილი, სახალხო ნდობა, რომელიც ახლა ზოგიერთებისთვის მხოლოდ პოლიტიკური სპეკულაციის საგანია,” - წერს ცოტნე ანანიძე.

პოლიტიკა • 1786696010

„მეცხვარეობა ჩვენი ქვეყნისთვის ტრადიციული დარგია, რომელსაც დიდი პოტენციალი აქვს როგორც ადგილობრივი წარმოების, ისე საექსპორტო მიმართულებით“ - დავით სონღულაშვილი

გარემოს დაცვისა და სოფლის მეურნეობის მინისტრი დავით სონღულაშვილი სამცხე-ჯავახეთის რეგიონში, ნინოწმინდის მუნიციპალიტეტში, მეცხვარე ფერმერების სახალხო დღესასწაულს დაესწრო. ღონისძიების ფარგლებში მინისტრი ადგილობრივ მეცხვარე ფერმერებს შეხვდა და მათი საქმიანობის მიმართულებით არსებულ გამოწვევებსა და საჭიროებებს გაეცნო.შეხვედრაზე განიხილეს მეცხვარეობის განვითარების შესაძლებლობები, ცხოველთა ჯანმრთელობისა და ვეტერინარული მომსახურების საკითხები, საძოვრების ეფექტიანი გამოყენება, წარმოებისა და პროდუქციის რეალიზაციის შესაძლებლობები. მინისტრმა ფერმერებს სოფლის მეურნეობის მხარდაჭერის სახელმწიფო პროგრამების, მათ შორის ახალი „აგროთანადაფინანსების სახელმწიფო პროგრამის“ შესაძლებლობებიც გააცნო.„მეცხვარეობა ჩვენი ქვეყნისთვის ტრადიციული და მნიშვნელოვანი დარგია, რომელსაც აქვს როგორც ადგილობრივი წარმოების, ისე საექსპორტო პოტენციალი. ჩვენთვის მნიშვნელოვანია, ადგილზე მოვისმინოთ ფერმერების საჭიროებები და ის გამოწვევები, რომლებიც მათ ყოველდღიურ საქმიანობაში აქვთ. სწორედ ფერმერებთან პირდაპირი კომუნიკაცია გვაძლევს შესაძლებლობას, სახელმწიფო მხარდაჭერის მექანიზმები მათ რეალურ საჭიროებებს მოვარგოთ. ახალი „აგროთანადაფინანსების სახელმწიფო პროგრამა“ სწორედ ამ მიდგომას ეფუძნება და ფერმერებისთვის მხარდაჭერის უფრო მოქნილი და შედეგზე ორიენტირებული მექანიზმების შექმნას ითვალისწინებს. ჩვენი მიზანია, გავაძლიეროთ ადგილობრივი წარმოება, ხელი შევუწყოთ მეცხვარეობის განვითარებას და ფერმერებს საკუთარი მეურნეობების გაფართოებისა და განვითარების მეტი შესაძლებლობა მივცეთ“, - განაცხადა დავით სონღულაშვილმა.მეცხვარე ფერმერების სახალხო დღესასწაული ნინოწმინდაში, ქეჩალგორაზე 2014 წლიდან აღინიშნება.ნინოწმინდაში გარემოს დაცვისა და სოფლის მეურნეობის მინისტრთან ერთად მინისტრის მოადგილეები გიორგი წკრიალაშვილი და ლაშა ავალიანი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები იმყოფებოდნენ

პოლიტიკა • 1786624583

ინფრასტრუქტურის სამინისტროში ბათუმის, ჭიათურის, ახმეტის, ყვარლის მუნიციპალიტეტებში და თბილისში განსახორციელებელი პროექტების არქიტექტურული კონცეფციები განიხილეს

ინფრასტრუქტურის სამინისტროში არქიტექტურული კონცეფციების შესარჩევი საკონკურსო კომისიის სხდომა გაიმართა.შეხვედრას ესწრებოდნენ ინფრასტრუქტურის მინისტრი რევაზ სოხაძე, მუნიციპალური განვითარების ფონდის აღმასრულებელი დირექტორი გიორგი შონია, პარლამენტის წევრები მაია ბითაძე, ირაკლი ქადაგიშვილი, დავით მათიკაშვილი, ვიქტორ სანიკიძე, იმერეთისა და კახეთის მხარეებში სახელმწიფო რწმუნებულები, სპორტისა და კულტურის სამინისტროების, ბათუმის, ჭიათურის, ყვარლის და ახმეტის მუნიციპალიტეტების წარმომადგენლები, ალავერდელი მიტროპოლიტი, მეუფე დავითი (მახარაძე), არქიტექტორები და ხელოვნებათმცოდნეები.კომისიის წევრებმა განიხილეს ბათუმის ისტორიული ბულვარის განახლების 3 კონცეფცია. დაგეგმილია ბულვარის სასეირნო ზონის და ველობილიკების, გამწვანებული სივრცისა და საზოგადოებრივი ინფრასტრუქტურის სრული რეაბილიტაცია.განსაკუთრებული მნიშვნელობა მიენიჭება მდინარე ჭოროხზე ბათუმი–გონიოს დამაკავშირებელი საფეხმავლო ხიდის პროექტირებას, რაც ხელს შეუწყობს არსებული სივრცეების ყველა სეზონზე ფუნქციონირებას და ტურიზმის განვითარებას.კომისიამ ასევე იმსჯელა ჭიათურაში არსებული სპორტული ინფრასტრუქტურის და ამორტიზებული სტადიონის უეფას III კატეგორიის შესაბამისი რეკონსტრუქციის 2 პროექტზე.ჭიათურაში, არანაკლებ 6000 მაყურებელზე გათვლილ სტადიონზე უნდა მოეწყოს განახლებული ტრიბუნები, მედია სივრცე, გასახდელები, სამედიცინო და ფიზიოთერაპიის ოთახები, კომერციული და ადმინისტრაციული ზონები.ასევე, იგეგმება საცურაო აუზისა და კალათბურთის დარბაზის სრული რეაბილიტაცია.საკონკურსო კომისიაზე წარგდენილი იყო, ასევე, თბილისის №42 საჯარო სკოლის ახალი შენობის მშენებლობისთვის საჭირო საპროექტო წინადადება.პროექტის ფარგლებში, დემონტირებული შენობის ნაცვლად უნდა აშენდეს ახალი, 800 მოსწავლეზე გათვლილი სკოლა, შენარჩუნდეს არსებული გეგმარებითი პარამეტრები, თუმცა არქიტექტურული გადაწყვეტები სრულად უნდა შეესაბამებოდეს თანამედროვე საგანმანათლებლო, ტექნიკურს და უსაფრთხოების სტანდარტებს.კომისიის წევრებმა განიხილეს ალავერდის სამონასტრო კომპლექსის მიმდებარედ, შემეცნებით-ტურისტული სივრცისა და საპარკინგე ინფრასტრუქტურის მოწყობის 3 პროექტი.ალავერდის მონასტრის მნიშვნელობის გათვალისწინებით, დაგეგმილია ისეთი გარემოს შექმნა, რომელიც ერთიანად მოიცავს საინფორმაციო, საგანმანათლებლო და დასასვენებელ სივრცეებს. ამასთან, ვიზიტორთა ნაკადების მართვა უნდა გახდეს უფრო მარტივი, ორგანიზებული და უსაფრთხო.აასევე, უნდა მოეწყოს როგორც მსუბუქ ავტომობილებზე, ისე ტურისტულ ავტობუსებზე გათვლილი მრავალფუნქციური ავტოსადგომი, სადაც განთავსდება ელექტრომობილების დამტენი სადგურები.გარდა ამისა, კომისიაზე წარგდენილი იყო კოტე მარჯანიშვილის სახელობის სახელობის ყვარლის სახალხო თეტრის რეაბილიტაციის კონცეფცია.პროექტის მიზანია გასული საუკუნის 60–70-იან წლებში აშენებული შენობის არქიტექტურულ-მხატვრული ღირებულებების შენარჩუნება და მისი სრულყოფილი რეაბილიტაცია, ფუნქციური შესაძლებლობების გაუმჯობესება და თანამედროვე, მრავალფუნქციურ კულტურულ ცენტრად გარდაქმნა.საკონკურსო კომისია გამარჯვებულ არქიტექტურულ ბიუროებს რამდენიმე დღეში გამოავლენს.

საზოგადოება • 1786533869

კობა კობალაძე „დიდგორობა 2026“-ის ღონისძიებას დაესწრო

12 აგვისტოს, დიდგორობის სახალხო დღესასწაული აღინიშნება.ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, თეთრიწყაროს მუნიციპალიტეტში, დიდგორის ველზე, საქართველოს პრეზიდენტთან, მიხეილ ყაველაშვილთან, საკანონმდებლო და აღმასრულებელი ხელისუფლების, და, ასევე, საქართველოს თავდაცვის ძალებისა და საქართველოს მართლმადიდებელი ეკლესიის წარმომადგენლებთან ერთად, სახალხო დღესასწაულს „დიდგორობა 2026“, - ს დაესწრო.ღონისძიებაზე სიტყვით გამოვიდნენ და დიდგორის ბრძოლის ისტორიულ მნიშვნელობაზე ისაუბრეს საქართველოს პრეზიდენტმა მიხეილ ყაველაშვილმა და თავდაცვის მინისტრმა, ირაკლი ჩიქოვანმა.„დიდგორობა 2026-ის“ ფარგლებში, ირაკლი ჩიქოვანმა, საომარი და საბრძოლო მოქმედებების დროს, ლიდერის თვისებების გამოვლენისა და გამოჩენილი მამაცობისათვის, საქართველოს თავდაცვის სამინისტროს უწყებრივი მედლით -‘’დიდგორის ჯვარი’’, საქართველოს თავდაცვის ძალების სამხედრო მოსამსახურეები დააჯილდოვა.სახელმწიფო ჯილდო – „დიდგორის ჯვრის ორდენი”, მთავრობის ინიციატივით, 2014 წელს დაწესდა და ყოველი წლის 12 აგვისტოს, გამორჩეულ სამხედრო მოსამსახურეებს გადაეცემათ.სადღესასწაულო ღონისძიების ფარგლებში, დიდგორის ველზე, მოწყობილია საგამოფენო სივრცეები, ტარდება სპორტული შეჯიბრებები, კონცერტები და თეატრალიზებული წარმოდგენები.ინფორმაციისთვის, დიდგორობის დღესასწაული ეძღვნება 905 წლის წინ, 1121 წლის 12 აგვისტოს, დიდგორის ბრძოლაში, საქართველოს მეფის, დავით IV აღმაშენებლის მეთაურობით, ქართველთა ისტორიულ გამარჯვებას თურქ-სელჩუკთა გაერთიანებულ ლაშქარზე. დიდგორის ბრძოლაში გამარჯვებას, ჩვენი ქვეყნისთვის, უდიდესი მნიშვნელობა ჰქონდა, რადგან ის გახდა ქვეყნის გაერთიანების საფუძველი_ დავით აღმაშენებელმა შემოიერთა თბილისი, რომელიც 400 წლის განმავლობაში, მტრის ხელში იყო. მისი გათავისუფლების მერე, დავითმა, დედაქალაქი, ქუთაისიდან თბილისში გადმოიტანა.დავით აღმაშენებლის უსახელო ისტორიკოსმა, დიდგორის ბრძოლაში გამარჯვებას, „ძლევაჲ საკვირველი“ უწოდა და საქართველოს ისტორიაში, დიდგორის ბრძოლა, სწორედ „ძლევაი საკვირველის“ სახელით შევიდა. ჩვენი ქვეყნისა და სრულიად საქრისტიანოსთვის უმნიშვნელოვანესი _დიდგორის ბრძოლის ტაქტიკური დეტალები შეტანილია მსოფლიოს თითქმის ყველა, მნიშვნელოვან, სამხედრო სახელმძღვანელოში.

პოლიტიკა • 1786531462

სამშობლოს ერთგულება, ღირსება, პროფესიონალიზმი, პასუხისმგებლობა და თავდადება არის ის ღირებულებები და მემკვიდრეობა, რომელიც დიდგორის ველზე გამარჯვებულმა მებრძოლებმა დაგვიტოვეს - ირაკლი ჩიქოვანი

ქართული ჯარის სულისკვეთება ჩვენს მრავალსაუკუნოვან მხედრულ ტრადიციასა და წინაპართა გმირობას ეფუძნება - განაცხადა საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა დიდგორის ბრძოლაში გამარჯვებისადმი მიძღვნილ სახალხო დღესასწაულზე სიტყვით გამოსვლისას. „სამშობლოს ერთგულება, ღირსება, პროფესიონალიზმი, პასუხისმგებლობა და თავდადება არის ის ღირებულებები და მემკვიდრეობა, რომელიც დიდგორის ველზე გამარჯვებულმა მებრძოლებმა დაგვიტოვეს და რომლის ერთგულებაც თითოეული ქართველი სამხედრო მოსამსახურისთვის განსაკუთრებული პატივი და პასუხისმგებლობაა“, - აღნიშნა თავდაცვის მინისტრმა.ირაკლი ჩიქოვანის განცხადებით, საქართველოს მთავრობა და „ქართული ოცნების“ პოლიტიკური გუნდი დიდგორისა და დავით აღმაშენებლის პოლიტიკას აგრძელებს - „დღევანდელი ქართული სახელმწიფო ერთგულად აგრძელებს ჩვენი ისტორიული მემკვიდრეობის დაცვასა და განმტკიცებას. ჩვენი მთავრობისა და მთლიანად პოლიტიკური გუნდის ძალისხმევა მიმართულია საქართველოს სუვერენიტეტის გაძლიერებისკენ, სახელმწიფო ინსტიტუტების შემდგომი განვითარებისკენ, ეროვნული იდენტობის, კულტურისა და ტრადიციული ქრისტიანული ღირებულებების დაცვისკენ“.დიდგორობის ღონისძიებაზე თავდაცვის მინისტრმა შვიდი სამხედრო მოსამსახურე უწყებრივი მედლებით - „დიდგორის ჯვარი“ დააჯილდოვა.

პოლიტიკა • 1786521946

ირაკლი ჩიქოვანი: სამშობლოს ერთგულება, ღირსება, პროფესიონალიზმი, პასუხისმგებლობა და თავდადება არის ის ღირებულებები და მემკვიდრეობა, რომელიც დიდგორის ველზე გამარჯვებულმა მებრძოლებმა დაგვიტოვეს

საქართველოში დღეს დიდგორობა აღინიშნება - 1121 წლის ბრძოლიდან 905 წელი გავიდა. ტრადიციულად თეთრიწყაროს მუნიციპალიტეტში დიდგორის ველზე სახალხო დღესასწაული იმართება.ღონისძიების სტუმრებს სიტყვით მიმართეს საქართველოს პრეზიდენტმა და თავდაცვის მინისტრმა. ირაკლი ჩიქოვანმა სამხედროები დიდგორის ჯვრის ორდენით დააჯილდოვა."დავით აღმაშენებელმა ქვეყნის გაერთიანება დაიწყო სახელმწიფო ინსტიტუტების მშენებლობით, ჯარის რეფორმირებით, ეროვნული ერთიანობის გამტკიცებით, ეკლესიისა და სახელმწიფოს მჭიდრო თანამშრომლობით, ერში სულიერი და მორალური ორიენტირების გაძლიერებით. წმინდა მეფე დავითმა მისი გამორჩეული მხედართმთავრული ნიჭი, სახელმწიფოებრივი ხედვა და შინაგანი სულიერი სიმტკიცე მამულის, ენისა და სარწმუნოების განმტკიცებას მიუძღვნა. სწორედ ამ მძლავრ საფუძველზე გახდა შესაძლებელი გამარჯვება, რომელმაც საქართველო განვითარების სრულიად ახალ ეტაპზე გადაიყვანა.საუკუნოვან მხედრულ ტრადიციასა და წინაპართა გმირობას ეფუძნება ქართული ჯარის სულისკვეთება. სწორედ სამშობლოს ერთგულება, ღირსება, პროფესიონალიზმი, პასუხისმგებლობა და თავდადება არის ის ღირებულებები და მემკვიდრეობა, რომელიც დიდგორის ველზე გამარჯვებულმა მებრძოლებმა დაგვიტოვეს და რომლის ერთგულებაც თითოეული ქართველი სამხედრო მოსამსახურისთვის განსაკუთრებული პატივი და პასუხისმგებლობაა," - განაცხადა თავდაცვის მინისტრმა, ირაკლი ჩიქოვანმა."დიდგორობა 2026-ის" ფარგლებში იმართება ფოლკლორული და ქორეოგრაფიული ანსამბლების კონცერტები.

პოლიტიკა • 1786518110

LIVE: საქართველო დიდგორობას აღნიშნავს

დღეს, 12 აგვისტოს, საქართველოს ისტორიაში ერთ-ერთი ყველაზე გამორჩეული თარიღი - დიდგორის ბრძოლიდან 905 წელი შესრულდა.1121 წლის 12 აგვისტოს გამართულმა ბრძოლამ, რომელიც მეფე დავით აღმაშენებლის გონივრული სამხედრო სტრატეგიითა და ქართველი მეომრების თავდადებით წარიმართა, ქვეყნის ისტორიაში უმნიშვნელოვანესი როლი ითამაშა.შუა საუკუნეების ქართულმა ისტორიოგრაფიამ ეს დღე "ძლევაი საკვირველის" სახელით შემოინახა.დიდგორის ბრძოლა დღესაც თითოეული ქართველისთვის ერთიანობის, თავისუფლებისა და სამშობლოს სიყვარულის მთავარ სიმბოლოდ რჩება.სახალხო დღესასწაული - დიდგორობა, საქართველოში ყოველწლიურად ტრადიციულად აღინიშნება.

საზოგადოება • 1786508361

ისტორიული გამარჯვებიდან 905 წელი - საქართველო დიდგორობას აღნიშნავს

საზოგადოება • 1786368320

გივი მიქანაძემ ჩინეთის სახალხო რესპუბლიკის ახალგაზრდულ დელეგაციას უმასპინძლა

საქართველოს განათლების, მეცნიერებისა და ახალგაზრდობის მინისტრი გივი მიქანაძე, ახალგაზრდობის სააგენტოს ხელმძღვანელ ალექსანდრე ქაჯაიასთან ერთად, ჩინეთის სახალხო რესპუბლიკის ახალგაზრდულ დელეგაციას შეხვდა.მხარეებმა საქართველოსა და ჩინეთის სახალხო რესპუბლიკას შორის ახალგაზრდობის სფეროში თანამშრომლობის გაღრმავების, გამოცდილების გაზიარებისა და კავშირების განმტკიცების მნიშვნელობაზე ისაუბრეს.შეხვედრა კითხვა-პასუხის რეჟიმში წარიმართა და ახალგაზრდებმა, მათთვის საინტერესო საკითხებზე, ამომწურავი ინფორმაცია მიიღეს.სამინისტროს მხარდაჭერით, ჩინეთის სახალხო რესპუბლიკის ახალგაზრდული დელეგაცია საქართველოში 9-15 აგვისტოს ჩათვლით იმყოფება და მას ახალგაზრდობის სააგენტო მასპინძლობს. ვიზიტის ფარგლებში დაგეგმილია საქართველოს ისტორიული და კულტურული ღირსშესანიშნაობების, მუზეუმებისა და საგანმანათლებლო სივრცეების დათვალიერება, ასევე სტუმრებისთვის ქართულ ტრადიციებთან დაკავშირებული აქტივობებისა და მასტერკლასების გამართვა.ახალგაზრდული დელეგაციის ვიზიტის მიზანია ქვეყნებს შორის ურთიერთობების გაღრმავება, კულტურული და ხალხთაშორისი კავშირების განმტკიცება და ახალგაზრდულ სფეროში გამოცდილების გაზიარების ხელშეწყობა.ინფორმაციას განათლების, მეცნიერებისა და ახალგაზრდობის სამინისტრო ავრცელებს.

სამართალი • 1786343459

სამართალდამცველებმა ქურდობის ბრალდებით უცხო ქვეყნის 2 მოქალაქე დააკავეს

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ქურდობის ბრალდებით ჩინეთის სახალხო რესპუბლიკის 2 მოქალაქე დააკავეს.უწყების ცნობით, გამოძიებით დადგინდა, რომ ბრალდებულები ერთ-ერთი ავიარეისით მგზავრობისას, თვითმფრინავის ბორტზე მყოფი ორი მგზავრის კუთვნილ 7 800 აშშ დოლარსა და 4 450 ევროს მართლსაწინააღმდეგოდ დაეუფლნენ."სამართალდამცველებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი პირების ვინაობა მალევე დაადგინეს და ისინი აეროპორტის ტერიტორიაზევე ბრალდებულების სახით დააკავეს.სამართალდამცველებმა ნაქურდალი თანხა ნივთმტკიცებად ამოიღეს.გამოძიება სისხლის სამართლის კოდექსის 177-ე მუხლის მეოთხე ნაწილით მიმდინარეობს, რაც 10 წლამდე ვადით თავისუფლების აღკვეთას ითვალისწინებს," - ნათქვამია შსს-ის მიერ გავრცელებულ განცხადებაში.

საზოგადოება • 1786121718

„თუ გამოჩნდება ასეთი გოგონა, ოფიციალურად, სახალხოდ გადავცემ...“ - გიგა ავალიანის დედა მიმართვას ავრცელებს

გიგა ავალიანის დედა მიმართვას ავრცელებს.„გააზიარეთ, გემუდარებით!ეს არის, პირველი, ყველაზე სერიოზული, ოფიციალური განცხადება ჩემგან ამ 10 თვის მანძილზე, ამიტომ კიდევ ერთხელ გთხოვთ, დამეხმარეთ გაზიარებაში.არ გამოუვიდათ მკვლელობისთვის პოლიტიკური იარლიყის მიკერება.ახლა დაიწყეს:— უი, ეს ბიჭი მართლა პედოფილი ყოფილა.თუ გიგა იყო პედოფილი, 28 წლის და 8 თვის მანძილზე, მინიმუმ ერთხელ უნდა დაფიქსირებულიყო, მაშინ როცა 8 წელი ამზადებდა მოსწავლეებს!ამიტომ ჩემი მოთხოვნა:1) იპოვონ ერთი გოგონა, ვისაც გიგა სექსუალურად ავიწროებდა, ოღონდ უნდა დაამტკიცოს რომ გიგას იცნობდა და დავიჯერებთ, რომ 2-3 გაკვეთილში ნიაზეც შეაფრინა!2) თუ გამოჩნდება ასეთი გოგონა, 10 000 ლარს ოფიციალურად, სახალხოდ გადავცემ.ეს არის თანხა, რომელიც გიგამ 1 ოქტომბერს, მკვლელობის დღეს, შეიტანა ანაბარზე.3) თუ არ გამოჩნდება ასეთი გოგონა, ყველას, ვიმეორებ, ყველას, თუნდაც ირიბად გადაკრული პატარა კომენტარი ეწეროს, აუცილებლად ვაგებინებ პასუხს!P.S. თანამებრძოლნო, გთხოვთ, ჩამიყარეთ ყველა კომენტარი პირადში, სადაც წააწყდებით გიგასგან სექსუალური ძალადობის შესახებ თუნდაც გადაკრულ შინაარსს“, - წერია გავრცელებულ პოსტში.

პოლიტიკა • 1786082131

სახალხო დამცველი - 2008 წლის ომიდან 18 წლის თავზე, კვლავ გამოწვევად რჩება საოკუპაციო რეჟიმების მიერ, ე.წ. საზღვრის უკანონო კვეთისთვის, პირთა უკანონო დაკავებების და პატიმრობის პრაქტიკა, ასევე მშობლიურ ენაზე განათლების ხელმისაწვდომობა

რუსეთ-საქართველოს 2008 წლის აგვისტოს ომის შემდეგ 18 წელი გავიდა - უმნიშვნელოვანეს გამოწვევად კვლავ რჩება საოკუპაციო რეჟიმების მიერ, ე.წ. საზღვრის უკანონო კვეთისთვის, როგორც ოკუპირებული აფხაზეთის, ისე ოკუპირებული ცხინვალის რეგიონის მიმართულებით, პირთა უკანონო დაკავებების და პატიმრობის პრაქტიკა, - ამის შესახებ სახალხო დამცველის აპარატის მიერ გავრცელებულ განცხადებაშია ნათქვამი.განცხადებაში აღნიშნულია, რომ ამ დრომდე უმნიშვნელოვანეს გამოწვევად რჩება ოკუპირებულ ტერიტორიებზე მშობლიურ ენაზე განათლების ხელმისაწვდომობა.„რუსეთ-საქართველოს 2008 წლის აგვისტოს ომის შემდეგ 18 წელი გავიდა. ომის დასრულებიდან თითქმის ორი ათწლეულის შემდეგაც მისი შედეგები ყოველდღიურად აისახება როგორც ოკუპირებულ ტერიტორიებზე დარჩენილ, ისე საოკუპაციო ხაზის მიმდებარედ მცხოვრებ მოსახლეობაზე.სიცოცხლის უფლების დარღვევასა და დაუსჯელობაზე დამატებით მიუთითებს ადამიანის უფლებათა ევროპული სასამართლოს 2026 წლის 23 ივნისის გადაწყვეტილებაც, რომლითაც რუსეთის ფედერაციას გიორგი ანწუხელიძისა და სხვა ქართველი სამხედროების მკვლელობისა და წამებისთვის დაეკისრა პასუხისმგებლობა.უმნიშვნელოვანეს გამოწვევად კვლავ რჩება საოკუპაციო რეჟიმების მიერ, ე.წ. საზღვრის უკანონო კვეთისთვის, როგორც ოკუპირებული აფხაზეთის ისე ოკუპირებული ცხინვალის რეგიონის მიმართულებით, პირთა უკანონო დაკავებების და პატიმრობის პრაქტიკა.ოფიციალური მონაცემებით 2008 წლიდან 2026 წლამდე რუსეთის საოკუპაციო ძალების მიერ უკანონოდ იქნა დაკავებული 3 664 პირი, მათგან 2 062 ოკუპირებული აფხაზეთის, ხოლო 1 602 ოკუპირებული ცხინვალის რეგიონის მიმართულებით. რაც შეეხება უკანონო პატიმრობის საკითხს, 2026 წლის მდგომარეობით ოკუპირებულ ცხინვალის რეგიონში კვლავ რჩება უკანონო პატიმრობაში საქართველოს 11 მოქალაქე, ხოლო ოკუპირებული აფხაზეთის მიმართულებით - 6 მოქალაქე.უმნიშვნელოვანეს გამოწვევად რჩება ოკუპირებულ ტერიტორიებზე მშობლიურ ენაზე განათლების ხელმისაწვდომობა. ოკუპირებული გალისა და ახალგორის ყველა სკოლაში დაწყებით კლასებში სრულად აიკრძალა ქართულ ენაზე სწავლება და მშობლიური ენა, უცხო ენისა და ლიტერატურის საგნად გადაკეთდა, რის გამოც წლიდან წლამდე იკლებს მოსწავლეების რაოდენობა. ამასთანავე, კვლავ გრძელდება დე ფაქტო რეჟიმის წარმომადგენლების მიერ სკოლის მოსწავლეებსა და პედაგოგებზე ეთნიკური ნიშნით დევნისა და ფსიქოლოგიური ზეწოლის შემთხვევები.საოკუპაციო რეჟიმის მიერ განხორციელებული მსგავსი უკანონო ქმედებები უხეშად არღვევს ოკუპირებულ ტერიტორიებზე მცხოვრები მოსახლეობის უფლებებსა და თავისუფლებებს, რაც კიდევ ერთხელ ადასტურებს ოკუპირებულ ტერიტორიებზე ადამიანის უფლებათა საერთაშორისო სადამკვირვებლო მისიების დაშვების აუცილებლობას.საქართველოს სახალხო დამცველი გამოთქვამს მზადყოფნას, თავისი მანდატის ფარგლებში, ხელი შეუწყოს ადამიანის უფლებების დაცვაზე ორიენტირებული დიალოგისა და თანამშრომლობის გაძლიერებას“, - ნათქვამია სახალხო დამცველის მიერ გავრცელებულ განცხადებაში.