ნუცა

„ძალიან მინდა, ყველას ლამაზი ცხოვრება გქონდეთ“ - ნუცა ბუზალაძე გამომწერებს მიმართავს

მომღერალი ნუცა ბუზალაძე სოციალურ ქსელში აქტიურობითა და გულშემატკივრებთან მუდმივი კომუნიკაციით გამოირჩევა.ამჯერად ნუცამ ახალი ვიდეორგოლი გამოაქვეყნა, რომელსაც თან თბილი სურვილებით სავსე მიმართვა დაურთო. „ბედნიერ დღეს გისურვებთ! ძალიან მინდა, ყველას ლამაზი და წარმატებებით სავსე ცხოვრება გქონდეთ“, - წერს ნუცა ბუზალაძე.

განათლება • 1781438980

ქუთაისის საერთაშორისო უნივერსიტეტი შეზღუდული შესაძლებლობის მქონე პირთა უფლებების დაცვის კვირეულს შეუერთდა

14 ივნისი შეზღუდული შესაძლებლობის მქონე პირთა უფლებების დაცვის დღეა. ამ თარიღთან დაკავშირებით, ქუთაისის საერთაშორისო უნივერსიტეტს (KIU) საქართველოს იუსტიციის სამინისტროს წარმომადგენლები ესტუმრნენ და KIU-სტუდენტებისთვის საჯარო ლექცია ჩაატარეს.ღონისძიება ქუთაისის საერთაშორისო უნივერსიტეტის აღმასრულებელმა დირექტორმა/რექტორმა ვახტანგ ცაგარელმა და იუსტიციის მინისტრის მოადგილე მერაბ ტურავამ გახსნეს. მინისტრის მოადგილემ აღნიშნა, რომ შეზღუდული შესაძლებლობის მქონე პირთა უფლებების დაცვა და საჯარო სერვისების მისაწვდომობა იუსტიციის სამინისტროს ერთ-ერთ მნიშვნელოვან პრიორიტეტს წარმოადგენს.სტუმრებმა სტუდენტებს ინფორმაცია მიაწოდეს ისეთი მნიშვნელოვანი საკითხების შესახებ, როგორებიცაა: შეზღუდული შესაძლებლობის მქონე პირთა უფლებების შესახებ ეროვნული და საერთაშორისო საკანონმდებლო ბაზა; გონივრული მისადაგების პრინციპი; შეზღუდული შესაძლებლობის მქონე პირებთან ურთიერთობა და სხვა. შეხვედრა მიზნად ისახავდა შშმ პირთა უფლებების შესახებ საზოგადოების ცნობიერების ამაღლებას, საჯარო სერვისებისა და იმ პოლიტიკის გაცნობას, რომელსაც სახელმწიფო ახორციელებს.საჯარო ლექციას უძღვებოდნენ სსიპ „საქართველოს იუსტიციის სასწავლო ცენტრის“ იურიდიული ტრენინგების დეპარტამენტის უფროსი ნუცა ქაშაკაშვილი და იუსტიციის სამინისტროს ანალიტიკური დეპარტამენტის სპეციალისტი მარიკო კობახიძე. შეხვედრა შშმ პირთა უფლებებისადმი მიძღვნილი, იუსტიციის სამინისტროს მასშტაბური საინფორმაციო კამპანიის ფარგლებში ჩატარდა.ქუთაისის საერთაშორისო უნივერსიტეტის ულტრათანამედროვე ინფრასტრუქტურა - საგანმანათლებლო და საცხოვრებელი სივრცეები, სრულად ადაპტირებულია შშმ პირების საჭიროებებზე. კამპუსი ითვალისწინებს ფიზიკურ ხელმისაწვდომობას, რომელიც ხელს უწყობს სასწავლო პროცესში სრულფასოვან მონაწილეობას.

ტაბლოიდი • 1781384636

„ყოველ მომდევნო საფეხურზე ასვლას უფრო მეტი სიძულვილი მოჰყვებოდა...“ - ნუცა ბუზალაძე მიმართვას ავრცელებს

მომღერალმა ნუცა ბუზალაძემ მსმენელს ახალი სიმღერა „La La“ წარუდგინა.“სოციალურ ქსელში, გავრცელებულ ვიდეოში მომღერალი ამბობს, რომ სიმღერის ინსპირაცია მისი ცხოვრებისეული გზა გახდა.„რვა წლის ასაკიდან ტელევიზიაში და სცენაზე ვარ. 16 წლისამ ოჯახზე ზრუნვა დავიწყე, საკუთარი სახლი ვიყიდე, ჩემი ცხოვრება ნულიდან ავაშენე და ჩემს ცხოვრებაში ყოველ მომდევნო საფეხურზე ასვლას უფრო მეტი სიძულვილი მოჰყვებოდა. თავიდან ეს მტკენდა, მაგრამ დროთა განმავლობაში რაღაც გავაცნობიერე: ადამიანები, როგორც წესი, თავს ესხმიან იმას, რაც მათში ფარულ კომპლექსებსა და შიშებს აღვიძებს.ასე რომ, „La La“ ჩემი პასუხია ამ ყველაფერზე. ეს არ არის სევდიანი სიმღერა, ეს არის ძალის მომცემი. ეს ჩემი მხრიდან იმის თქმაა: „რაც გინდათ, ის ილაპარაკეთ, საყვარელო, მე საერთოდ არ მადარდებს, რადგან ვერანაირი აზრი ვერ შეაჩერებს იმას, ვისაც საკუთარი თავის მტკიცედ სჯერა.“ამიტომ, მინდოდა შემექმნა ჰიმნი იმ ადამიანებისთვის, ვინც დაიღალა სხვების ნეგატივის გამო საკუთარ თავს ზღუდავს“, - ამბობს ვიდეოში ნუცა ბუზალაძე.

საზოგადოება • 1780691787

ნუცა ბუზალაძე მიმართვას ავრცელებს

მომღერალი ნუცა ბუზალაძე ვაშინგტონში, საქართველოს დამოუკიდებლობის დღისადმი მიძღვნილ ოფიციალურ მიღებას დაესწრო და საქართველოს და ამერიკის სახელმწიფო ჰიმნები შეასრულა. „დიდი პატივი იყო ვაშინგტონში საქართველოს დამოუკიდებლობის დღისადმი მიძღვნილ ოფიციალურ მიღებაზე საქართველოს და ამერიკის სახელმწიფო ჰიმნების შესრულება. განსაკუთრებით საამაყოა, რომ უკვე მეორედ მქონდა პატივი შემესრულებინა ორივე ქვეყნის ჰიმნი ასეთ მნიშვნელოვან ღონისძიებაზე.ღონისძიება საქართველოს საელჩოს ორგანიზებით გაიმართა და თავს უყრიდადიპლომატიური კორპუსის წარმომადგენლებს, სახელმწიფო მოხელეებსა დასაპატიო სტუმრებს.ამავდროულად, აღინიშნებოდა ამერიკის შეერთებული შტატების დამოუკიდებლობის 250 წლის იუბილეც.ამ განსაკუთრებული თარიღის აღსანიშნავად, ამერიკელი მეგობრების პატივსაცემად, შევასრულე „My Way“ სიმღერა, რომელიც ჩემთვის განსაკუთრებულ მნიშვნელობას ატარებს “, – წერს ნუცა ბუზალაძე.

პოლიტიკა • 1780645660

სან-ფრანცისკოში ქართული ინოვაციების ჰაბი გაიხსნა

2026 წლის 4 ივნისს, აშშ-ის ქალაქ სან-ფრანცისკოში გაიმართა საქართველოს ინოვაციების ჰაბის - BRID.GE ოფიციალური გახსნის ცერემონია.ღონისძიებაზე შეკრებილ სტუმრებს სიტყვით მიმართა საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა. მან ხაზი გაუსვა სან-ფრანცისკოში, რომელიც ინოვაციისა და კრეატიულობის გლობალურ სიმბოლოს წარმოადგენს, ქართული ინოვაციების ჰაბის შექმნის მნიშვნელობას.„ჩვენ ვქმნით ახალ ხიდს, რომელიც იდეებს დააკავშირებს ახალ შესაძლებლობებთან და საქართველოს აქცევს ადგილად, სადაც ოცნებები გეოგრაფიით ვერ შეიზღუდება. ეს ხიდი, რომელიც დღეს ოფიციალურად იხსნება, უნდა იქცეს არა მხოლოდ ჩვენი ქვეყნების და შესაძლებლობების, არამედ ადამიანების ერთმანეთთან დაკავშირების ძლიერ ინსტრუმენტად," - განაცხადა მაკა ბოჭორიშვილმა.საგარეო საქმეთა მინისტრმა ასევე აღნიშნა, რომ საქართველო, მიუხედავად ბევრი გამოწვევისა, რეგიონში ეკონომიკური ზრდის, ახალი შესაძლებლობების და სიმტკიცის სიმბოლოდ იქცა.„დღეს საქართველო ერთ-ერთ ყველაზე ხელსაყრელ ქვეყნად ითვლება ბიზნესის დასაწყებად, რადგან რეგულაციები მარტივია და სახელმწიფო სერვისები კი ციფრულად განვითარებული. ეს ქმნის რეალურ შესაძლებლობებს როგორც ადგილობრივი, ისე უცხოელი ინვესტორებისთვის," - აღნიშნა მაკა ბოჭორიშვილმა.ღონისძიებაზე მიწვეულ საპატიო სტუმართა შორის იყვნენ სან-ფრანცისკოს მერი, დენიელ ლური და გლობალური სტარტაპ აქსელერატორის Plug and Play-ის დამფუძნებელი და აღმასრულებელი დირექტორი, საიდ ამიდი.ღონისძიების ფარგლებში, ასევე სიტყვით გამოვიდნენ საქართველოს გენერალური კონსული სან-ფრანცისკოში, ლევან ყულიჯანიშვილი, საქართველოს ინოვაციებისა და ტექნოლოგიების სააგენტოს თავმჯდომარე, ავთანდილ კასრაძე და Owl Ventures-ის თანადამფუძნებელი და მმართველი პარტნიორი, ამიტ პატელი.საქართველოს ინოვაციების ჰაბის ოფიციალური გახსნის ცერემონიაზე საქართველოსა და ამერიკის შეერთებული შტატების სახელმწიფო ჰიმნები შეასრულა ქართველმა მომღერალმა, ნუცა ბუზალაძემ. ცერემონიის ფარგლებში, ასევე გაჟღერდა ქართული მრავალხმიანობის გამორჩეული ნიმუშები ქართული/ბავშვთა ფოლკლორული ანსამბლ „ჩაკრულოს“ შესრულებით.აღსანიშნავია, რომ BRID.GE წარმოადგენს საქართველოს ფარგლებს გარეთ პირველ ქართულ ინოვაციების ჰაბს, რომელიც ქართველი სტარტაპებისა და ტექნოლოგიური კომპანიებისთვის საერთაშორისო ბაზრებზე გასვლის, გლობალურ პარტნიორებთან თანამშრომლობისა და საერთაშორისო ინვესტორებთან პირდაპირი წვდომის ახალ შესაძლებლობებს ქმნის.

პოლიტიკა • 1779953740

ოპოზიციის დიდი ნაწილი შიშვლდება მოლაპარაკებების თხოვნით, პატიმართა შეწყალების ხვეწნით... უნდა შევწყვიტოთ მოწკმუტუნე მხვეწნელის როლში ყოფნა - მიხეილ სააკაშვილი

ვნახე წარმატებული საპროტესტო აქცია, რომელზეც გამოვიდა საზოგადოების აქტიური ნაწილი და მინდა, ჩემი აზრები გაგიზიაროთ, როგორ ვიმოქმედოთ დღეიდან. ახლა თვითკმაყოფილების კი არა, ბევრად მეტი მოქმედების დროა, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი აღნიშნავს, უნდა შეწყდეს მსხვერპლის როლში ყოფნა. მისივე თქმით, ის ერი არ არის თავისუფლების ღირსი, რომელიც გათავისუფლებას მუდმივად უცხოეთიდან ელოდება.„ჯერ მინდა, მოგიყვეთ 25 მაისის სასამართლოზე, რომელზეც წინასწარ დაგეგმილი თავდასხმა მომიწყვეს, სუსის ოდეერის, ვინმე ლაშას (რომელიც დედაჩემს სისხლს უშრობდა ვივამედში დამამცირებელი ჩხრეკით და სხვა პროცედურებით) ხელმძღვანელობით.ჯერ ქოც-მოსამართლემ დემონსტრაციულად დაიგვიანა და დიდი დროის გატარება მომიწია ბინძურ ვიწრო ლოდინის საკანში, შემდეგ დარბაზში შესვლის შემდეგ შეეცადნენ, ხელი შეეშალათ რათა ხელი არ ჩამომერთვა ადვოკატებისთვის. შემდეგ ქოც-მოსამართლემ უარი მითხრა სიტყვის მოცემაზე და შეშინებულმა სასწრაფოდ დახურა სხდომა და გაიქცა.მე კი ამ დროს მაინც ავიღე სიტყვა ჯერ ქართულად და შემდეგ უკრაინულად და ამ დროს მეცა ათამდე ბადრაგი გასათრევად. მიუხედავად ძალებში დიდი უთანასწორობისა, მე კარგად შევეწინააღმდეგე და ძალიან დიდხანს მოუწიათ ჩემი ჯაჯგური. ნუ ეს ყველაფერი გაკეთდა, მათი ჭკუით, 26 მაისის წინ ჩემი დამცირებისთვის.რატომ გიყვებით ამას? – იმიტომ, რომ დროა საბოლოოდ მივხვდეთ, რომ ყაჩაღ დიქტატორზე არ მოქმედებს არანაირი შეწყალების მუდარა, ჰუმანიზმს ის განიხილავს სისუსტედ, პოლიტიკურ კოლაბორაციონისტებს ჯერ იყენებს, მაგრამ შემდეგ მოისვრის ხოლმე.მას, ისევე როგორც მის პატრონს მოსკოვში, ესმის მხოლოდ ერთი ენა – ორგანიზებული წინააღმდეგობიდან წარმოშობილი ძალის ენა.ამასწინათ ძალიან გონიერმა ნუცა ბათიაშვილმა თქვა ძალიან ზუსტად, ივანიშვილმა გაუპატიურებისკენ მიდრეკილების მქონე მოძალადე მტრის წინაშე გააშიშვლა საქართველო, მაგრამ მინდა, ამას დავუმატო, რომ ზუსტად ასევე შიშვლდება ოპოზიციის დიდი ნაწილი ივანიშვილის წინაშე თავისი მოლაპარაკებების თხოვნით, პატიმართა შეწყალების ხვეწნით, არჩევნების იმედის გამოხატვით. რაც მეტს ვიხვეწებით, მით ვერაფერს მივიღებთ. ეს ხვეწნა-მუდარა მხოლოდ სადისტურ სიამოვნებას ანიჭებს დიქტატორს.არადა ჩვენ ვართ ერი, რომლის საყვარელ სიმღერაში არის სიტყვები „ჩავუხტეთ მუხრან ბატონსა“, რომლის ერთმა წარმომადგენელმა, საჩინო ბარათაშვილმა, სოლოლაკის კლდის მსგავსი კლდიდან გადმოისროლა მოღალატე ყორღანაშვილი, ნუთუ ახლა დავედით გაუპატიურების იდეალური მსხვერპლის დონეზე? იმ ხალხის წინაშე, რომელთა ლოზუნგია „ნულოვანი თანაგრძნობა“. უნდა შევწყვიტოთ მსხვერპლის და მოწკმუტუნე მხვეწნელის როლში ყოფნა. და ასევე უნდა გვახსოვდეს, რომ ის ერი არ არის თავისუფლების ღირსი, რომელიც გათავისუფლებას მუდმივად უცხოეთიდან ელოდება, ამერიკიდან, ევროპიდან, უკრაინიდან.ერთადერთი, რითაც შევძლებთ თავის დახსნას, არის გაბედული ადამიანების მიერ ორგანიზებული წინააღმდეგობა, რომელიც შეძლებს, მოძალადეებს არ აცემინოს, არ დააჭერინოს, არ დააჩაგვრინოს თავი. ეს წინააღმდეგობა უნდა წარმოებდეს ყველა დონეზე. მე ჩემის მხრივ, უარი ვთქვი სასამართლოში ცხვარივით გაყოლაზე და ბოლომდე ვიბრძოლე, მიუხედავად ჩალურჯებული სხეულისა.სხვებმა უნდა გაწიონ წინააღმდეგობა სოფელში მიწის მიმტაცებელი ფეოდალების, ქალაქში კორუმპირებული მერების და ეროვნულ დონეზე ხელისუფლების უზურპატორი კრიმინალური ბანდის წინააღმდეგ. უნდა შეწყდეს უნივერსიტეტის კიბეზე პატიმრობის მომლოდინე სტუდენტი გოგოს უბრძოლველად გატანება, აქციების დროს მოძალადეებისთვის ხალხის ცემის საშუალების მიცემა და შემდეგ ამ ნაცემი ხალხის გაქცევა, იმის მაგივრად, რომ მოძალადეები გააქციონ. არ ვიცი, შეიძლება, ჩემი უკრაინული ბექგრაუნდი მალაპარაკებდეს, მაგრამ ხალხმა უნდა შეწყვიტოს ცხვარივით დასაკლავად სვლა.და ის, რომ ივანიშვილი და რუსები ხალხის და ქვეყნის საბოლოოდ განადგურებას აპირებენ, ეს მხოლოდ ძალიან ჭკუასუსტებშიღა იწვევს ეჭვს. სხვა ანალოგია რომ მოვიხმაროთ – კამიკაძე ტერორისტებს გატაცებული ჰყავთ თვითმფრინავი და აპირებენ მიწაზე დახეთქებას. ამ დროს რა უნდა ქნან მგზავრებმა, სიკვდილის შიშით თავის ადგილებზე დარჩნენ, თუ დაორგანიზდნენ და გაკოჭონ გამტაცებლები და დასვან თვითმფრინავი უსაფრთხოდ.და ნუ დავიწყებთ იმის ძახილს, რომ ჩვენი ხალხი ამისთვის არ ვარგა. თავად შექმენით თავიდან ორგანიზებული წინააღმდეგობის უჯრედი ჯერ თქვენს სამ მეგობართან, მერე სამეზობლოსთან, მერე ბევრად ფართო წრესთან ერთად და აღმოაჩენთ, რომ ძალიან ბევრი ვართ და ძალიან დიდი ძალა გვაქვს.საქმე ლაპარაკის ნაცვლად და ხალხის ძალა – ხვეწნის ნაცვლად!“, – წერს მიხეილ სააკაშვილი.

საზოგადოება • 1779913833

„ბევრმა არ იცით...“ - ნუცა ბუზალაძე მიმართვას ავრცელებს

მომღერალი ნუცა ბუზალაძე სოციალურ ქსელში ვიდეოს გვიზიარებს, სადაც ხუთ სხვადასხვა ენაზე, თურქულად, ესპანურად, ფრანგულად, ინგლისურად და ქართულად ამღერდა.„ბევრმა არ იცით, რომ 5 სხვადასხვა ენაზე ვსაუბრობ და ახლა მინდა, რომ ხუთივე ენაზე გიმღეროთ“, – აცხადებს ნუცა ბუზალაძე. View this post on Instagram A post shared by NÚTSA (@nutsabuza)

პოლიტიკა • 1779776694

საქართველოს დამოუკიდებლობის დღესთან დაკავშირებით საზეიმო ღონისძიებები მთელი ქვეყნის მასშტაბით იმართება

საქართველოს დამოუკიდებლობის დღე, მთავრობის ადმინისტრაციის ორგანიზებით, მთელი ქვეყნის მასშტაბით სხვადასხვა სახის ღონისძიებებით აღინიშნება.დილიდან თბილისში, თავისუფლების მოედანზე გაიმართა წვევამდელთა ფიცის დადების ტრადიციული ცერემონია.საქართველოს მთავრობის ადმინისტრაციის ინფორმაციით, ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით წელს საქართველოს დამოუკიდებლობის დღის აღსანიშნავი ღონისძიებები ეფუძნება კონცეფციას: 1700 წელია, რწმენა გვაძლიერებს – სიყვარული გვაერთიანებს.წელს ფიცის დადების ცერემონია ყველაზე მასშტაბური იქნება და, პირველად, წვევამდელები ფიცს დადებენ თბილისში და საქართველოს 12 რეგიონში უძველეს ქრისტიანულ ეკლესია-მონასტრებთან.„დედაქალაქში მთელი დღის განმავლობაში კულტურულ, სპორტულ, გასართობ და საბავშვო ღონისძიებებს ორბელიანის მოედანი და ალექსანდრეს ბაღი უმასპინძლებს. პარალელურად, რეგიონებში საზეიმო ღონისძიებები გაიმართება ცენტრალურ მოედნებზე.17:10 საათზე მთელ ქვეყანაში ჰიმნის შესრულებით აღინიშნება დამოუკიდებლობის გამოცხადების ისტორიული დრო. დამოუკიდებლობის დღის საზეიმო ღონისძიებები მთელი ქვეყნის მასშტაბით გალაკონცერტებით დასრულდება.„26 მაისს, თბილისში, სადღესასწაულო ღონისძიებები ათონელის ქუჩაზე, ალექსანდრეს ბაღში, ხაზინის და ფხოვის, ფურცელაძის და ვეკუას ქუჩებზე, ასევე მიმდებარე ტერიტორიებზე გაიმართება“, – ნათქვამია საქართველოს მთავრობის ადმინისტრაციის ინფორმაციაში.პროგრამა:ალექსანდრეს ბაღი12:00 – 19:00 – საბავშვო კონცერტი – ანა-ბანა; ვოკალის აკადემია; ბასტი-ბუბუ; მეკოს სტუდია; ნუცას სკოლა; ნუკრი კაპანაძის სტუდია; ნიას სტუდია; ქენდი; ბზიკები;12:00 – 20:00 – საბავშვო გასართობი პროგრამა – საბავშვო მასტერკლასები და მოცულობითი გასაფერადებელი სტენდი; საბავშვო აქტივობები; საპნის ბუშტების და ილუზიონისტის შოუ; ზღაპრის კითხვა კოსტიუმირებული მსახიობის მიერ; ხაზინის და ფხოვის ქუჩა12:00 – 20:00 – სპორტის სივრცე – ფოტოზონები; მოსასვენებელი სივრცე; სამაგიდო თამაშები; კალათბურთი / ფეხბურთი / პადელი; საბავშვო აქტივობები და მასტერკლასები; საგამოფენო ზონა; სპორტული ქრონიკები;ფურცელაძის ქუჩა12:00 – 20:00 – ღვინისა და ხორბლის სივრცე – ღვინის ბარი; საგამოფენო სივრცე; მეღვინეების პროდუქციის გამოფენა-გაყიდვა; მოსასვენებელი სივრცე; ფოტოზონა/ინსტალაცია;14:00-18:00 – საბავშვო გასართობი აქტივობები – გვირგვინების დამზადება; ხელნაკეთი ნივთები; ჰერბარიუმის შექმნა; პინების შექმნა;12:00-16:00 – მუსიკალური ნაწილი – ანი კეკუა და ბენდი; დინი ვირსალაძე; მარიკო ებრალიძე; DJ;ფურცელაძის და ათონელის ქუჩების კვეთა12:00 – 19:00 – სახელოვნებო სივრცეები – ყვავილების სივრცე/გამოფენა – ზურაბ შევარდნაძე; ფოტოზონა; მოსასვენებელი სივრცე; საბავშვო მასტერკლასები; თემატური კაფე; კონცერტი;ვეკუას ქუჩა12:00 – 20:00 – კვების კუთხეიტალიის ქუჩა12:00 – 20:00 – კვების ობიექტებიათონელის ქუჩა17:10 – პრეზიდენტის სასახლის ეზო – საქართველოს ჰიმნიათონელის ქუჩა, პრეზიდენტის სასახლის მიმდებარე ტერიტორია20:00 – გალაკონცერტი26 მაისისთვის ემზადებიან მარნეულსა და ახალქალაქში. შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებით, ახალქალაქში, ცენტრალურ პარკში და მარნეულში მემორიალთან – „კიდევაც დაიზრდებიან“, დაგეგმილია მრავალფეროვანი ღონისძიებები.ახალქალაქი – პროგრამა:11:00 – 18:00 საქართველოს თავდაცვის ძალების სამხედრო ტექნიკის, შეიარაღებისა და აღჭურვილობის გამოფენა;11:00 – 18:00 ადგილობრივი მეწარმეების ხელნაკეთი ნივთებისა და პროდუქტის გამოფენა-გაყიდვა;11:00 – 18:00 კვების სივრცე;11:00 – 18:00 საბავშვო აქტივობები (ყვავილების გვირგვინების მასტერკლასი; სახის მოხატვა; ზღაპრის გმირები; შემეცნებითი და სპორტული აქტივობები);12:30 – მოსიარულე ორკესტრის მუსიკალური ნომრები და ზღაპრის გმირების გამოსვლა;13:00 – ადგილობრივი შემსრულებლების კონცერტი;14:00 – საბავშვო ანიმაციური აქტივობა;16:00 – მოსიარულე ორკესტრის მუსიკალური ნომრები, ანიმაციური გმირების თანხლებით და საპნის ბუშტების შოუ;17:10- საქართველოს სახელმწიფო ჰიმნი – კვარტეტი „უნისონი“;17:15 – გალაკონცერტიმარნეული – პროგრამა:11:00 – 18:00 საქართველოს თავდაცვის ძალების სამხედრო ტექნიკის, შეიარაღებისა და აღჭურვილობის გამოფენა;11:00 – 18:00 ადგილობრივი მეწარმეების ხელნაკეთი ნივთებისა და პროდუქტების გამოფენა-გაყიდვა;11:00 – 18:00 კვების სივრცე;11:00 – 18:00 საბავშვო აქტივობები (ყვავილების გვირგვინების მასტერკლასი; სახის მოხატვა; ზღაპრის გმირები; შემეცნებითი და სპორტული აქტივობები, თამაშები);12:30 – მოსიარულე ორკესტრის მუსიკალური ნომრები და ზღაპრის გმირების გამოსვლა;13:00 – ადგილობრივი შემსრულებლების კონცერტი;14:00 – საბავშვო ანიმაციური საცეკვაო თამაში/აქტივობა;16:00 – მოსიარულე ორკესტრის მუსიკალური ნომრები, ანიმაციური გმირების თანხლებით და საპნის ბუშტების შოუ;17:10- საქართველოს სახელმწიფო ჰიმნი – შაბან მამედოვი და ტრიო „ბალადა“; 17:15 – გალაკონცერტი.დამოუკიდებლობის დღის აღსანიშნავი ღონისძიებები გაიმართება ახალციხეში. რაბათის ტერიტორიაზე გაიმართება შემეცნებითი, გასართობი და სამეწარმეო აქტივობები.პროგრამა:11:00 – 15:30 – ჯადოსნური წიგნების სამყარო – ვეფხისტყაოსანი; 12:00 – 17:00 – პატარებისა და მოზარდებისთვის შემეცნებითი და სახალისო ვორქშოფები: ჩემი ციხესიმაგრე – საბავშვო მშენებლობა სპეციალური მასალით; პატარა უფლისწული – პლანეტების დამზადება; ჩანთების და კერამიკული ნივთების მოხატვა; 11:00 – 18:00 – აღმოსავლური ბაზარი – ადგილობრივი მეწარმეების და ხელოვანების ნამუშევრების გამოფენა-გაყიდვა – თვითნასწავლი მხატვრების ნამუშევრები; მინიატურული ქანდაკებები; სხვადასხვა ტექნოლოგიით შესრულებული დეკორატიული ნივთები; ნაქსოვი პროდუქცია; სამკაულები; აქსესუარები; ტრადიციული მესხური კერძები და ნუგბარი; 13:00 – 14:30 – ახალციხის მუნიციპალიტეტის ვოკალურ-ქორეოგრაფიული ანსამბლების კონცერტი; 12:00 – 17:00 – მოსიარულე მზე და მისი მეგობრები / საპნის ბუშტები; შოუ პროგრამა 14:30 – 17:00 თითების თეატრის წარმოდგენა; 17:10 – საქართველოს ჰიმნი – ანსამბლი „შავნაბადა“; 18:00 – გალაკონცერტი.დღესასწაულთან დაკავშირებით, მრავალფეროვანი ღონისძიებებია დაგეგმილი გორში. შინაგან საქმეთა სამინისტროს ორგანიზებით, მთელი დღის განმავლობაში, სტუმრებს სხვადასხვა სახის საგამოფენო სივრცეები უმასპინძლებს, აგრეთვე, პროგრამა დატვირთული იქნება საბავშვო აქტივობებით:12:00 – 19:00 – გორის ცენტრალური მოედანი / საკრებულოს მიმდებარე ტერიტორია – მთავარი ინსტალაციები, საგამოფენო და შემეცნებითი სივრცეები – „ჭკვიანი ქალაქი“ – საგზაო მოძრაობისა და უსაფრთხოების ინტერაქტიული სივრცე; ისტორიული და თემატური საგამოფენო სივრცეები; საინფორმაციო და ინტერაქტიული სტენდები; ტექნიკისა და სპეციალური აღჭურვილობის გამოფენა; სიმბოლური საპასპორტო კონტროლის სივრცე; პოლიციის ფორმებისა და ატრიბუტიკის გამოფენა; საბავშვო შემეცნებითი და გასართობი აქტივობები; საცოცი კედელი; ფოტოზონები და თემატური ინსტალაციები; სასაჩუქრე და ბრენდირებული აქსესუარები;12:00 – 19:00 – საბავშვო გასართობი აქტივობები – ანიმატორები; ზღაპრის გმირები; შემეცნებითი და სახელოვნებო აქტივობები; დრამების მარში; 12:00 – 19:00 – ადგილობრივი მეწარმეების პროდუქციის გამოფენა-გაყიდვა; კვებისა და ტკბილეულის სივრცე; 14:00 – 16:30 – ადგილობრივი ანსამბლების კონცერტი; 17:10 – საქართველოს სახელმწიფო ჰიმნი – გორის ქალთა კამერული გუნდი; 18:00 – გალაკონცერტი.ზუგდიდში, იუსტიციის სამინისტროს ორგანიზებით, სხვადასხვა სახის შემეცნებით-საგანმანათლებლო ღონისძიებები გაიმართება.პროგრამა:11:00-17:00 – თავდაცვის ძალების შეიარაღების გამოფენა; ეროვნული არქივის ინსტალაცია – საქართველოს გაქრისტიანებიდან 1700 წელი; ეროვნული არქივის ინსტალაცია – საქართველოს პირველი რესპუბლიკა / დამოუკიდებლობის აღდგენა; ეროვნული არქივის ინსტალაცია სამეგრელოს შესახებ; საინფორმაციო ინსტალაცია სამინისტროს შესახებ; გიგანტური პასპორტი; 360 GIFFER; ფოტო სივრცე – გაზეთი; ფოტო სივრცე – ID ბარათი; ტრადიციული ფოტო სივრცე; მობილური იუსტიციის სახლი – გაიცემა სიმბოლური დაბადების მოწმობა; რე-მარკეტი; მსჯავრდებულების ნამუშევრების გამოფენა; ძველი სანოტარო აქტების გამოფენა; სსიპების სტენდები; პენიტენციური სამსახურის კვადროციკლების გამოფენა; პენიტენციური სამსახურის შეიარაღება და სპეცსაშუალებები; „მართე პროცესი მარტივად“ – მოცულობითი სტენდი; კვების ზონა; ადგილობრივი მეწარმეების ხელნაკეთი ნივთების გამოფენა-გაყიდვა; საბავშვო სივრცე; სამართლებრივი კონსულტაციები ნოტარიუსებისგან; ამზომველების კონსულტაცია; სიმბოლური პასპორტების ბეჭდვა;12:00 – 15:00 – ადგილობრივი საბავშვო ანსამბლების კონცერტი; 17:10 – ჰიმნს შეასრულებს ადგილობრივი ბავშვთა ფოლკლორული ანსამბლი; 18:00 – გალაკონცერტი.ეკონომიკისა და მდგრადი განვითარების სამინისტროს ორგანიზებით, დამოუკიდებლობის დღეს მრავალფეროვანი პროგრამით იზეიმებს თელავი.პროგრამა:11:00-18:00 – საბავშვო აქტივობები: 3D მაკეტი მოძრავი ელემენტებით. რომელიც აჩვენებს, რა გზას გადის ელექტროენერგია მომხმარებლებამდე; ენერგეტიკული გასაფერადებელი; ააშენე მილსადენი; ენერგეტიკული ფაზლი; ინტერაქტიული თამაში; ქარის სათამაშო ტურბინა. შემეცნებითი აქტივობები: 3D ზონა – VR/3D სათვალეები, რომლის მეშვეობითაც მონაწილეები მიიღებენ ვიზუალურ და შემეცნებით გამოცდილებას ენერგიის წყაროების მუშაობის შესახებ და ექნებათ ვირტუალურ რეალობაში მოხვედრის საშუალება; ენერგიის გენერირების ველოსიპედები; საქართველოს ენერგეტიკული პოტენციალის ციფრული ვიზუალიზაცია; გაზი და უსაფრთხოება – შემეცნებითი კუთხე; მინი ექსპერიმენტორიუმი “შექმენი საკუთარი ენერგია“;12:00-18:00 – მასკოტები; 12:00-19:00 – სამეწარმეო სივრცე: 13:00-22:00 – კვების ზონა; 15:00 – 16:30 – ადგილობრივი საბავშვო შემოქმედებითი ჯგუფები; 17:10 – საქართველოს ჰიმნი – „თელავის კაპელა“; 17:30-18:30 – ადგილობრივი შემოქმედებითი ანსამბლების კონცერტი; 19:00 – გალაკონცერტი.საქართველოს ფოსტის ორგანიზებით, თელავში საბავშვო-გასართობი ღონისძიებები გაიმართება. 11:00-18:00 – საბავშვო აქტივობები; ღია ბარათების გაგზავნა; ფოსტალიონები; კალიგრაფისტი; ინტერაქციული აქტივობა ზრდასრულებისთვის – „თქვენთვის წერილია“.ქუთაისში, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციისა და საქართველოს ინოვაციების და ტექნოლოგიების სააგენტოს მხარდაჭერით, სტუმრებს სხვადასხვა სახის საზეიმო ღონისძიებები დახვდებათ. პროგრამა:11:00-18:00 – საბავშვო აქტივობები; 11:00-18:00 – მინი გოლფი, შაში, ბოულინგი; 3D მოდელირების ვორქშოფი; Snap circuits და lego spike ვორქშოპი, პრაქტიკული ტესტირება; დრონების ვორქშოპი; სათვალეების ვორქშოპი; პრაქტიკული ჩვენება; სკანირების ვორქშოპი; ინდუსტრიული რობოტი ხელი NYIRIO და UNITRI რობოტების ვორქშოპი; პრაქტიკული ტესტირება;11: 00 -16:00 – მოსიარულე ორკესტრი, ოჩოები; 12:00 – 15:00 – ექსპერიმენტები; 13:00 – 15:30 – თეატრი; 14:00-22:00 – კვების ზონა და ბარი; 17:00 – პერფორმანსი; 17:10 – საქართველოს ჰიმნი; 19:00 – გალაკონცერტი;ფოთის ცენტრალურ მოედანზე, გარემოს დაცვისა და სოფლის მეურნეობის სამინისტროს სსიპ დაცული ტერიტორიების სააგენტო და ეკონომიკისა და მდგრადი განვითარების სამინისტროს სსიპ საზღვაო ტრანსპორტის სააგენტოს ბათუმის სახელმწიფო საზღვაო აკადემია ღონისძიების სტუმრებს შემეცნებით და გასართობ ღონისძიებებს შესთავაზებენ.პროგრამა11:00-18:00 – საბავშვო და შემეცნებითი აქტივობები; ფოტოზონა ,,მე პატარა მეზღვაური ვარ“; გემის სიმულატორი; თამაში „გემის უსაფრთხო ნავიგაცია“; აფრიანი ნავის და შუქურების გამოფენა; საქართველოს საზღვაო რუკების გამოფენა;11:00 – 18:00 – სამხედრო ტექნიკის გამოფენა; ადგილობრივი მეწარმეების გამოფენა-გაყიდვა; 13:00 – 18:00 – კოსტუმირებული მსახიობების მსვლელობა დრამერების თანხლებით; შემოქმედებითი და გასართობი აქტივობები; 13:30 – 14:30 – კოლხეთისა და გურიის ეროვნული პარკების მიმდებარედ მცხოვრები, კონკურსში – „ვიცავ ჩემი ქვეყნის ბუნებას“ – მონაწილე სკოლების მოსწავლეების დაჯილდოება საბავშვო სივრცეში. 13:30 -13: 50 – კონცერტი; საზღვაო აკადემიის ბენდი; 14:30 – 16:30 – ადგილობრივი შემსრულებლების საკონცერტო პროგრამა; 17:10 – 17:15 – საქართველოს სახელმწიფო ჰიმნი. 17:20 – გალაკონცერტი.ამბროლაურში, საქართველოს აეროპორტების გაერთიანების ორგანიზებით, საგამოფენო, ინფორმაციული და მულტიფუნქციური სივრცეები მოეწყობა. პროგრამა:11:00-18:00 – შემეცნებითი სტენდი ავიაციის თემატიკით; სასრიალო თვითმფრინავი საბავშვო აქტივობისთვის; პინგპონგის აქტივობა; ფოტოზონა თვითმფრინავის ჩარჩოში; ფოტო ჯიხური, ბრენდირებული ფოტოებით; საინფორმაციო ბუკლეტების გადაცემა, აქტივობა – საბავშვო გასაფერადებლები.11:00 – 18:00 – სამხედრო ტექნიკის გამოფენა; ადგილობრივი მეწარმეების გამოფენა გაყიდვა; 12:00 – 13:00 – დრამერების შოუ და ოჩოების გამოსვლა; 12:00- 18:00 – მეღვინეების მიერ ღვინის დეგუსტაცია / წარდგენა; ფოტო გადაღების კუთხე; საბავშვო აქტივობები: ყვავილების გვირგვინის დამზადება, პინების ვორქშოფი, თიხის ფიალების მოხატვა, ღვინის ეტიკეტის დამზადება; 13:00-15:30 – ადგილობრივი შემსრულებლების კონცერტი; 15:00 – 16:00 – ლეგოების აწყობა; 15:00 – 16:00 თვითმფრინავების გაკეთება მუყაოს დეტალებით; 17:10- სახელმწიფო ჰიმნი; 17:15 – გალაკონცერტიმცხეთაში, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ორგანიზებით, დამოუკიდებლობის დღისადმი მიძღვნილი საზეიმო ღონისძიებები მთელი დღის განმავლობაში გაიმართება.პროგრამა:12:00 – 19:00 – საქართველოს თავდაცვის ძალების სამხედრო ტექნიკის, შეიარაღებისა და აღჭურვილობის გამოფენა; 12:00 – 19:00 – თემატური ფოტო და საინფორმაციო სტენდები; 12:00 – 17:00 – საბავშვო გასართობი პროგრამა: ვორქშოპები, სახალისო თამაშები და ფოტო ზონები; 12:00 – 16:00 – ადგილობრივი მუსიკალური და ფოლკლორული ანსამბლების კონცერტი; 14:00-16:00 – ოჩოების, მასკოტების ჩამოვლა დრამების შოუსთან ერთად; 12:00 – 17:00 – CPR დემონსტრაცია; 12:00 – 19:30 ადგილობრივი მეწარმეების გამოფენა-გაყიდვა; 17:10 – საქართველოს ჰიმნი; 17:15 – გალაკონცერტი;განათლების, მეცნიერებისა და ახალგაზრდობის სამინისტროს ორგანიზებით, ოზურგეთის ცენტრალურ მოედანზე, 26 მაისი მრავალფეროვანი ღონისძიებებით აღინიშნება.პროგრამა:11:00 – 20:00 – შემეცნებით-საგანმანათლებლო აქტივობები; პროფესიული სასწავლო დაწესებულებების გამოფენა; ადგილობრივი მეწარმეების გამოფენა-გაყიდვა; სამხედრო ტექნიკის გამოფენა; საბავშვო – გასართობი აქტივობები; ადგილობრივი შემსრულებლების კონცერტი; გალა კონცერტი;11:00-20:00 – სსიპ – სამცხე-ჯავახეთის სახელმწიფო უნივერსიტეტი – ვეტერინარია; ვიარ სათვალით მოგზაურობა სამცხე-ჯავახეთში; მასტერკლასი აგრონომიაში; აფხაზური ცენტრი; პირველადი დახმარების სიმულაციები;სსიპ – სოხუმის სახელმწიფო უნივერსიტეტი – ელექტრომიკროსკოპის საშუალებით მცენარეულ და ცხოველურ უჯრედებზე დაკვირვება; შემოქმედებითი და კულტურული აქტივობა – ქართული კალიგრაფია; ტექნიკური ამოცანების სესია; ფერწერული აქტივობა; აგრომიმართულების შემეცნებითი აქტივობა; აგრო – პრაქტიკული აქტივობა;სსიპ – ბათუმის შოთა რუსთაველის სახელმწიფო უნივერსიტეტი – ნიკო ბერძენიშვილის ინსტიტუტის აქტივობა – შემეცნებითი ვიქტორინა; უნივერსიტეტების გამოფენა; სსიპ – ბათუმის სახელმწიფო საზღვაო აკადემია – საინფორმაციო კუთხე; საზღვაო კვანძების მასტერკლასი;სსიპ – შოთა მესხიას ზუგდიდის სახელმწიფო უნივერსიტეტი – საიმიჯო და ტექნოლოგიური კუთხე; პირველადი სამედიცინო დახმარების სიმულაციური დემონსტრირება. სსიპ – გორის სახელმწიფო უნივერსიტეტი – საგანმანათლებლო – სამეცნიერო აქტივობა; იმიტირებული არქეოლოგიური ველი.სსიპ – იაკობ გოგებაშვილის სახელმწიფო უნივერსიტეტი – აგრარული მიმართულების სამეცნიერო-კვლევითი პროექტების შედეგები; სტუდენტების მიერ შექმნილი სამაგიდო თამაშების წარდგენა; ექსპერიმენტები.სსიპ – ქუთაისის საერთაშორისო უნივერსიტეტი – საინფორმაციო კუთხე; ვირტუალური კამპუსის ტური; AR – პროექტი კულტურული მემკვიდრეობის გაცოცხლება; KIU- ს მიურალების გაცოცხლება ხელოვნური ინტელექტის მეშვეობით.სსიპ – აკაკი წერეთლის სახელმწიფო უნივერსიტეტი – ფიზიკური მოდელი და ვორქშოპი თემაზე: ელექტრომობილებში ენერგოეფექტურობის გაზრდა; სასამართლო ექსპერტიზის მასტერკლასი; აზროვნების – პროგრამირების ტრენდები და რობოტიკის მასტერკლასები; ინტერაქციული მედიცინის კუთხე და მულაჟები; პირველადი დახმარების მასტერკლასები; 11:00 – 20:00 – ციფრული კუბი – საგანმანათლებლო-გასართობი შინაარსის ვიდეორგოლები თემაზე: კოსმოსი, იურული პარკი, წყალქვეშა სამყარო.ქუთაისის საერთაშორისო უნივერსიტეტი – კიბერუსაფრთხოების ინტერაქციული დემონსტრაცია; ავტონომიური რობოტექნიკა და მოძრაობის ალგორითმები; SILKROUT AI – ინოვაციური პლატფორმა ტყის ეკოსისტემების მონიტორინგისა და ანალიზისთვის.შოთა რუსთაველის ეროვნული სამეცნიერო ფონდი: ჭკვიანი მაგიდა – ორგანაიზერი უსინათლოთათვის; ხიდებისა და შენობების მონიტორინგის სისტემა; ვიქტორინა – თემატური კითხვები ბავშვებისთვის.მასწავლებელთა პროფესიული განვითარების ეროვნული ცენტრი – STEAM სკოლებში – სადემონსტრაციო აქტივობების და რესურსების კუთხე; Stam სწავლების მიმართულების ექსპერიმენტები და შემეცნებით-გასართობი ინტერაქტიური აქტივობები; საინფორმაციო კუთხე.პროფესიული კოლეჯი „აისი“ – კოლეჯში დამზადებული პროდუქციის გამოფენა; ღვინის ბოთლებში ჩამოსხმისა და ეტიკეტირების მასტერკლასი; მასტერკლასი თემაზე: თექის მოთელვა; კულინარიული მასტერკლასი.პროფესიული კოლეჯი ,,ახალი ტალღა“ – კულინარიის მასტერკლასი; კონდიტერის მასტერკლასი; ბარის მასტერკლასი; ხის ნამუშევრებისა და აქსესუარების გამოფენა.პროფესიული კოლეჯი „ბლექსი“ – კონდიტერის მასტერკლასი; კულინარიის მასტერკლასი; მეფუტკრეობა.პროფესიული კოლეჯი „იბერია“ – უპილოტო საფრენი აპარატების მასტერკლასი; ვორქშოპი ვირტუალური რეალობის (VR) სათვალეების გამოყენებით; რობოტიკის მიმართულება; 3D კალმებით სახალისო და შემოქმედებითი აქტივობები; სამაგიდო თამაშები.პროფესიული კოლეჯი „იკაროსი“ – ბარმენთა შოუ; პიცის გამოცხობის მასტერკლასი; კონდიტერია; თემატური კულინარიული მასტერკლასები.პროფესიული კოლეჯი „ფაზისი“ – სტუდენტთა მიერ შექმნილი ეროვნული და საღამოს სამოსის გამოფენა; პროფესიული საგანმანათლებლო პროგრამა ,,ფლორისტიკა” – ყვავილების თაიგულის შექმნის მასტერკლასი; პროფესიული საგანმანათლებლო პროგრამა „სადურგლო საქმე“ – სტუდენტების მიერ ხისგან შექმნილი ნამუშევრების გამოფენა; სამრეწველო ინოვაციების ლაბორატორიაში (FabLab) – ინოვაციური ნაკეთობების გამოფენა.პროფესიული კოლეჯი „მერმისი“ – „კულინარიის ხელოვნების„ მასტერკლასი; კონდიტერის მასტერკლასი; ხელოვნების მიმართულების პროფესიულ სტუდენტთა ნამუშევრების გამოფენა;პროფესიული კოლეჯი „პრესტიჟი“ – სატყეო საქმის აქტივობები; ელექტრიკოსის აქტივობები; დეკორატიული ქსოვილების დამუშავება; კოლეჯის 3D ვირტუალური ტური; კულინარიის დაფა.პროფესიული კოლეჯი „სპექტრი“ – ხის მხატვრული დამუშავება; კერამიკული ნაკეთობების წარმოება.პროფესიული კოლეჯი „ჰორიზონტი“ – გურული ოდა; ღვინის დეგუსტაცია; უძველეს ქართულ რეცეპტებზე დაფუძნებული გასტრონომიული კუთხე; მოდის დიზაინის პროფესიული პროგრამა; სარესტორნო მომსახურების სტენდი.11:00-20:00 – თავდაცვის სამინისტრო წარმოადგენს სამხედრო ტექნიკასა და აღჭურვილობას;11:00-20:00 – საბავშვო-გასართობი აქტივობები – დრამერების მსვლელობა; მასკოტები; კოსტიუმირებული მსახიობების წარმოდგენა; საბავშვო არქეოლოგიური სივრცე; სახალისო მეცნიერების აქტივობა; სამკაულების დამზადების მასტერკლასი; საკიდების დამზადების მასტერკლასი; ქართული ანბანის მორთვის ვორქშოპი; საპნის ბუშტების შოუ; ბოულინგი; სპორტული აქტივობა – „ისროლე მიზანში“;სსიპ – საგანმანათლებლო დაწესებულების მანდატურის სამსახური – არტ-თერაპიული აქტივობები; კოლექტიური ნახატი „ჩემი საქართველო“ ბავშვების ჩართულობით; თემატური გასაფერადებელი ნახატები – საქართველოს მეფეები, ისტორიული ძეგლები; სამაგიდო განმავითარებელი თამაშები; 12:00 – 15:30 – ადგილობრივი შემსრულებლების კონცერტი; 17:10 –- სახელმწიფო ჰიმნი; 17:15 – გალაკონცერტი.საგარეო საქმეთა სამინისტროს ორგანიზებით, მესტიაში, საქართველოს დამოუკიდებლობის დღის აღსანიშნავად სხვადასხვა სახის საზეიმო ღონისძიებები გაიმართება.პროგრამა:11:00 – ფოტოზონები, საინფორმაციო სტენდები; 12:00 – საზეიმო მსვლელობა – კოსტიუმირებული მსახიობებისა და ორკესტრის მონაწილეობით; 12:00-17:30 – ბავშვთა გასართობი სივრცე: სახის მოხატვა, სპორტული შეჯიბრებები და სხვადასხვა გასართობი აქტივობები; 12:00-19:30 – ადგილობრივი მეწარმეების პროდუქციის გამოფენა-გაყიდვა; კულინარიული მასტერკლასი; 14:30-16:30 – ადგილობრივი ფოლკლორული და ქორეოგრაფიული ანსამბლების კონცერტი; 16:30 -კოსტიუმირებული მსახიობებისა და ორკესტრის მსვლელობა; 17:10 – საქართველოს სახელმწიფო ჰიმნი – ადგილობრივი ფოლკლორული ანსამბლი „რიჰო“; 17:30-19:30 – გალაკონცერტი.რუსთავში საზეიმო ღონისძიებები გარემოს დაცვისა და სოფლის მეურნეობის სამინისტროს ორგანიზებით გაიმართება.პროგრამა:დღის განმავლობაში – ადგილობრივი მეწარმეების პროდუქციის გამოფენა/გაყიდვა; ღვინის დეგუსტაცია; კულინარიული მასტერკლასი; რუსთავის ისტორიული პავილიონი – რუსთავში აღმოჩენილი ექსპონატების ასლების გამოფენა. რუსთავის ჭალის ტყის საინფორმაციო კედელი; დარგე შენი სახელობის ხე; ზღაპრის გმირები; ფერმერის ფოტოზონა; საგამოფენო სივრცე; 26 მაისის ინსტალაცია.13:10 – 14:10 – საბავშვო მუსიკალურ-თეატრალური წარმოდგენა „ჟოზეს“ მონაწილეობით; 14:20 – 16:50 – ადგილობრივი შემსრულებლების კონცერტი; 17:10 – საქართველოს ჰიმნი – ანსამბლი მძლევარი; 19:00 – 21:00 – გალაკონცერტი;აჭარის ავტონომიური რესპუბლიკის მთავრობის ორგანიზებით, ანბანის კოშკის მიმდებარე ტერიტორიაზე 26 მაისი სხვადასხვა სახის საზეიმო ღონისძიებებით აღინიშნება.პროგრამა:11:00 – 20:00 – პატარებისა და მოზარდებისთვის შემეცნებითი და სპორტული აქტივობები – სპორტული თამაშები – კალათბურთის ფარი; სპორტული თამაშები – მინი-ფეხბურთის თამაშები; სახეზე ხატვა; საჩუქარი „ჩემი ხელით“ – ტილოზე შესრულებული ნახატი პატარების მონაწილეობით;12:00 – 19:00 – სტენდი — „დინამო ბათუმის“ ფეხბურთელების გულშემატკივრებთან შეხვედრა – სამახსოვრო ბარათებზე ხელმოწერა; ფოტოების გადაღება; საფეხბურთო მატჩზე დასასწრები ბილეთების გათამაშება; 11:00 – 20:00 – ადგილობრივი მეწარმეებისა და ხელოვანების ნამუშევრების გამოფენა-გაყიდვა – თვითნასწავლი მხატვრების ნამუშევრები; მინიატურული ქანდაკებები; სხვადასხვა ტექნოლოგიით შესრულებული დეკორატიული ნივთები; ნაქსოვი პროდუქცია; სამკაულები; აქსესუარები; ტრადიციული კერძები და ნუგბარი; 17:15 – ბათუმის სახელმწიფო მუსიკალური ცენტრის სიმფონიური ორკესტრის კონცერტი; 18:30 – გალაკონცერტი.ამასთან, საქართველოს მთავრობის ადმინისტრაციის ცნობით, 26 მაისისადმი მიძღვნილი სადღესასწაულო ღონისძიებები საქართველოს ყველა რეგიონში საზეიმო კონცერტით დასრულდება, რომლებშიც ცნობილი ქართველი შემსრულებლები მიიღებენ მონაწილეობას.

საზოგადოება • 1779716100

რა ღონისძიებები იგეგმება 26 მაისს, დამოუკიდებლობის დღის აღსანიშნავად

საქართველოს დამოუკიდებლობის დღე, მთავრობის ადმინისტრაციის ორგანიზებით, მთელი ქვეყნის მასშტაბით, სხვადასხვა სახის ღონისძიებებით აღინიშნება. ინფორმაციას მთავრობის ადმინისტრაციის პრესსამსახური ავრცელებს.26 მაისს, დილიდან თბილისში, თავისუფლების მოედანზე გაიმართება წვევამდელთა ფიცის დადების ტრადიციული ცერემონია.ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით, წელს საქართველოს დამოუკიდებლობის დღის აღსანიშნავი ღონისძიებები ეფუძნება კონცეფციას - 1700 წელია, რწმენა გვაძლიერებს - სიყვარული გვაერთიანებს.ამ თარიღთან დაკავშირებით, წელს ფიცის დადების ცერემონია ყველაზე მასშტაბური იქნება და პირველად, წვევამდელები ფიცს დადებენ თბილისში და საქართველოს 12 რეგიონში უძველეს ქრისტიანულ ეკლესია-მონასტრებთან.დედაქალაქში მთელი დღის განმავლობაში კულტურულ, სპორტულ, გასართობ და საბავშვო ღონისძიებებს ორბელიანის მოედანი და ალექსანდრეს ბაღი უმასპინძლებს. პარალელურად, რეგიონებში საზეიმო ღონისძიებები გაიმართება ცენტრალურ მოედნებზე.17:10 საათზე მთელს ქვეყანაში ჰიმნის შესრულებით აღინიშნება დამოუკიდებლობის გამოცხადების ისტორიული დრო. დამოუკიდებლობის დღის საზეიმო ღონისძიებები მთელი ქვეყნის მასშტაბით გალა კონცერტებით დასრულდება.26 მაისს, თბილისში, სადღესასწაულო ღონისძიებები ათონელის ქუჩაზე, ალექსანდრეს ბაღში, ხაზინის და ფხოვის, ფურცელაძის და ვეკუას ქუჩებზე, ასევე მიმდებარე ტერიტორიებზე გაიმართება.პროგრამა:ალექსანდრეს ბაღი12:00 – 19:00 - საბავშვო კონცერტი - ანა-ბანა; ვოკალის აკადემია; ბასტი-ბუბუ; მეკოს სტუდია; ნუცას სკოლა; ნუკრი კაპანაძის სტუდია; ნიას სტუდია; ქენდი; ბზიკები;12:00 – 20:00 - საბავშვო გასართობი პროგრამა - საბავშვო მასტერკლასები და მოცულობითი გასაფერადებელი სტენდი; საბავშვო აქტივობები; საპნის ბუშტების და ილუზიონისტის შოუ; ზღაპრის კითხვა კოსტიუმირებული მსახიობის მიერ;ხაზინის და ფხოვის ქუჩა 12:00 – 20:00 - სპორტის სივრცე - ფოტოზონები; მოსასვენებელი სივრცე; სამაგიდო თამაშები;კალათბურთი / ფეხბურთი / პადელი;საბავშვო აქტივობები და მასტერკლასები;საგამოფენო ზონა; სპორტული ქრონიკები;ფურცელაძის ქუჩა 12:00 – 20:00 - ღვინისა და ხორბლის სივრცე - ღვინის ბარი; საგამოფენო სივრცე; მეღვინეების პროდუქციის გამოფენა-გაყიდვა; მოსასვენებელი სივრცე; ფოტოზონა/ინსტალაცია;14:00-18:00 - საბავშვო გასართობი აქტივობები - გვირგვინების დამზადება; ხელნაკეთი ნივთები; ჰერბარიუმის შექმნა; პინების შექმნა;12:00-16:00 - მუსიკალური ნაწილი - ანი კეკუა და ბენდი; დინი ვირსალაძე; მარიკო ებრალიძე; DJ;ფურცელაძის და ათონელის ქუჩების კვეთა 12:00 – 19:00 - სახელოვნებო სივრცეები - ყვავილების სივრცე/გამოფენა - ზურაბ შევარდნაძე; ფოტოზონა; მოსასვენებელი სივრცე; საბავშვო მასტერკლასები; თემატური კაფე; კონცერტი;ვეკუას ქუჩა 12:00 – 20:00 - კვების კუთხეიტალიის ქუჩა 12:00 – 20:00 - კვების ობიექტებიათონელის ქუჩა17:10 – პრეზიდენტის სასახლის ეზო - საქართველოს ჰიმნიათონელის ქუჩა,პრეზიდენტის სასახლის მიმდებარე ტერიტორია 20:00 - გალა კონცერტი

საზოგადოება • 1779683257

ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით, წელს საქართველოს დამოუკიდებლობის დღის აღსანიშნავი ღონისძიებები ეფუძნება კონცეფციას - 1700 წელია, რწმენა გვაძლიერებს - სიყვარული გვაერთიანებს. დედაქალაქი მთელი დღის განმავლობაში კულტურულ, სპორტულ, გასართობ და საბავშვო ღონისძიებებს უმასპინძლებს. 12:00 საათიდან ადგილობრივებსა და ქალაქის სტუმრებს სადღესასწაულო ღონისძიებები და თემატური ინსტალაციები ათონელის ქუჩაზე, ალექსანდრეს ბაღში, ხაზინის და ფხოვის, ფურცელაძის და ვეკუას ქუჩებზე, ასევე მიმდებარე ტერიტორიებზე დახვდებათ.26 მაისისადმი მიძღვნილი სადღესასწაულო ღონისძიებები საქართველოს ყველა რეგიონში საზეიმო კონცერტებით დასრულდება, რომლებშიც ცნობილი ქართველი შემსრულებლები მიიღებენ მონაწილეობას.„ტრადიციულად, წელსაც თბილისის მერია აქტიურად არის სამზადისში და 26 მაისს დღის 12:00 საათიდან, მას შემდეგ რაც თავისუფლების მოედნის მთავარი ღონისძიება დასრულდება, ელოდება ყველა თბილისელს და თბილისის ყველა სტუმარს სწორედ აქ, ორბელიანის მოედანზე. გაიმართება სამეწარმეო გამოფენა, სადაც ქართველი არტისტები უნიკალურ ნივთებს გამოიტანენ და თან რეალიზება მოხდება და ასევე საქართველოს სხვადასხვა კუთხიდან სპეციალურად 26 მაისისთვის შექმნილი მენიუებით გვესტუმრებიან შეფმზარეულები და საოცარ, არაჩვეულებრივ ქართულ სამზარეულოს შემოგთავაზებენ. დღის განმავლობაში რა თქმა უნდა დაგეგმილი იქნება სხვადასხვა სანახაობა, ასევე სივრცეში განთავსებული იქნება თემატური ინსტალაციები და დეკორაციები. დღის ბოლოს დააგვირგვინებს გალაკონცერტი. კონკრეტულად 26 მაისისთვის შექმნილი პროექცია იქნება ახალი სანახაობა, რაც სწორედ აქ, ათონელის ქუჩაზე დახვდებათ ვიზიტორებს“, - განაცხადა თბილისის მერიის ღონისძიებების უზრუნველყოფის სამსახურის უფროსმა, ნინუცა ბუცხრიკიძემ.

ტაბლოიდი • 1779393474

„ნამდვილი ძალა დახმარების თხოვნაშია...“ - ნუცა ბუზალაძის საქმრო მიმართვას ავრცელებს

ნუცა ბუზალაძის საქმრო, ცნობილი ამერიკელი აგენტი, დარენ პრინცი მიმართვას ავრცელებს.„არ ვიცი რატომ, მაგრამ ფსიქიკური ჯანმრთელობის ცნობადობის თვეში დახმარების მოთხოვნა უფრო მეტად გაიზარდა, ვიდრე ოდესმე. როგორც ჩანს, სტიგმა და ადამიანები, რომლებიც ჩუმად და სირცხვილში იტანჯებიან, ჯერ კიდევ ვერ ბედავენ დახმარებისთვის ნაბიჯის გადადგმას.ნამდვილი ძალა სწორედ დახმარების თხოვნაშია და პირველ რიგში ღმერთის რწმენაში.მე ჩემი წარსული მიზნად ვაქციე.თუ ვინმე ფსიქიკური ჯანმრთელობის პრობლემებს ან დამოკიდებულებას ებრძვით, ჩემი დოკუმენტური ფილმი ისევ ბიოშია.თუ დახმარება გჭირდება, მომწერე პირადში და ერთად ვაქციოთ შენი ყველაზე რთული პერიოდი ახალ დასაწყისად იმ ცხოვრებისკენ, რომელსაც ნამდვილად იმსახურებ“, - წერს დარენი სოციალურ ქსელში.

შოუბიზნესი • 1779383573

„ამ დღეებში დაიდება ძალიან ლამაზი სიმღერა...“ - ნუცა შანშიაშვილი პრემიერისთვის ემზადება

ნუცა შანშიაშვილი გულშემატკივრებს სასიამოვნო სიახლეს უზიარებს. მუსიკოსი ახალი სიმღერის პრემიერისთვის ემზადება, რომლის ავტორიც კომპოზიტორი სოფი რაფაელაა. მომღერალი სოციალური ქსელის მომხმარებლებს იმ ემოციაზე უყვება, რაც სიმღერის მოსმენისას დაეუფლა. „მთელი ჩემი ცხოვრება აწყობილია სიურპრიზებით, მოულოდნელი ამბებით და საერთოდ, ხელოვნება, თუ რამე შემიქმნია, ყველაფერი, ყოველთვის ხდებოდა სპონტანურად. გიყვებით 3 დღის წინანდელ ამბავს... მირეკავს გიორგი შალვაშვილი საქმესთან დაკავშირებით, ვსაუბრობთ, დავასრულეთ და მერე, მწერს უეცრად, რომ რაღაც სიმღერა უნდა ჩაგიგდო, შენ უნდა იმღეროო, შენი ხმა მესმის, რომ შენ გააკეთებ ამ სიმღერასო....მომდის სიმღერა, ჩავრთე, მოვუსმინე და გულ-ღვიძლი ამომიტრიალდა, ემოციამ შემიპყრო - დამამონა იმან, რასაც მოვუსმინე. ეს არის ახალგაზრდა, ძალიან ნიჭიერი, ბერძენი-ქართველი კომპოზიტორი სოფი რაფაელა, ტექსტის ავტორიც თვითონ არის - გადმომიგზავნა გამზადებული მუსიკა.პრემიერას დაელოდეთ, ამ დღეებში დაიდება ახალი სიმღერა, რომელიც ჩემ სულს შეეხო და მერე განვიხილოთ... დავდებ და გაგიზიარებთ ამ მაგარ, ქართულ, ძალიან, ძალიან ლამაზ სიმღერას „მათენდება“ - ავტორი სოფი რაფაელა; ტექსტი, მუსიკა, ვოკალი ჩემი; არანჟირება დავით ალავიძე - დაგველოდეთ“, - ამბობს ნუცა შანშიაშვილი. ნახეთ, ვიდეო: