დაკრძალეს

„ძმები ჩხაიძეების საბედისწერო გასეირნება...“ - სამეგობროს ტრაგედია, რომელმაც თბილისი შეძრა

ტრაგედია, 37 წლის წინათ, თბილისის ზღვაზე მოხდა. ხუთი მეგობარი: გიგი ხაბეიშვილი, გოგლიკო ჩოგოვაძე, ვახო დუჩიძე და ძმები – გოგიტა და კახა ჩხაიძეები იმ დღეს ბედისწერამ ზღვაზე მიიყვანა.ცოტა ხნით ადრე მეგობრებმა იალქნიანი იახტა შეიძინეს. მოკლედ, 1985 წლის 27 მაისს ბიჭები საკუთარი იახტით ზღვაში შევიდნენ. მალე იახტა წყალში რაღაცას წამოედო და გაჩერდა. ამბობენ, რომ იახტა წყალში გადებულმა თევზსაჭერმა ბოძმა შეაკავა, რომელშიც დიდი ძაბვა გადიოდა. იმის გასარკვევად, თუ რა აფერხებდა იახტას, ბიჭები წყალში ჩახტნენ.ჯერ ერთი ჩხაიძე ჩახტა, მას მეორე მიჰყვა, მერე გოგლიკო ჩოგოვაძეც შეუერთდა ძმებს… სამივეს დენმა დაარტყა. ბიჭები წყალში გარდაიცვალნენ. გიგი ხაბეიშვილიც წყალში მეგობრებთან ერთად გადამხტარა, დენს მისთვისაც დაურტყამს, მაგრამ იგი გადარჩა. ამბობენ, გიგის გულში კაფსულა ჰქონდა ჩადგმული, რომელმაც დენი გაატარა და ამან გადაარჩინაო.„ასე ლაპარაკობდნენ, თორემ ტყუილია. ბავშვობაში 7 წლის ასაკში, გულის ოპერაცია მაქვს გაკეთებული. დენმა მეც დამარტყა. გათიშული ერთი თვე ვიწექი. მაგრამ გადავრჩი“, – ასე იხსენებს ამ ტრაგედიას გიგი ხაბეიშვილი. ვახო დუჩიძე წყალში არ გადამხტარა. შესაბამისად, იგი ხუთი მეგობრიდან, გიგის შემდეგ, მეორეა, რომელიც ტრაგედიას გადაურჩა.სამეგობროს ტრაგედიახუთივე 55-ე სკოლელი იყო. დიდი სამეგობრო ჰქონდათ. მათ თაობაში შედიოდნენ ძმები გაჩეჩილაძეები. ბიჭები სპორტული ცხოვრებით ცხოვრობდნენ. გიგი მოთხილამურე იყო, ძმები ჩხაიძეები კალათბურთელები. იმ დღეს იახტით გასეირნებას არ აპირებდნენ. სხვადასხვა გეგმები ჰქონიათ, გოგლიკო ჩოგოვაძე საფრანგეთში სასწავლებლად უნდა გაფრენილიყო. მაგრამ გეგმა ჩაშლია და ზღვაზე აღმოჩენილან.გიგი, სოლიკო ხაბეიშვილის შვილი გახლავთ, გოგლიკო, ირაკლი ჩოგოვაძის (ყოფილი ეკონომიკის მინისტრი) ძმაა. გოგლიკოს მშობლები ტრაგედიის დროს საფრანგეთში იყვნენ. მამა, გოჩა ჩოგოვაძე, წლობით საფრანგეთის ელჩი იყო (ახლა იუნესკოში მუშაობს).„გოგლიკოს შეყვარებული ნინო სუხიშვილი იყო. იმ დროს, როგორც მე ვიცი, ნაჩხუბრები იყვნენ“ – ისტორიას აცოცხლებს ელენე ჩხაიძე, კახა ჩხაიძის შვილი.ბიჭები სტუდენტები იყვნენ, გოგიტა ჩხაიძე 20 წლის იყო, მისი ძმა, კახა 19-ის. ერთი ისტორიის ფაკულტეტზე, მეორე სამედიცინო ფაკულტეტზე სწავლობდა. ძმები ისტორიკოსების ოჯახიდან იყვნენ. მათი მშობლები გურამ ჩხაიძე და ია ჩიჩუა გახლავთ. გოგლიკო ჩოგოვაძე ჩხაიძეების ბაღელი, ჯგუფელი, კლასელი და მეზობელი იყო. „ფაქტობრივად, დედაჩემმა სამი შვილი დაკრძალა ერთ დღეს“ – ამბობს ელენე.ბედად გადარჩენილი ვახო დუჩიძე ერთი თვის განმავლობაში საერთოდ ვერ ლაპარაკობდა. გიგი ხაბეიშვილს ამნეზია დაემართა. მომხდარ ფაქტამდე ორი დღით ადრე და შემდეგი ათი დღე რა მოხდა, არ ახსოვდა.ძმების მამას ეტყობა გულმა უგრძნო და ზღვაზე ასულა. სამწუხაროდ, შვილები 5 წუთის გარდაცვლილები დახვდა. სამი ახალგაზრდის გარშემო უკვე ხალხი იყო შემოხვეული. დაღუპულების ოჯახებს არ უჩივლიათ, ან რა აზრი ჰქონდა? 20 წლის ბიჭებს ამით ვერავინ გააცოცხლებდა. სამოქალაქო პანაშვიდები იმართებოდა. როგორც ამბობენ, ჭავჭავაძის გამზირზე ჩხაიძეების და ჩოგოვაძეების სახლის წინ, ხალხის ნაკადი არ წყდებოდა. სამივე ვაკის სასაფლაოზე დაკრძალეს. ძმები ერთად, გოგლიკო კი მათ მახლობლად.ამ თემაზე საუბარი დღესაც არავის უნდა. ეს ამბავი გასაიდუმლოებულიც იყო, ყველა ერიდებოდა მის მოყოლას და გახსენებას. 80-იან წლებში ტრაგიკული შემთხვევები ხშირი არ იყო.ელენე ჩხაიძე: „დედაჩემიც ამბობს, ეკლესიაში შვილმკვდარი დედები სულ რამდენიმე ვიყავით და ახლა ძალიან მოვმრავლდითო. დედას დღემდე ძაძები აცვია. უკვე 70 წლისაა.“იახტა წლების განმავლობაში ეგდო ზღვაზე. იახტკლუბის პრეზიდენტი ილო ფერაძე იყო. „ჩხაიძეების დედა ჩემი კლასელი იყო. ამ ტრაგედიის დროს იქ ვიყავი, საავადმყოფოში მივიყვანეთ ბავშვები. მე ამ თემაზე ვერ ვისაუბრებ“ – მითხრა ბატონმა ილომ.ჩხაიძეების მამა 7 წლის წინ გარდაიცვალა. გურამ ჩხაიძეს მუდმივად გულის შეტევები ჰქონდა. ვაჟების გარდაცვალების შემდეგ თავის მოკვლაც უცდია… განაგრძეთ კითხვა

საზოგადოება • 1679312890

უკრაინაში დაღუპული ქართველი კახეთში ცნობილი სპორტსმენის შვილიშვილია

უკრაინაში 22 წლის ახალგაზრდა დაიღუპა. გარდაცვლილი ბიჭი, კახეთში ცნობილი სპორტსმენის შვილიშვილია.22 წლის ილია ჩოხელის პაპა, კახეთში ცნობილი მოჭიდავე, უშანგი ჩოხელი შვილიშვილის შესახებ „პრაიმტაიმთან“ საუბრობს. მისივე თქმით, დაღუპული მებრძოლი უკვე დაკრძალეს.„ილია ჩემი შვილის ერთადერთი ვაჟი იყო. უმძიმესი ამბავია ჩვენთვის, მაგრამ სამშობლოსთვის ომია იქ და ასეც ხდება. " რაც ომი დაიწყო, იბრძოდა. რამდენჯერმე ვთხოვეთ წამოსულიყო, მაგრამ უარს ამბობდა. ზოგჯერ ვერ ვუკავშირდებოდით და მის ამბავს, იქ მყოფი მისი ნათლია გვატყობინებდა. გარდაცვალების ამბავიც იმან გაგვაგებინა. ჩემი შვილი ჩავიდა და იქ დაკრძალეს. ომი რომ დამთავრდება, იქნებ გადმოვასვენოთ და საქართველოს მიწაზე დაიმარხოს“- ამბობს უშანგი ჩოხელი.როგორც დაღუპული ბიჭის პაპა ჰყვება, ილია ჩოხელი ხარკოვში დაიბადა და საქართველოში 4 წლის ასაკში ჩამოიყვანეს.„ჩემი შვილი სწავლობდა ხარკოვში, იქ დაქორწინდა უკრაინელ ქალზე. ოთხი წლის იყო ილია აქ რომ ჩამოიყვანეს. 14 წლამდე ზემო ქედის სკოლაში სწავლობდა, მერე თბილისში გადავიდნენ. დედა რომ გარდაეცვალა, ხარკოვში წავიდა ბებია-პაპასთან და სამხედრო სასწავლებელში სწავლობდა. საოცარი მოძრავი და ცოცხალი ბიჭი იყო. ზუსტად რა ვითარებაში დაიღუპა, არ ვიცი. ეს ვიცი, რომ 200 კაცში ორი გარდაიცვალა და ერთი ჩვენია"- ყვება უშანგი ჩოხელი.შეგახსენებთ, 22 წლის ილია ჩოხელი, რუსეთ- უკრაინის ომში. 16 მარტს დაიღუპა. ერთი წლის განმავლობაში, ის ომში გამნაღმველი იყო.

ტაბლოიდი • 1678871579

„მგონი, ასე ჯობდა...“ - რას ამბობს ლიზა ყენია მამის დაკრძალვაზე

მომღერალ ლიზა ყენიას მამა 9 მარტს დაკრძალეს, თუმცა, მან ამერიკიდან საქართველოში ჩამოსვლა ვერ შეძლო. ამ თემაზე გამომწერებმა კითხვები დაუსვეს. მისი თქმით, ეს ტრაგედია მისთვის ბევრად მტკივნეული იქნებოდა, ჩამოსვლა რომ მოეხერხებინა.„სამწუხაროდ, ჩამოსვლა ვერ მოვახერხე. ახლა ვფიქრობ, რომ მგონი ასე ჯობდა. ყველაფერი ჩემი თვალით რომ მენახა, ალბათ უფრო საშინელება იქნებოდა ჩემთვის.“ - წერს მომღერალი.

მსოფლიო • 1677859247

დედას, რომელმაც ხუთი შვილი მოკლა, მისივე თხოვნით, ევთანაზია ჩაუტარდა

მკვლელ დედას ევთანაზია გაუკეთეს მისივე თხოვნით, მას შემდეგ რაც მან ხუთ შვილს სამზარეულოს დანით გამოჭრა ყელი. ამის შესახებ უცხოური მედია წერს.გამოცემის ცნობით, მან ევთანაზია შვილების მოკვლიდან 16 წლის შემდეგ გადაწყვიტა.ვარაუდობენ, რომ თავდაპირველად, შემთხვევის ჩადენის შემდეგ, ის თავის მოკვლას გეგმავდა. 56 წლის ჟენევიევ ლერმიტეს ევთანაზია 28 თებერვალს ჩაუტარდა. ლერმიტის ადვოკატმა 2007 წელს მის სასამართლო პროცესზე განაცხადა, რომ ქალს ფსიქიკური პრობლემები ჰქონდა და ვერ იქნებოდა პასუხისმგებელი მის ქმედებებზე, თუმცა ეს საჩივარი მოსამართლემ არ დააკმაყოფილა და მას სამუდამო პატიმრობა მიუსაჯეს. მან საბოლოოდ დატოვა ციხე 2019 წელს და შევიდა ფსიქიატრიულ ცენტრში.ბელგია ერთ-ერთია ევროპის ოთხი ქვეყნიდან, რომელიც ექიმებს საშუალებას აძლევს, პაციენტის მოთხოვნით დათანხმდეს ევთანაზიაზე. მსჯელობისას, თუ როგორ მოიპოვა ქალმა უფლება ამ პროცედურისთვის, ფსიქოლოგმა განმარტა: ”არსებობს სამი ძირითადი პირობა ევთანაზიის შესაძლებლად.„ეს არის აუტანელი ფიზიკური თუ ფსიქოლოგიური ტანჯვა, რაც, რა თქმა უნდა, მისი შემთხვევაა. სამედიცინო საქმის უიმედოდ ჩაითვალა. შეფასებას აკეთებენ ექიმები, განსაკუთრებით ფსიქოლოგიურ დონეზე. შემდეგ კი პაციენტმა მკაფიოდ და არაერთხელ უნდა გამოხატოს ევთანაზიის სურვილი“,- განმარტა ფსიქოლოგმა.ქალი 1-ელ მარტს კრემაციის შემდეგ დაკრძალეს.

ისტორიები • 1677748260

VIDEO: არასოდეს, სანამ ცოცხალი ვარ!- აფხაზეთის ომის გმირი, რომელმაც მტერს არ დაუჩოქა

"არასოდეს, სანამ ცოცხალი ვარ!“ - ასე უპასუხა ტყვედ ჩავარდნილმა გურამ გაბესკირიამ "ბოევიკების" მოთხოვნას, - "დაიჩოქე, პატიება გვთხოვე და შეაგინე ქართველებს!".გურამ გაბესკირია 1947 წლის 2 მარტს, ქალაქ სოხუმში დაიბადა. 1992 წელს სოხუმის მერი გახდა, ხოლო 1993 წელს, აფხაზეთის ავტონომიური რესპუბლიკის მინისტრთა საბჭოს და თავდაცვის საბჭოს წევრი.1993 წლის 27 სექტემბერს აფხაზმა სეპარატისტებმა და რუსმა ოკუპანტებმა მთავრობის სხვა წევრებთან ერთად ტყვედ სოხუმის მერიც აიყვანეს. სოხუმის ბოლო დღის ამსახველ ვიდეოში ჩანს გურამ გაბისკირია რომელიც ოკუპანტების მოთხოვნაზე „დაიჩოქე!“- პასუხობს: ”არასოდეს, სანამ ცოცხალი ვარ!”მის მიერ განვლილი ცხოვრების გამო ოჯახს დიდხანს არ სჯეროდა, რომ აფხაზებმა გურამ გაბისკირია სასიკვდილოდ გაწირეს. 2005 წელს თბილისში ამერიკელ ფოტოხელოვან მალქომ ლინტონის ფოტოგამოფენაზე, ერთ-ერთ სურათზე ის სხვა დაღუპულთა შორის ამოიცნეს.ქალაქის მერმა კარიერა ფეხბურთით დაიწყო. სხვადასხვა დროს იყო სოხუმის „დინამოს” ფეხბურთელი, სოხუმის საფეხბურთო კლუბის - „ცხუმის” პრეზიდენტი, რესპუბლიკური და საკავშირო კატეგორიის მსაჯი, სოხუმის თევზკომბინატის დირექტორი.მთავარი, რითაც გურამ გაბისკირია ადრეული ახალგაზრდობიდანვე იქცევდა საზოგადოების ყურადღებას იყო მისი მაღალი მოქალაქეობრივი პოზიცია, პოლიტიკური კულტურა, ეროვნულ-სახელმწიფოებრივი ინტერესების ერთგულება. სწორედ ამან განაპირობა უკიდურესად რთულ პერიოდში - აფხაზეთის ომის დროს ქალაქ სოხუმის მერად გურამ გაბისკირიას კანდიდატურის ერთსულოვანი მხარდაჭერა.2017 წლის ოქტომბერში საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ წითელი ჯვრის საერთაშორისო ორგანიზაციის დახმარებით, სოხუმის დაცემის დღეს, სეპარატისტების მიერ დახვრეტილ 25 ნეშტის იდენტიფიცირება და გადმოსვენება განახორციელა. მათ შორის იყო გურამ გაბესკირიას ნეშტიც. 17 ოქტომბერს სეპარატისტების მიერ დახვრეტილი გმირები დიღმის ძმათა სასაფლაოზე დაკრძალეს.ისი ოჯახის წევრებს გადასცა.ასევე ნახეთ: ქართველს აფხაზეთიდან, სვანეთის გავლით 1 წლის გოგონა გადმოჰყავს - ნახეთ რა ბედი ეწიათ ფოტოზე აღბეჭდილ ადამიანებს - ემოციური ფოტოები

ისტორიები • 1677741720

მუყაოს ყუთში ჩადებული ცხედრის იდუმალებით მოცული ამბავი, რომელმაც მსოფლიო აალაპარაკა

1957 წლის თებერვალში, ფილადელფიაში, ფოქს ჩეიზში, ტყის პირას კაცმა მუყაოს კოლოფში ჩადებული პატარა ბავშვის ცხედარი იპოვა, რომელიც გადაგდებული იყო ნაგავსაყრელზე. მან არ შეატყობინა აღმოჩენის შესახებ პოლიციას, რადგან შეშინდა. რამდენიმე დღის შემდეგ, ლა სალის კოლეჯის სტუდენტმა იპოვა გადაგდებული ყუთი და შეატყობინა პოლიციას.4-დან 6 წლამდე ბიჭუნა მხოლოდ 30 ფუნტს იწონიდა. მას ჰქონდა ცისფერი თვალები, ღია ყავისფერი თმა, უხეშად შეჭრილი, შესაძლოა, სიკვდილის შემდეგაც კი, რადგან თმა ტანზეც ჰქონდა მიკრული. ბიჭს ჰქონდა ქირურგიული ნაწიბურები კოჭსა და საზარდულის არეში, ასევე L-ის ფორმის ნაწიბური ნიკაპის ქვეშ. მის შიშველ ცხედარზე სისხლჩაქცევები მიანიშნებდა ძალადობაზე. დაზიანებები მრავლად იყო და მისი პატარა სხეულის უმეტესს ნაწილს ფარავდა, მათ შორის - სახეს. ის თავის არეში მასიური დაზიანებების შედეგად გარდაიცვალა. მისი სხეული იყო გახვეული იაფფასიან, ჟანგისფერ ფლანელის საბანში. ყუთს, რომელშიც ბავშვის ცხედარი იდო, ჰქონდა წარწერა: „მყიფე, მოექეცით ფრთხილად". მიუხედავად იმისა, რომ ეს ალბათ დამთხვევა იყო, ფრაზა თითქოს დაცინვა იყო.ფილადელფიის პოლიციის დეპარტამენტმა გამოძიება დაიწყო 1957 წლის 26 თებერვალს.ახალი ამბავი ფართოდ გაშუქდა ფილადელფიასა და დელავერის მედიაში. გაზეთებმა მსხვერპლს მყისვე შეარქვეს „ბიჭი ყუთში“.პოლიციამ მოინახულა იმ ტერიტორიაზე ყველა ბავშვთა სახლი, საავადმყოფო და დარწმუნდა, რომ ყველა ბავშვი ადგილზე იყო. აღმოჩენის ადგილი 270-მა პოლიციელმა გამოიკვლია, რათა დარწმუნდნენ, რომ არც ერთი ფაქტი არ იყო გამოტოვებული. მათ იპოვეს მამაკაცის ლურჯი ქუდი, საბავშვო შარფი და მამაკაცის თეთრი ცხვირსახოცი კუთხეში „G“ ასოთი.გავიდა დღეები და კვირები და ბავშვის იდენტიფიცირება ვერ მოხერხდა.ბიჭის არც ერთი ნათესავი, მეზობელი, მეგობარი ან ნაცნობი არ გამოჩნდა. თითქოს საერთოდ არ არსებობდა. ბიჭი დაკრძალეს ჩრდილო-აღმოსავლეთ ფილადელფიის შორეულ კუთხეში. მის საფლავის ქვაზე ეწერა: „მამაზეციერო, დალოცე ეს უცნობი ბიჭი“.ეს შეიძლება იყოს საქმის დასასრული, რომელიც აღარასოდეს გაიხსნება. თუმცა, ბავშვის მკვლელობის სისასტიკემ იმოქმედა ბევრზე, ვინც ამ საქმეზე მუშაობდა. განსაკუთრებით ოთხ პოლიციელზე. შემთხვევის ადგილზე 1957 წელსბრისტოუ უთვალავ საათს ატარებდა შესასწავლად, 1993 წლამდე, სიკვდილამდე, ათასობით დოლარი დახარჯა. ის ეძებდა თუნდაც ერთ მინიშნებას, რომელსაც შეეძლო მისთვის სწორი მიმართულების მიცემა, ის, რაც გამოტოვა 1957 წელს.ბრისტოუს მოსაზრება იყო, რომ ბავშვი მინდობით აღზრდაში იმყოფებოდა 25 მილის დაშორებით, სადაც ბიჭის ნეშტი იპოვეს. სახლი, რომელიც ნიკოლეტის ოჯახს ეკუთვნოდა, 1957 წელს დაიხურა მას შემდეგ, რაც პოლიციამ აღმოაჩინა, რომ ყველა ბავშვი იძებნებოდა.ოჯახი, რომელიც მართავდა მიუსაფარ ბავშვთა სახლს, შედგებოდა არტურ და კეტრინ ნიკოლეტებისგან1961 წელს, ბრისტოუმ ნიკოლეტების სახლში აღმოაჩინა კალათები, საბნებით, რომელიც ჩამოკიდებული იყო თოკზე. ისინი იდენტური იყო იმ საბნის, რომელში გახვეულიც იპოვეს „ბიჭი ყუთში“. პოლიციამ არტურ ნიკოლეტი 1984 წელს დაკითხა, მაგრამ უშედეგოდ. მან უარი თქვა ბრისტოუს მოთხოვნაზე, პოლიგრაფიული ტესტის ჩაბარებაზე.ნიკოლეტი ცოლის გარდაცვალების შემდეგ დაქორწინდა თავის გერზე, ანა-მარიზე და ბრისტოუს სჯეროდა, რომ ის იყო Boy in the Box-ის ნამდვილი დედა.თუმცა, მიუხედავად იმისა, რომ ეს ერთი შეხედვით დამაჯერებლად შეიძლება ჩანდეს, ბავშვთა თავშესაფარში საბნები იშვიათი არ არის. მიუხედავად იმისა, რომ ნიკოლეტის ქორწინება მის გერზე უდავოდ ნორმის მიღმაა, შეიძლება დავასკვნათ, რომ მისი მორალი მკვლელობამდეც დაეცა.ბილ კელი, რომელთანაც რემინგტონი ხშირად საუბრობდა ამ საქმეზე, ასევე თვლიდა, რომ მკვლელობაზე პასუხისმგებელი იყო მშობელი ან მეურვე. თუმცა, მან უარყო მინდობით აღზრდის თეორია, გრძნობდა, რომ მისი კოლეგა ძალიან სასოწარკვეთილი იყო გამოსავლის პოვნაში... განაგრძეთ კითხვა

ისტორიები • 1677326520

სასულიერო პირი, რომელიც მოჩვენებასთან ერთად ცხოვრობდა - იდუმალებით მოცული სახლის ისტორია

იდუმალ სახლს და ხეივანს, რომელიც დიდ ბრიტანეთში მდებარეობს, ტურისტები ხშირად სტუმრობდნენ. ისტორიის შესახებ სიუჟეტი „იმედის დილამ“ მოამზადა.იდუმალი სახლის ისტორია მე-14 საუკუნიდან იწყება, აქ მონასტერი მდებარეობდა, რომლის ნანგრევებზეც ქალაქის პასტორმა მე-19 საუკუნეში სახლი ააშენა. პასტორს 14 შვილი ჰყავდა და მისი ოჯახური იდილია ერთ დღეს მოჩვენების გამოცხადებით დაიწყო. სახლში მცხოვრები პირები ხშირად ხედავდნენ მუქ სამოსში გამოწყობილი ქალის ფიგურას, სახლში ხშირად მოულოდნელად ტყდებოდა ჭურჭელი, ნივთები გადაადგილდებოდა.ლეგენდის თანახმად, ამისი მიზეზი სახლის ადგილზე მანამდე არსებული მონასტერი იყო, რომლის ერთ-ერთი მონაზონი მონასტრის კედელში ცოცხლად იყო ჩატანებული, სადაც ქალი წამებით მოკვდა. მიზეზი კი გადმოცემის თანახმად, მონაზონისა და მეზობლად მდებარე ეკლესიაში მოღვაწე ბერის სიყვარული იყო. მონაზონი დაფეხმძიმებულა, თუმცა შეყვარებულებს გაქცევა ვეღარ მოუსწრიათ და მონაზონი ასე სასტიკად დასაჯეს.მონასტრის ადგილზე აშენებულ სახლში ოჯახების ბევრმა თაობამ იცხოვრა და ყველა მოჩვნების შესახებ ჰყვებოდა.მოგვიანებით, სახლი დაიწვა და მის ერთ-ერთ კედელში ჩატანებული ქალის ცხედარი იპოვეს, ის ქრისტიანული წესით დაკრძალეს. თუმცა მოჩვენება ამის შემდეგაც დააფიქსირეს, ოღონდ ის ამჯერად თეთრ სამოსში იყო გამოწყობილი.

საზოგადოება • 1677043890

არჩილ ტატუნაშვილის მკვლელობიდან 5 წელი გავიდა

ხუთი წელი არჩილ ტატუნაშვილის მკვლელობიდან - ქართველი გმირი ოკუპანტებმა ცხინვალში ახალგორიდან გადაიყვანეს და წამებით მოკლეს.ცხედრის გადმოცემას ოჯახი ერთი თვის განმავლობაში ელოდა.ტატუნაშვილი 2018 წლის 24 მარტს, სამხედრო პატივით დაკრძალეს. განსაკუთრებული მოქალაქეობრივი პასუხისმგებლობისა და პიროვნული სიმამაცისთვის ის სიკვდილის შემდეგ ღირსების ორდენით დაჯილდოვდა.

საზოგადოება • 1675759438

საგაზაფხულო სესიის პირველ პლენარულ სხდომაზე, დეპუტატებმა ბუბა კიკაბიძის ხსოვნას წუთიერი დუმილით პატივი მიაგეს

პარლამენტის საგაზაფხულო სესიის პირველი პლენარული სხდომის გახსნისას დეპუტატებმა პარლამენტის წევრის ვახტანგ (ბუბა) კიკაბიძის ხსოვნას წუთიერი დუმილით პატივი მიაგეს.„საგაზაფხულო სესიას ვიწყებთ ისე, რომ გამოგვაკლდა ერთი კოლეგა, ვახტანგ კიკაბიძე. ადამიანი, რომელიც საზოგადოებას ძალიან დააკლდა და ადამიანი, რომელთანაც ყველა ჩვენგანის ემოციაა დაკავშირებული. ეს ემოცია კიდევ დიდხანს გაჰყვება საზოგადოებას“,- განაცხადა პარლამენტის თავმჯდომარემ.ცნობისთვის, ბუბა (ვახტანგ) კიკაბიძე 15 იანვარს 84 წლის ასაკში გარდაიცვალა.ის 19 იანვარს ვერის სასაფლაოზე დაკრძალეს.

საზოგადოება • 1675597672

როგორ დაემშვიდობა ქუთაისი გელათის წინამძღვარს - ემოციური კადრები

გელათის ტაძრის წინამძღვარი, მამა იოსებ ბურჯანაძე, რომელიც 30 იანვარს გარდაიცვალა, დაკრძალეს.სასულიერო პირმა დამწვრობა ორი კვირის წინ კელიაში გაჩენილი ხანძრის შედეგად მიიღო. მამა იოსებს სხეულის 50%-მდე ჰქონდა დამწვარი. წინამძღვარი 4 თებერვალს დაკრძალეს.

საზოგადოება • 1675197396

„8 თვის ფეხმძიმე ამშობიარეს... სამი შვილი დარჩა“ - ახალგაზრდა ქალი ტრაგიკულად გარდაიცვალა

გუშინ დაკრძალეს ახალგაზრდა ქალი, რომელიც რამდენიმე დღის წინ ტრაგიკულად გარდაიცვალა. ქეთი კოპალეიშვილი, რომელიც 8 თვის ფეხმძიმე იყო, კლინიკაში ფილტვების ანთებით მოათავსეს.მომხდარზე გარდაცვლილი ქალის ახლობელი, ლელა გელენიძე „პრაიმტაიმთან“ საუბრობს.„ქეთი 2 იანვარს, ფილტვების დახურვით შეიყვანეს კლინიკაში და 19 იანვრამდე აპარატზე იყო. მდგომარეობის სირთულიდან გამომდინარე, 8 თვის ფეხმძიმე ამშობიარეს... ექიმებმა შეძლეს და ახალშობილი გადაარჩინეს. ქეთის 5 დღის წინ გაუჩერდა გული... 3 შვილი დარჩა, 3 ბიჭი...“ - გვითხრა გარდაცვლილის ახლობელმა.

საზოგადოება • 1674710035

საგარეჯოში სროლისას მოკლულ ზაზა ჩიხლაძეს დღეს დაკრძალავენ

საგარეჯოში სროლისას მოკლულ ზაზა ჩიხლაძეს დღეს, სოფელ პატარა ჩაილურში დაკრძალავენ. 2 დღის წინ დაკრძალეს მისი ბიძაშვილი დავით ნასრაძე, ასევე ზაქრო მათიაშვილი და ნოდო რჩეულიშვილი. სამშაბათს დაკრძალეს სამსახურებრივი მოვალეობის შესრულების დროს დაღუპული პოლიციელი, ოთარ ღვინაშვილიც.გარდაცვლილთა ოჯახებს საგარეჯოს მუნიციპალიტეტის მერიის მხრიდან, ფულადი დახმარება გაეწევა - თითოეულ ოჯახს 5000 ლარის ოდენობით.19 იანვარს, საგარეჯოში შეიარაღებულმა პირმა საკუთარი სახლის აივნიდან, ქუჩაში მყოფ ხალხს, ავტომატით ცეცხლი გაუხსნა. გარდაცვლილთაგან 4 კორპუსის ეზოში მყოფი ახალგაზრდა იყო, ერთი - კი შემთხვევის ადგილზე მისული პოლიციელი, რომელიც საავადმყოფოში მიყვანისას გარდაიცვალა. თავდამსხმელმა სიცოცხლე თვითმკვლელობით დაასრულა.პირი, რომელიც საგარეჯოს ცენტრში ისროდა, 48 წლის ნოდარ ათუაშვილი იყო. ყოფილი სამხედრო, თავდაცვის სამინისტროში 2006-2021 წლებში მუშაობდა. მონაწილეობდა ავღანეთის მისიაშიც.