საფრანგეთში სკოლების მოსწავლეთა აპროტესტო აქციები გრძელდება

საფრანგეთში სკოლების მოსწავლეების საპროტესტო აქციები გრძელდება. ქვეყნის განათლების სამინისტროს განცხადებით, დღის დასაწყისიდან 564 სკოლაში „გაფიცვის ან სხვა სახის შეფერხების გამო სასწავლო პროცესი შეფერხებულია“. ინფორმაციას „ბიბისი“ ავრცელებს.

საფრანგეთის განათლების მინისტრის, ედუარ ჟეფრის განცხადებით, საფრანგეთის 3 700 საშუალო სკოლიდან თითქმის 400 დაიხურა, ბევრი სკოლა კი გაკვეთილების დისტანციურად ჩატარებას გეგმავს.

საფრანგეთის ქალაქებსა და დასახლებებში საპროტესტო აქციების გამო საზოგადოებრივი ტრანსპორტის მუშაობა შეფერხებულია. მედია აღნიშნავს, რომ პროტესტის მონაწილეების დიდი ნაწილი მშვიდობიანად აქციებს მართავს. თუმცა, პირველ ოქტომბერს რამდენიმე დემონსტრაცია ძალადობრივ ინციდენტებში გადაიზარდა, რის გამოც მთავრობამ სადაზვერვო სამსახურებთან კრიზისული შეხვედრა გამართა.

მოსწავლეები პოლიციას ძალის გადამეტებაში ადანაშაულებენ და აცხადებენ, რომ საპროტესტო აქციების დასაშლელად ცრემლსადენი გაზის ჭურვების ხშირი გამოყენების შედეგად ადამიანები დაშავდნენ.