საზოგადოება • 1787150526

გურამ დადიანიძის დედა მიმართვას ავრცელებს

12 წლის წინ დაკარგული გურამ დადიანიძის დედა სოციალურ ქსელში მიმართვას ავრცელებს.„მადლობა ყველას ყურადღებისთვის, მხარდაჭერისთვის და გვერდით დგომისთვის…ის, რაც ახლა ხდება, ამას ძალიან დიდი ხნის განმავლობაში ვცდილობდი, აღმოჩნდა, რომ ემოციურად ნამდვილად არ ყოფილა მარტივი.ჟურნალისტებს კი მინდა გთხოვოთ, ცოტა დრო მომცეთ, რომ ფიზიკურად შევძლო კომენტარის გაკეთება. აუცილებლად მოგაწვდით ჩემს პოზიციას და ყველაფერზე ვისაუბრებ, როგორც კი ამის ფიზიკური შესაძლებლობა მექნება“, - წერს სოფო ბიბილაშვილი სოციალურ ქსელში.

სამართალი • 1787139058

„ვინც დაპოსტა, მისი IP უკვე გარკვეული მაქვს...“ - ტარიელ კაკაბაძე

ადვოკატი ტარიელ კაკაბაძე გურამ დადიანიძის გვერდზე გამოქვეყნებული პოსტის შესახებ ამბობს, რომ დეტალები გარკვეულია.„დედა, ცოცხალი ვარო, ვინც დაპოსტა, რომელი ქვეყნიდან, მისი IP უკვე გარკვეული მაქვს...“ - ამბობს კაკაბაძე.ცნობისთვის, 12 წლის წინ გაუჩინარებული გურამ დადიანიძის საქმეში ახალი გარემოება გაჩნდა. გურამ დადიანიძის სახელით მოქმედ Facebook-გვერდზე 18 აგვისტოს, 21:54 საათზე, ოსურ დიალექტზე გამოქვეყნდა პოსტი - „Арцыд рæстæг“, რაც ქართულად „მოვიდა დრო“ ან „დადგა დრო“ ნიშნავს.პოსტმა დიდი აჟიოტაჟი გამოიწვია. „ანუ, ცოცხალია… ძალიან უცნაურია ეს პოსტი ამდენი წლის შემდეგ...“, - ასეთი გამოხმაურება მოჰყვა გაურკვეველ პოსტს.პოსტის გამოქვეყნებიდან მალევე, სოციალურ ქსელში მიმოწერის სქრინი გასააჯაროვა გურამის ბიძაშვილმა.„დღეს ჩემი შეტყობინება წაკითხულია... ვინ ხარ, რა ხდება“ - დაწერა მან.მოგვიანებით, ვიდეომიმართვა გაავრცელა კობა ახალაძემ და თქვა, რომ საქმე აქვთ „დიდ თამაშთან“, რომელსაც გამოძიება ცხელ კვალზე გაარკვევს.გამთენიისას, გურამის დედამ, სოფო ბიბილაშვილმა დაწერა: „გური, მოვიდა დრო, ეს რას ნიშნავს, შვილო?“გურამ დადიანიძის გვერდზე ბოლო პოსტი 2013 წელს იყო გამოქვეყნებული. თავად გურამი 2014 წელს, 17 წლის ასაკში, დუშეთის მუნიციპალიტეტის სოფელ ქვემო მლეთაში, ლომისობის დღესასწაულზე გაუჩინარდა.საქმის ფარგლებში შსს-მ ახლახან მლეთაში ტერიტორია ხელახლა შეამოწმა.რამდენიმე დღის განმავლობაში მიმდინარე სამძებრო სამუშაოებში სპეციალური ტექნიკა და დაახლოებით 50 თანამშრომელი იყო ჩართული, თუმცა გურამის კვალს ვერ მიაგნეს.ამასთან, შემოწმებული ტერიტორიის მიხედვით, მეწყრის მიერ მისი წაყოლის ვერსია გამოირიცხა.საქმეზე გამოძიება გრძელდება. გურამ დადიანიძის ადგილსამყოფელი ამ დრომდე უცნობია.

საზოგადოება • 1787132940

„მსურდა შეხვედრა მამიდასთან, კითხვების დასმა... უარი განაცხადა" - ადვოკატი გურამ დადიანიძის მამიდაზე

გაუჩინარებული გურამ დადიანიძის დედის, სოფო ბიბილაშვილის უფლებადამცველი, ტარიელ კაკაბაძე YouTube არხთან, „შენი ამბავი“ ამბობს, რომ მას, როგორც ადვოკატს გაუჩინარებული ბიჭის მამიდასთან, ნინო დადიანიძესთან ძალიან მნიშვნელოვანი შეკითხვები აქვს. გადაცემის წამყვანის, თაია გამთენაძის კითხვაზე: „რეალურად მამიდამ განაცხადა თუ არა უარი თქვენთან შეხვედრაზე“ – ადვოკატმა უპასუხა:„მსურდა შეხვედრა მამიდასთან, კითხვების დასმა- მე მასთან ძალიან მნიშვნელოვანი შეკითხვები მაქვს, მე ძალიან კარგად ვიცი, ძალიან ბევრი ისეთი ფაქტი, რაზეც საუბრობს ქალბატონი მამიდა, მაგრამ რაც ასევე ეწინააღმდეგება სხვა მტკიცებულებებს, ლოგიკას და საღ აზრს, ამიტომ ბუნებრივია გამიჩნდა კითხვა და მას არ უნდა ჰქონდეს სურვილი, რომ მე ამ კითხვებზე მიპასუხოს? არ უნდა ჰქონდეს იმის სურვილი, რომ ადვოკატი, რომელიც ჩაერთო საქმეში, რომელიც ეხება მისი 17 წლის ძმისშვილის გაუჩინარებას და პირიქით, მისი ოჯახის სასარგებლო საქმეს აკეთებს ყოველგვარი ინტერესის გარეშე, არ უნდა ჰქონდეს ინტერესი, რომ თავად შემხვდეს, თავად დამისვას კითხვები, ითანამშრომლოს, მომაწოდოს ინფორმაციები, მითხრას თავისი ვერსიები და ვარაუდები. უარი გაუცხადა ქალბატონ სოფიოს (გურამ დადიანიძის დედას) მე რამდენიმე დღის განმავლობაში ველოდებოდი მისგან პასუხს და მხოლოდ ამის შემდეგ ვთქვი საჯაროდ, რომ ამ ადამიანმა უარი განაცხადა ჩემთან შეხვედრაზე. შემდეგ დაინახა, რომ საზოგადოებას ჰქონდა მკაცრი რეაქცია ამ ყველაფერთან დაკავშირებით და ამ რამდენიმე დღის განმავლობაში ერთხელაც არ ჰქონია მცდელობა, რომ დაერეკა და შევხვდებოდი. ან ეთქვა, რომ მოდი, ახლა მე ვახერხებ საუბარს და მზად ვარ გიპასუხო ყველა კითხვაზე, მზად ვარ ვითანამშრომლო გამოძიებასთან. ან კითხვა არ უნდა დაესვა რა გაკეთდა ახალი საქმეში, გთხოვთ მომაწოდოთ ინფორმაცია იქნებ დაგეხმაროთ?- გამოდის და ამბობს, რომ უდიდესი ალბათობით გურამი ცოცხალია...“ – ამბობს ადვოკატი ტარიელ კაკაბაძე. 

საზოგადოება • 1787127967

„სული დამიტანჯეს, სული, ხალხო...“ - გურამ დადიანიძის დედა

12 წლის წინ დაკარგული გურამ დადიანიძის დედამ სოციალურ ქსელში კიდევ ერთი სულის შემძვრელი მიმართვა გაავრცელა.„რა უნდა, რა სული დამიტანჯეს, სული, ხალხო“, - წერს სოფო ბიბილაშვილი.ცნობისთვის, 12 წლის წინ გაუჩინარებული გურამ დადიანიძის საქმეში ახალი გარემოება გაჩნდა. გურამ დადიანიძის სახელით მოქმედ Facebook-გვერდზე 18 აგვისტოს, 21:54 საათზე, ოსურ დიალექტზე გამოქვეყნდა პოსტი - „Арцыд рæстæг“, რაც ქართულად „მოვიდა დრო“ ან „დადგა დრო“ ნიშნავს.პოსტმა დიდი აჟიოტაჟი გამოიწვია. „ანუ, ცოცხალია… ძალიან უცნაურია ეს პოსტი ამდენი წლის შემდეგ...“, - ასეთი გამოხმაურება მოჰყვა გაურკვეველ პოსტს.პოსტის გამოქვეყნებიდან მალევე, სოციალურ ქსელში მიმოწერის სქრინი გასააჯაროვა გურამის ბიძაშვილმა.„დღეს ჩემი შეტყობინება წაკითხულია... ვინ ხარ, რა ხდება“ - დაწერა მან.მოგვიანებით, ვიდეომიმართვა გაავრცელა კობა ახალაძემ და თქვა, რომ საქმე აქვთ „დიდ თამაშთან“, რომელსაც გამოძიება ცხელ კვალზე გაარკვევს.გამთენიისას, გურამის დედამ, სოფო ბიბილაშვილმა დაწერა: „გური, მოვიდა დრო, ეს რას ნიშნავს, შვილო?“გურამ დადიანიძის გვერდზე ბოლო პოსტი 2013 წელს იყო გამოქვეყნებული. თავად გურამი 2014 წელს, 17 წლის ასაკში, დუშეთის მუნიციპალიტეტის სოფელ ქვემო მლეთაში, ლომისობის დღესასწაულზე გაუჩინარდა.საქმის ფარგლებში შსს-მ ახლახან მლეთაში ტერიტორია ხელახლა შეამოწმა.რამდენიმე დღის განმავლობაში მიმდინარე სამძებრო სამუშაოებში სპეციალური ტექნიკა და დაახლოებით 50 თანამშრომელი იყო ჩართული, თუმცა გურამის კვალს ვერ მიაგნეს.ამასთან, შემოწმებული ტერიტორიის მიხედვით, მეწყრის მიერ მისი წაყოლის ვერსია გამოირიცხა.საქმეზე გამოძიება გრძელდება. გურამ დადიანიძის ადგილსამყოფელი ამ დრომდე უცნობია.

საზოგადოება • 1787123963

„დიდ თამაშთან გვაქვს საქმე...“ - დადიანიძის საქმესთან დაკავშირებით კიდევ ერთი ინფორმაცია ვრცელდება

12 წლის წინ დაკარგული გურამ დადიანიძის „ფეისბუქის“ გვერდზე, 18 აგვისტოს, 21:54 საათზე, ოსურ დიალექტზე პოსტი გამოქვეყნდა „Арцыд рæстæг“, რომელიც ასე ითარგმნება: „მოვიდა დრო“, „დადგა დრო“.„ანუ, ცოცხალია… ძალიან უცნაურია ეს პოსტი ამდენი წლის შემდეგ...“, - ეხმიანებიან სოციალური ქსელის მომხმარებლები ოსურ ენაზე დაწერილ პოსტს.ცნობისთვის, გურიკო დადიანიძის გვერდზე, ბოლო პოსტი 2013 წელს არის გაზიარებული.გურამის ფეისბუქზე გავრცელებული პოსტიდან რამდენიმე საათში, კობა ახალაძემ მორიგი ვიდეომიმართვა გაავრცელა.როგორც ახალაძე აღნიშნავს, რამდენიმე დღის წინ სოციალურ ქსელში შეიქმნა ექაუნთი კახა გელაშვილი. რომელიც ისერჩება სახლებით: „გურიკო“ „ნინი“ და ა.შ.გადავამოწმეთ ვაიბერზე და ეს სახელი აწერია „Арцыд рæстæг“. ფაქტია, რომ დიდ თამაშთან გვაქვს საქმე და გამოძიება ცხელ კვალზე გაარკვევს“,- ამბობს კობა ახალაძე.

საზოგადოება • 1787118671

გურამ დადიანიძის ფეისბუქზე გამოქვეყნებული პოსტის შემდეგ, სოფო ბიბილაშვილი შვილს მიმართავს

12 წლის წინ დაკარგული გურიკა დადიანიძის დედა, სოფო ბიბილაშვილი სოციალურ ქსელში პოსტს აქვეყნებს.„გური, მოვიდა დრო, ეს რას ნიშნავს, შვილო? 😭😭😭“ — წერს სოფო ბიბილაშვილი Facebook-ზე.აღნიშნულ ჩანაწერს წინ უძღოდა გურიკა დადიანიძის მიერ გუშინ გამოქვეყნებული პოსტი.გურამ დადიანიძის „ფეისბუქის“ გვერდზე, 18 აგვისტოს, 21:54 საათზე, ოსურ დიალექტზე პოსტი გამოქვეყნდა „Арцыд рæстæг“, რომელიც ასე ითარგმნება: „მოვიდა დრო“, „დადგა დრო“.ბოლო პოსტი გურიკო დადიანიძის გვერდზე 2013 წელს არის გაზიარებული. 

საზოგადოება • 1787095379

„დღეს ჩემი შეტყობინება წაკითხულია... ვინ ხარ, რა ხდება“ - გურამ დადიანიძის ბიძაშვილი ფოტოს აქვეყნებს

12 წლის წინ დაკარგული გურამ დადიანიძის „ფეისბუქის“ გვერდზე, 18 აგვისტოს, 21:54 საათზე, ოსურ დიალექტზე პოსტი გამოქვეყნდა „Арцыд рæстæг“, რომელიც ასე ითარგმნება: „მოვიდა დრო“, „დადგა დრო“.„ანუ, ცოცხალია… ძალიან უცნაურია ეს პოსტი ამდენი წლის შემდეგ...“, - ეხმიანებიან სოციალური ქსელის მომხმარებლები ოსურ ენაზე დაწერილ პოსტს.პოსტის გამოქვეყნებიდან რამდენიმე საათში  გაუჩინარებული ბიჭის ბიძაშვილმა დაწერა:„დღეს ჩემი შეტყობინება წაკითხულია...  ვინ ხარ? რა ხდება“ცნობისთვის, გურიკო დადიანიძის გვერდზე, ბოლო პოსტი 2013 წელს არის გაზიარებული.

საზოგადოება • 1787083334

„ანუ, ცოცხალია… ძალიან უცნაურია ეს პოსტი ამდენი წლის შემდეგ...“ - რეაქციები 12 წლის წინ დაკარგული გურამ დადიანიძის სოცქსელში გამოქვეყნებულ პოსტზე

„ანუ, ცოცხალია… ძალიან უცნაურია ეს პოსტი ამდენი წლის შემდეგ...“, - ასე ეხმაურებიან სოციალური ქსელის მომხმარებლები ოსურ ენაზე დაწერილ პოსტს, რომელიც დაახლოებით 2 საათის წინ გურამ დადიანიძის ფეისბუქ გვერდზე გამოჩნდა. „თუ გატეხეს, ვიღაც ძალიან ბოროტად ხუმრობს. ეს ფრაზა ითარგმნება, როგორც „დაკარგული (გაფლანგული) დრო“. ასე თარგმნა ხელოვნურმა ინტელექტმა და იქნებ ენის მცოდნეებმა გვითხრათ ზუსტად“.„ნახონ სასწრაფოდ აიპი და ვინ გამოაქვეყნა... ასეთი რამ როგორ შეიძლება?!“.„გამწარებულ დედას როგორ უბნევენ თავგზას ეს არარაობები“.„იმედია, არ აჰყვებიან ამ ფარსს გამომძიებლები!“  „ოსურად წერია: მოვიდა დრო“.„ისეთი ფერისცვალება ყოფილიყოს, ცოცხლად იხილოს მისი შვილი სოფომ“, - წერენ სოციალური ქსელის მომხმარებლები.ამავე თემაზე:2014 წელს გაუჩინარებული გურამ დადიანიძის საქმის გამოძიებასთან დაკავშირებით, შსს სპეციალურ განცხადებას ავრცელებს13 წლის შემდეგ, გურამ დადიანიძის „ფეისბუქზე“ პოსტი გამოქვეყნდა          

საზოგადოება • 1787081533

13 წლის შემდეგ, გურამ დადიანიძის „ფეისბუქზე“ პოსტი გამოქვეყნდა

12 წლის წინ დაკარგული გურამ დადიანიძის „ფეისბუქის“ გვერდზე, დღეს, 18 აგვისტოს, 21:54 საათზე, ოსურ დიალექტზე პოსტი გამოქვეყნდა „Арцыд рæстæг“, რომელიც ასე ითარგმნება: „მოვიდა დრო“, „დადგა დრო“.ბოლო პოსტი გურიკო დადიანიძის გვერდზე 2013 წელს არის გაზიარებული.  

საზოგადოება • 1786997599

რა მოხდა თურქეთში და სად არის გურამ დადიანიძის მამა? - რას ჰყვება გურიკას დედა

12 წლის წინ დაკარგული გურამ დადიანიძის დედა გადაცემაში „შენი ამბავი თაისთან“ ჰყვება რა მოხდა თურქეთში და სად არის გურამ დადიანიძის მამა. „14 წლის იყო გურიკა პირველად, რომ გადავიყვანე თურქეთში, ჩემთან. სამი თვე აქეთ იყო სამი თვე იქით. ხუთი გადმოსვლა აქვს, მეხუთე ვიზის შემდეგ ბავშვმა გააფუჭა ვიზა, აღარ მინდა საქართველოშიო...ერთი დღე იყო, როცა ბინის მეპატრონემ დამირეკა, მთელი კორპუსი და ქუჩა იჩხრიკებაო. იმ წუთას ის გავიფიქრე, რომ ვიზა არ მქონდა. გაჩხრიკეს და პასპორტით ნახეს, რომ მე 9 წელი საბუთები მქონდა გაფუჭებული. გაკვირვებული მიყურებდა, ნუთუ როგორ დადიოდი აქ, რომ საერთოდ არსად არ ხარ დაფიქსირებულიო. წავედით პოლიციაში, იქ გავიგე, რომ ჩვენი ბინის წინ ბავშვი დაღუპულა. პოლიციამ მაჩვენა იმ ბავშვის ფოტო, რომელიც ჩემი მულის კლასელი იყო. ამის საფუძველზე იყო ჩემს ბინაში ჩხრეკა...ჩემი წარსული ან მამასთან გაშორება არანაირი კავშირში არ არის გურიკას გაქრობასთან. (გურიკას) მამა რატომ არ გამოდის კონტაქტზე არ ვიცი. გული, რომ აწუხებს ვიცი. მე თუ რამეზე დამირეკავს მასთან ყოველთვის ნორმალურად გაუცია პასუხი“

სამართალი • 1786701547

ტარიელ კაკაბაძე გურამ დადიანიძის საქმეზე მიმართვას ავრცელებს

ადვოკატი ტარიელ კაკაბაძე სოციალურ ქსელში გურამ დადიანიძის გაუჩინარების საქმეზე განცხადება ავრცელებს.“სამძებრო სამუშაოები დასრულებულია. მეწყერის ვერსია გამორიცხულია. შსს-მ რამდენიმე დღეში გააკეთა იმდენი, რამდენიც 12 წლის განმავლობაში არ გაკეთებულა. გამოძიება გრძელდება სხვა ვერსიების გადასამოწმებლად! ჭაც შემოწმდა.სამძებრო სამუშაოებში ჩართულნი იყვნენ: საექსპერტო-კრიმინალისტიკური დეპარტამენტი, სამაშველო სამსახური და კრიმინალური პოლიცია.ობიექტურობისთვის უნდა აღვნიშნო, რომ სამივე სამსახურმა პროფესიონალურად იმუშავა.გამოძიება გრძელდება და წინ კიდევ დიდი გზაა გასავლელი,”– ნათქვამია ტარიელ კაკაბაძის განცხადებაში. ცნობისთვის, 17 წლის გურამ დადიანიძე 2014 წელს გაუჩინარდა. ის, დუშეთის რაიონის სოფელ ქვემო მლეთაში, ლომისობის დღესასწაულზე ექსკურსიაზე იმყოფებოდა.საქმე დღემდე გაუხსნელად ითვლება, ვინაიდან გურამ დადიანიძის კვალს ვერ მიაგნეს.

სამართალი • 1786608317

ახალი ინფორმაცია მლეთადან - მიუვალი ადგილების უკეთ შესამოწმებლად, დღეს მძიმე ტექნიკას შეიყვანენ

მლეთაში გურამ დადიანიძის სამძებრო ღონისძიებები უწყევტ რეჟიმში გრძელდება. შინაგან საქმეთა სამინისტროს 50-მდე თანამშრომელი - პოლიცია, ექსპერტ-კრიმინალისტები და მეხანძრე მაშველები შესაბამისი ტექნიკური აღჭურვილობითა და სპეციალური საშუალებებით ამოწმებენ ტერიტორიას. უწყვეტ სამძებრო სამუშაოებს ესწრება დაკარგულის დედაც.დედის ინფორმაციით, მლეთაში, მიუვალი ადგილების უკეთ შესამოწმებლად დღეს მძიმე ტექნიკას შეიყვანენ. ცნობისთვის, 10 აგვისტოს, შსს-მ ვრცელი განცხადება გაავრცელა 2014 წელს დუშეთში, ლომისობის დღეს გაუჩინარებული ახალგაზრდის, გურამ დადიანიძის საქმეზე. უწყების განცხადებით, ბოლო ერთი თვის განმავლობაში 20-ზე მეტი ადამიანი გამოიკითხა.