სამართალი • 1777013074

აჭარაში, ნარკოდანაშაულის ბრალდებით უცხო ქვეყნის მოქალაქე დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და რეალიზაციის ხელშეწყობის ბრალდებით, უკრაინის რესპუბლიკის მოქალაქე – 2005 წელს დაბადებული დ.ნ. ბათუმში დააკავეს.სამართალდამცველებმა ბრალდებულის დროებითი საცხოვრებელი ბინის ჩხრეკის შედეგად, ნივთმტკიცებად ამოიღეს სარეალიზაციოდ გამზადებული განსაკუთრებით დიდი ოდენობით ნარკოტიკული საშუალება „მეთადონი“.პოლიციის მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები.გამოძიება სისხლის სამართლის კოდექსის 260-ე და 260-ე კვარტა მუხლების მე-3 და მე-6 ნაწილების „ა“ ქვეპუნქტებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

პოლიტიკა • 1776951535

ირაკლი კობახიძე: ზურაბ პატარაძე იქნება გამორჩეული, ღირსეული მთავრობის თავმჯდომარე აჭარაში, დარწმუნებული ვარ, მისი ხელმძღვანელობით ჩვენი ქვეყნის ეს ულამაზესი მხარე დიდ წარმატებებს მიაღწევს

აჭარის ავტონომიური რესპუბლიკა არის ჩვენი ქვეყნის ულამაზესი, ერთ-ერთი უმნიშვნელოვანესი მხარე და განსაკუთრებულ ყურადღებას საჭიროებს. ძალიან მნიშვნელოვანია, საიმედო ხელში იყოს ამ მხარის მართვის საქმე, – ამის შესახებ საქართველოს პრემიერ-მინისტრმა, ირაკლი კობახიძემ აჭარის ავტონომიური რესპუბლიკის მთავრობის თავმჯდომარეობის კანდიდატის წარდგენისას განაცხადა.კობახიძემ აჭარის ავტონომიური რესპუბლიკის მთავრობის თავმჯდომარის პოზიციაზე საქმიანობისთვის სულხან თამაზაშვილს მადლობა გადაუხადა.„ამისთვის ბატონი სულხანი იმსახურებს განსაკუთრებულ მადლობას. მან საქართველოს მთავრობაში დაიკავა ძალიან მნიშვნელოვანი – შინაგან საქმეთა მინისტრის თანამდებობა. მინდა, წარმატებები ვუსურვო ამ თანამდებობაზე“, – განაცხადა ირაკლი კობახიძემ.ამასთან, პრემიერ-მინისტრმა ზურაბ პატარაძის გამოცდილებაზე ისაუბრა და აღნიშნა, რომ იგი წლების განმავლობაში დიდი წარმატებით უძღვებოდა აჭარის ავტონომიური რესპუბლიკის მთავრობას.„ზურაბ პატარაძის თავმჯდომარეობის პირობებში ძალიან ბევრ მასშტაბურ ინფრასტრუქტურულ პროექტს ჩაეყარა საფუძველი. მისი საქმიანობის წლები იყო გამორჩეულად წარმატებული აჭარის ავტონომიური რესპუბლიკისთვის. ის ასევე არის გამორჩეული დიპლომატი, განსაკუთრებით ბოლო წლების განმავლობაში. მინდა, გამოვარჩიო მისი საქმიანობა აზერბაიჯანის რესპუბლიკაში ელჩის თანამდებობაზე. სწორედ მისი ელჩობის პირობებში, ახალ ეტაპზე გადავიდა ქართულ-აზერბაიჯანული ურთიერთობები და ამაში  ზურაბ პატარიძეს განსაკუთრებული პირადი წვლილი მიუძღვის. მადლობა მას წარსულში გაწეული საქმიანობისთვის და წარმატებებს ვუსურვებ. ის იქნება ძალიან გამორჩეული, ღირსეული მთავრობის თავმჯდომარე აჭარის ავტონომიურ რესპუბლიკაში. დარწმუნებული ვარ, მისი ხელმძღვანელობით აჭარის ავტონომიური რესპუბლიკა, ჩვენი ქვეყნის ეს ულამაზესი მხარე ახალ და ძალიან დიდი წარმატებებს მიაღწევს“, – განაცხადა პრემიერ-მინისტრმა.

ეკონომიკა • 1776929137

აჭარის პოპულარიზაცია ყაზახეთში მიმდინარეობს

აჭარის ტურიზმის დეპარტამენტი რეგიონის პოპულარიზაციას აგრძელებს. ამ ეტაპზე, უწყება აჭარის მრავალფეროვან ტურისტულ პროდუქტებს  ყაზახ ვიზიტორებს აცნობს. ყაზახეთის საერთაშორისო ტურისტული გამოფენის ფარგლებში, სადაც დეპარტამენტი ტურიზმის ეროვნული ადმინისტრაციისა და ტურისტული სექტორის წარმომადგენლებთან ერთად მონაწილეობს, ვიზიტორებს საშუალება აქვთ ამომწურავი ინფორმაცია მიიღონ აჭარასა და ზოგადად, საქართველოში მოგზაურობასთან დაკავშირებით. ყაზახეთი აჭარისთვის საინტერესო ტურისტული მიმართულებაა, საიდანაც ვიზიტორების რაოდენობა რეგიონში მზარდია. მიმდინარე წლის, იანვარ-მარტის მონაცემებით, რეგიონში 3%-ით გაზრდილია ტურისტული ვიზიტები ყაზახეთიდან. რაც შეეხება ფრენებს, ამ ეტაპზე ფრენები ყაზახეთიდან თბილისისა და ქუთაისის მიმართულებით ხორციელდება, რასაც ივნისიდან აჭარის მიმართულებით  სეზონური ფრენები დაემატება.  ბათუმში პირდაპირი ფრენები  ყაზახეთის სამი ქალაქიდან იგეგმება, რაც კიდევ უფრო ხელს შეუწყობს ყაზახი ტურისტების რეგიონში მოგზაურობას.„ყაზახეთიდან დაინტერესება საქართველოში მოგზაურობასთან დაკავშირებით არის მაღალი, შესაბამისად ჩვენ ვგეგმავთ და ვანხორციელებთ მარკეტინგულ აქტივობებს, რომლითაც პოპულარიზაციას ვუწევთ ჩვენს ტურისტულ პროდუქტებს ყაზახეთში. გამოფენაზე წარმოდგენილია, როგორც სახელმწიფო, ისე ჩვენი კერძო სექტორი და  აქტიურად ვმუშაობთ, რომ ის ახალი ტურისტული პროდუქტები, რაც გვაქვს მოხდეს ტურისტულ პაკეტებში. აღსაღნიშნავია, რომ პირდაპირი ფრენები ყაზახეთიდან ბათუმის მიმართულებით წელს გვემატება და ივნისიდან კვირაში 15 ფრენაზე მეტია დაგეგმილი ყაზახეთის სამი ქალაქიდან.  აქტიურად, ვმუშაობთ კერძო სექტორთან ერთად იმისთვის რომ საქართველო, ბათუმი კიდევ უფრო პოპულარული ტურისტული მიმართულება გახდეს ყაზახეთში,“ განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.

პოლიტიკა • 1776870823

სულხან თამაზაშვილი: მჯერა, რომ აჭარაში დაწყებული პროექტები და ინიციატივები აუცილებლად გაგრძელდება და წარმატებით განხორციელდება

სულხან თამაზაშვილი აჭარის მთავრობის წევრებს, მუნიციპალიტეტების მერებს, პარტია „ქართული ოცნების” აჭარის რეგიონული ორგანიზაციის და უმაღლესი საბჭოს  წარმომადგენლებს შეხვდა. მათ ერთობლივი და დაუღალავი შრომისთვის მადლობა გადაუხადა და აღნიშნა, რომ გასული ერთი წლის განმავლობაში მიღწეული შედეგები სწორედ ამ ადამიანების პროფესიონალიზმის, ერთგულებისა და მაღალი პასუხისმგებლობის დამსახურებაა.„მინდა გულწრფელი მადლობა გადავუხადო აჭარის მთავრობის წევრებს, მუნიციპალიტეტების მერებს, პარტია „ქართული ოცნების” აჭარის რეგიონული ორგანიზაციის და უმაღლესი საბჭოს  წარმომადგენლებს, იმ ერთობლივი და დაუღალავი შრომისთვის, რომელიც ჩვენი რეგიონის განვითარებას ემსახურება.გასული ერთი წლის განმავლობაში მიღწეული შედეგები სწორედ ამ ადამიანების პროფესიონალიზმის, ერთგულებისა და მაღალი პასუხისმგებლობის დამსახურებაა.აჭარის ავტონომიური რესპუბლიკის მთავრობის თავმჯდომარის თანამდებობას ვტოვებ, მაგრამ მჯერა, რომ დაწყებული პროექტები და ინიციატივები, რომლებიც ეკონომიკურ წინსვლასა და მოსახლეობის კეთილდღეობაზეა ორიენტირებული, აუცილებლად გაგრძელდება და წარმატებით განხორციელდება,” - განაცხადა სულხან თამაზაშვილმა.მან ასევე განსაკუთრებული მადლობა გადაუხადა საქართველოს პრემიერ-მინისტრს ირაკლი კობახიძეს გამოცხადებული ნდობისთვის, „ქართული ოცნება - დემოკრატიული საქართველოს“ საპატიო თავმჯდომარეს ბატონ ბიძინა ივანიშვილს და „ქართული ოცნების“ გუნდს მხარდაჭერისთვის.მისივე განცხადებით, შინაგან საქმეთა სამინისტროს ხელმძღვანელობა უდიდესი პასუხისმგებლობაა.,,განსაკუთრებული მადლობა საქართველოს პრემიერ-მინისტრს ბატონ ირაკლი კობახიძეს გამოცხადებული ნდობისთვის, „ქართული ოცნება - დემოკრატიული საქართველოს“ საპატიო თავმჯდომარეს ბატონ ბიძინა ივანიშვილს და „ქართული ოცნების“ გუნდს მხარდაჭერისთვის.შინაგან საქმეთა სამინისტროს ხელმძღვანელობა უდიდესი პასუხისმგებლობაა. ჩვენი ქვეყნის სამსახურში ყოფნას ღირსეულ პოლიციელებთან და სამინისტროს თითოეულ თანამშრომელთან ერთად გავაგრძელებ“ - აღნიშნა სულხან თამაზაშვილმა.

რეგიონი • 1776843594

რუსთავის საკრებულოს ინიციატივით ისტორიულ მუზეუმში უსინათლო და მცირემხედველი ადამიანებისთვის უპრეცედენტო სტანდარტი მკვიდრდება

რუსთავის მუნიციპალიტეტის საკრებულოს ინიციატივით და მერიის მხარდაჭერით, რუსთავის ისტორიულ მუზეუმში უპრეცედენტო პროექტის განხორციელება დაიწყო, რომელსაც არასამთავრობო ორგანიზაცია „შეზღუდული შესაძლებლობის მქონე პირთა მედია პოზიტივი“ახორციელებს.პროექტის დასრულების შემდეგ რუსთავის ისტორიული მუზეუმი გახდება საქართველოში პირველი მუზეუმი, რომელიც სრულად იქნება ადაპტირებული და გახმოვანებული აუდიოდისკრიფციის სტანდარტით, რაც არა მხოლოდ ინკლუზიური ტურიზმის განვითარებას შეუწყობს ხელს, არამედ უამრავ ადამიანს მისცემს შესაძლებლობას აუდიო აღწერით გაეცნონ მუზეუმის ექსპონატებს.აუდიოდისკრიფცია ქმნის სივრცის წარმოდგენას, რომელიც ეხმარება უსინათლო და მცირემხედველ ადამიანებს აღიქვან სივრცე, ობიექტები, არტეფაქტები და  დეტალები. აღწერს ფორმას, ფერს, ზომას, განლაგებას და გადასცემს ვიზუალური ატმოსფეროს სრულ სურათს.სამუშაოების მიმდინარეობის ეტაპები საკრებულოს დეპუტატებმა, რუსთავის ისტორიული მუზეუმის დირექტორმა და  ორგანიზაციის წევრებმა სამუშაო შეხვედრის ფორმატში  განიხილეს.პროფესიული აუდიოდისკრიფცია ქართულ და ინგლისურ ენებზე შეიქმნება, აუდიომასალები ხელმისაწვდომი იქნება QR კოდების მეშვეობით, რაც ვიზიტორებს შესაძლებლობას მისცემს  მარტივად მიიღონ დეტალური ინფორმაცია ექსპონატების შესახებ.სამუშაო შეხვედრა რუსთავის საკრებულოს სხდომათა დარბაზში გაიმართა, რომელსაც  საკრებულოს თავმჯდომარის  მოადგილეები მარინა ლიპარტელიანი, მიხეილ მუზაშვილი, გიორგი კოკაია, საკრებულოს სოციალურ საკითხთა კომისიის თავმჯდომარე ლელა ლუარსაბიშვილი, კომისიის წევრი სოფიო მაჭარაშვილი და რუსთავის ისტორიული მუზეუმის ხელმძღვანელი ნაზი პაჭიკაშვილი ესწრებოდნენ.

სამართალი • 1776840799

პოლიციამ აჭარაში ინტერპოლის მიერ წითელი ცირკულარით ძებნილი უცხო ქვეყნის მოქალაქე დააკავა

 შინაგან საქმეთა სამინისტროს აჭარის პოლიციის დეპარტამენტის ხელვაჩაურის რაიონული სამმართველოს თანამშრომლებმა, ინტერპოლის წითელი ცირკულარით ძებნილი, თურქეთის რესპუბლიკის მოქალაქე 1974 წელს დაბადებული მ.ი. დააკავეს. ინფორმაციას შსს ავრცელებს.მ.ი. თურქეთის რესპუბლიკის სამართალდამცავი ორგანოების მიერ ძალადობის გამოყენებით ფულადი თანხის გატაცების ბრალდებით იძებნებოდა. სამართალდამცველებმა ჩატარებული საგამოძიებო მოქმედებების შედეგად, მ.ი. ბათუმში დააკავეს.ამჟამად, დაკავებულების მიმართ კანონით გათვალისწინებული საექსტრადიციო პროცედურები მიმდინარეობს.

პოლიტიკა • 1776837308

„ხალხის ძალა" ქვეყნის მასშტაბით საკუთარი პარტიის წარმომადგენლებთან შეხვედრებს განაგრძობს

 ხალხის ძალა" ქვეყნის მასშტაბით საკუთარი პარტიის წარმომადგენლებთან შეხვედრებს განაგრძობს.საპარლამენტო პოლიტიკური ჯგუფის წევრები ამჯერად ბათუმის საკრებულოში ფრაქციის წევრებს შეხვდნენ.ისაუბრეს აჭარაში მიმდინარე მნიშვნელოვან პოლიტიკურ, სოციალურ და ეკონომიკურ საკითხებზე. განიხილეს სამომავლო გეგმებიც.მოგვიანებით შეხვედრა შეაჯამა "ხალხის ძალის" თავმჯდომარემ სოზარ სუბარმა."ორდღიანი შეხვედრები გვქონდა აჭარის რეგიონში ჩვენს წარმომადგენლებთან. პრაქტიკულად, აჭარაში ყველა საკრებულოში გვყავს ფრაქცია და არიან ძალიან მოტივირებულები, გამოცდილები.პარტიას აქვს ძალიან დიდი გეგმები, თავის დროზე, ჩვენ მართლაც შევასრულეთ ძალიან დიდი როლი იმაში, რომ საქართველოს ავაცილეთ ომი და ამაში ყინულის მჭრელის როლი შევასრულეთ, თუმცა ქვეყანას კიდევ სჭირდება ძალიან ბევრი პრობლემის გადაწყვეტა. ვპირდებით ჩვენ ხალხს, რომ ვიქნებით ყველგან წინა ხაზზე", - განაცხადა სოზარ სუბარმა.

განათლება • 1776773241

მანდატურის სამსახურის თანამშრომელთა დაჯილდოება გაიმართა

საგანმანათლებლო დაწესებულების მანდატურის სამსახურის თანამშრომლებს სამსახურებრივი მოვალეობის სამაგალითოდ შესრულებისთვის ჯილდოები გადაეცათ.ღონისძიება, რომელიც მანდატურის სამსახურის დაარსების დღის აღსანიშნავად გაიმართა, საქართველოს განათლების, მეცნიერებისა და ახალგაზრდობის მინისტრმა გივი მიქანაძემ გახსნა.მინისტრმა დამსწრე საზოგადოებას სიტყვით მიმართა, მანდატურის სამსახურის საქმიანობის მნიშვნელობაზე ისაუბრა და თანამშრომლებს გაწეული საქმიანობისთვის მადლობა გადაუხადა.„მანდატურის სამსახურს, მისი გუნდის თითოეულ წევრს დიდ მადლობას გიხდით იმ შრომისთვის, გულით გაკეთებული საქმისთვისა და დამოკიდებულებისთვის, რომელიც ჩვენი შვილების მიმართ გაქვთ.როდესაც საუბარია ზოგადი განათლების სისტემაში მასშტაბურ რეფორმებზე მანდატურის სამსახურის როლი გამორჩეულ დატვირთვას იძენს, რაც სკოლაში უსაფრთხო  და ჯანსაღი გარემოს უზრუნველყოფას გულისხმობს.მინდა იცოდეთ, რომ ყოველთვის შეგიძლიათ გქონდეთ ჩვენი მხარდაჭერის იმედი. სამინისტრო, ისევე როგორც სრულიად საზოგადოება ძალიან აფასებს იმ საქმეს, რომელსაც ასე ერთგულად უკვე 16 წელია ემსახურებით,” - განაცხადა გივი მიქანაძემ.მანდატურებს, ფსიქოლოგებს, სოციალურ მუშაკებსა და ადმინისტრაციის თანამშრომლებს  სამსახურებრივი მოვალეობის სამაგალითოდ შესრულებისთვის შესაბამისი სერტიფიკატი და სპეციალური პრიზები გადაეცათ.დამსწრე საზოგადოებას ასევე სიტყვით მიმართა და თანამშრომლებს მიღწეული წარმატება მიულოცა საგანმანათლებლო დაწესებულების მანდატურის სამსახურის უფროსმა პავლე მაჭარაშვილმა.დაჯილდოება თბილისის საკრებულოში ჩატარდა და მასში მონაწილეობა მიიღეს განათლების, მეცნიერებისა და ახალგაზრდობის მინისტრის მოადგილე თამარ მახარაშვილმა, პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხმა და თბილისის საკრებულოს თავმჯდომარე ზურაბ აბაშიძემ.

პოლიტიკა • 1776682239

გურამ მაჭარაშვილი: „ნაცმოძრაობა“ რაც მალე იქნება ჩამოცილებული ქართულ პოლიტიკას, მით უფრო მალე ეშველება ქვეყნის პოლიტიკურ პროცესებს

ეს ის საკითხია, სადაც ჩვენ გვაქვს ერთიანი ხედვა, როგორც „ხალხის ძალას“, ასევე „ქართულ ოცნებას“, - განაცხადა „ხალხის ძალის" აღმასრულებელმა მდივანმა, დეპუტატმა გურამ მაჭარაშვილმა, რომელიც გამოეხმაურა „ქართული ოცნების“ ინიციატივას, რომ ასაკრძალი პარტიების ჩამონათვალს „ფედერალისტებიც“ დაემატება.მიისვე თქმით, „ნაცმოძრაობა“ რაც მალე იქნება ჩამოცილებული ქართულ პოლიტიკას, მით უფრო მალე ეშველება ქვეყნის პოლიტიკურ პროცესებს.„საკონსტიტუციო სარჩელში „ფედერალისტების“ დამატების იდეა არის ის, რომ „ნაცმოძრაობის“ დამფუძნებლები იქნებიან, ლიდერები იქნებიან, თუ ადამიანები, რომლებმაც შექმნეს რეჟიმი, ამ შემქმნელების ვინაობა არის მნიშვნელოვანი, თორემ პარტიას რას დაარქმევ, შინაარსში არაფერი იცვლება“, - აღნიშნა გურამ მაჭარაშვილმა.„ქართული ოცნება“ ახალი კონსტიტუციური სარჩელით საკონსტიტუციო სასამართლოს დღეს მიმართავს. ასაკრძალ პარტიათა სია იზრდება. „ნაციონალურ მოძრაობას“, „ახალსა“ და „ლელოს“ „ფედერალისტებიც“ დაემატება.

პოლიტიკა • 1776514287

„ქართული ოცნების“ ახალგაზრდული ორგანიზაციის რეგიონული კონფერენციები აქტიურ ფაზაში მიმდინარეობს. ფოტოგალერია

„ქართული ოცნების“ ახალგაზრდული ორგანიზაციის რეგიონული კონფერენციები აქტიურ ფაზაში მიმდინარეობს.სასტუმრო „პარაგრაფში“ რიგით მესამე კონფერენცია გურიის რეგიონის ახალგაზრდებთან გაიმართა. შეხვედრას ცოტნე ივანიშვილი დაესწრო, რომელმაც ახალგაზრდებს საკუთარი ხედვები გაუზიარა და მათ მიერ დასმულ კითხვებს უპასუხა.„ქართული ოცნების“ ახალგაზრდული ორგანიზაციის ხელმძღვანელმა, ვარლამ ლიპარტელიანმა და გამგეობის წევრებმა გურიის ახალგაზრდებთან შეხვედრისას სტუდენტებთან ერთად მათთვის საინტერესო და აქტუალურ თემებზე იმსჯელეს.კონფერენცია კითხვა-პასუხის რეჟიმში წარიმართა. სტუდენტებს შესაძლებლობა ჰქონდათ, დაესვათ კითხვები, რომლებზეც შესაბამისი პასუხები მიიღეს. შეხვედრაზე განსაკუთრებული ყურადღება გამახვილდა ქვეყანაში მიმდინარე პროცესებზე, განათლებაზე, დასაქმებაზე და რეგიონში არსებულ გამოწვევებსა თუ საჭიროებებზე.„ყველას გვტკივა, მე პირადად ძალიან განვიცდი ამ ფაქტებს, რა თქმა უნდა, ვგმობ ძალადობას და ჩემი აზრით, ეს ყველაფერი ასე არ უნდა მომხდარიყო. მგონია, რომ პოლარიზაციიდან საუკეთესო გამოსავალი არის დისკუსია. თუ ორი ადამიანი ჭეშმარიტად ზრუნავს თავის სამშობლოზე, როგორც არ უნდა განსხვავდებოდეს მათი აზრი, ჩემი აზრით, საუბარს, დისკუსიას, დებატს, უკვე ძალიან ბევრი კარგის მოცემა შეუძლია. არასწორია, ადამიანი განსაჯო მისი თეზისიდან გამომდინარე და არა მისი არგუმენტიდან გამომდინარე. ეს შეხვედრაც ემსახურება იმას, რომ მეტი საუბარი არსებობდეს ახალგაზრდებს შორის. დარწმუნებული ვარ, რომ სამშობლოს სიყვარული ძალიან ბევრს აერთიანებს ჩვენს ქვეყანაში და შესაბამისად, მოვახერხებთ იმას, რომ მეტი საუბარი დაინერგოს და ეს პოლარიზაცია ჩანაცვლდეს დებატით, რომელიც მიმაჩნია უალტერნატივოდ. ძალიან მიხარია დღესაც აქ ყოფნა, მიხარია, რომ მოგვეცა იდეების გაცვლის შანსი და ძალიან დიდი იმედი მაქვს, რომ მეტი მსგავსი ტიპის შეხვედრა ჩატარდება, ეს იქნება "ქართული ოცნების" თუ ნებისმიერი სხვა ახალგაზრდების მხრიდან. ძალიან დიდი იმედი მაქვს, რომ დიალოგი გახშირდება ჩვენს ქვეყანაში და შესაბამისად, ოპტიმისტურად ვუყურებ ამ ყველაფერს, იმიტომ, რომ მგონია, დებატი, დისკუსია, ნამდვილად კარგი გამოსავალია პოლარიზაციის, რომელიც ხელოვნურად არის შექმნილი“- ცოტნე ივანიშვილი.„შეხვედრის მიზანია მეტი კომუნიკაცია იყოს ახალგაზრდებთან, რადგან მათი როლი უმნიშვნელოვანესია ჩვენი ქვეყნის განვითარებაში და წინსვლაში”- ვარლამ ლიპარტელიანი.„გურიაში დიდი ყურადღება ექცევა ახალგაზრდული, სპორტული და საგანმანათლებლო პროექტების განხორციელებას. დღევანდელი შეხვედრაც სწორედ იგივე სულისკვეთების გაგრძელება იქნება, რომ დღევანდელ შეხვედრაზე მოსმენილი იდეები სამუშაო რეჟიმში გადავა“- მარიამ გრიგოლიშვილი.„იზრდება ინტერესი ჩვენი კონფერენციების მიმართ, რაც გულისხმობს იმას, რომ ჩვენს მიმართ ახალგაზრდებში იზრდება ნდობა და თანამშრომლობის სურვილი“- თეკლა თიკანაშვილი.„ქართული ოცნების“ ახალგაზრდული ორგანიზაციის შეხვედრები რეგიონებში 28 მარტს დაიწყო. გურიის გარდა, შეხვედრები გაიმართა სამეგრელო-ზემო სვანეთსა და აჭარაში.ახალგაზრდული ორგანიზაციის შეხვედრები 2-3 თვის განმავლობაში გაგრძელდება, რაც საქართველოს 10 რეგიონს მოიცავს. ორგანიზაციის წარმომადგენლები სტუდენტებს თითოეული მუნიციპალიტეტის ცენტრალურ ქალაქებში შეხვდებიან.ინფორმაციას „ქართული ოცნების“ ახალგაზრდული ორგანიზაცია ავრცელებს. 

სპორტი • 1776430082

დავით კაჭარავა ფიგურულ მოციგურავეებს: როგორც სპორტსმენმა ზუსტად ვიცი, რა შრომასთან არის დაკავშირებული თქვენ მიერ მიღწეული თითოეული გამარჯვება. სპორტსმენებს, მწვრთნელებს, ფედერაციის ყველა თანამშრომელს მადლობას გიხდით ამისთვის

„უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ,“ - განაცხადა პარტია „ხალხის ძალის“ წევრმა, დეპუტატმა დავით კაჭარავამ სპორტის კომიტეტის სხდომაზე, სადაც ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ ინფორმაცია წარადგინა საქართველოს ფიგურული ციგურაობის ეროვნული ფედერაციის პრეზიდენტმა მაკა გიორგობიანმა.დავით კაჭარავას თქმით, წლევანდელი წელი გარდამტეხი იყო ფიგურულ ციგურაობისთვის.„მოგესალმებით და მადლობა ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ მოწოდებული ინფორმაციისთვის.სპორტსმენებმა, მწვრთნელებმა და ფედერაციამ წელს მოიპოვა ისტორიული მნიშვნელობის გამარჯვება. ეს წელი ნამდვილად იყო გარდამტეხი სპორტის ამ სახეობისთვის. გულწრფელად ვიტყვი, არ ველოდით ასეთ შედეგს. ახლა დარწმუნებული ვარ, რომ მოციგურავეების ამ წარმატებების შემდეგ უამრავი ბავშვი დაიწყებს სიარულს ამ სპორტზე. თქვენ [მაკა გიორგობიანი], სწორედ აღნიშნეთ, უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ.მე, როგორც სპორტსმენმა ზუსტად ვიცი რა შრომასთან არის დაკავშირებული თქვენს მიერ მიღწეული თითოეული გამარჯვება. სპორტსმენებს, მწვრთნელებს, ფედერაციის ყველა თანამშრომელს მადლობას ვუხდი იმისთვის, რომ ამ ულამაზესი სპორტის სახეობის ცქერით დაგვატკბეთ. ვამაყობთ, რომ ჩვენ, ქართველებს შეგვიძლია, განსაკუთრებულ სპორტის სახეობებშიც ვიყოთ გამორჩეულები მთელ მსოფლიოში,“ - განაცხადა დავით კაჭარავამ.

საზოგადოება • 1776405600

SPRIBE-მა ბრაზილიის სასამართლოს გადაწყვეტილებით, Betnacional-ს არაავტორიზებული AVIATOR-ის გამოყენება აუკრძალა

SPRIBE OÜ-ს სარჩელის საფუძველზე, ბრაზილიის სასამართლომ (პერნამბუკუ, TJPE) წინასწარი უზრუნველყოფის ღონისძიების სახით, დროებითი გადაწყვეტილება მიიღო, რომლითაც NSX Brasil S.A.-ს - იგივე Betnacional-ს - დაუყოვნებლივ აეკრძალა ბრენდ "AVIATOR"-ის უნებართვო გამოყენება.Betnacional-ის შესახებ და კავშირი საქართველოსთანBetnacional ბრაზილიის სათამაშო ბაზრის ერთ-ერთი ყველაზე ცნობილი ბრენდია, რომელსაც კომპანია NSX Brasil S.A. მართავს. მას შემდეგ, რაც Flutter Entertainment Plc-მა NSX ჯგუფის საკონტროლო პაკეტი შეიძინა, NSX გლობალური გიგანტის, Flutter Entertainment Plc-ის შემადგენელ ნაწილად იქცა. აღსანიშნავია, რომ სწორედ Flutter Entertainment PLC ფლობს კომპანია „აჭარაბეთს“ საქართველოსა და სომხეთში.სამართლებრივი დავა მას შემდეგ წარმოიშვა, რაც Betnacional-მა თავის პლატფორმაზე განათავსა თამაში სახელწოდებით "AVIATOR" - "Aviator Studio"-ს მიერ შეთავაზებული პროდუქტი, რომელიც საქართველოში დაფუძნებულ შპს “ავიატორთანაა” კავშირში.აღსანიშნავია, რომ "Aviator Studio"-მ ეს თამაში 2025 წლიდან შესთავაზა ბაზარს - მხოლოდ მას შემდეგ, რაც “AVIATOR“-მა, რომელიც SPRIBE-მა 2018 წელს შექმნა, გლობალური აღიარება მოიპოვა.საყურადღებოა ისიც, რომ Betnacional 2022 წლიდან იყო SPRIBE-ის ავტორიზებული ლიცენზიანტი.SPRIBE-ის წარმომადგენლების განცხადებით, მიუხედავად Betnacional-თან გრძელვადიანი საქმიანი ურთიერთობების პატივისცემისა, კომპანიის ლოგიკური პოზიციაა, რომ დაიცვას მისი ინტელექტუალური საკუთრება და მიმართავს ყველა შესაძლო სამართლებრივ გზას მისი უფლებების დასაცავად.სასამართლოს განკარგულება და აღსრულებასასამართლომ დროებითი უზრუნველყოფის ღონისძიების სახით მიიღო გადაწყვეტილება და დაავალა NSX Brasil S.A.-ს, დაუყოვნებლივ შეწყვიტოს სასაქონლო ნიშნის “AVIATOR”-ის, აგრეთვე ნებისმიერი იდენტური ან მასთან აღრევამდე მსგავსი ნიშნის გამოყენება. აკრძალვა ასევე მოიცავს მოსარჩელის პროდუქტთან ასოცირებული ვიზუალური, გრაფიკული ან აუდიოვიზუალური ელემენტების რეპროდუცირებას. ბრძანების შეუსრულებლობის შემთხვევაში, სასამართლომ ყოველდღიური ჯარიმა დააწესა. ეს ზომა ძალაში რჩება სასამართლოს მიერ მის შეცვლამდე ან საბოლოო გადაწყვეტილების გამოტანამდე.გლობალური პოზიცია ინტელექტუალური საკუთრების დაცვაზეSPRIBE-მა თამაში “AVIATOR” 2018 წელს შექმნა და მას შემდეგ თამაშმა მსოფლიო მასშტაბის პოპულარობა მოიპოვა. ამ წარმატებისა და ბრენდის გლობალური აღიარების შედეგია ისიც, რომ SPRIBE UFC-ის, AC Milan-ისა და WWE-ს სპონსორია და ჰყავს მსოფლიო მასშტაბით ცნობილი ბრენდ-ამბასადორები.ბრაზილიაში მიღებული ეს შუალედური გადაწყვეტილება მნიშვნელოვანი ეტაპია SPRIBE-ის გლობალურ სტრატეგიაში - საკუთარი აქტივების დასაცავად. კომპანია აქტიურად აკვირდება ბაზრებს მსოფლიოს ყველა კონტინენტზე და განაგრძობს სასაქონლო ნიშნებისა და საავტორო უფლებების დაცვას ყველა იურისდიქციაში.SPRIBE მზად არის გამოიყენოს ყველა საჭირო სამართლებრივი ბერკეტი დამრღვევთა წინააღმდეგ, რათა დაიცვას ორიგინალური "AVIATOR"-ის მთლიანობა და უზრუნველყოს სამართლიანი და გამჭვირვალე გარემო თავისი მომხმარებლებისთვის მთელს მსოფლიოში.