პოლიტიკა • 1765195187

მაჭარაშვილი დეოლიგარქიზაციის რეიტინგზე: ეს იმას ნიშნავს, რომ საქართველოში დემოკრატიული ინსტიტუტები არსებობენ, მუშაობენ, ეკონომიკა ვითარდება და აქედანაც არის პოზიტიური შეფასებები საერთაშორისო ინსტიტუტების მხრიდან

პარტია „ხალხის ძალის“ აღმასრულებელი მდივანი, დეპუტატი გურამ მაჭარაშვილი მედიასთან გამოეხმაურა ინფორმაციას, რომლის თანახმად, 2012 წლის შემდეგ დეოლიგარქიზაციის ხანგრძლივი გაუმჯობესებით საქართველო ევროპის საუკეთესო სამეულშია.„გავიხსენოთ, „დეოლიგარქიზაციის კანონპროექტთან“ დაკავშირებით რა დავა იყო ატეხილი და დღეს გვაქვს ეს შედეგი, მათ შორის მათივე საერთაშორისო ინსტიტუტების შეფასებით. ეს ზუსტად იმას ნიშნავს, რომ საქართველოში დემოკრატიული ინსტიტუტები არსებობენ, მუშაობენ, ეკონომიკა ვითარდება და აქედანაც არის ეს პოზიტიური შეფასებები საერთაშორისო ინსტიტუტების მხრიდან“, - აღნიშნა გურამ მაჭარაშვილმა.2012 წლის შემდეგ დეოლიგარქიზაციის ხანგრძლივი გაუმჯობესებით საქართველო ევროპის საუკეთესო სამეულშია.

პოლიტიკა • 1765192740

გურამ მაჭარაშვილი: შეიძლება ითქვას, რომ პირდაპირ დაპირისპირება არსებობს შეერთებული შტატების დღევანდელ ადმინისტრაციას და დღევანდელ ევრო ბიუროკრატიას შორის ევროპაში

შეიძლება ითქვას, რომ პირდაპირ დაპირისპირება არსებობს შეერთებული შტატების დღევანდელ ადმინისტრაციას და დღევანდელ ევრო ბიუროკრატიას შორის ევროპაში, - განაცხადა პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა მარკო რუბიოს განცხადების შეფასებისას, რომლის თანახმად, აშშ არა მესამე სექტორს, არამედ მთავრობებს დააფინანსებს.მისივე თქმით, მარკო რუბიომ ასევე განაცხადა, რომ არ უნდა ჩარეულიყვნენ და არ უნდა ერეოდნენ სხვა ქვეყნის პოლიტიკურ პროცესებში, რომ ყველა ქვეყანა ვალდებულია თავისი ეროვნული ინტერესი წინა ხაზზე წამოწიოს.„საპირისპიროს ამბობს და აკეთებს ევრო ბიუროკრატია, როდესაც ამბობს, რომ კანონმდებლობის დარღვევით და გვერდის ავლით ცდილობენ, რომ შავი ფული ჩარიცხონ საქართველოს ენჯეო სექტორში. ზუსტად ეს არის ორმაგი სტანდარტი“, - აღნიშნა გურამ მაჭარაშვილმა.

პოლიტიკა • 1765185403

გურამ მაჭარაშვილი: სახელმწიფოს თუ აბრალებ დანაშაულს, მტკიცებულებაც უნდა გქონდეს, ასეთი ვერავინ მოიპოვა, გარდა იმისა, რომ ვიღაცას ძაღლი არ ელაპარაკებოდა და თუთიყუში ცუდად გახდა

საზოგადოებამ კარგად დაინახა, რომ ყველაფერი იყო სპეციალური დეზინფორმაცია, საქართველოში ვითომ პროტესტის მუხტის ასაწევად, – ამის შესახებ პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.მაჭარაშვილის თქმით, სუს-ის ბრიფინგით კიდევ ერთხელ დადასტურდა, რომ გლობალური ომის პარტია თავისი აქაური წარმომადგენლობებით იბრძვიან, რათა როგორმე ხავსს ჩაეჭიდონ.„პროტესტის მუხტის აწევა თავიდანვე არ გამოუვიდათ, მაგრამ შემდგომ დღეებში, როდესაც დადასტურდა, რომ არავის არ ჰქონდა არანაირი მტკიცებულება, გარდა გაპუტული ძაღლებისა, ყველა მიხვდა, რომ არანაირ აკრძალული ქიმიური იარაღის გამოყენებაზე საუბარი არ იყო. მით უფრო, ვერც კი მოძებნეს. რაც არ იყო, რას მოძებნიდნენ ისეთი ადამიანები, რომლებმაც, მაგალითად, მიმართეს საავადმყოფოებს, კლინიკებს იმ დღეებში. გამომდინარე აქედან, სუს-ის ბრიფინგით კიდევ ერთხელ დადასტურდა, რომ გლობალური ომის პარტია თავისი აქაური წარმომადგენლობებით იბრძვიან, რათა როგორმე ხავსს ჩაეჭიდონ. ეს ხავსიც რომ არ არსებობს, მერე იგონებენ გარკვეულ ტყუილებს. თუმცა, ეს ყველაფერი საყურადღებო იმიტომაც არის, რომ სათავე ამ ყველაფრის არის „დიფ სთეითი“, რომელსაც თავად ტრამპი და მისი ადმინისტრაციაც კი ადასტურებს. მით უმეტეს, ისეთ ქვეყანაში, როგორიც არის საქართველო, ეს ყველაფერი არის საყურადღებო“, – აღნიშნა მაჭარაშვილმა.მისი თქმით, კარგი ის არის, რომ საზოგადოების აბსოლუტური უმრავლესობა, მიუხედავად პოლიტიკური გემოვნებისა, არ ემხრობა ასეთი ტიპის დეზინფორმაციას, რომელიც მიმართულია ქვეყანაში დესტაბილიზაციისთვის.„შენ თუ აბრალებ საქართველოს სახელმწიფოს და ხელისუფლებას ასეთ სავარაუდო დანაშაულს, ბუნებრივია, მტკიცებულებები უნდა გქონდეს. ასეთი მტკიცებულებები, სამწუხაროდ, ვერავინ მოიპოვა, გარდა იმისა, რომ ადამიანებმა თქვეს, ვიღაცას ძაღლი არ ელაპარაკებოდა და ვიღაცის თუთიყუში ცუდად გახდა და ა.შ“, – განაცხადა მაჭარაშვილმა.ცნობისთვის, „ბიბისიმ“ გამოაქვეყნა მასალა, სათაურით: „„ბიბისის“ მტკიცებულებების თანახმად, ქართველი დემონსტრანტების წინააღმდეგ პირველი მსოფლიო ომის დროინდელი ქიმიური ნივთიერება გამოიყენეს“. კერძოდ, „ბიბისი“ პირველი მსოფლიო ომის დროინდელი ქიმიური იარაღის სავარაუდო გამოყენებაზე საუბრობს. მედიასაშუალება წყაროდ ასახელებს პედიატრ კონსტანტინე ჩახუნაშვილს, განსაკუთრებულ დავალებათა დეპარტამენტის ყოფილ უფროსს, ლაშა შერგელაშვილს, ექსპერტ კრისტოფერ ჰოლშტეგეს. რესპონდენტები არიან აგრეთვე ეკა გიგაური და გიორგი ბაჩიაშვილი. „ბიბისის“ მასალაში ლაშა შერგელაშვილი აცხადებს, რომ, „მისი აზრით, ეს იგივე ნივთიერებაა, რომლის გამოცდაც მას წყლის ჭავლისთვის 2009 წელს სთხოვეს“. ამასთან, „ბიბისის“ ცნობით, „გამოძიების შედეგებს საქართველოს ხელისუფლებაში აბსურდული უწოდეს და განაცხადეს, რომ პოლიციამ კანონიერად იმოქმედა სასტიკი დამნაშავეების უკანონო ქმედებების საპასუხოდ“.სუს-ის ინფორმაციით, ნივთიერება „ბრომობენზილ ციანიდი“, იგივე „კამიტი“ საქართველოს შინაგან საქმეთა სამინისტროს არასდროს შეუძენია და 2024 წლის 4-5 დეკემბრის აქციაზე გამოყენებული ნივთიერებებიდან არცერთი არ განეკუთვნება აკრძალულ კატეგორიას.ამასთან, სუს-ში განაცხადეს, რომ „კამიტის“ გამოყენების გამოგონილი ფაქტის მიმართულებით საგამოძიებო მოქმედებები ამოწურულია, გამოძიება გრძელდება იმ შესაძლო დანაშაულზე, რაც უცხოეთის ორგანიზაციისთვის მტრულ საქმიანობაში დახმარებას გულისხმობს.

პოლიტიკა • 1765185183

გურამ მაჭარაშვილი: საქართველოში დემოკრატიული ინსტიტუტები არსებობენ, ვითარდება ეკონომიკა და აქედან გამომდინარეც არის პოზიტიური შეფასებები საერთაშორისო ინსტიტუტების მხრიდან

საქართველოში დემოკრატიული ინსტიტუტები არსებობენ, ვითარდება ეკონომიკა და აქედან გამომდინარეც არის პოზიტიური შეფასებები საერთაშორისო ინსტიტუტების მხრიდან, – ამის შესახებ პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.მაჭარაშვილს კითხვა დაუსვეს ევროპის ანტიკორუფციული კვლევების ცენტრის დოკუმენტზე, რომ, საბაზისო ინდექსის მიხედვით, 2012 წლის შემდეგ დეოლიგარქიზაციის გაუმჯობესებით საქართველო ევროპის საუკეთესო სამეულში მესამე ადგილზეა ირლანდიისა და ნიდერლანდების შემდეგ.„გავიხსენოთ, ერთი-ორი წლის წინ დეოლიგარქიზაციის კანონპროექტთან დაკავშირებით რა დავა იყო ატეხილი. დღეს კი ეს შედეგი გვაქვს, მათ შორის მათივე საერთაშორისო ინსტიტუტების შეფასება დეოლოგარქიზაციის საკითხთან დაკავშირებით, როდესაც ქვეყანა გადის პირველ სამეულში პოზიტიური თვალსაზრისით. ეს ზუსტად იმას ნიშნავს, რომ საქართველოში დემოკრატიული ინსტიტუტები არსებობენ, მუშაობენ, ვითარდება ეკონომიკა და აქედან გამომდინარეც არის ეს პოზიტიური შეფასებები საერთაშორისო ინსტიტუტების მხრიდან“, – განაცხადა მაჭარაშვილმა.

პოლიტიკა • 1765178490

მაჭარაშვილი: ნატოს ზოგიერთმა წევრმა ქვეყანამაც კი თავი შეიკავა და არ მისცა ხმა რუსეთის წინააღმდეგ რეზოლუციას, საქართველო კი ყველა პლატფორმაზე მხარს უჭერდა უკრაინის სასარგებლოდ და რუსეთის საწინააღმდეგო რეზოლუციებს

2022 წლის შემდეგ, რაც რუსეთ-უკრაინას შორის ომი დაიწყო, საქართველო ყველა საერთაშორისო პლატფორმაზე იყო მოწინავე რიგებში, ვინც მხარს უჭერდა უკრაინის სასარგებლოდ და რუსეთის საწინააღმდეგო რეზოლუციებს, - განაცხადა პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა.„მათ შორის ისეთი ქვეყნებიც კი, რომლებიც ჩვენ ჭკუას გვასწავლიდნენ, ზოგი თავს იკავებდა და ზოგი წინააღმდეგ აძლევდა ხმას. ახლაც ასე მოხდა, როდესაც ნატოს ზოგიერთმა წევრმა ქვეყანამაც კი თავი შეიკავა და არ მისცა ხმა რუსეთის წინააღმდეგ რეზოლუციას“, - აღნიშნა დეპუტატმა.საქართველოს მორიგი მხარდაჭერა უკრაინას - ამჯერად ჩვენი ქვეყანა ეუთოს 40-ზე მეტი სახელმწიფოს ერთობლივ განცხადებას შეუერთდა. გმობენ რუსეთის ქმედებებს; მოუწოდებენ, შეწყვიტოს თავდასხმები უკრაინაზე და სერიოზულად ჩაერთოს რეალურ მოლაპარაკებაში.

სამართალი • 1765090271

პოლიციამ აჭარაში განსაკუთრებით დიდი ოდენობით ნარკოტიკი ამოიღო - დაკავებულია უცხო ქვეყნის მოქალაქე

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით გერმანიის მოქალაქე, 2002 წელს დაბადებული ვ.ბ. დააკავეს. ინფორმაციას შსს ავრცელებს.მათივე ცნობით, სამართალდამცველებმა ბრალდებულის პირადი და დროებითი საცხოვრებელის ჩხრეკისას ნივთმტკიცებად ამოიღეს სარეალიზაციოდ გამზადებული, განსაკუთრებით დიდი ოდენობით ნარკოტიკული საშუალება "მეთადონი“. პოლიციის მიერ, ასევე, ამოღებულია ნარკოტიკული საშუალების დაფასოებისთვის საჭირო მასალები.გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

პოლიტიკა • 1765001160

ჩვენ ვამბობდით, რომ აშშ-ის წინა ადმინისტრაცია მაშინდელი ელჩის მეშვეობით პირდაპირ ერეოდა საქართველოს საქმეებში, უილკერსონის მონაყოლი ამის დასტურია - გურამ მაჭარაშვილი

ჩვენ ვსაუბრობდით, რომ აშშ-ის წინა ადმინისტრაცია, აქაური ელჩის მეშვეობით, პირდაპირ მოქმედებდა ისე, რასაც ახლა ბატონი უილკერსონი საუბრობს. აშშ-ის მაღალი თანამდებობის პირი, ამერიკის სახელმწიფო მდივნის ადმინისტრაციის ხელმძღვანელი იყო ეს ადამიანი, – ამის შესახებ „ხალხის ძალის“ აღმასრულებელმა მდივანმა, პარლამენტის წევრმა, გურამ მაჭარაშვილმა პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.მაჭარაშვილმა შეაფასა აშშ-ის არმიის გადამდგარი პოლკოვნიკის და 2001-2005 წლებში სახელმწიფო მდივნის ადმინისტრაციის ყოფილი ხელმძღვანელის, ლოურენს უილკერსონის განცხადება: „ჩვენ ვყიდულობდით გაზეთების რედაქტორებს, გაზეთებს, ტელევიზიებს, ზოგადად, ვყიდულობდით კომუნიკატორებს, არასამთავრობო ორგანიზაციებს ისე, რომ მათ ეს არ იცოდნენ. ჩვენ ეს გავაკეთეთ საქართველოში, ყველგან გავაკეთეთ და ძალიან წარმატებული ვიყავით“.„მას ვერავინ ვერ დაადანაშაულებს, რომ ის რიგითი ამერიკელი ან რიგითი საჯარო მოხელე იყო, უმაღლესი თანამდებობის პირი იყო, რომელიც, რა თქმა უნდა, უშუალოდ მონაწილეობდა ამ პროცესებში. ის რასაც ახლა აღწერს, ეს ნიშნავს, რომ ამერიკის მაშინდელი ადმინისტრაცია პირდაპირ ერეოდა სხვა ქვეყნების, მათ შორის, საქართველოს შიდა საქმეებში. მინდა, გავახსენო საზოგადოებას ჩვენი წერილები, სადაც საუბრობდით იმასთან დაკავშირებით, რომ ამერიკის მაშინდელი ადმინისტრაცია აქაური ელჩის მეშვეობით პირდაპირ ერეოდა საქართველოს საქმეებში, არა მარტო ერეოდა, არამედ პირდაპირ გვეუბნებოდა, რა კანონიც იქნებოდა საჭირო, ის უნდა მიგვეღო, რა კანონსაც გვეუბნებოდნენ, ის უნდა გაგვეუქმებინა და რასაც იტყოდნენ, ის უნდა გაგვეკეთებინა. ჩვენ არაერთხელ ვამბობდით, რომ ეს არ იყო პარტნიორული ურთიერთობა, ეს იყო პირდაპირი ჩარევა საქართველოს საქმეებში და ერთგვარი ეგზარქოსის და მეფისნაცვლის ფუნქციებს ასრულებდა აშშ-ის მაშინდელი ელჩი. რითი განსხვავდება ახლა ბატონი უილკერსონის ეს მონაყოლი ჩვენი წერილებისგან? მხოლოდ და მხოლოდ დასტურია. წარმოიდგინეთ, პირდაპირ ეთერში საჯაროდ ადასტურებს ამერიკის ყოფილი მაღალჩინოსანი“, – განაცხადა მაჭარაშვილმა.როგორც მაჭარაშვილმა აღნიშნა, არასამთავრობო ორგანიზაციები პირდაპირ ფინანსდებოდნენ, მაშინ ჯერ არ ერიდებოდნენ და პირდაპირ მილიონები ირიცხებოდა ენჯეოსექტორში.„მათ შორის, ხან შავი ფული, ხან ოფიციალური ფული იყო და ამ ყველაფერში ეს იხარჯებოდა, პირდაპირ, ერთგვარი პარალელური ხელისუფლება შექმნეს ენჯეოსექტორის სახით, ამაზეა საუბარი და როდესაც, ვთქვათ, რამე ტიპის კანონი ან არ უნდოდათ, რომ გასულიყო, ან პირიქით, უნდოდათ, რომ მიღებულიყო საქართველოს საკანონმდებლო ორგანოში, ამისთვის, მათ შორის, ენჯეოსექტორს ათქმევინებდნენ ხოლმე ყველაფერს. აი, ამაზეა საუბარი. ჩვენ როდესაც წინააღმდეგობა გავუწიეთ, წამოვიდა იქიდან მუქარები, ზეწოლა და ამას ადასტურებს ზუსტად ეს ადამიანი“, – განაცხადა მაჭარაშვილმა.მაკა ცინცაძის შეკითხვაზე, რას ნიშნავს და რა გავლენა ექნება ევროპაზე, როგორ შეიძლება, აისახოს საქართველოზე ის, რომ აშშ-ის ეროვნული უსაფრთხოების სტრატეგიის დოკუმენტში პრიორიტეტებს შორის დასახელებულია ნატო-ს, როგორც მუდმივად გაფართოებადი ალიანსის აღქმის დასრულება, მაჭარაშვილმა განაცხადა, ამ წინადადების ამოკითხვა „ხალხის ძალის“ მიერ 2022 წელს გამოქვეყნებულ წერილებშიც შეიძლება.მისივე განმარტებით, ეს სტრატეგია არის ამერიკული ინტერესებიდან გამომდინარე, „ხალხის ძალა“ კი წერილებს წერდა საქართველოს ინტერესებიდან გამომდინარე, თუმცა შინაარსი, ძირითადად, ერთი და იგივე იყო.„შეიძლება ითქვას, რომ ამ შემთხვევაში აშშ-ის უსაფრთხოების სტრატეგიამ და მისმა ერთ-ერთმა პუნქტმა გააჩერა პრაქტიკულად ნატო-ს გაფართოების საკითხი. პირდაპირ წერია. მარტო ღიად კი არ თქვა, დაწერა და თან დაწერა არა მარტო განცხადებაში, არამედ თავისი სახელმწიფოს ეროვნული უსაფრთხოების სტრატეგიაში. ფოკუსირება ნიშნავს იმას, რომ ცოტა ფოკუსი გაასწოროს ევროპამო, პირდაპირ დაუწერა აშშ-მა. ნატო-ში 80%, ვიცით, რომ არის აშშ და რა გადაწყვეტილებასაც ის იღებს, ბუნებრივია, იმას მიიღებენ ნატო-ს წევრი ქვეყნები“, – განაცხადა მაჭარაშვილმა.

პოლიტიკა • 1764926602

მაჭარაშვილი: მართლაც მნიშვნელოვან საგამოძიებო კომისიაში გახარიას პარტიამ მონაწილეობა არ მიიღო, ახლა კი სურთ, შექმნან კომისია, რომელიც უნდა იძიებდეს, თუთიყუშს ბუმბული მართლა გასცვივდა თუ არა

„ბიბისის“ ფილმთან დაკავშირებით საგამოძიებო კომისიის შექმნაზე პარტიის „გახარია საქართველოსთვის“ ინიციატივა, ცოტა არ იყოს, გასაკვირია, – ამის შესახებ „ხალხის ძალის“ ლიდერმა, გურამ მაჭარაშვილმა განაცხადა.​მაჭარაშვილის თქმით, ეს ინიციატივა ნიშნავს, რომ მათ უბრალოდ სურთ, როგორმე პოლიტიკურ ზედაპირზე იტივტივონ.„მართლაც მნიშვნელოვან და ისტორიულ საგამოძიებო კომისიაში, სადაც მათ კვოტები ჰქონდათ – კომისიაში, რომელიც საქართველოს უახლოეს ისტორიას 2012 წლამდე და 2012 წლის შემდგომ პერიოდს ეხებოდა, როცა ქართულმა საზოგადოებამ ჯოჯოხეთური პროცესები გადაიტანა და „ნაცმოძრაობის“ მხრიდან არნახული ტანჯვა-წამება განიცადა – მონაწილეობა არ მიიღეს. ახლა კი სურთ, შექმნან კომისია, რომელიც, მათი აზრით, უნდა იძიებდეს, თუთიყუშს ბუმბული მართლა გასცვივდა თუ არა ან ძაღლმა აკოცა თუ არა პატრონს იმ პერიოდში, როცა დეკემბერში აქციები იყო და, მათი აზრით, რაღაც ქიმიური იარაღი იყო გამოყენებული. ეს არის რეალობა და მათი მიდგომა? როდესაც პრაქტიკულად უკვე შეგვიძლია ვთქვათ, რომ მთავარი წყარო – „ბიბისი“ საკუთარ მასალას გაემიჯნა, ჩვენ უნდა დაველოდოთ გამოძიებას, რომელიც, დარწმუნებული ვარ, დაადგენს რეალურ მიზეზებს, ნამდვილად იყო თუ არა რაიმე გამოყენებული, როდის და რა იყო შეძენილი. წინასწარი ინფორმაციით ვიცით, რომ ის ნივთიერება, რაც „ბიბისიმ“ დაასახელა, არასდროს ყოფილა შეძენილი, თუმცა ყველაფერს გამოძიება დაადგენს. ეს ინიციატივა ნიშნავს, რომ მათ უბრალოდ სურთ, როგორმე პოლიტიკურ ზედაპირზე იტივტივონ“, – განაცხადა მაჭარაშვილმა.ცნობისთვის, „ბიბისის“ ფილმთან დაკავშირებით პარტია „გახარია საქართველოსთვის“ საგამოძიებო კომისიის შექმნას ითხოვს.

პოლიტიკა • 1764920873

ლაშა დოლიძე: პური სპეციალური ტექნოლოგიით მზადდება და დიდი მოთხოვნით სარგებლობს ჩვენს მეგობარ ისრაელში

გარემოს დაცვისა და სოფლის მეურნეობის მინისტრის მოადგილე ლაშა დოლიძე პურის ქარხანაში „იფქლი დიღომი“ საწარმოო პროცესს გაეცნო. მინისტრის მოადგილესთან ერთად იმყოფებოდა სოფლის მეურნეობისა და სოფლის განვითარების პოლიტიკის კონსულტანტი ომარ კაჭარავა.„იფქლი დიღომი“ ქართული პურის ექსპორტს ისრაელში ახორციელებს. კომპანიის წარმომადგენლებმა მინისტრის მოადგილეს პურის წარმოების ტექნოლოგიური ხაზი და ის პროცედურები გააცნეს, რომელიც პროდუქციის ექსპორტზე გატანის საერთაშორისო სტანდარტების დასაკმაყოფილებლად დაინერგა.„კომპანია „იფქლი დიღომის“ პროდუქცია ისრაელის სახელმწიფოში, უკვე მესამედ გადის ექსპორტზე. ეს პური სპეციალური ტექნოლოგიით მზადდება და დიდი მოთხოვნით სარგებლობს ჩვენს მეგობარ ქვეყანაში. დარწმუნებული ვარ, ეს მხოლოდ დასაწყისია დიდი წარმატების. ვიმედოვნებ, ორი ქვეყნის თანამშრომლობა პურის ექსპორტის მიმართულებით კიდევ უფრო წარმატებული იქნება“, - განაცხადა ლაშა დოლიძემ.„იფქლი დიღომი“ პირველია, ვინც პურის ექსპორტს ახორციელებს. როგორც კომპანიაში განმარტავენ, ექსპორტისათვის პროდუქციამ ისრაელის ჯანმრთელობის სამინისტროს მიერ მოთხოვნილი ყველა სტანდარტი დააკმაყოფილა და აკრედიტაცია გაიარა. ქართული კომპანიის პური ისრაელის სუპერმარკეტების ქსელში იყიდება.ექსპორტისათვის პროდუქტი სპეციალური ტექნოლოგიით მზადდება; პური ცხობის შემდეგ თავსდება შოკ-მაცივარში და - 35 გრადუსზე იყინება, რის შემდეგ - 18 გრადუსის რეჟიმში, სპეციალურ კონტეინერში ინახება. გაყინულ მდგომარეობაში პურის შენახვის ვადაა 6 თვე. მნიშვნელოვანია, რომ გალღობის შემდეგ ნარჩუნდება ახალგამომცხვარი პურის სტრუქტურა.

პოლიტიკა • 1764855754

ფინანსთა მინისტრი აშშ-ში სხვადასხვა საინვესტიციო და აქტივების მმართველი კომპანიების წარმომადგენლებს შეხვდა

საქართველოს ფინანსთა მინისტრმა, ლაშა ხუციშვილმა, ამერიკის შეერთებულ შტატებში შეხვედრები გამართა სხვადასხვა საინვესტიციო და აქტივების მმართველ კომპანიებთან. შეხვედრებში მონაწილეობა მიიღეს ეროვნული ბანკის პრეზიდენტმა, ნათია თურნავამ, ფინანსთა სამინისტროსა და ეროვნული ბანკის წარმომადგენლებმა.ფინანსთა სამინისტროს ცნობით, 2026 წელს საქართველოს მიერ ევრობონდის რეფინანსირებისთვის მზადების სამუშაოების ფარგლებში, JP MORGAN, Société General, CITI და ICBC ორგანიზებით, შეხვედრები გაიმართა ნიუ იორკსა და ბოსტონში ბაზირებულ 15-მდე საინვესტიციო კომპანიასთან.მათივე ცნობით, შეხვედრებზე დეტალურად იქნა განხილული საქართველოს მაკროეკონომიკური და ფისკალური პარამეტრები და სამომავლო პროგნოზები, საერთაშორისო ბაზრები, საქართველოში არსებული საინვესტიციო გარემო და 2026 წელს ევრობონდების რეფინანსირებასთან დაკავშირებული გეგმები.ფინანსთა სამინისტროს მხრიდან დელეგაციის შემადგენლობაში არიან ფინანსთა მინისტრის მოადგილე ეკატერინე გუნცაძე და სახელმწიფო ვალის მართვის დეპარტამენტის უფროსი ირაკლი კაჭარავა.

პოლიტიკა • 1764853672

ფინანსთა მინისტრი ლაშა ხუციშვილი ამერიკის შეერთებულ შტატებში სხვადასხვა საინვესტიციო და აქტივების მმართველი კომპანიების წარმომადგენლებს შეხვდა

საქართველოს ფინანსთა მინისტრმა, ლაშა ხუციშვილმა, ამერიკის შეერთებულ შტატებში შეხვედრები გამართა სხვადასხვა საინვესტიციო და აქტივების მმართველ კომპანიებთან. შეხვედრებში მონაწილეობა მიიღეს ეროვნული ბანკის პრეზიდენტმა, ნათია თურნავამ, ფინანსთა სამინისტროსა და ეროვნული ბანკის წარმომადგენლებმა.2026 წელს საქართველოს მიერ ევრობონდის რეფინანსირებისთვის მზადების სამუშაოების ფარგლებში, JP MORGAN, Société General, CITI და ICBC ორგანიზებით, შეხვედრები გაიმართა ნიუ-იორკსა და ბოსტონში ბაზირებულ 15-მდე საინვესტიციო კომპანიასთან.შეხვედრებზე დეტალურად იქნა განხილული საქართველოს მაკროეკონომიკური და ფისკალური პარამეტრები და სამომავლო პროგნოზები, საერთაშორისო ბაზრები, საქართველოში არსებული საინვესტიციო გარემო და 2026 წელს ევრობონდების რეფინანსირებასთან დაკავშირებული გეგმები.ფინანსთა სამინისტროს მხრიდან დელეგაციის შემადგენლობაში არიან ფინანსთა მინისტრის მოადგილე ეკატერინე გუნცაძე და სახელმწიფო ვალის მართვის დეპარტამენტის უფროსი ირაკლი კაჭარავა.

პოლიტიკა • 1764847727

სულხან თამაზაშვილი პარლამენტის კულტურის კომიტეტის თავმჯდომარეს შეხვდა

აჭარის მთავრობის თავმჯდომარე სულხან თამაზაშვილი პარლამენტის კულტურის კომიტეტის თავმჯდომარეს, გიორგი გაბუნიას შეხვდა.აჭარის მთავრობის ინფორმაციით, შეხვედრაზე განიხილეს აჭარაში კულტურის სფეროს განვითარების გეგმები. განსაკუთრებული ყურადღება გამახვილდა აჭარის კულტურული პოტენციალის გაძლიერებასა და კულტურული მემკვიდრეობის დაცვის საკითხებზე, რაც კომიტეტის ერთ-ერთ მთავარ პრიორიტეტად რჩება.კულტურული ღონისძიებების მხარდაჭერის მიმართულებით თანამშრომლობა და კოორდინაცია კიდევ უფრო გაძლიერდება, რაც უზრუნველყოფს რეგიონის კულტურული პოტენციალის ეფექტიან გამოყენებას და აჭარის პოპულარიზაციას, როგორც ქვეყნის მასშტაბით, ისე საერთაშორისო დონეზე.