აჭარა

ქობულეთში დენის დარტყმის შედეგად ახალგაზრდა კაცი დაიღუპა

ქობულეთში დენის დარტყმის შედეგად ახალგაზრდა კაცი დაიღუპა. ინფორმაციას ადგილობრივი მედია „აჭარა თაიმსი" ავრცელებს. მათივე ცნობით, დაღუპული 35 წლამდე ასაკის კაცია, რომელიც ქობულეთის ერთ-ერთ გარეუბანში სათევზაოდ იმყოფებოდა. მთავარს შსს-ში უთხრეს, რომ მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

საზოგადოება • 1775991910

სააღდგომო ღვთისმსახურება ქვეყნის ყველა მოქმედ ტაძარში ჩატარდა

სააღდგომო ღვთისმსახურება ქვეყნის ყველა მოქმედ ტაძარში ჩატარდა. სააღდგომო ლიტურგია ღვთისმშობლის შობის საკათედრო ტაძარში გორისა და ატენის მიტროპოლიტმა შეასრულა. მეუფე ანდრიამ მრევლს აღდგომის ბრწყინვალე დღესასწაული მიულოცა.აღდგომის ბრწყინვალე დღესასწაული ალავერდის მამათა მონასტერში იზეიმეს. წმინდა გიორგის სახელობის ტაძარში საზეიმო წირვა აბბა ალავერდელმა მიტროპოლიტმა დავითმა სასულიერო პირებთან ერთად აღავლინა. გაიმართა ლიტანიობა.სააღდგომო ღვთისმსახურება ივერიის ღვთისმშობლის საკათედრო ტაძარში აღავლინა ზუგდიდისა და ცაიშის მიტროპოლიტმა მეუფე გერასიმემ. წირვის დაწყებამდე მან მრევლს დღესასწაული მიულოცა, ქვეყანას კი გამთლიანება უსურვა. ლიტურგიას თავდაცვის მინისტრი და ადგილობრივი ხელისუფლების წარმომადგენლები დაესწრნენ.აღდგომის ბრწყინვალე დღესასწაული იზეიმეს აჭარაშიც. ბათუმისა და ლაზეთის მიტროპოლიტმა მეუფე დიმიტრიმ სადღესასწაულო წირვა ბათუმის ყოვლადწმინდა სამების სახელობის ტაძარში ჩაატარა. სააღდგომო ლიტურგიას აჭარის მთავრობის თავმჯდომარე სულხან თამაზაშვილი, ოჯახთან ერთად დაესწრო. ტაძარში იმყოფებოდნენ აჭარის უმაღლესი საბჭოს თავმჯდომარე, პარლამენტის წევრები, ბათუმის მერი და ადგილობრივი ხელისუფლების სხვა წარმომდგენლები.საზეიმოდ აღინიშნა აღდგომის ბრწყინვალე დღესასწაული ფოთის ღვთისმშობლის შობის სახელობის ტაძარში. მსახურებას მრევლი, ფოთის მაჟორიტარი დეპუტატი და ქალაქის მერი ესწრებოდნენ.ტაძრებში სადღესასწაულო მსახურება დილამდე გაგრძელდა. ეკლესიებში გადაანაწილეს იერუსალიმიდან საქართველოში ჩამობრძანებული ცეცხლი, რომელიც მომლოცველთა ჯგუფმა თბილისში სპეციალური ჩარტერული რეისით ჩამოიტანა.

რეგიონი • 1775729952

„საქართველო იყო, არის და იქნება თავისუფალი“ - ფოთის მერი

მადლობა თავისუფლებისთვის - 9 აპრილის ტრაგედიადან 37 წელი გავიდა.ფოთის მერმა, ბექა ვაჭარაძემ, ადგილობრივი ხელისუფლების წარმომადგენლებთან და საზოგადოების წევრებთან ერთად, 9 აპრილის ტრაგედიისას დაღუპულთა მემორიალი ყვავილებით შეამკო.„9 აპრილი ჩვენი თავისუფლების სიმბოლოა. დღე, რომელიც გვახსენებს გმირებს, რომლებმაც საკუთარი სიცოცხლე შესწირეს საქართველოს დამოუკიდებლობას.ეს თარიღი გვაერთიანებს და კიდევ ერთხელ უსვამს ხაზს თავისუფლების მნიშვნელობას.ქედს ვიხრით გმირთა ხსოვნის წინაშე. საქართველო იყო, არის და იქნება თავისუფალი,“ - აღნიშნა ფოთის მერმა, ბექა ვაჭარაძემ.

საზოგადოება • 1775665260

ფოთის მერმა ბექა ვაჭარაძემ ღვაწლმოსილ მსახიობს ნიარა ჭიჭინაძეს 80 წლის იუბილე მიულოცა

ფოთის მერი ბექა ვაჭარაძე ღვაწლმოსილ მსახიობს ნიარა ჭიჭინაძეს შეხვდა და 80 წლის იუბილე მიულოცა.ქალბატონი ნიარა 1972 წლიდან ფოთის ვალერიან გუნიას სახელობის სახელმწიფო დრამატული თეატრის მსახიობია. შესრულებული აქვს 55-ზე მეტი როლი.„ქალბატონი ნიარას სახელი ფოთის სცენასთან განუყოფლად არის დაკავშირებული. განსაკუთრებული სიყვარულითა და ერთგულებით ემსახურება თეატრს. მადლობა მინდა გადავუხადო მას მრავალწლიანი ღირსეული მოღვაწეობისა და კულტურის სფეროში შეტანილი მნიშვნელოვანი წვლილისთვის“, – განაცხადა შეხვედრისას ფოთის მერმა.ბექა ვაჭარაძის გადაწყვეტილებით, ნიარა ჭიჭინაძეს მუნიციპალიტეტისგან ფულადი ჯილდო გადაეცა.აღსანიშნავია, რომ იგი დაჯილდოებულია ვერიკო ანჯაფარიძის სახელობის პრემიით.

საზოგადოება • 1775647233

მანდატურობის კანდიდატებმა საზოგადოებრივი უსაფრთხოებისა და პოლიციის აკადემიაში მოსამზადებელი კურსი წარმატებით გაიარეს

მანდატურობის კანდიდატებმა საზოგადოებრივი უსაფრთხოებისა და პოლიციის აკადემიაში მოსამზადებელი კურსი წარმატებით გაიარეს. შედეგად, თბილისისა და რეგიონების საჯარო სკოლებს 34 ახალი მანდატური შეემატა.სასწავლო კურსის წარმატებით დასრულება კანდიდატებს მანდატურის სამსახურის უფროსმა პავლე მაჭარაშვილმა და აკადემიის რექტორმა სოფიო აბულაშვილმა მიულოცეს.პავლე მაჭარაშვილმა სიტყვით გამოსვლისას საზოგადოებრივი უსაფრთხოებისა და პოლიციის აკადემიის წარმომადგენლებს მადლობა გადაუხადა ნაყოფიერი და კოორდინირებული თანამშრომლობისთვის და ზოგადსაგანმანათლებლო დაწესებულებაში უსაფრთხო, მხარდამჭერი და ძალადობისგან თავისუფალი გარემოს უზრუნველყოფის საქმეში მანდატურთა მნიშვნელოვანი როლის შესახებ ისაუბრა.მანდატურობის კანდიდატებმა საზოგადოებრივი უსაფრთხოებისა და პოლიციის აკადემიის ინტენსიური მოსამზადებელი კურსის ფარგლებში გაიღრმავეს ცოდნა ისეთი მნიშვნელოვანი მიმართულებებით, როგორებიცაა: ბავშვთა და მოზარდთა განვითარების ფსიქოლოგია, მანდატურის მიერ სამართალდარღვევაზე რეაგირება, ადმინისტრაციულ და სამართალდამცავ ორგანოებთან ურთიერთობა, ოჯახში ძალადობისა და ბავშვთა დაცვის მიმართვიანობის (რეფერირების) პროცედურები, ეფექტური კომუნიკაციისა და კონფლიქტების მართვის უნარები.

განათლება • 1775646935

მანდატურის სამსახურის უფროსმა ბუდაპეშტში საერთაშორისო კონფერენციაში მიიღო მონაწილეობა

საგანმანათლებლო დაწესებულების მანდატურის სამსახურის უფროსმა პავლე მაჭარაშვილმა უნგრეთის დედაქალაქ ბუდაპეშტში სამუშაო ვიზიტის ფარგლებში მონაწილეობა მიიღო საერთაშორისო კონფერენციაში – „ნარკოტიკებისგან თავისუფალი მომავალი – ნარკოტიკების პრევენციის პროგრამები სკოლის ასაკის ბავშვებისა და ახალგაზრდებისთვის“ (V4+).საერთაშორისო კონფერენციაზე პავლე მაჭარაშვილი მონაწილეების წინაშე სიტყვით წარდგა და ახალგაზრდებში ფსიქოაქტიური ნივთიერების ავადმოხმარების კუთხით, საქართველოში არსებული გამოცდილება გააცნო. მანდატურის სამსახურის უფროსმა განსაკუთრებული ყურადღება გაამახვილა სკოლებში უსაფრთხო და ჯანსაღი გარემოს შექმნის მიზნით, განხორციელებული და მიმდინარე პრევენციული ღონისძიებებისა და პროგრამების შესახებ.ღონისძიების ფარგლებში ასევე გაიმართა პანელური დისკუსია, სადაც საქართველოს, უნგრეთის, ჩეხეთის, პოლონეთის, სლოვაკეთისა და რუმინეთის წარმომადგენლებმა ახალგაზრდებში ნარკოტიკების მოხმარების პრევენციის კუთხით არსებულ თანამედროვე მიდგომებზე იმსჯელეს, პრევენციის პროცესში საგანმანათლებლო დაწესებულებების როლი განიხილეს და შესაბამისი მექანიზმების გაძლიერების შესაძლებლობებზე ისაუბრეს.

რეგიონი • 1775638604

ფოთის მერმა რაგბის გუნდი „ფოთის“ შემადგენლობას სეზონის წარმატებული ასპარეზობა მიულოცა

ფოთის მერმა, ბექა ვაჭარაძემ, რაგბის გუნდი „ფოთის“ წევრებს შეხვდა და მათ სეზონის განმავლობაში მიღწეული წარმატება მიულოცა, - ინფორმაციას ფოთის მერია ავრცელებს.„10-მატჩიანი წაუგებელი სერია, მნიშვნელოვანი გამარჯვებები და მიზნისთვის ბოლომდე ბრძოლა - ჩვენმა მორაგბეებმა სეზონი ღირსეულად დაასრულეს. გუნდმა ჩემპიონატში მესამე ადგილი მოიპოვა და „დიდ 10“-ში გადასვლასთან ძალიან ახლოს იყო.ჩვენი მიზანი უცვლელია - შევინარჩუნოთ სტაბილური განვითარება შესაბამისი პირობების შექმნით, დავიბრუნოთ ჩვენი ქალაქის წარმატებული მორაგბეები და ახალგაზრდებს მივცეთ შესაძლებლობა, დაიმკვიდრონ ადგილი დიდ გუნდში“- განაცხადა ფოთის მერმა ბექა ვაჭარაძემ.ფოთელმა მორაგბეებმა პირველად ითამაშეს „დიდ 10“-ში გადასასვლელ პლეი-ოფის ნახევარფინალურ ეტაპზე და სეზონი ბრინჯაოს მედლით დაასრულეს.

საზოგადოება • 1775630137

ბათუმში დამწყები გიდების გადამზადება დაიწყო

აჭარაში დამწყები გიდების გადამზადების ტრენინგ-კურსი დაიწყო. აჭარის ტურიზმის დეპარტამენტის მიერ ორგანიზებულ ინტენსიურ პროგრამაში 30-მდე დამწყები გიდია ჩართული. მათ ლექციები ტურიზმის განვითარების მოკლე ისტორიის, საქართველოში განვითარებული ტურიზმის სახეობების, ექსკურსიათმცოდნეობის, გიდის პროფესიის, ტურის დაგეგმვის, გიდის ფსიქოლოგიისა და საქართველოს ისტორიის შესახებ უტარდებათ. სამთვიანი სატრენინგო პროგრამისას ისინი ასევე შეისწავლიან პირველადი დახმარების საშუალებებს, ბათუმის განაშენიანებას და არქიტექტურას, ტურისტულ მარშრუტებს, ღირსშსანიშნაობებს, კულტურასა და გასტრონომიას. დამწყები გიდების გადამზადების პროგრამაში 55-ზე მეტი ტრენერია ჩართული.გადამზადების პროგრამის მიზანი ბათუმის ტურის გიდების მომზადება, გიდის პროფესიით დაინტერესებული ადამიანებისთვის პროფესიული ცოდნისა და გამოცდილების გადაცემა, კომპეტენტური, წყაროზე დაფუძნებული ინფორმაციის მიწოდება და გიდისთვის საჭირო უნარების გამომუშავება და განვითარებაა. დამწყები გიდების გადამზადების პროგრამა მოიცავს, როგორც თეორიულ სატრენინგო საკითხებს, ასევე, ქალაქის მარშრუტებზე და ობიექტებზე გასვლითი ტრენინგების ჩატარებას და პრაქტიკულ გასვლით გამოკითხვებს. სასწავლო პროგრამის ბოლოს ჩატარდება გამოცდები, რომლის განმავლობაშიც მონაწილები ჩაატარებენ პრაქტიკულ ტურებს ტურიზმის დეპარტამენტის მიერ სპეციალურად მოწვეული ტუროპერატორებისთვის.

რეგიონი • 1775568708

ფოთის მერმა წარმატებულ სპორტსმენს, გვანცა ქარჩავას ახალგაზრდული ოლიმპიური თამაშებისთვის ლიცენზიის მოპოვება მიულოცა

ქალაქ ფოთის მერი ბექა ვაჭარაძ, ე წარმატებულ სპორტსმენს გვანცა ქარჩავას შეხვდა და სენეგალში გასამართი ახალგაზრდული ოლიმპიური თამაშებისთვის ლიცენზიის მოპოვება მიულოცა.,, საამაყო და სასიხარულოა, რომ ჩვენმა სპორტსმენმა, გვანცა ქარჩავამ, სენეგალში გასამართი ახალგაზრდული ოლიმპიური თამაშებისთვის ლიცენზია მოიპოვა. გვანცა მსოფლიოს 12 საუკეთესო უშუისტ გოგონას შორის მოხვდა. ვულოცავ გვანცას და მის მწვრთნელს, ვასილ დუნდუას, ამ მნიშვნელოვან წარმატებას და მომავალ ასპარეზობებზე ბევრ გამარჯვებას ვუსურვებ“ -განაცხადა შეხვედრისას ფოთის მერმა ბექა ვაჭარაძემ. გვანცა ქარჩავას, ფოთის მუნიციპალიტეტისგან აღნიშნული წარმატებისთვის ფულადი ჯილდო გადაეცემა.ახალგაზრდული ოლიმპიური თამაშები ოქტომბერში გაიმართება, სადაც 18 წლამდე ასაკის საუკეთესო სპორტსმენები მსოფლიოს სხვადასხვა ქვეყნიდან მიიღებენ მონაწილეობას.

პოლიტიკა • 1775555672

გურამ მაჭარაშვილი: ცვლილებები მზადდება, რომ უფრო მეტი სიცხადე შევიდეს კანონში, რა არ ჩაითვლება გრანტის ფორმად, რომელიც მთავრობასთან უნდა შეთანხმდეს

ყველაფერი მოქმედი კანონითაც იყო გათვალისწინებული და შინასრობრივად საელჩოს ისედაც არ ეხებოდა, რომელსაც შეიძლება, თანხა თავისივე ქვეყნიდან ჩაერიცხოს, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს „გრანტების შესახებ“ კანონში ცვლილების შესახებ დასმული კითხივს საპასუხოდ განუცხადა, რომელსაც პარლამენტი დაჩქარებული წესით განიხილავს.მისი თქმით, საელჩო როდესაც გრანტს მიიღებს, ეს არ იქნება გათვალისწინებული იმ წესით, რაც არეგულირებს მთავრობასთან შეთანხმებას.„ეს ყველაფერი მოქმედი კანონითაც იყო გათვალისწინებული და შინასრობრივად საელჩოს ისედაც არ ეხებოდა, რომელსაც შეიძლება, თანხა ჩაერიცხოს თავისივე ქვეყნიდან. ცვლილებები მზადდება იმისთვის, რომ მორიგ ჯერზე დადასტურდეს და უფრო მეტი სიცხადე შევიდეს კანონში, რა არ ჩაითვლება გრანტის ფორმად, რომელიც მთავრობასთან უნდა შეთანხმდეს. ეს ეხება უშუალოდ საელჩოს მიმართ ჩარიცხულ თანხებს. საელჩო რომ თანხებს მიიღებს, ამაზეა საუბარი. როცა საელჩო გრანტს მიიღებს, ეს არ იქნება გათვალისწინებული იმ წესით, რაც არეგულირებს მთავრობასთან შეთანხმებას“, – განაცხადა გურამ მაჭარაშვილმა.საქართველოს პარლამენტი „გრანტების შესახებ“ კანონში ცვლილებას დაჩქარებული წესით განიხილავს. კანონში შედის ცვლილება, რომლის მიხედვითაც, საქართველოში აკრედიტირებული დიპლომატიური წარმომადგენლობის, საკონსულო დაწესებულებისა და საერთაშორისო ორგანიზაციების მიერ გაცემული კონკრეტული სახის სახსრები გრანტად აღარ მიიჩნევა.

პოლიტიკა • 1775547307

გურამ მაჭარაშვილი: კარგია, რომ ბოლო ერთი წლის განმავლობაში აშშ-დან უსამართლო განცხადებები არ გაკეთებულა, ქმედითი ნაბიჯები თუ გადაიდგმება, ეს ხელს შეუწყობს პარტნიორული ურთიერთობების განვითარებას

კარგია, რომ ბოლო ერთი წლის განმავლობაში ამერიკის შეერთებული შტატებიდან უსამართლო განცხადებები არ გაკეთებულა. პირიქით, ამერიკის დღევანდელი ადმინისტრაციის პოლიტიკა ერთ-ერთში ემთხვევა საქართველოს პოლიტიკას, მათ შორის ევროკავშირთან დაპირისპირების თვალსაზრისითაც, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.მაჭარაშვილის თქმით, „ქმედითი ნაბიჯები თუ გადაიდგმება, მათ შორის ამერიკაში ვიზიტის თვალსაზრისით, ეს ხელს შეუწყობს პარტნიორული ურთიერთობების განვითარებას“.„ამერიკის თაობაზე ოპოზიციის განცხადებებს რაც შეეხება, „ნაციონალური მოძრაობა“ და მისი სატელიტები მათ მხარდამჭერებსაც აღარ აინტერესებთ. 4 ოქტომბრის შემდეგ ეს პოლიტიკური ძალა არაფერს წარმოადგენს“, – განაცხადა გურამ მაჭარაშვილმა.

პოლიტიკა • 1775545963

გურამ მაჭარაშვილი: აზერბაიჯანი საქართველოს მეზობელი და სტრატეგიული პარტნიორია, რაც არაერთხელ დამტკიცდა, კარგია, რომ ქვეყნებს შორის პარტნიორობა მზარდია

აზერბაიჯანი საქართველოს მეზობელი და სტრატეგიული პარტნიორია და ეს არაერთხელ დამტკიცდა, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.მისი თქმით, კარგია, რომ საქართველო-აზერბაიჯანს შორის პარტნიორობა მზარდია.განსაკუთრებით ბოლო პერიოდში, როცა მსოფლიოსა და რეგიონში დიდი გამოწვევაა, დავინახეთ, რომ შუა დერეფნის მნიშვნელობა კიდევ უფრო გაიზარდა, სადაც რა თქმა უნდა, საქართველო მონაწილეობს. აზერბაიჯანი შუა დერეფანში მთავარ ფორმატს ქმნის, მნიშვნელოვანი მონაწილეა. კარგია, რომ საქართველო-აზერბაიჯანს შორის ასეთი სახის პარტნიორობაა, რომელიც მზარდია. პრეზიდენტ ალიევის განცხადება, რომ შუა დერეფანში საქართველოს დიდი როლი აქვს, იმას ამტკიცებს, რომ შუა დერეფანში საქართველოში მომავალშიც უფრო მნიშვნელოვანი როლის შემსრულებელი იქნება“, – განაცხადა გურამ მაჭარაშვილმა.