აჭარა

დავით კაჭარავა ფიგურულ მოციგურავეებს: როგორც სპორტსმენმა ზუსტად ვიცი, რა შრომასთან არის დაკავშირებული თქვენ მიერ მიღწეული თითოეული გამარჯვება. სპორტსმენებს, მწვრთნელებს, ფედერაციის ყველა თანამშრომელს მადლობას გიხდით ამისთვის

„უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ,“ - განაცხადა პარტია „ხალხის ძალის“ წევრმა, დეპუტატმა დავით კაჭარავამ სპორტის კომიტეტის სხდომაზე, სადაც ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ ინფორმაცია წარადგინა საქართველოს ფიგურული ციგურაობის ეროვნული ფედერაციის პრეზიდენტმა მაკა გიორგობიანმა.დავით კაჭარავას თქმით, წლევანდელი წელი გარდამტეხი იყო ფიგურულ ციგურაობისთვის.„მოგესალმებით და მადლობა ფიგურულ ციგურაობაში არსებული მდგომარეობის, საერთაშორისო წარმატებებისა და განვითარების ხელშემწყობი ღონისძიებების შესახებ მოწოდებული ინფორმაციისთვის.სპორტსმენებმა, მწვრთნელებმა და ფედერაციამ წელს მოიპოვა ისტორიული მნიშვნელობის გამარჯვება. ეს წელი ნამდვილად იყო გარდამტეხი სპორტის ამ სახეობისთვის. გულწრფელად ვიტყვი, არ ველოდით ასეთ შედეგს. ახლა დარწმუნებული ვარ, რომ მოციგურავეების ამ წარმატებების შემდეგ უამრავი ბავშვი დაიწყებს სიარულს ამ სპორტზე. თქვენ [მაკა გიორგობიანი], სწორედ აღნიშნეთ, უკვე მიღწეული სპორტული შედეგებით არაფერი მთავრდება, სწორედ ახლა იწყება გზა დიდი და საუკეთესო შედეგებისკენ.მე, როგორც სპორტსმენმა ზუსტად ვიცი რა შრომასთან არის დაკავშირებული თქვენს მიერ მიღწეული თითოეული გამარჯვება. სპორტსმენებს, მწვრთნელებს, ფედერაციის ყველა თანამშრომელს მადლობას ვუხდი იმისთვის, რომ ამ ულამაზესი სპორტის სახეობის ცქერით დაგვატკბეთ. ვამაყობთ, რომ ჩვენ, ქართველებს შეგვიძლია, განსაკუთრებულ სპორტის სახეობებშიც ვიყოთ გამორჩეულები მთელ მსოფლიოში,“ - განაცხადა დავით კაჭარავამ.

საზოგადოება • 1776405600

SPRIBE-მა ბრაზილიის სასამართლოს გადაწყვეტილებით, Betnacional-ს არაავტორიზებული AVIATOR-ის გამოყენება აუკრძალა

SPRIBE OÜ-ს სარჩელის საფუძველზე, ბრაზილიის სასამართლომ (პერნამბუკუ, TJPE) წინასწარი უზრუნველყოფის ღონისძიების სახით, დროებითი გადაწყვეტილება მიიღო, რომლითაც NSX Brasil S.A.-ს - იგივე Betnacional-ს - დაუყოვნებლივ აეკრძალა ბრენდ "AVIATOR"-ის უნებართვო გამოყენება.Betnacional-ის შესახებ და კავშირი საქართველოსთანBetnacional ბრაზილიის სათამაშო ბაზრის ერთ-ერთი ყველაზე ცნობილი ბრენდია, რომელსაც კომპანია NSX Brasil S.A. მართავს. მას შემდეგ, რაც Flutter Entertainment Plc-მა NSX ჯგუფის საკონტროლო პაკეტი შეიძინა, NSX გლობალური გიგანტის, Flutter Entertainment Plc-ის შემადგენელ ნაწილად იქცა. აღსანიშნავია, რომ სწორედ Flutter Entertainment PLC ფლობს კომპანია „აჭარაბეთს“ საქართველოსა და სომხეთში.სამართლებრივი დავა მას შემდეგ წარმოიშვა, რაც Betnacional-მა თავის პლატფორმაზე განათავსა თამაში სახელწოდებით "AVIATOR" - "Aviator Studio"-ს მიერ შეთავაზებული პროდუქტი, რომელიც საქართველოში დაფუძნებულ შპს “ავიატორთანაა” კავშირში.აღსანიშნავია, რომ "Aviator Studio"-მ ეს თამაში 2025 წლიდან შესთავაზა ბაზარს - მხოლოდ მას შემდეგ, რაც “AVIATOR“-მა, რომელიც SPRIBE-მა 2018 წელს შექმნა, გლობალური აღიარება მოიპოვა.საყურადღებოა ისიც, რომ Betnacional 2022 წლიდან იყო SPRIBE-ის ავტორიზებული ლიცენზიანტი.SPRIBE-ის წარმომადგენლების განცხადებით, მიუხედავად Betnacional-თან გრძელვადიანი საქმიანი ურთიერთობების პატივისცემისა, კომპანიის ლოგიკური პოზიციაა, რომ დაიცვას მისი ინტელექტუალური საკუთრება და მიმართავს ყველა შესაძლო სამართლებრივ გზას მისი უფლებების დასაცავად.სასამართლოს განკარგულება და აღსრულებასასამართლომ დროებითი უზრუნველყოფის ღონისძიების სახით მიიღო გადაწყვეტილება და დაავალა NSX Brasil S.A.-ს, დაუყოვნებლივ შეწყვიტოს სასაქონლო ნიშნის “AVIATOR”-ის, აგრეთვე ნებისმიერი იდენტური ან მასთან აღრევამდე მსგავსი ნიშნის გამოყენება. აკრძალვა ასევე მოიცავს მოსარჩელის პროდუქტთან ასოცირებული ვიზუალური, გრაფიკული ან აუდიოვიზუალური ელემენტების რეპროდუცირებას. ბრძანების შეუსრულებლობის შემთხვევაში, სასამართლომ ყოველდღიური ჯარიმა დააწესა. ეს ზომა ძალაში რჩება სასამართლოს მიერ მის შეცვლამდე ან საბოლოო გადაწყვეტილების გამოტანამდე.გლობალური პოზიცია ინტელექტუალური საკუთრების დაცვაზეSPRIBE-მა თამაში “AVIATOR” 2018 წელს შექმნა და მას შემდეგ თამაშმა მსოფლიო მასშტაბის პოპულარობა მოიპოვა. ამ წარმატებისა და ბრენდის გლობალური აღიარების შედეგია ისიც, რომ SPRIBE UFC-ის, AC Milan-ისა და WWE-ს სპონსორია და ჰყავს მსოფლიო მასშტაბით ცნობილი ბრენდ-ამბასადორები.ბრაზილიაში მიღებული ეს შუალედური გადაწყვეტილება მნიშვნელოვანი ეტაპია SPRIBE-ის გლობალურ სტრატეგიაში - საკუთარი აქტივების დასაცავად. კომპანია აქტიურად აკვირდება ბაზრებს მსოფლიოს ყველა კონტინენტზე და განაგრძობს სასაქონლო ნიშნებისა და საავტორო უფლებების დაცვას ყველა იურისდიქციაში.SPRIBE მზად არის გამოიყენოს ყველა საჭირო სამართლებრივი ბერკეტი დამრღვევთა წინააღმდეგ, რათა დაიცვას ორიგინალური "AVIATOR"-ის მთლიანობა და უზრუნველყოს სამართლიანი და გამჭვირვალე გარემო თავისი მომხმარებლებისთვის მთელს მსოფლიოში.

კულტურა • 1776349260

ელისო ბოლქვაძემ უმაღლეს საბჭოს აჭარის კულტურის სამინისტროს საქმიანობის ანგარიში წარუდგინა

აჭარის კულტურის მინისტრმა, ელისო ბოლქვაძემ უმაღლესი საბჭოს პლენარულ სხდომაზე, „მინისტრის საათის“ ფორმატში სამინისტროს გასული წლის საქმიანობის ანგარიში წარადგინა. სხდომას უმაღლესი საბჭოს თავმჯდომარე, ცოტნე ანანიძე უძღვებოდა.მინისტრმა ისაუბრა აჭარის რეგიონში კულტურის სფეროს განვითარების მიმართულებით განხორციელებულ და მიმდინარე პროექტებზე.კულტურის სამინისტროს გასული წლის ბიუჯეტი 44 მილიონ ლარს შეადგენდა, აქედან 41 მილიონი პროგრამულ დაფინანსებაზე იყო გათვალისწინებული, რომლის ფარგლებში განხორციელდა პროგრამები და ქვეპროგრამები შემდეგი მიმართულებით -კულტურის პოპულარიზაცია და შემოქმედებითი პროცესების მხარდაჭერა, კულტურის ორგანიზაციების განვითარება, ფოლკლორის პოპულარიზაცია, კულტურის სფეროს წარმომადგენელთა პროფესიული განვითარება, კულტურული მემკვიდრეობის დაცვა, განვითარება და პოპულარიზაცია, მუზეუმებისა და გალერეების განვითარება, სასცენო და სამუსიკო ხელოვნების ხელშეწყობა, ლიტერატურული ცხოვრების განვითარებისა და სახელოვნებო განათლების ხელშეწყობა.დაფინანსდა სახალხო დღესასწაულები, გაიმართა აჭარის სიმღერისა და ცეკვის ბავშვთა ფოლკლორული ანსამბლების ოლიმპიადა, რომელშიც 80-მდე ფოლკლორული ანსამბლი და 2000-მდე შემსრულებელი მონაწილეობდა, სასცენო სამოსი და აქსესუარები გადაეცა 6 ანსამბლის 350 შემსრულებელს, ეროვნული სამოსი და ხალხური საკრავები გადაეცათ ხულოს, შუახევის, ქედის, ხელვაჩაურის და ქობულეთის მუნიციპალიტეტების კულტურის ცენტრებს, ასევე, სალოტბარო სკოლებს.კულტურის პოპულარიზაციისა და შემოქმედებითი პროცესების მხარდაჭერის პროგრამის ფარგლებში 2025 წელს დაფინანსდა 20 ფესტივალი, 24 შემოქმედებითი პროექტი და 20-მდე კულტურული ინიციატივა. განხორციელებული პროექტები მოიცავდა კულტურის სხვადასხვა მიმართულებას და ასაკობრივ ჯგუფს. სამინისტროს პროგრამებისა და ქვეპროგრამების განხორციელებაში მონაწილეობდნენ სამინისტროს სისტემაში შემავალი ორგანიზაციები (9 სსიპ და 9 ააიპ). წლის განმავლობაში განხორციელდა 700-მდე კულტურული ღონისძიება.მინისტრმა ყურადღება გაამახვილა ახალგაზრდების ხელშემწყობ პროექტებზე, ხელოვანთა პროფესიულ გაძლიერებაზე, ინკლუზიური სახელოვნებო განათლების განვითარებაზე, საერთაშორისო პროექტებსა და კულტურის ორგანიზაციების ინსტიტუციური გაძლიერების საკითხებზე.ელისო ბოლქვაძის განცხადებით, აჭარის მთავრობის მხარდაჭერით, კულტურის სამინისტრო განახლებული პროგრამებითა და სტრატეგიულ პრიორიტეტებზე დაფუძნებული ინიციატივებით აქტიურად განაგრძობს კულტურის სფეროს განვითარებას.მისივე თქმით, სამინისტროს 2026 წლის ბიუჯეტი გასულ წელთან შედარებით 8 მილიონი ლარით არის გაზრდილი და 52 მილიონ ლარს შეადგენს, რომლის ფარგლებში გაგრძელდება რეგიონში კულტურის პოლიტიკის გაძლიერება.მინისტრმა განსაკუთრებული მადლობა გადაუხადა აჭარის მთავრობის თავმჯდომარეს, სულხან თამაზაშვილს, კულტურის სამინისტროს მუდმივი მხარდაჭერისთვის და აღნიშნა, რომ ერთობლივი მუშაობით, რომელიც დაფუძნებულია ეროვნულ ღირებულებებზე, აჭარა სულ მალე გახდება მსოფლიო კულტურული ჰაბი, ქვეყნის საკეთილდღეოდ.მოხსენების შემდეგ მინისტრმა უპასუხა კანონმდებლების შეკითხვებს. უმაღლესმა საბჭომ ანგარიში ცნობად მიიღო.

ეკონომიკა • 1776326452

„Tarifa Summit Georgia გვაძლევს შესაძლებლობას ახალი ბაზრები მოვიძიოთ და დანაკარგები დავაბალანსოთ“ - თემო მაჭარაშვილი

საქართველოს ტურიზმის ეროვნული ადმინისტრაციის საკონვენციო და საგამოფენო ბიურომ საერთაშორისო ღონისძებას B2B Summit by Tarifa-ს უმასპინძლა. ღონისძიება საქართველოს ტურისტული პოტენციალის წარმოჩენასა და ახალი ბიზნესკავშირების გაღრმავებას ოსახავს მიზნად.სამიტის ფარგლებში ქვეყანას ცენტრალური და დასავლეთ ევროპის ბაზრებიდან 50 მაღალი გაყიდვების მქონე საერთაშორისო ბაიერი ეწვია, ხოლო საქართველოდან 40-მდე ტურისტული კომპანია იყო წარმოდგენილი.ტურისტული კომპანია „Travel Bee“-ის წარმომადგენლის, თემო მაჭარაშვილის შეფასებით, Tarifa ტურიზმის სექტორისთვის განსაკუთრებით მნიშვნელოვანი ღონისძიებაა, რაც ახალ პარტნიორებთან პირდაპირ კომუნიკაციას უწყობს ხელს. ღონისძიების ფარგლებში, მან პარტნიორებთან შეხვედრები კონკრეტული საკითხების ირგვლივ გამართა.„Tarifa Summit Georgia ძალიან მნიშვნელოვანი ღონისძიებაა საქართველოს ტურიზმის ინდუსტრიისთვის, გამომდინარე იქიდან, რომ აქ კი ბევრი ევროპელი ბაიერია წარმოდგენილი. ძალიან ბევრი კომპანიაა წარმოდგენილი პოლონეთიდან. მე პირადად მქონდა შეხვედრები სერბულ კომპანიებთან, პოლონურ და ლიტვურ კომპანიებთან.შეხვედრებზე განვიხილეთ კონკრეტულ პროგრამები, თარიღები და მიზნები.ვთვლი, რომ ამ პერიოდში, გლობალური გამოწვევების ფონზე, გარკვეული ქვეყნებიდან ჯავშნების გაუქმების კვალდაკვალ, Tarifa-ს სამიტი სახელმწიფოს მხრიდან კერძო სექტორისთვის ძალიან კარგი ხელშეწყობაა. ტურიზმის ეროვნულმა ადმინისტრაციამ მოგვცა უსასყიდლოდ მნიშვნელოვანი შესაძლებლობა, რომ ახალი პარტნიორები მოვიძიოთ, ახალი კონტრაქტები გავაფორმოთ და შევავსოთ ის ბაზრები, რომლებიც დავკარგეთ.“ - აღნიშნავს თემო მაჭარაშვილი.სამიტის ფარგლებში მონაწილეები გაეცნენ საქართველოს ტურისტულ პროდუქტებს, ესტუმრნენ სასტუმროებსა და ტურისტული დანიშნულების ადგილებს და B2B ფორმატში საქმიანი შეხვედრები გამართეს ტურისტულ კომპანიებთან.

ეკონომიკა • 1776257600

„ახალი ბაზრები გვაძლევს შესაძლებლობას დავაბალანსოთ შემცირებული მიმართულებები“ - თემო მაჭარაშვილი

ტურიზმის ეროვნული ადმინისტრაციის მონაცემებით, იანვარ-მარტში ქვეყანაში 1 მილიონი ტურისტული ვიზიტი შედგა, რაც წინა წლის ანალოგიურ პერიოდთან შედარებით 4%-იანი ზრდაა.ტურისტული კომპანია „Travel Bee“-ის წარმომადგენელი თემო მაჭარაშვილი აღნიშნავს, რომ ირანში მიმდინარე ომისა და გაუქმებული ფრენების ფონზე, კერძო სექტორისთვის პირველი კვარტალი განსხვავებული ტენდენციებით ხასიათდება: სხვადასხვა ბაზარზე ზრდისა და კლების პარალელური პროცესებით.“გარკვეული ბაზრების მიმართულებით გვაქვს ზრდა, გარკვეული ბაზრების მიმართულებით - კლება. პოზიტიური რეალობა არის ის, რომ კორეიდან არის ნამდვილი ზრდა, გვყავს რამოდენიმე ჯგუფი, ჯგუფები მოიცავენ საქართველოს და ასევე მეზობელ სომხეთს. ინდოეთთან დაკავშირებით ობიექტური კლება გვაქვს, თუმცაღა ძალიან დიდი იმედი გვაქვს, რომ ინდოეთის, ისრაელისა და ზოგადად ახლო აღმოსავლეთის ბაზრებს, ნაწილობრივ მაინც ჩაანაცვლებს ისეთი ტიპის ბაზრები, როგორიცაა ჩინეთი, კორეა. ჩვენი კომპანიის შემთხვევაში, ჭრილში, გლობალური ფაქტორებით გამოწვეული მდგომარეობა საკმაოდ დაგვიბალანსა ჩინეთმა” - აღნიშნა შალვა ხუციშვილმა.ტურიზმის ეროვნული ადმინისტრაციის მონაცემებით, 2026 წლის პირველ კვარტალში ევროკავშირის ქვეყნებიდან და დიდი ბრიტანეთიდან ვიზიტების რეკორდული მაჩვენებელი დაფიქსირდა; ზრდა დაფიქსირდა ისეთი სტრატეგიული ბაზრებიდან, როგორიცაა ჩინეთი (+48.6%), კორეის რესპუბლიკა (+67.2%) და აშშ (+19.3%). ვიზიტორთა რაოდენობა გაიზარდა სპარსეთის ყურის ქვეყნებიდანაც.

ფინანსები • 1776249963

ლაშა ხუციშვილი ევროპასა და ცენტრალურ აზიაში მსოფლიო ბანკის ვიცე-პრეზიდენტს შეხვდა

საერთაშორისო სავალუტო ფონდისა და მსოფლიო ბანკის ყოველწლიური საგაზაფხულო შეხვედრების ფარგლებში, ფინანსთა მინისტრი ლაშა ხუციშვილი ევროპასა და ცენტრალურ აზიაში მსოფლიო ბანკის ვიცე-პრეზიდენტს, ანტონელა ბასანის და სხვადასხვა სექტორული მიმართულებების ხელმძღვანელებს შეხვდა.საუბარი შეეხო მსოფლიო ბანკის მხარდაჭერით მიმდინარე და დაგეგმილ პროექტებს.ფინანსთა მინისტრმა მსოფლიო ბანკის ვიცე-პრეზიდენტს გააცნო ქვეყანაში არსებული მაკროეკონომიკური ვითარება და საშუალოვადიანი პროგნოზები, ხაზი გაუსვა მსოფლიო ბანკის მხარდაჭერით მიმდინარე პროექტების მნიშვნელობას, მათ შორის, დაკავშირებადობის ხელშეწყობის, საგზაო ინფრასტრუქტურის, ადამიანური კაპიტალის განვითარების მიმართულებით.შეხვედრაზე ბანკის ვიცე-პრეზიდენტმა აღნიშნა ბოლო წლებში ეკონომიკური ზრდის კუთხით საქართველოს მიერ მიღწეული პროგრესი და ის პრიორიტეტული მიმართულებები, რომლებზეც მიმდინარეობს ერთობლივი მუშაობა, განსაკუთრებით, შუა დერეფნის მიმართულებით.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, მსოფლიო ბანკის აღმასრულებელი დირექტორი, იუჯინ რუგენაათი, სამხრეთ კავკასიაში მსოფლიო ბანკის რეგიონული დირექტორი როლანდ პრაისი, საქართველოს ელჩი ამერიკის შეერთებულ შტატებში თამარ ტალიაშვილი, ფინანსთა სამინისტროს სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

პოლიტიკა • 1776249060

გურამ მაჭარაშვილი: ბოკუჩავამ დაგმოს მიხაილ როთის განცხადება, ჩააბაროს ქართველებს აღსარება, რაც ეკლესიის წინააღმდეგ აქვთ ნათქვამი და მერე შეიძლება გულწრფელობაში გაჰყვეს საზოგადოება

ბოკუჩავამ დაგმოს მიხაილ როთის განცხადება, ჩააბაროს ქართველებს აღსარება, რაც ეკლესიის წინააღმდეგ აქვთ ნათქვამი და მერე შეიძლება გულწრფელობაში გაჰყვეს საზოგადოება, - განაცხადა „ხალხის ძალის" აღმასრულებელმა მდივანმა, დეპუტატმა გურამ მაჭარაშვილმა თინა ბოკუჩავას განცხადებაზე.„თუ ბოკუჩავა ამ განცხადებაში გულწრფელია, მაშინ დაგმოს მიხაილ როთის განცხადება, სადაც მიხაილ როთის გვერდზე მისი პარტიის წარმომადგენლები და თავადაც იმყოფებოდა, რომელმაც აგინა ჩვენს ეკლესიას, მოიხსენია შეურაცხმყოფლად. ახალგაზრდებს მოუწოდა, რომ ეკლესიაში არ მისულიყვნენ. ჩააბაროს ქართველებს აღსარება, რაც საჯაროდ აქვთ თქმული თვითონ და თავის პარტიელებს ეკლესიის წინააღმდეგ და მერე შეიძლება გულწრფელობაში გაჰყვეს საზოგადოება. მანამდე ვინ შეიძლება დაიჯეროს?! ასე ცდილობდა ერთხელ სალომე ზურაბიშვილი, ხან პატრიარქს აგინებდა და მეორე დილით სანთლით ხელში იყო ეკლესიაში, მაგრამ არაფერი გამოუვიდა“,- აღნიშნა მაჭარაშვილმა.თინა ბოკუჩავას თქმით, ოპოზიციაში ერთობლივი გზავნილის პრობლემა არსებობს და ოპოზიცია არ ცდილობს საზოგადოებას აჩვენოს, რომ არ არიან, მისივე სიტყვებით, „უღმერთოები და ურწმუნოები“.

ფინანსები • 1776248161

ფინანსთა მინისტრი ლაშა ხუციშვილი მსოფლიო ბანკის მმართველ დირექტორს შეხვდა

საერთაშორისო სავალუტო ფონდისა და მსოფლიო ბანკის ყოველწლიური საგაზაფხულო შეხვედრების ფარგლებში, ფინანსთა მინისტრი ლაშა ხუციშვილი მსოფლიო ბანკის მმართველ დირექტორს, ანა ბიერდეს შეხვდა.შეხვედრაზე მხარეებმა მიმოიხილეს მსოფლიო ბანკსა და საქართველოს ურთიერთთანამშრომლობის საკითხები.ფინანსთა მინისტრმა ისაუბრა საქართველოს ეკონომიკის განვითარების ძირითად ტენდენციებზე, მაკროეკონომიკურ და ფისკალურ პარამეტრებზე, მიმდინარე და დაგეგმილ სტრუქტურულ რეფორმებზე, საინვესტიციო პროექტებსა და პრიორიტეტულ მიმართულებებზე. საუბარი, ასევე შეეხო გლობალური ეკონომიკის ტენდეციებს მიმდინარე გეოპოლიტიკური გამოწვევების ფონზე.მსოფლიო ბანკის მმართველმა დირექტორმა აღნიშნა საქართველოს მაღალი ეკონომიკური ზრდის მნიშვნელობა ქვეყნის მდგრადობის და სათანადო ბუფერების შექმნის კუთხით და კიდევ ერთხელ დაადასტურა რეგიონული დაკავშირებადობისა და შუა დერეფნის განვითარებასთან დაკავშირებული ინფრასტრუქტურის პრიორიტეტულობა.შეხვედრას დაესწრნენ ევროპასა და ცენტრალურ აზიაში მსოფლიო ბანკის ვიცე-პრეზიდენტი ანტონელა ბასანი, მსოფლიო ბანკის აღმასრულებელი დირექტორი იუჯინ რუგენაათი, სამხრეთ კავკასიაში მსოფლიო ბანკის რეგიონული დირექტორი როლანდ პრაისი, ფინანსთა მინისტრის მოადგილეები გიორგი კაკაურიძე, ეკატერინე გუნცაძე, საქართველოს ელჩი ამერიკის შეერთებულ შტატებში თამარ ტალიაშვილი, ფინანსთა სამინისტროს სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

პოლიტიკა • 1776239539

გურამ მაჭარაშვილი: მილიონზე მეტი ადამიანი, რომელიც სამების ტაძართან იდგა მზესა და წვიმაში, ახლა ბოკუჩავას სიტყვებით მოტყუვდება? ამ ჭკუის რომ არიან, იმიტომ აქვთ ეს პრობლემები და ბოლომდე ექნებათ

„ნაცმოძრაობას“ და მის დანაწევრებულ პარტიებს არანაირი სცენარი და გეგმა არ გააჩნიათ, ამას თავადაც ამბობენ, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისივე თქმით, საქართველოს მოქალაქეები თუ მიიღებენ ხელისუფლების ჩანაცვლების გადაწყვეტილებას, სათავეში ეროვნული ძალები მოვლენ და არა „ნაციონალური მოძრაობა“.„ბოკუჩავას მორწმუნეობაზე ვერაფერს გეტყვით, მისი პარტიის წევრები ეკლესიის მიმართ როგორი ზიზღით გამოირჩევიან, გადახედონ თავიანთ ისტორიას. ახლა ბოკუჩავამ მორწმუნეები როგორ უნდა მოატყუოს. მილიონზე მეტი ადამიანი, რომელიც სამების საკათედრო ტაძართან იდგა მზეში და წვიმაში ახლა ბოკუჩავას სიტყვებით მოტყუვდება?! ამ ჭკუის რომ არიან ზუსტად, იმიტომ აქვთ ეს პრობლემები და ბოლომდე ექნებათ. თქვენ თუ გულისხმობთ „ნაცმოძრაობას“ და მის დანაწევრებულ პარტიებს, მათ არანაირი სცენარი და გეგმა არ გააჩნიათ, ამას თავადაც ამბობენ. ვერც რევოლუციას აწყობენ და ვერც არჩევნებში იმარჯვებენ, რადგან ორივე შემთხვევაში საზოგადოების მხარდაჭერა სჭირდება. თავად აღიარებენ, რომ ეს ხალხი დგას იმ ნარატივზე, რომელიც ქართული საზოგადოებისთვის მიუღებელია, მიუხედავად პოლიტიკური მხარდაჭერისა“, – განაცხადა მაჭარაშვილმა.როგორც გურამ მაჭარაშვილმა აღნიშნა, „ნაციონალური მოძრაობა“ და უნგრეთის საპარლამენტო არჩევნებში გამარჯვებული პარტია ერთმანეთისგან პრინციპულად განსხვავდება, ამიტომ შედარება არ შეიძლება.„უნგრეთის მაგალითი აქ მოსატანიც არაა. საერთოდ, ბატონი მადიარის პოლიტიკური მრწამსი 2-3 წლის წინ ერთი-ერთში იყო ის, რაც ჰქონდა ორბანს და ახლაც ასე დარჩა. უბრალოდ იქ იყო პოლიტიკური დაპირისპირება და უნგრულმა საზოგადოებამ ისევ კონსერვატორული ძალა აირჩია, ოღონდ უფრო სხვა მიმართულებით. ეს არის და ეს. უნგრელ საზოგადოებას არ აურჩევია ის ძალა, რომელიც გამოვიდოდა და იტყოდა, გაუმარჯოს ლგბტ მიმართულებას, გეი აღლუმებს მოვაწყობთ უნგრეთში, რუსეთს დავუპირისპირდებით და ა.შ. ვნახეთ მადიარის განცხადებები. მადიარი რუსეთთან დაკავშირებით მოლაპარაკებებზე საუბრობს, ასევე, კონსერვატორულ მიმართულებაზე, საქართველოსთან დაკავშირებით მეგობრობაზე საუბრობს და ა.შ. ასე რომ, ჩერგოლეიშვილი იქნება თუ სხვა, სიზმრებში რას ნახულობენ, ვერ გეტყვით. „ნაცმოძრაობა“ დღე და ღამესავით განსხვავდება მადიარის პარტიისგან, გამომდინარე მათი პრინციპული მიდგომებიდან. „ქართულ ოცნებას“ თუ მოუწევს, და ბუნებრივად ოდესმე მოუწევს, ჩანაცვლება, აუცილებლად ჩანაცვლდება ისევ ეროვნული ძალებით. როგორც უნგრეთის, ისე საქართველოს საზოგადოებამ შეიძლება მიიღოს გადაწყვეტილება, რომ ჩაანაცვლოს ხელისუფლება, თუმცა გარწმუნებთ, ეს არც ერთ შემთხვევაში არ იქნება არც „ნაცმოძრაობა“ და არც მათი პარტიები. ესენი იქნებიან ეროვნული ძალები.ცნობისთვის, „ნაციონალური მოძრაობის“ თავმჯდომარემ, თინა ბოკუჩავამ განაცხადა: „სამწუხაროდ, ჩვენ ერთობლივი მესიჯის პრობლემაც გვაქვს, არ ვცდილობთ, მოქალაქეებს ვაჩვენოთ, რომ არ ვართ უღმერთოები და ურწმუნოები, არ ვცდილობთ, ამ მოედანზე შევიდეთ“.

პოლიტიკა • 1776159117

ფინანსთა მინისტრი ლაშა ხუციშვილი მსოფლიო ბანკის აღმასრულებელ დირექტორს შეხვდა

საქართველოსა და მსოფლიო ბანკს შორის თანამშრომლობის საკითხები განიხილეს ფინანსთა მინისტრმა, ლაშა ხუციშვილმა და მსოფლიო ბანკის აღმასრულებელმა დირექტორმა, იუჯინ რუგენაათმა.შეხვედრაზე ყურადღება დაეთმო მსოფლიო ბანკის დაფინანსებით მიმდინარე პროექტებს ეკონომიკის სხვადასხვა სექტორში (ენერგეტიკა, საგზაო ინფრასტრუქტურა, ადამიანური კაპიტალის განვითარება და სხვა).განხილულ იქნა ეკონომიკური ზრდისა და სწორი ფისკალური/მონეტარული პოლიტიკის შედეგად საქართველოს მიერ ბოლო წლებში მიღწეული შედეგები და დაგეგმილ მსხვილ ინფრასტრუქტურული პროექტებთან მიმართებით ბანკთან თანამშრომლობის საკითხები.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, საქართველოს ელჩი ამერიკის შეერთებულ შტატებში თამარ ტალიაშვილი, ფინანსთა სამინისტროს სახელმწიფო ვალის მართვისა და საბიუჯეტო დეპარტამენტების ხელმძღვანელები ირაკლი კაჭარავა და ნათია გულუა.

პოლიტიკა • 1776157464

ფინანსთა მინისტრი ლაშა ხუციშვილი საერთაშორისო სავალუტო ფონდის (IMF) მმართველი დირექტორის მოადგილეს შეხვდა

საერთაშორისო სავალუტო ფონდისა და მსოფლიო ბანკის ყოველწლიური საგაზაფხულო შეხვედრების ფარგლებში, ფინანსთა მინისტრი ლაშა ხუციშვილი და ეროვნული ბანკის პრეზიდენტი ნათია თურნავა საერთაშორისო სავალუტო ფონდის (IMF) მმართველი დირექტორის მოადგილეს, ბო ლის შეხვდნენ.მხარეებმა მიმოიხილეს ქვეყნის ფისკალური და მონეტარული პოლიტიკა. საუბარი შეეხო მიმდინარე და დაგეგმილ რეფორმებს, საერთაშორისო სავალუტო ფონდთან არსებულ თანამშრომლობასა და სამომავლო გეგმებს.განხილვის თემა იყო საქართველოს მიმდინარე ეკონომიკური მდგომარეობა და ამ მიმართულებით მიღწეული პროგრესი, როგორც მაღალი ეკონომიკური ზრდის, ისე სტაბილური მაკროეკონომიკური და ფისკალური პარამეტრების კუთხით.საუბარი, ასევე, შეეხო მიმდინარე გეოპოლიტიკური გამოწვევების ფონს, მათ შორის, ახლო აღმოსავლეთის კრიზისის გათვალისწინებით ფონდის მიერ შემუშავებულ სცენარებს, გლობალური და რეგიონული ეკონომიკის განვითარების ტენდენციებთან მიმართებით.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, საქართველოს ელჩი ამერიკის შეერთებულ შტატებში თამარ ტალიაშვილი, ფინანსთა სამინისტროს სახელმწიფო ვალის მართვის დეპარტამენტის ხელმძღვანელი ირაკლი კაჭარავა, ეროვნული ბანკის ვიცე-პრეზიდენტები, ეკატერინე მიქაბაძე, ეკატერინე გალდავა, ნინო ჯელაძე, სებ-ის მაკროეკონომიკისა და სტატისტიკის დეპარტამენტის ხელმძღვანელი თამთა სოფრომაძე.

სპორტი • 1776147280

ბათუმის საფეხბურთო სტადიონის სახელწოდების ხელახალი შერჩევის, რეკლამის და სხვა სახის უფლებებით სარგებლობის თაობაზე, ელექტრონული აუქციონი მიმდინარეობს

ბათუმის საფეხბურთო სტადიონის სახელწოდების ხელახალი შერჩევის, რეკლამის და სხვა სახის უფლებებით სარგებლობის თაობაზე, ელექტრონული აუქციონი მიმდინარეობს.შპს ,,აჭარის პროექტების მართვის კომპანიის“ სახელმწიფო შესყიდვის პრეტენდენტებმა წინადადებები მიმდინარე წლის 16 აპრილის ჩათვლით უნდა წარადგინონ.სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ მიერ განსაზღვრული, აუქციონის წლიური საწყისი ღირებულება 1 750 000 ლარს შეადგენს. სარგებლობაში გადაცემა ხელშეკრულების გაფორმებიდან 5 წლის ვადით განხორციელდება.დღემდე, ბათუმის საფეხბურთო სტადიონმა (რომელსაც UEFA-ს უმაღლესი, IV კატეგორიის კლასიფიკაცია აქვს მინიჭებული) საერთაშორისო მასშტაბის არაერთ ღონისძიებას უმასპინძლა: • UEFA-ს 21 წლამდელთა 5 მატჩი;• მსოფლიოს რაგბის კავშირისა და საქართველოს რაგბის კავშირის მიერ ჩატარებული არაერთი საერთაშორისო თუ ეროვნული მატჩი.2 ივნისს, სტადიონი, საქართველოს ეროვნული ოლიმპიური კომიტეტის ინიციატივითა და საქართველოს მთავრობის მხარდაჭერით, უპრეცედენტო ოლიმპიური ფესტივალის გახსნის ღონისძიებას უმასპინძლებს. სამომავლოდ, ასევე, არაერთი პრესტიჟული მუსიკალური ღონისძიება იგეგმება.2021 წლის 23 ივლისს, ელექტრონული აუქციონით შერჩეულ კომპანიასთან გაფორმებული ხელშეკრულება, რომლის საფუძველზეც სტადიონის კომერციულ სახელწოდებად ,,აჭარაბეთ არენა“ განისაზღვრა, 2026 წლის ივლისის ბოლოს იწურება. ახალი აუქციონის გამოცხადების გადაწყვეტილება, აღნიშნული ვადების და პროცესის უწყვეტობის გათვალისწინებით იქნა მიღებული.წესები და პირობები, საკონტაქტო და სხვა დეტალური ინფორმაცია იხილეთ ბმულზე: https://eauction.ge/Home/EntityView/1251710