სწავლება გაგრძელდება ჩვეულებრივ რეჟიმში - თამარ გაბუნია

ჯანდაცვის მინისტრის, თამარ გაბუნიას განცხადებით, დღეის მდგომარეობით, სკოლებსა და ბაღებში სწავლა ჩვეულებრივ რეჟიმში გაგრძელდება.

მისი თქმით, სკოლები ჰიბრიდულ რეჟიმში რჩებიან, რადგან ისინი მსგავსი ტიპის სწავლებისთვის მზად არიან.

საკოორდინაციო საბჭოს სკოლების ონლაინ სწავლასთან დაკავშირებით დღეს უნდა ემსჯელა, თუმცა საბჭოს სკოლებისა და ბაღების შესახებ გადაწყვეტილება არ მიუღია.

ცნობისთვის, დღეს ქვეყანაში კორონავირუსის 24 201 ახალი შემთხვევა დაფიქსირდა. გარდაიცვალა 36 ადამიანი. დადებითობის დღიური მაჩვენებელი კი 28.41%-ია.