„გაზსადენზე მომხდარი ავარიის სირთულის გამო, გაზმომარაგების აღდგენა ვერ მოხერხდა“ - „თბილისი ენერჯი“ განცხადებას ავრცელებს

ზაჰესსა და დიღმის საცდელი მეურნეობის ტერიტორიაზე გაზმომარაგება 13 ნოემბერს აღდგება, - ამის შესახებ განცხადებას „თბილისი ენერჯი“ ავრცელებს.

„გაზსადენზე მომხდარი ავარიის სირთულის გამო, დღეს, 12 ნოემბერს, გაზმომარაგების აღდგენა ვერ მოხერხდა.

აღდგენითი სამუშაოები გაგრძელდება და გაზის მიწოდება ხვალ, 13 ნოემბერს, 12:00 საათიდან ეტაპობრივად აღდგება.

გაზმომარაგება შეზღუდული რჩება დაბა ზაჰესისა და დიღმის საცდელი მეურნეობის ტერიტორიაზე მდებარე საცხოვრებელი და კომერციული ობიექტების ნაწილს.

გთხოვთ, გამოიჩინოთ სიფრთხილე და გაზის ონკანები დაკეტილ მდგომარეობაში დატოვოთ.

თუ იგრძენით გაზის სუნი დარეკეთ მითითებულ ნომრებზე:
ცხელი ხაზი: +995 32 2404004,
სწრაფი რეაგირების სამსახური 114“, - ნათქვამია განცხადებაში.