„დეპრესია და შფოთვები-ბრძოლა და გამარჯვება“ - გიორგი კეკელიძე მოქალაქეებთან საჯარო შეხვედრას გამართავს

21 იანვარს მწერალი და ეროვნული ბიბლიოთეკის დირექტორი გიორგი კეკელიძე მოქალაქეებთან საჯარო შეხვედრას გამართავს.

ღონისძიების სახელწოდებაა „დეპრესია და შფოთვები-ბრძოლა და გამარჯვება“, ღონისძიების ორგანიზატორი კი „ლივინგ მუზეუმი თბილისი“.

დაგეგმილი შეხვედრის შესახებ სოციალურ ქსელში წერს ფსიქოლოგი ნათია ფანჯიკიძეც:

„შაბათს გიორგისთან შეხვედრაა, მას აქვს სურვილი, გაუზიაროს გამოცდილება და რაც მთავარია, სტიმული მისცეს ადამიანებს, ვინც დღეს მის მსგავს გზას გადის.

თავისი მონოლოგის შემდეგ კი სხვა შეკითხვებსაც უპასუხებს, მათ, ვისაც მოენატრა გიორგისთან ურთიერთობა. დასწრება თავისუფალია, ანუ უფასო“, – წერს ნათია ფანჯიკიძე.