ბათუმში, უკრაინელმა ოჯახმა ხილ-ბოსტნეულის მაღაზია გახსნა - „სხვაგან 2-3 ლარით ძვირი ღირს ყველაფერი“

ბათუმში, უკრაინელმა ოჯახმა ხილ-ბოსტნეულის მაღაზია გახსნა. ფოტოებს სოციალურ ქსელში ერთ-ერთი მომხმარებელი ავრცელებს და ხალხს მოუწოდებს, რომ პროდუქტები მათთან იყიდონ.

როგორც მოქალაქე ამბობს, ამ მაღაზიაში ყველაფერი 2-3 ლარით იაფია.

„ბათუმში, სელიმ ხიმშიაშვილის 63-ში (პუშკინის კვეთის სიახლოვეს) უკრაინელმა პაწია ოჯახმა ეს მაღაზია გახსნა.

სანამ აღმოვაჩენდი, სხვა მაღაზიაში ვიყავი და 2-3 ლარით ძვირი ღირდა იქ ყველაფერი.

ხარკოვში ვცხოვრობდით, იქაც გვქონდა პატარა ხილ-ბოსტნეულის მაღაზიაო. ვინც ამ უბანში ცხოვრობთ და ყიდულობთ რაღაცებს, ეგებ გაითვალისწინოთ მათი არსებობა და მხარი დაუჭიროთ“,- წერს მარიამ მუთიძე.