Adidas-მა რუსეთში მაღაზიები დახურა

Adidas-მა განაცხადა, რომ რუსეთის ტერიტორიაზე თავის მაღაზიებში გაყიდვებს აჩერებს. გარდა ამისა, აღარ იმუშავებს ცნობილი ბრენდის ოფიციალური რუსული ონლაინ-მაღაზია.

ამასთან, კომპანია რუსეთში თავის თანამშრომლებითვის ხელფასის გადახდას გააგრძელებს. მანამდე Adidas-მა განაცხადა, რომ რუსეთის საფეხბურთო ნაკრებთან და ფეხბურთის კავშირთან თანამშრომლობას შეწყვეტს.

უკრაინაში ომის გამო, რუსეთში გაყიდვები უკვე შეაჩერეს ისეთმა ცნობილმა ბრენდებმა, როგორებიცაა Nike, Puma, H&M-ი, Sephora, IKEA, Hermes-ი და Fazer-ი.