ცნობილი ხდება, რატომ გაათავისუფლა უკრაინის სასამართლომ ქართველი ე.წ. ,,კანონიერი ქურდი“

კიევის პეჩერსკის რაიონულმა სასამართლომ დააკმაყოფილა ბრალდების მხარის მოთხოვნა და ქართველ ე.წ. ,,კანონიერ ქურდს" ლაშა ჯაჭვლიანს აღკვეთი ღონისძიების ზომა შეუმსუბუქა.

სასამართლოს გადაწყვეტილებით, ჯაჭვლიანი პირობით გაათავისუფლეს, 2023 წლის 13 იანვრამდე მას დადგენილი გრაფიკით შესაბამის დაწესებულებაში მისვლა და ხელმოწერის დადასტურება დაევალა.

მანამდე იმავე მოსამართლის გადაწყვეტილებით, ე.წ. ,,კანონიერი ქურდი“ ციხიდან გაათავისუფლეს და შინაპატიმრობაში გადაიყვანეს. შინაპატიმრობისთვის დაწესებული 6-თვიანი ვადის გასვლის შემდეგ კი ის პირობით გაათავისუფლეს.