თხილეულის რეგულარული მოხმარება დაკავშირებულია ჰიპერტენზიის რისკის შემცირებასთან - კვლევა

ახალი კვლევის მიხედვით, თხილეულის რეგულარული მოხმარება ჰიპერტენზიის განვითარების უფრო დაბალ რისკთან არის დაკავშირებული. ამის შესახებ ახალ კვლევაშია ნათქვამი. 

მკვლევრებმა რვა პერსპექტიული კვლევის მონაცემები გააერთიანეს, რომლებიც ჯამში 143 380 ადამიანს მოიცავდა, მათ შორის ჰიპერტენზიის 20 665 შემთხვევას.

აღმოჩნდა, რომ თხილეულის ყველაზე დიდი რაოდენობით მომხმარებლებს ჰიპერტენზიის განვითარების 16%-ით დაბალი რისკი ჰქონდათ მათთან შედარებით, ვინც ყველაზე ნაკლებ თხილეულს მიირთმევდა.

განსაკუთრებით საინტერესო აღმოჩნდა რაოდენობა - დღეში დაახლოებით 30–35 გრამი, ანუ ერთი პატარა მუჭა თხილეული, ჰიპერტენზიის 26%-ით დაბალ რისკთან იყო დაკავშირებული მათთან შედარებით, ვინც საერთოდ არ მიირთმევდა თხილეულს.

მკვლევრების განმარტებით, თხილეული შეიცავს კალიუმს, ბოჭკოს, უჯერ ცხიმოვან მჟავებსა და სხვა ნივთიერებებს, რომლებიც შესაძლოა გულ-სისხლძარღვთა ჯანმრთელობას ხელს უწყობდეს. თუმცა მნიშვნელოვანია, რომ კვლევა დაკვირვებით კვლევებზე დაფუძნებული მეტაანალიზია, ამიტომ შედეგები მიზეზშედეგობრივ კავშირს საბოლოოდ ვერ ამტკიცებს.