პრემიერი: მივიღეთ გადამჭრელი ზომები, როგორც ნარკოტიკების, ორგანიზებული დანაშაულის, მიგრაციის შემთხვევაში, ისე მართვის სისტემის მოწესრიგებისა და კორუფციასთან ბრძოლის მიმართულებებით, ამ ყველაფერში განუზომელი როლი აქვს ლევან ჟორჟოლიანს

ჩვენ, როგორც ნარკოტიკების, ორგანიზებული დანაშაულის, მიგრაციის შემთხვევაში მივიღეთ გადამჭრელი ზომები, ასევე გადამჭრელი ზომები მივიღეთ მართვის სისტემის მოწესრიგებისა და კორუფციასთან ბრძოლის მიმართულებებით, - განაცხადა საქართველოს პრემიერ-მინისტრმა ირაკლი კობახიძემ პარლამენტში, ინტერპელაციის წესით გამოსვლისას.

პრემიერ-მინისტრმა, ამ კუთხით, ხაზი გაუსვა მთავრობის ადმინისტრაციის უფროსის, ლევან ჟორჟოლიანის უმნიშვნელოვანეს როლს.

„ამ ყველაფერში, განუზომელი როლი აქვს ლევან ჟორჟოლიანს, როგორც მთავრობის ადმინისტრაციის ხელმძღვანელს და მას მინდა, ამისათვის განსაკუთრებული მადლობა გადავუხადო“, - განაცხადა მთავრობის მეთაურმა.