ოპოზიცია აანონსებს ისეთ ქმედებებს, რომლებიც კონსტიტუციას სცდება -  დავით მათიკაშვილი

საპარლამენტო უმრავლესობის წევრის, დავით მათიკაშვილის განცხადებით, ოპოზიცია ქვეყანაში დეპოლარიზაციის ნაცვლად, ვითარების კიდევ უფრო დაძაბვას ცდილობს.

„ოპოზიცია, ნაცვლად დეპოლარიზაციისა და იმისა, რომ, ევროპისკენ მიმავალ ამ მნიშვნელოვან გზაზე მაქსიმუმი გააკეთოს, ჩაერთოს დიალოგში, რომელსაც ხელისუფლება სთავაზობს, ათასგვარ ისეთ ქმედებას იუწყება და აანონსებს, რომელიც კონსტიტუციასაც სცდება, კანონმდებლობას არ შეესაბამება. ეს იმ ყველაფრის კონტრპროდუქტიულია, რასაც ევროკავშირის გზაზე ჩვენი ქვეყნის სიარული ჰქვია“, - აცხადებს დავით მათიკაშვილი.